شافت الدبله في يدي وزعلت ....

الهلاليه · #1 November 27, 2008, 10:38 PM

السلام عليكم و رحمه الله و بركاته
صباح / مساء الشعر

قصيده حلووه نقلتها لعيوونكم

شافت الدبله فيدّي وازعلت ""والملامح في محيّاها غضوبه
وسكتت لحظه.. وجتني وسألت ""يا غلا..ليكون ملكه..او خطوبه

ما قدرت اتكلم وعيني اخجلت ""قمت اطالع خاتمي..وانظاري صوبه
حلّفتني حيل.. حيل اتوسلّت ""قلت آسف..وادري ما همّتها توبه

قلت كلمه..الدنيا فيها اتزلزلت ""قلت روحي ابروح غيرك امغصوبه
شفت دمعه اتحجرت ..بس انزلت ""من عيونٍ ناعسه كلها عذوبه

طالعتني وطالعت واتأملت ""كنّها تلعن زماني وكل عيوبه
وابصعوبه حروف من فاها اوصلت ""والسكون اصبح كما الريح وهبوبه

اكرهك قالتها ..بس مااتحملت ""والله مسكينه من قليبي وذنوبه
قالت الدنيا من افراحي خلت ""انحكم ابكي من ظروف امكتوبه

قمت انا اتبسم وضحكاتي علت ""وقلت اسف قصتي كلها اكذوبه
كنت اجرب دبله ..يدي ابها ابتلت ""واعلقت ما تطلع الا بكلْ صعوبه

و سلامتكم

ღ‏ ذابحهم ღ‏ · #2 November 28, 2008, 01:37 PM

حزيييييييييييييييييييييييييييييييييييييييينه مرررررررررررررررررررره ...
يسلموووووووو خيتوووووو بس لاتكثري من مواضيع الحزن ...
مشكوووووووووووووووووووووووووووره ..

الهلاليه · #3 November 28, 2008, 06:45 PM

ذابحهم
نورت صفحتي بطلتك
يسلموووو
تحياتي لك

شافت الدبله في يدي وزعلت ....

شعر و نثر