عضو جديد

بين الاقواس

عايش زمان عاصرت به كل الازمان
ماأعيل بس اكسر ثلاثين عايل

اكسب عدو واحرق به قلوب عدوان
أشعل فتيله بس اطفي فتايل

وان خفت ضعف..اخاف من ضعف الايمان
وان عفت حمل..أعاف حمل الجمايل

((تغرق شهيد أرحم من تموت عطشان
طيحة شموخ ولاوقوف متمايل))

ودك ليا جيت من جيت في كل ميدان
لو ماانت الاول بالصفوف الأوايل

((خلك ليا عودت خسران...خسران
ينقال عنك عامل لك عمايل))

لاصرت تحلم..احلم تكون سلطان
وان جيت تقنع...اقنع بحلم زايل))

الوقت غربه واخر الدرب عنوان
والعمر رحله والتجارب رحايل

((وانا كثر مالي من الناس خلان
اللي صفوا لي بالشدايد قلايل((

شايف حسد..؟قل شايف اشكال والوان
قابلت ظلم؟؟ الا لقيت الهوايل 

ان عشش بصدري من الغبن شيطان
وتسددن دوني جميع الوسايل

باألقى من عيال الحمايل كحيلان
اللي يكفي عن عيال الحمايل

((مرات ربك يرزقك خوة انسان
واحد...ويسوى في عيونك قبايل))..