جرحتك من كثر شوقي وخليت الكلام ارماح ...!!!!

جرحتك من كثر شوقي وخليت الكلام ارماح ...!!!!



عسى ما زعلتك امبارح وزودت الجراح جراح
عسى ما مرت الدمعة على اهدابك من اسبابي

جرحتك من كثر شوقي وخليت الكلام رماح
ولا ادري اشلون يا عمري طعنتك حيل بعتابي

بدون شعور صدقني ترى كثر الغلا ذباح
تعال وشوف بغيابك غلاك شلون سوى بي

حرام تغيب من عمري وتعطيني الفراق وشاح
حرام الدمع في عيني مناديله هي اهدابي

غيابك يشغل عيون الزوايا ويمتلي اشباح
وانا انثر صوتك بقلب المكان واشعل ابوابي

تلفت للامل دام الرجا في عمره المنواح
اناديلك ولو شرهت وصولك تقطع اعصابي

ابيك الجاي من عمري انا مابيك شي وراح
مادامك اجمل واخر مادمك اول احبابي

ابي ارتاح يا عمري انا ادري هم تبي ترتاح
تعال وقبل ما افرح ترى تفرح بك اثيابي

أحبك يا بعد عمر الحزن والجرح والافراح
احبك كثر ما نامت عيونك داخل اهدابي
منقول

انتظركم

__________________

اختي الغاليه والجميله عبير مليكه المجله كيفك
ارى مزاجاتك متقلبه شكلك عصبيه ماهو شكلك وبس انا متاكد من انك نديه وعصبيه
تدرين كيف عرفت ؟؟؟؟
من اختيارمواضيعك واحد في القصيده اللي قبل ذي في اخر بيت دعيتي عليه بالموت وقلتي تفرحين بموته
وفي القصيده هاذي يعتذرين من حبيبك
صح لسااااااااااااااااااااااانك والقصيده جميله بل راااااااااااائعه
تحياتي لك

__________________