|
|||||||
| النصح و التوعيه مقالات , إرشادات , نصح , توعيه , فتاوي , احاديث , احكام فقهيه |
 |
|
|
LinkBack | أدوات الموضوع | انواع عرض الموضوع |
|
#1
July 29, 2010, 09:54 PM
|
||
|
|
||
أنتِ عايشة ازاى ..!!
أنتِ عايشة ازاى ..!! [IMG]https://i43.************/28lf3ev.jpg[/IMG] انت عايشة ازاى ..!!  بسم الله والحمد لله والصلاة والسلام على رسول الله صلى الله عليه وسلم وعلى آله وصحبه ومن تبعه بإحسان إلى يوم الدين .. وبعد  منظر مؤلم  لما تلاقى الأخوات الملتزمات (( عفوا )) اقصد اللي يقال عليهن ملتزمات وتلاقي منهم الكلمات اللي مليانة حماس وهنعمل وهنعمل وهنكسر الدنيا ووقت الجد تدور عليهم تلاقي الأعذار سبقتهم امال فين كلامكوا فين الحماس فين الهمة معلش اصل عندي كذا اصل مفيش عندي وقت ونلاقي الأعذار طلعت بالكوم مش عندك وقت !!!! طب ممكن تقوليلي انتى عايشة ازاى وليه فين يااخوات الجدية ؟؟  منظر مؤلم أما ندور على محفظات قرآن للفترة الصيفية للأطفال ندور على بنات ملتزمات يعلموا أطفالنا الأخلاق والسيرة وقصص الصحابة والأدب والأذكار ولا نجد من الملتزمات سوى الأعذار !!!! وعلى النقيض نلاقي الأخوات ذوات البنطال الضيق والبديهات والجيبات الضيقة والكارينا بل والمكياج والعطر أيضا جايين ومتحمسين جداااا أنهم يشاركوا فى الأجر والثواب !! اقسم بالله أخوات ذات بنطال يا أخوات يا ملتزمات بالزي الشرعى مقعدوش يقولوا أصل عندنا وعندنا وفى لحظة يتقال ألف عذر ده رحبوا جدا وفرحوا أنهم هيشاركوا فى الثواب امال انتى يا اختى الملتزمة قاعدة بتعملى ايه ؟؟؟ عيب اوى والله أما تلاقي أختك التى اسأل الله أن يجعل مشاركتها فى الثواب بداية لهدايتها والله المستعان عيب اوى والله أما تكون هيا فى الميدان بتشارك وبتضع بصمة لها ومسارعة للخير أكثر منك وحضرتك قعدة واعتقد بل أجزم أن ممكن يكون عندك وقت فاضي أكثر منها..!! مفيش حد مننا مش بيضيع وقت ونقول اصل عندنا الف عذر .. عذرك ايه اختى الملتزمة لما تلاقي اخت صغيرة لسه يادوب فى تانية اعدادى ولا اقولك لسه مدخلتش اعدادى اصلا وحافظة لنصف القرآن بالتجويد أخوها الصغير يحفظ متن الشاطبية أخواتها الصغيرات بيحفظوا القرآن والمفاجئة هي والدتهم الفاضلة اسأل الله أن يبارك لها فى أولادها ويحفظهم ويستعملهم ولا يستبدلهم وإيانا يارب هذه الأم الفاضلة تعيش برجل واحدة يا أخوات والأخرى صناعية اسأل الله أن يعافينا جميعا لم يمنعها مرضها من أن تأتى إلى المسجد لتحفظ الأخوات القرآن بالسند الي معاها وتعلمهم التجويد وتقوليلي عندك عذر !!! ما عذرنا يا اختى والله ما لدينا عذر يمكن فى عذر واحد فقط أن ذنوبنا أثقلتنا ومنعتنا من الحركة عن العمل لدين الله وبئس هذا العذر انتى عايشة ازاى يا اختى .. لو عدى عليكي يوم مقرأتيش فيه وردك من القرآن تبقي عايشة ازاى !!!! لو عدى عليكي يوم محفظتيش آية واحدة أو آيتين متعلمتيش شيء ينفعك فى هذا اليوم ويقربك من ربك مسمعتيش درس أو قرأتى ولو صفحتين تلاتة من كتاب من كتب شيوخنا الأفاضل يبقى انتى عايشة