فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #13  
قديم April 5, 2009, 10:15 AM
 
رد: **( ديوان الامير خالد الفيصل )**



من يقول الزين



من يقول الزين ما يكمل حلاه
كل شي في حبيبي اكتمل


الله اللي كمله والله عطاه
ما بقى للزين في خلي محل
العيون احلى من عيون المها
شافها قلبي وصفق واحتفل


نظرته من فتنته شعلة حياه
والجفون من الحيا فيها كسل


ساهم طرفه على الخد وسناه
كن لمعة وجنته ورد وطل
والشفايا كنها جمر الغضاه
تحرس الريق المحلى بالعسل


والشعر ليل نقل حمرة مساه
اجعد حول على صدره همل


مايج من فوق متنه ما طواه
لون شلال مع المغرب نزل
وانطلق جيده يماري في بهاه
فوق مياس تعزل واعتذل


بالرشاقه فيه من ظبي الفلاه
لى مشى كنه على الريح انتقل


ريحته من كل زهر منتقاه
والزيادة للخزامى والنفل
صافي مثل المطر فوق الصفاه
باسم مثل البشاير بالأمل


كايد ما هو يلين لمن بغاه
يرتفع عن كل سقطات الزلل










احلى عذاب


احلى عذاب اللي رضى له حبيبي
يجوز لي لى صار لعيون الأحباب
تستاهل عيون سهمها عطيب
لى سلهمت بالرمش والرمش جذاب


من شافها يشوف شي غريب
فيها حنان وظلم ودموع وحراب
فيها كلام وسر وامر عجيب
لى جيت اعاتبها تراجعت بعتاب


لى شفتها دنياي عني تغيب
يلفني موج الهوى بين الأهداب
إن كان ذبحي من عيونك نصيبي
أموت لعيونك ولا أحسب حساب











أشعل العينين


أشعل العينين وردي الشفاه
أرسل النظرات للقلب وخذاه


انتفض له خافقي بامر الهوى
وارتمى في كف من ربي عطاه


انتبه يا سيد القلب المليك
إكرمه لا تكسره دامك هواه


ودي إنك ما تشوف إلا أنا
وإنك اللي دايم عيني تراه


ودي انك كل ما اصوت أبيك
ما يجاوب غير صوتك من دعاه


ودي امشي بك على درب الهوى
لين أشوف الحي وش اخر مداه


يا هواي من الملا هيا معي
نكتب أجمل عشق في اجمل حياه


واترك اللي راح عمره ما درى
كيف ياصل قلب عاشق منتهاه













الله اكبر




الله اكبر كيف يجرحن العيون
كيف ما يبرى صويب العين ابد
احسب ان الرمش لى سلهم حنون
أثر رمش العين ما ياوي لاحد


يوم روح لي نظر عينه بهون
فز له قلبي وصفق وارتعد
لفني مثل السحايب والمزون
في عيوني رعد وبقلبي رعد


نقض جروحي وجدد بي طعون
قلت : يكفي قالت عيونه: بعد
وانعطف هاك الشعر فوق المتون
وانثنى عوده وقفى وابتعد


أشغلتني نظرة العين الفتون
حيرتني بالتوعد والوعد
هي تمون العين والا ما تمون
لى خذت قلبي وقفت يا سعد










تستاهل


تستاهل الحب نجديه
رفيعة الشان عجابه


العين يا عين بحريه
لقلوب الأحباب نهابه


والجيد يا جيد ريميه
تجفل من الزول لعابه


والريح يا ريح وسميه
نبت الخزامى تثنى به


صفيت مع صافي النيه
يوم الذي صابني صابه


ما عاد لي روحه أو جيه
وقف هوانا على بابه










لا تلتفت


لا تلتفت يم خلق الله
ما احد من الناس يشبه لك


الله عطاك الحلى كله
وتقاسموا باقية فضلك


إنت القمر بين الأهله
نورك وجذابك وشكلك


القلب برضاي محتله
لو تظلمه قلت من عدلك










لا والذي صورك


لا والذي صورك ما لاق للعين
غيرك ولا سوى بي احد سواتك
إنت الذي حطيت بالجوف رمحين
رمح العيون ورمح وردي شفاتك


وانت الذي زينت يا غاية الزين
حياتي اللي نورها من حياتك
أحب فيك الحب يا جامع اثنين
الزين وطبوع تكمل حلاتك
واحب فيك العطف واللطف واللين
واحب فيك رضاك عقب زعلاتك


واحب هاك الجيد بين الجديلين
واجب ما تخفيه طرقة غطاتك
يا جارح المجروح لا تودع البين
يقضي علي بغيبتك وسفراتك










يا شبيه صويحبي


يا شبيه صويحبي حسبي عليك
كل ما ناظرت عينك شفت ذاك


شفت لونه في خدودك والعيون
في سلامك في كلامك في حلاك


كل شي فيك يطرى به علي
يا حلو بسمة حبيبي في شفاك


ما هقيت ان القمر مثله قمر
لين شفتك يا شبيه احلى ملاك


ليتهم سموك باسمه واستريح
كل ما نابيتك اغلط في نباك










يغار سمعي



يغار سمعي ويشره كل وجداني
لى غاب صوتك نهار ما بلغ سمعي


يا اللي لقيت بنواعس عينك اوطاني
هي ديرتي هي ملاذ القلب هي ربعي


أملي النظرمن جمالك يوم تلقاني
واحبس خيالك بعيني حبسي لدمعي


لى شفتك اعيش انا في عيونك أزماني
واخذ من نجومها واشعل بها شمعي


من نورها سالت الفرحة بودياني
ومن سحرها قام يورق بالذهب زرعي


يا واحد الحسن مالك بالعرب ثاني
عطني شرابك وخذ قرطوع من نبعي


غريب الأطوار والغربات ميداني
في غربة العمر وافق طبعكم طبعي


أصبحت تغريبتي واصبحت عنواني
يا واحدي بالهوى يا اثنيني وجمعي











ارفعي سهم المنايا

إرفعي سهم المنايا يالعيون
مابقى فيني مكانٍ للطعون
كل شبرٍفي حياتي إنجرح
و الذي شقّوا خفوقي يشتكون


يا العيون الطاغيه خفّي علي
كبرت اللّي باوّل ايامي تهون
في عيوني دمعتين واقفه
ردّت الايام دمعي بالجفون


بالغَت فيني تباريح الهوَى
و أستبدّت بي مواجيع الظنون
خبّريني يا غرام العاشقين
كيف يستهوي هل العشق المُنُون


إرحمي قلبٍ تجاريبه قست
في زمانٍ ماعرف يومٍ حنون
اللسان يخون و البسمه كُذُوب
و اصدق التعبير نظرات العيون


__________________

قطفوا الزهرة
.
..قالت : من ورائي برعم سوف يثور.
قطعوا البرعم

قالت
..
غيره ينبض في رحم الجذور
قلعوا الجذر من التربه
.
قالت
.
إنني من أجل هذا اليوم خبأت البذور
.
كامن ثأري بأعماق الثرى
...
وغداً سوف يرى كل الورى
..
كيف تأتي صرخة الميلاد من صمت القبور
.
تبرد الشمس
ولا تبرد ثارات الزهور
!!!!




رد مع اقتباس
  #14  
قديم April 5, 2009, 10:21 AM
 
رد: **( ديوان الامير خالد الفيصل )**



استكثرك وقتي


استكثرك وقتي علي وغــــــــــــــدا بك
عادة زماني كلما طاب هــــــــــــــــون
ليت الذي وداك يا زين جابـــــــــــــــــك
تشوف عقبك كيف الأيام ســـــــــــون
شرق مشيت وغرب وقتى مشى بك
والقلب ماله لايم فيك لــــــــــــــــو ون
عقب الهنا بــــــــــك ذاق لوعة عذابك
تلونت دنيـــــــــــــــــــــــــــــاه ولا تلون
طويتني طي الورق في كتــــــــــــابك
حتى معاليق الحشا لك تطـــــــــــون
اشتقت لايام الهوى في جنابــــــــــك
يوم الشموع بليل الأحباب ضــــــــون
واشتقت اقول لهاتفك مرحبا بـــــــــك
واشتقت لغيوم الصحاري تكـــــــــــون
عود ترى داعي الهوى عند بـــــــــابك
وارو القلوب اللي بعد مــــــــــــــا ترون
غنيت لك عمري ولا جا جــــــــــــوابك
واسمي مع مجنون ليلى تــــــــــدون






