|
روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا |
|
LinkBack | أدوات الموضوع | انواع عرض الموضوع |
#1
|
||
|
||
سعاد + فهد =قصه رومنسيه حزينه *
الشارع بمدينه من مدن السعودية ما طول عليكم المهم انهم مو يحبون بعض الا يموتون في بعض مثل الشمس والقمر طبعا اهلهم مايدرون انهم يموتون في بعض ولا كان فيها علوم المهم انهم عايشين حياة ولا في الاحلام وفي يوم من الايام جئ لأبو سعاد نقل مفاجئ الا منطقه بعيده عن منطقة فهد المهم ان البنت كانت في المدرسه تدرس وابوها يشيل العفش استعدادا لرحيل .وكالعادة جت سعاد من السكول <<< مسوي مطور) وراحت لابوها الي مهدود حيله وقالت ابوي علامكم على الاثاث بتغيرون ألوك حق البيت قال لها لا يمه حنى بننقل لديره ثانيه عنى 500 كيلو الا البنت ابتلشة شلون تعلم فهودي حقها ( اول الجوالات بس مع الكبار ) المهم هي ماعنده جوال مابه الا ابوها بس ابوها نشبه وشكاك المهم خطرت ببالها فكره تكتب لفهد رساله مع اخوها الصغير عشان يوصلها لفهد بعز القايله وكتبت فيها (( حبيبي فهد والله مو بودي ولا ادري الا الحين ان احنى بننقل بالسرعه هذي لاكن حبيت اقولك اني اموت فيك يا أغلا من مر بحياتي يا اعز الناس ولاتصدق اني بنساك يانظر عيني وتراني انتظرك بمدينة **** الي تبعد 500 كيلو شارع *** رقم البيت *** خلاص حبيبي حاول توصلي بأي طريقه محبوبتك سعاد ..)) طبعا عطتها الولد الولد بطبيعته ماسك الورقه بيده اليمين وماشي بالحوش بيطلع برا الا وابوه يناديه قاله خذ 50 ريال جبلنا غدا من المطعم الي جمبنى الا والاب يدقق بالورقه قال هذي ايش ياصلوحي قال هذي من سعاد تقول عطها فهد ولد جيرانا المهم الاب عصب وتل الورقه من يده وقراها وحقد على الخيانه الي تصير في بيته وقرر القرار التالي ؟... راح يم بيت جيرانهم وطق الباب ويوم فتح فهد الا وابو البنت في وجهه قاله اقلط يابو سعاد اقلط قال لا لا تسلم لاكن حاب اعلم ابوك ان احنى اليوم بننقل عن بيتنا وحبينا نعلمكم حتى تزورونا فهد بدون استيعاب وين تكفى عنوانكم وين قال ابو سعاد سجل العنوان طبعا ابو سعاد عطى فهد العنوان الخطاء 100% غير الجات يعني اذا فهد بيروح للعنوان بيكون ماله امل يلقاهم ( قطعا ) المهم حرك ابو سعاد لبيتهم وهو صامت وشالوا العفش ومشوا وهم ماشين الا فهد برا ينتظر طلعتهم يوم شافهم ركبوا اندس ورا سيارته عشان ابو البنت مايشوفه المهم ويمر الجيب من قدام فهد وسعاد تطالع فهد وتودعه بيدها وفهد يسويلها اوكي بيده يعني انه اخذ العنوان وهي تحسب قصده انه استلم الورقه المهم اهل سعاد اول موصلو جو أناس يزورونهم وتعرفوا على ناس واجد وفهد شال أمتعته وراح بيسير عليهم في ديرتهم الجديدة << وجهه بليوت ) المهم سافر ويوم وصل للمنطقه الا ويسأل على العنوان وهو يروح الا ماقدامه الا ورش سيارت ولا حولها منطقه سكنيه عشان يشك المهم راح استأجر له غرفه شهر كامل وهو يروح يدور نفس سيارتهم وعلى ها الحال 3 شهور لين مل ورجع لبيتهم وهو مهموم ومغموم وقال مالي الا اعيش على الذكرى صار يزرع نفس الورد الي هي كانت تحبه وبس يطالع بباب بيتهم المهجور ( وتمر السنين وتمر السنين ) وهو يدخل الجامعة الي عنهم 500 كيلو ويدرس بها طبعا سعاد مازالت تنتظر والناس يقولون لها انسيه هو نساك ولا عاد تطرين عليه اصلا وتراه يعرف العنوان وماجاك المهم وكالعاده الابويه لدينا زوجو سعاد بدون رضاها المؤكد وصار عندها بنتين وولد وهي تدرس بجامعه وتطبق في نفس المشفى في قسم التمريض وعمرها الان حوالي 23 سنه وفي يوم من الايام يلعب فهد كوره في ملعب الجامعه في قسم الرجال الا وتجيه اصابة في رجله وقرر يروح للمشفى حق الجامعه الي بين القسمين الرجال والنساء المهم راح واخذ ورقه من الاستقبال وجلس شوي مر على جلوسه حوالي نصف ساعه قرر يروح يشوف ايش الموضوع يوم راح الا بذيك البنت نفس عيون سعاد قالها لو سمحتي ممكن دقيقه بكلمك كلمتين بس الا وسعاد تلتفتله وتقول حدك ترا انا مو بنت صايعه احترم نفسك وراحة البنت شوي الل وهي راده وتقول لفهد ياسنافي احس ان عندك كلام ودك تقوله وش عندك من كلام ظروري شوي الا قالها ان اذكر اني احب بنت ولا تدرون اخليكم مع القصيده احسن هي بتاصفلكم القصه احسن من وجهي وقال فهد لخويه سعود بعد مارد للبيت في القصيده : شفتها يا سعود صدفه بعد ما غابت سنين *** عند قسم المختبر وسط مشفى الجامعه جيتها ثم قلت ممكن في سؤالي تسمحين *** ناظرت فيني بدهشه نظره متواضعه قالت انته تحسبني من بنات صايعين *** تحسبني في زماني عن طريقي ضايعه قلت انا ماراح اطول xxxوها كلمتين *** وابعدت عني شويه ثم جتني راجعه قالت اسال واضح انك من رجال طيبين *** بس هرجك يالسنافي وشهو دافعه قلت انا حبيت وحده يوم كنا صغيرين *** ومن ثمان سنين راحت للمواصل قاطعه عقبها ماذقت نوم يهتنيه النايمين *** ساهر في طول ليلي لين شمسي طالعه اذكر انه فيه حبه فوق ثغره من يمين *** واذكر انه لاجرينا كن شعره تابعه واذكر انه عاشق الورد والياسمين *** وصار قلبي بالورود اللي عشقها زارعه طابعا اسمه بقلبي فيه (سين) وفيه (عين) *** وفيه (الف) وفيه (دال) وسط قلبي طابعه >> واحد xxxx اسمها. منيره قاطعتني بقولها سبحان رب العالمين *** كررتها مره .. ومرتين .. ورابعه قلت وشفيك وشبلاك يابنيه ترجفين *** ليش عينك يابنيه من كلامي دامعه قالت الموقف وقلبي والمحبه والحنين *** كيف اشوفك بعد ماكنت عنك قانعه قلت انا بسألك ان كانك انتي تذكرين *** عن مواثيق ثمنها من حياتي دافعه قالت ظروف الزمان ماتطيع العاشقين *** بيعوني غصب حبك لو هو ماني بايعه انا في دنياي حالي كنها حال السجين *** حتى لو فكوا سراحه فيه شي ٍ مانعه زوجوني غصب واحد وحرموني حاجتين *** السعاده في زماني والحياه الرائعه والحين انا ام لثلاثه ريم وياسمين *** والولد اسمه على اسمك والمشاعر جايعه ...!! وشكرا لانكم منحتوني وقتكم في قرائة هذه القصه |
#2
|
||
|
||
رد: سعاد + فهد =قصه رومنسيه حزينه *
بجد روعه القصه و محزنه خصوصًا القصيده ... يسلمووووو
__________________
آلمَكَآنْ آلِلِي وَهَنْ سَقْفَه مِنْ الفَرْقَآ وُ شَآبْ ................... مِنْ بَعَدْ مَآ كَآنْ يِحْضُنَّآ مِثْل : طِفْلٍ غَيُوُرْ ~
|
#3
|
||
|
||
رد: سعاد + فهد =قصه رومنسيه حزينه *
مشكوررررررررررة على المرررررررررررررررررررو
|
مواقع النشر (المفضلة) |
الكلمات الدلالية (Tags) |
حزينه, رومنسيه, سعاد, فهي, قصه |
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
احكام عبادات المرأة في الشريعة الاسلامية - د. سعاد ابراهيم صالح | المقدام | كتب اسلاميه | 1 | December 18, 2008 09:19 PM |