&* لبعة المووت *& الفتى الحزين !!!

يخبط جدار الضلمة
يمسك فى ريش عصفور

حالف بلف الدنيا
ويلف الف بحور

يكسر ليالى الضلمة
شايل بريشه النور

***

و الصبح قبل ما يبتدى
تبدأ تموت

وقلبك المدبوح ف صدرك
نبضه السكوت

تلفع هموم دنيتك
وتغطس فبطن الحوت

زى ما امسك عدى
بكرة كمان حيفوت

وتشكى لمين ياجدع
غير مالك الملكوت

****

اللعبة لعبة موت
واللى يخاف مايجيش

نعشق لحد الموت
نحلم كمان ونعيش

والعتمة من حلمنا
تهرب ولا تعديش

وهمومنا من حزنها
ترحل كمان متجيش

****
عصفور وريشه حرير
واقوى من الانسان

عدى بحور وبحور
وانت كده غلبان

بتشكى لمين وحدتك
والغربة والحرمان

والدنيا من عتمتك
كتبت عليك الاحزان
****

كلام وابن حديت
والعهدة ع الراوى

حلمك ولو تسقيه
يطرح كده غناوى

هى كده بهمها
غاوية وانا شارى

ولا انكوى بظلمها
ولا اشتغل حاوى