|
منتدى برنامج شاعر المليون و امير الشعراء قصائد صوتية , منتديات برنامج امير الشعراء و شاعر المليون , لعرض و تحميل جميع القصائد , فيديو , صور , اخبار والنقاش حول البرنامج |
|
LinkBack | أدوات الموضوع | انواع عرض الموضوع |
#1
|
||
|
||
قصيدة ياسر التويجري في برنامج شاعر المليون
الي تبثة قناة أبو ظبي. https://up.9q9q.net/up/index.php?f=wvuYxVA43 القصيدة بعنوان الكرامة الكرامة ولدت ساطي ومتغطرس وأحب الخصام ولا أعترف في إدارة طبع والا مدير أوجدت نفسي من اللاشي والانعدام نبذت فالمجتمع لاني صريح وفقير ماكان تفكيري الا كيف أخطف السنام والحمد لله خطفت اليوم كل البعير إن لم يكن مركزي بالصف الاول أمام ماعاد تفرق معي لو كنت قبل الاخير الله أكبر ولله البقاء والداوم وهو الاله الاحد وهو السميع البصير أخذت من مدرسة أحمد عليه السلام مالاخذيته من مخاوى وزير وامير وأخذت من تجربة عبدالعزيز الامام وش يصنع العلم لاخاواه سيف شطير واخذت من فلسفة هتلرعدم اللالتزام وكسبت نفسي وريحت القلق والضمير وابشرك حالتي دايم على مايرام من ركعتين الفجر الين بعد الاخير صحيح عندي تحفظ على بعض الانام مثل معمر وابو مازن وتوني بلير لكن انا مااحب اقلل الاحترام واذهب ضحية طموح الغرب وانا صغير قومية المسلمين اللي عليها الكلام راحت معا خالد وعمرو وعلي والزبير الله ولا ذل والتخوين والانهزام ياعابدين العروش الوضع جدا خطير يابو خلف كيف حالك عل حالك تمام انسى القصيدة وهات علوم اخوي الكبير شيخ عرفته وتقريبا لي اربع اعوام يومني اجيه لا جاير ولا مستجير يشوقني له نشوق الوسم عقب الحيام في صفرة جوها ماهو بفية هدير الشيخ ابو خالد محمد عداه الملام اللي يصير من الاصرارمالايصير حد الثماله اعزه لاعلي الحرام اني احبه وحبٍ لودرابه يطير يطير مثل الوحش لاضف ريشه وحام وحول على الذايره بالجو مثل المغير ان الملوك اذا اعطوك حب وغرام خلوك من سائر الخدام يعني خفير الا انت ياراعي التقدير والاهتمام ياللي رحمت الصغير وشلت هم الكسير اذا البلاط الامير والكنب والرخام له شاعر يدهله في صبح والا عصير فانادهلت الثرياوالقمر والغمام وحولت اداهم طرف مشلحك مالي خشير كفرت بالناقصه والغدر والانتقام وامنت باانك حزامي بالنهار العسير من لايقدر ثباتك مع عكاك الزحام ماهوب والله مقدر ويش معاني جرير يارا س عيطا يمسك البدء قبل الختام يالنادر اللي على صيد المكارم شهير يالمهدي المنتضر بالحاجتين الجسام المدة المسكته والاخذ بيد الضرير ياسيدي ودي افهق لك ضلوع العظام واعطيك شي بصدري وانت رجل خبير اناتراني اعاني نوب من انفصام يوثرعلى البرمجة في راسي المستدير واصير احس اني البارود والا الحسام في ساحة الشعر من تبوك لاقصى عسير ممايسبب لبعض اعدائي الاحتدام اللي يحسبون قرض الشعر مثل الشعير والشعر وان كانه المقصود بأول مقام فالله يرحم ابو الطيب ويرحم زهير روح التنافس وحب الشيخ والانضمام ماهي بتعني لدى الكثرة نهاية مصير والشاعر اللي معه عزوة خوال وعمام تفداه وايل وترقب مستعدة مطير والله فلا ينقهروالا يضيق ويضام لاجاء اللززوالملاقى والقبس والنذير وجمع الدراهم ماهي باكبر طموح الغلام اللي جمع من قلوب الناس شي كثير من حبني رغم تفويتي له الانخدام واللي كرهني فهذا شخص ملعون صير دام المعارك صغيره ماعلينا لزام ينوب عن سيفي البتار اصغرجفير قرات فيماقراته من بلوغ المرام اللي ترك شي لله عاضه الله بخير للعلم أنة بعد ما ألقاها أعلن الأنسحاب من المسابقة ولأسباب يعلمها المتابعين. تحياتي...
__________________
يابحر خلني اجلس على شواطيك المملوءه قهر خلني اواسيك بجيتي لكن مواساتي تكون باحزاني جروحي يابحر عييت تداوي.. وجيتك كلي امل تشفيها ادري يابحر ماملاك غير دمووع البشر وهاذي عيوني تذرف من دمعها تايهه وماغيرك يحتويها الله عليك يابحر غريب طبعك ------------------- للتواصل عبر الاميل او الماسنجر اسف على التاخر في الرد عليكم
|
#2
|
||
|
||
رد: قصيدة ياسر التويجري في برنامج شاعر المليون
يسلموووووووووووووو يعطيك الف الف عاااافيه على هاذي المشاركه والله كفيت ووفيت مشكووووووور تم التحميل بنجااااح
__________________
أنتي غشيمه جاهله ما تعرفين = لو تدرسين الحب ما تفهمينه ألى متى ونتي بلا شوف تمشين = عميا غبيه والهوا تجهلينه عقلك اخف من الهوا كان تنوين = انك بصدك ضامري تجرحينه مبغاك لو مهما تسوين = لو الجواهر والدلع تلبسينه doPoem(0) قائد قوات التماسيح للقضاء على السحالي |
#3
|
||
|
||
رد: قصيدة ياسر التويجري في برنامج شاعر المليون
الصراحه القصيده رائعه ولو انا البعض فهمها غلط , لمبالغة الشاعر بعض الشيء فيها ... ..ولكنه ابدع و الي انقالت فيه القصيده يستاهل المدح وزود
__________________
درب عنز بني حنظه قد وصلت ألا بذكر الله تطمئنُ القلوب تلقى الرزايا للرزايا ولايف-وتلقى الحر للحر مولاف لاتقلد الدلهاني لي ماوراهم زود_وترى الردي والداني في سعيهم منقود نعيب زماننا والعيب فينا -وما لزماننا عيب سوانا ونهجو ذا الزمان بغير ذنب-ولو نطق الزمان لنا هجانا خذ القناعه من دنياك وارضى بها-لو لم يكن لك الا راحت البدن فمااكثر الاصدقاء حين تعدهم-ولكنهم في النائبات قليلو إذا جرحت مساويهم فؤادي صبرت على الاساءة و انطويت وجئت إليهم طلق المحيا كأني لا سمعت و لا رأيت لا للديكتاتوريه , للعنصريه , للقبليه أشهد أن لا اله الا الله و أشهد أن محمداً رسوله الله
|
مواقع النشر (المفضلة) |
الكلمات الدلالية (Tags) |
المليون, التويجري, برنامج, icon, شاعر, قصيدة |
أدوات الموضوع | |
انواع عرض الموضوع | |
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
أستاذ .. هذا أبوي .. هذا أبوي ...!! أبـكـت الـكـثـيـر مـن الـنـاس ..............؟؟؟؟ | شرقاوي مميز | روايات و قصص منشورة ومنقولة | 17 | October 3, 2010 03:11 PM |