فيسبوك تويتر RSS


  #1  
قديم June 3, 2009, 09:54 AM
 
//أضحك معهم وقلبي حزين...وقلبي حزين//



.: التضحية :.
كانت في يوم من الأيام من أجمل الكلمات التي تمر علي
كنت أتمنى أعيش حلاوة التضحية
كنت أتمنى أشوف دمعة فرح من شخص أهديته حياتي
ضحيت عشانه
عشان أمسح دمعته
وأزرع بسمته
.: كبرت :.
صادقت ناس
وفارقت ناس
حبيت ناس
وضحيت عشان ناس
يا ما نثرت لأجلهم دمعي
وسهرت من خوفي عليهم ليلي
قفلت كتابي
وكسرت من التوتر قلمي
بانتظار رد أو جواب منهم

.: كبرت :.
والطفل البريء اللي بداخلي ما كبر
.: كبرت :.
وكبرت معي همومي
.: كبرت :.
وكبر معي حبي
حرصي
خوفي
اهتمامي
طيبتي

.: كبرت :.
وكبرت معي الجراح
وقلبي اللي ما استراح
كانت (التضحية) بالنسبة لي أصفى من سما زرقا
وأطهر من ماء نهر
كانت (التضحية) بالنسبة لي صفحة بيضا بحياة مولود
لا تلطخها ذنوب أو معاصي
كانت (التضحية) بالنسبة لي قناعة محد راح يهزها بيوم


.: كبرت :.
حققت أمنيتي
عشت تضحيات
ومع كل تضحية
دمعي طاح
دمعي طاح
دمعي طاح
هنا طعون
وهناك جراح
هنا نزف
وهناك قلب ما استراح
قعدت بغرفتي
رافعه يديني

أعد على أصابعي ...تضحياتي...
هنا ضحيت
وهذاك اليوم ضحيت
وقبل شهرين ضحيت
والشهر اللي قبله ضحيت
وقبل كم سنة ضحيت
وانتهت أصابعي وأنا ما خلصت عد
سندت راسي لسريري وأخذت مذكرتي وكملت تضحياتي


رفعت ايدي مره ثانية عشان أشوف كم شخص ضحى عشاني
أرفع الخنصر
وأقول: ااامممممم أحوال أتذكر من ضحى عشاني
من يوم احتجته لقيته بجمبي
وارجع أصبعي مكانه
لما أتذكر إن الشخص اللي ببالي ماذكرني إلا بوقت ضيقته
أرفع الخنصر مره ثانية
وعيوني كلها حيره
مثل طفل توه يتعلم الكلام
يحرك شفاته يمين ويسار من الحيرة
وارجع أصبعي مكانه للمره الثانية لما أتذكر أن الشخص اللي بالي ماهميته

مر ليلي وأنا ارفع اصبع وارده مكانه
مر ليلي وأنا أفكر وأفكر وأفكر
بس اكتشفت من بين كل الناس اللي ضحيت عشانهم
شخص واحد بس أستاهل تضحيتي
شخص واحد ضحى أكثر من مره عشاني

أرفع الخنصر وبعده البنصر والوسطى والسبابة والإبهام ومع كل أصبع أكرر نفس الاسم
أكرر نفس الشخص
أكرره بشوق
وابكيه بقهر
أسرح في حروف اسمه
وأتخيل في بالي رسمه

تغير معنى <>التضحية<> بالنسبة لي
سماها الصافية تلبدت بهمومي
ونهرها الطاهر تلوث بالغدر
صفحتها البيضا تلطخت بالنفاق
وبكل بساطه
.: ماتت القناعة :.

وكرهت مفهوم <>التضحية<>

طول عمري ماتمنيت شي
ويوم تمنيت...!!
ما تمنيت شخص أحبه ولا صديق أوده..!!
ههههه يا سخفي تمنيت أعيش حلاوة التضحية
بس للأسف عشت مرارتها
ضحيت بسعادتي لأجل أريح ناس
ضحيت بوقتي عشان أهون هموم ناس
ضحيت بدراستي
سرحت بعيد عن محاضراتي
عشان أفكر بحل لمشاكل ناس

.: فجأة :.
يوم ضاقت الدنيا فيني
واحتجت يد تمسح دمعي
احتجت قلب يفهمني
تلاشوا الناس من حولي
أناظر بملامحهم
أحاول أتعرف عليهم
بس بكل أسف مو هم
مو ملامحهم
مو نظراتهم وقت حاجتهم
مو لهقتهم اذا كلموني
عشان أساعدهم
أفهمهم
عرفت هدفهم
معدنهم
طبعهم
وصرت أضحك معهم وقلبي حزين
ابتسم لهم وأمسح دمعي بطرف كمي
ابعد عيني عن عيونهم
و أعض إصبعي بفمي

.: قمة البرود :.
إنهم بعد هذا كله ماحسوا فيا

.: مشكلتهم :.
؟؟

.: مشكلتي :.
إني واضحة لحد الغموض

ومازلت أضحك معهم وقلبي حزين
وقلبي حزين
وقلبي حزين




__________________
\
/
\
/
\
/
\
حللونا وبيحونا ياأعضاء المجلة
ودأإعأإ
رد مع اقتباس
  #2  
قديم June 3, 2009, 05:38 PM
 
رد: //أضحك معهم وقلبي حزين...وقلبي حزين//

مشكور وماقصرت الموضوع قمه في الروعه
وتروح لجده وترجع بسلامه
وبالتوفيق
^_^
رد مع اقتباس
  #3  
قديم June 3, 2009, 10:58 PM
 
رد: //أضحك معهم وقلبي حزين...وقلبي حزين//

يسلموا على هذا الموضوع الجميل والرائع
تقبلي مروري
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
تعلمني بسوالفهم وقلبي ما سلم منهم هدب الطائف المواضيع العامه 2 June 3, 2009 05:54 PM
•°•أنا ما ظنتي أفرح وقلبي مفارق الخلان•°• آحسآسي آلمآسي شعر و نثر 7 June 3, 2009 05:46 PM
رحلت صديقتي وقلبي يتمزق ودموعي لا تتوقف فنون الابداع افتح قلبك 14 April 23, 2009 08:08 PM
شعر حزين حنين الدموع شعر و نثر 2 April 11, 2009 05:15 PM


الساعة الآن 05:17 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر