فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم November 20, 2006, 01:46 PM
 
قصيدة بنت غلطانه في رقم التليفون

البشر في الاتصالات يخطون
يخطون واخطي.. عذرنا هاتف فلان؟؟
ومن عادتـي ماهتـمّ باللـي يقولـون
من غلط في رقمي .لقى الردّ غلطـان
الين جااء فـي يـوم ..دق ّ التلفـون
شفت الرقم.. لقيتـه اشكـال والـوان
فتحت جوّالـي ابعـرف مـن يكـون
سمعـت صـوتٍ فيـه بحّـه وفتّـان

قالت لي: انت سعود؟ قلت: ايه بالعون.
لعيونك.. اسمي سعود لو كان ضيـدان
قالت :اتظنّي مخطئه. قلت :وشلـون؟؟
قلبي توقّـف مانبـض فيـه شريـان
بالهـون يابنـت الاجاويـد بالهـون
من عادة الانسـان يرتـاح لانسـان
تسمّعـي يابنـت وابليـس ملـعـون
اخذي كلام ٍ مصدره صـدق وجـدان

ماني بقايل لك: انـا انسـان مزيـون
اطرق ولاله شبه في الانـس والجـان
انا سليمان.. وافـي الهـرج مـوزون
اوزن كلامي.. قبـل اقولـه بميـزان
وانا الّذي لاحـبّ ..لايمكـن يخـون
مخلص مدامه حيّ .ويمـوت ماخـان
وانـا اذا حبّيـت.. حبّيـت بجنـون
حبّـي يفجـر داخلـي الـف بركـان
وانا الّذي ماطـرد ورى مـن يقفّـون
من صدّ عنّي عمد.. بجزيـه حقـران
هذي وصوفي .واكثرالنّـاس يشـرون
وانتي عليـك اليـوم تقديـر الاثمـان

قالت :اشوفك قمت ياسليمـان تمـون
تضحـك وضحكتهـا تقاسيـم فنّـان
قلت :الميانه.. ماهي بضحكة سنـون
احيـان ماتلقينهـاا بيـن الاخــوان
ترى الميانه شيّ واضـح ومضمـون
اذا اجتمع شخصين.. في قلب ولسـان

قالت :كلامك وافـي ٍ يابـن خلـدون
احيان احسّ ان جلستك بيـن شيبـان
ياسليمان .اسمع كلمة البنـت ميسـون
اسلوبك ووقتك.. مضت دونها ازمـان
هـذا زمـن قدواتـه افـلام كرتـون
وهذا زمان ارجالـه اجسـاد وابـدان
قالت.. وغنّت لي على وقتـي لحـون
قلت: اسكتي من بعد ماخاطري شـان
انا ادري ان الوقت.. من دون في دون
لكن فمـان الله وانـس ِ اللـذي كـان

قلته وانا صامل.. وهي عندهـا آذون
لكنّهـا ماصـدّقـت سـمـع الاذاان
ضاقت ...وخلق الله دايـم يضيقـون
وانا قفلـت الخطّ..ضايـق وزعـلان
ونسيت.. والاجواد في الوقت ينسـون
ماسـمّـي الانـسـان الاّ بنسـيـان

المشكله..بنـات حــوّا مايسـلـون
دقّت علـي وانـا لهـا شبـه شفقـان
قبل آآتكلّم.. قالت: اسمـع ولاتهـون
اسمي مهو ميسون.. حان الصدق حان
الاسم عمشاء وآخـر الجـدّ مصيـون
مهـره ولا طوّعـت بلجـام وعنـان
قلت: ارحبي مليون تضـرب بمليـون
اقولهـا مليـون مـن قلـب ولسـان
قلت: ارحبي في العين ..ولحافك جفون
وظلالك من الشمس باهداب الاعيـان
ياعيـن حـر ٍ بالمطاليـع مفـتـون
حر ٍ شـراه مولّـع الصيـد طربـان
__________________
قفت بي الدنيا ولا أدري على وين..
فيني بعد ماغبت الأيام جارت..
كلن توسع خاطره دمعة العين..
وانا دموعي داخل العين حارت..
لاعتني الفرقا على بعد غالين..
يا شينها الأيام لا قفت وجارت..
رد مع اقتباس
  #2  
قديم November 20, 2006, 02:31 PM
 
رد: قصيدة بنت غلطانه في رقم التليفون

يعطـــــــــــــــــك العااافيه اخوووي

قصيده رااائعــــــــــه
__________________
رد مع اقتباس
  #3  
قديم November 20, 2006, 02:47 PM
 
رد: قصيدة بنت غلطانه في رقم التليفون

الله يعافيك مرورك اروع اختي
__________________
قفت بي الدنيا ولا أدري على وين..
فيني بعد ماغبت الأيام جارت..
كلن توسع خاطره دمعة العين..
وانا دموعي داخل العين حارت..
لاعتني الفرقا على بعد غالين..
يا شينها الأيام لا قفت وجارت..
رد مع اقتباس
إضافة رد

مواقع النشر (المفضلة)

الكلمات الدلالية (Tags)
التليفون, بنت, رقم, غلطانه, قصيدة

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
قصيدة واحد يبي يسوي رجيم...... محبوبه فايز شعر و نثر 8 August 4, 2010 11:48 AM
قصيدة حب محبوبه فايز شعر و نثر 10 June 9, 2010 04:46 PM
قصيدة أحمد مطر - زار الرئيس المؤتمن ؟؟ هدى شعر و نثر 7 May 19, 2009 09:18 PM
قصيدة سيف العشق هلالي وبس شعر و نثر 5 June 13, 2006 04:08 AM


الساعة الآن 06:21 AM


Powered by vBulletin® Copyright ©2000 - 2019, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر