|
|||||||
| روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا |
 |
|
|
LinkBack | أدوات الموضوع | انواع عرض الموضوع |
|
#1
August 17, 2008, 03:49 AM
|
||
|
|
||
رواية شوق حبي ((رومنسيه وفكاهيه ))
رواية شوق حبي روايه من الحياة كتبتها من قلبي وانا عايشه معانيها وهمومها وافراحها .. ان شاء الله تعجبكم .. رواية_شوق حبي _ للكاتبه شوق حبي ... الجزء الاول... منطقة القصيم __ عبدالله دخل على اخوه عبدالعزيز <<< عبداالله:عزوز عبد العزيز:الغيره بين الزوجين.. عبدالله:؟؟؟!!عزوز هيييه انت؟؟ عبدالعزيز:شي خطير..ويسبب مشاكل لايعلمها الا الله.. عبدالله:ههههههههه بسم الله على اخوي..وش جاءه ..هيييه انت الو انا اتكلم ..هنا اووووووووه.. عبدالعزيز:اووووووووص بشويش انت ما تشوفني اقرأ.. عبدالله:ماشاءالله يالمثقف..ايه ادري بس شوفني عطني وجه .. عبدالعزيز :نعم وش تبي..اخلص عبدالله : ما ابي انا شي.. عبدالعزيز: لاوالله .. عبدالله : ايه ..امي اللي تبيك مو انا .. عبدالعزيز: طيب خلاص اقلب وجهك بجي اللحين.. عبدالله:هههههههههه.بس تصدق شكلك شي وانت تقرأ..كل ذا عشان الزواج اجل انا لو بتزوج وش بسوي؟؟.. عبدالعزيز: تفحط.. عبدالله: مب شينه.. عبدالعزيز: اقول انقلع خلاص وش تبي عارف.. امي تبين يالله ياحبيبي اقلب وجهك .. عبدالله: اصلا انا بقلب وجهي من زمان ..الحمد الله والشكر اقرأ اقرأبس ..الغيره بين الزوجين هههههه عبدالعزيز:<قام بيكفخه< عبدالله: اللللللللللههههههههههههجججججججججججهههههه<طلع وصك الباب بقوه> عبدالعزيز:الله!! طبلتي ..الله يرجك يا عبيد هين اوريك بعدين ..بنزل اللحين لامي اشوف وش تبي .. >نزل عبدالعزيز لامه _ام عبدالعزيز_ < ام عبدالعزيز: هلا وغلا هلا بولدي.. عبدالعزيز:هلايمه..سمي بغيتي شي .. ام عبدالعزيز: ايه ياوليدي ام سهل عازمتن لبيتهم وانا بروح لمه ولا بغيت يودين السواق ودي تودين انت تعرف خالتك تسلم عليه وان شفت هند زوجتك خليتك تسلم عليه... عبدالعزيز: من عيوني الثنتين ما طلبتي شي ..متى انتي تبين اوديك؟؟.. ام عبدالعزيز: المغرب.. عبدالعزيز: خلاص زين.. ام عبدالعزيز: يالله انا بقوم بشوف خواتك يمكن اخذ وحده منهن .. عبدالعزيز: خواتي !!يمه الله يخليك لا تأخذين شوق ترى بترجنا رجه وتفشلنا قدام اهل زوجتي.. ام عبدالعزيز: وراه ياوليدي حرام عليك وشبه اختك .. عبدالعزيز: ايه عارف ..بس هي رجه واستهباليه اخاف تخرب هنوده حبيبتي..خوذي لين احسن هاديه.. ام عبدالعزيز : اصلا لين ما أظنه بتروح انا عارفته ..عجازه اختك شوق ازين منه .. عبدالعزيز:يمه عاجزه وهاديه احسن من مصرقعه وطايره.. ام عبدالعزيز: عاد انا بشاور خواتك وبشوف.. عبدالعزيز: طيب يالله انا بروح اخذ لي شور ..واصلي واجي طيب .. ام عبد العزيز: خلاص.. عبدالعزيز: يالله استودعك الله<وقام عطى امه بوسه على راسه وراح> >ام عبدالعزيز راحت لغرفة البنات وبتفتح الباب لقت الباب مقفل وبدت تطق< ام عبدالعزيز: طق طق يا بنات افتحن ..شوق لين ..افتحوا الباب.. شوق: يمه اصبري لين تلبس .. ام عبدالعزيز: وشو تلبس وانتي عنده اقول افتحي بس بلا كذب .. شوق : الا يمه انا عادي اشوفه اخته ..بس انتي لا عيب اصبري شوي تلبس .. ام عبدالعزيز: اقول افتحي بس بلا قلة ادب افتحي ..ترى مب اول مره تسونه بي انا عارفه ان وراكم شي ماتبون اشوفه.. >شوق تكلم اخته لين بالغرفه< شوق: لين يالدبيه ..والله نشبه بسرعه اخلصي امي عند الباب ... لين : وش اسوي .. شوق : قومي غبيه حطيه بمكان ما تشوفه امي.. لين: مالي حيل .. شوق : افا يا سودانيه ..بلا عجز قومي والله لاقول لعزوز انك سارقته.. لين : يالكذابه انتي اللي سارقته ..انقلعي هناك بس.. شوق: لين يالحماره..خلاص ادري قومي حطيه تحت الوساده.. لين:>قامت حاطته تحت ووسادة شوق وراحت انسدحت بسريره<<عجوز... ام عبدالعزيز: يابنات افتحوا ... شوق: >افتحت الباب >هلا يمه ادخلي سمي امري ... ام عبدالعزيز:>ادخلت وشافت لين منسدحه وشوق مبتسمه ولا كأن صار شي> لين: هلا يمه ..وشبك مضيعه شي .. ام عبدالعزيز: وين اللي تلبس..هاه؟؟يانصبات وش مغبين هالمره ؟؟.. شوق: يا يمه ما غبينا شي وش بلاك .. ام عبدالعزيز: الله يعنن عليكم ..المهم اسمعوا .. شوق: سمي .. ام عبدالعزيز: اليوم انا بروح لام سهل من تبي تجي معي ؟؟ شوق: انا يمه ابي اروح اشوف هنوده زوجة خييو..واريام بعد قلبي لين: روحوا انا مالي حيل .. ام عبدالعزيز: يالين ..اعقلي وشبك كذا عجازه بزياده.. شوق: خليه خليه .بس يمه هالسودانيه بحياتي ما قد شفت مثله .. لين: وانتم وش عليكم ..انا كذا وش دخلكم ..اعوذبالله بس منكم ومن عيونكم .. شوق: ههههههههه لا حد يسمعك ..وشبه اعيوننا يعني بننحتك ..والله ان انحتوك خير وبركه كودك تنشطين.. ام عبدالعزيز: بسم الله على بنتي ..مايجيه شي ان شاء الله.. لين : يمه خوذي شوق ورحي انتي وياه انا مالي حيل .. ام عبدالعزيز: طيب عبدالعزيز يقول خوذي لين.. شوق: وراه وانا ما اكفي .. ام عبدالعزيز: الا بس يبي لين تجي.. شوق: مالت..! بس خوذي لين وروحي انتي وياه اللي ما يبينا ما نبيه ..اوريك بس ياعزيز اذا شفتك ما اكون شوق..<وطلعت من الغرفه زعلانه <<يعنني ام عبدالعزيز: ياربيه وش انا قلت اللحين شوق بتزعل... وانتي يارخمه قومي يالله تولمي خلين اشوف اختك لا تسوي شي اللحين .. لين : هههههههه روحي الحقيه بس لاتفجر بكم البيت ..ياويله عزوز ببيجه اليوم الاحمر ..كع كع ام عبدالعزيز: انتي قومي بس بلا ثقل طينه ..<<وطلعت الام >> لين : طيب طيب ...اوووف ما فيه راحه بهالبيت<<عصبت>> ..كل شوي قومي روحي ..متى يجي بس فارس احلامي ويفكن منهم وه بس<<والمه هالرومنسيه.. وفي مكان اخر _بغرفة عبدالله _المكان معفوص فوق وتحت حوسه الله لايعوده..من هنا القراطيس ومن هنا اشرطه ومن هنا اسلاك ومن هنا كتب .. عبدالله: اعوذ بالله ..مالي حيل ارتب الغرفه ..والله انه حوسه..اقوم انادي الخدامه احسن لي ... _عبدالله من عند الدرج ينادي على الخدامه - عبدالله: اتي ..اتي وصمخ ...اتييييييييييييي... >اتي اسم خدامتهم ..طلعت اتي من المطبخ تشوف عبدالله وش يبي .< اتي : نعم نعم ايش يبي انت ؟؟؟... عبدالله: شوفي بعد شوي انا بروح ب طلع من البيت ابيك تدخلين غرفتي وتنظفين ابو جده طيب.. اتي: ايوه انا في معلوم.. عبدالله: ياويلك اجي والقى الحوسه عامه ..فاهم معلوم انت ..والا انا اعلم .. اتي : لا انا في معلوم بابا طيب خلاص بس انت اتي اتي ايش هدا .. عبدالله: لاوالله طلع له اللسان ..يالله اذلفي عن وجهي بس اخر زمن خدامه تنفخ علي اقوم ابكسه اوصله بيت ام جده .. <راحت اتي للمطبخ> >شوق ترقى الدرج لقت عبدالله قدام وجه وهي ماله حيل معصبه بالمره< عبدالله: وعليكم السلام كيف الحال ؟؟..<<بكم القطه؟؟ شوق: >التفت وعيونه تطلع شرار>نعم اي خدمه ... عبدالله : لا سلامتك .. شوق: طيب وش تبي ..ترى انا مالي خلقك مو لي ..انقلع لابمخمس يلف راسك ست دورات.. عبدالله: ياساتر مخمس ست دوررات..جديده ذي ..لالالا شكرا ما نبي شي .. شوق>راحت لغرفته ماله حيل لاحد < عبدالله : وشبه ذي تقل داخله جني ..بسم الله اللهم عليهم ولا علينا .. _عند ام عبدالعزيز تكلم ابو عبدالعزيز بالجوال_ ام عبدالعزيز:السلام عليكم .. ابو عبدالعزيز: وعليكم السلام هلا والله ..بأم عبدالعزيز امري.. ام عبدالعزيز: هلا بك ..وشلونك عساك بخير وشخبار الشغل زين .. ابو عبد العزيز : الحمد الله ماشي الحال ..وانتم وشلونكم امري انتي تبين شي .. ام عبدالعزيز: لا سلامتك بس بغيت اقولك اني اليوم بروح لام سهل..قلت بعلمك عشان اذا جيت ... ابو عبدالعزيز: زين الله يساعدكم ..يالله اللحين انا مشغول شوي ..تبين انتي شي .. ام عبدالعزيز: سلامتك الله يوفقك .. ابو عبدالعزيز : يالله مع السلامه سلميلي علىيهم .. ام عبدالعزيز: يوصل ..مع السلامه .. ____________________________________ اللحين اعرفكم على عائلة ابو عبدالعزيز..الاب محمد والام منيره والعيال الكبير عبدالعزيز بعدين عبدالله وبعدين شوق وبعدين لين ...عائله حلوه الابو محمد طيب ودايم بشغله لاهي بالدنيا ما يستقر الا يوم ويومين وبعدين يرجع لشغله ..والام حنونه وحبوبه تحب اولاده ولاتفرق بينهم وتبي سعادتهم مثل اي ام..وعبدالعزيز الولد الكبير عمره 23 حبيب وغالي خاطب هند بس لسى ما تزوج عشان هند ينتظره تخلص دراسته لانه اخر سنه له وعبدالعزيز له شخصيه قويه بالبيت خريج هندسه واللحين هو موظف بشركه ..جميل مو ابيض بشرته سمراء وجسمه طويل ورياضي شعره فلافل بس حلو شعره لانه اللحين صار من الموضه والكول هع ..وبعده عبدالله مهستر العايله عمره 17 يدرس بالثانويه ..مهستر ومصرقع ما تمل القعده معه دايم يتهاوش مع خواته وخصوصا مع شوق وكل واحد يستقوى على الثاني ..ابيض على امه وشعره مو خشن ولا ناعم طوله مو زي طول عبدالعزيز اقصر شوي ..جذاب وخطير ..وبعدين تجي شوق بنت حلوه وبالجمال مداح بس انه طالعه على ابوه سمراء مو سمار شين بالعكس حلو وجذابه بشكل ما توقعون عمره 15 تدرس بالمتوسطه خطيره مره وفله ووسيعة صدر حنونه بزياده تحب الاطفال وتتمنى امه تجيب طفل او طفله بدل السودانيه اللي عنده ..طويله وشعره اسود وناعم ومثل ما قلنا سمراء حواجبه بارزه وجسمه نحيفه وحلو بزياده وهو اللي مجملها..بعدين لين القعده السودانيه بس ترى مب سمراء بيضاء على امه واخوه عبدالله.. قصيره ما تدري وين الله حاطه شعره مثل عبدالله مو خشن ولا ناعم ..وجمسه يعني زي السمينه <<من العجز وقلة الحركه ..حبوبه بس انه تطق الكبد عجازه بالمره .. واذا جت تضحك ابعدوا عنه ما كأنه سودانيه فرفوشه عمره 12سنه... __________________________________________________ _ في بيت -ابو سهل_ هند: ياربيه ..اللحين وش البس بتجي خالتي وانا ما بعد تولمت .. تدخل ام سهل عليه < ام سهل: هند .؟؟!! انتي ما بعد لبستي يالله وش بك البسي بيجون الحريم و خالتك ولا بعد تولمتي ..؟؟؟... هند: يممممه ما لقيت شي كلش مب زين وانا ما ودي اتفشل .. ام سهل: البسي اي شي ...هو تراهي خالتك مب غريبه...والباقي عاديين صديقاتي مب غريبين عليك وشبك يالله عاد البسي اي شي .. هند: يمه صديقاتك على عيني وراسي وخالتي بعد بس خالتي تعرفينهاام عبدالعزيز وعبدالعزيز رجلي تخيلي يجي معه يبي يشوفن والا شي هاه؟؟ ابلش انا عاد؟؟. ام سهل:: الحمد الله الدلاوب مليان البسي اللي تشتهين ..اللحين انا بروح بشوف وش سوو الشغالات وبسرعه انجزي ... هند: طيب..يمه نادي اريام ابيه شوي طيب.. ام سهل: خلاص.. >بعد شوي جت اريام لاخته هند< اريام: نعم هنوده وش بغيتي قلبو.... هند: الله يخليك شوفي فيه لبس حلو ..من اليوم وانا اتمقل فيهن مالقيت شي .. اريام: يا حبيبتي البسي اي شي ... هند: لا والله انت تدرين ان عبدالعزيز يمكن يجي يشوفن .. اريام: ههههه اجل الدعوه فيها حبيب القلب هاه..اجل لااوصييس البسي تنوره فوشي وبلوزه خضره هههههكع كعكع علشان تطلعين هنديه صووح... هند: اريااااااااااااااام ترى بفجر راسك ..خلصينا شوفي لبس زين لي والله بصيح .. اريام : طيب خلاص..ووشرايك تلبسين الفستان اللي شراه لك ابوي من دبي... هند: والله فكره ..وين حطيته انا ايه صح بدالوب امي...وخري وخري بروح اجيبه... اريام:هههههههه والله من المصلحه اروح اقعد عند النت اصرف لي .... بغرفة الجلوس_ >يرن التلفون رن رن رن.يجي احمد يرد عليه... احمد:الو .. شوق:السلام عليكم ..وين اريام.. احمد: وعليكم السلام..ما ادري وينه .. شوق: ممكن تناديه ..ابيه ظروري.. احمد: لحظه .. شوق:>>>>يا ملغه ثقل طينه >راح احمد بعد سنه ينادي اريام وجت < اريام: هلا .. شوق: لابارك الله فيكم ..تدرين اني لي سنه على التلفون اخيرا جيتي ,..وينس؟؟!! اريام: معليش كنت على النت .. شوق: لا والله .. اريام: بتجين مع امك ؟؟... شوق : لالالالاع... اريام: ليش ؟؟؟!!.مب من عوايدك شوق: بس عشان اوري عزوز ؟....