فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم March 29, 2009, 03:17 PM
 
Cry الزفه ..محزنه ..(ابد ما كنت اظن ...~

بسم الله الرحمن الرحيم

كيفكم

شباب /صبايا

ان شاء الله تمام

واذا كنتم تمام

انا راح اخليكم مو تمام

ههههههه

هذي القصيده مره محزنه

بس لا تروحون اقرؤالقصيده اول

وهذي القصيده لشاعر

المتالق

الشيخ حمدان (فزاع)






أبد ماكنت اظن في يوم شعري في عيوني يشين
ولا كنت انتظر لو لحظه فيها تخونني الابيات



تبيني عقب ما صغت الحروف بحبي لك كل حين
اصيغ ف عرسك لغيري قصايد ياللغلا وزفات



أبعرف انتي وش قصدك؟ دخيلك انتي وش تبغين؟
أبعرف بين ه الشعراء ليه يعني أنا بالذات؟



لاجل تجدد جروحي ؟ لاجل ارجع وراء ل سنين ؟
ابي اطمن قليبك ترا جرحك ابد ما مات



غرامك اه منه ماتركني بسبته تطغين
كانه حالف يسهرني وهو في جروحي يبات



تبين الصدق؟ انتي من كثر مافي خيالي تجين
أحس بكل ماحولي يرجع كل ماهو فات



اذا انه حد نادني كأنك أنتي تنادين
واذا انه احد زعلني طرت ف أيامك الزلات



واذا هل القمر شفتك وكانك في ليلك تهلين
يذكرني سكونه يوم الومك والردود سكات




صراحه كل شي خلاك ويا طيفك تمرين
قصايد.. أمكنة.. نكته.. مسلسل.. اغنيه ..شلاٌت



انا وش بيدي غير اني اقول بقلبي الله يعين
قسم بالله مو ناقصني الا تجيني في الصلوات



انا حاولت اسوي كل مايمكن لاجل ترضين
بغيت اتقرب لقلبك حبيبي مره ومرات



والمعروف ان الشخص لو سلم يمد يمين
وانا لو قلت اسلم باليسار بقلب العادات



اجي مني اجي مناك مادري اجي من وين
اذا انها بالخريطه اربعه وياك عشر جهات



دلع بكثر مادلٌع حسبتك بنت ست سنين
غزل من كثر ماتغزل مخلص معجم الكلمات



رومانسيه بها مذوب حجر وانتي ولا تذوبين
حتى قمت احس اني غلبته قيس انا فأوقات




مزعل ناس من عقبك ماهي وحده ولا ثنتين
انا يالي مزعلهن عشانك والله بالميات



انا ماقصد انقص في قدر الي له تميلين
لكن ودي اعرف وش من افعاله علي فات



وانا الي قلت من قدي طلعت بقصة المسكين
بكل الي يصير انا المعذب بأحسن الحالات



حسبت اقدر على موجك إذا أنك بالهوى تهيجين
ماعمر كل من غاص البحر يرجع معه دانات



تبيني بعدها اكتب قصيدة فيها تنزفين ..؟؟
تبيني بعدها اكتب قصيدة فيها تنزفين..؟؟

أقول الا تبيني بس اسطر في رثاي ابيات



ان شاء الله تكون اعجبتكم

انتظر ردودكم

مع تحياتي
هيبه ملك
__________________



هيبة ملك .... سـآبقاً..{}





رد مع اقتباس
  #2  
قديم March 31, 2009, 04:20 PM
 
رد: الزفه ..محزنه ..(ابد ما كنت اظن ...~

مرررررررره خيـــــــــال الله يعطيك العافيه
رد مع اقتباس
  #3  
قديم March 31, 2009, 04:25 PM
 
رد: الزفه ..محزنه ..(ابد ما كنت اظن ...~

تبيني بعدها اكتب قصيدة فيها تنزفين..؟؟

أقول الا تبيني بس اسطر في رثاي ابيات

نهاية جميلة جداً...
حزينة..وأكثر...
شكرا ع الأبيات
__________________
أزح الهم عنها يا الله~

لم يعد قلبي يحتمل ألماً

أقرؤه في عينيها~

كلما نظرت إليها
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع



الساعة الآن 10:47 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر