بكى وابكاني

السلام عليكم ورحمة الله وبركاته
هذه أول مشاركة اتمنى أن تنال ولو على قليل من الأستحسان
اقدمها مصحوبة بباقة ورد لكل من يتفضل بالمرور
اخوكم
النضيييييييييييير


ادري ضروف الوقت صارت ضده
وادري لو طول الغيبات ما ينساني


الجادل اللي غاب ماهي صده
لاوالله إلا جاه شيٌ ثاني

من هرجة الحساد بيٍح سده
لاكانت الحساد ياخلاني


من طيبته يفداه ابوه وجده
وافداه انا دامه سكن وجداني


عمري فدا لو يطلبه ما ارده
ولاهي كثيره لو فدوه اخواني

سبحان من سواه محلى قده
انا اشهد انه عن سواه اعماني


لو جيت اوصف ما يوصف خده
والجيد ويش الجيد ياعرباني


ارخيت حبل الشوق ثمن شده
يا لعنبو حبل الغرام اعياني


عزالله اني ماقدرت اهده
وانقلت نتفارق بكا وابكاني