March 14, 2009, 10:38 PM
|
|
|
|
اللهم إني مغلوب فانتصر
السلام عليكم ورحمة الله وبركاته
أنا شايفة إن مشكلتي أهون من غيري لكن عسى العاقبة الجنة لي سنتين متزوجة واليوم داخلة على السنة الثالثة كانت فترة خطوبتي سريعة وماكان بيني وبينه أي مشكله وفي ليلة الزواج إكتشفت إن زوجي مثل الخاتم في يد أخواته لدرجة إنهم خربوا الزفة علي وكانت وحدة من أخواته في الزفة تشمق فيني وعدت الليلة وكان زوجي على الصامت وفي اليوم الثاني راح زوجي لأهله ورجعلي وهو يعايرني بالمهر تخيلوا حتى المهر مستكثروا عليا وكنت ساكته وكل مانطلع نتمشى يدقوا أهله عليه ويخربون خرجتنا وكان ماهو ناوي يوديني في شهر العسل بحكم عمله وأنا تنازلا مني قلتله مومهم أهم شيء عملك وقلتله الأيام قدامنا نتمشى بعدين ويوم جات أخنه إلي تشمق فيني وهي تضحك ولكن صار شيء وكان زوجي يطالعني بنضرات وبعدين فهمت معنى النضرات في إنه متفق معاهم وجاتني أمه وسلمت على راسها ورحبت فيها ويوم جاهم حريم وعزموني على الغداء وأنا على نياتي المهم طلعت وكنت جايبة لأمه باقة ورد وإنصدمت بالي صار إتخيلوا والله فنجال القهوة ماإتقدملي ولمن قدموا الغداء قامت أخته وزعت صحون التقديم على كل الحريم وإتجاهلتني والله إنهم مايستحون وبعدين نزلت بيتي ولمن قلت لزوجي ماسوا شيء وقالي هم أحرار مايبونك وأنا جلست زعلانه وقالي والله راح أوديكي إندونيسيا لأنه كان واعدني بها من قبل وأنا قلتله أهم شيء شغلك والله رغم كذا ودعت أمه وأنا مسافرة وهي كانت بتنفجر من الزعل لأنه بيوديني وليتنا مارحنا كان زوجي على طول على الصامت  وكانوا كل شوي يدقون عليه ها متى بتجي وهو كل شوي يقلب علي ويزعلني وكانت سفرتنا كلها زعل وهواش وإتخيلوا إشترى هدايا لأهله وبالذات لأخته عشان يقهرني والله أنا كنت ناوية إني أطلب الطلاق لمن نرجع وسكت بعدين قلتله أبي أخذ حبوب منع الحمل لين مانحل مشاكلنا قام علي وقالي من إلي يحرشكي عليا وأنا والله مشاكلي معاه محد يدري عنها ولا كان في أحد يحرشكي والله مامر أسبوع إلا أنا حامل وحسيته قام يحن علي شوي وكان كل مايسوي شيء يقولي عشان مايحسون أهلي إني إتغيرت عليهم بعد الزواج وصارت كل سواليفي عند أهله وهم والله ولا يجيب عنهم سيرة ولاأحد يدري عن خرجاتهم وإحناما مانخرج مكان إلا يستأذن من أمه وأخوه ويوم كنا برا أنا وياه ورجعت البيت وإكتشفت إن أمه معاها نسخة من مفتاح البيت يعني تخش تفتش هي وبناتها ويم قلتله أنا مأبي أحد يدري عني ولا تقولهم فين رحنا ولا إش جبنا لكن لاحياة لمن تنادي صرنا كل مانروح مكان يكلمهم في الحمام ويوم كانوا عيال جارتنا إلي تحت عند الباب وقلتله أبي أديهم حلاوة وفك الباب وكان باب أهله فاتح قام سحبني وقالي يمكن تسوين شيء لأختي قلتله بابي وأنا حرة فيه والله قام خرجني ورحنا لجدته ووداني جدة وكان طول الطريق وهو يهاوش فيا عشان أخته إتخيلوا من مكة لجدة ومن جدة لمكة هواش وأنا في نفسي أحسب وأدعي عليه وعلى أهله ولمن وصلنا البيت رحت المجلس وقفلت على نفسي وجلست أقرا القران وأبكي وجاني أخر الليل يستسمح مني ومرت المشكله ومرة ضربني عشانها وهو كل يوم يتمادى إلين ماولدت وقام يلوي ذراعي بولدي وكانوا كل مايجوني حريم يخليني أعزم أمه وهي لمن يجونها حريم ماتعزمني ومرة جاتني أخته المتزوجة وكنت أهرج معاها وهي مطنشتني وهو ولا هامه ولمن جاتني في المستشفى طنشتها مثل ماطنشتني وجلس أخوها يقولي أنا شفتك طنشتي أختي ولمن قلتله عليها قال ماشفتها وصار يطردني ويرجعني ومرة طردني وأخذ ولدي مني وأنا والله ماقصرت معاه ملبية كل حقوقه من فراش ومأكل وملبس لكن أنا ماأقدر أصبر لمن أشوفه يفضلهم عليا ويصرف عليهم بشكل جنوني ويجبلهم إلي يبونه وأنا مايجبلي إلا بحساب ودايم يقولي أنا مديون وكان مايديني مصروف مع أنه كان يدي أهله بلا حساب والحين صار يديني 200 ريال وأنا عشان أكون منصفة له إنه والله حنون مرة ولمن يشوفني أبكي يجيني ولمن أمرض يوديني المستشفى ولمن دخل أهلي في الموضوع جلس يتبلى علي بأشياء ماسويتها وإني أنا مأذية أهله وإتخيلوا الصلاة نادر مايصليها ويحلف على المصحف كذب يعني إلي حاميني منه ربي وإستعانتي بالله والدعاء وهو من يوم تزوجنا وهو يهددني بالطلاق والزواج عليا وهو الحين مستغفلني ومثل عليا إنه يحبني لكن أنا أشوف الكره بين عيونه يعني جالسين مع بعض أنا وياه عشان ولدنا وأنا والله نفسي في أطفال لكن العيشة معاه مافيها أمان وأنا مستحيل أطلب الطلاق مهما صار كله عشان ولدي لكن الحمد لله على كل حال ربي إن شاء الله يعوضني في ولدي
التعديل الأخير تم بواسطة هوية غريب ; March 15, 2009 الساعة 08:31 AM
سبب آخر: تصحيح انشاء الله الى ان شاء الله
|
المواضيع المتشابهه
العرض العادي