قاهرن.. اريام: ليش ؟؟ شوق : يقول لامي لاتأخذين شوق ...ليش؟..بالله انا قاعده على بطنه خليه احسن بعدين يجي يقولي تعالي .. اريام: هههههه الله يرجس عشان ذا ... شوق : ايه ...اللي ما يبينا ما نبيه ..دب يعني صرت مهستره ما اعقل والله لابكسه هتلر..مب خليته هالفدرالي .. اريام:هههه وش هتلر طلعتي له اسم ثاني ..مرة مدحت وقبل ابوجهل واللحين هتلر ههههه الله يروجس يا شيخه .. شوق : امين وانتي معي ..اقول وش تسوين بالنت؟؟؟.. اريام: ما اسوي شي.. شوق: لا عاد بزر انا عندك ... اريام : بالمسن والمنتديات ... شوق: ايه طيب وناسه.. اريام : حلو مب شين ... شوق: ان شاءالله اول ما اشتري لابتوب ..بفتح ايميل وابدأ ادخل منتديات .. اريام: الله يهنيس .. شوق : امين ... اريام:..... شوق:...... اريام:.... شوق: اقول عندي نكته <<مضيعه للوقت اريام: وشي قولي ؟؟... شوق: مصري حلق شعره صار ساحة تفحيط ..كع كع ما تضحك انتي عندك؟؟؟.. اريام: طماطه سوت حادث صارت كاتشب..هع هع هع شوق: هع هع طيب نمله ماتت لليلة عرسه ليش؟؟.. اريام: ليش؟؟!! شوق: اشفطه الاستشوار... اريام : هع هع هع شوق:طيب صرصور دخل خلاط قال يلعن ابو الملاهي هع هع اريام: قديمه... شوق:ادري.. اريام:اقول اذا بتجين حياك الله واذا ما جيتي كيفك..طيب شوق: مع السلامه اريام: خير اقولك طيب .. شوق: طيب مع السلامه يالله روحي للنت عقبال ما ينفجر بوجهك... اريام: لاامين مع السلامه... ________________________________________________ عائلة ابو سهل-- ابو سهل اسمه عماد والام بدريه والعيال سهل وماجد واحمد وهند واريام واخر العنقود صالح >الاب عماد طيب وعلى نياته يشتغل مدرس <والام بدريه اخت منيره ام عبدالعزيز..حبوبه وتحب عياله والناس ولا تفرق بينهم ...والعيال اول واحد سهل ابو عماد متزوج وعند ولد وزوجته سهام ولده عماد ابو عماد يشتغل بشركه مع عبدالعزيز هندسه وولده عمره ثلاث سنين... بعده هند خطيبة عبدالعزيز عمره 22 هاذي اخر سنه له بالدراسه تخصص جغرافيا حبوبه وجميله يابخت عبدالعزيز به.. ماجد الولد الثاني طيب وهادي طالب عمره20 ما كأنه بالعالم بعالم اخر ما حد يدري عنه الا السلام وكيف الحال ..دايم بلحاله.. بعدين يجي احمد بالثانويه عادي مثل اخوانه حبوب متكبر شوي بس انه طيب عمره 18 طالب يدرس بالثانويه ... بعده اريام البنت المتميزه بالبيت البارزه بأنانيته وقوة شخصيته ما تسكت لاللكبير ولا الصغير ..عمره 15 بالمتوسطه حلوه ودبدوبه مثل لين بنت ام عبدالعزيز.. واخر العنقود صالح صغير عمره خمس سنوات ..مهفه بس يهبلون به اخوانه.<<<شي طبيعي بزر .. ..العائله عاديه وهاديه ما به احد بارز الا اريام لانه متأثره من صداقته مع شوق والا كلهم هاديين بس طيبين وتلقين البساطه معهم .... __________________________________________________ ______ في بيت ابو عبدالعزيز __ >نزل عبدالعزيز من غرفته كاشخ والغتره والثوب المزخرف وحركات راز نفسه تقل بيروح للزواج.. عبدالعزيز: يمه ...يممه ..وينك يا يمه يالله بسرعه تأخرناعلى خالتي ... ام عبدالعزيز:>هاذي نازله وشبك ياوليدي بشويش علي .. عبدالعزيز : يمه يالله تأخرنا بعدين يمه من بيجي معك شوق والا لين .. ام عبدالعزيز: لين ... عبدالعزيز: وينه طيب ما اشوفه بنت الحلال ... ام عبدالعزيز : هالعجازه انا ما قلتلك خن ناخذ شوق ازين لنا ...يالله رح شفه بغرفته تلقاه ما خلصت..بتفشلنا عند خالتك.. عبدالعزيز: ييييييييييييييوه ..انا بروح لغرفته خليك يمه هنا لاتروحين ... ام عبدالعزيز: اكيد بقعد هنا وين بروح يعني لندن<<<العجيز تنكت >عبدالعزيز راح لغرفة البنات ودخل لقى لين تسوي شعره< عبدالعزيز: قمر ما احلاك ...يالله بسرعه خلصي شعرك تأخرنا.. لين: اللحين تو الناس.. عبدالعزيز: تو الناس بعينك ترى مو عزيمة عشاء بس جلسه ..خلصي ترى امي تحتريك تحت .. لين : طيب طيب خلصت وش فيك اوف بس ... >طلع عبدالعزيز من الغرفه وقابل شوق عند الدرب < شوق:<تناظره من فوق لتحت >ماشاءالله رايح لعرس وانا ما ادري..كل هذا عشان هند . عبدالعزيز:الله يكفينا شر عيونك وخري وخري ياحشره<<يستملح.. شوق: والله يا حبيبي مو حاطه عقلي بعقلك يالبزر..<<تمون>> روح روح لحلاوتك انت وهالغتره اللي لابسه تقل ثعبان .. عبد العزيز : شوفي ترى انا اللحين مو ملفعك علشاني واثق وعارف ان هالكشخه اللي تعبت عليها بتروح ببدقيقه..بعدين اذا رجعت وريتك اللي يسوى واللي ما يسوى .. شوق : يمه ..خفت ابي امي ابي ابوي ..واااااااي ... انت قابلن بس ..انت وهالكشخه روح بس لاخربها مو بدقيقه بثانيه .. عبدالعزيز: اقول بس تراني اخوك الكبير ...لا تمونين بزياده لابمخمس...اضيع وقتي مع بزران مثلك .. شوق: <تكش بوجهه> هاه كش كش مالت عليك بس ...ما حلاي وانا ضافه وجهي من عندك يا بشع ...>>>وراحت للغرفه بأسرع ما عنده عشان ما يلحقه ذاك الكف.. >وعبدالعزيز رجع لغرفة لين واخذه مع شوشته ونزلوا لامهم وراحو لبيت ام سهل< _________________________________________________ منطقة مكه__ >جمانه قاعده على النت تحوس بالمنتديات وتدخل امها ام عبدالعزيز< ام عبدالعزيز: ايش هذا يا جمانه قومي يالله بروح عند خالتك نوره بجده.. جمانه:اوكيه ماما ثواني بس واكون جاهزه.. ام عبدالعزيز:يالله بسرعه ..اخوانك يستنو ننا تحت اول ما تخلصي انزلي عشان نمشي .. جمانه: اوكيه ماما بأخذ شور وبعدين بلبس وانزلكم تحت .. ام عبدالعزيز: يالله بسرعه وقفلي الكمبيوتر ..ارحمي عيونك شويا.. جمانه : طيب طيب >قفلته> وهاذاني قفلته دحين بروح اتروش ممكن ؟؟.. ام عبدالعزيز:ايوه يالله..خلصينا.. >راحت ام عبدالعزيز من غرفة جمانه لغرفة عامر< ام عبدالعزيز : عامر حبيبي يالله قوم بروح لخالتك بجده .. عامر:اويوه يا امي طيب عرفت ... ام عبدالعزيز : اصحى يكفي نوم والله عيب عليك اصحى يا قلبي .. عامر: وهاذاني قمت ..يالله يا امي اطلعي عشان اتروش واغير هدومي وانزل عارف كل شي .. ام عبدالعزيز: يالله بسرعه .. <ونزلت جمانه شافت امها واخوها سعود وابوها قاعدين < جمانه: السلام عليكم .. ابو عبدالعزيز : وعليكم السلام..اهلا يابنتي ..يالله فين عامر .. جمانه : ما اني عارفه .. ابو عبدالعزيز: قوم بسرعه يا سعود جيب اخوك ..والله عيب عليكو تأخرنا على خالتك بعدين طريق جده يبغاله وقت.. سعود: طيب <وراح ينادي اخوه> جمانه : بابا ..فين عزوز ... ام عبدالعزيز : ايوه صح نسيت اقولك ..عزوز سبقنا لجده ... ابو عبدالعزيز: ماشاء الله عليه ...رايح من زمان.. طفش وهو يستناكم اللي نايم واللي على النت واللي على التلفزيون .. جمانه: الله يساعده ..بعدين يا بابا انتم ما قلتو لنا ..كيف تبغنا جاهزين وانتم ما قلتو لنا الا بعدين .. ابو عبدالعزيز : المفروض انكم تعرفون كل اربعاء نا زلين لجده .. جمانه: عاد ايش اسوي انا انتم مزاجيين كل يوم مكان .. ام عبدالعزيز : خلاص يا جمانه ...بعدين الكلام هذا مو وقته .. جمانه: >اسكتت ونفسه واصله على الاتش< >نزل عامر مع سعود < ابو عبدالعزيز : اهلا اهلا بالامير النايم ..صباح الخير ..تو الناس.. عامر: ايش اسوي يا ابوي اخذتني نومه ... ام عبدالعزيز: حصل خير يالله نمشي .. سعود: بابا انا اللي اسوق والا انت ؟؟؟.. ابو عبدالعزيز : انت ..انا ما ابغى .. سعود: طيب ..بابا فين نظاراتك ..؟؟؟.. ابو عبدالعزيز: صح ذكرتني نسيت اجيبها ..روح يا عامر جيبها لي ... عامر: بابا ما فييا اروح اجيبها .. ام عبدالعزيز: عيب ياولد روح جيبها .. عامر: اوووه طيب <وراح لفوق يجيب نظارات ابوه <وركبوا الاهل بالسياره ><جاب النظاره ومشوا لجده .. بالطريق رن جوال جمانه _رن رن جمانه: ايوه..هلا والله شوق: هلا وغلا هلا والله بنظر عيني هلا ببنت عمي وين الناس ؟؟..والله لك فقده... جمانه:حتى انتو والله مشتاقيلكم .. شوق: افا جت الاجازه مب ناوين تجون عندنا بالقصيم..؟؟... جمانه: والله ما اني عارفه ايش اقولك بس انتي عارفه ابويا... >طبعا جمانه تكلم وجمبها عامر وامها يعني يسموعها وكمان ابوها وسعود < شوق: والله وانتي الصادقه..طيب كيف حالكم ..؟؟ جمانه : الحمد الله بخير .. شوق : انتي بالسياره صوتك يقطع مو واضح ... جمانه: ايوه ماشين لجده .. شوق: ماشين!!؟؟...معك ابوكي وامك واهلك كلهم .. جمانه: ايوه... شوق: يا ويلي ويلاه ..وش ذا يا جمجم ليه ما قلتي لي ... جمانه: ليش ..في شي ؟؟؟.... . شوق: شي ..وش شي الا اشياااااء..مع السلامه مع السلامه فشيله شكل اهلك سمعوني انا عارفه نفسي وانا وصوتي؟؟... جمانه: هههههه الله يرجك ..لا عايدي وش فيك ..؟؟.. شوق: اقول جمجم <<تمون>> اذا وصلتوا لجده وصرتي لحالك دقي علي طيب .. جمانه: طيب اوكيه خلاص .. شوق: مع السلامه.. جمانه: مع السلامه ..<وقفلت السماعه>>هههههههههههه يا حليله والله انه هبله.. عامر: من ذي ؟؟.. جمانه: مالك صلاح ...اعوذ بالله منك .. ام عبدالعزيز: مين يا جمانه هاذي.؟؟؟.. جمانه: شوق بنت عمي محمد ... ام عبدالعزيز: يا حليله ..ايش تبغى .. جمانه: ما تبغى شي بس تسلم علي مشتاقتلي .. عامر: تشتاق لوجهك ..يععععع ..بتقرف مالقت الا انتي .. جمانه: عاممور ان ما عقلت والله لاالطشك فاهم ؟... عامر: ايش فيك انتي بس استخف معاك اعوذبالله منك ..ثقيل دمك بقوه.. جمانه: >>تكش على عامر<<كش .. __________________________________________________ ________ في القصيم_بيت ابو سهل... <الحريم وصلوا عند ام سهل وام عبدالعزيز.... ولين رقت فوق عند اريام وهند< <دخلت لين غرفة البنات< لين: هلاوالله..كيفكون صبايا..>لقت هند عند التسريحه تسوي شعره واريام منبطحه بالسرير معه الابتوب< لين: هلوووووووووو بنات وجع بروح لبيتنا ردوا.. هند: هلا وغلا هلا بليوني ...معليش مثل ما تشوفين لاهيه بشعري.. لين: اريام ..الو تراني هنا مابعد رحت .. اريام: اصبري شوي اقرأ.. لين: مالت بس .. هند: خليه منك ..تعالي قلبي قولي لي وشرايك بشعري..ولبسي وكل شي .. لين: هع هع ايه صح ترى عزوز تحت يقول ابي هند شوي .. اريام: هالنشبه كل يوم يكلمه ولا بعد واليوم يبي يشوفه.. هند: وانتي وشدخلك خليك بس مع اللي بيدك احسن لك ..تقل قاعد بحلقه... اريام : ههههههههههه اتخيل شكله.. لين: ههههههههه توحفه ...لا وبعد مسوي لك هالسكسوكه طالع لك مشعل الشايع هع ههع.. اريام: ههههههههه لالا خلاصي اشوفه.. .. هند: خيييييييير ان شاء الله انتي وياه تطنزون برجلي ..والله لاوريس انتي وياه خلي رجالكم يجونكم ..اتطنز لمين اقول بس.. لين: هع هع اصلا انا اذا جاء رجلي على طول للندن ما اقعد عندكم ولا ساعه <<مسكينه.. اريام: والا انا االي بقعد عندهم ..اصلا انا على طول اقلاع جوي بروح معه وانتم ما تدرون.. هند: طيب انتي وياه انا اللحين نازله بشوف الحريم وانتم خولكم ..ياوجه القراده.. اريام ولين: <هههههههههههه قراده ههههههههههه>جتهم الحاله ... هند: بدو يا دبشكم ... اريام: هههههههههههههههههه هع هع لين : هع هع هع هع كع كع ههههههههههههه هند: اللهم عليهم ولا حولينا ..ترى ما قلت شي يضحك..<طلعت برى وصكت الباب> اريام: ه ههههههه ياحولي خليناه تطلع غصبن عليه.. لين: نجحت الخطه بس تصدقين شكلنا وحنا نضحك شي انما ايه ... اريام: والله حلوه خن نضحك مره ثانيه<<<مجنونه.. لين: يالله... اريام ولين: هههههههههههههههههه<<<<!!!!!!!!!!!مجانين.. _تحت بقسم الحريم _ >نزلت هند وسلمت على الحريم وعلى خالته .. ام عبدالعزيز: وشخبارك يابنتي ..هاه عساك ولمتي نفسك للزواج.. هند: الحمدالله..مابقى شي الا اني استأجر الكوفيره والكوشه.. ام عبدالعزيز: يالله انك توفقه ... هند: مبتسمه..>يجي يرن جواله اخوه احمد< احمد: الو هند..؟؟.. هند: هلا .. احمد: اطلعي اطلعي عند قسم الرجال عزوز يبي يشوفك.. هند: اوكيه <وقفلتت السماعه ومشت > _____________________________ 
|
|
#2
August 17, 2008, 03:53 AM
|
||
|
|
||
|
رد: رواية شوق حبي ((رومنسيه وفكاهيه ))
يتبع...
راحت عند الرجال واخوه احمد اللي مسك ايده ودخله على عبدالعزيز<<< >>>كانت هند لابسه فستان قصير الى نص ساقه ولونه زيتي وكان من الستان وفيه شريطه ذهبي جهة الصدر وكان مره حلو عليه مبين شبابه ..ومكياجه خفيف وشعره مسويه تسريحه رافعته ومطلعه خصل من كل جهه كان شكله نعوم مره ..وكانت مره مستحيه تحس الارض تدور به..وقعدت قدام عبدالعزيز..<وطلع احمد > <عبدالعزيز كان قاعد يناظر الملاك اللي عنده لا نطق ولا بكلمه< عبدالعزيز:.........سبحان الله... هند: < اضحكت>..ههههه.. عبدالعزيز: وشخبارك ياقلبي...<مره وحده قلبي هند: >خقت<..الحمدالله.. عبدالعزيز: هند.. هند: سم.. عبدالعزيز: ارفعي عيونك ابي اشوفك زين ..يعني ما استانس مع زوجتي.. هند:<رفعت عيونه> عبدالعزيز: خلاص نزلي عيونك اخاف اروح فيها بعدين ابلش .. هند: ههههههه.. عبدالعزيز: تعالي بعدين كل يوم اسأل امي وش قررت هند متى الزواج..تقول ما ادري.. هند: خلاص انا قربت اخلص ..وقلت لابوي نخلي العرس اخر الاجازه... عبدالعزيز: يا ساتر يعني اصبر مدة شهرين زياده يالله عاد هنوده خفي علينا شوي.. هند:احسن.. عبدالعزيز: لاااا وشو اللي احسن تبيني اموت.. هند: بسم الله عليك من الموت ...لا بس ابي تشتاقلي .. عبدالعزيز: ههههههههههه ..لا والله اصلا انا كل يوم اشتاقلك وانا اكلمك عاد وشلون وانا ما اشوفك..ارحمني يا هنودتي... هند:ما علي .. عبدالعزيز: طيب وشرايك اجي اخذك يوم نتمشى انا وياك.. هند: انجنيت..ما اظن ابوي يوافق .. عبدالعزيز: يوافق..حرمتي وانا حر فيها.. هند:هههههههههههه..خلاص اقوله.. عبدالعزيز: واااااااي وناسه..انا قاعد معك ..طيب شوفي بقولك عشر وصيات .. هند:وشو.؟؟... عبدالعزيز: الخمس وصيات هي انك تحبينن ولا تنسينن مثل ما انا احبك وافكر فيك ولا يمكن بحياتي انساك وكل شي .. هند: >>استحت>>والخمس الباقي..<<تصريفه عبدالعزيز: واحد: احذري اشد الحذر انك تماشين خواتي .. هند: ههههههههه ليش حرام .. عبدالعزيز: بس اخاف تصرين مثلهم مطفوقه والثانيه سودانيه... هند:هههههههههه خلاص .. عبدالعزيز: والثانيه..لا تخلين شوق تختار لك شي من ذوقه لانه مقرف ومقزز .. هند: حرام عليك وراك كذا بالعكس شوق احلى ذوق بيننا.. عبدالعزيز: عاد انا ما يعجبن ذوقه لا هي ولا لين.. هند:هههه اوكيه طيب..والثالث.. عبدالعزيز: الثالث والرابع والخامس..بعدين اقولك اذا جاء وقته .. هند: طيب خلاص .. عبدالعزيز: يعني انتي مب طالعه معي نتمشى .. هند: ايه خله بعد الزواج احسن .. عبدالعزيز: قهررررررر انتي زوجتي خلاص ..وش زواجه!!! مب مهم .. ما اقول الا الله يعينن على فرقاك.. <دخل احمد < احمد:هييييييييييييييه..انتهى الوقت خلاص عاد بعد الزواج سو اللي تبون بسرعه .. هند: <قامت وقالت لعزوز <<مع السلامه.. عبدالعزيز: هييييييييييه وين لا خليك ..<التفت لاحمد<<وانت وش عليك زوجتي .. احمد: يا حبيبي من زينك انت وزوجتك اصلا لو بيدي خليتك تأخذه من اللحين بس هذا كلام الوالد وش دخلن.. هند:اقول تشاوا <<وطلعت من الغرفه .. عبدالعزيز: اقول بس يا احمد لو بك الخير كان خليتن معه .. احمد: اقول هند وراحت انا اللحين بقعد معك ..تبين والا لا.؟؟.. عبدالعزيز: لاما ابيك هنا..ابيك هناك تجي معي مجلس الرجال ..يالله.. احمد: ههههه وش الفرق .. عبدالعزيز : الفرق انك هنا دبشه وهناك رجال .. احمد: <كش>هه مالت على هالوجه.. عبدالعزيز: من يحصله يا حبيبي .<<مغرور.. احمد: ما احد... عبدالعزيز : من زينه وحلاته ... احمد : الا من شينه .. عبدالعزيز : يالله يالله بس تأخرنا على الرجال... >وراحوا مجلس الرجال < >>>>>>>>>>خلصوا الحريم ومشى كل واحد على بيته < شوق شافت الطفش اللي عائم البيت وفكرت تدق على جدته حبيبته ما تقدر تتستغنى عنه ودقت عليه .. شوق: السلام عليكم .. الجده: وعليكم السلام هلا والله وغلا ببنتي ..هلا بشوق ..وشلونس يابعدي.. شوق: الحمد الله يا يمه انتي وشلونك يا جده وه بس فديتك.. الجده: وشلون امس وابوس ..واخوانس..عساهم بخير.. شوق: الحمد الله يمه كلنا تمام ..وه يمه انا مشتاقه لك مرره ..ليه ما تجين عندي بالبيت ..؟؟ الجده: لا والله انتي اللي تعالي يا بنتي انا ما اقدر اركباتي وظهري . شوق: الله يرحم حالس يمه وكل شي يعورك ..يا خوفي انا بعد اذا كبرت وعجزت اصير مثلك هع هع الجده: بتصير مثلي واشد بعد..اقول ما عندس احد وراه هدوء وين امس عنس .. شوق: جده..انا زعلانه عليهم راحوا وخلون الحالي بالبيت .. الجده: وين راحين ؟؟!!..<<لقافه <<جدته بكيفه شوق: رايحين بيت خالتو عند هند واريام ..تهئ تهئ ..ما اخذون معهم انا اكرههم ..وه بس يالبي حالي .. الجده: هوه شوق ليه ما رحتي مب من عوايدك يا بنيتي .. شوق: هاه لا يمه بس اركباتي وظهري يوجعنن هههه ...<<اقطع ام الكذب الجده: ههههههه..تطنزين ..ايه تطنزي ..خليس بكرى اذا كبرتي تشوفين ...خلي الهبال وقولي لي ليه ما رحتي ؟؟!! شوق: ماما عزوز ما يبين اجي عشان ما اصير رجه هناك واخرب الجمعه ..كيفه اللي ما يبينا ما نبيه ..ما اهتميت .. الجده: كيفهم يا بنيتي ولا يهمك تراه نغر منك ..انتي احسن منه .. شوق: ادري يمه .. الجده : طيب يا بنيتي كان جيتي عندي .. شوق: نسيت ما جت الفكره براسي ..تصدقين يمه وش افكر .. الجده: وش تفكرين الله يستر على افكارك اللي ما تخلص ..وشي قولي؟؟!!.. شوق:يمه ودي اروح واسافر وادور الدنيا كله ...ما ابي اقعد بس بمدينه والله يمه اتمنى اشوف العالم وطبعا بدون ما اكسر ركباتي وظهري ابي اصير كلش بطياره خاصه اتمشى واشوف العالم ..واعيش جو.. الجده: والله يا بنتي افكارك مثل وجهس فيه احد يبي يطلع وويخلي اهله وديرته .. شوق: لا يمه مب لازم اروح الحالي لو اهلي معي عادي.. وش فيها؟؟!!.. الجده: والله يا بنتي هذا من الشيطان ..استغفري وتعوذي من ابليس بس..وخلي عنك هالتفكير .. شوق: يمه اللحين انا وش قلت تقل قلت بروح واتركم ما ابيكم ...ترى انتم اهلي ودنيتي ما اقدر اخليكم ابد ..الله لا يحرمني منكم .. الجده:امين يا بنيتي ..اسمعين يا شوق انتي ينتي حبيبتي وانتي الوحيده اللي احس اني افهمه ..لاتخلين يا قلبي تهورك يزيد ..ترى يجييك الهوايل خليك اللحين من تفكيرك ..وخليك منتبهه للدينك ودراستك ..علشان تطلعين البنت اللي تمنيته..يالله انك تحفضها وترزقها كل ما تتمنى .. شوق: امين يارب العاليمن .. الجده: يالله يابنيتي بعد شوي بيجي جدس ولازم اروح اشوف وش صار على العشاء .. شوق: احلى ..كشخه مهتمه برجلس يامن العافيه ..وش تطبخين يمه ؟؟؟.. الجده: مرقوق.. شوق: والله !!يمه كزيلي مع السواق ابي الله يخليك يمه مشتهيه مرقوقك .. الجده: ابشري يا بنتي اللحين برسل السواق بروح انتسب العشاء يالله ..مع السلامه .. شوق: مع السلامه يمه .. _____________________________________ في جده_ <ام عبدالعزيز وابو عبدالعزيز والعيال وصلوا جده بيت خالتهم نوره... ________________________________ اولا خلوني اعرفكم على عائلة ابو عبدالعزيز اللي بجده ابو عبدالعزيز اسمه عبدالله اخوه محمد اللي بالقصيم ..اولاده عبدالعزيز الكبير بعدين جمانه بعدين سعود وبعدين عامر... الاب عبدالله اب رائع في تربيته قويه شخصيته يهابه الكل..والام اسمه عبير حبوبه وحنونه..والعيال اول واحد عبدالعزيز رجال شهم وطيب يحب خوانه ويبي يسعدهم وخصوصا اخته جمانه لانه الوحيده اخته وهي اللي جت بعده ...جمسه طويل ويدل على رجولته واسمر وشعره ناعم عمره 23 يدرس بكلية قسم الكهرباء ..وبعدين جمانه البنت المحبوبه الوحيده بالبيت عمره 17سنه تدرس بثاني ثانوي حلوه وبيضاء وشعره طويل وناعم عيونه الناعسه تميزها بين اخوانه ....وبعدين سعود 16 سنه حبوب ومهستر هو واخوه عامر وجمانه .. يدرس بأول ثانوي ...ابيض شعره خشن بس حلو وكثافته اللي يتميزه من اخوانه...وبعدين عامر اخر العنقود عمره 15 سنه يدرس بالمتوسطه ..اهبل بس انه حبوب شعره اسود وناعم وكثير عيونه صغيره وحواجبه كثيفه ومرسومه صح جسمه فرق عن اخوانه مو ضعيف ولا قوي يعني متوسط يحب الحياة ومتفائل...حبوب ومصرقع..بس انه بارد مع اخوانه فرق مع ناس ثانين... العائله رائعه ومتعاونه ..بما ان جمانه ما عنده اخت فتقضي وقته كل مع اخوانه وبنفس الوقت امه اقرب الناس ... ________________________________________ يتبع__ في جده_ <ام عبدالعزيز وابو عبدالعزيز والعيال وصلوا جده بيت خالتهم نوره... <<يرن باب بيت الخاله نوره ويجي يفتح ولدها محمد.. <محمد فتح الباب وطبعا ما كان فيه الا ام عبدالعزيز وجمانه وسعود وعامر الاب راح لسكن عشان ما يبي يضايق اهل حرمته... محمد: اهلاااااااا بخالتي عبير ..يا هلا <وقام سلم عليها .. محمد: هلا وغلا بسعود يا جوكر انت<سلم عليه> ..عامر<سلم عليه>..هلا ببنت خالتي جمانه..كيف حالك؟؟.. جمانه : الحمدالله.. محمد: تفضلوا يا خالتي ..حياكم البيت بيتكم .. <دخلت ام عبدالعزيز وجمانه لقسم الحريم ..وسعود وعامر ومحمد لقسم الرجال... <<الخاله نوره<<ام محمد...>> ام محمد: يا هلا ومرحبا ..ياهلا بأختي تو ما نور البيت ..تفضلي... ام عبدالعزيز:الله يخليك ..معليش يا أختي تاخرنا عليكو .. ام محمد: لا عادي ايش فيكم ..اهلا يا جمانه يا هلا فيكي كيفك يا حبيبتي من زمان عنك ..وكيف الشهاده .. جمانه: الحمدالله بخير ..الله العالم لسع ما نزلت الشهاده ... ام محمد: طيب ما تشوفيها بالنت ؟؟.. جمانه: الا يا خالتي ...بس انا ابغى اروح اخذها ..من المدرسه احسن ... ام محمد: الله يوفقك يا بنتي ... جمانه: امين .. ام محمد: تعالوا بالمجلس..احسن من الصاله.. ام عبدالعزيز: يالله .. ____________________________ عائلة الخاله نوره .. عائله متفككه كل واحد بطريقه ..بس يحبون بعض ويسألون.. اولا الام نوره قصتها قصه مع زوجها يوسف اللي هو ابو العيال..طبعا هذا قبل سنين.. نوره اول ما جابت محمد قرر الابو انهم يرحون يسكنون بامريكا ...وعشان دارسته والمده اللي راح يسكنون بامريكا سنه ...عاشوا بهناء وسعاده ونوره ما تأقلتم مره بامريكا بس عشان زوجها وولده تصبر تخلص السنه عشان ترجع للممكله ..طبعا نوره مو متأقلمه وهذا شي اكيد بما انهم بشعب حر والميانه عندهم زايده..وصار بينها وبين يوسف زوجها .. شحناء وغضب في كل يوم بس بدت المشاكل بعد خمس شهور تقريبا صار ت المشاكل زي الرز عليهم <<ما تعرف تشبه>>.. كل يوم يتهاوشون طبعا الهوشات سببها ..الغيره كانت نوره تغار مره على يوسف <من حبها له ..كان هو مطنشها وعايدي يتكلم مع النساون ...ويطق صداقات معاهم ..طبعانوره لاحظت هذا الشي بس سكتت عشان مابقى يمكن الا شهرين بالقليل وترجع للممكله..وكانت دايم تعتني بيوسف وتحسسه انها ما شالت بقلبها شي ..وكمان تعتني بمحمد ولدها ..وبعد كذا حملت منه..وكانت بالشهر الخامس .. بعدين جاء الشهر الاخير اللي لهم في امريكا يعني بعد هذا الشهر يرجعون للمملكه ..وهذا اللي صار بينهم >>> نوره: الله يا يوسف ما بقى الا هذا الشهر ونرجع لبلدنا.. يوسف: ايوه صح>>>من غير نفس<< ..نسيت اقولك.. نوره: ايش.؟؟؟.. يوسف: انا ابغى اقعد هنا في امريكا ما ابغى ارجع .. نوره:>مصدومه<..ايش من جد انت تتكلم .. يوسف :ايوه من جد.. نوره: ليش طيب؟؟.. يوسف: انا اصلا عاجبني هذا المكان ..وما ابغى ارجع .. نوره: بالله ايش فيه هنا غير الوحده والغربه ..نرجع لبلدنا احسن.. يوسف: فيه اشياء ..الحريه والوناسه ..وكل شي... نوره: يوسف ؟؟!! انت انجنيت ..انا ما ابغى اقعد هنا ..ليش انت تبغى تقعد ايش الوناسه..الوناسه انك تخرج مع حريم غير زوجتك والا الوناسه انك ما فيه احد هنا يعرفك ويعرف سواياك... يوسف: >انصدم من كلام نوره وقام عطاه كف على وجهها<...وانتي ايش دخلك في حياتي.. نوره: انا زوجتك <تبكي> حرام عليك انا ضحيت عشانك وعشان ولدك ..يوسف انت تمشي بطريق مايحبه لاالله ولا عباده ..ايش بتقول امك لما تعرف انك تغازل الحريم وتخرج معاهم .. يوسف: >عصب وقام ضربها < نوره: >تبكي> يوسف: اسمعي يانوره انتي مالك صلاح في حياتي ...انتي يانوره نوره:>قاطعته<انا الحرمه اللي احبك واضحي عشانك وعشان عمرك ودراستك .. يوسف: نوره انتي مالك اي قيمه بحياتي ..انتي طالق طالق طالق...وانا راح اعطيك تذاكر ترجعي للبلد انتي وولدك ولا ابغى اشوف وجهكم مره ثانيه ..<وخرج من الغرفه>.. >ونوره تبكي ما تدري ايش تسوي معقوله اللي حبته بحياتها وابو عيالها يسوي فيها كذا ...الله يادنيا اثر فيك ناس ما ترحم ولا تحس...اللحين نوره مطلقه ..وببطنها روح تتحرك وعندها محمد .. قعدت تبكي ...وتتحسف على كلامها وترحم ولدها اللي ماله ذنب ..>> <الاب يوسف لما جاء بيخرج من البيت قابل محمد كان عمره ثلاث سنوات ... محمد: بابا... ابو محمد:نعم ... محمد: بابا ابغى اخرج معاك انا مليت هنا ... ابو محمد: روح روح لامك شوفها تبكي بالغرفه روح عندها ...<<انسان ما عنده قلب.. محمد: طيب متى نخرج؟؟.. ابو محمد: بكرى انت وامك راح اسفركم للمملكه..<<ليش خدامات عندك هم .. محمد: وانت بابا راح ترجع معنا ...ونروح للملاهي ونلعب واشوف هناك خالاتي .. ابو محمد: ههههههههه لايا ولدي انا بقعد هنا ....روح شوف امك بس لاتموت علينا ....<<وطلع برى البيت.. محمد: > محمد واقف بحيرته وبراءة طفولته ..راح لغرفة امه لقى امه قاعده تبكي ... ام محمد: تعال يا حبيبي تعال يا قلبي ... محمد: >راح وضم امه وقعد في حضنها ..< ام محمد: حمودي ..ياقلبي انا احبك ... محمد: وانا كمان احبك ...ماما!!!!!!!ليش تبكين ..خلاص بابا بكرى يقول راح نرجع للسعوديه..<<<ياعمري الولد ولا على باله ام محمد:>تضم ولدها بقوه وتبكي وتنزل دمعاة الحسره والقهر وان ولدها من براءته ما صار يفهم ايش اللي صار .. >بعدين< >رجعوا للسعوديه ونوره بعد اربع شهور ولدت ولدين تؤم عماد وثامر ... وهاذي قصة نوره الام مطلقه وربت اولادها بنفسها وكانوا لما يسألون عن ابوهم تقول لهم انه مطلقه وطبعا هم لما كبروا عرفوا الحقيقه والقصه كامله .. واللحين محمد كبير وعمره 20سنه متفاهم ويحب امه كثير وكان يحسس امه انه ما غلطت وانها تعيشهم احسن عيشه..واللحين هو يدرس بقسم الهندسه والبناء .. جميل وطيب ..ملامحه رجوليه وكان مره مهستر بدراسته وعلمه ماكان يهمه بالدنيا شي عايش حياته بالروقان ..وهومتهور ودايم يزعل امه بتهوره عشان كذا كانت امه تنتبه له مره ... وبس .............وبعد محمد جاء التوم عماد وثامر ... هما قد بعض عمرهم 17سنه عماد هادئ ومثقف ومؤدب مايحب الهستره الزايده وكان عكس محمد ..وثامر طبق الاصل من محمد بالهستره والتهور وكل شي .. التوم يشبهون بعض اللي يفرق بينهم الطول ولون البشره ...عماد افتح من ثامر واقصر..وثامر اغمق من عماد واطول ... وبس وكذا خلصت عائلة نوره ام محمد.... ______________________________________ _في المجلس محمد كان يحكي مع سعود وعامر... محمد: كيف حالكم ؟؟؟...والله عيب عليكم انا ولد خالتكم ما تجو الا خميس ليش هذا؟؟؟. سعود: انا يا قلبي مالي صلاح ..ابوي وانت تعرفه ...بس خلاص بدت الاجازه ان شاء الله راح نقعد معاك ...زي ما تبغى .. عامر: محمد...فين عماد وثامر؟؟... محمد: عماد رايح للمكتبه.. عامر:هههههههههه هالمثقف .. محمد: وثامررايح ملعب كوره اليوم فيه مبارات.. عامر: ابوهم يالفله ...ليه مانروح نلعب معهم.. سعود: انا ما ابغى روحوا انتو ... عامر: وانت يامحمد.. محمد: والله الصراحه ودي بس انت عارف لازم اقعد عند ماما ..يمكن تحتاج شي والا شي .. عامر: ياسلام..وانا كيف اروح.. سعود: روح للوحدك.. محمد: والا استنى عماد يجي وتروح له .. عامر:ههههههههه عماد اعجز واحد كيف حيروح معنا للملعب ...كان يبكي.. محمد: والله ماهي جديده .. عامر:هههههههههه سعود:ههههههههه خلاص انت وياه بطلوا تريقه ...بالولد عيب .. محمد:هههههه صح خلاص مايصلح اخويا .. عامر:طيب حنقعد كذا..ما نسوي شي .. سعود: والله يامحمد ...يا نخرج يا جيب شي نتسلى فيه .. محمد: طيب..طيب اجيب السوني ونلعب كوره تحدي ... عامر: ايوا كذا ..اقلاع وتحدي ... سعود: راح افوزعليك .. عامر: ما تقدر .. سعود : انت استنى بس يجي السوني وقت التحدي وتشوف.. >محمد قام بيروح يجيب السوني من غرفته ..<< __ عند الحريم ... ام عبدالعزيز: حبيبتي يانوره ما عندك ؟؟..شاحن نسيت اجيب الشاحن حقي ....وجمانه كمان ما جابت حقها .. ام محمد: تصدقي عندي فوق بغرفتي ...قومي جيبيه من غرفتي يا جمانه تلقيه على الطربيزه.. جمانه: طيب ... >راحت جمانه لغرفة خالتها ودخلت الغرفه ..وكان على السرير البوم صور مفتوح ..جمانه قعدت تدور الشاحن مالقته ..ولما شافت الصور نسيت الشاحن واهله وقعدت تتفرج على الصور ..< >محمد صعد لغرفته وشال السوني لقى اليد الاولى بس الثانيه ما لقاه .. محمد: يوووووووووه فين اليد الثانيه اكيد بغرفة امي ..بروح اشوف بغرفة امي والا لا ...>وراح محمد بيدخل غرفة امه < >جمانه كانت ما سكه البوم الصور ومنسجمه مع الصور كانت صور محمد واخوانها وهي وعماد وثامر ..وعجبتها صوره كان فيها محمد وهو ضام امه لصدره .. شالتها من البوم وقعدت تتفرج على وجيهيهم ووتذكر المر اللي عاشته خالتها ومحمد والحنان اللي بينهم .. وفجأه!!؟؟... دخل محمد الغرفه وكان شايل السوني ولما شاف جمانه... محمد: جمانه ..!!!!!!!!!!؟؟؟؟؟؟؟؟؟؟ >جمانه انفجعت وطاحت الصوره من يدها وكمان البوم طاح على الارض وهذا الشي خلى جمانه مرتبكه حيل .. محمد: ياهلا والله ببنت خالتي ..<وشاف البوم الصور اللي طايح على الارض والصوره اللي فيها صورته هو وامه <<وكمل.. محمد:ايش تسوين ..جاي تتفرجي على الصور؟؟.. جمانه:>> ما صدقت اللي تشوفه قدامها ..معقوله محمد قدامي ويكلمني ..<<<ما يستحي ... محمد: ايش فيك اكل لسانك الفار ..ههههه تكلمي .. جمانه: >>انحرجت>>انا جايه اخذ الشاحن حق خالتي .. محمد: ههههههه طيب لا تخافين انا بأخذ اليد حقت السوني ..واخرج خوذي راحتك .. جمانه:لا..انا اللي راح اخرج <وعلى طول طلعت من غير كلام وكان وجهها احمر من شدة الاحراج والخوف .. >محمد استغرب من حياها ... محمد: يا حليله ...تستحي مني ..ايش كانت تتفرج عليه ..<وشال الصوره اللي طايحه على الارض وكانت بيد حمانه<<شاف انه صورته يوم كان بالثانويه مع امه وكانت الصوره مره حلوه اللي يشوفها يبكي ..يحس انه فيه شي واشياء بعيون امه... محمد:يا حليلك يا جمانه مالقيتي الا هاذي الصوره ...غريبه..<وشال البوم الصور ورجع الصوره مكانها ودور على اليد ولقها ولقى الشاحن واخذوه معاه ونزل تحت لقسم الحريم .. >كان ما فيه بالمجلس الا امه وخالته عبير ..اما جمانه ما فيه وكان هو وده يعطي جمانه الشاحن وعشان يسألها ليش اخذت الصوره اللي فيها هو وامه ..وراح للمطبخ يمكن يلقاها ..ولقاها.. محمد: جمانه ... جمانه: انت ايش جابك هنا ..>منفجعه> محمد: انا جاي اعطيك الشاحن ..وبغيت اسئلك سؤال.؟؟.. جمانه:سؤال؟؟.!!!..<<راحت فيها .. محمد: ايوا.. جمانه: تفضل... محمد: >كان وده يسأل هذا السؤال بس فكر وعلى طول قرر يغير هذا السؤال <<ايه ايه ..كنت ابسألك .؟؟.. جمانه: ايش؟؟.. محمد:طلعت شهادتك ؟؟.. جمانه: !!!!!!!!!!هههههههههههه ...لا لسع محمد: ههههه دوم هالضحكه <<<فاله جمانه: <<<يمون محمد: هذا الشاحن ويالله مع السلامه .. جمانه: شكرا<واخذت الشاحن ..<وطلع محمد .. >وراحت جمانه للمجلس ومعاها الشاحن .. >ومحمد رجع للشباب ومعاه السوني ... {وخلصوا ليلتهم بالعافيه ...ورجعوا مكه... } ...................... قاعده تسولف وتضحك مع رفيقة عمره وحبيبته ويجي اللولد يعطيها كف ويبكي ويقول ليش تقعدين معه ما يصلح ..ويضربها وتقوم حبيبة قلبه تبكي وتركض وهي منصدمه ليش!!اللولد يضربها وصديقتها حبيبتها تمشي وتبعد عنها صارت تبكي وتنادي عليه>>>لمى..لمى لم ى لمى.. شوق:>قامت من كابوسها وهي تبكي وتتنفس بقوه على اسم رفيقة عمرها>.. شوق: لمى...<وتحط يدها على راسها وتستوعب انها في حلم ....بسم الله الرحمن الرحيم كابوس الله يكفينا شره .. <وقامت من سريره وراحت للحمام ووقفت قدام المرايه وشافت نفسه والدموع اللي نازله ورجعت للحلم وتذكرت كيف! اللولد عطاها كف وهو يبكي ..تذكرت كل شي واستغربت ايش جاب هذا الانسان لاحلامي للصديقتي بعدين ليش يقولي لاتقعدين معها وبعدين لمى ليش قامت وبعدت عني ..وفتحت المويه وغسلت وجهه ودموعه وتعوذت من ابليس.. وراحت تصلي صلاة الظهر واخذت بعدها شور وانزلت تحت للصاله..>> _في الصاله امه ام عبدالعزيز.. شوق:صباح الخير..كيف حالك يمه.. ام عبدالعزيز: هلا بنتي ..!!!!غريبه صاحيه هاالوقت وش الطاري ..تعبانه ؟؟!!بك شي يابنتي.. شوق: ما ابي الا العافيه يمه لاتخافين ..ليش وش فيها اصحى بدري شبعت نوم .. ام عبدالعزيز: الحمد الله..مسويه غداء يا بنتي تبين ؟؟... شوق:لا يمه ما اشتهي شي ..ابكل بسكوت مع بيبسي.. ام عبدالعزيز:ياربيه عليك يا بنتي كم مره اقولك لا تشربين بيبسي على الريق يا ساتر ..اسمعي كلامي يا بنتي واشربي عصير .. شوق: علشان خاطرك يا قلبي ..ابشرب عصير .. ام عبدالعزيز:ايه يمه انا ما ابي الا مصلحتك..زين سمعتي كلامي يالله روحي كولي بالعافيه .. شوق: الله يعافيك ...الى اللقاء .. ___________________________________________ جمانه وتفكيره بمحمد زاد شوي ؟؟!!: يا حليله ولد خالتو مطنش هع هع يالله متى يجي الخميس الجاي عشان نروح لمهم والله اشتقتله .. <<<<وعبدالعزيز وليلة زواجه ..وهند وارتباطاته .. ونوره عايشه مع ماضيها وذكرياتها ..جمانه ومحمد وش سالفتهم ؟؟!!..وليش محمد يمون على جمانه بزياده ... ومين الولد اللي بحلم شوق ؟؟!!وصديقتها وحبيبتها؟؟!!>>> ________________________
|
|
#3
August 17, 2008, 04:01 AM
|
||
|
|
||
|
رد: رواية شوق حبي ((رومنسيه وفكاهيه ))
الحمدالله على السلامه انتهى الجزء الاول ...
وان شاء الله عجبكم .. انتظر ردودكم واقترحاتكم وان شاء الله بنزل الكماله .. بس ابي لو رد واحد يقولي كيف !؟!؟!؟!؟!؟!؟.. وشكرا...... اختكم: شوق حبي..
|
|
| مواقع النشر (المفضلة) |
| الكلمات الدلالية (Tags) |
| حتى, رومنسيه, رواية, سوق, وفكاهيه |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| رواية نساء عند خط الاستواء ل زينب حفني رواية ممنوعة | بو راكان | كتب الادب العربي و الغربي | 32 | December 27, 2011 07:46 PM |
| جلسات رومنسيه | TrNeDo | الفنون الجميله | 24 | October 11, 2011 04:41 PM |
| رواية الحظ المنسدح ............ رواية فكاهية ورومانسية | قمر الرافدين | روايات و قصص منشورة ومنقولة | 33 | January 22, 2011 04:50 AM |
العرض العادي
