فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم March 30, 2009, 10:59 PM
 
بتبكى ليه يا ام الشهيد؟

هذه الخاطرة اهداء منى لكل ام مات ضناها شهيد فى غزة



وعذرا والله اهل غزة لم نملك غير الدعاء وكتابة مثل هذا






بعنوان







بتبكى ليه يا ام الشهيد؟





مع كل طلة شمس فى يوم جديد



بتسلم عليكى يا ام الشهيد



كل نقطة دم فى جسمى بتقولك



ابنك بطل



كل دمعة من السما بتقولك



ابنك عظيم



كل قطرة ندا بتسلم على ورق الشجر بتقولك



يا ام البطل الكريم



فى يوم جاب لى دبلتى وسط أهلى وقالى



حبى ومهجتى



يومها طرت من فرحتى



وخرجنا نجرى فى الشوارع زى عصافير المزارع



وفجأة الدنيا مطرت قلت




فرحت ليا ونقطت



أتاريها بتبكى عليه وبتعلمنى ازاى أقول



وداع يا حبى الوحيد



بعدها حبيبى مات وسط الابطال برصاص شريد



من يومها قعدت أبكى وأبكى لحد ملقيت



ملايين من الشهدا



غير حبيبى الوحيد



فى العراق وافغان والشيشان وفلسطين يعنى



ابنك مش وحيد يا ام الشهيد



بتبكى ليه يا ام الحبيب



بتبكى ع الفراق ولا العذاب ولا الدفاع المستميت ؟






بتبكى ليه يا ام الشهيد؟



ابنك فارق حضنك مش عرفة اقولك ايه دا حقك



ولا اقولك



احكى احكى يا ام الشهيد



قولى اوصاف حبيبى الوحيد



قالوا زمان اللى يموت لجل ارضة يبقى



شهيد



وقالوا كمان اللى يموت فدى الشرف يبقى



جرىء



وقالوا اللى يموت رافع الظلم عن اهله يبقى



عنيد




ايه كمان يا ام الشهيد؟



اطيب قلب فى الكون أرق احساس ممكن تلاقيه فى عيون



وساعة الشدة عنيه فيها صقور واقفة على صخور بتنادى وتقول



كفاية فجور



فجور الاعادى الكلاب اللى خربوا بلادنا وحولوها لقبور



ايديه فيها قوة شرف وامانة يهد بيها جبال الظلم والخيانة



بين عينيه طريق طويييييل صحرا فيه خيول وجبال ووحوش معاه تلين



وفجأة وهى بتحكى لقيت نفسى وسط الميدان والاف من الشهدا ودم



ع الارض يبان



حبيبى فيهم رحت له



قال عملة ايه ؟



قلت بتسال عليا



طلعت الميه عشان اسقيه قال



اسقيهم الاول وطلى عليا



سقيتهم ورجعت له لكن اتاخرت ولتانى مرة



بيموت حبيبى قدام عنيا



قعدت جنبه أبكى ودمه فى ايديا



وفجأة حسيت برصاصة فى قلبى وأمى جنبى



بتصرخ وتبكى وتقول بنتى



متبكيش يا امى خدى بالك من اخواتى



ومتخليهم يشوفوا دمى



علميهم زى معلمتينى ان دم الشهيد مسك



وعمر الشهيد فى الجنة مديد



لا تبكى ولا تحزنى ولا تقولى ان بعدى عنك كان بيدى



فين ابويا يا امى ؟فين ابويا نفسى احضنه واقوله انت ربيت ورده اول مانجرحت من الشوك ماتت واندفنت



علميهم الصبر يا امى



علميهم يبنواعلى قبرى صبارة يسيبوها ودم الشهدا هيرويها



سلمى لى عليهم يا امى



سلمى لى عليهم وقولى لهم كل نقطة دم من عمرى فداهم



وفجأة الدنيا مطرت غسلت دمانا وعطرت



دلوقتى بس عرفت بتبكى ليه يا ام الشهيد



خدى أمى وامشوا بعيد ابكوا علينا



بس بالله عليكوا من غير نحيب



ابكى يا امى وابكى يا ام الشهيد



ابكوا يمكن بكاكم يجرى الدم فى عروق العالم القعيد



ابكى يا امى وابكى يا ام الشهيد



ابكوا يمكن دموعكم تحرك قلوب من الجبابرة العبيد



ابكى يا امى وابكى يا ام الشهيد



ابكوا يمكن صوتكم الضعيف يسمع القريب والبعيد



ابكى يا امى وابكى اوى يا ام الشهيد








رحم الله كل شهداؤكى يا غزة واسكنهم فسيح جناته



لكم الله يا كل مستضعفين الارض



عليكم اللعنة يا كل جبابرة الارض






بقلمى



بنت مصريه
رد مع اقتباس
  #2  
قديم March 30, 2009, 11:04 PM
 
رد: بتبكى ليه يا ام الشهيد؟

وانتي بطله على هيك كلمات جميله ومليئه بالعاطفه والشهامه الجزله

سلامي
رد مع اقتباس
  #3  
قديم March 30, 2009, 11:17 PM
 
رد: بتبكى ليه يا ام الشهيد؟

شكرا ليك يا ابو محمد جزاك الله كل خير على هذا التعبير الرائع
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
المفكر الشهيد / سيد قطب الظاعن شخصيات عربية 3 June 10, 2009 02:32 PM
الي ابي الطبيب الشهيد في العراق ام شمس بوح الاعضاء 1 May 2, 2008 01:25 AM
الشهيد القائد يحي عياش (اميراكس) شخصيات عربية 5 April 20, 2008 05:17 AM


الساعة الآن 04:57 AM


Powered by vBulletin® Copyright ©2000 - 2020, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر