الشاعر وليد حمدي يكتب : مدمعيش ومتحسبيش

عيوني تاهت بين عيونك
كل شئ في عنيكي قادر
ياخدني مني
غصب عني
لقتني فجاه مبقتش فاكر
اي شئ من قبل منك
كله غادر
عقلي فجاه
قلبي طب من المفاجأه
عاشق وطالب بين عيونك
يمشي سكه
لو تحبي الف سكه وسكه قابل
امشي ليكي سنين حياتي
قلبي حالم بين عيونك يلقي
شط بحر هادي
ايوه كنت انا في البدايه
كل شئ بالنسبه لي عادي
وجودك
وصمت جمودك
ورمشك
وحسنك
وتفاح خدودك
نني عينيك
كنت عادي
صبحت عاشق مش من السنه دي
نفسي اسافر بالمشاعر واكتبك بين البنين
نفسي اقولك اني عاشقك من زمان مش سنين
واللي عشته كان مراهقه
حب دافي
بس ايوه ماكنش كافي
صدقيني ماكنش كافي
متشليش الهم شايلك فوق كتافي
قلبي وافي في حبه ليكي
متدمعيش
ومتحسبيش
اني جاي اعيشلي لحظه
ولحظه اسيبك بين دموعك
وبين رجوعك لقبل مني
صدقيني كل كلمه مش هتكفي
حبي ليكي ماهوش عباره عن قصيده
او رساله
او مكالمه وابتسامه
والف ميه مليون بحبك
حبي ليكي صدق كامن
هيسافرلك كل الاماكن
لاجل مايعيش جمب منك

وليد حمدي اسرائيل