فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم September 29, 2008, 03:53 AM
 
Thumbs Up على الأقل ليا نظرتك سوي روحك تستحين ...

..*مساءكم نرجس..*

هالقصيدة وصلتني عالبريد

<<قصة بنت كانت تنآظر واحد بعين قويّه المهم الرجال طلع شاعر وما قصر فيها كم بيت عشان تتأدب لكن المفاجأه هي ؟؟ . ؟؟





كل شبر بهالوسعيه ملك ربي تعلمين




وأعلم إن اللي خلقني هو خلق لك هالعيون

لكن انتي من جلستي وانتي فيني تحدقين

كن ما به ناس غيري بهالكراسي يجلسون

لو سمحتي عاد أسمعي وحتى لو ما تسمحين

المهم اللي بقوله تسمعينه و يسمعون

ع الأقل ليا نظرتك سوي روحك تستحين

غضي طرفك مثل غيرك خوف ربعي يلمحون

الركادة عاد زينة والحياء في البنت زين

وفيك جآزم لا ركادة ولا حياءٍ يذكرون

تعرفيني ؟! أعرفك ؟! ماأذكر إنا ملتقين

لا أعرفك من تكوني و لا تعرفي من أكون

وإطمأني إن كان قصدك بس فيني تشبهين

ما هو أنا إلي تعرفيه والبشر يتشابهون

ما دريتي من التشابه يخلق الله أربعين

وأعرف أربع يشبهنك بس والله يستحون

وإن كان قصدك شي ثاني عاد قولي وش تبين

خايف إنا نصير فرجة وإللي ماشتروا يتفرجون

وإذا ببالك عاجبتني لا يحوشك تحلمين

صح ربعي من جمالك فيك صار يمدحون

بس وش لي في حلاتك دام فيها ترخصين

حشمة البنت وحياها والكرامة يلفتون

ولو توفر فيك هذا مع حلاتك تبشرين

ما هو أنا ألف غيري باب بيتك يطرقون

وش علامك رغم كل اللي أقوله وتسكتين

مو طبيعي هالسكوت وهالبرود وهالسكون

إنتي خرسا أسألك ولا منتي تسمعين ؟؟

قالوا ربعي ذي كفيفة قلت لا لا تمزحون

لين شفتك يوم رحتي يمسكونك باليدين

ما دريت إلا عيوني أربع أربع يذرفون

آه ياني منه مشهد يوم شفتك ترحلين

جيت اشوف عيون ربعي لقيت الكل يدمعون

قلت سنّة هالحياة وحن ترانا مؤمنين

الله اللي مسيّرنّا بين كاف وبين نون

وكل أبونا نختلف مع إننا من أصل طين

سبحان يلي مصورنا ولله في خلقه شؤون

يعني حنا كل أبونا عاد إسمنا بنادمين

وليا قضى ربك أمر وقال له كن فيكون

فينا يلي رازقه خير رب العالمين

وفينا يلي هو لعطفه بحاجة القلب الحنون

وفينا يلي ما شكى من علةٍ كالآخرين

صمٌ و بكمٌ و عميٌ فهم لا يفقهون

بس قليل عاد فينا للنعم هم شاكرين

والله يرزق هالخلايق من حيث هم لا يعلمون

وتدري عاد يالكفيفة حنا تراى متشابهين


وإن ماانعمت أبصارنا قلوبنا هم إللي يعتمون

يالكفيفة يالعفيفة إن قلت آسف تقبلين ؟؟

يغفر الله ذنوب عبده ليا خطا وهل تغفرون ؟؟ . ؟؟



اتمنى ترتقي لذائقتكم..

لكم احترامي:

مستووو
رد مع اقتباس
  #2  
قديم September 29, 2008, 11:39 AM
 
رد: على الأقل ليا نظرتك سوي روحك تستحين ...

اللهم لك الحمد على نعمك ... مشكور أستاذ / مستووو .. كلماااتهااا روعه و محزنه ..
--------
تقبل مروري
__________________




آلمَكَآنْ آلِلِي وَهَنْ سَقْفَه مِنْ الفَرْقَآ وُ شَآبْ
................... مِنْ بَعَدْ مَآ كَآنْ يِحْضُنَّآ مِثْل : طِفْلٍ غَيُوُرْ ~
رد مع اقتباس
  #3  
قديم September 29, 2008, 11:54 AM
 
رد: على الأقل ليا نظرتك سوي روحك تستحين ...

مشكور يامستوو على الموضوع ..وحمد لله
رد مع اقتباس
إضافة رد

مواقع النشر (المفضلة)

الكلمات الدلالية (Tags)
أيا, الأقل, تستحين, روحك, شوى, نظرتك

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
كيف تصبحين زوجة ناجحة ؟ ابو طيف ( جده ) الاسرة والمجتمع 6 November 10, 2011 12:30 PM
كيف تصبحين جميلة؟؟؟ لنساء فقط مها27 النصح و التوعيه 4 October 11, 2011 01:13 AM
قصة عطني روحك سيدي أو خذها روحك قصه سعوديه رومانسيه 100% تفضلو بالدخول sakura haruno روايات و قصص منشورة ومنقولة 1 March 7, 2011 11:10 PM


الساعة الآن 08:43 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر