فيسبوك تويتر RSS



العودة   مجلة الإبتسامة > الروايات والقصص > روايات و قصص منشورة ومنقولة

روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا



إضافة رد
 
LinkBack أدوات الموضوع انواع عرض الموضوع
  #7  
قديم April 26, 2015, 06:22 PM
 
رد: رواية رواية للجرأه طعم للكاتبة Angel sinless

مرت الايااام بسرعه , يووم ورااء يووم

وصار هذا آخر ترم في الجامعه .. عشنا الايام اللي راحت ميسورين الحال

" مكافأتي و راتب جدي و الاكل اللي نسويه انا وجدتي " وعشنا عليها ..



باقي 5 آيااام واخلص كل اختباراتي واتخرج

الحمد الله ماكنت شايله هم النتائج ,, بس كنت شايله هم اذا خلصت با القى وظيفة والا !!


عدت الـ5 اياامـ وكنت متحمسه مرهـ ..


جلست عاااد انتظر النتائج ..

وبعدها بيومين ..


جاء الصباح وبا العادهـ جدتي تقومني صلاة الفجر

بس ماقومتني ,, قلت يمكن غفت ونست ..


قمت انا وصليت

ورحت لجدي وجدتي وقلت لهم يقومون

جدي قاام وطلعت اناا برا الغرفه ...


توني ابرجع اناام مره ثانية الا وجدي يجيني .


مشيته مو زينه ونظرااته فيها شيء ..


يبي يتكلم بس مو قاادر جالس يتلعثم ..


صرخت بقوووووووووووووووووووووووووه

عرفت انه في شيء بجدتي

ركضت لهاااا

عل طول حظنتها وقلت : يمه يمه قوومي يا الله تأخرتي على الصلاة


وجدي وراااي ولا يسوي ولا شيء ساااكت .


احركها يمين ويساار وادفها


واقوول وانا اصاارخ : يمه قومي لا تستهبلين , يا الله عشاااني قومي , ادري ماصاار لك شيء تستهبلين علي , يوووووه يمه قووومي يا الله, قومي سوي لنا آكل يا الله .

وهي ولا حركة ..

امسك يدها واتركها تطيح مني ..

مافيها نبض ,,,

بس ماصدقت ..

وانا ابكي : يمه حراااام عليك ليييييييييييش تسوين فيني كذاا !! لا تستهبلين قومي , الله يخليك لا ترووحين ,


وقمت اصرخ واصييح وامسكها ما ابيها ترووح .

آخر شيء اتذكره من هذا الموقف صوووت الاسعااف , مع صووت صرااخي ..

بعد يوووم قمت ولقيتني بسريري ..


فرحت وقلت : يووه اشواا حلم ..

طلعت با الصالة ولقيت حريييم كثييير


تفاجأت

وكانت ام تركي جارتنا معهم

جتني وحظنتني وقالت : عظم اجرك .

قلت : ليش ما مات عندنا احد !

ناظرتهم بأستغرااب وقلت واناا اصاارخ : برااا ما عندنا احد ميت .


ويجوون الحريم يمسكوني ويهدوني

ويقولون : فاطمه اذكري الله ..

وام صالح كانت من ظمنهم ..

ناظرتها وقلت : صدق جدتي ماتت !

قالت : ان شاء الله انها من اهل الجنة وخيرة لها الموت .

قلت : لا تكذبوون ماا ماتت هي جالسه تسولف معي امس و آخر شيء سوته قصصت آظاافرها وصلحت شعرها وناامت ,, ما ماتت ,, طيب كيف تموت وتخليني اناا لحالي ؟ هي قالت لي انها راح تكون معي دايم ! جدتي ماتكذب انا اعرفها ,, ليش ماقالت لي !!
وصااروا يهدوون فينيـ ..


غصبـً عني رضيت بها الشيء

خلااص وش باقي بها الحيااة بعدها !! ليش اعيش !

صرت ملاازمة جدي و هو ملازم لي

غصبً عناا ..

وعرفت اني مكتوب لي الشقاء من ولادتيـ ..

عجزت اتخيل البيت بدوونها كل مره ادخل المطبخ ادورها ,

اتذكر ضحكتها , كلامها ,, نظرااتها اذا عصبت , كلامها اذا جت تواسيني,, غلطت عليها كذا مرهـ ولا تزعل معي ,, خنت ثقتها فيني وماتت ولا تعذرت لها ,, آآه بس ياليتك عندي ام زي باقي البناات تواسيني وتخاف علي ..


جدي لأنه لحاله كان شديد علي ما اطلع ولا اروح ولا اجي الا رجله برجلي ..

اصلاً انا ماكنت اطلع كثير ..

حاولتـ ابعد نفسي عن كل شيء حراام ..

وبصرااحه مااكان شيء صعب علي " اللي يبي يسوويه صدقوني ابداً مو صعب "



تخرجت بشيء حلوو من الجامعه ..

وقدمت على كذا بنك " لأن تخصصي كان مرتبط بهذا المجال " ..


كذا بنك رفضني الا بنك واحد ..

رحت لهم وآجريت المقابله ..


و توظفت بوظيفة حلووه فيه وراتبها اكثر من حلو ,,

جدي كان يوديني و يأخذني من الدوام ونرجع البيت نسولف اوو هوو يناام وانا اجلس اسوي أي شيء ..

كانت ملل ..

استقريت بعملي مدة 5 شهور ..


وكنت آجمع ثلاثة اربااع راتبي علشاان اسدد الدين اللي على جدي ونسا هم الدياانه ,, والباقي اللي يحتاجه البيت ..


كان جدي الشيء الوحيد اللي باقي لي ..


كنت اخااف عليه حتى من نسمة الهواء ..


.................................................. ...............

مره وانا با الدواام وجالسه مع وحده يقولون لها ام عبد العزيز

كانت كبيرة با السن وحبيبة واخلااق ..

ام عبد العزيز : فطيم بصراحه وش رأيك ب محمد ..

انا بأستغراب : آآآي محمد ..

قالت : تعرفين مدير الفرع اللي حنا فيه ..

قلت : لاا ما اعرفهـ ..

قالت : مدير الفرع اللي حنا فيه صغير السن عمرهـ حوالي 32 وشوي .

قلت : ومدير فرع !!

قالت : شفتي كيف .. يازين الواسطاات خلينا ساكتين بس ,, بس بصرااحه بعد الولد ظليمته شينة ذكي وشخصيته قوية وخلووق مرهـ ..

قلت : والله ما ادري ,,

قالت : آخته جتنا الاسبوع اللي فاتـ .

قلت : ماعرفتها ..

قالت : كلً يبي رضااها يوم جت , الحامل ذيك ,, ام خدود مشاء الله ..

قلت : ما اتذكرها ..

قالت : جتك وشافتك انتي و سألت عنك البنات اللي معنا با القسم وماعيبوا فيك وقالولها عنك ,, وكلمت اخوها انه يأخذك ,, وهو ما عارض بس قال خلي احد يسأل عنها , واخته تموون علي وقالت لي ,, عااد انتي هاه وش رأيك !! وهم يبون يعرفون عنك كل شيء ..

استغربت الموضوع ..

قلت : والله ما ادري يا ام عبد العزيز ..

قالت : هم الحين يبون يعرفون عنك كل شيء ..


قلت : آول شيء قالولهم اني اعرج عرج بسيط !!

قالت : والله ما ادري انهم عندهم علم والا,, بس يهم مو مره واضحه .

قلت : لا قوليلهم هذا اول شيء ,, وقولي لهم آمي مغربيه بس ما اعرف عنها شيء ,, وبعد قولي لهم اني مالي با الدنيا ذي الا جدي و لو فرضاً صار بينا نصيب لازم جدي يسكن معي بنفس البيت ,, وقولي لهم اني مطلقة ..

قالت : هين مطلقة يدرون .

قلت : حلوو ,, وكتبت لها بورقة وصف الحارة اللي انا فيها ,, وخليه يسأل عننا ..

قالت : والله اشووف انه فيه اشياء ماله داعي اقولها ..

قلت : حلفتك يا ام عبد العزيز تقولين لهم كل شيء , واذا انتي شايفه علي شيء شين قولي لهم ولا تسترين ..

قالت : لا والله مشاء الله كلك اخلااق ..

"" اذا جاء طااري الاخلااق آنبني ظميري ,, كيف قبل ارخصت نفسي وارتكبت ذنووب ما اتوقع ان الله بيغفر لي اياها ""

قلت : خلااص .

قالت : خلااص ان شاء الله والله يكتب اللي فيه الخير .


ما ادري ليش قلت لها كل هذا يمكن بأطير ها الفرصة مني او خايفة انه ينغش او يحس انه ندم بعد ما يأخذني ..


رجعت مكتبي وجلست و اذا كنت فااضيه رحت عند البناات اشرب قهوهـ .
البنات اللي معي حبوبات وكل وحده في حالها ,, بس مشاء الله كل وحده تقول الذكاء عني .

جلست بجنب وحدهـ ,,

قربت من اذني و بصوت قصير .. يقولون محمد خطبك ..

قلت : لاالا تووه ماصاار شيء والله ..

قالت : ياربييييه يا فطووم وش فيك تخبين مارااح اقول لأحد ..

قلت : لا والله بس جد ماصار شيء للحين واساسا توني اعرف ان محمد مدير الفرع ..

قالت : معقوله ماتعرفين مدير الفرع .

قلت: اسمع انه محمد ,, بس ماتوقعته شااب توقعته شاايب ..

قالت : بأقولك شيء خلينا نطلع من هنا ونروح مكان مكتبك ..

قلت : طيب اناا بروح وانتي الحقيني ...

قالت : طيب .

ورحت انااا
وبعدها بشوي لحقتني ..


قالت : بقولك شيء بصراحه ..

قلت : سمي هلاا ..

قالت : سم الله عدوك ,, تعرفين انتي طبعاً منى اللي معنا ..

قلت : تقصدين منى السمراء النحيفة شوي ..

قالت : ايه هي تعرفينها !! وش تعرفين عنها و وش انطباعك عنها !

قلت : لييه !! ما ادري ما اعرفها زين ولا قد تكلمت معها , حبيبة البنت ولا شفت منها ضرر وشخصيتها باين عليها انها قويه ,, وعلى فكرة يعجبني لون بشرتها ..

قالت : شفتي منى ذي !! هي تخطط على محمد ..

قلت وانا رافعه حاجب من التعجب : كيف يعني !!

قالت : يعني من زمان تخطط عليه لها الحين سنتين , وما اتوقع راح تخليك تأخذينه بسهوله ..

انا خفت وقلت : آآناا ما اخذته هوو اللي جاني ,, اصلاً انا ما اعرفه ..

قالت : ما اقولك كذا يعني لا تأخذينه والله بس انا ابي انبهك منها .

قلت : مشكورهـ ماقصرتي وتوهـ ترا ماصار شيء ..


بعد اسبووع وشوي من السالفة ذي ..

جتني ام عبد العزيز

وفي وجها ابتساامااتـ وقالت : هلاا هلاا با العروسة ..

انا غصباً عني ابتسمت ..


وقلت : هلا فيك ..

وقربت مني وبحمااس قالت : آبشرك سأل محمد عنك ,, وعرف كل شيء وصار الحين يقول ابيها اكثر من اول .

ما ادري وش اقول ..

قالت : آدري انك خايفه , كلنا كذا تراا ..

انا ما ادري وش اقول جلست ابكي .

ماعندي آحد اشااورهـ او اسأله او حتى اخليه يجيب لي خبر عن محمد ..

قالت وهي خاايفه : وش فيك يافاطمة !! ورااك تبكين !

بديت امسح دموعي واحااول اتصنع البسمة وقلت : ما ادري والله ..

قالت : انتي فكري زين و الله يكتب اللي فيه الخير .

قلت : ومنى !

هي خافت وقالت : وش فيها منى !!

قلت : موو هي تبيه ! وتخطط عليه ..!

قالت : وانتي وش دخلك فيها ! لاتفكرين بمنى ابداً ,, ان كان لها نصيب فيه بتأخذه ..


جلست افكر ..

ماراح تحصل لي ابداا

رجال يقولون عنه خلووق و مؤدب ومكانته حلوهـ و مو راعي لف ودوران .. وش ابي بأكثر من كذا .. ولا بنت تحلم با اللي آخذته ,, بس برضوا ما ابي اتسرع بسأل عنه .

من اسأل ياربـي مين !! اقوول لجدي يسأل عنه ,, بس ماراح يعرف جدي,, مالي الا ,, اهاااااااا لمى .


آرسلت لها رساله : السلام لمى كيفك ! و وش اخبارك !! انا فاطمه بليز اذا فضيتي كلميني ..


على طووول دقت ..


قالت : هلااااااااا والله فطوووم

قلت : هلا لموو وش اخباارك !!

قالت : وش الدنيا فيك لا تدقين ولا تسألين !!

قلت : الله يعلم من القطعه ..

" حسيت صدق انها فرحانه وهي تكلمني "

قالت : وحشتيني مرهـ والله مالك داعي انقطعتي مرهـ وحده كذا

قلت : العذر والسمووحه يالموو اذا انا قطعت بس صدقيني انتي القاطعه..

جلسنا نسولفـ سواء ..



بعدين قلت لها عن سالفة اللي خاطبني وابيها تسأل اخوانها عنه اذا مايكلفهم يعني ..

آكدت لي انهم راح يجيبون الخبر الاكيد عنها ..


طلعت من الدوام ورحت البيت وحنا جالسين نأكل .


قلت : يبه فيه واحد تقدم لي !!

قال : هااااه ,,, وش !! متى !! ومن هو !

قلت : مدير الفرع عندنا با البنك , ومن زمان قالولي وسألوا عني والحين يبون يخطبون رسمي ..

قال بعصبيه : كيف يعرفك !!

قلت : مايعرفني بس مره اخته جت فرعنا وشافتني وسألت عني

قال : وش اسمه !

قلت : محمد ..... ال..

قال : كم عمرهـ !!

قلت : ما ادري با الضبط بسـ يقولون 32 ..

سكت وكأنه تضايق ..

قلت : وش فيك يبه !!

قال : وانتي وش رأيك !!

قلت : الرأي رأيك ,

قال : بس .. وسكت ..

قلت : وش !!

قال : احسك صغيرة على الزواج ..

في نفسي اقول " ماعرفت تصرفها يا يبه عمري بيصفق ال 30 وانت تقول توك صغيرة وين توك صغيرة يوم اتزوج الشايب "

قلت : لا يبه مانيب صغيرهـ وعمريـ الحين حوالي 25 ..

قال : بسأل عنه ,, وانتي صلي صلاة استخارة ..

قلت : ان شاء الله , وترا على فكرة انا قلت لهم انك بتسكن معي وهو ماعندهـ مانع ..

قال : لاا لا ماعليك مني اناا ..

قلت : وش ماعلي منك انت تااج رأسي ,, ومن عندي با الدنيا غيركـ ,, وبعدين انت صاحي بتسكن لحالك ..

سكت وكملنا الاكل وجلست افكر با الزوااج آخيرااً بتزوج وااحد سنع ..


كيف شكله ..

دورت كتاب عن كيفية صلاة الاستخاره لأني بصراحه ماكنت اعرفها .

صليت اول مرهـ ماحسيت

من بكرة ماحسيت بشيء برضوا

صليت بعدها بيومين و الحمد الله من جد ارتحت ..

دقت ام صالح ورديت

قالت : الوو .. فاطمه .

قلت : هلا والله ..

قالت : وش اخبارك ! وش الدنيا فيك !

قلت : الحمد الله انتم بشروني عنكم ..

قالت : الحمد الله حنا بخير .

قلت : زين الحمد الله

قالت : على البركة يا العروس ..

ضحكت

قالت : تبين الصرااحه سألنا عن الرجال وطلع نعم الرجال وانا من رأيي انك توافقين ..

رد مع اقتباس
  #8  
قديم April 26, 2015, 06:22 PM
 
رد: رواية رواية للجرأه طعم للكاتبة Angel sinless

قلت : انا صليت والحمد الله ارتحت ..

قالت : زينـ آجل ,, بكرة انتي قولي لهم انك وافقتي

قلت : ان شاء الله , بس ماعرفت عنه شيء وش عرفتوا عنه !!

قالت : هادئ , ومحترم , ولا يشرب ولا يدخن ولا يسهر ولا يسافر كثير وسفريااته كلها شغل ,, مو راعي كلام ولا غزل ولا شيء , ..

قلت : الحمد الله لك ياربـ ..

قالت : بكرة راح نمرك انا ولمى بعد المغرب .

قلت : حيااكم الله ..


من بكرة قلت لأم عبد العزيز ,, اني موافقه

وكلمتهم وقالوا بيجون يملكون بعد 4 اياام ..

وسألت عمتي ام صالح .وقالت لي قولي لهم خلاص . وعطي رقمي امهم بأتفاهم معها ..

قلت لأم عبد العزيز تعطيهم رقم ام صالح ..

وتفااهمت معهم على مهر 30 الف وكل شيء عليهم ,, الزواج وكل شيء ..

قالت ام صالح : وش رأيك الزواج يكون عائلي ..

قالت امه لا اني ابي افرح بولدي ..


رجعت البيت ..

بعد المغرب جوني لموو وامها

دخلتـ ام صالح : الله الله ياعروس والله كبرتي و احلويتي ,, الناس تكبر وتشين وانتي بسم الله عليك تكبرين وتزينين ..

قلت : الحمد الله ياربـ ..

وجلست تتكلم عن الزواج وتنصح ..

بعدين قالت لي : بصرااحه يافطوم والله ان ابو صالح حالف انك ماتشترين " جهازك " من مهرك وانه عليه الجهاز ..

قلت : لالا مايحتاج والله بأجهز من مهري ويكفي الحمد الله ..

قالت : والله ان ابو صالح انه معتبرك اخت لمى اللي ماجبته وحاب يقدم لك هديه ..

قلت : والله مايقصر مشكورين ..

قالت : خلاااص حلف عاااد ..

انحرجت من جد ..

عائلة اكرمتني من صغيرهم لكبيرهم ..

عائله اغرقتني بعطفها ومدت لي يدها ..

.


.

.

يوم * الملكة *

كنت بغااية السعاادة وجلست ابكي من الفرحة و ودي ان جدتي معي ..

وكان فيه لمى وبنت خالتهم مرام " مرام تعرفني كانت دايم تجي لبيتهم يوم كنت اطبخ وهي كبيرة و آم عيال بس مو باين عليها " وام صالح ..

وكنا نحااول نشوف الرجال زين بس ماشفنااهـ ..

عرفت ان صالح كاان معهم وجاء وحظر ملكتيـ ..

جاء الشيخ من وراء الباب يبي يسألني موافقه والا لا ..


طبعاً خلينا مراام هي اللي تتكلم ..


لمى : لا يسمع الصوت محمد ويحسبها مطفووقه ..

مرام : وش قصدك اني مطفوقه !! انتي وخشتك !

لمى : لا والله انتي قمة العقل والثقل ..

مراام : آيه اشواا حسبت ..

وبدوا يفكرون من وين نشتري الاغراض ..

ام صالح : من بكرة بنبداء نجهز مايمدينا باقي اسبوعين بس ..

لمى : بعد هم مشفوحين عجلوا الزواج .

ام صالح : خير البر عاجله ..

لمى : يووه متى اتزووج بس ..

ام صالح : وجع يوجع عظااامك توك بدري ..

.................................................. ......

وفكرت اني با المهر اللي ماراح اسوي فيه شيء ..
آزيدهـ على اللي مجمعته ,, و آخذ قرض با المبلغ الباقي على راتبي .. واسدد دين جدي ..


وهذا اللي صار ,, ونسيت هم الدين ..

و ما آخذت من البنك اجاازهـ شهرين .

بدت تحضيراتنا للزواج ..
من ملابسـ و مكيااج و ... ... كل شيء

ومن الجلساات لتعديل خشتي " مو عمليات تجميل "

من جد حسيتهم اهلي واكثر ..

متحمسين لي مرهـ ..

ام صالح ماخلت آحد مادعته للزواج .


آخيراا بتزوج الزواج اللي في بالي ..

اخيراً تحققت آمنية من امنياتي .

بيتقبلني والا لا !! بيحبني ! خلااص مالي الا هوو الحين بعد جدي .. يعني لازم اتمسك فيه بأيديني ورجليني ..
وينك يبه تفرح معي !!
وينك يا جدهـ !
يمه لو دريتي اني كبرت وتزوجت بتفرحين والا لا ! ليش انا عجزت ما افكر فيك مثل ما انتي خليتني بكل سهوله ,, وش كان ذنبي يوم تتركيني ! وش سويت اناا !


..........................................

مرت الاسبوعين ببطيء يمكن علشااني كنت متحمسه لهم ..

بكرهـ الزواج ..

البنات ماخلونيـ نااموا عندي ,, وام صالح كل شوي تدق وتقول خلووها تناام

بس اناا عجزت انااام افكر بجدي وش بيصير فيه !!

صدق انا بآخذه معي في بيتي بس اول ما اتزوج وين بيكون ..


والبناات يرقصون ويستهبلون يبون يفرحون فيني ..

ماجااني نومـ .. كيف بيكون وبأرتاح والا ..

آكلت بندول نايت ونمت ..

الظهر اقووم على زغااريط لموو ..


يا الله قومي يا الله يمدينا شوي بنروح الكوفيرا

جتنا ام صالح وصارت تحفظني الوصايا
انتبهي سوي نفسك المستحيه ,, وابكي حتى لو ما انتي مستحيه ,, انا ماكنت مستحيه مرهـ يوم تزوجت بس حفظت وصيت امي ..

مرام : ايه لا تأكلين على طول اول مايقولك كولي لا يقول ذي مشفوحه ,, وتهني بفستان الزواج مو على طول تشيلينه ..

طبعاً دقااتـ قلبيـ كل مالها تزيد ..

آلين صارت ترقص سامري ..

يووهـ كأني اول مرهـ اتزوج .

كأني اول مرهـ اشوف رجال .

كذابين الناس اللي تقولـ ان اللي متعودهـ ماتخاف ..

الكل يخااف متعودهـ والا لا ..

واللي تقول يوم زواجي مارااح اخااف اقولها " لا يكثر " من قبل الزواج بيوم وانتي يدينك ترجف تقولين بتدخلين على " شيطان " مو رجال ..

اناا بجنب مراام اقولها وباين من صوتي ارجف : مراام وش اقوله !!

مرام : قولي له يا الله بنبداء الشغل سريع سريع ..

انا طارت عيوني .

قالت : ماادري عنك يا الخبله , ما ادري وش اقولك قولي بس خليك " سكتم بكتم = مثل قديم يعني لا تقولين شيء "

قلت : يعني اصير طرماء !!

قالت : ماعليك هوو بيتكلم بيقوول كل شيء .. وبعدين كأنك اول مره تتزوجين ..

قلت : لا تذكريني الشايب ماعطاني فرصة اتكلم واعبر يا الله الله يرحمه ..

قالت : توكلي على الله وان شاء الله الله بيستر ,, انا بليلتي جلست سااكته ولا ابتسامه ولا شيء , زوجي بعدين قالي احسبك طرماء لا تسمعين ولا تكلمين , وكان يقولي والله من ثقل الطينه وانا ساااكته ..



ام صالح بعصبيه : مشاء الله انتي واياها , وانتي كأنه مو زواجك اليوم داقتها سلف مع الخبله ذي ..

ام صالح الله يعطيها العافيه كانت معتبرتني بنتها واكثر ..

قمنا والوقت صاار يمر بسرعه ..

جتنا الكوفيرا ..

وجالسه تخربط براسي وتسوي تسريحة ..

ومرام كل 10 دقايق تجي وتقرا المعوذات علي با الغرفة وتروح .

وصرت احسب لها كل 10 دقايق با الضبط ..

ناظرتها وقلت : مراام خلاص ياقلبي ان شاء الله انها مره وتكفي لا تتعبين نفسك ..

قالت : هووص وش عرفك انتـي اللي بيشوفونك مشاافيح مايذكرون الله لا شافوا شيء سنع ..

سكت ..


ويووم بدت تبي تحط المكياج ..

اللبنانيه : آنتي عندك حساسيه من شيء معين !!

قلت : لا الحمد الله ..

قالت : لا انتي غلطانه مبين انك آكلتي شيء عندك حساسية منوو ..

قلت : لا والله ..

قالت : وجهك محمر كتير مابعرف اعمل شيء هيك ..

قلت : يلعن ابو الحظ اللي كذا , واشووف وجهي الا صدق آحمر تقولين جالسه عند الشمس يوم كامل ..


نادت ام صالح والبنات ..


ام صالح : وش آكلتي انتي ..!!

قالت : ما آكلت شيء والله ,, ومافيني حساسيه من شيء ..

ام صالح : وش السواة الحين !!


قالت الكوفيرا : ما بدي حط لكـ شيء و يزيد اللي عندك ..

قالت ام صالح : لالا لا تحطين شيء اصبري ,, خليني ادق على صالح ..


ومر بسرعه شريط ذكرياتي انا وصالح .

بس الوقت مايسمح افكر فيه ..

قلت : لالا مايحتاج ..

سفهتني ..

ودقت .. ام صالح تقول : آلوو صالح وش اخبارك يا ابوي ,, اسمع ابقولك شيء وانت اسأل احد من اللي تعرفهم , او رح الصيديله آسأله ,, حنا الحين عند فطووم وقبل لا تزين لها الكوفيرا و وجهها قلب وجهها احمر وهي تقول ان ماعندها حساسيه ولا شيء ,, سكتتـ ,, وبعدين

صارت تناظر يديني وجسمي من داخل وكملت : آآيه جسمها بعد بس مو مثل وجهها
...
مدت لي الجوال وقالت : كلمني صالح يبي يسألك ..


آرتبكت زياااده وقلت : هااه ,, لاالا مايحتاج ..


قالت : خوذي بس بيسألكـ ..


آخذت الجوال و على طول قال وبصوت رسمي : فطوومه قلبي آرتاحي اللي فيك هذا طبيعي معك دايم آلااحظه لا تفكرين بزياده فيه ولا في شيء ثاني وبيخف ولا تستحين " وضحك " هذا بس من زود الحياء ,, وخليها تزينك وعااتي ولا يحتاج مرهم ولا شيء انا اعرفك ..

كتمتـ البسمه

قال: تبين شيء !

قلت : لا شكراً ..

آمه بلهفة : هااه وش قال !!

قلت : يقوول عادي خليها تحط لك المكيااج وبيروح هوو ولا تفكرين فيه!!

قالت آمه : وهمً للوجه ياصالح ,, ماقال وش فيك !!

قال : يقوول من زود التفكير والخوف ...

قالت لمو : لا والله من زود الحياء وهو الصادق ..


ضحكت وبدت تحط في وجههي .

طلبت منها ما ابي احط خرابيط بوجهي كثير آبي شكلي يكون ناعم ..

فهمتني اللبنانيه و خلت شكلي مرهـ نااعم ..

والحمد الله طلع شكلي حلو مرهـ ,, احلى شكل لي ..

كل لحظه اتمنى ان جدتي عااشت علشاان تشوفني عروسة زي الناس ..

ام صالح جتني يوم خلصتـ .. لأنها هي والبنات يتزينون بغرفة ثانيه ..


قالت : وووهـ وووهـ بسم الله عليك بسـ .. قمر الله يحفظك ..

صارت الساعة 9 وشوي ..


خلصوا البناات وانا باقي اللمسات الاخيرهـ ..


دخلت لمو ومراام ..

مرااام : لوووووووووليش بسم الله عليك تهبلين ..

لموو : الا تجننين ربي يحفظك ..

ام صالح : لموو ياعلك الصخنة دقيتي على امك وخواتك !! وينهم فيه الحين !! وجبتي الكاميرا !

قالت مرام : آيه يقولون منذو مبطي وهم هنااك ينتظرونا .

لموو : وش تقول اشكال البنات حلوهـ !!

ام صالح : هذاا العلم يا لمواا اشكال البنات حلوه والا !! وحتى لو قالت ازين منك يعني بيمديك تغيرين !

لمى : لا يمه بس آسأل ..


ام صالح : اقول خلي اللقافة عندك , ودي على الرجال وقولي لهم جهزنا يا الله بنمشي ..

لمى : ادق على الرجال يمه يووهـ ماتوقعتك كذاا تخليني اكلم الرجال وان عشقني واحد منهم هم بلشنا به !!


ام صالح : اقوول خلي البثاارهـ عنك والتنكيت اللي ماله سنع والدحده اللي بمخك " دحدحه مأخوذه من دحدوح = تعني غبي وعبيط لأبعد درجة " ..

لمى : يوووه يمه وش اسوي اجل !!

ام صالح : يمال الظربه اللي تكسر رأسك كسر ,, دقي على ابوك وقولي له جهزنا وهو يقول للرجال ..

مرام : وش فيك معصبة انتي هدي آعصاابك ..

ام صالح : من ام شووشة ذي اللي تجيب الهم ,, ليت الليلة عرسها وافتك..

دقت لمى وتقولون الرجال كانوا عند الباب على طول وصلوا ..


وكانوا الرجال جدي " الله يخليه " ..

و آبوو صالح وعياله كلهم ..


من جد ماقصروا معي ومعتبريني مثل بنتهم و زياااده ..

ابو صالح كان طيب ويحب فعل الخير وام صالح كانت كذا ..

وركبت السيارة ما ادري من سيارته بس ركبتنا انا وام صالح فيها ..

وعرفت انها سيارة جاسم وجدي راكب قدام بجنب جاسم و جاسم اللي يسووق ..

جدي : هااه وش اخبارك يبه !! ان شاء الله مرتاحه ..

انا بنفسي " سؤالك موو في وقته ياجدي وش يعني بكوون مرتاحه "

قلت : ان شاء الله ..

قال : لا تخاافين وانا ابووك ان شاء الله بتتسهل الامور ..

ام صالح : الا جاسم واناا ابوك شفت المعرس انت .. !!

جاسم : آآيه يمه مؤدب مرهـ ومشاء الله ابتسامته مافارقته ,, يووه يمه واهله كثيييير عمانه اللي جالسين بجنبه صفة وكلهم يتشاابهون ودي آطلع ابوه بينهم عجزت ..

ضحكت ..


كانت السيارة اللي ورانا فيها ابو صالح وصالح والباقي ..


قربنا القاعه وانا قلبي تزيد دقااته ..

واللي وترني آكثر صالح يظرب بوااري من وراانا . " هذيك بوااري الازعااج اللي يعنني عندنا عرس " ..


واقول بنفسي " ياعمري ياصالح فرحان لي " ..


وصلنا القااعه وكانت قااعة مرهـ فخمه ..

ودخلوني و من ورااي مراام ولمواا وام صالح يشيلون فستاني اللي طالع من تحت العبايه لين ادخل ,,, .


والكوفيرا شايله الورد ..

وحووسة

ما اسمع الا اصوات ام صالح ولمى ومرام و الكوفيرا ..
" شيلي انتي من هناا , امسكي ذي ,, انتبهي لا تجرينه مرهـ ,, شووو فيك انتي يا لموو آنتبهي وانتي عم تمسكيه "


دخلت غرفة با القااعة ..

وجتني ام محمد و خووواته وكنت آول مره اشوفهم واول مره يشوفوني غير اختهم هذيك اللي شافتني ..

ام صالح بجنبي تشوفهم وهم مقبلين يبون يسلمون قالت لي : آسمعي اول ماتجي امه الحين اسبقيها و بوسي رأسها والله ان تحبك ..

جتني ومدت يدهـ ومديت يدي وبست على رأسها على طوول ..

وسلمت على البناات وسلموي علي ..

وعيوني والله با الارض ...

قالت ام محمد : وش ها الجمال مشاء الله ,, ماتوقعت انك كذا الصرااحه ,, ..

قالت آخته " ساره " : الا يمه وانا وش قايله لك ,, احلا من القمر ..

قالت : بسم الله عليك الله يحفظك ,, ياهني ولدي فيك ..

سكتت وانا مبتسمه ..

قالت ام محمد بصوت المستعجل : يا الله اجهزوا بنزفها بعد شوي ..


ناظرت عمتي ام صالح بسرعة ..

وقالت ام صالح : لا يا ام محمد ماقلتوا لنا به زفة ..

ام محمد : يعني مادريتوا اننا بنزفها !! ..

قالت ام صالح : لا والله مادرينا ,, ولا احد قالنا ..

ام محمد : الله يقطعك ياسارة موصيتك تقولين لي ..


ولمى و مراام جالسين يبخروني ويرشوون من العطورات ..

قالت سارة : مايخاالف آمشي عاادي وهي مهيب زفة مرهـ بس تمشين لين الكوشة اللي هناك ..

قلت لأم صالح بجنبي : لا لا ما اقدر ..

قالت ام صالح : لاا ماقلت لنا ماعملنا حساابه ..

ام محمد بحماس : والله ان تنزف ,, آبقهرهم بزوجة ولدي ..

ام صالح : يا ام محمد الله يهديك , ماقلتوا لنا ..

وجلسوا كل وحدة تحلف على الثانيه ..

لين اصروا اني بس آمشي لين الكوشة ..

مرااام : آمشي ببطيء كأنك تمشين على بيض ونزلي عيونك للأرض ولا تناظرين احد واذا سمعتي آحد يلولش ويصارخ لا تلتفتين وتذبحك اللقافه وتشوفين من اللي يصارخ ..


انا بقهر قلت : مانيب ماشيه وش يفكني من كلام الناس يقولون عرجاء وما ادري وش ..

قالت ام صالح : الا امشي وماعليك منهم هوو وراضي فيك با العكس يا الخبلة يمكن العرج يبعد عنك العين .. !!

قلت بتعجب : كيف ! ,..


قالت ام صالح : بيقولون وش زينها بس انها عرجاء ..

ضحكت ..
وصاروا يجهزون علشان ادخل لداخل القاعة ..

الكوفيرا تعدلني وتعطرني ..


وتواسيني وتقولي : ما تخاافي ,, اذكري الله ..


وانا قلبي يدق بسرعة و شوي ويطلع من مكاانه ..


و آقرا المعوذاات ودمووعي ماودي آغمض وتطيح ..

بدت موسيقى الزفة وقالوا يا الله آدخلي ..

عطوني الورد ومسكته بيدي ..

الورد بيدي يمين ويساار من رجفة اليدين ..


هدت الاضااءه وصارت موجهه لي انااا ..

وصرت امشي ببطيء وانا منزله عيوني ..


واقول بنفسي " يارب يارب بسرعة يعدي "


وام صالح سابقتني للكوشة وتعلمني وش اسوي ..

وتبتسم بقوة لي يعني ابتسمي ..

ابتسمت ومشيت .. وماكذبت مرااام .. آحد يلولش واحد يصاارخ وانا متـأكده انهم البنااات ذي حركااتهم ..


مشيت ببطيء لين وصلت و بدت آم صالح والبناات يعدلوني وجلست على الكرسي ..


وانا قلبي يدق ..


يوووهـ متى يخلص الزوواج وافتك ..

وجوا الحريم يسلمون .. وبجنبي سارة تقولي كل وحده تسلم .

وذي بنت عمتي وذي بنت خالتي وذي بنت عم امي وذي زوجة عمي وذي العجوز عمة ابوي وذي بنت عمي من الرضاع وذي بنت جيرانا ...... الخ

وبقلبي " صدق جاسم ياكثرهم مايخلصون "


وقالوا العريس بيدخل الحين

طبعاً كا العاادة الحريم ..
يجيبون الطرح والعبايات يتغطوونـ ..


واللي يتغطوون بعباية وحدهـ .. " اسم انهم تغطوا " ..
وجت الكوفيرا وتشووف مكيااجي وش صار فيه ..

فتحوا البااب وبدت " الزغااريط " .

ودخل المعرس ..
آناا منزله عيوني ورااسي لتحت " خااايفه مرهـ "

بجنبي لمى و بنات خالتها اسمعهم يقولون

اللي دخل ابوهـ وجدها و المعرس ..

لمى : وووهـ قهر وانا احسب بيدخل واحد من اخواانه بترزز ..

وحده من البنات اللي قالتهم : ايه وانا مجهزهـ الطرحة الخفيفة علشاان يشوفني آحد منهم لعل وعسى يجيني رزق , بس حظنا نحس انا وانتي !!

وانا قلبي يدق ..


وارفع راسي شوي بأشوف

الاهـ جد ,ابوي بجنبه و هو وابووهـ ..

ام صالحـ قالت : قوومي يافطيم بسرعة ..

قمتـ اناا ورجليني يا الله تشيلي وبجنبي آمه ..

وكل مالهم يقربون لين حسيت بخطواتهم ..

آخذت نفس وقريت المعوذات بسرعة .

وقرب العريس مني

و آنااا منزله رأسي وعيوني ..

و آمه تقولهـ : بوس راسها بوس راسها ..

جاء بجنبي مرهـ لدرجة اني صرت اشم ريحة دهن العوود اللي معه .

وحب راسي وجاء وقف بجنبي ..

ببالي " يوه ماشفته بس اكيد شين كذا عندي احسااس انه شين , بس طويل مرهـ نهاية راسي شكلها توصل لين كتفه ,, بسرعة باسني مارفع نفسه "

وجاء ابوي وبست راسه
وجاء ابوهـ اللي هو " عميـ "

وبست راسه ..

وسلموا على المعرس وطلعوا ..


وجلسنا حناا ..

ويبدون يطقون وعمااته يرقصون وخالاته ,, وامه واهلهـ ..


بجنبي انا واياهـ كلنا ساكتين ..

آناا اشوف وهو يشووفـ ..

ودي التفت عليه واشوفه بس ما اقدر خااايفه ..

حسيت انه يناظرني نزلتـ راسي وعيونيـ ..

خلااص صاروا يجهزون علشاان بنطلع ..

مراامـ بجنبي وهي بعبايتها .

مرام : توكلي على الله ..

قلت : يووه خايفه ما ابي ارووح ..

مراام : على كيفك هوو والا وش رأيك نقولهـ رح انتـ اسبقنا وبنجيبها معنا ..

قلت : آيه قولوا لهم تكفين ..

مراام ضحكت وقالت : من صدقك انتي امزح تراني يا الله ادعي الله يوفقك واقري المعوذات وان شاء الله بتمر على خير ..

وقام وانا قمتـ و وقف بجنبي ..
آم محمد : آمسك يدها يا محمد يا ابوي ..

و محمد ساامع وصية امه مسك يدي يدهـ باااردة ويدي حراارة ..

طلعت الدمووع غصبً عني وصارت ام صالح تمسح عيوني علشان مايخرب المكياج ..

باستني آم صالح " الله يخليها ذخر لعيالها " ..

وجوا البنات وسلموا علي ..

وطلعنا وركبنا السيارة انا واياه ..

وللحين ماشفت وجهه واللي عرفته انه " نحيف شوي وطويل و وله خدود شوي ,, وسمعت صوته فيه بحة شوي "

ركبت اناا وبعدين هو سلم على ابوه وترك المشلح وراء وركب قدام واول ماركب قال : السلام عليكم

وصار يحرك ..

مارديت عليه من الخووف ..

ضحك وقال : قلنا السلام .

قلت بصووت ماسمعته حتى انا وقلت : وعليكم السلام ..

وحرك ..

قال : تبين تنطربين !!

وانا ساكته واقول بنفسي " والله فاضي " ...

ساكتين انا واياهـ ..

وهو يبي يلطف الجوو كل شوي يتنحنح ..

والعالم كلها تبعد عننا با الطريق بلاااهـم من الخرابيط اللي حاطينها با السيارة .. اشوا ان السيارة مظلله والا كان ما افتكيت من الملاقيف ..

قال : خلااص قربنا من البيت ..

وانا بنفسي اقول " الحمد الله على السلامه "

وصلنا البيت وكانت حارة عاديه وبيت صغير مرهـ ..

ونزل هوو وحط مشلحه بيدهـ وجاء وفتح لي الباب وصار يساعدني بشيل فستاني علشان مايتوصخ .. وسكرت باب السيارة

و وصلنا لباب البيت وفتح الباب ودخلنا .

وقبل يفتح الباب اللي داخل .

قال : يا الله سمي سمي .

وسمينا وفتح الباب ..

الباب كان فيه آحد قبل نجي وااضح من الاضاءه و واضح من ريحة البخور والمكيف اللي شغال ..

قال : هذا هو بيتنا ,, آدري صغير بس على قدنا ..

نزلت عباتي وطرقتها وخليتها على الكنب اللي با الصالة ..

وقال يا الله بنرقا فوق ..

وانا اقول بنفسي " هااه ياويلي ياويلي منه ,, اجل نبي نرقى "

مسك يدي ورقينا الدرج وحنا رقا الدرج ماسك يدي ..

اول مادخلنا الغرفة الا فيه با الطاوله اللي كيك وعصير ..

وجلس هو با الطاوله وانا جلست على كنبة بعيدهـ عنه ..

توني مادققت بملامح وجه زين ..

قال : تعالي آقربي ..

واناا ساكته .

ويجي يجلس بجنبي و يمسك دقني ويلفه له لين صار وجهي بوجه ..

قال : تراا اناا زوجك لا تخافين يعني ..

وانا ساكته ونزلت راسي لتحت ..

قال : والله عرفت تنقي اختي ..

وانا بنفسي " اخيراااً شفته مابغيت اشوفه ,, عكس ماتوقعت مرهـ ,, وش ها الحلا و وش ها الزين ,, الحمد الله يارب على النعمة ,, لا الخشم ولا الحواجب ولا العيون ,, صدق زين مشاء الله , وجسم ورزهـ ..

وجلسنا ساكتين ما ندري وش نقولـ ..

بعدين قال : وش آخبارك !

سكت ..

ولين كرر علي السؤال 3 مرات وبعدين قلت : طيبه الحمد الله ..

قال : آعجبك البيت !

هزيت راسي يعني آيه ..

" اناا كان شوي عاادي عندي يعني ودي آرد عليه ,, بس وصية مرام براسي ,, تصنعي الخوف والحياء "

قال : آنا اللي مأثثه وانا اللي مسوي فيه كل شيء ,, ترا من زماان وانا ابني فيه ,, لي ابني فيه حوالي 4 سنوات ..

وجاب الكيكة وجلس بجنبي وقطع با الشوكة شوي . وقربها لفمي وقال : يا الله كولي ..

وانا ساكته ومسكرهـ فمي ..

قال : يا الله لا ترديني كوليها ,, يا الله عشااني ..

وفتحت فمي و آكلتها ..

وصرت ابتسم له ويتبسم لي ..

قال : مشاء الله عليك من جد حلوهـ ,, عكس ماتوقعت ,, صدق اختي وصفتك لي بس غير الوصف ..

وصار يمسك يديني و آناا منزلهـ راسي وابتسم ..

قال : تبين الصراحة انا من اول ماقالت لي آختي عنك حلمتـ ان جدي الكبير جاني وقال خذها خذها مهما كانت عيوبها ,, عااد هذااك جدي الله يرحمهـ يجيني كل ماصليت آستخاارهـ تصدقين ما ادري ليش !!

ابتسمتـ ..

وصرنا نسولفـ سواليف يكوون هوو آكثر واحد يتكلمـ فيها ..

سألني وقال : تحسين انك بترتاحين معي !!

قلت : ان شاء الله ..

وقرب مني مرهـ لين صرتـ آحس بأنفااسهـ ..

بعدت شوي وهو حس وبعد .

قلت بأروح البسـ ..

دخلت الحمام " اكرمكم الله " وهو جاني على طول

وقال : امسكي شنطتك الصغيرهـ ..

قلت : شكراً ..

ودخلت الحمام " الله يكرمكم "

وجلست آنااظر با المرايه واقول بنفسي : مشاء الله اليوم شكلي حلوو ..

وانتبهت انه فيه قميص نوم معلق ..

واشووفه ..
قلت : يووه من اللي حاطه هذاا ماصار قميص هذا لو بدونه آصرف مفتوح من يمين ويسار وفوق وتحت ,, بعد بعد امه تبي تدلع ولدها ,, حااطته , تفلقني آن لبسته ,, خليني على قميصي وش حليله ..
وجلست انزل الثوب اللي علي .

وطلعت القميص اللي آنا مشتريته ولبسته " القميص حلوو نااعم مرهـ وهو اصلاً قميص عروسة ولونه آبيض "
رد مع اقتباس
  #9  
قديم April 26, 2015, 06:23 PM
 
رد: رواية رواية للجرأه طعم للكاتبة Angel sinless

مو زي قميصهم ..

وتمضمضت ورتبت مكيااجي ..
واقول : الحمد الله اني ماحطيت تسريحة كبر قريح والا كاان تعنيت وتعبت..

وتعطرت وحطيت روج وطلعت ..

وانا اقول الحمد الله يارب اللي ميسر لي آمري ..

وطلعت وكل هذا آخذ مني تقربياً سااعة ..

طلعت وشفته عمي لابس البجاامه وشايل الاكل ياحبي له ..

وطلعت وجلست على حافة السرير ..

ما اقدر اسوي شيء عيوونه علي ..

وجاء وجلس بجنبي على حافة السرير ..

و عطاني نظرة حلوهـ وقال : مرهـ قميصك حلو , وشكلك يجنن ..

وقرب مني وصار يبوس ..

ما ادري ليش ما تفاعلت معه " يمكن لأني خايفه او لأني حافظه وصية مرام عن ظهر قلب "

وبداء يمسك يديني وبديت آتجاوب معه ..

حسيت معه با الاماان والرااحة بكل شيء اسويه معه ..


وعدتـ الليلة على خير .. وكانتـ آحلى ليلة با النسبة لي ..

يووم صار بينا الاشياء انا نمتـ حوالي الساعة 2 نمت ماحسيت بنفسي آخر شيء اتذكرهـ باس راسي وقال : الله يخليك لي ..

و يوم جت الساعة 3 قومنيـ بحنان وقال : فطووم حبيبتي يا الله قوميـ علشاان تروشين علشان اذا جت الصلاة ..

وطلع برا الغرفة ..

استحيت ولبست ملابسي ودخلـت آتروش وخلصت انا ولبست ..

طلعت لقيته جايب عشاء من اللي حاطينه آهله ..

قال وهو مبتسم : نعيماً ..

قلت : الله ينعم عليك ..

وجلست على الطاولهـ وصار يأكلني و آكله ..

قال : لا تنامين الحين بيأذن ..

قلت : ان شاء الله ..

وان بنفسي اقول " مشاء الله عليه بااين انه محافظ على الصلاة مره "

وانتظرنا لين الصلاة وصلى بعدين انا صليت ..

نزلتـ شرشف الصلاة وهو بجنبي جالس يدعي ويستغفر ..

" قلت شكله والله مطوع , بس لو انه مطوع ما قال تبين نننطرب "

وجلست بجنبهـ ..

ومسك يديني وجلس يدعي وهو ماسك يديني ..

وانا اقولـ وراه آمين ..

بعدها سافرنا لجدهـ وجلسنا كم يومـ بعدين رحنا مصر ..

كاانـ خلووق مرهـ وحبوب وطيب وكل شيء حلوو فيه ..

بس آشين مافيه كااان " غيووور مرهـ "

بس من الخبله اللي بتفكر تناظر غيرهـ وهي مع هذا ..

ما يحبـ احد يناظرني وينقهر ..

نظيف مرهـ و وسيع صدر ,, وعليه دين مشاء الله عليه ,, كان " دين ودنيا " موو الدين اللي مرهـ ولا اللي مفلت مرهـ ,, كان وسط ..

ورجعنا جدهـ ومن بكرهـ بنرجع الرياض ..

وبا الليلة ذي كنا نسولفـ عن الاطفال ..

و آخر شيء قاله ,, ياربـ تجينا بنوته ان شاء الله زيك كذا حلوهـ ..

وبعدها خلانا نقراء المعوذات سوا و حظني ونمنا ..

كان لازم يخليني آقرا معه ..

بنص الليل تحلمتـ حلم غريب ...

" جآتني آم محمد وقالت لي :فاطمه خوذي ها المفاتيح ,, وانتبهي لها زين ,, وكانت المفاتيح ثقيله مرهـ ,, قلت بس يا عمه ثقيلة مره ,, قالت لي معليش آستحملي ذي عقاب من الله لك ولعله يغفر ذنوبك ,, قلت ما اقدر اشيلها ثقيله ,, قالت تبين رضا الله شيليها "

وقمت من الحلم واناا اصيح ..

وبجنبي محمد يواسيني ويقولي آذكري الله ,, حلم حلم تراه ,,

وانا ابكيـ ..


من الخوف ,, ااساساً ام محمد كان شكلها يخووف با الحلم ..

وهو حاظني بقوه ويسمي ويقراء علي وانا ابكي ,, هو يقولي آسكتي اسكتي واناا ازيد بكاء ..

ويقولي وش حلمتي وش حلمتي !!

وفي بالي " معقوله الله بيسامحني على كل اللي سويته !! صدق اناا دايم ادعي ان الله يسامحني بس الشيطان كان يقولي ماراح يسامحك لا تعبين نفسك وتدعين آنتي ذنبك كبير مره ,, آبدا ماراح يغفر الله لك ,, ولا تحبسين الزوج اللي جاك من الله هذا با العكس علشان تزيدين با الذنوب ,, انا صدق كنت ادعي واصلي بس كنت اصلي الصلاوات المفروضه علي ولا كنت ادعي دايم ,, "

الساعة صارت 2 با الليل .

هديت و سألني محمد وش الحلم وقلت له ..

وعلى طول مسك الجوال و آرسل رسالة ..

بعد دقيقة دق عليه ,, انا كنت مستغربة ,,

محمد قال لي بصوت قصير : بأحط سبيكر ..

الرجال وكان خويه عبد العزيز : السلام هلا هلا ابو تركي ..

محمد : وعليكم السلام آهلين ابو ثامر , وش اخبارك ! ترا والله ارسلت لك رساله بأشوف قايم والا لا ..

عبد العزيز : لا لا تونا مانمنا , البزارين اشغلونا ,, بكره تجيب بزارين وتعرف الازعاج صدق ..

محمد ضحك وقال : لا ان شاء الله ,, مانيب جايب مشاء الله درزن زيك ..

عبد العزيز : نشووف يا ابو تركي ..

محمد : الا ابو ثامر , ودي اسألك بشيء ,, بحكم انه لك خبرة بتفسير الاحلام ..

عبد العزيز : آمر والحمد الله تفسير الاحلام نعمة من الله ..

محمد : آنا زوجتي حلمت من شوي " وقال الحلم " ..

سكت عبد العزيز ..

محمد : وادري ياشيخنا بتسألني متوظيه قبل تنام والا ,, متوظين انا واياها وقارين المعوذات ..

و آخذ فترة يسأل عن الحلم ..

وبعدين سكت آخذ له 5 دقايق ..

و آناا خايفة وقلبي يدق بسرعة ..

قال عبد العزيز : آسمعني يا ابو تركي الصراحة والله اعلم ترا ,, ان زوجتك كان لها ذنب قديم , وبيرزقكم الله بمولود بس فيه عااههـ عقابً لزوجتك با الدنيا ,, ولعلها مغفرة لذنوبها ,, ويوم قالت امك لها با الحلم آنتبهي له زين ,, تقصد المولود الجديد يعني انتبهي له زين و آستحملي مايجيك منه ,, والحمد الله قلها ترضى بقدر الله و عقاب با الدينا ولا عقاب با الآخرهـ , وخلك معها انت عااد يامحمد ... وجلس يتكلم وينصح..


آناا من يوومـ قال زوجتك لها ذنب قديم وانا جالسة ابكي ..

وسكر محمد ,, وجلس ينصحني ,, ..

وانا جالسة ابكي ..

قال : الحمد الله على النعمه تراهـ ياقلبي حلم ماصار شيء للحين ويمكنه بس حلم ,, ..

قلت وانا ابكي : لا انا حاسة انه بيتحقق ..

قال : لالا ان شاء الله تفألي خير ..

قلت : و آن تحقق ..

قال : وان تحقق شيء ومكتوب مانقدر نغيره ,, والحمد الله على كل حال ,, والله مايسوي شيء الا وله حكمة ..

قلت : بس انت مالك ذنب .. !!

قال : استغفري استغفري وش اللي انا مالي ذنب ,, الله رايد كذا ..

ياقلبي عليه ماسألني وش مسويه !! ابدا استمرت علاقتنا وهو ماسألني ها السؤال بحيااته ..

وجلست ابكي وهو سدحني على السرير وجلس يقراء علي لين نمت ..


قومني صلاة الفجر وطلع يصلي با المسجد ..

وعرفت انه هوو مانام وكان طول الوقت لين آذن وهو يقراء علي ..

وآول مرهـ بحياتي اصلي وانا ابكي ,, اصلي وانا من جد خااشعه ..

وبكل صلاتي آدعي يارب اغفر لي ..

رجع من الصلاة ..

ولقاني على السجاده ..

قال : خلصتي مصليه !!
قلت : ايه الحمد الله .

قال : قومي نامي يا الله ..

قلت : مافيني نوم ..

قال : طيب تعالي ننام سواء ..

فصخت الشرشف ورحنا على السرير ..

وجلس يسولف لي ويحاول يرفه عني ..


لين آنااا نمت بدون ماحسيت ..


الساعة 11 ونص ..

وهو يقومني ..

يقول : فطوم حبيبتي يا الله قومي مانبي نتأخر على الطياره ,, يا الله لقينا حجز عجلي قومي ..


قمت وصلحنا آغراضنا وركبنا الطيارة ..

هوو من النوع اللي مايجيه نووم با الطيارة يقول ما اعرف ..

وحنا با الطيارة ..

شوفي ترا طول الوقت انتي راح تسولفين لي ..

قلت : ليش !!

قال : آيه آيه ياحبيبتي آنكري انك امس مانمتي وانا قاعد قايم مانمت لين نمتي ..

آبتسمت من وراء النقاب .

وقلت : لا ما انكر ,, الله يخليك لي بس ..

وجلسنا نسولف انا وايااه ..

وجلسنا ننكت ونضحك لين ضحكه هو ملا الطيارهـ

طبعاً انا كاتمه ضحكتي بصوت قصير علشان ما احد يسمعها آعرف هوو غيور مايحب آحد يسمع صوتي ..

ضحكه يجنن ..

رجعنا الرياض وجينا لبيتنا وبدتـ تكبر المسؤوليه علي ..

غداء وفطور ,, العشاء كنا نتعشى عند آهله ..

جدي جاء عندي با البيت وحاطين له غرفة تحت فيها دش له يتسلى با الاخباار ..

ودايم عندهـ انا , بس هوو صار دايم يطلع عند آخوياهـ ,, ..
ومحمد صار يداوم و آنا آخذهـ آجاازهـ ..


وكان عندنا جيران حبوبين مرهـ ,, اول ماجيت من جدهـ ,, ارسلوا لي حلى وقهوهـ ,, ودايم يرسلون لي ..


وبعد شهر وللحين آنا على اجاازتي , ..


طق الباب ,, وفتحت الباب ولقيت بنوته صغيرهـ ..

سلمت علي وقالت لي : حنا جيرانكم ,, امي وخواتي يقولون لك يبون يجيون العصر عندكم ويسألونك اذا كنتي فاضيه !!

قلت : قولي لهم حياهم بكل وقت , ويجون العصر ماعندي شيء ..


آتصلت على محمد وقلت له وقالي خلااص بأرسل سواق اهلي الحين يجيب لك حلا وعصيرات ومعجنات و آنا بـ استأذن بدري واجي ..

جاب السواق الاغراض وجاء محمد قبل آذان العصر .

محمد : هاه قلبوا خلصتي !!

قلت : لا والله ياقلبي توني مالبست ,, قاعدهـ اصلح القهوه وانظف البيت ,, انت ارقى الحين وانا احط لك الغداء الحين ..

قال : لالا انا بأحط الغداء وانتي آرقي طلعي لك ملابس ..

قلت : لالا آناا بحطهـ ..

قال : خلاص آجل انا برقى واطلع لك ملابس وآنزل نتغداء ..

محمد كان يحب يطلع لي لبس ..

قلت : خلااص ..

رقى وطلع لي لبس ورجع وجلسنا نتغداء .


بعدين يوم جت الساعة 5 ,, ويوم تأكد ان كل شيء تمام ..


قال : طيب انا بأطلع لواحد من اخوياي وبنتمشى وانتي اذا بغيتي شيء دقي علي ..

قلت : آن شاء الله ..

وطلع

وجوني جيراني ..

كانوا حبوبين وبناااتهم كثار مرهـ مشاء الله ,, بس قلوبهم على بعض كلهم ,, وامهم كانت حبوبه بس بين انها شديدة على بناتها مرهـ ..


وسواليفهم حلوهـ ,, امهم كانت مشاء الله متدينه وبناتها الكبار بعد بس البنات اللي ماتزوجوا لا ..


وطلعوا من عندي ..

وصرت آسير عليهم ويسيرون علي كل فتره ,,


رجعت لدوامي و جاب لي محمد الله يخليه خدامه تساعدني ..


ومرت 4 شهور تقريباً ,, و تحلمت با الحلم نفسه آكثر من 4 مرات وقلنا آنا ومحمد آكيد انه بيتحقق ..

الدورهـ " الله يكرمكم " ماجتني ها الشهر ..

فرح محمد مرهـ , وانا قلت له لا تفرح لين يجي الشهر الجاي ونشووف يمكنه متأخرهـ ..

الشهر اللي بعدهـ ماجتني ,, ماقلنا لأحد انا واياه ..

وبعد اسبوع من نهاية الشهر الثاني " الله يكرمكم " بديت آتعب من فترة لفترة ,,

انا قلت لمحمد : لايكون ذي آلاام الدورهـ وبتجي ..

محمد كان عندهـ آمل ويقولي لا يمكنها آثار الحمل .

كل يووم نتناقر انا واياه .

ومرهـ الساعة 5 وحنا جالسين نتقهوى انا ومحمد لحالنا بدون جدي لأنه كان طالع الظاهر ..

قلت : للحين مانزلتـ يامحمد !!

قال : قايلك حمل ,, حمل يابنت الحلال ..

قلت : لا لا وش فيك انت ملزمـ ..

قال : تدرين وش نسوي احسن بدال ها النقرهـ ,, !!

قلت : وش !!

قال : تعالي نروح نكشف ..

قلت : لا لا خليه الشهر الثالث ..

قال : وش يصبرني آنااا ..

و آصر علي لين رحنا سوا وكشفنا ..

وكان طول الوقت وحنا ننتظر التحاليل يدعي وانا ساكته .

جالسين انا واياه بجنب بعض وهو يدعي ويقول : يارب يارب انها حامل..

وانا ساكته ..


قال : فطووم ياشينك ادعي ..

وانا ساكته ما ادري كنت خايفه او محتارهـ ما ادري كيف كان شعوري .

رجع وقال : ماودك تحملين !!

مسكت يدهـ بقوهـ وقلت وانا خانقتني العبرة : الا ودي ..

قال : طيب وش فيك مو على بعضك ..

قلت : خايفه , .

قال : لا تخافين وادعي الله تصيرين حامل ..

قلت : ان شاء الله ..

وسكتنا وندعي انا واياه ..

قلت : انا حاسة اني حامل ..

قال : والله طيب ليش تكذبين علي وتقولين ماحسيت .

قلت : ما ابي اعيش بأمل واكوون غلطانه ..

ضحك وقال : حاسة بنت والا ولد !!

ضحكت وقلت : ماحسيت للحين عااد ..

قال : آذا حسيتي قولي لي ,, ومايخالف بنت والا ولد اهم شيء فطفوط يشبه لك بكل شيء ..

ضحكت وقلت وانا خايفه : بس آخااف يكون فيه عاههـ ..


قال : الحمد الله على كل حال حتى لو كان فيه عااهه هذا شيء من الله ومكتوب ..

محمد قدر ينسيني كل ماضيي وصار لي الام والاب وكل شيء بحياتي ..

كان آحن لي من نفسي ..

وجلسنا على نار لين دخلونا للدكتوره ومعا التحاليل ..


قالت الدكتورهـ " مصريه " : مبرووك يابت يا فاطمه ..


قلت : حامل يعني !

قالت : وكمان عندوهـ الحين يجي 3 شهور ..


وجلست تحسب لي من نهاية آخر دوره " الله يكرمكم " ..

وصدق صار له تقريباً 3 شهور ..
محمد ما احد قدهـ البسمه ما فارقت شفاته ..

وجلست تتكلم عن الحمل وانه وانه وعطتني موعد للولادهـ وموعد مراجعاتي ..


طلعنا وحنا باا السيارة من الفرحة ودهـ يصارخ ..

قال : بأبشر امي ..

قلت : لاالا ,, مانبي نقول لأحد لين يكبر اللي ببطني شوي ..

قال : على راحتك يا ام .. وسكت وقال الا جد وش تبينا نسميه !

ضحكت وقلت : يحلها آلف حلال ..

وبا الليلة ذي رحنا السوق و آشترا لي سااعة هديه على ذوقي آناا ..

كانتـ الساعة من جد فخمه ..

وبعدين رحنا تعشينا برا ..

ومرتـ الايام ..

,,

,,

وصرت قريبة من بنت جيرانا

لولوهـ هي كانت اصغر مني جد بس كانت حبيبة مرهـ

ودها تتفلت بسـ آهلها محجرين عليها شوي ..

عمرها حوالي 24 ,

مدرسة " كل المواد " على قولتها ..

كانت قريبه مني وكل مالها علاقتنا تكبر ..

لين قطعنا لبعض وعد اننا مانخبي عن بعض شيء ..

كانت معي بكل دايم ..

ونزور بعض كل يوم ..

كانتـ دايم تشكي لي انها ماعاشت مراهقتها جد وان امهم محجرهـ عليهم وانا اقول لها آحمدي ربك والله , وانصحها واقولها والله تخطين با المراهقه وتندمين على خطاء صار لك وعمرك ماراح تسامحين نفسك عليه ..

كانت من جد بريئه ماتعرف شيء بس تسمع عن الاشياء ..

اذا سولفت سالفة اقولها من وين عرفتي .. تقول سمعت البنات ..

كانت دايم تشكيلي يوم انها مراهقه كانت تبي تعيش مراهقتها زي خويتها بس امها كانت تهاوشها ولدرجه آحياناً تمد يدها ..

وانا دايم اقولها : احمدي ربك آحد يخااف عليك ..




دروا اني حامل بعد السالفه بيومين ,, محمد من الفرحه ماقدر يصبر ..


عدتـ شهور وبطني كل ماله يكبر والألم كل فترة يزيد ,, وبعدين ينقطع ويزيد ,,

وكان ياقلبي عليه حموود يقيس وزني كل شهر ,, ويشوف بطني كل يوم ويجلس يسمع اذا يتحرك اللي ببطني والا لا ..

وقال اذا جبنا بنتـ بنسميها سمر ,, واذا جانا ولد بنسميه تركي ..



وانا حامل با الشهر السابع تقريباً

تعب جدي ,, ودخلوهـ المستشفى وكان محمد ملازمه ولا يفارقه ولا دقيقة كان معتبرهـ آكثر من اب ..

خلاااص جدي هوو اللي باقي لي من الدنيا لو مات جدي
من راح يبقا لي !!


كنت دايم ابكي عند محمد واقوله ها الشيء ,,

وعطاني وعد انه مهما صار ماراح يخليني آبد وانه بيكون دايم معي , وبيكون لي كل شيء , آم واب وجد وجدهـ وعمان وخوال ..


وبا البيت وانا جالسة اصلي وادعي لجدي ..

جاني محمد و وجهه آحمر ومو قادر يوقف على طولهـ ..

قاالي بسرعة : فاطمه جدك الله عطاك عمرهـ ..

جلست ساكته فترة ما ادري وش اقول !!


سكت
مرت ربع ساعة وانا ساكته ..


ومحمد جالس على الكرسي ويمسح دموعه بشماغه ..


وبعدها جلست آصيح وابكي واصرخ ومحمد يقولي يابنت الحلال استغفري ..



وجلس يذكرني با الصبر ويهون علي ..

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
رواية احباب اموات للكاتبة Angel sinless Yaqot روايات و قصص منشورة ومنقولة 14 April 5, 2015 02:30 PM
رواية رواية بعثرت أرواح عاشقة للكاتبة إكراموا Yaqot روايات و قصص منشورة ومنقولة 31 March 30, 2015 05:47 PM
رواية بعد الغياب للكاتبة أنفاس قطر Yaqot روايات و قصص منشورة ومنقولة 64 March 18, 2015 03:15 PM
رواية روان للكاتبة كول 2009 Yaqot روايات و قصص منشورة ومنقولة 10 March 14, 2015 12:31 PM
ملخص رواية سلالم النهار -رواية للكاتبة فوزية شويس السالم Yaqot روايات و قصص منشورة ومنقولة 0 May 8, 2014 10:41 AM


الساعة الآن 12:13 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر