|
|||||||
| روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا |
 |
|
|
LinkBack | أدوات الموضوع | انواع عرض الموضوع |
|
#1
August 18, 2008, 04:53 PM
|
||
|
|
||
سوالف عن شايب نصاب
مساكم الله بالخير وش الاخبار مع هالحر اللى يحسس الواحده انه دجاج شوايه
فى مطعم بخارى طابخه واحد افغانى ما تروش له 3 اسابيع المهم ما راح اطول عليكم واقول تخيلوا انفسكم بعد خمسين او ستين سنه اذا الله مد فى اعمارنا وتجمعو عندنا احفادنا ويقولوت سولف علينا يا جدى عن ايام اول عاد وقتها الشايب يأخذ نفس ويتنهد ويقول ( جبتها على الجرح وكنك ما دريت ) ويبدأ يسولف مسكين محشور له فترة ما احد يعطيه وجه اول يا عيالى حياتنا كانت غير عنكم اللحين كان الواحد يصحى للدوام ويطلع ونفسه برأس خشمه من الزحمه وهو بالطريق يسمع صباح الخير من الرياض ويتونس بصوت ( الرائد ابراهيم ابوشرارة ) وهو يعلمنا عن الزحمه وين وبعد الدوام نومه الى المغربيه مهوب مثلكم اللحين الواحد ما يكفيه ولا 9 ساعات نوم بعد الدوام وينط واحد من البزران ويسأل عن الاكل كيف كان اول ويضحك الشايب ويقول اكلنا اول مفيد وصحى وكنا نأكل بنفس مفتوحه كان الواح على الفطور يأكل صحن فول مع كأس شاهى بلحاله من قوتنا وكان الغدا نص حبه مضبى مع لبن ابو ريال حتى تحس ان الصحن كانو عليه سته عشان تعرفون قوتنا اول مهوب مثلكم اللحين البيت يصلحون جناح دجاجه ويبقى نص الاكل والعشاء يا عيالى كنا نطلع ليمال الشام والواحد يطلب 2 شاورما وكوكتيل كبير ويخلصها بعشر دقايق البزران مستغربين 2 شاورما معقوله وينتفخ الشايب ويكمل او نمر على هرفى او ماكدونالد ونطلب وجبة ب16 ريال والساعه 3 والواحد بفراشه عشان صحته مهوب مثلكم اللحين الواح ما ينام الا 12 الظهر وينشد البزران لسواليفه ويسأل واحد طيب يا جدى وشلون كنتك تقضون وقت الفراغ ضحك الشايب وقال من وين وقت فراغ يا حسرة الواحد كان يا دوب 5 ساعات على النت بالشات والمواقع اللى توسع الصدر او يتابع مسلسلات مثل نور او سنوات الضياع او مسلسل مكسيكي او الخميس والجمعه مبارايات وكانت مشفرة بعد قال واحد ليه رد الشايب كان فيه واحد مشغلنا اسمه صالح كامل مكوش على شئ حتى لو نلعب بلوت بالاستراحه اخذها حصرى مهوب مثلكم اللحين الواحد على كيفه يتفرج ما يعرف كلمة حصرى صرخت بنت وقالت جدى وشلون النت اول تنهد الشايب قال النت يا بنتى متعبنا كان الواحد اذا بغى يحمل فلم او اغنيه يجلس ساعه او ساعتين وانتم بالنيه يتحمل الفلم وكانت تحوسنا الموقع محجوب واحد من البزران كان يرقص ويسمع اغنيه قال وش كنتم تسمعون اول قال الشايب يا زين فن اول نانسى وهيفاء وفيصل الراشد ودومنيكا كان الواحد ينطرب صح كان الواح يحط السى دى بالسيارة ويدخل جو قال واحد كان عندكم سيارات وشلون كنتم تتحملون قال انا كان عندى شبح وكنت امشى حالى فيه مهوب انتم اللحين كل واحد طيارته عنده وين ما يبى يروح ظهر الحزن على الاطفال وقالوا الله يعينكم كانت حياتكم صعبه رد الشايب وهو يأخذ رشفه من الكابتشينو الله يهديكم ذكرتونى بأيام اول والتفت على الكبير منهم وقال رح يا ولدى لحى العليا صرخ الولد لا يا جد هذا حى قديم وكله امريكان واوربيين راعين مشاكل قال الشايب عشانى يا ولدى مشتهى سكلوب من حق اول من كودو ودى اكله قبل انام ولا تنسى تجيب بيبسى بارد وانتبه من زحمة السماء ترى اليوم اربعء والطيارات واجد وترى الجامبو حقتى ما فيها بنزين عب خذ هذى 400 الف ولاتنسى تأخذ الهديه من المحطه سيارة جمس خل اخوانك يلعبون فيها قالت وحده من البنات يا جدى وشلون البنات اول قال يازينهم ويا زين حشمتهم كانت الوحده تلبس عباة مخصرة وضيقه عشان ما احد يطالع بجسمها وكانوا عاقلين بس شات ومكالمات وطلعات اذا واعدت بالكافى شوب او السوق وكانو يحطون مكياج محترم يبين ان الوحده صاروخ وهى ركبه وداخ الشايب من السواليف وقال قومو ابنام الساعه 4 الصبح وراى شغل العصر ابلحق انام لى 11 ساعه وسلامتكم 
|
|
#2
August 19, 2008, 12:42 AM
|
||
|
|
||
|
رد: سوالف عن شايب نصاب
ههههههههههههههههه حلللللللللللللللللللللللللللللوه يسلمووووووووووو
__________________
|
|
| مواقع النشر (المفضلة) |
| الكلمات الدلالية (Tags) |
| صاحب, سوالف, نصاب |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| سوالف المنتدى | محرقاوية عسل | المواضيع العامه | 3 | June 24, 2012 04:19 PM |
| موت غيابك(سوالف).!! | TrNeDo | شعر و نثر | 4 | August 21, 2007 05:09 PM |
| لماذا نصاب ب الشيخوخة قبل الاوان ؟ | الهامور | مقالات طبية - الصحة العامة | 0 | July 31, 2007 12:21 PM |
العرض العادي
