فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم April 7, 2009, 09:08 PM
 
Embarassed قصة بنت كانت تطالع واحد بعين قويه وحدثت مفاجاه ؟

قصة بنت كانت تطالع واحد بعين قويه المهم الرجال طلع شاعر وما قصر فيها كم بيت عشان تتأدب لكن المفاجأه هي
الكشناوي يوسف.. قصة بنت كانت تطالع واحد بعين قويه المهم الرجال طلع شاعر وما قصر فيها كم بيت عشان تتأدب لكن المفاجأه هي ؟؟؟؟

كل شبر بهالوسعيه ملك ربي تعلمين
وأعلم إن اللي خلقني هو خلق لك هالعيون
لكن انتي من جلستي وانتي فيني تحدقين
كن ما به ناس غيري بهالكراسي يجلسون
لو سمحتي عاد أسمعي وحتى لو ما تسمحين
المهم اللي بقوله تسمعينه و يسمعون
ع الأقل ليا نظرتك سوي روحك تستحين
غضي طرفك مثل غيرك خوف ربعي يلمحون
الركادة عاد زينة والحياء في البنت زين
وفيك جآزم لا ركادة ولا حياءٍ يذكرون
تعرفيني ؟! أعرفك ؟! ماأذكر إنا ملتقين
لا أعرفك من تكوني و لا تعرفي من أكون
وإطمأني إن كان قصدك بس فيني تشبهين
ما هو أنا إلي تعرفيه والبشر يتشابهون
ما دريتي من التشابه يخلق الله أربعين
وأعرف أربع يشبهنك بس والله يستحون
وإن كان قصدك شي ثاني عاد قولي وش تبين
خايف إنا نصير فرجة وإللي ماشتروا يتفرجون
وإذا ببالك عاجبتني لا يحوشك تحلمين
صح ربعي من جمالك فيك صار يمدحون
بس وش لي في حلاتك دام فيها ترخصين
حشمة البنت وحياها والكرامة يلفتون
ولو توفر فيك هذا مع حلاتك تبشرين
ما هو أنا ألف غيري باب بيتك يطرقون
وش علامك رغم كل اللي أقوله وتسكتين
مو طبيعي هالسكوت وهالبرود وهالسكون
إنتي خرسا أسألك ولا منتي تسمعين؟؟
قالوا ربعي ذي كفيفة قلت لا لا تمزحون
لين شفتك يوم رحتي يمسكونك باليدين
ما دريت إلا عيوني أربع أربع يذرفون
آه ياني منه مشهد يوم شفتك ترحلين
جيت اشوف عيون ربعي لقيت الكل يدمعون
قلت سنّة هالحياة وحن ترانا مؤمنين
الله اللي مسيّرنّا بين كاف وبين نون
وكل أبونا نختلف مع إننا من أصل طين
سبحان يلي مصورنا ولله في خلقه شؤون
يعني حنا كل أبونا عاد إسمنا بنادمين
وليا قضى ربك أمر وقال له كن فيكون
فينا يلي رازقه خير رب العالمين
وفينا يلي هو لعطفه بحاجة القلب الحنون
وفينا يلي ما شكى من علةٍ كالآخرين
صمٌ و بكمٌ و عميٌ فهم لا يفقهون
بس قليل عاد فينا للنعم هم شاكرين
والله يرزق هالخلايق من حيث هم لا يعلمون
وتدري عاد يالكفيفة حنا تراى متشابهين
وإن ماانعمت أبصارنا قلوبنا هم إللي يعتمون
يالكفيفة يالعفيفة إن قلت آسف تقبلين؟؟
يغفر الله ذنوب عبده ليا خطا وهل تغفرون؟؟؟
رد مع اقتباس
  #2  
قديم April 8, 2009, 08:41 PM
 
رد: قصة بنت كانت تطالع واحد بعين قويه وحدثت مفاجاه ؟



تسلم أديكى ويسلم قلمك ونبض قلبك
تقبلى مرورى وتقديرى
__________________
مع تحيات
الشاعرى
صلاح الطائر


salaheltair
هنا مدونتى

رد مع اقتباس
  #3  
قديم April 10, 2009, 12:21 AM
 
رد: قصة بنت كانت تطالع واحد بعين قويه وحدثت مفاجاه ؟

مع اني ما احب ذا القسم كثير
الا انه حلو تلقى ردود مشجعه
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
وسائل تعين على الحفظ سـمــوري كتب اسلاميه 19 May 20, 2009 10:45 PM
متى كانت الجنة والجحيم في مكان واحد tamahome بوح الاعضاء 0 December 14, 2008 09:25 PM
غواص مصرى وجد مفاجاه كبيره خش واعرف المغرم بالقانون قناة الاخبار اليومية 0 September 25, 2008 06:19 PM


الساعة الآن 12:40 PM


Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر