فيسبوك تويتر RSS


  #1  
قديم October 7, 2008, 08:10 PM
 
Confused ( شباب الزقرت & شباب الكول ) تعريفهم والفرق بينهم .. !

السلام عليكم ورحمة الله وبركاته


كيف الحال شخباركم شعلومكم وش مسوين ان شاءلله بخير وعافيه وصحه وسلامه^_^


بقول لكم شي << قول قسم

ترى وربي صار لي حول الاسبوع ابي اكتب موضوع هنا ويكون من جعبتي العزيزه

بس مافيه افكار ابد ابد .. لين ماطلعت بهالفكره اللي بكتبها لكم الحين وعلى الله انها تعجبكم

بس هاااه اللي مايعجبه الموضوع يكتب لي (( م.ع.س)) اختصار ((ماعندك سالفه)) ههههه

اكون شاكر للي يشوف ان ماعندي سالفه يحط لي هالاختصار عشان مايجرحني <<< اووما يحرجني هع


طيب ودي اقول لكم نكته بس اذا ماتضحك سلكوا لي عادي حطوا (( هههههههههه )) منتوا خسرانين شي


في محششه واقفه قدام المكيف تقول لاتنفخ علي لا اسطرك ادري ماتضحك بس يعني ارسم البسمه على محياكم <<دونت يكثر


شرايكم بالنكته

موضوعي اليوم يتحدث عن فئتان من فئه الشباب شتان بينهم << قسم بالله متعوب عالجمله ^_^

المجموعه الاولى (( الزقرت )) والمجموعه الثانيه (( الكول )) طبعاً الاسامي ابد ماهي غريبه عليكم

والكل سامع فيها واغلبنا نقولها مثلاً شفنا واحد كوول نقول له يالكوول << قول والله

ولو شفنا واحد زقرت نقول له يا زقرت << جد والله؟؟

بس على مين تطلق الزقرت وعلى مين تطلق الكول

وماهو الكول وماهو الزقرت

ومااهتمام هذا ومااهتمام الثاني سوف نتعرف على الاثنين بعد قليل << طيب والثلاثا متى نتعرف عليه



شباب الزقرت :-

تعريف الزقرت : انسان زهق وطقت تسبده من الحياة وعايش لاجل يعيد الماضي

مميزات الزقرت عن غيره:-

1- ثوبه وسيع اصفر كان بالماضي ابيض

2- ترسيمته بالشماغ ثابته ومن غير عقال حتى اخر لحظه

3- دائماً السبحه في يده حتى وهو نايم

4- نعال عنده من قبل 10 سنين

5- لايعترف بالسروال الطويل تحت الثوب سناوي وبس

6- وجود بقعه ادام باميه على حافة كم ثوبه لانها اكلته المفضله

7- شفايفه سودااااا من كثر التدخين

8- يستعمل كلمات قديمه رغم تطوره وعلمه بالكلمات الحديثه

9- يتطنز كثيراً من الكول واللي مو زقرت

10- يحش بالاوادم كثير كثير


طموحات الزقرت واحلامه واهم الاشياء في حياته :-

1- يشتري ددسن

2- يقدم اداء جيد في الكيف وخاصه اذا كان اغاني عراقيه (( الكيف= حفلة شياب ))

3- يشرب شاهي بعد كل وجبه

4- كل سبحاته سارقهم من شباب زقرتيه مثله

5- اربع وعشرين ساعه السجاره بفمه ويدخن




عرفنا الحين وشو يعني زقرت ^_^
واتوقع الكل انصدم لما عرف معنى كلمة الزقرت
بس نسيت اقول لكم احلى ميزه بالزقرت :-

انهم وقت المواقف الصعبه رجال يعني مايخلونك لحالك ينشد فيهم الظهر..((بس مو كلهم))






شباب الكول:-

تعريف الكول:انسان مايدري وين الله حاطه ويحب تقليد الغرب ويكره الماضي ويكره الزقرت


مميزات الكول:-

1- مايعترف بالثوب ابد ودايم بناطيل يلبس
2- لازم الشعر طويل ومسويه كدش ((كدش= كلمه كوليه معناها شوشه))
3- ماتفرق بين ايده ويد البنت كلهم حاطين اساور الوان وانواع
4- جزمه وحده عنده ولونها وردي ويلبسها على كل شي (( غيران من باربي ))هههههه
5- لازم ولابد منزل شويه من البنطلون
6- شفايفه دايم تلمع من الملمع واحيانا تشوفها ملونه من الروج
7- يستعمل بعض الكلمات الانجليزيه رغم تفهمه انه غبي مثل (( كيوت..نايس..سويت ))
8- يتطنز على الزقرت واللي مو كول واللي مو كول يستحقره
9- هياط على غير سنع
10- لازم حاط كم سلسال على رقبته


طموحات الكول واحلامه واهم اهتماماته:-

يشتري سياره جديده لان صديقه شاري سياره جديده
يرقص رقص غير طبيعي بحفلات الويك اند ولا رقاصه
بايسن في كل حين عشان يصير قوي (( ياقلبي ))
كل اساوره وسلاسله سارقهم من اخته
اربع وعشرين ساعه يفر ويرقم بنات خلق الله




سؤال يطرح نفسه وش يحسون فيه؟؟
الشي الثاني اهلهم عادي يكون ولدهم كذا بهالشكل ؟؟
مافيه فرق بينه وبين اخته ؟؟
ماعلينا من احد يالله لك الحمد والشكر
طيب يا اعضائنا الغالين شرايكم بالزقرت وشرايكم بالكول من احسن؟
ولا كلهم ماينفعون ^_^ انا احس كلهم ماينفعون هع ياحلو العادي
اللي لاهو كذا ولاهو كذا ..
بس من جد من جد يقهرون الكووول بزياده صحيح ان الزقرت بعد يقهرون بس مو مثل الكول
ياخي يمشي بسوق ولا بمكان عام وبنطلونه شوي ويطيح سلاااااامات
وش تبي بالحياة انت ولا اللي مطول شعره وحاط لي تاج اخته براسه والعلك بفمه
ويمشي لي حبه ونص ياشيخ فيك شي منت واثق برجولتك روح انتحر ازين لك
استغفرالله ..
ولا سالته وش تحس فيه ؟؟ يقول لك احس اني كول كول في خشمك أي كول يلعن ام شيطانك ^_^
الحين من الشباب الكل بيقول لا ماني كووول ولا زقررت حركاتكم يالشباب اعرفكم ^_*
<<<شعندك يالاخو هع
والحين البنات كلهم يقولون وععع مو حلوين الكول وا وا وا ... ولا جا وقت الجد وشفتوا واحد
مسوي هالحركات قلتوا واااااو يجنن كووووول كيوووت ... الخ سوالفكم يالبنات ^_*





م/ ن



أعزائي الموضوع عند قرائتي له حبيت أني أخذ أرآكم فيه لأنه يخص شريحه من الشباب

مستوووو
رد مع اقتباس
  #2  
قديم October 8, 2008, 01:03 AM
 
رد: ( شباب الزقرت & شباب الكول ) تعريفهم والفرق بينهم .. !


والله البلشة..طيب ما فيه نوع ثالث أبرك منهم...
مع إنك قلت شريحة من الشباب...إلا إني بخش عرض..
أتوقع إن الزقرت اهون بس يبغاله تعديلات شوي...
يعني يغسل ثوبه...هذا واحد..
ورقم اثنين يرمي السيجارة...
والباقي يهوون...
أما الكووول..
بتعب ع التعديل عليهم... خلهم على حالهم...وربي يعينهم..
سلمت ...مستووو ع الموضوع...الحلو
رد مع اقتباس
  #3  
قديم October 8, 2008, 02:17 PM
 
رد: ( شباب الزقرت & شباب الكول ) تعريفهم والفرق بينهم .. !

ياخووي..كلن حر بنفسه.._ههههه (اللي فهم الجملة يرفع اصبعه)
زقرت..ولأ كوول..(يااسلاام ..أعرفت كلمتين جديدة..
المهووهم..(الدين والأخلاق..)
والبااقي..مشهاا زي مااتمشي معك..(كيف أمشيها..اذا ماامشت معاكم.أنزل دف السياارة)
______________
أشكر لك ..أخوونا ..المبدع..مستووو..
هذاا الطرح ..الظريف ..والمميز..!!
__________________
وداامت بالأفراااح اياامكم..
رد مع اقتباس
إضافة رد

مواقع النشر (المفضلة)

الكلمات الدلالية (Tags)
الزقرت, الكول, بينهم, تعريفهم, شباب, والفرق

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
هاي شباب ramrom الترحيب بالاعضاء الجدد ومناسبات أصدقاء المجلة 4 July 7, 2009 06:02 AM
هاي شباب aoodee الترحيب بالاعضاء الجدد ومناسبات أصدقاء المجلة 2 July 23, 2008 11:30 AM
هاي شباب كبارالشخصيات الترحيب بالاعضاء الجدد ومناسبات أصدقاء المجلة 10 February 28, 2008 03:13 PM


الساعة الآن 08:58 AM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر