قصيده لشاب خطب بنت عمه المليونير

§ àĺià § · #1 March 15, 2009, 02:29 PM

قصيدة لشاب فقير خطب بنت عمه المليونير

إليكم القصيدة:

سبحان من يرزق بتوع الملايين***
الرازق اللي ما يخيب الرجا به لي عم عنده معرضٍ للصوالين ***
أموت واعرف بس من وين جابه وإذا سألته قال بعت الدكاكين***
ما يدري إني ما هضمت الإجابة الشاهد إني رحت له قبل يومين***
في قصره العامر ودقيت بابه قال أرحب أرحب عدّد ورد البساتين***
يا مرحبا باللي لفا يا هلا به قلت البقا عدّ النفل والرياحين ***
يا شيخ شمل أهل الكرم والذرابه قال اسلم الله يحفظك لي من العين***
وآمر أوامر حضرتك مستجابة قلت الصراحة طالبٍ قرب غالين***
ودي تزوجني كريمتك يابه ثنّى وقال أهلين والله وسهلين***
والكون ترخص لجل عينك رقابه لكن ترا عندي شروط وقوانين***
قلت اشرط اشرط يا حبيب الغلابة قال أولاً مهر العروسة ثمانين***
غير الرسوم وغير حق العصابة والثانية عمك يبي منك سبعين***
رسم الأبوّة والنسب والقرابة وأم العروسة حقها منك ستين***
عشانها ست الحسن والمهابة وإخوانها كلن يبي منك خمسين***
عداً ونقداً تندرج في حسابه وخواتها الخمس عطهن من ثلاثين***
عشان تتوثق عروق النسابة وتجيب طقم عيار واحد وعشرين***
وخاتم من الماس المصفى ترابه وأكياس متروسة كعوب وفساتين***
ألوانها وأشكالها ما تشابه وموتر بسواقه وفيلا بدورين***
أثاثها من بطرته ينحكى به واحجز لنا قاعة بقصر السلاطين***
واحجز بها رقاصتين وربابه هذي الشروط اللي على بالي الحين***
وذكرني اللي ما حسبنا حسابه قلت اذكر الله يا عدو المساكين***
واستغفره لا يبتليك بعذابه الظاهر إنك منت عارف أنا مين ***
أنا لو أرقى فوق متن السحابه ما جبت حتى نص درزن مواعين***
واضحك بكيفك واعتبرها دعابة شروطكم هذي شروط المجانين***
شروطكم شغل ابتزاز ونهابه شروطكم تقصم ظهور البعارين***
شروطكم همّن وغم وكآبه شروطكم والله سيوف وسكاكين***
تذبح بنات المجتمع مع شبابه وين الرضا والعطف واليسر واللين***
اللي ذكرها الله بمحكم كتابه وين الصفات اللي أمرنا بها الدين **
وين اختفى نهج النبي والصحابة يا عم جعل اللي خلقنا من الطين**
يرد عقلك من خطاه لصوابه ويجعل نصيبي عند غيرك قل آمين**
ويحسن عزا الصابر ويجزل ثوابه قال أنت لو فكرت تفكير صاحين***
ما شفت في مجمل شروطي غرابه حنا بعصر العولمة والمزايين ***
ماهوب عصر الفلسفة والخطابة الناس تسعى للرتب والنياشين***
وأنت اهتمامك بالشعر والكتابة والشعر ما ينفعك لو هو دواوين***
ما دام جيبك مثل بيت الخرابة
يا بوك لا تسمع كلام المصاخين***
واسأل مجرب عاش في وسط غابه قلت الله أكبر يا محرر فلسطين ***
من يسمعك يحسبك ذيب الذيابه تراك شايب رأس مالك ريالين ***
والبنت ما تسوى جناح الذبابة<<< خربت الأخلاق
.قال انقلع مالت على وجهك الشين****
لا عاد أشوفك عندنا يالزلابه قلت ابشر أبشر لكن الباب من وين**
وأقفيت من عنده على صوت بابه

وسلامتكم

هدب عيني · #2 March 15, 2009, 05:53 PM

صح لسانك ام ولكن
سلم قلمك وابداعك يالغلا

الأمبرآطو · #3 March 15, 2009, 08:40 PM

كلك ذوق وصح السانك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصه المليونير الذي اصبح يكنس الحرم	عاصم2009	روايات و قصص منشورة ومنقولة	11	July 18, 2012 08:27 AM
قصه حقيقيه لشاب !!!!!!	شموع الايمان	روايات و قصص منشورة ومنقولة	9	December 10, 2010 05:11 PM
شاب فقير خطب بنت عمه المليونير	الدانات	شعر و نثر	2	August 2, 2009 01:55 AM
كيف تعرف انك مصاب الحب	الفراشه الصغيره	الاسرة والمجتمع	14	July 25, 2009 11:38 PM
قصيده لشاب ماتت امه وهو يقود السياره بتهور	๏̯͡๏ JUST ME	شعر و نثر	2	May 26, 2008 12:57 AM

قصيده لشاب خطب بنت عمه المليونير

شعر و نثر