ليتك معي

ليتك معي ساهر ليل الهوى كلــــــه
ماانوم أنا وانت لاجل الحب سهــران

ترى السهر مع حبيبك يبري العلــــه
لي صرت شفق وهو عليك شفقان

كلش طــــراته الى وافـق على حله
والا ترى كـــــــــل شي يالغضي فان

لا عاش خل تنكر في هوى خلــــــه
يوم حبيب ويوم يصير قومــــــــــاني

وش فيك دايم تعسر القلب وتتلـــه
اخاف يوم يجي ما عـــــــاد تلقاني







يا اللي حياتي


يا اللي حياتي كلهــا منك تجريح
ما مر يوم سالم مـــــــــــا جرحته
المشكل انـــك واجد اللوم وتصيح
وانت الـــــذي طفل المودة ذبحته
مـا انت بتعرف تريح النفس وتريح
كــــــــم منظر حلو بكفك مسحته
لوحت بي في ليل الأحزان تلويح
هـــــذا عطاك وربحي اللي ربحته
أبيــــــــك تبرا لي على هبة الريح
وتناصح القلب الذي بــــك نصحته
أثرك تدور عثرتي وين ابـــــا اطيح
وش ينفعك لى قيل خلك طرحته








يا حنان العمر

يا حنــــان العمر في عيونك حنان
والهوى جذابـــــــه الرمش الحنون

كيف أنا وياك من هــــــــاك الزمان
ما لنا غير التوجد بــــــــــــــالعيون

أدري ان الله بلانـــــــــــا با متحان
انت بالفتنة وانــــــــا بحب الفتون

أبشر اني دافــــــــــن سرك بامان
شوف عيني ما درت عنه الجفون

أنت مـــا ترضى على قلبي هوان
وانت مـــا نرضى على قلبك يهون

الزمــــــــان اللي غدر بي ثم خان
خـــان هو ولا انت حاشا ما تخون

لو صحيح ان الخطـــــا مرجوع كان
والله انك عــــــــارف وش بي يكون

كل ما قلت اعتــــــــدل وقتي وزان
وسطوا لي رمحهــــــا بين المتون

السعاده مالها عندي مكـــــــــــان
كل عمري في ظنون وفي شجون







يا سامرين الليل

يا سامرين الليل في بحــــر الأشواق
يـــــــــا ليتني معكم يلـــوح شراعي

بين القمــــر والموج لمعـــــــــة وبراق
والنسمـــة العـــــــــذبة للأحباب داع

القــــــــــــرب يـــالغالين للروح ترياق
والبعـــد ذبـــــــــــــاح القلوب الوجاع

لاواعنا اللي باطرف الليل مشتـــاق
خلوه ربعه مع سلام الــــــــــــــوداع

يسهر مع الذكرى على صفر الأوراق
في صفحة تشرب دمـــــــــوع اليراع

بين الرجا والياس وقف على ســاق
والدرب بقلـــــــــــوب المواليف ساع







يا ضايق الصدر


يا ضايق الصدر بالله وســــــــع الخاطر
دنياك يازين مــــــــــا تستاهل الضيقه

الله على ما يفرج كربتك قـــــــــــــــادر
والله له الحكم في دبـــــــــرة مخاليقه

حلو العيون استاهنت دمعهــــا الحادر
كف العباير حزين الدمـــــــــع ما طيقه

حسايف الحزن يغشى وجهك الطاهر
والــــــــــــورد في وجنتك حرام تغريقه

يفداك قلب على مـــا تشتهي حاضر
يفداك بــــاللي بقى لي من معاليقه

ما فـــــــــــــات خله ولا تهتم من باكر
واغنم من اليـــــوم ما ساقت توافيقه









يا عل قلب

يا عل قلب ما شكا الحب والتـــــــاع
تنهار من فوقه محـــــــــاني ضلوعه
يا ما نهيت القلب لا شـــــك ما طاع
ما طاع يدلـــــــــــــه والليالي تلوعه
أثـــــــــــــر المولع دمعته تجرح القاع
والى ذكر مـــــــــا فات هلت دموعه
يفز قلبي تالي الليل مرتــــــــــــــاع
أخاف تبعد عن ربــــــــــوعي ربوعه
الموت كان العــرف عقب البطا ضاع
والمنتحي يـــا سعود صعب رجوعه
في غير شوف العين ما نيب طماع
حقه علي أمشي بدرب المطوعه
أبـــــــو عيون رمشها سود ووساع
في ذبحها العشق فـــــتون وبتوعه









يا عيونه

يـــــــــا عيونه بس يكفيني عذاب
بـــــــــــــــالذي ودك تقولينه دريت

كل ما قلتيه عندي له جـــــــــواب
إقري عيوني مثل مــــــا ني قريت

يا ذهاب العمر عمري في ذهــاب
القوي الله فلكن مـــــــــــــــا قويت

ما بقى لي قلب من القلـب ذاب
بين حالي ولوني مــــــــــا حكيت

كل ما قلت انفتح لي فيه بـــــاب
دار حظي وانقلب عمــــــــا نويت

دوك شيبي لاح في حل الشباب
كــــــل وحظه وانا بحظي شقيت









يامسافر الجفا

يا مسافر للجفا و الـــــــوصـل يبكـي عليـك
وين عهدك بــــــــالوفا للخفـوق اللـي يبيـك
لي جناح ولك جنـــــــــاح ولانطيـر إلاّ سـوى
اسقني عذب القراح لي زمان اشرب هوى
ليت لـــــــي قلب خلي ماعرف فرقا الوليـف
لا عليه ولا علـي لا ربيـع ولا خــــــــــــــريـف
الهوى أمــــــــــره عجيب مـرّه يسابـق حـلاه
إن صفــــــــــــا ود الحبيب الزمـان ابعـد مـداه
ويل قلبي يـــــــــــــالغرام كل يوم لـي قصيـد
اشتكى مني الكلام اجرح حــــروفه و أعيـده







يبكي الصوت

يبكي الصوت و النظرات تشكي
و المعاني ولو صـــــاحت حبيسه
يصمت الليــــــل و التنهيد يحكي
و المعــــــاليق في قلبي يبيسه
يا حبيبه سألت الليل عنك
و كل نجم فقد مثلي أنيســـــــه
هل دمعي و قــــــــام الليل يبكي
و القمـــر نشّ من فرقى جليسه
ويل من شــــــــــالته موجة بحرك
لو لمستي البحر بــــأطراف يدك
من حلاك غـــــــدا طعمه مريسه
للهوى حس اذا لامس زهـــــــرك
ينعش القلب اذا جاني حسيسه




__________________

قطفوا الزهرة
.
..قالت : من ورائي برعم سوف يثور.
قطعوا البرعم

قالت
..
غيره ينبض في رحم الجذور
قلعوا الجذر من التربه
.
قالت
.
إنني من أجل هذا اليوم خبأت البذور
.
كامن ثأري بأعماق الثرى
...
وغداً سوف يرى كل الورى
..
كيف تأتي صرخة الميلاد من صمت القبور
.
تبرد الشمس
ولا تبرد ثارات الزهور
!!!!




رد مع اقتباس
  #15  
قديم April 5, 2009, 10:25 AM
 
رد: **( ديوان الامير خالد الفيصل )**



أجل لولاك


أجل لولاك والله مـــــــــــا بكينا
ولا هانت مـــــــــــدامعنا علينا

ولو تنسى هوانا يــــــا حبيبي
حشا الله حنا مـــــــــــا نسينا

أنــــــا باقي على عهد المحبة
وبابقى لك وفي مــــــــا حيينا

ولا بدك تبي تفهم وتــــــــدري
ولا تلقى في المحبة ما لقينا

ولكني أخــــــــاف من الليالي
تزل بنا وحنا مــــــــــــــــا درينا

ولا ينفع تندم عقب فــــــــايت
إلى شبنا وعفنا وانتهينــــــــا










أخلفتني

أخلفتني نظرة عيون الهنوفـــــــــــــه
خلفة الصقار لى شاف الحبــــــــاري

واقت النظره على قلبي تشوفــــــــه
واشعل بقلبي كما البراق ســــــاري

صد عني طاغي النظره مـــــــــــروفه
ظالم قلبي وهو بــــــــــــالظلم داري

يا حبيبي صدتك عني حسوفـــــــــه
إرسل سهوم الذوابح لا تـــــــــــداري

ارسل رماح الهوى وارســـــل سيوفه
يشتهيك القلب في كـــــــل الطواري

عيني لحسن الــــــذي غيرك عيوفه
في عيوني غيرك من الحسن عاري








أذكـريــنــي


كل ما عانق نظر عينِـك قمـــــــر
أو لثم خدك شعـاع مـن بعيـــــد

أو نسيم هفهف بشعـرِك سحـر
أو تغنى بالهوى صوت طـــــــروب

أو تبلـل كفـك بقطـــــــــــر المطـر
أو تبسـم بالسما نجـم جـنــــوب

وضحك ورد على عود خضــــــــر
أو نقل لك نفحة خزامى هبـوب

أو تهادى موج في شـط البحــــر
ينشد الراحه بعـد يـوم تعــــــوب

أو خيالٍ من قديم أمسك حضـر
يستفز القلب بالصـوت العتـــوب

أو تجاسر فكر فـي ليلـة حـــــذر
يسترد الحلم من درب الهـــروب

أذكريني واستعيدينـي شعـــــر
صادق المعنى ولو وقته كـــذوب










الهوى الغايب

إذا التقينا يــــــــــــــــــــــــــــــــــــــــــوم
ولاعـــــــــــــــــــــــــــــــــــــــــ ـــــ رفتيني
فلا عليك لــــــــــــــــــــــــــــــــــــــــــوم
شــــــــــــــــــــــــــــــــــاب الزمن فيني


انا الهوى الغايب

أنــــــــــــــــــــــــــــــــــــــــــا اللي كان
ذاك الزمان وقت ومكـــــــــــــــــــــــــان
أنا اللي كــــــــــــــــــــــــــــــــــــــــــان
في نظرة عيونك حنـــــــــــــــــــــــــان
ومضه في عتمات المســــــــــــــــــــا
فرحــــــــــــــــــــــــة فؤادي اللي نسا
بسمة صباحــــــــــــــــــــــــــــــــــــــك
ودمعـــــــــــــــــــــــــــــــــــــــة جراحك
خاطر عبر مــــــــــــــــــــرة في حياتك



انا الهوى الغايب



في ليلة عشتهـــــــــــــــــــــا عمري
لموعد انتهى بــــــــــــــــــــــــــــدري


رسمت احــــــــــــــــــــــــــــــــــــلام
وعشت ايـــــــــــــــــــــــــــــــــــــــام
وغنيت الهوى انغـــــــــــــــــــــــــــام


وكنت الهــــــــــــــــــــــــــوى للقلـب
وكنت الوطن للحــــــــــــــــــــــــــــب
ولو غيرت وجهي مسافات السنين
ماتختفي في العين نظرات الحنين




انا الهوى الغايب



ياللي تـــــــــــــــــــــــــــــــــركتيني
وخاواني الغيــــــــــــــــــــــــــــــــاب
رحتــــــــــــــــــــــــــــي ونسيتيني
وتذكرني العـــــــــــــــــــــــــــــــذاب


سارت بي الايام في غربة حيــــاه
لاطريق امشيه أو اعرف مـــــــــداه
زحمة وجوه وعــــــــــــــــــــــــابرين
لاروح فيهــــــــــــــــــــــــــا او حنين
ولاشبه منك في عيون النــاظرين
جيتك على غفلة زمـــــــــــــــــــن
هيا قبل يصحى الزمـــــــــــــــــــن
انهي عذابات الشجــــــــــــــــــــن




انا الهوى الغايب









إن قلت وش لونك ؟

إن قلت : وش لونك ؟ فلانيب بالحيــــل
همي كبير وداخل القلب علــــــــــــــــه

عيا يــــــــــرد الصبح مسترسل اللــــيل
وعيا يقــــــــــــوم الحظ من طيحة لــــه

رجلي .. وغيري راكب صهوة الخيــــــل
أشقى وغيري يــــاخذ الكـــــــــــار كله

يا بنــــدر امزج فــــــــــــايح البن والهيل
وبهر بهــــا يـــــــــــــــــا بوك للكيف دله

أبـــــــــا اطرد هموم تلاطم كما السيل
كل ما بغى يدله فوادي تتلـــــــــــــــــه

عجزت متوني وارتدم فوقي الشيـــــل
والرجل جاها من حصا الدرب خلـــــــه

تمشي جروح الوقت في خافقي غيل
وتلمع سيوف الضيم في وجه سلـــــه

إن قمت طق الغار راسي من الميـــل
وان جيت أبا اقعد فوق جمر وملـــــــــه









أواه

أواه يـــــــــــــــــا قلب عليل تعلقت
في حب منهو بــــــالنواعس فتني

حــــــاولت عيني تمتنع ما تملكت
حبه ملك قــــــــلبي وفكري وظني

ليلة لقانا يا ضميري تلـــــــــــوعت
هاجت شجوني والعيـون أهملني

عز الله اني بـــــــــــالموده تحملت
محد فزعلي وخفف الحمــل عني

حبه ذبحني ليتني مــــــــا تولعت
منه العذاب و زايــــد الشوق مني

لا قلت أبسلى رغبتي ما تمكنت
انا الذي في حبه ابــــكي و اغني

لو إني مــــــن اول للغرابيل ثمنت
ما جيت حــــــــد حماه ولا طعني










تساوت عندي

تساوت عندي الدنيـــا تساوت
وهي يومـــك قريب لي تفاوت

حياتي عقب نــــورك مثل ليل
جميع نجومه من ادنى تهاوت

ألا يا ناصح بــــــــالطب روحي
تراها لـــــــــو لقت طب تداوت

ولكن من يعوضني بخــــــــــل
معاليق الضماير بــــــــه تلاوت

أنت وياه من عهد الطفولــــــه
مثل قلبين في صدر تخــــاوت

يجي عقبه فرح ولا حـــــــزاين
تساوت عندي الدنيا تســاوت







تضحك معي


تضحك معي تحسب حياتي تساهيل
ليته صحيح و خــــــــــاطرك مسفهلي

ما تدري اني شلت حمـــــــل الغرابيل
يا الله دخيلك قبــــــــــــــل وقته يحلي

للحزن تحت ضلوع صدري مداهيــــــل
وانا ابتسم لك كــــــــن عمري تسلى

ابيك تدله يـــــــــــــــــــا ظبي الغراميل
وابي هلالك كـــــــــــــــــــل يوم يهلي

يا الله عسى رمش العيون المظاليــل
ما ينهزع من دمــــــــــــــع عين تهلي







ياطارد


يـــــــا طارد اللي راح خله وملواه
ما يستقيم الظل لى اعوج عوده

ولا ينفـــــــع الندمان قوله حلولاه
جحر لـــــــــــدغ يمناك لا لا تعوده

مــــــد النظر في خلق ربي تمناه
الي انتقص مــــن حال حال يزوده

الله جعــــــــــل للمبتلي داه ودواه
وكل على عـــــــزمات قلبه حدوده






علامك


قالوا علامك قلت مـــــــابي خلاف
مابي بلا يــــــاكود فرقى المحبين

الحب لــــــــو يجحد عليله يشاف
يدري بــه اللي عارف لوعة البين

شي يشاف وشي بالجوف خاف
عشـــر تبين وخافي من تسعين
__________________

قطفوا الزهرة
.
..قالت : من ورائي برعم سوف يثور.
قطعوا البرعم

قالت
..
غيره ينبض في رحم الجذور
قلعوا الجذر من التربه
.
قالت
.
إنني من أجل هذا اليوم خبأت البذور
.
كامن ثأري بأعماق الثرى
...
وغداً سوف يرى كل الورى
..
كيف تأتي صرخة الميلاد من صمت القبور
.
تبرد الشمس
ولا تبرد ثارات الزهور
!!!!




رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
من هو الامير عبدالله الفيصل رحمه الله admin شخصيات عربية 9 September 6, 2010 03:41 PM
خالد الفيصل ..شِعرا ً لغة الإحساس شعر و نثر 2 March 13, 2009 08:57 PM
ثورة الشك - الامير الراحل عبدالله الفيصل المقدام شعر و نثر 0 November 6, 2007 02:47 AM
وفاة الامير عبدالله الفيصل ( عميد الاسرة المالكة ) ... رسميا TrNeDo أرشيف الأخبار اليومية 1 May 9, 2007 09:37 AM


الساعة الآن 07:52 AM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر