|
|||||||
| شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك |
 |
|
|
LinkBack | أدوات الموضوع | انواع عرض الموضوع |
|
#16
April 5, 2009, 10:53 AM
|
||
|
|
||
|
رد: **( ديوان الامير خالد الفيصل )**
 القسوه ليـــــــــــــه اذا حبيتك اكثر زدت قسوه وان دريت بحـــــــاجتي لك زدت جفوه وان عطيتـــــــــك من حياتي ما تريده ما كفاك وتحسب ان الحــــــــــب نزوه والله اني يـــــــــــــا احب الناس احبك والله ان الروح لــــــــــــــــو ترضيك فدوه والله انـــــــــــــــــي تارك غيرك وجيتك مزعل الزعلان والعـــــــــــــــــذال عنوه كل دقــــــــــــــة قلب فيني لك قصيده تكفي الدنيا مع الأحبــــــــــــاب غنوه وكل هاجس مــــــــــا يجيب الا خيالك سلوتـــــــي بالعمر في صحوه وغفوه أجمع احساسي وأشواقي واجي لك والبس ثيــــاب الهوى والعشق كسوه وانتقي لك مــــــن سواليفي حسنها والقصــــــــــــــــايد من غزلها كل حلوه وانثر الضحكات والعبرات عنـــــــــــــدك تاخذ اللي تلتقي لــــــــــك فيه سلوه واذكر الله كلما نــــــــــــــاظرت حسنك اشهد انك فـــــــــوق عرش الزين ذروه ما قصدت بكل هــــــــــــــــــــذا اتجمل أو اقــــــــــــول اني احق الناس حظوه ادري اني عـــــــــــــــادي ما في ميزه وادري اني كــــــــــــادح ما حاش ثروه وادري اني في خريـــــف العمر ماضي مـــــــــــا بقى بيني وبين القبر خطوه لكن انـــــــــــــــــــي صادق فيما أقوله واطلب مـــــــــن الله عن الزلات عفوه  تغيب تغيب إلا عن الخـــــــــافق حبيبي بعيد إلا من افكـــــــــــــــاري قريب اهوجس بك واسولف مع طيوفــك واروح لـــــــــــــك طواريقي واجيب على ليل الهوى رسمت وجهــــك وعطرت النســـــــــــايم منك طيب يحسبون المكان ابعـــــــدك عني يغيب العمر مـــــــــــــا عني تغيب أشوفك في ســــــواد الليل ومضه واشوفك في نــــــــــوايبها طبيبي ويجيني مع طلوع الشمس نـورك وصوتك فوق موجـــــــــات المغيب ولك بالقلب خفقه وانتفـــــــــاضه تـــــــــــــــــلوعني ولا ودي تطيب أحبــــــــــــك يا هتون من سحابه بعثت الحب في قلــــــــب خصيب  اجل بهواك اجـــــــــــــــــــــــــل بهواك ولولا الشوق مـــــــــــــا جيناك ولولا الحب يا المحبوب مــــــــــــا كان العمر جمعنا معاك شعور الحــــــــــــــــب والإحساس نعيم الله عطاه للناس لمحته فيك وعرفته وهمنــــــــا فيه أنــــــــــــــــــــــا وإياك رموش عيونك أهدوني حنان قلبي ما شافه من إنسان خذوني في لحضه من نــــــاري ورموني في نعيم دنياك حملني هواك على جناحه وصحى الشوق في صبـاحه عيونك علموني الحب وما لقيت هناي الا معـــــــــــــــاك  تعبت عيوني تعبت عيــــــــــــــــوني بس ادور واراعي وانشد عن الـــــــزينات واشتاق واشوف لاشك ماقد تاه فكري وضـــــــــــــــــــــاع الين شفتك واصبح القلوب مشعــــــوف اللي دعاني لــــــــــــك من الحب داعي داعي غرام للمحبين معـــــــــــــــــــروف ملكتني يابو عيون وســــــــــــــــــــــــاع أسير حبك بين ايـــــــــــــــــاديك مكتوف ليتك تخفف من عظيم التيــــــــــــــاعي لـــــــــو تبتسم لي شفتها منك معروف متى يصير بنور عيني اجتمــــــــــــاعي والقى التعب من سيد الأحباب مخلوف  توك تجي تــــــــــــــوك تجي وش عندنا لك ترتجي لانا أنـــــــــــــــــــــا ولا الزمان هو الزمـان ولا المكـــــــــــــــــــــــــــان هــو المـكـان ولا القلـوب ذيــــــــــــــــــــــــــك القـلـوب اللـي توقـد لــــــــــــــــــــــــــــك شـبـوب تقدرتعود ترجع تولـــــــــــــــــــع أو تـذوب تـــــوك تـــجـــي فـوق الغيـوم غــــــــــــــابـت نجـوم تركت علـى عمـــــــــــــري رسـوم تحـكـي لـطــــــــــــــــــلاب الـهـوى قــصـــة نـــــــــــــــــــــــــــــــــــــوى قـصـة كتبـنـاهـا ســــــــــــــــــــــوا انـت بجفـا وأنـــــــــــــــــــا بـعـذاب تـــــوك تـــجـــي تــــــــــــــــوك تجـي .. لا لا تـجـي خـــلـــك كــــــــــــــــــــــــــــــــــــذا خلك شـذا مـــــــــــــن غيـر زهـور موجـه علــــــــــــــى ظلمـة بحـور خلك على مر الزمن لحن وشجن عشتـه معــــــــــاك ساعـة هـواك أحسـن تـروح عنـي بعـيـــــــــــــد أخـاف تجيـنـي واجـــــــــــــــرحـك لا...لا تـــــجـــــي  ثلاث سنين ثلاث سنين ودموعي حيــــــارى متى ياناس في خدي تبــــــــارا سقى غيث الحيا قلب المولـــع سقى قلب بدنيا الحب حــــــارا أنا المشعوف في وصلي وصدي أحب الحب حلــــــــــــــو أو مرارا متى ترتاح يــــــا قلب المشقى تهنى بــــــــــــــــالليال وبالنهارا واشوف اللي نحبه في وطنـــــا حبيبي لي على شوفه حيــارا عليه القلب كنه فوق صــــــالي تطاير مع لهـــــــب جمره شرارا لحقته بـــــالفكر واشواق قلبي كما اللحاق مـــــــن فرخ الحرارا نزع من كف صقـــــــاره لمح له على مد النظر طيــــــــر الحبارا خفوقي خفقته خفقة جنــاحه تصفق في الهوا يمن ويســـارا  سافر سافر عسى ربي يحرســـــــك وياقاك هذا البخت عــــــــــزاه وش في يديني يا شين باكر يــــــــــــــــا حبيبي بلياك لى جا وعـــــــــدك اللي بوقته تجيني لى قمت أدوج في مـــــــداهيل ماطاك يا ما جرى بشهـــــــــــــار بينك وبيني هذا وهو توك تطرى بممـشـــــــــــــاك وش لون لى قفيت يــــــــــا نور عيني ياشيب عينك ياهوى البـال ما اشقاك كانك مثل مـــــــا أبيك يا أسمر تبيني  ما بي وعد مابي وعد باكر ولا توعد اليـــــــوم خلك بعيد وخل للحب قيمـــــــــــه ولا توقظ النايم تحرمه من النــــوم ولا تبعث جروح بقلبي قــــــــديمه ترى له سنين وهو عنك محشـوم وان عاودت بلواه صارت عظيمـــــه من عاد لامر خابره قبل مــــــذموم يستاهل الحسرات عقب الذميمه كانك بزينك يا اريش العين موهوم ترى لنــــــا زود على الصبر شيمه ما عاد انــا في لمعة الزين مغروم والرابح اللي حط عقلـــــه خصيمه  الساعه وخمسه وعشرين الساعة خمسة وعشرين لا تحســــــب الوقت بدري من لا يســــــــــابق زمانه يقعــــــــــــــد والايام تجري يا داله مـــــــــــــــــــا تنبه الساعه خمسة وعشرين في مـــاضي الوقت تجري واللي معـــــــه علم يدري تزاحمت بـــــي هواجيس ليــــت الهواجيس تسري نـــــــــادمت سود الليالي تبيعني هـــــــــم واشري واعــــــانق الطيف واحلم وانـــــــاغم اصوات شعري يـــــا حاجتي في حياتي يا رغبتي طــــــول عمري افدي عيونـــــــــك بروحي وان مت بــــــالحب بصري  ما عاد لي ما عاد لي بمطارد الصيد حــــــــــاجه إلا غزال صادني قبـــــــــــــــــل أصيده ريم لبس في عـــــــــــالم الزين تاجه عزاه داري عن ديــــــــــــــــــاره بعيده خشف طعن قلبي وعنده علاجـــــــه ماله سلاح غير عينـــــــــــــــه وجيده إلى اظلمت دنياي ولع سراجــــــــــه يمشي على دربـــــــــــــه فواد يريده يا عاذلين القلب هــــــــــذي سذاجه خلوني احبــــــــــــــــــه واحبه وازيده القلــــــــــــب قلبي والمخالج خلاجه وكثر الحكي يا اهل الحكي ما يفيده
__________________
 قطفوا الزهرة . ..قالت : من ورائي برعم سوف يثور. قطعوا البرعم قالت .. غيره ينبض في رحم الجذور قلعوا الجذر من التربه . قالت . إنني من أجل هذا اليوم خبأت البذور . كامن ثأري بأعماق الثرى ... وغداً سوف يرى كل الورى .. كيف تأتي صرخة الميلاد من صمت القبور . تبرد الشمس ولا تبرد ثارات الزهور !!!!  
|
|
#17
April 5, 2009, 10:56 AM
|
||
|
|
||
|
رد: **( ديوان الامير خالد الفيصل )**
 الهوى ليه سموه الهوى يــــا اهل الهوى أي معنى فيه مـــــــن كلمة هوى هو براد الصبـــــاح أو نسمة مسا أو هو العـــــــاصوف بالصيف التوى أو هو مـــــن الورد مرسول الشذا أو هو اللي لـــــــو لمس ورد ذوى أو هو اللي ناعم فوق الخـــــــدود أو هو اللي لو ضرب صخر استوى أو هو اللي رد تغريـــــــــــد الطيور أو هو اللجـــــــــلاج من ذيب عوى أو هو اللي يصعد بعـــالي السما أو هو اللي من سما العالم هوى أو هو اللي دل من قلبـــــه فطين أو هو اللي كل قلب بــــــــه غوى أو هو اللي مـــــــاله ألوان وشكل أو هو اللي مــــن جميع أمر حوى خبروني يــــــــــــــا خبيرين الهوى الهوى صــــــدق او كلام في الهوا  يا قديم الغوص يا قديم الغوص في بحـــــــــر الهوى وش لقيت بغبة البحــــــــــــر الغزير علم اللي جس شطــــــــه واهتوى مـــــــــــــا بعد جرب طويله والقصير قالوا انــــــــــــه من جميع أمر حوى فيه ســــــــــــــر وفيه شر وفيه خير واسمــــــع انه من ركب موجه دوى من فعل موجــــــــه غريقه يستجير واسمع انـــه من لمس شطه غوى مـــــــــــــــا يفـرق بين بحره والغدير واسمع إنــــــــه من على تركه نوى يجذبــــــــه سحره ويرجع له كسير لو تجرح فيه قلبـــــــــــــــــه واكتوى مــــــــــــــا يتوب ولا يريح ويستخير وش جمــــــع حلوه على مره سوا هي حلاة الحب في الكاس المرير رغبوني لين قلبي لــــــــــــه هوى وانذروني لين صـــــــــــدقت النظير خوفوني منــــــــــــه والقلب التوى راغب ومعيف والخــــــــــــايف يحير هــــــــو صحيح ان الهوى ما له دوا خبـــــــــر اللي جاك عاني يستثير  يااللي تعرفون يااللي تعـــــــرفون الهوى لا تلومون يلومني من لا درى وش حـــــــالي الحب يودع عــــــاقل الناس مجنون يودع كبيـــــــــــر السن مثل العيال واهــــــل الكرم والجود لاجله يذلون يشحذ عزيز النفس فيــــــه الوصال إن ساعد العشـــــاق حظ يسجون أسعــــــد ليالي العمر هاك الليالي وان عاكست سود الليالي يموتون الحب غربــــــــــــــال من اول وتالي  أغير الطاروق أغيــــــــــــر الطاروق والقاف وابدع واولع قلوب تحس بولعنــــــــــــــــا واسير في بستان الأشعار واقطع وردة قصيد مثلهـــــــــــــا ما زرعنا واحاكي الـــــوجدان والقلب وانزع من كل قلب ونـــــــــــة من وجعنا واجاذب الونات في كـــــــل مطلع لاهل الغرام اللي يونـــــــون معنا والاعب النغمات في كــــل مقطع يطرب لهــــــــا لبيب قلب سمعنا واغازل عيون بــــــالأشواق تدمع وابكي قلـــــــــــــوب تجزع جزعنا واشاهد عيـــون المحبين واجمع من كــــل عين دمعة والف معنى واصبها في بيت الاشعار واسمع صرخة فواد قــــــــال معك اندفعنا  إلى منه جفاك إلى منه جفاك اللي تـــــــوده ولا تدري وش اللي عنك صده تجرع مــــــــالح العبرات واصبر ترى كثـــــــر الشكاوي ما ترده والى من الليالي عودت بـــــه تغانم كــــــــــل فايت واسترده حذار تنشغل بعتـــــــــاب خلك ترى كثر العتب يمحي المــوده ليالي العمر لحظــــــات قصيره ومــــــــــــــاودعت منها لا تعده تنهض مثــــــل صقر مد شوفه غداة الصبح روحـــــه مستهده إذا حول على جـــــول الحباري تــــــــــولى خربها وان طار رده ترى الرجـــــــال يثبت للشدايد إذا ما هدهـــــــــــــــا والا تهده  ابتسم ابتسم بشفاه ودموعه تسيـــل في عيونه حزن وبثغره امــــــــل الدموع تجرح الخد الأسيـــــــــل والشفاه تورد الوجنه خجــــــــل ما يشيل الهم ذا الخصر النحيل ولا يجـــــــوز بحسنها غير الغزل غصن بــــــان للهوى دايم يميل كيف اذا هبت عــواصفها اعتدل ما خلق لمزايم الحمـــل الثقيل الظبي مــــا ينقل حمول الجمل  الحزن في صوتك الحزن في صوتـــــــــك ازعج ساكنـي لين صــــــــار الكون من حولي حزين غصب عني حزن صوتـــــــك هاجني لين خلى عــــــاصي المعنـى يليـن وامتثل حرف القصيــــــــــــد وعادنـي وانسكب شعـرك على حزني حنين شلت انا صوتك وحزنك شـــــــالنـي اكتم الصرخه وينســـــــــــاب الأنيـن شفت حزنك كيف حــــزنك شافنـي كيف داهــــم خلوتي فـي لحظتيـن طير انا مثلك زمانـي ضــــــــــامنـي جرحتني مثلك سيـوف السنيــــــن صابك اللي من زمــــــانـي صابنـي في معاليق الحشــــا جرحـه دفيـن كلّمـا ودعـت هـم زارنــــــــــــــــــي من عذاب الوجـد بيــــــــاح الكنيـن الفرح عقـب الصداقـه هـــــــــابنـي خافت البسمه على وجهي تبيـن طير ياللي صوت حزنــــــك صابني الله اللـي ينتصـر للصابـريــــــــــــن  لو نسيت لو نسيت العمر ما انسى دمعتـك صرخة ذابت مـــــــن عيونك دموع ترتعش مــــــــــرتاعة فـي وجنتـك وانتفض قلبي لهــــا بيـن الضلـوع أزعجت صمت الليالـي عبرتــــــك بالخفا ثوره وبالظاهـر خشـــــــوع تسكب الدمعه وتظمـى نظرتــــك مشهد النظرة وهي تظمى يـروع يا ضياع العمر ضيعـة بسمتـــــــك ضاع معها خافق مثلك جـــــــزوع ليت من يمتص جــــــارح لحظتـك والفرح يشعل ديــاجيـرك شمـوع  أنا غنيت أنــــــا غنيت من قلبي لقلبي أغني له على نغمـــــــة ونينه أغني لــه عسى من ون قلبه مثل قلبي جعل ربـــــي يعينه ألا يا ويل من مثــــــــلي تـولع ولا ادرك مــا تمنى من ضنينه صواديف الليـــــالي عرضت له وحـــــــالت بين محبوبه وبينه لقى كاس المحبة ماه صافي بغى يروي ظمــــــا روح حزينه فلكن المشقى يــــــوم شاله تكسر كــــاس حبه في يمينه وذا طبع الهوى بــــــاوله حالي ولكن تـــــالي المشروب طينه  الله عليها الله عليها عــــــودت وانا احسب الغالي نسى الله عليها لى بغت ما يطفي الشمس المسا هلت سحابة وصلهــــــــا على حياتي وازهرت واهتز قلبي من نبــــــــات الحب زهر واكتسى يا وصلها الغـــــــــــالي هلا حييت يا عز الطلب لا خيــــــــــر في قلب على مغليه بالدنيا قسا وش خانــة الحب البعيد إن كان عشاقه يموت يخيل بـــــــــــراقه وهو ماذاق طعمه واحتسى ياحلم الأيــــــــــام الشداد ياحلم الأيام الليان أبطيت أقول الله كــريم أبطيت والكلمة عسى من عقب وحشة ليلتي هلت تباشير الصباح عادت وليفة هاجسي عــــادت مزعلة النسا
__________________
قطفوا الزهرة . ..قالت : من ورائي برعم سوف يثور. قطعوا البرعم قالت .. غيره ينبض في رحم الجذور قلعوا الجذر من التربه . قالت . إنني من أجل هذا اليوم خبأت البذور . كامن ثأري بأعماق الثرى ... وغداً سوف يرى كل الورى .. كيف تأتي صرخة الميلاد من صمت القبور . تبرد الشمس ولا تبرد ثارات الزهور !!!!
|
|
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| من هو الامير عبدالله الفيصل رحمه الله | admin | شخصيات عربية | 9 | September 6, 2010 03:41 PM |
| خالد الفيصل ..شِعرا ً | لغة الإحساس | شعر و نثر | 2 | March 13, 2009 08:57 PM |
| ثورة الشك - الامير الراحل عبدالله الفيصل | المقدام | شعر و نثر | 0 | November 6, 2007 02:47 AM |
| وفاة الامير عبدالله الفيصل ( عميد الاسرة المالكة ) ... رسميا | TrNeDo | أرشيف الأخبار اليومية | 1 | May 9, 2007 09:37 AM |
العرض العادي