ازاى !!!! هتقولي بيت وأولاد ومشاكل الأولاد ده مش عذر يا اختى فى بيتك وتنضيفك تقدري تقضي الوقت ده كله بذكر الله تنضفى وانتى بتذكري الله تطبخي بردو وانتى بتذكري الله وقبل ده كله تبدأى اصلا يومك بذكر الله أولادك تقعدي معاهم تقرأي لهم من سيرة رسول الله تربيهم على الأخلاق الحسنة وتعرفيهم ازاى كان خلق النبى صلى الله عليه وسلم تعرفيهم الصحابة عملوا ايه وتحكي لهم قصص الأنبياء تنزليهم المسجد يحفظوا القرآن وانتى معاهم أخيتى لو عدى عليكي يوم محستيش انك زدتى فيه خطوة للأمام يبقى انتى عايشة ازاى !!!! انتى مش خايفة تكونى من الي قال فيهم ربك " وَلَكِن كَرِهَ اللّهُ انبِعَاثَهُمْ فَثَبَّطَهُمْ وَقِيلَ اقْعُدُواْ مَعَ الْقَاعِدِينَ " انتى ناسية انك على ثغر أيا كان هذا الثغر اللى انتى عليه لكن ليكي دور فين دورك هل أديتي دورك ؟؟؟ هل نفعتى غيرك ؟؟؟ انتى حاسة انك بتفيدي فعلا غيرك وبتستفيدي بردو فى نفس الوقت !! انتى يا اختى حاسه انك فيكي غيرة على دينك طب الغيرة دي مجاش بقى وقتها انها تحركك للعمل ولا هتفضل الغيرة دي فيكي لإمتى يعني ؟؟؟ منظر مؤلم وصعب أما نلاقي الملتزم والملتزمة أقعدهم عن العمل لدين الله الهم والإكتئاب طالب علم من طلاب الشيخ الفاضل محمد حسان فى بلدة أخرى غير بلدة المنصورة يحرص على حضور دروس الشيخ أولا بأول يتصل بإبن من أبناء الشيخ عشان يقوله اعتذر للشيخ مش هقدر اجى الدرس انهارده (( درس الخميس بمسجد التوحيد )) ليه يا اخوات مجاش اصله مهموم ومتضايق ومكتئب فزود همه بأنه قعد ومحضرش الدرس ولا ايه عذره يا ترى ؟؟؟ عذره انه مش معاه فلوس عشان يسافر بالله عليكم مش شيء يبكى أن يكون منه هذا الحرص على حضور الدرس فى الوقت اللي ممكن يكون بين أخ تانى أو أخت وبين المسجد مجرد عشر دقائق ولا تحضر لمجرد الكسل أو انشغالات تافهة أختى الكريمة انتى متأكدة انك عايشة !! أختى الكريمة ايه الفرق بينك وبين الأخت اللي متجاوزتش عشرين سنة وسافرت إلى بلد ليس بها طعام أو شراب جيد بل أسوأ ما يكون بل بلد تملؤها الأسود لكن راحت هناك عشان تعرض ديانتها النصرانية على الناس هناك وتتحمل كل ده فى سبيل عقيدتها تتهان وتذل فى سبيل انها تنشر عقيدتها عارفة الفرق ايه !! إنها على بااااااااطل ولكنها تدفع الغالى والثمين لنشره وانتى علىالحق لكنك متكاسله عن نشره وتبليغه لو فضلت اتكلم مش هخلص أبدا لكنها بمثابة جرس انذار لكل منكن يا اخوات انتبهوا !! لا نعلم كم تبقى لنا من العمر فى هذه الدنيا الفانية ويكفينا ما ضاع فلن يأتى النصر أبدا بمثل هذه الهمم المتكاسلة قال تعالى { يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ وَيُثَبِّتْ أَقْدَامَكُمْ } (محمد7) وصلى الله على سيدنا محمد منقول للفائدةوعلى آله الطيبين الطاهرين ، وصحابته أجمعين . الدكتور مؤمن    
__________________
     
|
|
#2
August 1, 2010, 08:19 PM
|
||
|
|
||
|
رد: أنتِ عايشة ازاى ..!!
ماشاء الله موضوع هادف وممتاز ,,
فى الصميم أخى .. بوركت وأسعد الله قلبك .. لا حرمك الأجر .. 
__________________
 هُناك لحظات فى الحياة لا يصمد لها بشر إلا ان يكون مرتكناً إلا الله مطمئناً إلى حماه .. مهما أوتى من القوة والصلابة والثبات ! ففى الحياة لحظات تعصف بهذا كله ، فلا يصمد لها إلا المطمئنون بذكر الله ، ~ ألا بذكر الله تطمئن القلوب ~ 
|
|
#3
August 1, 2010, 09:00 PM
|
||
|
|
||
|
رد: أنتِ عايشة ازاى ..!!
اول شئ سعيدة جدا أن اقرا لك موضوع كهذا لكن هناك الكثير من الجوانب اغفلتها
لكن لا يعد نقصا من اهمية الموضوع ولكت احسست انك كنت مشتت الفكر وانت تكتب تحاول ان تجد عبارات تصف بها لنا مدى اهمية العيش برسالة سامية ،، ثم صدقت حين قلت ان الاعذار كثرت ورب عذر اقبح من ذنب ،، تعال معي لنرى الموضوع من وجهة اخرى فالكلام ليس كالفعل اول شئ التوعية اساس كل امر جيد وهاذا ما فعلته الان بطرحك للموضوع ثم يأتي التغيير الذي يجب أن يبدأ من الداخل وبعزيمة وارادة قوية لانه اذا لم تكن هناك عزيمة وارادة فالامر سيأفل بمجرد غياب التوعية ،، كمثل من يستمع لخطبة بتحدث فيها الامام عن التوبة النصوح ثم تجد الافراد شحذت هممهم وذهبوا للتقصير والصلاة بالمسجد وغيرها وماهي الا ايام معدودة تأفل الهمة ليهود كل لسابق عهده ،، كذا ليست كل من التزمت التزمت برضاها وحتى تلك التي رفعت شعارات السير نحو الله بصادقة هناك من فرض عليهن الحجاب واخريات يبتغين امورا وراء ذالك وهذا شهدته مرة ان تلتزم البنت للتزوج ،، هناك من تراها ملتزمة ولا تحفظ شيئا من القرآن ولا من الاحاديث فقط ازياء وهمية ترتجي منها ارضاء غرور داخلي وحب ظهور حين قلت ان صاحبات البناطيل الصيقة افضل صدقا قد وقفت مرات امام طيبتهن وحب مساعدتهن للاخرين اتدري لما؟؟ لانها تفعل ذلك بدون تفكير لما سيحدث بعد ذلك دون خجل من الخطأ الوارد عكس تلك التي تحافظ على صورتها وتخاف ان تنكشف صورتها ليس كلهن كذلك بل يوجد منهن صدقا ملتزمات ويعرفن حق الرسالة ،، لست ادري فقد اخذني الحديث عذر على الاطالة ،، ولو تستطيع لنبتكر موضوع نستطيع من خلاله توجيه الافكار لطرق سهله نحو التوبة النصوح ،، فلي تحارب رايتها صادقة ونتائجها مذهلة فلنجعل لنا هدفا هنا ايضا ،، وفقك الله اخي وارضاك ورضى عنك واسعدك اينما كنت ،، 
__________________
..  يَاربْ قبلْ ما أرحلْ . . وتنزعْ مِن حَشايْ الرُوح ; أبى تِغفرْ لي ذنُوبي ; تِجاوزْ عَن خَطيّاتي /~ وأبى لامِنْ غدا جِسمي وِسطْ ذَاك الثَرى مَطروح . . ! تونسْ وِحدتي وضٍيقي \ تيّسر لِي حِسَاباتي .‘, // .gif "E20(27)")
|
|
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ازاى محبكش انت | نور جاد | بوح الاعضاء | 7 | May 6, 2010 12:17 PM |
| أحبك أنتِ .. أهديها إليك أنتِ .. | شذى مصطفى | كلام من القلب للقلب | 7 | December 1, 2009 11:06 AM |
| حبي أين أنتِ الآن مني ؟؟؟ | شذى مصطفى | كلام من القلب للقلب | 10 | August 16, 2009 12:31 AM |
| هل أنتِ جارية؟ | مشاهد | مقالات حادّه , مواضيع نقاش | 1 | May 23, 2009 02:24 AM |
العرض العادي
