فيسبوك تويتر RSS



العودة   مجلة الإبتسامة > الروايات والقصص > روايات و قصص منشورة ومنقولة

روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا



إضافة رد
 
LinkBack أدوات الموضوع انواع عرض الموضوع
  #1  
قديم July 13, 2008, 10:32 AM
 
Love الم وحنين

الم وحنين

راحوا العيله كلها على المطعم واتعشوا بعدين راحوا لبيت خال رنوا

رانيه- رشيد انا مني فاهمه انته ليش ماتبغه تجي معانا عمي ابو وليد قال لقالك حجز روحه ورجعه يعني مافي خوف عليك ترجع ولا لا
رشيد- القصه مو كيده بس انا ماابغه اروح عندي اشغال هنا
رانيه- وايت اشغال ان شاء الله الا ماتخليك تروح معايا
رشيد- اشغال مع ابويا
رانيه- ابوك وامك مسافرين على مصر بعد كم يوم انت ايش عندك هنا
رشيد- يارنوا يارنوا والله انا ابغه اجي بس والله مو بيدي
رانيه- يعني داه اول طلب اطلبوا منك تقوم تقولي مااقدر
رشيد- طيب انا قلتلك مونا عيني بس انا مااقدر مشغول
رانيه- طيب موانا وانته اتفقنا قبل مااجي على فرنسا انك راجع معانا وقلتلك كلم عمي على شان يشوفلك حجز
رشيد- صار
رانيه- طيب ليش مارتبت امورك
رشيد- ماقدرت
رانيه- طيب انا رايحه اقل لابوك يخليك تجي معانا
رشيد- لا لا لا انتي كيده تضغطي عليا
رانيه- ايش رشيد اقلك اذا ماتبغه تجي قولي وبلاش شغل اللف والدوران
رشيد- لا والله يارنوا بس انتي كيده تحرجي ابويا
رانيه- على العموم انا ماابغاك تجي اصلا اوك خلاص شوف اشغال احسن
رشيد- رنوا انا ماابغاكي تزعلي مني
رانيه- ازعل ليش انت سويت شي يزعل
رشيد- ماادري عنك
رانيه- خلاص قلتلك انا ماابغاك تجي اوك

خرجت رانيه على الصاله وكان شكلها مره معصب
لميس- رنوا اشبك
رانيه- ولا شي قوليلهم متي يبغوا يروحوا البيت
لميس- طيب اشبك اتزاعلتي انتي ورشيد
رانيه- الله يخليكي لا تجيبيلي سيرتوا
لميس- طيب قوليلي ايش صار
رانيه- بعدين اقلك
رانيه- ماما متي راح نروح البيت
ام رامي- ايوه الله الوقت اتاخر
ام وليد- بكره لازم يقوموا بدري
ام فادي- الله يعيننا بكره لازم نطلع نحنا نصحي الاولاد والبنات
ام وليد- وربي مو راح تتعبي
ام رامي- والله بالماي على الا مايقوم
لما قالت ام رامي انها راح تكب ماي على الا ماراح يصحي كل الاولاد والبنات طلوا فيها
ام وليد- سمعتوا
ام فادي- اهم شي نحنا حذرناكم الساعه 10 لازم نكون في المطار
ام وليد- يعني الساعه 8تصحوا
ام رامي- ايش 8 مامداهم يلبسوا ويشوفوا ايش ناقصهم ويفطروا 7ونص يصحوا والا مايصحه بالماي سامعين ياشباب سامع يافادي
فادي- هاااااااااااااااااااااااااااااااا
وليد بصوط واطي- سوي نفسك ماسمعت شي
رامي- ترى والله امي تسويها
فادي- والله حتى انا حاسس كيده
وليد- لا نحنا ندخل الغرفه ونقفلها باقفل من جوه
فادي- تعجبني ياولد عمي
رنده- بنات اسمعوا الاولاد ايش يبغوا بسوا علشان نسوى زيهم
لميس- ايش يبغوا يسوى
رنده- يبغوا يقفلوا الباب بالقفل من جوه
رانيه- الله هههههه على بالك ماراح يفتحوا والله يفتحوا ويفتحوا ابو ابوه كمان
لميس- الله يستر
رنده- ايوه الله لحسن نظرات امك يارنوا ماطمن
رانيه- ترى حتي خاله ام وليد مو هينه
لميس- اذا اجتمع القوم احذروا من بلائهم

الساعه12 الليل
رانيه- اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اه
رنده- بسم الله ايش فيه
لميس- رنده رنده رنده امسكي البسه
رنده- ايت بسه يامامي انا اخاف
رانيه فوق التسريحه- ااااااااااااااااااااااه يامامي لميس امسكيها
رنده- لميس فينها امسكيها
لميس- تحت السرير ماهي راضيه تطلع
رنده على طول نطت من السرير على التسريحه
رانيه- انتي ايش جايبك هنا ها روحي مافي مكان نوقف نحنا الاتنين
رنده- انتي انزلي
رانيه- انا من اول هنا
الا وشويه البسه تطلع من تحت السرير وتنط على الستاره الا جنب التسريحه
رنده جات تبغه تجري راحت طاحت من فوق التسريحه على الارض
رانيه-اااااااااااااااااااااااه الله يلعنك امسكيها
لميس- اووووووووووووووووووووووووف ياربي مني قادره بس تجري

الاولاد سمعوا صوت البنات وهما بيصارخوا وعلى طول راحوا يشوافوا ايش فيه

فادي- ياااااااااااااااااااااااربي
رامي- مهم راضين يفتحوا الباب
وليد- هما اصلا مهم سامعين صوت الجرس من الزعيق
فارس- عارفين البنات ليش بيزعقوا
وليد- ليش ياحظي
فارس- اكيد وحده من البسس طلعت تجري في الغرفه
وليد- والله طلعت زكي يااوخويه
رامي- ورانيه تبغاها تموت جلسها هيا وبسه في غرفه وحده
فادي- ساااااااااااااااااااااااارة رنواااااااااااااااااا
رانيه- لميس انا سامعه صوت فادي برى
لميس- طيب روحي افتحيلوا الباب
رانيه- من جدك انتي والله مني متحركه من مكاني
لميس- رنده روحي افتحي الباب بسرعه
رنده- والله مني قادره طحت على رجولي
رانيه-اااااااااااااااااااااااااااااااااااااااااااااااااا ااااااااااااااه يامامي لميس لميس الحقيني
فادي- ابعدوا والله شكلي راح افزر الباب
وليد- من جدك انته وربي مايطلعوا من الفندق بكره
رامي- لا اصبر انت دق الجرس وانا ادق الباب
فارس- بلا فضايح الناس نايمه
وليد- ايش تبغاهم يعني يسوا

على طول راحت لميس وفكت الباب
وليد- بدري
فارس- مين الهبله الا بتقول يامامي
وليد- امسكيها مو انتي ماتخافي منها
لميس- مني قادره بتعضني
رامي- رانيه انزلي انزلي انزلي وروحي غرفتنا بلا فضايح زايده
رانيه والله مني نازله
وليد- فارس يااهبل سك الباب لا احد يمر ويشوف البنات كيده
فارس- طيب

ولا دقيقه مسك فادي البسه ودخلها القفص

لميس- مرسي
فادي- اسكتي علشان لا اقوم عليكي
وليد- وربي نسمع زعيق لااقتلكم
فارس- وبطلوا هبل ولا اسمع احد يقول يامامي
رانيه- اقلب وجهك انته ابو لسانين
فارس- والله لا اخرج البسه دحين

الساعه7ونص
ام رامي- رانيه لميس رنده يلا قوموا
لميس من يوم ماسمعت صوت ام رامي على طول قامت
لميس- صباح الخير
ام رامي- صباح النور اهو يابنات شوفوا لميس على طول قامت ماشاء الله عليها يلا قوموا
رنده- صباح الخير
ام رامي- ماشاء الله شكلكم نمتوا بدري
رنده بصوت واطي- الله يرضي على المويا
ام رامي- اها ماباقي غيرك يارانيه والله انا مني مستنيتك الين ماتدلعي عليا لسه وراي الاولاد شوفتي اذا ماقمتي انا راح اجيب المويا وداه اخر انذار ليكي
رانيه من يوم ماسمعت كلام امها على طول قامت
رانيه- طيب ايش معنه نحنا اول صحتينا ليه مو الاولاد
ام رامي- دحين انا اروح اصحيهم
رانيه- اروح انا
ام رامي- طيب روحي بسرعه اذا مارضيوا قوليلي
رانيه ووجهها كلوا فرح- طيب
ام رامي- استني فين طايره خذي المفتاح

رحت رانيه لغرفة الاولاد وفتحت الباب والنور وسكت المكيف وعلى طول راحت لامها من دون ماتقول للاولاد قوموا

رانيه- ماما قلتلهم قوموا مهم راضين
ام رامي- دحين انا اروح لهم
رانيه- اروح تاني
ام رامي- ايوه فكي النور وطفي المكيف
رانيه- من زمان فتحت النور وسكيت المكيف
ام رامي- طيب حاولي معاهم تاني الين مايقوموا
رانيه وهي نفسها تموت ضحك- طيب

راحت رانيه وزي المره الاولي جلست فوق الكنب لا صحتهم ولاحتي نطقت بكلمه

رانيه- ماما مهم راضين
ام رامي- جيبي تلاته كاسات مويه وتعالى
رانيه- طيب
ام رامي- رانيه من الحمام لاتجيبي مويه بارده علشان مو كويس بعدين يقوموا مفجوعين
رانيه- اوكي

وطبعا رانيه ولا كاانوا احد اتكلم كبت ماي نص الكاسه ماي بارد وربعها ماي دافي

رانيه- اتفضلي ماما
وعلى طول راحت ام رامي من دون حتي ماتتكلم مع الاولاد ولا تقلوهم اصحوا على طول كبت الماي عليهم
طبعا ردة فعل الاولاد راح تكون طبيعيه الكل راح يعصب
رامي عصب عليهم وكان يبغه يقلب الغرفه فوق تحت
وليد نفس الشي بس مسك اعصابوا علشان ام رامي لا تزعل
فادي سكت ولا كاانوا صار شي لانوا متعود كل يوم يقوم بنفس الطريقه

ام رامي- يلا انا نازله عمينكم لبسوا وفطروا ودحين جالسين يخلصوا اجراءات الفندق وانتوا ولا شي دوبكم صاين
وليد- وايش معنه فارس ياخاله ماكبيتي عليه مويه
ام رامي- فارس صغير ونقدر نصحيه
وليد- طيب خير
في اللوبي
البنات خلصوا فطور وجالسين يستنوا الاولاد والرجال يقولولهم يلا

ام وليد- طيب والله قدرتي تصحيهم
ام رامي- لا البنات ماشاء الله صحيوا بسرعه اما الاولاد الا مارضيوا
رامي- هااااااااااااااااا مارضينا انتي جيتي وعلى طول كبيتي المويا حتي من دون ماتتكلمي
ام رامي- لا والله ارسلت اختك
في نفس اللحظه رانيه-هههههههههههههههههههههههههههههههههههههههههههه
ام رامي- خير يارنوا شكلك ماصحيتيهم اصلا
رانيه- لا
ام رامي- كمان خليكي دحين كل الاولاد راح يقوموا عليكي والله مني فاكتهم عنك
رامي- طيب والله دحين خلي وليد يجي وربي لانقتلك
جاه وليد ورامي حكاه على كل شي هوا وفادي
وليد- خير اصبري عليا وانا عصبت بس سكت علشان خاله بس والله ماراح تروحي مني
فادي- انا عادي ماعندي أي مشاكل كل يوم اقوم بنفس الطريقه
خلاص

كيده انتهت رحلة العايلة

وراح يرجعوا على المملكة

ياترى ايش راح يصير لما يرجعوا
منقول
__________________
رد مع اقتباس
إضافة رد

مواقع النشر (المفضلة)

الكلمات الدلالية (Tags)
امل, وحنين

أدوات الموضوع
انواع عرض الموضوع



الساعة الآن 02:06 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر