فيسبوك تويتر RSS



العودة   مجلة الإبتسامة > الحياة الاجتماعية > الاسرة والمجتمع

الاسرة والمجتمع الاسره و المجتمع , توطيد العلاقات الاسريه, التربيه و حل المشاكل الاسريه و المشاكل الاجتماعيه



إضافة رد
 
LinkBack أدوات الموضوع انواع عرض الموضوع
  #1  
قديم November 16, 2006, 06:43 PM
 
الرمســــــــــــــــــه البحرينيه


السلام عليكم ورجمة الله وبركاته
شخباركم؟؟
علومكم؟؟
ان شاء زينين وكوووووووول ؟؟
بقول لكم بعض الكلامات اللي يستخدمونها البحرينين وأنا وأختي تعيبنا وايد رمستهم وأعرف بنات بحرينيات يدرسون وياي
وكل ما يقولون كلمة غريبة ما اعرفها اشق الحلج و اقولهم عيدوها مرة ثانية << عفانا الله اللي يقول ما شايفة خير خخ
ويمكن تلاحظون ان في اشياء احنا بعد نقولها ف رمستنا يمكن دول الخليج كلها خصوصا المناطق اللي تواية الخليج وان شاء الله تعيبكم

عرنجوش : هي من الكلمة الانجليزية orange juice وربعنه ما يعطلون..خخخ
لانه حق كل انواع العصير يقولون له عرنجوش

زنجفره = فانيلة

سريده / سبره = بروده

لبلب = يقولون حق الشخص اللي يتكلم بطلاقة

تمبه = كرة << حلوة صح احيدني اقول بتمبة

كيزر = فريزر

دون = قريب

قميظة = حسافة

مملوح = وسيم

أدناة الدون = اقل شي

ورا = ليش

قلّه = توحه : حذفه

سبيتار = المستشفى و اعتقد انها يايه من hospital

الدختر = الدكتور

عمبلوص = سيارة الاسعاف و يايه من ambulance خخ

محيوب = مريض

ميهود = تعبان

سقطه = حر

سهده = هدوء

ميوه = خضرة و فاكهه

قلج = صعب

غلّق الوقت = تأخر الوقت

عكس = صوره ... مثلاً خذلي عكس يعني صورني

الجابله = باجر

بست = باص

قيلمه = سلحفاة

قريظة = لها معنيين ( قليل) و ( بعد شوي)

انشد = اسأل

دويحه = دائرة

تميل عليك = طاح حظك

ربل = بلاستك أو مطاط

دندره = ازعاج

سحة = تمر

نيشان = علامة أو إشارة

قراده = حظ سيء

فرم = فرن

نحو الأمية = محو الأمية

نوبة الثانية = مرة ثانية

هالنوبة = هالمره

كشته = رحله

الللابله = عقب باجر

قطيع = حمام الله إيعزكم

دجه = عتبه

أم سيان = المغرب

دهريز = مدخل البيت

كرفايه = سرير

دزدان = شنطه

كشمه = نظارة

قبقاب = إنعال الله إيعزكم

روشنه = حفره في الطوفه في غرفة النوم لوضع الأغراض

خرمس = ظلام

حزاه = قصة

حبيبة = قليل

يزرط = يبلع بدون مضغ

هبيط = منخفض

نمونه = اعتقد ان ماخذينها من نموذج

نمره = رقم

حفيز = office مكتب << تعلمتها وعرفتها من مسلسل كنت اتابعه

بارظ = مزاج

قصله = قصير

بريج = ابريق

بيديو = فيديو

في كلمات هنية أول مره أسمعها
__________________
اخيرا رجعت قطر الحبيبه اشتقت لكم
رد مع اقتباس
  #2  
قديم November 17, 2006, 12:23 AM
 
رد: الرمســــــــــــــــــه البحرينيه

يسلمووو حبيبتي على الموضوع الجميل 00
رد مع اقتباس
  #3  
قديم November 17, 2006, 01:13 AM
 
رد: الرمســــــــــــــــــه البحرينيه

مشكوورة فورحه على الموضوع

وفديت اهل البحرين والله فديتهم

بس باقي كلمة

هلون = يعني هذا الشكل

مودري = يعني لا ادري او لا اعلم
__________________

التعديل الأخير تم بواسطة مجموعة أنسان ; November 17, 2006 الساعة 01:18 AM
رد مع اقتباس
إضافة رد

مواقع النشر (المفضلة)

الكلمات الدلالية (Tags)
البحرينيه, الرمســــــــــــــــــه

أدوات الموضوع
انواع عرض الموضوع



الساعة الآن 01:38 AM


Powered by vBulletin® Copyright ©2000 - 2019, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر