|
|||||||
| روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا |
 |
|
|
LinkBack | أدوات الموضوع | انواع عرض الموضوع |
|
#13
April 24, 2015, 04:47 PM
|
||
|
|
||
|
رد: رواية نور للكاتبة وديمة العطا
"نـــــــــــــــــــــــور" الجزء الثاني عشر في اليوم الثاني طلب خليفه نوره وقالها انه ايريد ايوديها زياره وخبرها عن نور استانست نوره ورحبت بالفكره واستعدت للزياره ومعاها فطامي....اتصل خليفه على هنيه وقالها انه اهو وزوجته ياين عشان ايزورون نور وخبرت هنيه نور بامر الزياره واستانست وااايد...كان زايد في هذا الوقت في شركته خليفه ونوره وهم داخلين الفله:نوره ترا محد في البيت زايد راح لشركته محد الاهنيه ونور نوره:منيه هنيه؟ خليفه:مدبرة المنزل الاخت من مصر هزت راسها ومشت وراه خليفه:هنــــــــــــــيه يا هنــــــــــيه يت هنيه تركض:يامرحب يامرحب ياميت الف هلا وسهلا ابتسم خليفه:يا هلابج يا هنيه هنيه وعيونها على نوره:هيه مراتك ياباشه؟ خليفه وعيونه على نوره:هيه نعم هنيه:يامرحب يامرحب ادبح القعووود ضحك خليفه بصوت عالي:يا هنيه سيري سيري المره اليايه اذبحيه مشكوره وماتقصرين سيري ازقري نور هنيه وما زالت عيونها على نوره تنتظر ترفع النقاب:اهيه جايه دلواتي...يا ستي ارفعي البتاعه دي عايزه اشوف عروس الاستاز خليفه خليفه:هنــــــــــــيه روحي استعيلي بنور انا بروح مش قاعد ورايه دوااام هنيه وهيه رايحه:طيب طيب يا بااااشه اول ما راحت ضحكت نوره التفت الها خليفه مبتسم وما قدرت تستحمل وضحكت زيااده...عاد تعالو طالعو علوم القلب الي بدا ايذوب على الضحكه نوره وهيه تحط يدها على ثمها من فوق النقاب:ياربيييي شو بيسكتنيه بس جنااان ههههه بابتسامته التفت لنور الي كانت تمشي يايه صوبهم وطبعا بدون الغطا والشال العود من الرهبه وقف خليفه وهو ايشوفها طبق الاصل من زاايدبس احلى وانعم...وقفت نور جدامه على بعد كم خطوه اطالعه وتشوف نظراته المنصدمه ابتسمت ونزلت راسها تحت ساعتها حس خليفه بغيض اتملكه على زايد ...يعني ما يشوووف العمي انها بنت عمه وطبق الاصل امنه بعيونها الي مغتر دووووم ابهن...ما يحس ولا يحن نور:السلام عليكم ورحمة الله وبركاته وقفت نوره:وعليكم السلام ورحمة الله رفعت نور نظرها لخليفه وكانت اتحس باحراج امنه نور:هل هذه زوجتك ....عماااه اتسمح لي بان اناديك بعمااه خليفه لين الحين ايحس بويع وحزن عليها:تعالي يانور تعالي انا عمج غصبا عن زيااااد عمج اقتربت امنه نور بخطوات متردده ومدت يدها له وصافحها وسحبها صوبه وهو يلامس بخشمه خشمها خليفه:هذا سلامنا يانور الانف بالانف...انسميه موايه بالخشوووم ابتسمت نور وابتعدت خطوه وهيه منحرجه ووجهت نظرها لنوره خليفه:هذه زوجتي واسمها نوره شبيه باسمك اقتربت نور من نوره الي التفتت ابها للجهه الثانيه وكشفت الها عن ويهها وهيه مبتسمه وسلمت عليها تمت نور اطالع نوره باعجاب ويهها مبتسم نوره:كيف حالك نور وبعده مبتسمه ومنشرح قلبها لنوره:بخير والحمدلله طبعا كانت صدمه لخليفه الي واقف ورا نوره وهو يدري انها كشفت بويهها لنور...الموقف خلاه ساكت بينما نور ونوره تمن يتحدثن بصوت واطي نور سالتها ليش تتغطين عن زوجج وقالتلها بعدين بخبرج...عدلت نوره نقابها والتفتت لخليفه الي بعده ساكت نور:كيف حالك يا عماااه؟ خليفه:هااه ب بخير الحمدلله انتي كيف حالج؟ نور:انني سعيده حقا لا تتخيل يا عماه كم انا سعيده اكاد ارقص من السعااده لله الحمد والشكر خليفه:ا ا نور انا والله خاطريه اقعد معاج واايد بس انا بظطر ارووح عشان شغليه بعد ساعتين برد اخذ نوره خليها عندج نور:جوزيت خيرا يا عمااه خليفه وعيونه على نوره:يالله فمان الله التفت عنهن وراح شووو سالفة النقاب وكيف ما شفت ردة فعل حق نور يوم شافت الحرق قعدت نور مع نوره واستانست على فطامي واكثر يوم درت انها بنت عمها هنيه كانت يايبه القهوه والشاي وطاااارت عيونها في نوره والزين الي شافته هنيه:بسم الله ماشالله بسم الله مشالله ...خمسه وخميسه في عيين الي ما يصلي على النبي ضحكت نوره ونور اطالع هنيه باستغراب نور:هنيه ماذا تعني خمسه وخميسه؟ انفجرت نوره تضحك وضحكن كلهن كانت كلمات نوره الي تتخللها كلمات بالفصحى واضحه حق نور واستمتعت بالحديث معاها سالته نور عن الاهل الباقيين وخبرت نوره نور بقصتها وكيف تم الاتفاق على الزواج حق مصلحة اليهال نور بتاثر:هو لم يرا وجهك؟ نوره:لا ...هو لديه خطيبه ...افضل ان تكون علاقتي به سطحيه كي لا ...... وسكتت نوره نور:من المؤكد ان رااك سوف يعجب بك....انتي لا تريدين ان تفسدي عليه امر خطبته من ابنة خالته...انتي امراءه عظيمه يا نوره تؤثرين الاخرين على نفسك نوره:لا اريد ان اظلم خطيبته فهي لا ذنب لها نور:يا الاااااهي كم احبك يا اخيه....واتمنى لك كل الخير عماااه رجلا صالح وانتي امراءه صالحه جمعكما الله على ما يحب ويرضى نوره بابتسامه حزينه لاحضتها نور:مشكوووره يا نور وقفت نوره:نووور انا يبت لج عبااه وقفت نور بنظرات مستفسره:ماذا؟ نوره وهيه اطلع العباه من الكيس الي كان في يدها نوره:عبااه مثل التي البسها نور بفرحه:حـــــــــــــــــــــــقا لقد اعجبت بهذه العبااءه التي ترتدينها وتمنيت واحده...كم انته عظيم يا الاهي ودمعت عيون نور نوره:نور ليش اتصيحين؟ نور:اشعر بسعاده عندما اجد ربي يحضر لي كل ما اتمنى بمجرد ان افكر به....ان الله عظيم يا نوره وقريب جدا نوره بتاثر:انتي يانور تستاهلين كل الخير...ياله قوومي البسي روينيه نور بابتسامه:ماذا تعني روينيه؟ نوره:ههههه اسمحي لي اقصد بها اريني نور:روينيه روينيه نوره:هههههه وقفت نور ولبست العباه وقعدت اتدور ابها:يا الااااهي كم هي جميله وساتره افضلها على تلك التي كنت البسها نوره:وهذي شيلتها وهذي الغشوه وهذا بعد نقاااب نور:اشكرك كثيرا يا نوره لا تتخيلين مدى سعادتي نوره:باقي اسويلج ثيااب ما كنت ادري انج تلبسين هالبس نور:اجل اريد ان البس ما تلبسووون كي اشعر بانني هنا وانني عدت الى دياري حقا ...يال سعاااادتي اريد ان اذهب لاسجد لله شكرا نوره:الله يعطيج كل الخير يا نور ويوفقج رجع خليفه عقب وخذ نوره ورجعها للبيت بعد ما ودعت نور وعدتها بالزياره مره ثانيه خليفه في السياره:اخبار نور؟ نوره:اتجنن اتجنن والله ...وكسرت خاطريه واااايد خليفه:ايوالله مسكينه طول هالسنين وهيه محد يدري ابها ويوم دروبها مادرابها الا هتلر نوره:هههههه حرام عليك اتقول عنه هتلر خليفه:والله ان هتلر احسن عنه...............مييييييت قلبه...عاقنها عيل في ملحق الخدم ويوم ايرمسها رمسها من راس خشمه جنها ماتسوا عنده فردة نعل...بس انا ارويه لخمام يتحسبنيه بخليها عنده نوره:صدق خليفه بتيبها عندنا؟ خليفه :برمسها وبشوفها اذا بتوافق نوره:والله انا حبيتها لو تشوف فرحتها بالعباه كييف تنهد خليفه بالم على حال نور اول ما وصلو وييت نوره بتنزل خليفه:نوره التفتت له خليفه:خذي هالمستحضرات...الحين كنا في افتتاح محل عوود في ابوظبي موول وقدمو النا هدايا اتخص المحل عاده انا من حبيه للون العنابي خذت هالمستحضر بدال الازرق وطلع حريمي نوره:خله حق اميره خليفه:من سبق لبق وانتي تستاهلي اكثر من جذيه مدت نوره يدها للمستحضرات وخذته نوره:مشكوووور وما تقصر ابتسم الها ونزلت نوره وهيه مستااانسه بالهديه ....................................... نزلت مي تحت وحصلت الخدامه تنتفض من الحراره مي:ميري شو فييج ميري:هلج مال انا زيااااده عور مي:اوف فيج حراره زياااده...ياله بوديج المستشفي صبري بتصل اشوف الدريول خذت مي الخدامه للمستشفي عند الطواري لان بطاقتها منتهيه وعلى طول حطو عليها مغذي وعطوها ابره في قسم الطواري الغرف كانت مقطعه ومدخلها بدون جدار وبدال الجدار ستايروكل غرفه فيها سريرين وبينهن ستاره مي:هااه ميري احسن الحين لاكن ميري ما ردت عليها من التعب لانها رقدت بعد الابره سمعت مي ضجه وناس وممرضين يايبين مصاب و حطوه على السرير الي عدالهم وتفصل بينها وبينهم ستاره كانت تسمع صراخ المصاب وحشرة الي معاه حد ايقول هات الهذا منيه وهذا مناك وحط اكسجين وركب الجهاز المهم حشره وهاااتو الدكتور بسرعه...والمصاب كان اهو مروان نفسه انصاب بطلق ناري في ريله ووحده في جتفه مي ظربها فضول وقربت من الستاره وطلت بس بعويناتها لاكنها ما شافت الا التجمع حوليه اخيرا شافته وهو يضرب براسه قوي على المخده وهو ماسك شعره بيديه الثنتين من الالم الي يحسبه سعد رفيقه:خلاااص يا مروااان اهدا خلهم ايطلعون الرصاصه في وسط الالم ومقاومتهم عشان يتركونه في حاله طاحت عينه على الي قاعده اطالعه من شق الستاره وعرفها سكرت الستاره بسرعه وشي رقع في قلبه نسااه شويه الويع وهو عده مش مصدق يمكن يتخيل له مي استغربت شو سالفة هالريال الي دوم اتشوفه لاكنه كسر خاطرها بمنظره الي يحزن رجعت اطل بعيونها بدون ما يطلع ويهها لحضتها كان مروان مغمي عليه من شدة الويع واحتشرو الي حواليه يوم اغمى عليه وسوو سالفه تم قلب مي ايدق بقو من الروع اعتقدت انه مات واهيه اتشوف الاجهزه ايحطونها عليه وكل ما ييلهم ايزيد عددهم حوليه حتى الشرطه كذا واحد واقف عداله سكرت مي الستاره والتفتت للخدامه الي خبر خير في سابع نومه وبعده المغذي توه يقل حست بتوتر ووجع في قلبها ماتدري شو سببه تمت تفرك ايديها رايحه يايه وسمعتهم اينادونه النقيب الي حضر توه:مرواان مرواان...طالع ياي اتحس بريلك هز مروان راسه بلا وهو مش حاس بالي يصير حوليه وانصعقو الجميع يوم قال مروان:صااااااااافيه....صاااااااااافيه حطت مي يدها على ثمها تمنع شهقتها...هذا صدق مضيع ولا ينكت نظرات تعجب تبادلها الضباط والنقيب وتسالو منيه صاافيه الدكتور:هوهلا في حالة هذياان ....انا اعطيته ابره تهديه هدا عقب الوضع وخلا المكان من حولين مروان بعد ما تطمنو عليه وطلعو الرصاصات رجعت مي اطل عليه وشافته نايم بعد خمس دقايق تجرات ومشت ناحيته لان محد كان عنده وقفت اطالعه وتتامل ملامح ويهه ما كانت تدري ان ويهها كان محمر من العبره الي خانقتنها عليه وليش هذي العبره ماتدري وقف وراها احمد:احم...احم نزلت غطاها بسرعه ودخلت بين الستاير بسرعه مختفيه استقرب من وجودها وعقب قرب من مروان احمد:مروان مروان فتح مروان عيونه وهز راسه شو تبا؟ احمد:شو تحس عمرك الحين؟ غمض مروان عيونه وما رد عليه احمد:انا بتم في الاستراحه برا اذا تبانيه خلهم اينادونيه مروان:ب بدر احمد:كلمته وطمنته عليك ايقول انه في دبي وياي في الطريق غمض مروان عقب عيونه ومر الوقت ومي كل شوي طلت عليه وفي اخر مره طلت عليه شافته فاتح عيونه وصادها تسمرت مكانها وما قدرت ترد الستاره ابتسم مروان:تعالي هزت راسها بلا مروان:ارفعيليه السرير بس وهزت راسها بلا رجع وحط راسه على المخده وغمض عيونه...وبتردد خطت ناحيته عقب اشوي لين ما وصلت عداله ومدت يدها للزر الي يرفع مقدمة السرير لاكن يده كانت اسرع ومسكها شهقت وحاولت تسحب يدها مي بهمس عشان ما يسمعها الماره الي ورا الستاره :بطل يديه مروان:اوعدينيه انج ماتروحين مي:انته شوتريد؟ بطل يديه الحين بيون مروان:والله ما اسويلج شي انتي تشوفين حاليه يسمح مي:انته شرطي؟ استحى اهنيه مروان وارخى يده عن يدها مروان:الي تبينه مدت يدها للزر ورفعته مروان :خلاص خلاص بتعقينيه التفتت عنه واختفت بين الستاير مروان:وييينج؟ فتحت الستاره اشوي:اسكت ابويه راقد وسكرت الستاره اهنيه مروان ما قدر ايسوي شي ولا يقول شي لاكنه كان ايحس بقلبه ايدق وايدق وايدق غمض عيونه وهو يتخيلها ومرتاح انها قريب امنه رجعت مي وطلت عليه وابتسمت دخلت الممرضه عقب وصحت الخدامه وفتحت عنها المغذي سمع مروان الممرضه وهيه تكلم الخدامه وتسالها عن حالها الحين وعرف ان مي جذبت عليه وقبل لا تروح طلت عليه للمره الاخيره وهيه مبتسمه وطرشلها قبله في الهوا سكرت الستاره عقب وهيه تفتح له عيونها بغيض والتفتت وراحت مع الخدامه خبر عقب احمد مروان انه شاف بنت كانت واقفه عنده اختفت بين الستاير يوم سمعت صوته مروان بتنهيده:ااااه فدييييتها صااافيه احمد:منيه صافيه هذي صدق الضباط والنقيب سالونيه عنها مروان منصدم:هااه سالوك عنها؟ .................................................. ............. نوره استانست بالمستحضرات وكانت ريحتهن اتجنن وتاخذ العقل بعد ما رقدت اليهال اتسبحت واستخدمت المستحضر شامبو ولوشن وبودره وحتى العطر حطته مستاااانسه عليه كانت في غرفة الملابس تلبس البجامه لبست قطعه وبقت القطعه الفوقيه وفجئه بندت الكهربه وصار المكان ظلام في ظلام حتى قطعة البجامه ما حصلتها وماتذكرت وين اهيه تمت تتلمس الطريق وتتسال عن سبب انقطاع الكهربه نوره:ياربيييي ما اشوووف مره فتحت الباب وخطت كم خطوه برا ونفس الشي كل المكان كان اسود في اسود نوره:الحين شو بسوي؟ تمت اتحاول تستدل بالطريق لمجمع الكهربه الي فوق وفتحته وحاولت تضرب الفصوص ومافي فايده التفتت عشان اترد وانصدمت بشخص وصرخت وهو يمسكها من اكتافها خليفه:نوووره انا خليفه نوره بدت ترتجف:انا انا اسفه ييت اشوف ليش الكهربه مبنده كنت تونيه طالعه من الحمام وبندت اكيد انه عرف انها طالعه من الحمام الملمس ايقول جذيه والريحه الي ضيعت به اتقووول خليفه وبعده ماسكنها:المجمع من تحت مبند والبواب مش موجود عشان اقوله ايروح ايشغل الكهربه نوره بتوتر:ط طيب ما عليه انااااا ب باروووح ارقد خليفه :ادلين الطريق؟ نوره:هاااه ا اكييد بدله مسكها خليفه من يدها خليفه:تعاالي تبعته لين ما حست انهم دخلو مكان بااارد دخل وغفل الباب حط خليفه ايديه حولين اكتافها نوره وعيونها زايغه:خليييفه انا وييين؟ همس الها وهو خلاااص رايح في عينها خليفه:نوووره انا اريييدج التفتت بسرعه وكان صدره صادنها خليفه:وييين؟ نوره: لا لا خليفه انته شو تقووول بطلليه الباب خليفه بترجي:حرام عليج يا نوره انا خلاااص ما اقدر استحمل والله اريدج انتي ماتدرين شو مسويه فيه نوره وهيه ترتجف:لا لا لا خليفه احنا ما اتفقنا على جذيه بطلنيه خلنيه اروووح خليفه:اي اتفاااق واي خرابيط انتي ليش ماتريدين اتحسين فيه نوره:حرام عليك خليفه انته نسيت اتفاقنا خليفه:نوووره احنا مابنسوي شي غلط ولا هب حراام انا زوجج وحلال عليج نوره:لا لا لا لا انته هب صاحي خليفه بترجي اكثر وهو يضمها له خليفه:نوووره والله انيه ما اقدر اباااج ..........صدقيينيه احنا مانسوي شي حراام والي بيصير بيكون بينيه وبينج محد بيدريبه نوره:لا اليهال بروحهم خليفه:ماعليهم شر تعالي انتي بس نوره:ارجووووووك خليفه...خلنيه ارووح خليفه:ما اقدر والله ما اقدر ابااااااج تمت دموعها تنزل وما تعرف شو تسوي حاولت نوره اتصده لاكن ترجياته واصراره خلا كل مقاومتها تروح هبا منثور وهيه تستسلمله اخيرا ولوما مشاعرها الي تكنها له يمكن قدرت تقاومه ................................ هنيه وهيه تتجلب في فراشها:بنت يانور ...انتي حتنامي امتا؟ نور بابتسامه:هنيه اشعر بسعاااده تغمرني ...هنيه قريبا سوف ارا جدتي وعمي وابنا عمي هنيه انا لديه عائله انا سعيده جدا......كم احب عمي خليفه انه شخص محبووب واحب زوجته اتمنى لهما السعاده...سوف ادعو ربي ان يجمعهما دائما هنيه:نووور امتى حنااام؟ نور:لا اشعر بانني اريد ان انام هل استطيع هنيه ان اذهب الى الخارج؟ هنيه:حتعملي فيه خييير وتسيبيني اناااام روووحي وخدي باالك من العفااريييت نور:العفارييت اين ساجدهم؟ رفعه هنيه راسها:حتلاقيهم برا مستنييينك نور:حقا سوف اذهب لاراهم طلعت نور وكانت لابسه جلابيه بيضا وشال كبير ابيض وشعرها مفتوح والشال محطوط على راسها بدون ماتلفه زيين تمت نور ادور بعيونها على العفاريت تعتقد انهن يمكن عصافير ولااسماااك كانت الاضاءه في اماكن معينه في الفله وبقية الفله في ظلام نور وهيه تكلم نفسها:اين ساجدهم؟ زايد وما انتبهت له نور وهو قاعد على احد الكراسي في الصاله الكبيره يقرا بعض الرسائل الي في تلفونه زايد:شو تدورين؟ شهقت نور والتفتت بسرعه للجهه الثانيه وعدلت حجابها والتفتت له نور:عفو ايها السيد لم اكن اعلم بانك هنا وقف زايد الي كان لابس لبس رياضه وعليه جاكيت وهو حاط ايديه في جيوب الجاكيت وقرب منها زايد:شوتدورين؟ نور:ابحث عن ال................. رفعت نور راسها باتجاه زايد وسالته نور:هل تعني هنيه بالعفاريت جمع عفريت؟ زايد تم ايطالعها مستغرب شو سالفتها وهو يضغط على شفايفه عن لا يبتسم نور وهيه تتحلف لهنيه:حسنا هنيه سوف ترين...اعتذر منك ايها السيد .........فوتك بعافيه وقبل لا تلتفت امنه مسكها وهو يطلق ضحكته التفتت له نور مستغربه ضحكته وعينها على يدها الي مسكها نور:اترك يدي ايها الرجل زايد:ايها الرجل........ من قبل سيدي وعقب ايها السيد والحين ايها الرجل ارسيلج على بر نور وهيه تحاول تسحب يدها:حسنا اترك يدي زايد بعناد وهو يمسك يدها الثانيه:وان ما تركتج شو بتسوين؟ نور بنظرات غاضبه:قلت لك اتركني الاتخشى الله؟ زايد وهو يضغط اكثر في مسكته:تعالي انتي انتي وايد مصدقه عمرج مسويتليه فيها مطوعه يايه اول شي رايحه تخطبين برا عند البتان وعقب يايه تذينيه قم صل قم صل واخرتها ميننه اليه هنيه اتقوليلها صلاتج ماتنقبل انتي حد عطاج رخصة افتاء نور وهيه تقاومه:اتركني زايد:ويوم انتي تبينيه اتركج وخايفه من مسكتيه شمطلعنج الحين نصايف الليل نور:انك شيطااااان هيا اتركني ابتسم زايد:والشيطان ايقولوله اتركني ههههههه من حركتها وهيه تقاومه ارتخى حجابها وطاح ثبتت عقب نور في وقفتها وحطت عيونها في عيونه نور:هيا اتركني واتقي من لساني قبل ان يدعو عليك تركها زايد وهو ايدزها:انقلعي التفت عنها وراح وتمت نور تتبعه بنظراتها المعصبه لين اختفى .................................................. .............. على الساعه خمس الصبح والوقت بعده ظلام فتحت نوره عيونها وكانت يد خليفه مطوقتنها من اكتافها ابتسمت بحرج وحرك خليفه صبوعه على اكتافها وشكله كان واعي من الصبح ويفكر الغرفه كانت بعدها في ظلام خليفه وهو يضغط باصابعه على كتفها:اميره.....وعيتي؟ حست نوره انها ماتقدر تتنفس حاولت تسحب نفسها لاكنها ما قدرت قعدت بسرعه وارتهب خليفه وهو يحس ان فيها شي خليفه:شبلااااااج؟ اخيرا خذت النفس نوره ودموعها تنزل بسرعه:انا مش اميره يا خليفه مش اميره انا نوره نوره شهقت بصوت عالي وسحبت نفسها وركضت بسرعه برا رايحه لغرفتها ضرب خليفه بيده قوي على لفراش ومسك عقب بايديه راسه وهو يقول خليفه:ادري انج نوره والله ادري.........بس ما اريد الي استوا يتكرر من وعى وهو يلوم نفسه على الي صار وكيف انه خان اميره تضاااايق عقب خليفه من نفسه وزعل على حال نوره اما نوره فكانت قريبه من الانهيار ماتتخيل انها بعد ما كانت قريبه امنه كل هالقرب يبعدها بالطريقه هذي على الساعه سبع ونصف وقت تسريح اليهال للمدارس نزل خليفه الي كان يحس بسعاده خفيه ما يدري شو سببها وعلى اساسها تكشخ وتعطر ونازل بابتسامه اول ما قعد رفع نظره لنوره الي كانت صاده بنظرها عنه وتسوي السندويجات لليهال ووقف بسرعه ورجفه قويه تسري في جسمه اول ما شاف عيونها المحمره والمنتفخه حتى ايديها كانت ترتجف وهيه تسوي السندويجات ما عرف شو يسوي او شو يقول حس بتانيب ضمير وعلى طول طلع بدون ما يفطر لاكن المصيبه تغيرت عند خليفه الي طول الاجتماع وهو يتذكر الليله الرهيبه وصار ما يجمع لاي كلمه تنقال غمض عيونه في نصف الاجتماع وقلبه ايدق بقو ورعشه تسري فيه حمدان:خليفه خليفه خليفه:هلا حمدان:تعباان ابتسم خليفه:لا فديتك ...معاكم كملو لاكنه ما قدر ويده كلته لين ما طلع تيلفونه وطرشلها رساله وصل المسج لنوره"ااااااااااااااااااااسف والله اسف ساااامحييييينيه"ّ طنشت نوره رسالته وهيه مازالت متالمه من كلمته خليفه ورساله ثانيه ايطرشها"نووووره والله العظيم انيه كنت ادري انج نوره بس انا ما دري كيف فكرت ان الي صار لازم ما يتكرر"ّ بعد طنشت الرساله وخليفه صار مش في حاله في الاجتماع الي حس انه طوييييل خليفه"مش مصدقتنيه اكيد؟............طيب وكلمة (نوره انتي رهيبه )الي كنت اكررها ماتثبت لج حطت نوره ايديها على ويهها من الاحراج هذا شو قاعد ايخبص طرشتله رساله"خلاص خلاص يا خليفه صدقتك...وانا فهمت انته شو قصدك بالكلمه بعتبر ما شي صاروبنسى السالفه خليفه بعد ما قرا رسالتها"ويييييييييل حالك يا خليفه اتقول بعتبر ماشي صار بعد ما رجع خليفه من الدوام لقى عيال اخوه جدامه مخلصين من الغدا وما شاف نوره سلم عليهم خليفه وعيونه ادورها:ويين خالتكم ناصر:الخدامه اتقول انها راااقده وقف خليفه الي كان نازل ايحب دانوه:راااقده؟ شي فيها؟ ناصر:انا رحت فوق ولقيتها راقده اهيه وفطامي جدامها .................................................. ..... العصر نفس الشي طلع خليفه وما شاف نوره وطلع رايح بيت اخوه ابو فهد عشان ايقوللهم عن نور حسب ما وعدها وكان زايد موجود عندهم كانت الجده وابو فهد وفهد وام فهد قعود يوم فتح خليفه السالفه وقال الهم عن نور الجده وهيه ترفع عصاتها:اتهاااااابي منوووو قاااال ضحك زايد وقام وقعد عدال يدته وطوقها من اكتافها بيديه يازتله ردة فعلها خليفه وهو معصب على زايد:عمتيه الاوراق الي عندها اتقول الجده:جذب هذا كله خرطي ...والاوراق هذي سر اطعم ابها بوشك نقع زايد من الضحك ومااات خليفه من القهر خليفه:ياعمتيه انا ما اجذب عليج واسالي زايد ان كنت اجذب والدليل انها عنده في بيته التفتت الجد على زايد وعيونها مفتوحه على اتساعهن الجده:صدق الي يقوله؟ زايد:شدرانيه يا يدوووه ايقولون انها بنت عميه الجده:جاااااذب هذا كله كلااام خرطي ولديه حمد يوم ايسافر كان توه فرخ صغير شعرفه بالعرس والخرابيط هذي وبعدين اهو رايح قنص ما راح بكستااان خليفه:القنص كان في بكستان حركة الجده العصى تتحلف لخليفه انها بتظربه:يووووور ونكر هذا يوووور ونكر اتهبي البكستانيه تاخذ ولديه طالعو هذي من وين مضوييينها والتفتت لزايد ورقعته على راسه:وانته شله حاطنها في بيتك سفرها سفرها دارها زايد وهو ياشر لعيونه حاااضر والطلب رخيص خليفه:حرام عليكم على الاقل خلينيه اروح اييبها وشوفيها وعقب احكمي الجده:اتهبي....سفروها سفروها قبل لا تحل عليكم السلطه هز خليفه راسه :لا حول ولا قوة الابالله الجده:احولت عيونك يايبليه نكر وقف خليفه:على راحتكم هذا ولد بنتج وتفاهمي معاه ...اما انا مش مستعد اتخلى عنها الحين بروح وباخذها لبيتيه الجده:تعااال اهنيه التفت الها خليفه الجده:اقعد اشوف.... والتفتت لزايد الجده:وانته ياله قم رح هاتها زايد:انا!!!؟ الجده:هيه انته هب يايبنها وحاطنها في بيتك ياله قم هاتها خلنيه اشوفها وانا ترانيه بصيره بعرف ان كان فيها عرج منا ابتسم خليفه لان الكل بيبصم انها تقرب الهم وما يحتاج فيها لبصيرة حد قام زايد وهو يعدل بربوشته على صدره وطالع خاله بنظره جانبيه وراح مايدري ليش ايحس بغيظ وعلى منو مايدري هذا اهو حاله اتصل وهو في الطريق على هنيه وقالها اتخلي نور تجهز عشان بيوديها عند يدته زايد:هنيه القاها عند الباب وان مالقيتها حلت عليج السلطه هنيه:ط طيب ياباااشه التفتت لنور:يلهوي يالهوي يلهوي ...مش عارفه يمكن الصله دعت عليه اليوم...نوووور بنت يانور اقووومي الباشه جي عشان يخدك نور بنظراتها الجميله:الى اين؟ هنيه:بيقول عايز ياخدك عند جدته اتسعت عيون نور من الفرحه:حـــــــــــــــــــقا هل سارى الجده الان؟ هنيه:ايييييوا قومي باا خلصيني دنتي مش عارفه السلطه الي بيقولي عليها نور:حسنا حسنا هنيه سوف اصلي المغرب ثم اتجهز هنيه:تصلي اييييه دالمغرب لسا ما اذنش نور بابتسامه:سوف يونادا للصلاه الان وبالفعل اذن المغرب ورن تيلفون هنيه الي رفعته وهيه تنتفض زايد بصوت عالي:وييييينهاااااا هنيه:اهي اهي ياباااشه خد كلمها زايد:انا شو اريد اكلمها خليها تطلعليه بسرعه هنيه:ط طيب طيب ياباااشه دلوقتي تكون عندك التفتت لنور:ابوس ايييدك يابنت تمشي تروحي ليييه دا ولع اوي نور وهيه تهز راسها:الم يسمع الندا الى الصلاه...دعيه هنيه وهيا بنا نذهب لنصلي هنيه:حيسيبك يابنت ويمشي نور:لن ادع صلاتي من اجله سوف ياتي العم خليفه وياخذني انا لا اريد ان اذهب معه رن تيلفون هنيه هنيه:اعمل ايييه اعمل ايييه ياربنا دنا غلبت معااااكم فتحت الخط زايد:هنيه ومرض وييييينها هنيه:بتصلي ياباشه سكر التيلفون في ويهها وريوس بالسياره وهو معصب وطلع من الفله بعد عشرين دقيقه اتصل على هنيه هنيه:ايواااا ياباااشه زايد بصوت هادي:قوليلها انيه ارقبها برا هنيه مستغربه:طيب لبست نور العباه والشيله وحطت الغشاه عليهن نور وهيه مستانسه:مارايك هنيه؟ هنيه وهيه قربت اتصيح:حرام عليكي يابنت يانوووور امشي بااا انتي مسمعتيش الهدوء الي قبل العاصفه دنا خايفه والله منالهدوء الي هو فيه نور:لا عليك هنيه ....سوف اذهب الان كان زايد في سيارته المرسيدس جدام البوابه الداخليه يوم لمح بنت بالعباه السودا طالعه له ولا اراديا فتح الباب وطلع عشان يتلقى الها مش متخيل انها نور وقفت جدامه وهو يطالعها ورفعت الغطا لفوق وهيه اطالعه بابتسامه اهتزت كل خلايا جسمه برعشه خفيفه تسري بجسمه وهو مبحلق بعيونه فيها كان شكلها بالحجاب الاسود والعباه والغطا غييييير نور:هل سنذهب؟ هز راسه ناحية الباب:لفي اركبي والتفت عنها ورجع يركب السياره ## ## ## ودمتم جميعا وديمه العطا 
|
|
#14
April 24, 2015, 04:48 PM
|
||
|
|
||
|
رد: رواية نور للكاتبة وديمة العطا
تفضـلوا و استمتعـوا ^^
"نـــــــــــــــــور" الجزء الثالث عشر ايييوووووووووووووووااااووووووووووااااووووة قلبي عليك التاااع مايحتمل غيبتك ليله وعساااااااااااااااااه عسااااه مايرتاع عليك يانفل جيله وايوووووواااووووووواااوووه قلبي عليك التاع صدع صوت المطرب محمد عبدوه في سيارة زايد وهو متوجه بنور صوب يدته وكانت عيون زايد اتراقب الطريق والفات الي كان ايلفهن في طريقه اااايوووووووواااوووااووه قلبي عليييك التاع مدت نور يدها وهو منشغل بالطريق للمسجل وقصرت على الصوت وانتبه زايد للصوت انخفظ وبعد ما خذ اللفه مد يده للمسجل وعلى على الصوت اكثر واعلى عن المره الاولى غمضت نور عيونها وهيه تدري انه عنيد وبيعاند مدت ايديها لاذانها ودخلت اصبوعها فيهن من فوق الغطا ابتسم زايد بسخريه وهو يرفع حواجبه لبييييييييييييييييه لبيه يابو عيون اوساع ماغيرك احد البي له ومدت نور يدها للمره الثانيه وقصرت عليه وهيه تحس انها متاذيه من صوت الموسيقى وعلى زايد مره ثانيه عليه تربعت نور بيديها مقهوره امنه وهيه لازمه الاستغفار وثواني الا والصوت يختبص في المسجل ويعطي صوت سريع للاغنيه سمع اهنيه زايد ضحكتها ومد يده وبنده بقو وهو يضغط على الزر وكلمات شتم على لسانه اول ما وصلو ويا زايد بينزل زقرته نور نور:زيد التفت الها زايدمستفسر:منو زيد هذا بعد؟ نور:انته زايد:انا !!!؟.......انا اسميه زاااايد مش زيد نور:لا يهم انها مجرد اسماء زايد:لا والله....بس انا اسميه زااايد تسمعين نور:اشعر بنطق اسمك ثقيل على لساني لذالك افضل اسم زيد زايد بعصبيه:وانا على كيفج وعلى كيف لسانج اسميه زايد تسمعين وان قلتي زيد مره ثانيه يا ويلج نور:حسنا انته تتكلم بطريقه لا استطيع بها ان افهم كلمه مما تقول زايد:بالطقااااااااااق تعرفين شو معنى الطقااااااااق وفتح باب سيارته ونزل وهو يصفقه بقو تمت نور قاعده فاتحه عيونها مرتهبه من طريقته رجع زايد وفتح الباب وبعده معصب زايد:بتنزلين ولاشوووه؟ نور:حسنا ولاكنني اشعر بتوتر قليل صفق الباب ومشى بخطوات وسيعه رايح للبيت اول ما دخل مر من عدال خليفه الي التفت له زايد:سر نزلها من السياره بدا التوتر يلف زايد وهو ما يعرف شو بتكون ردة فعل الجده تقرب من يدته وقال لمي الي كانت قاعده عدالها اتروح تقعد في مكان ثاني ابتسمت مي وهيه تقعد عدال اليازي وروضه وهيه ملاحظه ان زايد اليوم ما تكلم معاها مثل كل مره اظاهر ان بنت العم موترتنه التفتت له جدته:يبتها؟ زايد:هيه نعم بيبها خليفه الحين التفت زايد لفهد الي كان قاعد واشار له للباب عشان يطلع.....اب الريال صار عنده محارم خخخخخخ مد زايد يده ليد يدته ومسكها بين ايديه وحس انها في حالة ترغب دخل خليفه ووراه نور الي كانت متغطيه خليفه:تعالي يا نور تقربت نور بخطواتها ووقفت عدال خليفه بعد ما القت السلام مسكها خليفه ومشاها لين جدام عمته جدة زايد خليفه:نور هذي ام راشد عمج وام ابوج الله يرحمه يدتج وقفت نور مجابل يدتها تبعد عنها خطوتين ورفعت الغطا عنها لفوق ضغط زايد بيده على يد يدته وهو يحس برعشه خفيفه سرت فيها يوم شافت نور تمت العيوز فاتحه عيونها اتحاول تستوعب الي تشوفه وعيونها تبرق كانت عيون زايد على يدته وهو فاهم الشعور الي اهيه فيه وحس انها كسرت خاطره تم ايحرك يدها بين ايديه ورفع نظره لنور وكان في خااااطره ينقع من الضحك على شكلها الي مستغرب من برقع الجده وهيه عاقده بين حواجبها ومندهشه واطالعها بنظرات مستغربه لاكن وين يازايد تقدر تضحك والموقف عند يدتك مايسمح طرف متاثر من الي يشوفه وطرف خاطرك تضحك عليه ضغطت اليده على يد زايد وهمست:خلها اتقرب رفع زايد عينه لنور:اقتربي مشت نور الخطوتين وتمت العيوز رافعه راسها اطالعها بعدها قعدت نور على ركبها جدام الجده الي بدت الدموع تتجمع في عيونها وهيه اتجيش ابها ذكريات قديمه وولد ملك كل حبها وحنانها وتشتاق له دائمن...كان ابو نور عند الجده غيييير له غلا قدر يمتلكه غير عن البقيه وبيد تنتفض وعروقها بارزه مدت الجده يدها لوجه نور وحطتها على جبينها وطرف ويهها تتحسسه غمضت نور عيونها ودموعها انهمرت لحركة الجده وشكل الرعشه الي في يد الجده انتقلت لزايد الي كان ايحس بموجات تسري في جسمه تمت الجده تمسح دموع نور ونور اتزيد دموعها حاول زايد يسحب يده ويقوم عشان يبتعد عنهن لاكن الجده مسكته بقو ويدها الثانيه مازالت تمسح ابهن دموع نور ومن الربكه الي فيه قال لنور زايد:سلمي على يدتج التفتت له الجده:يعني تدري انها بنت عمك يالهرم سحبت يدها امنه وحطتها على طرف ويه نور الثاني وهيه اطالعها بعيونه الي كانت تدمع نور بشهقه قويه:ج جدتـــــــــــــــــــي دفعت نور نفسها في حضن الجده الي طوقتها بيديها وانتحبن الثنتين مع بعض وقف زايد ورجع وقعد وعيونه عليهن ابد ابد ماتخيل ان اللقاء بيكون جذيه كانت مي واليازي كل وحده منهن تمسح دموعها متاثرات ابتسمت روضه الي حتى اهيه تاثرت بالموقف روضه:حووووه شعندكن ....فلم هندي حتى خليفه الي كانت نوره كل شوي غزت افكاره تاثر وحمد الله ان الجده رضخت اخيرا الجده وهيه اطالع ويه نور وتتحسسه وبصوت يرتعش:ويييييييين كنتي قااااعده من زماااااان ومحد دراااابج؟؟؟؟؟ كلمات الجده كانت مثل السجاجين تضرب في صدر زايد الجده:لييييييييش ابوج يوم يابج مايابج النا ليييييييش خلاج بروحج اهناااااك ؟؟اااااااه عليك ياحمد شوالي سويته بهالمسكييييينه؟؟؟ التفتت لولدها ابو فهد:لييييش انتو ماكنتو تدرون باخوكم انه عرس اهناك وياب ابنيه؟؟....من في ذمته هذي خليتووووها اهناك برويحتها؟؟ تمت الجده تمسح ويه نور وتتحسسه:لييييش يابنتيه محد درابج؟؟؟ ليش هلج ما يابوج النا وقالولنا انج بنتنا؟؟؟....كييييف اتمين اهناك برويحتج واحنا هلج ما ندري بج؟؟ التفتت لزايد:ليش يا زايد ابوك مادرا ببنت اخووووه؟؟ ...اكيد ان حمد خبر اخوه على الاقل نزل زايد راسه تحت وقلبه معورنه على يدته الجده وهيه تسحب نور الها مره ثانيه:سامحييييينا يا بنتيه سامحينا اننا ما درينابج....انتي بنت الغالي ابوج غلاه كان غيير محد حن عليه كثره ومحد ايحاتينيه كثره ما يبات الليل قبل لا ايي ويكت راسه في حلجيه وما يظهر عنيه الا وهو محلفنيه انيه هب محتايه شي يابنتيه حرام علينا اننا ما درينا بج وحطت الجده شيلتها على عيونها وانتحبت لف زايد يدته بيده ولمها لحضنه زايد:يدووووووه فديتج خلاص عاده انتطبت العيوز:خز عنيه مناك يامسود الويه.....بنت عمك عندك وما قلتلنا عنها ولا كان فيخاطرك بعد اتقول زايد:يدوه انا ما ادري انج مرضعه عميه الجده:وحتى لو ما كنت ارضعته مهب بنت عمك زايد:بنت عميه غصبا عنيه مجبور عليها ولا انا ما اتشرف ان تكون بنت عميه امها باكستانيه رقعة الجده زايد على راسه وقام مبتعد عنها الجده:مسود ويه ماتدري بعمرك انك مسوي...هذي المسكينه شذنبها؟؟ زايد بصرامه :ذنبها ان امها باكستانيه لوت الجده على نور وهيه متضايقه ان كلماته تاذي نور الجده:ما عليج امنه يابنتيه هذا مينون وعدنيه بصلبه لج...تعالي اهنيه عداليه قامت نور الي بعدها دموعها تنزل وقعدت عدال يدتها وانصدم الجميع يوم شافوها بوضوح وشافو الشبه الي بينها وبين زايد قام ابو فهد واقترب منهن:شحالج يابنتيه انا عمج ابو فهد ووالله يابنتيه اننا ماكنا ندريبج نور كانت كلماتهم صعبه عليها شويه وهيه في حالتها هذي التفت ابو فهد لخليفه:تعرف تتكلم عربي؟ وقف خليفه قرب من اخوه:هيه تعرف بس كلامنا شويه صعب عليها التفت لنور:نور هذا اخي راشد وقفت نور ومدت يدها له نور:هل اسلم عليه بالانف كما علمتني؟ ضحك خليفه والتفت لاخوه راشد خليفه:تبا اتوايهك بالخشم ابتسم ابو فهد وقرب عليها ووايهها بالخشم زايد كان قاعد على احد الكراسي يتعبث في تيلفونه وكان الي يصير ما يعنيه اقتربت ام فهد:شحالج يابنتيه؟؟ التفتت الها نور بابتسامه خليفه:هذه زوجة اخي راشد سلمي عليها يا نور اقتربت ام فهد وسلمت على نور عقبها قامن البنات وسلمن على نور الي استانست واااايد ابهن خليفه:يابنات نور تتكلم اللغه العربيه الفصحى وكلامنا اشويه صعب عليها نور:احاول يا عماه ان احلل الكلمات الان ضحك عبدالله بصوت عالي اول ما سمعها تتكلم التفت له خليفه وتزقره عبدالله:والله عميه اتضحك تتكلم نفس الرسوم المتحركه قام زايد عقب وقالهم انه رايح الميلس لانه ما قدر يستحمل نظرات يدته الي كانت اتلومه بنظراتها اما خليفه فحاول قد ما يقدر انه يكون طبيعي وما تفضحه تنهيداته كل ما طرت على باله نوره نور انسجمت مع البنات والجده الي تمت كل شوي اتقول للبنات شتقوووول وهن يتضاحكن ويترجمن الها كلام نور خبرتهن نور عن حياتها في باكستان وعن الناس الي ربوها الجده:هاااه شتقووووول؟ ام فهد:عمتيه اتقول باروح اصلي الجده بغيض:وانتي شعرفج شتقول اونج اتعرفيلها احسن عنيه ام فهد:كلامها عادي يا عمتيه مفهوم الجده:عاااده اونيه افهملها جذوووب...يوم انتي ماتعرفين كيري من بيري...شعنه مسويه عمرج فهيم ام فهد:خلاص يا عمتيه انا ما افهم الها الجده:هيه هيه سكتينيه ماتعرفين شو تقولين لزمت ام فهد السكوت الجده:اكلم الساس انا ماتتوايبين اليه ام فهد:يا عمتيه انتي شو تبين؟ الجده:قومي اضربينيه بعد قامت ام فهد وقد طفح ابها الكيل:انا بروح اصلي بعد الجده:من متى هذي الصلاه المستعيله الا دواج عنديه خلي بو فهد ايي ان ما خليته ايسنعج ما اكون انا ام راشد قامت نور وجلست عدال الجده وطوقتها من اكتافها:جدتي لما انتي منزعجه؟ الجده:ياله بسترك انا مزعجه؟ ضحكت اليازي ومي الجده:ضحكتن بليا ضروس شيضحكن؟ اليازي:يدوه اتقولج ليش انتي منزعجه الجده:هيييييه اشوا اتحسبنيه مزعجه..لا انا مافي مشكله هذا ام فهد زياااده مشكله كانت الجده اتحرك راسها نفس الهنود وبطريقه اتضحك زاد الضحك عند البنات ونور اتحاول تفهم شو يصير وشتقول جدتها نور وهيه اطالعهن:ماذا تقول جدتي؟ مي:ههههه هههه لا عليك منها ههههه الجده بنظرات غاضبه من مي:هييييييه شقلتيلها اتقوليلها ماعليج منهاااا مي:يدووووه مش مثل ما انتي امفكره الجده:جب ولا كلمه ويين بتين عن امج التفتت لنور:بنتيه تبين اتصلين؟ حطت نور يدها على برقع الجده تتحسسه وهيه اطالعها بنظرات رقيقه نور:هل تستطيعين جده ان ترفعيه كي اراك الجده:هااااه شتقول؟ اليازي:تبا اتشوف الزين الي تحت البرقع؟ رقعة الجده اليازي على راسها:سود الله ويهج يالحمار قوليلها عيييب منقووود التفتت اليازي لنور وهيه تضحك:ما تريد تقول لا يجوز نور وهيه راضخه:حـــــــــقا حسنا ...ولاكنني اتمنى ان ارى وجهها اليازي:عقب يوم بتي بترقد اتعقه...عند النوم ترفعه نور بفرحه:حــقا في ميلس الريايل خليفه كل شوي طالع ساعته ايريد يلحق على نوره واليهال قبل لا يرقدون واخوه ابو فهد اصر عليه انه يتعشى عندهم وبعد العشى على طول راح ووصى زايد على نور اول ما دخل خليفه البيت حصل الاناره منطفيه في بعض الاماكن معناه انهم رقدو طلع لفوق بسرعه وشاف ناصر واحمد طالعين من غرفة البنات خليفه:شو تسوون ما رقدتم؟ ناصر:الحين بنرقد خليفه وقلبه بدا ايدق:خالتك وييين؟ ناصر بهمس:راقده داخل عند خواتيه احنا بعد بنييب فراشنا وبنرقد عندهم خليفه باستغراب:ليييش؟؟ خالوه تعبانه من الصبح راسها ايعورها واتصيح الحين كلت حبتين بندول ورقدت وقالت اليه انيي نرقد اهنيه عشان فطامي اذا قامت اوعيها التفت خليفه لباب غرفة البنات ودخل وشافها راقده على واحد من الاسره ومتلحفه بالكامل التفت لناصر:وايد ايعورها راسها؟ هز راسه بنعم حس خليفه بضيقه اكيد اهو السبب خليفه:حبيبي ناصر انتبه لخالتك واذا شفتها تعبانه وايد وعنيه ناصر:انزيين راح خليفه غرفته وتم يتجلب في فراشه ايفكر في نوره وفي الي صار وفي حالتها الحين لاكن الرقاد ما ياه وطلع من وقت قبل لا يوعوووون طبعا نور الجده ماخلتها اترد مع زايد وقالتله انها بتبات عندها زايد ما افتكر وخلاهن على راحتهن وتمت نور تتلوى بيدتها طول الليل وتكلم يدتها عن باكستان وعن كل شي الجده ونور راقده عدالها ولاويه عليها:اييييييه ياليييييييل مطولك قدينا يدان قوم كريقع الي من سااااعه تهربد عليه ومافهمت الها نور:جدتي ماذا تقولين؟ الجده:يابنتيه ارقدي ارقدي قرقر زياااااده مافي تمااام نور وعيونها على ويه جدتها المتلثمه وهيه راقده:اوووه جدتي هيا انزلي لثامك قليلا اريد ان اراك الجده:حسبي الله عليييك يازياااد المال الي وهقتنيه ابها نور:على من تتحسبين جده؟ حطت الجده يدها على خد نور وتمت تمسحه:نوووم نوووم قرقر زياده مايريد نور وهيه فرحانه:حسنا جدتي سوف اتركك اريد ان اقوم لاصلي قيامي...هل تصلين القيام جده؟ نخرت العيوز على امل ان نور تتركها وهيه مغمضه عيونها وشخيرها يرتفع حبت نور الجده على راسها وراحت اتصلي خليفه عقب الشغل اتوجه لدبي لان طلع عنده اجتماعات على المسا وباجر الصبح نور قضت اليوم في بيت الجده وكانت مستاااانسه على تعاملهم معاهااا البنات يابن الها ملابس ولبسنها وتمت ادور مستااانسه نور:يا الاهي كم احب هذه الملابس الجده:هيه والله ابرك عن صروالج البارحي الي روعتينيه به خرويل بتان نور:انه ساتر ولا احتاج بان الف ذالك الشال على جسدي...اشكرك روضه روضه:العفو حبيبتي نور:يعجبني اسمك يعني روضه من رياض الجنه روضه:ههههه شدرانيه اتحسبه يعني الروضه مالت اليهااال...انا دوم اواقع اميه عليه نور بنظرات وهيه مش فاهمه شو قالت روضه لاكنها فضلت السكوت وقضت نور بقية اليوم معاهم وطبعا زايد انشغل بالاستعداد لان صار مافي باقي على اليوم الموعود اتصل خليفه في المسى على نوره بعد ماتجلب على فراشه في الفندق ترددت نوره اترد عليه ومع كثرة اتصالاته ردت بصوت نعسان اربك خليفه وخلا قلبه ايدق اكثر مما كان ايدق خليفه:مسااا الخير نوره:م مسا النور خليفه:راااقده؟ نوره:همم ا ا هيه خليفه:سوري على الازعاج...كنت كنت اريد اتصل من الصبح بس كنت مشغول نوره:ا احممم في شي؟ خليفه بارتبااك:هااه لا اا قصدي ا ا اخبار اليهال؟ نوره:الحمدلله بخير خليفه:ووو وانتي اخبااارج؟ نوره:بخير خليفه:ا ال البارحه ناصر قالليه ان راسج كان ايعورج...بعده ايعورج؟ عضت نوره على شفايفها:لا لا مايعورنيه خليفه:اكيد؟ نوره:تريد شي بعد؟ خليفه وهو يصرط ريجه:لا مشكوووره نوره:تصبح على خيير خليفه:وانتي من اهله سكرت عنه والرقااااد طاااار زفر خليفه وفر اللحاف وقام طالع من الغرفه جااافااااه النوم لليوم الثاني على التواصل حضر الاجتماع وبعد ما خلص على طول رجع لبوظبي كان الوقت ظهر باقي شويه على رجعة اليهال دورها في البيت وما حصلها وقالتله الخدامه انها في البلكونه الي زرعت فيها نوره الفتره الاخيره وروود دخل من وراهاا وتم يخطو بخطوات بطيئه لين وقف وراها خليفه:شو تسوييين؟ قفزت نوره متروعه وغصبا عنها مسكت الغصن الي فيه الشوك وجرح يدها التفتت له وكان نقابها عليها نوره:خلييييفه روعتنيه ضحك خليفه:هههه السموحه فديتج ارتبكت نوره ونزلت نظرها تحت لاحظ خليفه يدها الي كانت ماسكتنها ومد يده ومسك يدها وشاف الدم ينزف مكان شكة الشوكه ضغط بصبعه على الشكه ورفع نظره الها وتلاقت نظراتهم لاول مره من بعد امس كانت قلوبهم ادق بقو وخاف كل واحد منهم ان الثاني يسمع دقات قلبه نزلت نوره نظرها تحت ورفع خليفه يدها وقبلها مكان شكة الشوكه على طول نوره سحبت يدها وركضت داخل قعد خليفه على الكرسي الي كان قريب"ياااااااربيييييي شو هالحااااله معقوله هذا الي انا احسبه معاها كيف احس بهالاحساااس وانا ما شفت ويهها كنت امفكر انها رغبه بس بس الي يصير مش رغبه وبس انا ارييييييدها واحس انيه ما امتلكتها صدق على الليل دخل خليفه البيت وعلى طول راح فوق اتسبح وتاخر وايد في سبوحه عشان جسمه يرتااااح من التعب الي يحسبه ودخل في فراشه على امل انه يرقد على طوووول لاكن مافي فاااايده تم يتجلب ويتجلب لين قرر انه يتصللها نوره:الووو خليفه:نوووره نوره:في شي خليفه؟ خليفه:انا تعباااااااان اعتدلت نوره:سلااامتك فيك شي؟ خليفه:من يومين ما رقدت نوره:شو فيك خليفه؟ خليفه:تعااااالي انتفضت نوره واستوعبت اخيرا شو يريد نوره:خليفه اسمحليه بسكر خليفه اعتدل قاعد:لااا تحملي اتسكرين قبل لا اخلص كلاميه تمت ساكته تسمعه خليفه:نوره انا تعباان واريدج حسي فيه من امس ما رقدت وقفت نوره تمشي لين الدريشه والدموع بدت تتجمع في عيونها نوره:خليفه حرام عليك الي تسويه فيه انا اريد انسى الي صار وانته .... خليفه:قوليليه شو اسوي حتى انا كنت اريد الي صار مايتكرر لاكن انا ما دري شو صاير اليه انا مش في حاله نوره طول اليوم وانا افكر فيج نوره:واخرتها يعني خليفه:لاتفكرين في اخرتها خلينا في الحين نوره:انا اسفه واسمحليه بسكر سكرت التيلفون قبل لا ايقول اي كلمه وسمعت عقب اشوي صفقة باب الغرفه الي عدالها التفتت للدريشه وشافته وهو يركب سيارته ويطلع من حوش البيت بدا قلبها ايعورها من خوفها عليه ياترا وين رايح في هالوقت طول الليل ونوره ماياها الرقاد وكل شوي راحت اطالع اذا رجع او لا ومن كثر ماتفكر فيه اتصلت عليه وحصلته مغلق وزاد خوفها عليه كانت نوره تجهز اليهال حق المدرسه وتريقهم يوم دخل خليفه ياي من برا تم ايحب اليهال وعيون نوره عليه كانت منصعقه من شكله التعبان والسواد تحت عيونه بعد ما حب دانوه وقف بدون ما يلتفت الها وطلع لفوق ونوره اتحس بويع في قلبها بعد ما طلعو اليهال وتمت نوره اتريق فطامي نزل خليفه الي شكله متسبح ومبدل ثيابه وقفت نوره وتمت اطالعه وهو واقف وصبله كوب حليب نوره:خليفه انته رقدت؟ رفع نظره الها ورد ايطالع كوبه خذله رشفتين ومر من عدالها وهو يقولها:يعني ايهمج رقدت ولا مارقدت وطلع مخلي نوره اتانب نفسها غصبا عنها طلعت نور من الحمام وهيه لابسه الكندوره العربيه وشعرها مفتوح وما انتبهت للشخص الي منسدح نصف سدحه على السرير ينتظر يدته تطلع من الحمام كان لون كندورته بني فاتح ولابس معاها شال بنفس اللون خلا نور ماتميز ان قي حد على السرير تمت عيونه تتفحصها من راسها لين اريولها مش هامنه ان الي يسويه حرام ومايجوز اما نور فبعدها ما انتبهت له مسكت شعرها وحطته على جنب واحد وبدت اتمشطه الا ان الريحه الي وصلت لخشمها خلت يدها تجمد نور:كم اعشق هذه الرائحه التفتت نور وهيه مغمضه تحاول تسحب اكثر نفس من هذي الريحه الي كانت عباره عن ريحة دهن العود الي حاطنه زايد لانه كان يعشق العطورات العربيه زايد اعتدل في قعدته الي كان متكينها وتمت اعيونه الي انبهرت بشكلها تتفحصها اكثرواكثر فتحت نور عيونها وانصدمت امنه صرخت:ايهاااا الوقح لما تنظر الي التفتت بسرعه عشان تندس في غرفة الملابس الي كان يفصل بابها ستاره لاكنه كان اسرع منها ومسكها قبل لا تدخل وفرها ناحيته زايد:انا وقح؟؟؟!!!!ّاشوف لسانج طول هاااه لقيتيلج يعني عرب تحتمين فيهم منيه نور:اتركني ايها الوقح زايد بعصبيه:وبعديييين معاااج سمع زايد ونور صوت الخال والجده يقترب من الغرفه وعلى طول زايد سحب نور لغرفة الملابس وضمها لصدره وهو محاوط بيديه حوليها وحاط وحده من ايديه على ثمها كان مقيدنها وهيه تحاول قد ماتقدر انه يتركها همس في اذنها زايد:فارقت ويهج اهدي مش ناقصنيه عاده الايشوفونج معايه تمت نور اطالعه بنظرات معصبه وتحاول اتحرر نفسها من مسكته المحكمه عليها فتحلها عيونه على اتساعهن مهددنها بالسكوت ومن خوفه ان امره ينكشف عند خاله ويدته ضغط بقو على ثم نور الي حست انها ماتقدر تتنفس وبدت عيونها تسكر لين مافقدت الوعي اول مره ايحس زايد نفسه في وهقه طول عمره ماكان ايهمه شي او ايخاف امنه لاكن نور من يت خربطت عليه كل شي حس انها خلاص فاقده الوعي ولوما مسكته الها جان طاحت رفع يده عن ثمها وتم ايطالعها مرعوب نزلها تحت ومددها على الارض وشكل خاله واليده عندهم سالفه طويله عدها ما انتهت لحووووووه والحل يعني رجعت عيون زايد تتمعن في شكل نور وملامح ويهها رفع راسها وحطه على ريوله ورفعها اكثر لين صارت قريبه من حضنه وهمس في اذنها زايد:نووووور نووووور قومي الله يهديج لاكن نور ما استجابت له زايد:ترانيه بتهور وبسوي شي مايرضيج قووومي ياله نفس الشي ما كانت معاه...قربها اكثر امنه وهو قرب بعد اكثروصارت انفاسه قريبه منها زايد:للمره الاخيره احذرج فتحت عيونها واتسعت لقربها امنه وتوها بتصرخ ماكان جدامه الا انه ينفذ تهديييده عشان يضمن سكوتها ابعدها وضغط بويههها على صدره وهمس الها:اصصصص خاليه ويدتيه برا كان كل جسمه يرتجف مع رجيف جسمها حطت نور يدها على شفايفها تمنع شهقتها وابتعدت عنه وهيه تهمس نور:ايها الزنديق الكريه كم اكرهك ايها الوقح المتعجرف زايد:اوصصصصص حب انكتمي لا تفضحينا نور:سوف تندم على فعلتك تلك اقسم بانك سوف تندم كانت ادموعها اتصب صبيب وويهها محمر زايد وهو يحاول مايبتسم:ماعليه خييير لين ايعدي هذا اليوم نور:اتركني اريد ان اذهب الى الحمام زايد :بدون اي كلمه قامت نور وهيه تسب زايد وتشتمه بصوت خافت ارتاح يوم سكرت الباب بدون اي صوت وقف وتم يسمع يدته وخاله وشكلهم كانو على نهاية حديثهم طلع الخال وتمت الجده الجده:لبنيه وين راحت كل هالوقت في الحمام....يانووور يانوووور...عنبوووه رقدتي في الحمااام يوم بتخلصييين تعاليليه في الحوي برا ابتسم زايد هذي شعرفها بالحوي الي كانت تقصدبه الجده الفناء الخارجي بعد ما طلعت الجده طلع زايد وتوجه لقسم ثاني تمت نور تمسح شفايفها منقهره من زايد وتحس انها ارتكبت ذنب بعد ساعه وهيه تحاول اتخلي ويهها طبيعي لفت الشيله الي اعطتها الها روضه على راسها وطلعت اتدور يدتها اول ما قربت وشافت زايد معاهم التفتت عشان اترد لاكن خالها شافها وناداها كانو قاعدين جدام البيت في دكه مظلله وحاطين زوليه وتكيات الي موجودين كانو زايد ويدته وابو فهد رجعت نور والتفتت ناحيتهم ومشت صوبهم بدون ما ترفع نظرها لزايد الي كانت عيونه بتاكلها اكل بصورتها اليديده وهيه لابسه الكندوره والشيله اكيد يابنت العم لو كنتي عايشه اهنيه وامج مش باكستانيه جان كنتي معشوقتيه بدون منافس القت نور السلام وناداها عمها عشان تقعد قعدت نور ورا اليده صاده عن نظرات زايد الي كان متكي وعيونه عندها همس ليدته زايد:هااه يدوه علمتوها بنت حمد اتصب لقهوه؟ كان ايريدها تطلع من المكان الي داسه نفسها فيه الجده:افا عليييك هذي بنت حمد حرمه وفنااانه واكيد انها اتعرف اتصب لقهوه التفتت لنور:قومي فديتج صبي لولد عمج لقهوه خليه ايشوف انج مودمي سنع نور:جدتي ماذا تقولين انا لا افقه لما تقولين كلمه؟ الجده:هاااه شتقولين يابنتيه انا ما اعرف شتقولين؟ نقع زايد من الضحك وعصبت نور عليه زايد:خااااليه وان شالله هذا حالهن كل وحده ماتفهم للثانيه ابتسم الخال ونزل راسه تحت الجده:اييييها يازياد المال تبالك رخه على راسك زايد:وينها بنت ولدج مابتقهوينيه؟ التفتت الجده لنور:انتي معلوم سوي هذا صبي قهوه نقع مره ثانيه زايد من الضحك على طريقة كلام يدته وهز راسها وهذا زاد الغيظ عند نور نور:حسنا جدتي افهم ماتريدين سوف اسكب له القهوه قامت نور بدون ماترفع نظرها لزايد وقعدت بين زايد واليده بينما قام ابو فهد وراح داخل مسكت نور الدله وتناولت الفنجال ونظرات زايد المستمتعه من ويهها المعصب اتراقبها لاكنه منقهر انها ما رفعت عينها في عينه مدت يدها بالفنجال وما خذه على اساس انها ترفع نظرها له اول شي لاكن نور تمت ماسكه الفنجال الممدود بدون ماتطالعه حط زايد صبوعه في ماي الغسول ونطر على ويهها الماي غمضت عيونها وبعدها معصبه وما رفعت له نظرها نور:الاتريد ان تشرب قهوتك ايها السيد اعتدل في تكيته مقرب منها وهمس زايد:لاتفكرين ان الي صار داخل برضايه او رغبه منيه ترا ماكان جداميه حل عشان اخليج تسكتين الا الطريقه هذي نور:امقتك ايها الرجل وكم اكره ان اكون جالسه الان امامك ابتسم زايد بانتصار وهو يشوف ويهها الي حمر ومايدري من المستحى او الغيض زايد:يازينج اول ماييتي وانتي راكعه تطلبين العفو نور:كنت اعتقد بانني امام رجلا عظيم يستحق ذالك زايد وبدا يعصب:غصبا عنج استحق نور:انته رجل لايستحق حتى النظر اليه لطم زايد يدها الي ماسكه لقهوه من الغيض ووقف معصب الجده:وووه شبلااااك؟ زايد وهو رايح لسيارته:سنعيها سنعي بنت الباكستانيه ولاترانيه انا بسنعها لج ركب سيارته وصفق الباب مريوس وهو معصب الجده قدت عيون شبلاه هذا؟ ............................................ على المسا كانت نوره في المطبخ التحضيري يوم طلعت وشافت خليفه قاعد في الصاله والفةقيه ويطالع التلفزون بعدها اثار التعب واضحه عليه وقفت وتمت اطالعه نوره:خليفه ليش مارقدت؟ خليفه تم ساكت نوره بتوتر:تعشيييت تنهد بصوت عالي يحاول يسحب نفس وعيونه عند التلفزون نوره:تريد شي؟ التفت الها وتم ايطالعها شوي عقب لف ايطالع التلفزون انسحبت عقب نوره يوم شافت انه مافي فايده ماتدري ليش اهو يعاملها جذيه اول ما دخلت نوره فراشها وهيه تفكر فيه انطفت الكهربه وبدا قلبها ايدق وارتجف يوم يتها الرساله خليفه"انتظرج لمت نوره ركبها الها وتمت ترتعش خليفه"بتين ولا اروح؟ قامت نوره بسرعه تتلمس الطريق واول مافتحت الباب وخطت كم خطوه تفاجئت بخليفه الي شلها وهو متجه لغرفته دخل مروان على بدر الي كان غرقان وسط اوراقه وانسدح على السرير مروان:اظاهر ان الشغل فوووول عندك بدر:ماشي باقي عن اخر يوم للانتخابات...تدري احس ان زايد بيفوز لو تشوف انته الرسائل الي توصلنا والمسجات شي خياااال الله يوفقه ان شالله مروان:زييين والله انشغلت عن سالفة بنت خاله بدر:لااا هذيج يبالها تفرق كامل انا مش فاضي الحين مروان:اااه يا اخويه عرس ولا عطنيه الضوء الاخضر...اخوك خلااااص غرقاااان ابتسم بدر:صدق...ومنيه سعيدة الحظ مروان بحالميه:صاااااافيه كشر بدر:شوووه؟ مروان:هههه الخدامه صاااافيه يووووه يا اخويه ذبحتنيه هالخدامه خصوصا الكس الي خذته منها جناااان ضحك بدروقال ان هذي حالة هبل ضاربه اخوه بدر:وحبيت الخدامه باله عليك مروان:غصبا عنها عطتني عقبه احلى كف بدر بصوت عالي:هههههههه كف مره وحده مروان:مشكلتيه ما اعرف وين بيتها ولامن بنته جد جد بدر لبنيه هذي غيييير عن اي وحده شفتها والله احس بقلبيه يدق يوم اشوفها بدر بتعجب:الخدااااامه؟!!!!ّ مروان:واسمها صااااافيه هز بدر راسه:ممكن تفارج اتروح تحلم احلامك الغريبه هذي برا وتخلنيه اخلص شغليه ............................................. مسك خليفه ويه نوره بين ايديه وتمت اصابع لبهام تتحسس ويهها نوره:خليفه تريد اتشوف ويههيه؟ حس انها تريد تبعده عنها قرب ويهها من صدره ولوا عليها خليفه:لااا انا مايهمنيه الشكل اهم شي عنديه الجوهر انتي يانوره شي نادر في الوجود وانا مرتاح معاج جذيه نوره:انا عادي عنديه اذا تريد اتشوفنيه خليفه:خلينا جذيه يانوره بعد ويهها عنه وتم يتحسسه خليفه:نووره سامحينيه بس احنا وضعنا واااضح صح خلفنا الاتفاق لاكن ايظل الوضع على ماهو عليه وانا ما اقدر اترك التزاميه باميره نوره بويع:انا ماقلتلك اترك التزامك خليفه:بس انا ما اريد الي يصير بينا حد يدريبه رجع ولوا عليها خليفه :سامحينيه انا ما اعرف شو الي قاعد ايصير النا...المهم اننا مانسوي شي يغضب ربنا نوره انتي فاهمتليه حاولت انها تكبت غصتها وسايرته بتحريك راسها...ماتقدر اتقول شي اهيه الحين محتاجتنه وهو سندها الوحيد في الحياه لاكن شو لينه الوضع هذا بيستمر عقبها غط خليفه الي كان مواصل من ثلاثة ايام في النوم وانسحبت نوره وهيه تلملم جروحها وراحت لغرفتها ## ## ## ودمتم وديمه العطا
|
|
#15
April 24, 2015, 04:49 PM
|
||
|
|
||
|
رد: رواية نور للكاتبة وديمة العطا
"نــــــــــــــــــــــــــور" الجزء الرابع عشر كان زايد في سيارته رايح للشركه يوم ياه اتصال من اميره طلع تيلفونه وابتسم اول ما شاف الرقم كانت نور مع اليازي والجده في الصاله الكبيره يفطرن الجده:نوير بتروحين معايه العزبه ارويج غنيماتيه التفتت نور لليازي:ماذا تعني جدتي؟ ابتسمت اليازي:اتقولج انها تريد تذهب الى العزبه مكان فيه الغنم والجمال ابتسمت نور:وماتعني كلمة برويج اليازي نقعت من الضحك:يعني ساريك نور:اجل مثل كلمة روينيه التي قالتها نوره...حسنا جدتي اريد ان اذهب معكي الجده:شتقووول؟ اليازي:اتقووول باروووح معاااج ضربة الجده اليازي على راسها:حد قالج انيه صمخا ما اسمع طريتي ذنيه اليازي:اااي انزييين نور:ماذا قالت جدتي اليازي:والله انكن نشبه عيزتنيه من الصبح وانا اعيد كلامكن ابويه تفاهمن مع بعض عيزتنيه قامت اليازي وراحت تبعتها نور بنظرات مستفسره شو الي صار الها وشو قالت رد زايد على الاتصال بابتسامه وياه صوت اميره المايع اميره:هلا حبيبي زايد:وبعديييين؟؟ اميره:يوووه انته ليش جذيه..دوم اتصدنيه والله انا احبك...ومنا عينيه يوم بتعطينيه ويه زايد:انا مش فاضي للكلام الفارغ هذا ...وتراج عاده لوعتي جبديه هذي اخر مره احذرج من ازعاجيه اميره:حراااام عليك زيودي انته ماتدري انا شو كثره احبك ومسويتلك دعايه عوووده عشان التصويت لك زايد:الله الغني هب في حايتج اميره:زااايد وبعديييين شو لينه بتم اتعذبنيه جذيه؟ زايد:انتي شو لينه بتمين ذاله نفسج جذيه وانا بصراحه ما اريد احرجج لاكن انا اشوف ان السالفه طولت لا تفكرين انيه ما عرفتج اميره:صدق يا حظي يوم عرفتنيه زايد بصوت غاضب ومهدد:اسمعينيه عاده زييين تيلفون واحد منيه للخال يا خطيبة الخال واخليه ايوديج ورا الشمس مسودة الويه طـــــــــــخ سكرت اميره التيلفون في ويهه وبدت تنتفض هذا كيف عرفها..لا لا مستحييييل الرقم مش رقمها ومحد يدري ان الرقم هذا عندها كيييييف عرفها مصيبه مصيبه لو يدري خليفه ضاع زايد وبيضيع خليفه لاكن اهو ماعنده دليل اميره ضربتها حاله وتمت اتفكر وتحاول اتلاقي حلول للمصيبه الي اهيه فيها على العصر نزل خليفه الي كان مروق ولقى نوره والعيال قاعدين عند التلفزون شل فطامي في طريقه وتم ايحبها وتراكضو البقيه صوبه ايسلمون عليه قرب من نوره الي كانت اتقطع فواكه الهم وقعد لاصق عدالها طوق خصرها بيده بدون ماينتبهون اليهال ونزل راسه على كتفها طابع كم قبله ونوره كانت متوتره من وجوده وخوف ان حد من اليهال ينتبه لحركاته نوره:احمم خليفه ابتسم والتفت لعيال اخوه:هااه علومكم شباب احمد:نبا انروح دبي عند الالعاب باجر اجازه الفكره عجبت خليفه:دبي والله انك يبتها انروح دبي ليش مانروح؟ التفت لنوره:شرايج؟ نوره بتوتر ملحوظ:م مادري خليفه:ولا ايهمكم دبي دبي جهزو حالكم بنبات اهناك يومين بعدها يده على خصرها حركها وهو يضمها له وهمس الها:انا بروح اشويه الاستشاري مسوليه ولوما عنديه شغل جان ما طلعت اليوم كلش...بحاول اخلص امنه وبرجع عشان اشلكم وانروح دبي تمام هزت راسها بنعم وبعدها تحس بتوتر امنه طلع خليفه واول ماركب سيارته ومسك الخط العمومي ياه اتصال من اميره اميره:هلا حبيبي خليفه:هلا اميره شحالج اميره:والله مش بخير وانته قاطعنا من كم يوم خليفه:اميره بكلمج عقب عنديه شغل اول ما اخلص بمر عليكم اميره ونفذ صبرها صرخت:جذاااااب انته اتصرفنيه ماتريد اتكلمنيه خليفه:اميره شبلاااج؟ اميره:خليفه انته متغير عليه كله بسببها ادري انها اهيه مغيرتنك عليه خليفه:يا اميره عن الكلام الي ماله معنى خليفه كان كاره نفسه وهو يدافع عن نفسه وكل كلامها صح اميره:خليفه انته ماكنت جذيه والله ماكنت جذيه حرام عليك تنسى حبنا جذيه خليفه:يا اميره انا شو فيه قصرت معاج هذا انا كل يوم والثاني اتصللج اباج اتوافقين على الملجه وانتي مش راضيه اميره:خلاااص خليفه انا موافقه هات المليج اليوم وخلنا نملج اتفاجئ خليفه بطلبها وما عرف شو يقول اميره وقربت اتين:خليفه تسمعنيه؟ خليفه:اسمعج يا اميره...بس بخصوووص الحفله الي تبينها اميره:لااا خلاااص انا ما اريد حفله وخرابيط انا اباااك انته انته يا خليفه بتاخذك عنيه الحرمه الثانيه وانا عقبها بموووت خليفه:اميره شو هالكلااام الله يهديج...انتي تدرين انيه متزوجنها بس عشان لعيال اميره:انا ضامنتنك انته بس انا اخاف منها تغويك وتلعب عليك ويمكن بعد اتسويلك سويات خليفه:يا اميره شو هالكلام؟ اميره:خليييفه انا اعرفها النوعيه من هالحريم...مغبيه عيوبها ومظهرتلك حسناتها...عشان تغرم ابها خليفه ماعرف شو يقول ولا شو يسوي ايحس كلامها منطقي خصوصا بعد الي صار معقوله اهو طاح في سويات حريم مهو الي يصيرله شي مش طبيعي هز راسه رافض الفكره خليفه:اميره انا اليوم طالع دبي مع اليهال ويوم بنرجع بنتفاهم في الموضوووع اميره :شوووووه بتطلعون دبي وهيه معااااك لاااا انته مش خليفه الي اعرفه اكيد انها فاره راسك انا قلت بتينيه طاير بالمليج اتقولليه يوم برجع من دبي سكرت اميره التيلفون في ويهه وبدت اتصارخ موزه:اميييره شبلاااج اميره:خلاااص يا موااااز خليفه طار من ايديه طاااار فرت راسه الحرمه الثانيه موزه:اتلومينه الحين ؟منج انتي اميره بصراخ اكثر خلت امها تركض اتشوف شو صاير اميره:منيه انا انا انتي تبين تذبحينيه الي كان مينن اميره هو اتصالها لزايد الي كشفها وخوفها ان خليفه يدري بالموضوع وصد خليفه عنها زاد الطين بله تم خليفه طول الوقت محتار في افكاره ومتشت راسه عوره من التفكير في السالفه وهو راجع من عند الاستشاري ياه اتصال من موزه موزه:خليييفه الحق على اميره خليفه بخوف ورعب:شووو صاير؟ موزه:اميره منهاره وودوها المستشفي الحييين خليفه الحق عليها اهيه محتاجتنك الحييين خليفه:طيب طيب انا ياي الحين في اي مستشفي؟ تغيرت وجهة خليفه وتمو اليهال ونوره ينتظرووون وطال انتظارهم وخليفه ما يااهم خليفه اول ما وصل المستشفي كانت اميره في العنايه بسبب الانهيار العصبي الي ياها ام اميره وموزه كانن قاعدات في وحده من الغرف دخل خليفه على خالته خليفه:خااالتيه اخبار اميره تمت الخاله اتصيح وتولول الخاله:اميره راااحت ياولديه راااحت مادري شو فيها خليفه:شو صااار انا كنت مكلمنها قبل ساعه الخاله:ياولديه لبنيه من عرست انته وهيه هب بخير مب اميره الي نحيدها كله سرحانه واتفكر فتحت موزه عيونها منصعقه من كلام امها الي ماتدري من وين يايبتنه الخاله:انته تشوفها عادي ممشيه السالفه لاكنها تعبانه ودوم اتقولليه ياميه خليفه خلاااص اكيد بيستغني عنيه خليفه:يا خالتيه انا متفاهم معاها الخاله:ماعليك منها مهما كانت السالفه اتم الحرمه منحرقه ...وانته الله ايهديك يوم قالتلك هات المليج سفهت السالفه وتمت اتهويس انك ماتبااها خليفه:انا تفاجئت بطلبها وفكرت انها تريد الحفله وما اريد احرمها منها زايد قريب اتخلص انتخاباته وبنسوي الملجه الخاله:لااا ياولديه لبنيه هب صاحيه من ملجت انته خليفه بدا قلبه ايعوره على حال اميره وحس بتانيب الضمير عيل وين لو تدري بالي صار الخاله:يا ولديه اميره اتحبك وماتقدر تستغني عنك وكم لامت نفسها انها هب مكان الحرمه الي حطيتها حق عيال اخوك "يووووور ونكر حريم" .................................................. ................. اتصل بدر على بيت ابو فهد وكلمته مي بدر:هلا ميمي مي بابتسامه:هلا عموه بدر بدر:ويييين الي قالت بسويلك بشمل تجذبين عليه مي:لا والله بسويلك بس انا مادري انته متى اتكون في البيت بدر:ههههه لا فديتج امزح معاااج مي:احنا مسوييين هريسه ايبلك بدر:ياسلااام عاده هريسة ام فهد لا يعلى عليها....زييين انا الحين طالع من عند واحد من الربع وبمر اشوي المكتبه وبايي بتسوين زيين اذا حصلتها جداميه مي وهيه مستانسه:من عيونيه وترا البشمل بسويه الك قريب بدر:تسلمييين فديتج...ااا روضه عندج؟ ابتسمت مي:هيه بدر:عطينيه اياها التفتت مي لروضه الي كانت مستغربه مي منو تكلم مي:اندوج مسكت التيلفون :منووو؟ روضه:الووو بدر:مسااااا الخيييير عرفت روضه الصوت وطالعت مي بغيض روضه:نعم بدر:اشوف ماشي من كلاميه اتنفذ روضه:ومنو قال انيه بنفذه بدر:يعني تبينيه روضه بغيض:نــــــــــــــــعم نعم سمعنيه شو قلت انا اباااك انته بغانيه ارضي جانيه اباااك بدر:هههههه اميييين روضه:انته شتريييد؟ بدر:ابااااج روضه:مرض بدر:يمرضج روضه:وبعدييين معااك بدر:ههههه والله انج طماشه صدقه زايد يوم قال هذي رويض اطمش عليها بس روضه:مرض مرض مرض وعمى يعمييييك انته شووووه ماتعرف تتكلم عدل اونك محامي الرمسه ماتعرف ترمسها بدر:قريييب بعلمج الرمسه كيف يرمسونها باااي...انا بس متصل اذكرج انيه عدنيه مانسيييت السالفه روضه:عمـــــــــــــــــى سكر بدر التيلفون في ويهها وابتسم وهو ايحس بنفسه وهق عمره مع هالخبلا من القهر الي في روضه قامت وراحت للتلفزون وحطت على قناه للاغاني وطولت على الصوت روضه:ياله بناااات الي في خاطرها رقيييص حياهاااا لفت روضه الشيله على خصرها وبدت اتميل بجسمها مع انغام الاغنيه وهيه تحس بحراره تطلع من جسمها من القهر على بدر دخل معاها اخوها عبدالله ايول كانت الجده قاعده وام فهد واليازي ومي ونور الجده على طول رفعت عصاها اتشجع وتقول عاشو عاشو عاشو اما اليازي ربعت اريولها على الكرسي وتمت اتصفر ام فهد ومي تمن ايصفقن نور كانت اطالعهن بنظرات محد فهمها ابتسمت ابتسامه حزينه وقامت وانسحبت بدون محد يحس ابها قامت عقب اليازي وتمت ترقص مع روضه بعد ما شجعتها روضه مي انتبهت ان نور مش موجوده قامت وراحت ادورها وبعدها الزيطه مستمره كانت نور قاعده على السلالم الي تودي ورا البيت اهناك الصوت كان خافت تربعت بيديها على ركبها وحطت راسها عليهن وهيه تحس بانقباض في صدرها كل ما سمعت صوت الاغاني قعدت عدالها مي:نووور ليش رحتي؟ التفتت الها نور وهيه مبتسمه:لا احب سماع الاغاني والمعازف مي:عشانها حراام؟ نور هزت راسها:همم ورجعت حطت راسها على ايديها الي على ركبها مي:نور.....الاغاني حرااام؟ نور:هيه من لهو الحديث الذي نهينا عنها مي:نور احنا كلنا ندري انها حرام بس مادري ليش نسمعها...انا العام يوم يابت النا الابله شريط العجمي في الصف كرهت الاغاني وكسرت كل الشرايط الي عنديه وتميت بس اسمع حق العجمي حسيت انه عوضنيه عن الاغاني ابتسمت نور وهيه اتحس ان كلام مي كله مفهوم مي:نور بس رجعت عقب اسمع الاغاني صح ما احطهن انا عنديه في الغرفه بس في الحفلات والتلفزون والاعراس اسمعهن عادي ما كانيه كسرت الشرايط في يوم نور:النفس يامي ...تريد من يجاهدها والغابظ على دينه كالغابظ على جمره...لابد ان نجاهد هذه النفس فالى متى سيظل بنا هذا الحال قعدت اليازي ورا نور على الطرف الثاني وكانت روضه في نفس الوقت عدتهن وهيه ماسكه المسجل شكلهن ايريدن ينقلن الاحتفال برا كملت نور كلامها وهيه ملتفته لمي نور:مي المؤمن لا يجتمع في قلبه حبان حب الكتاب وحب اهل الغنى...وقد انعم عليه الله بحب كتابه فلا اجد لهذه المعازف والاغاني بقلبي مكان..انني اشعر بضيقه عند سماعها مي:يا حظج يانور ياليتنيه حافظه القران نور:تستطيعين مي تستطيعين ان عقدتي الهمه ...فلا يوجد هناك اجمل من حفظ كتاب الله مي:ياليييت والله يانور انا اريد احفظه وكل ما عقدت الهمه مادري شو الي يخرب عليه انشغل بالدراسه وفي الاجازه نفس الشي اتعدي الاجازه بدون ما اسوي شي نور:اطلبي العون من الله اليازي من ورا نور:نوور انتي البيئه الي عشتي فيها ساعدتج...احنا بيئتنا ماتساااعد التفتت نور حق اليازي:هل تعلمين ايتها اليازي ان البيت المجاور لبيتنا هناك كان لامراءه تحيي الاعراس بالغنا وان معظم بناتها هن صديقاتي اليازي:كيييف ماتاثرتي منهم؟ نور:لقد تربيت على يد رجلا صالح لم يجبرني في يوم على اي عمل اقوم به من دون رضاي لقد راني في مرة من المرات وقد تاخرت بالمكوث في بيت تلك المراه وعندما سالني ماذا كنت افعل هناك اخبرته باننا كنا نسمع لها وهيه تغني ...امسكني ورسم لي طريقان الطريق الاول وتكثر به الاشواك الا ان نهايته الجنه حيث ساجد امي وابي والطريق الثاني طريق مليئ بكل ملذات الدنيا الا ان نهايته النار فقال لي اختاري اي طريق تحبين ان تسلكي فاخترت طريق الجنه قال لي بانه طريق احتاج فيه الصبر على تلك الاشواك التي سوف امشي عليها قلت له بانه طريقي وسوف اجتازه...هل تعتقدن بانني وجدت هذا الطريق سهل المرور لقد ابتعدت عن الكثير الكثير مماكانت نفسي تريد وانا اسال الله الثبات...وقد كان لذلك الرجل الصالح الفضل الكبير كان يحدثني دائما عن النعم التي انعمها الله علينا..يوم يحدثني عن نعمة البصر ويوم عن نعمه السمع وعن كل ما انعم به الله علينا كل هذه النعم التي تحيطنا كيف ان الله سخرها لنا الا يستحق هذا الاله ان يشكر على تلك النعم ثم بدا يحدثني عن عظمة الخالق وبانه خالق عظيييم يستحق ان يعبد وان يترك الانسان كل ملذات الدنيا من اجل ان يكون راضي عنه واخبرني بان الله قريب قريب مننا...يريد من عباده ان يسالوه وان يناجووه وان الله اذا رضي عن العبد كان يده التي يبطش بها ورجله التي يمشي بها وسمعه الذي يسمع به واذا ساله اعطااه وان استعاذ به اعاذه كل تلك الامور جعلت الامر يسهل علي روضه الي كانت واقفه تسمعهم وفي يدها المسجل:انزيين نور بسالج انا اعرف واايد بنات التزمن وتحجبن ولبسن الغفازات والنقاب وصارن يحضرن ندوات دينيه ومن نقعد معاهن ايتمن ايقولن هذا حرام وهذا حلال يطفرن بالواحد واخر شي انلاقيهن تركن كل هذا..شو رايج فيهن ابتسمت نور بحزن:هل تعتقدين بان الامر بهذه السهوله ياروضه..ان كان الانسان الذي في غفلة الدنيا يتبعه شيطان فهذا الذي بدا يعرف الحق يتبعه عشرة شياطين يكيدون له ويستميتون من اجل اغواءه...ويظل هذا الانسان من البشر غير معصوم من الخطا روضه:وانتي يانور ماتخافين في يوم من غواية ابليس؟ نور :انا ادعو الله ليل ونهار بالثبات فقلوب العباد بين اصبعي الخالق يقلبها كيفما يريد فلذالك انا ادعوه بان يثبت قلبي على ما يحب ويرضى ...وكذالك اقوم دائما بما يحفظ لي ايماني مي:شو تسوين ؟ نور:انا جعلت لي كل يوم ورد اقراءه واحافظ على اذكار الصباح والمساء اجد في هذه الامور مايثبت به الله قلبي روضه:واذا ياج يوم وانشغلتي عنهن...يعني صار شي قوي منعج عنهن نور بابتسامه:حفظي لكتاب الله وتلك الاذكار لا يجعلني انساها في كل المعمعه التي امر بها اظل محافظه عليها اسال الله ان يثبتنا جميعا روضه وهيه تبتسم:عاده انا يانور ما اقدر ما اقدر ايمر عليه يوووم وما اسمع محمد عبدووه فديييت انا ابو نوره اليازي:فارقت ويهج ما جنها من الصبح اتحدث عليج روضه:والله اونج عاده انتي الي بتودرين الاغاني اليازي:الله يهدينا قامت اليازي وراحت داخل وحركة روضه حواجبها لنور بينما مي لوت على نور وحطت راسها في حضنها مي:نووور ادعيليه الله يهدينيه واصير مثلج مسحت نور على راس مي وانتفضت مي يوم نزلت دمعة نور على جبينها وتلتها دموع ثانيه خلت مي اتحاوط بنور بيديها وتندس اكثر في حضنها روضه قعدت على كرسي بعيد عنهن متجاهله الي يصير جدامها وتحاول تشغل نفسها بالراديو مشكله النفوس وعنادها وحبها للتمسك برغبات النفس لاكن شو لينه بيظل هالحال لين ايي يوم ايوقف فيه كل شي وساعتها هل بيفيد الندم فهد من وراهن:روووضه اعتدلت نور وغطت ويههها وقامت القت السلام على فهد وراحت داخل وهيه تفكر في فهد الي من يت اهنيه وهو يبادلها الاحترام عكس زايد قليل الادب الي تمنت انها تغطت عنه عشان اتكون بينهم حدود في التعامل ومايتجرا عليها ويمسكها مثل كل مره تذكرت نور اول يوم يت فيه من باكستان يوم كانت في المطار ووضحولها انها بتروح بيت ولد عمها الي ماعنده اهل او زوجه او اي حد ووضحولها انه مش مصدق انها بنت عمه عشان جذيه قررت انه تكشف عنده عشان ايصدق وجرت الرياح معاها بما لا تشتهي السفن قعد فهد مع خواته برا في الحوش ورا البيت ويوم يا بيدخل كانت اليازي راجعه مرت من عداله متجاهلتنه وكان حجابها نازل عن راسها بعد ما راح فهد التفتت الها روضه روضه:اليازي شو لينه بتمين ماتتحجبين عن فهد؟ اليازي بلا مبلااه:وليش اتحجب عنه؟تراكن انتن ماتتحجبن عنه روضه:احنا خواته مش حرام لاكن انتي بنت عمه حرام ايشوف شعرج اليازي وبنظرات تحدي لروضه:واللــــــــــه ...والاغاني مش حرام تسمعينها روضه انقهرت منها:وشو دخل الاغاني في السالفه؟ اليازي:يا اختي نفس السالفه هذا حرام وهذا حرام انتي متعوده تسمعين اغاني وانا متعوده ما اتحجب عندج كلام ثاني...ويوم بتودرين الاغاني تعالي خبرينيه عشان انا بعد اتحجب انقهرت روضه منها ومرت من عدالها:بالطقااااااق تمت اليازي اطالعها ونصف ابتسامه على شفايفها مي:انتن ليش جذيه؟ اليازي:يعني اتحلل الي تباه الها وتحرم عليه انا مي بضيقه صدر:الله يهديكن صار الحلال والحرام لعبه عندكن اليازي:اووووه مسرع ماتاثرنا قامت مي وراحت داخل تمت اليازي واقفه فهد من وراها:انتي مره دوم جذيه منفره العالم منج التفتت له اليازي:انته مالك خص فيه اتعداها فهد ويرها ووقفها مجابلتنه وظهرها على الجدار في الحوش من برا فهد:وبعدييين معااج انتي تبينيه اقص السانج هذا طلعت اليازي لسانها له:ياله قصه اشوف قرب منها:الياااازي لاتلعبين بالنار ياهم صوت من وراهم:يااااله بسترك انتو شو تسووون؟ التفت فهد واليازي للحرمه الي داخله من الباب الوراني للبيت وهيه يارتهم وهيه حرمه ماينطاح في ضوها فهد:هلا خالتيه...اقربي ا ا اليازي مثل اختيه واحنا كنا ...طالعته بطرف عينها ومرت من عدالهم رايحه داخل التفت لليازي معصب:زييين جذيه بلا مبالاااه:اوووه خلها اتولي فهد:لا والله الحين شو ظنج بتقول حق العالم باجر او حق اميه وابويه اليازي بنظرات استهتار:اونك متروع خيييير انزين اتقول الي تقوله...انته الي يبت الكلام النا انا ماهمنيه شي لا انته ولا الي بينقال راحت عنه وتم فهد يتبعها بنظراته منقهر منها طبعا الحرمه ماقصرت وصورت منظر اليازي مع فهد بصوره مش حلوه خلا ام فهد اتعصب واول ماراحت الحرمه خبرت ابو فهد بالسالفه عصب ابو فهد وزنفخ ابو فهد:يعني سالفة الخدامه هب جذب يوم قالت انها شافتهم فوق في الحجره وهو لاوي عليها...سود الله ويهك يافهيييد ومسوليه فيها ريال ويخاف على عرضه سيري ازقريهم اليه في اثنينه فهد كان منتظر هذي اللحظه لانه يدري بالحرمه ام لعلوم دخل على ابوه في الميلس الي تسكر عليه اهو وابوه وامه واليازي وصارت الوقعه الي سمعها كل من مر عدال الميلس فهد ايدافع عن نفسه وابوه يلومه واليازي صارت عيون منصدمه من الي يصير وقف ابو فهد الي انهد من كثر ما صارخ:هيه كلمه وحده وماشي غيرها باجر بتملج عليها اليازي:لااااا لاااا عميه لاااااانا ما اريد فهد لو المووووت ما خذته ابو فهد:انتي جب ولا كلمه...عاجبتنج عيل سمعتج الي الكل باجر بيرمس فيها اليازي:خلهم ينقلعووون انا ما اريده اذبح عمريه ولا اخذه ابو فهد:يابنيه لاترفعيليه ضغطيه انتهى الكلام انتي مالج مكان غير اهنيه وقعدتكم مع بعض ماتصلح وانتو وراكم اعلوم فهد وخلاص تعب من كثر مايبري نفسه:وانا يا ابويه ماريدها غصب يعني اخذها اليازي:خلنيه ارجع بيت خالتيه ابو فهد:ماخربتج غير القعده عندها اليازي:انزيين اروح اقعد عند عميه خليفه بس الله ايخليك عميه انا ماريده مادانييييه اكرهه انته نسيت شو كان ايسويبيه تباه يعني يظربنيه ليل ونهار ابو فهد:ياويله ان مد يده عليج والحين احنا مانقدر نتراجع الحرمه شافتكم وماشي بيلم ثمها الا انكم تملجون على بعض تمت اليازي اتصارخ وتصيييح ماريده ماريده وفهد واقف معصب ويطالعها بطرف عينه طلع الابو بعد ما اصدر كلامه وخلاهم التفت فهد لامه:انتي الي قلتيله ...ليش ياميه ماييتي وسالتينيه اول شي شو السالفه ام فهد:قرار ابوك هو الصح...انتو وضعكم غلط اليازي من بين دموعها:بس انا ياعمووه ماريده فهد:ولا انا اريدج ولا اتشرف اتكونين حرمتيه انتي بلوه انعقت على راسيه وان شالله بتخلص منج قريب بجاريهم وبملج عليج بس بتبطين اتقادين حرمتيه في يوم من الايام طلع فهد وصفق الباب من القهر وتمت اليازي اتصيييح ...................................... شلة مي طاسة الهريس ولبست عباتها وشيلتها وطلعت مع الخدامه من الباب الخلفي رايحه بيت ام بدر اتودي الهريسه ومن الباب الخلفي لبيت ام بدر دخلت مي وكان باب المطبخ الداخلي مفتوح من الخارج اتوجهت له مي الا انها نقعت من الضحك على الخدامه الي تعثرت في مشيتها وطاحت كملت مي طريقها وهيه تضحك ودخلت المطبخ وعيونها وراها اطالع الخدامه واول ما التفتت اتفاجئت بالشخص الي واقف مجابلنها فاتح عيونه ومش متخيل الي يشوفه ارتبكت مي وتوهقت بالطاسه الي في يدها وبسرعه بسرعه حطتها على الطاوله القريبه امنه ورفعت نظرها له وقلبها بدا ايدق متفاجئه اهيه بعد من وجوده مروان:انتي!!!!!؟..... ابتسم:انتي انا اتخيل ولا شوووه معقوله انتي اهنيه في بيتنا خطى كم خطوه ناحيتها وكانه ايريد يتاكد اكثر مروان:تدرين انا ماخليت جمعيه ولا عياده ولا مكتبه ولا خياط ولا طواري مارحتله وانا اقول انيه بشوفج اليوم وما صار الي تمنيته واخرتها اشوفج اهنيه عنديه في بيتنا!!! مي وهيه اطالعه وتوها استوعبت:ان انت انته الضابط مروااان؟ تسمع دائما عن اخو بدر الضابط مروان لاكنها ابد ماتخيلت انه اهو هذا كانت تتخيله شخصيه ثانيه وشكل ثاني ابتسم اكثر مروان:وتعرفينيه بعد؟ نزلت مي راسها تحت مروان وهو يقرب اكثر:انتي من وين ظاااهره بتقولين اليه ولا شوووه؟ رفعت مي راسها:لحظه اشوي بشوف الخدامه طاحت برا التفتت عنه وهو لين الحين مش مصدق ورن تيلفونه في اللحظه هذيج وكان الرقم رقم طؤاري سكر مروان بعد ماخلص المكالمه وتقدم من الباب الي طلعت امنه وما شاف حد مروان وهو مستصيب:وييين راحت؟ ركض للباب الخارجي وتم ايطالع برا وماشاف حد مروان:هذي شو سالفتها وين اختفت ومن وين اصلا طلعت؟ قلبه عندها ايريد يعرف من وين طلعت ومنو تكووون لاكن ندا الواجب خلاه يطلع بسرعه رايح للمخفر ................................ اخيرا وبعد تردد اتصلت نوره على خليفه الي تاخر في الرجعه واليهال كلهم تعبو من الانتظار ورقدو كانت حالة خليفه الي قطعه الندم واللوم حاله وهو قاعد عدال اميره الي مابعدها قامت غصبا عنه كان صوته جاف معاها نوره:خليفه انته بخيير؟ بعصبيه:يعني شو بيكون فيه؟ نوره:اسفه بس انته قلت.... خليفه:خلاص خلاص الواحد بعد تيه ضروف تمنعه نوره بخوف اكثر:خلييفه..ارجوووك طمننيه عليك انته فيك شي؟ خليفه:فيه او مافيه انتي مالج خص فيه دام ان اليهال عندج وبخير اتركينيه انا في حاليه انا هب ضاوي اليوم سكرت نوره وقلبها ايعورها شو سالفته وليش ايكلمها جذيه اكثر كره خليفه نفسه من الوضع الي اهو فيه لاكن شو يسوي لازم ايصلح غلطته ومايتمادى فيها اكثر والي صار لازم محد يدريبه على كيفك محد يدريبه ياوييييلك يا خلوووف من الي بييك تم عند حمارة القايله حاضها هنيه:ايواااا هو فاكر الدنيا سيبه دلعربان كلها مقومه الدنيا وحيطربقوها على نفوخه هو والبنت الاروبه خميييره قتهم البلا فيشكلهم اقوووول يا هنيه انتي وش سالفتج كل شويه ناطتليه في كل مكان اقلبي وجهج في اليوم الثاني ياب ابو فهد المليج واتصل على زايد عشان اهو وبدر يحضرون الملجه وبعد ماتمت الملجه اتكلم بدر
بدر:وانا ياعميه اريد املج انتو عطيتونيه الموافقه وانا اريد املج الحين اتوهق ابو فهد وهو يدري براي روضه لاكن ما كان جدامه الا انه يرضخ للي ينطلب امنه ومثل ما زجر اليازي جدام الكل عشان اتوقع انزجرت روضه جدامهم ووقعت غصبا عنها وهيه اول مره اتشوف ابوها بالشكل هذا وتمت الملجه الي كل اطرافها مجبوره عليها بعد ماراح الشيخ وبارك زايد للكل تم بدر وزايد ومروان في الميلس خليفه ياهم وكانت حالته حاله حضر الملجه وراح اتلاقت نظرات مروان بنظرات بدر وغمز له يعني يا اخويه سويت الي في راسك بدربهمس:اعجبك بس تعال فله اليوم الكندوره مع البربوشه مروان :هيه اكيد ملجة اخويه لازم اكشخ يمكن ايوزونيه وحده من بناتهم بدر:وهو تم عندهم غير ميمي فدييييتها اتولهت عليها التفت لعبدالله الي دخل:عبووود سر ازقر ميمي كان زايد منشغل في تيلفونه كالعاده ورفع راسه:هيه والله حتى انا متوله عليها قلها تعالي محد اهنيه لين اليوم بدر وزايد ايشوفونها بيبي وماعليها من حد مروان وهو يضحك:ياذي الميمي الي والله اغار منها عليك وييينها خلونيه اشوفها اصفعها اشوي زايد كان في اول كرسي وعقبه بدر وبمسااافه شويه بعيد كان مروان قاعد يعني بينه وبين بدر يقعدون شخصين دخلت مي وهيه اطل براسها مبتسمه زايد وهو يفتح الها ايديه:هلا والله مشت مي رايحه بسرعه صوب زايد ومروان عيونه طلعت من راسه وهو يشوفها اهيه اهيه ما يتخيل لا لا اكيد اتوهم تراها مسويه اليه مشكله الفتره هذي اي حد اشوفه اتحسبها اهيه حتى انيه امس اتخيلتها عندنا في البيت سلمت مي على زايد ولان الطاوله منعتها اتكمل طريقها لبدر دارت له من الجهه الثانيه قعدها بدر بينه وبين مروان ولوا عليها وهو ايحبها كانت يده محاوطتنها ومروان مثل الي انصب عليه ماي باااارد تم بدر يتكلم معاها بهمس وهيه مبتسمه عقب التفت لمروان بدر:مروان هذي ميمي ...ميمي هذا مروان اخويه الضابط مروان تحملي امنه قال بصفعها بس بيبطي مروان وفي خااطره..ايوالله في خاطريه اصفعها صدق عيل هذي ميمي وانا من زمان رايح في عينها...معقوله الي يصير جداميه التفت بدر لزايد الي كان ايرويه بعض الرسائل الي تيه والتفتت مي لمروان الي بعده في حالة صدمه مازالت يد بدر محاوطه خصرها وعيون مروان عليها ياهل يعني ياهل مابيمسكها بدر هالمسكه الا لانها ياهل اتلاقت اعيونهم مع بعض مروان:كم عمرج؟؟؟؟ نزلت مي راسها تحت ورفعت عقب نظرها له وشافت ابتسامته على طرف شفايفه ابتسامة ضياع الامل والحسره على القلب الي اتولع واشتعل بحب ياهل مي ما عرفت شبلاااه وليش صار فجئه سرحااان لبعيد....ياهل ياهل يامروان تلعبك ويغرك طولها وجمالها وهدوئها لا والمصيبه تتابع الصدف في شوفتها في كذا مكان لين صار يحلم ايشوفها في كل مكان.....ياهل يامروان اتخليك ماتعرف اتجمع في الشغل وكذا مهمه فشلت والسبه القلب الي تلوع بحبها ياهل تلاقت نظراته ابها مره ثانيه ورجعت ليد بدر الي محاوطتنها...مافي شك يامروان انها ياهل وانته دوم تسمع بدر يتكلم عنها ويتفداها ودوم اتشاركه في اختيار الهدايا الها غير الصور الي تارسه البيت معقوله يامروان ما عرفتها وصورها دووووم جدام عينك لا لا لا هذي حكاية عشق كذابه الي صارليه مش حب مستحييييل انا حبيت ياهل صرخ بدر:مرواااان انتبه له ورفع له نظره:شوووه؟ بدر:وين غيبت يا اخويه؟ وقف مروان:اسمحوليه ورايه طريق العين عندنا اهناك معسكر للضباط طلع عنهم ولا عطاهم اي فرصه يتكلمون فيها معاه قام زايد وراح داخل صوب يدته والتفت بدر لمي واعطاها تيلفون بدر:مي هذا التيلفون خليه عندج ويوم بكلمج وبطلب روضه اعطينيه اياها مي:واذا قالت من وين يبته بدر:عادي قوليلها انه من عنديه هههه متروعه منها ابتسمت وهزت راسها دخل زايد للصاله الكبيره وسلم على كل الحضور وبارك لليازي الي كانت قاعده ومطنشه السالفه اما روضه فكانت مسويه احتفال فوق في غرفتها حطت نور ايديها على اذنيها من كثر ماتمت روضه اتصارخ وتسب بدر وتتلعنه كان في خاطرها اتهديها يوم شافت وضعها تحت لاكن مافي فايده كل الكلام الي تقوله روضه ما فهمت امنه كلمه روضه:الحقيييير ابو نظراااات والله والله لا اطين له عيشته واخليه يندم على اليوم الي فكر فيه يخطب الشيييييبه الحقيييير فارقته وفارقت ويهه اااااه بمووووووت والله قهر نور قامت وتوجهت للباب نور:اعذريني اردت ان افعل لك خير ولاكن مع هذا المعجم الذي تتفوهين به انا لا اعرف ماذا اقول الى اللقاء اعانك الله على ما ابتلااااك نزلت نور تحت اول ما وصلت السلم تحت سمعت صوت زايد تغطت ومرت من جدامهم تمت عيون زايد اتراقب هالبنت الي مرت التفت لام فهد زايد:منيه هذي؟ ام فهد:هذي بنت عمك النور زايد:وعن منوه متغطيه ام فهد وهيه تتلفت:هااه مادري بس اهيه تتغطى عن فهد يمكن تتحسبك فهد رجع زايد والتفت ليدته الجده:هااه عقبالك ياولديه ما رد عليها وعيونه على الي يت وقعدت عدال اليازي في الطرف الثاني يعني الغطا عنه اهوه اول ما دخل فهد باركت له امه ويدته زايد وهو موجه سؤاله لفهد:راح بدر؟ فهد:هييه زايد:عاده هااه ماشي عرس لين اتخلص الجامعه ابتسم فهد بسخريه وعيونه اتروح عند اليازي الي طالعته بطرف عينها وردت اطالع جدامها قعد معاهم فهد اشويه وعقب طلع لفوق التفتت الجده على زايد:زياااد المال ابويه اشعندك انته من قعدت وانته الا مع تيلفونك؟ زايد:يدوووه هذي رسايل من ناس بيرشحونيه يوم الانتخابات ايقولوليه انهم معايه الجده:هيييه زين زين اتعرفهم انته؟ زايد:حد اعرفه وحد ما اعرفه المهم انهم يكونون قد كلمتهم...يدووه انتي اخبارج؟ الجده:والله انا تمااام عنديه هالويه الصبوحي ترقد معايه وتوعا معايه وتوعينيه حق الصلاه ...وابشرك حفضتنيه اية الكرسي زييينه اية الكرسي حياة المرحوم ابويه كان ايحفضها النا بس انا ماحفضتها زييين وبنتيه فدييييتها حفضتنيه اياها زايد وعيونه على تيلفونه:هيييه زييين بس اتحملي باجر اتخليج تتغشين عنا الغشوه هيه الغطا الجده:وااايه انتو عياليه بعد كيف اتغشا عنكم؟ زايد بطنازه:يستوي يدوه اذا تبا اهيه بتخليج تتغشين الجده:هذااااا نكر خل عنك الرمسه الي ماتعطي معنى ضحك زايد ولوا عليها قام زايد وطلع بعد اشوي راحت نور لقسم جدتها واتفاجئت بالي سحب غشوتها غطاها وكتفها على الجدار وخلاها مواجهتنه زايد:وقسما بالله ان شفتها عليج مره ثانيه انيه احرقها عليج تسمعييييين نور وهيه تحاول تتخلص امنه ومن مسكته:امقتك امقتك امقتك انه امر لا يعنيييك زايد:جب ولا كلمه محد لج ولي في الدنيا غيريه واقدر الحين اردج البيت اهناك عند هنيه عشان اسنعج عدل نور:تـــــــــــــــــــــــــــبالك ابتعد عنها وهو يحرر ايديها وهدت عليه بالظرب ورجع يمسكها ويصدها مره ثانيه وبغيض وهو فاتحلها عيونه زايد:وبعديييييين نور:مقيت اكرهك زايد:انتي تبين بس اتغايضينيه وانا احذرج مب زايد الي ترفع ضغطه وحده مثلج نور:كان يجب على من البدايه ان اتحجب عنك ...انته رجل لا تدع لملامستك لي اي حدووود زايد:بكيفيه تسمعييين التفتت عنه وركضت لغرفة يدتها .................................................. ...................... في اليوم الثاني هدت خالة اليازي عليهم وحاكمتهم في ملجة اليازي وليش ماسولها حفله وعشان ايسكتونها ويسلمون من حشرتها قالها ابو فهد ان باجر بتكون الحفله وعلى السريع جهزو للحفله وطلبت ام فهد من احد المطاعم الشعبيه تحضير وجبات الحفله مع الحلويات وكل شي وعزمو على الحفله الاقرباءوالاصدقاء اشارت ام بدر على بدر انهم يخلونها حفله جماعيه وقالها انه اصلا مش ناوي ايسوي حفله خليفه كان يرجع البيت ايبدل وياخذله غفوه ويرجع عند اميره الي حالها بدا يتحسن اول ما شافت خليفه عندها اما نوره فتمت كاتمه غصتها وحزنها ومشيه حالها....حتى الحفله ماكان الها فيها نصيب اما اليازي فصممت الخاله انها تاخذها معاها عشان تشتري الها فستان الحفله كان فهد معارض لاكن ابوه قاله خلها اتسوي الي تباه لانه مهما كان اهيه مربيتنها واخر شي وافق بشرط ان نور اتروح معاها لان روضه رفضت اتروح ومي كانت اتساعد امها اليازي عشان تستانس بالي يصير مشت معاهم وسايرت الهم لان الي بتصير مجرد حفله مش عرس مرت ابها الخاله على الصالون وعدلتها وسوتلها التسريحه ولبست الفستان الي اختارنه مع بعض وكان جنان عليها وهو مفصل جسمها بلونه الكريمي مع الذهبي روضه تمت معاها امها ساعه تقنعها انها اتبدل وتنزل وترضىبالي صار كان بدر ايكلم مي وياخذ منها اخبار روضه ويوم درا انها ماتريد تحضر الحفله قال لمي قوليلها ايقولج بدر لا تحضرين الحفله انقهرت روضه من مي اول ما قالتلها وعندت الا تحضر الحفله طرشت مي لبدر انه غيرت رايها وبتحضر الحفله بدربعد ما قرا المسج:يعني بعدها ما تادبت...انزين شو ورانا نصدر قوانيين يديده بعد انتها الحفله كان زايد يتكلم في التيلفون ودخل احدا المجالس الي كانت يفصل بينها وبين المجلس الثاني باب زجاجي المجلس الي كان فيه انواره مطفيه تم رايح راد منشغل بالتيلفون لين مالمحت عينه بنت ابهرته وهيه واقفه اطالع عمرها في الباب الزجاجي الي كان يعكس صورتها كانت مستغربه من شكلها ومن المكياج الي على ويهها شي صابه سكر التيلفون ورجع طلع من الباب الي دخل امنه وشاف مي زايد:تعااالي مسكها من يدها وقادها لين الباب الزجاجي زايد:مي منيه هذي؟ عنبووووه مايستحي ابدا فاصخ الحيا الريال ...انتبهو ترا عيونه دوم زايغه التفتت له مي وهيه اتعض شفايفها منحرجه انه متكشف على البنت مي:ا ا ا انته ما عرفتها؟ زايد:لا والله ...يعني من بنات عميه وماعرفتها سكتت مي وهيه تكتم ابتسامتها ابتسم زايد وتم ايطالع مي زايد:ميمي شوووه تبين اتذلينيه يعني؟ اتسعت ابتسامة مي:انزين طالعها ويمكن اتعرفها؟ التفت زايد للزين الي ابهره ورد ايطالع مي ونظرة عيونه النعسانه تتخدر من الي شافه زايد:يعني ماتشوفينها معاشيتنيه من زينها وين اقدر اطالعها ابتسمت مي اكثر زايد:مييييمي وبعدييييين تراج صدق ذليتينيه رفعت مي نظرها لنور الي كان المكياج صدق مغيرنها ولانها كانت مع اليازي اصرت خالة اليازي اتعدل نور على حسابها ونور ياغافل لك الله ماتدري بالي انحط في ويهها ولا شوه الي حطوه في شعرها وغير لونه لخصايل ذهبيه نور نفسها كانت اطالع عمرها بنظرات مش مصدقه انها اهيه هذي ...كانت ايديها ترتفع على حركة التسريحه وعلى اللون الي على عيونها وذاااب زايد وهيه تحط ايديها على خصرها اطالع كيف اهوه مي كانت متوتره من نظراته لنور وماتعرف شو تقول التفت لمي:هاااه شو لينه هالمذله تعرفينها ولا لاااا مي :انزييين انته شوله اتريد اتعرفها؟ زايد وهو يطالع مي بنظره استنكار:مييييمي والله وعرفتي بعد اتحققين...شوفي انزين الدراجه باجر بتوصل اذا تبين السويج اليوم خبرينيه من بنته هذي مي:بس حرام اقولك وحرام انته اصلا اطالعها غمض زايد عيونه:لاااااا اظاهر اثرت فيج بنت الباكستانيه رفعت مي نظرها له شكله صدق ما عرفها مي:تعال بقولك منيه هذي ابتسم زايد وقرب منها وهمست في اذنه:ترا هذي اهيه نفسها بنت الباكستانيه رفع زايد راسه بسرعه والتفت لنور منصدم:اهيه نـــــــــــــــور مي:اصصصص بتسمعك انا انا بروح التفتت عنه مي بسرعه وطلعت من الباب الثاني تم زايد مبحلق اعيونه فيها مش مصدق وياليته راح الا تم يتفحصها كامله لاحضت نور ضوء احمر ورا الزجاج وقربت بويهها اكثر وتفاجئت بنور لفلاااااش صرخت وتمت اتحاول تفتح الباب واول مافتحته لمحت ريال ثوبه ابيض طالع من الميلس شهقت وتمت تنتفض كيف مافكرت ان الباب هذا وراه ميلس ثاني طالعت نفسها يعني حد صورها بالشكل هذا...نفسيتها تعبت وعلى طول راحت لقسم يدتها وغسلت ويهها وعلى سيادتها سيده بعد مابدلت ثيابها تمت تدعا وتصييح ان الله مايكشف سترها وتنتشر الصوره خالة اليازي ازعجت روضه وهيه اتقولها خلي فهد يدخل عشان يتصور مع اليازي كلمت روضه فهد وقالتله ايي عشان يتصور فهد:والله تنكتين حضرتج روضه:عاده هذي طلبات خالة العروس فهد:خليها تستريح...وجان تبين اطرشلج الاستاذ بدر حاضر روضه:ياشيييين الاسم في ثمك اكرهه فهد:ههههه عيل فارجي ولا عاد تتصلين اعتذرت روضه من خالة اليازي عن فهد وراحت فوق الكل انصرف طلعت نور من قسم يدتها وويهها محمر وحصلت مي في طريقه مي:نوووور شبلاااج نور:مي هل تستطيعين ان تتصلي بزيد ...اريد ان احدثه قليلا مي باستغراب:نووور شو صاير نور ودموعها بدت تتجمع:حدثت مصيبه مي عجلي بالاتصال عليه وان كان هنا اخبريه بانني اريد رؤيته مي:هاااه انزين بعد شوي دخلت مي على نور وقالتلها ان زايد ينتظرها في مجلس الحريم الداخلي كان زايد متوتر ومايعرف ليش اهيه طلبته سال مي ان كان قالتلها انه شافها وقالتله لااا كانت صنية القهوه والشاي جدامه دخلت نور وكان قاعد يرتشف من كوب شايه بدون ما يلتفت الها قعدت نور قريب امنه زايد وبعده نظره جدام:خييير قالوليه تبينيه نور وهيه تفرك ايديها ومتردده:اريد ان اخبرك عن امر بل ربما تكون مصيبه التفت الها وشاف ويهها وعيونهاالمحمره:علمج شو صاير يدتيه فيها شي نور:لا الامر يعنيني هز راسه مستفسر وهو يحط كوبه زايد:شو صاااير؟ نزلت نور راسها تحت وبدت دموعها تنزل وحس بشي في قلبه زايد:ارمسي رفعت نظرها له زايد:اتكلمي نور:ل لقد قام احدهم بتصويري وانا من دون حجاب وقد كنت في زينتي رعشه قويه سرت في جسمه الامر عندها مصيبه وهو اول واحد لجات له في هالامر نور:اقسم لك لم اكن اعلم بان هناك رجل ينظر لي ...لم اكن اعتقد بان الباب الزجاجي يوجد خلفه مجلس اخر به باب اخر...زيد يجب ان تعرف من الذي فعلها وان تستر علي زايد:لحضه لحضه لحضه....منو زيد هذا مره ثانيه؟ نور وهيه متالمه من حالها:هيا لا تبدل الحديث الا يهمك الامر؟ زايد:اول شي اسميه زااااايد وقلتلج من قبل لاتنادينيه بزيد هذا تفهمين نور:انك لا تفهم ما اقول الا يهمك الامر ان صورتي على وشك ان بيد اي رجل مد الها زايد تيلفونه وصورتها فيه:قصدج هذي الصوره وبعيون متسعه ومذهوله مدت نور يدها للتيلفون وخذته اطالع الصوره فتحت ثمها ويدها الثانيه عليه نور:هل هل تعني بان الامر قد انتهى؟ ياااااالاااهي هل حقا اصبحت صوري في كل مكان التفتت لزايد الي كان مثل الي مايهمه شي نور:انني احدثك وقف زايد:انتي شمنه متروعه اصلا الي بيشوفج مابيعرفج انا عنيه ماعرفتج نور بصدمه:وهل هناك من يعرفني كي يعرفني....ماذا بك هل انته ديوووث التفت الها زايد معصب وصرخ:بعد شيه هذي ديوث؟ صرخت نور بدورها:الديوث هو الذي لا يغار على اهل بيته رجع زايد والتفت عنها وبصوته العالي قال:انا بعدنيه ماعنديه هل عشان اغار عليهم انتفضت نور من القهر ومسكت كوب شاي الحليب وصبته في الغسول عشان ايغير من لونه وحطت التيلفون الي في يدها فيه بدون ما يحس زايد تمت ساكته اطالع تحت وقلبها محروق رجع والتفت الها زايد:شبلاااج نور:ان الشكوه لغير الله مذله قد اخطات في الشكوه اليك وقفت والتفتت عنه ورجعت اطالعه:اعتذر منك ايها السيد ربما اضعت وقتك معي وطلعت عنه مخليتنه منصدم من ردها ...يعني شو يسوي لوكان الموضوع مثل ما اهيه اتفكر جان حرق الدنيا وحرق التيلفونات كلها لاكن لحضه وين تيلفونيه تم زايد ايدور تيلفونه مكانها وما شافه زايد وهو ينزل على الارض يتحسسه تحت الكراسي وقف وطلع ودخل لقسم يدته زايد:وين نور التفتت له مي الي كانت قاعده مع يدتها:راحت داخل الغرفه وعلى طول راح داخل بدون احم ولا دستووور كانت قاعده على السرير ومهمومه زايد:نوور رفعت نظرها له زايد:التيلفون وينه نور:ليس معي زايد:وييينه؟ نور:اقسم لك لم اخذه تركته هناك زايد:ويين وانا جلبت الدنيا خاطرها تبتسم لاكنها نزلت راسها تحت وتمت ساكته طلع زايد وهو يتحرطم ورجع للميلس اول ما قرب من الطاوله صرخ يوم شاف لون الغسول متغير على طول حط ايده فيه وطلع تيلفونه الي كان من النوعيه الحساسه زايد:لاااااااا الكلبه وين بتروح عنيه رجع وخطف عليهم مثل الهايج وفتح عليها الباب وهو يصرخ:نـــــــــــــووووور لاكنه رجع وصفق الباب يوم حصلها واقفه على سيادتها وداخله في الصلاه التفت طالع وويهه اسود من الغيظ الجده:يااااله بسترك شعنده زيااااد المااال هزت مي اكتافها وهيه ماتدري اصلا شو صاير اليازي بعد الحفله اول ما طلعت الغرفه ارقدت بفستانها من التعب وبعد ساعه قامت وتاعيزت اتبدل تذكرت الحلويات الي كان في خاطرها تاكل منها وعلى طول اتوجهت تحت لاكنها وهيه نازله من على السلم كان فهد راقي وقفت في نصف السلم والتفتت تصعده بخطوات سريعه ونست الكعب الي عليها وانثنت ريلها في نصف السلم وتعثرت صرخت من الويع:ااااي وتمت قاعده على السلمه صعد فهد بسرعه وقرب منها فهد:شبلاااج؟ رفعت راسها متالمه وكانت قمه في الجمال بشكلها المتغير اليازي بالم:ريييليه التوت قرب منها وقعد:اشوووف ترددت في البدايه وعقب رفعت طرف فستانها وشاف فهد احمرار رسغ الريل فهد:لابسه كعب واتراكضين على الرقايه اكيد بطيحين مد يده ومسك ريلها وارتجفت رجفه قويه حسبها فهد ورفع نظره الها وتلاقت عيونهم فهد:اتعورج؟ هزت راسها بنعم رجع يمسدها مره ثانيه حست اليازي انه غييير اول مره اتحس انه ممكن يعطف عليها حتى شكله بالسفره والعقال كان غير والكندوره ام بربوشه اول مره اتشوفها عليه فهد:يبالج فكس حااار عشان الويع ايروح اليازي:ما احب ريحته رفع نظره الها:عادي احطلج؟ تمت اطالعه وهيه تحس بشي غريب يسري في جسمها اليازي:هاااه ما مااادري سحب فهد نعولها من اريولها ووقف ماسك يدها فهد:تقدرين توقفين؟ حاولت اليازي توقف وعورتها ريلها بقو اليازي:اااخ على طول فهد شلها وحوطت اهيه بيديها رقبته فهد:هااه تحملي على عقاليه لا يطيح ابتسمت وعيونها على صدره وهو يصعد ابها بقية الدرجات ## ## ## ودمتم وديمه العطا
|
|
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| رواية رواية بعثرت أرواح عاشقة للكاتبة إكراموا | Yaqot | روايات و قصص منشورة ومنقولة | 31 | March 30, 2015 05:47 PM |
| رواية بعد الغياب للكاتبة أنفاس قطر | Yaqot | روايات و قصص منشورة ومنقولة | 64 | March 18, 2015 03:15 PM |
| رواية روان للكاتبة كول 2009 | Yaqot | روايات و قصص منشورة ومنقولة | 10 | March 14, 2015 12:31 PM |
| ملخص رواية سلالم النهار -رواية للكاتبة فوزية شويس السالم | Yaqot | روايات و قصص منشورة ومنقولة | 0 | May 8, 2014 10:41 AM |
| رواية ملحمة العشاق / للكاتبة سهر | SEO | الروايات والقصص العربية | 0 | October 22, 2012 02:05 PM |
العرض العادي
