فيسبوك تويتر RSS



العودة   مجلة الإبتسامة > الروايات والقصص > روايات و قصص منشورة ومنقولة

روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا



إضافة رد
 
LinkBack أدوات الموضوع انواع عرض الموضوع
  #13  
قديم April 5, 2015, 02:29 PM
 
رد: رواية احباب اموات للكاتبة Angel sinless

روايه ١ البارت الواحد و العشرين
نكابر ومع ذلك حبنا حي نكابر لنقتل هذا الحب مكابر من اجل من يحبونا


وشو فادة كبريائي دامي عايش بجحيم لانه لولا كربيائي كان م

البارت الواحد و العشرين

مرت اخر سنه و الكل حزين
نعم حزين لانهم عاشو مع بعض
اجمل لحظات العمر لحظات لا يمكن
تنسى و حتى الاساتذه حزنو لانهم
بيفارقونهم




حفل التخرج اخيرا
الكل لبس و كشخ و وصلو
التقو ببعض و بدأو ياخذون صور تذكاريه
و قطعو وعد انهم ما يوقفون عن التواصل معهم سواء بالمسن او بالاتصال على بعضهم
و اتفقو ان الليله بعد حفل التخرج سوف تكون هناك حفل توديع و سيكون بافخم قاعه و بتكون هذي القاعه فوق باخره من افخم البواخر و وعدو نفسهم انهم مستحيل ينسون بعض مهما طالت المسافات بينهم

دخلت و اعين الكل عليها كانت في قمت الجمال و الكل انبهر من جمالها
قعدت تقرأ على نفسها المعوذات و حصنت نفسها و مشت بكل ثقه

دخل وراها و هو يمشي بكل ثقه و غروور
شافته و شافها وتلاقت العيون لثواني معدوده و كانت هذي الثواني كفيله بانها تفضح الاثنين
طنشها و كمل بكل غرور
في نفسها : يكابر و انا اعرفه والله يكابر من الخارج حجر و اهو من داخل زجاج مكسور يكابر و اكابر و الغذال تتشمت فينا و مع ذلك عايشين و نوهم نفسنا ان عايشين و احنا من داخل ميتين
كملت مشيها و لقت الشلة
جت عندهم و نقزت و قالت بضحكه عشان تخفف ممن حزنهم و حزنها
: هاي شلة مانشيستير
نطو كلهم بفرحه و قالو : ذات وي آر (هذا نحن) كلهم موجودين ( اميره و نوره و عبير و خلود و رنا & طلال و معاذ و فراس و فهد )

قالت بفرح : شرايكم الليله بنخليها غير و انا عندي الحل
الكل مستغرب منها لانها بالعاده اهي الي توقفهم و تنصحهم بس على اخر سنتين انهبلت و صارت فاصله ؟؟!!؟؟!
ضحكت ضحكه ناعمه : ههههههه اي نو اي نو كلكم مستغربين مني بس والله بما انها اخر ليله بفلها ، و بعد حسام قال لي لازم افلها و العب على راحتي لان الدنيا ما تسوى

الكل : لا انتي نبي الخلطه شنو سوى لج وخلاج تنهبلين عشان بنجربها مع الحب

فهد هو يغمز للشباب و لخلود و يقول : هههه انا اقول لكم دواهم عندي انتم بس ادخلو مع الحب للغرفه و بعدها بيسمعون الكلام على طول

البنات و خصوصا جوري وجههم قلب الوااان

الشباب : ههههههههه فدينا الي يستحون
البنات : وووووججججععع

جاء وهو يمشي بغرور و الكل نظرهم عليه وقال : شفيكم كل هذا الصياح شوي شوي
نهى : حبيبي يمكن متهواشين
رائد : هههههه فديتك عيدي وش قلتي
نهى باستغراب : يمكن متهاوشين
رائد : لا الي قبلها
نهى بخجل : ا .. حبيبي
رائد وهو يضمها : يالبيييه
الشباب : ياهوووو فيه عزاب و عوانس هنا
رائد : هههههههه ما علينا منكم
الشباب و البنات : مااااالت
رائد :ههههههههههه

جوري بحزن : فهد اذا ممكن
فهد : هلا
جوري : ا...بسراحه قربت منه و همست باذنه
فهد بحزن : اها طيب عادي ما عندي مشكله
الكل فهم و سكت

رائد بغرور : وليه ما تقولين قدامنا شنو الموضوع
الكل : سكوووووووت
رائد يكمل : شفيكم ساكتين جذي تكلمو شنو الموضوع
جوري والدموع تنزل من عيونها : مالك دخل فاهم و شوفو اياني و ياكم احد يقول له عن الموضوع وكملت باستهزاء : و بعدين منو تكون بينا عشان نعلمك
رائد بعصبيه : انتي هييه حدج عاد
جوري بحزن : بوقف بحدي و انت بعد الزم حدودك و مالك دخل فيني ولا في فهد

رائد بغرور : وليش ان شاء الله لايكون خنتي حسام مثل ما خنتيني هه مو بعيده عنك
فجأه الجوري طراااااااااااااخ عطته كف قوي : الا حسام ياويلك اذا جبت طاريه على لسانك فاهم
رائد : ............
كملت : حسام اشرف منك يا كل..... استغفر الله
رائد : ان انتي تمدين ايدك علي انتي بصراخ
جوري بهدوء يسبق العاصفه : و اكسر راسك بعد ، اسمعني يا رائد اذا انا بالنسبه لك خاينه اجل وش تسمي البنت الي واقفه يمك ها ، انت تعرف شيء عن ماضيها جاوب قول
.........سكوووووت
كملت بعصبيه : انا اجاوب عنك اكيد لا اما انا يعرف حسام عني كل شيء و انا اعرف عنه كل شيء و على فكره انت ما سألت نفسك سؤال بعرسك ليش لما جاء بيبارك لك حسام وقف ما كمل كلامه و مالاحظت انه كان يطالع بنهى ما لاحظت كل هذا و مع ذلك تجي و تقول لي انا الخاينه
رائد : ادري ان له علاقه معاها و مثل ما خانها من قبل اكيد بيخونج مثلها
جوري طراااااااخ عطته كف ثاني : وقالت بكل عصبيه : اياني وياك تتكلم عنه فاهم اياني وياك
و عطته ظهرها و قالت بصوت يقطع القلب
جوري : رائد حح حساام .............
رائد بصدمه : .....وو وشو اانن انتي وش قاعده تقولين

توقعاتكم

روايه 1 البارت الثاني و العشرين

الجوري : رائد حسام ي يطلبك الحل
رائد : .........وو وشو اانن انتي وش قاعده تقولين ، كمل بهمس : امس امس مكلمني


جوري : شفت غرورك الى وين وصلك وصلك لمرحلة حتى صديقك ما عدت تسأل عنه و بالنسبه لفهد فأنا طلبت منه انه يكلم الاداره عشان اخذ درع و شهادة حسام و الحين كمل غرورك لانه مهما كنت مغرور او متواضع مستحيييييل تتغير مستحييييل و انا اعرفك عدل و حسام مات من شهر
الكل سكت و دام السكوووت دقايق
جوري تداركت الموقف و قالت بصوت فرح عشان تبعد الحزن و مبين عليها انها تكابر و الكل لاحظ عليها و ما حبو يضغطون عليها بالكلام : يالله عاااد افرحوو الناس كل يوم تموت و مرح توقف حياة الناس بموت انسان كان ساكن بوسط القلب و كان كل شيء لي بهالدنيا و بدت تبكي
الكل : سكوووووت و منزلين روسهم و محزنين

جوري بنفسها : بداال ما تخففين عنهم زديتهم و بدال ما تنسين تذكرين نفسج فيه غصب
الكل : سكووووووووووووت
فجأه : هههههههههههههههههههههههههههههه
رفعو روسهم ولفو على الصوت و شافو جوري ميته ضحك الكل استغرب و قربت اميره و قالت : جوري باسم الله عليك وش فيك
جوري بعد ما هدت : امبيه ههههههه الدكتور هههههههه الدكتور كريس ههههههههه طااااااح على ظهره هههههههههههههههههههههههه
الكل لفو على ورا و شافوه وهو منسدح على ظهره و مو مستوعب شيء
الكل : ههههههههههههههههههههههههه
جوري : ههههه يالله خلونا نروح نصف عشان التكريم
الكل بصوت عالي : اوووووكيييي
راحو و الصدمه كانت على جوري ان رائد قدامها و وراها حسام بس للاسف اهي بتستلم الدرعين لانه مو موجود لف لها رائد و تفاجأ فيها وقال : جوري انتي وراي
رفعت راسها له : ايه ادري غريبه صح
رائد : ايه والله بس منو وراج
جوري بحزن تحاول تخفيه : حساام
رائد سكت و لف لقدام

بدأ التكريم
نادو بأسم : رائد محمد ال ........
تقدم رائد بكل ثقه و نسى شيء اسمه غرور
و اخذ جائزته و شاف اخته من بعيد تصفق له اهي و امه وابوه و استانس
نزل ووقف يشوف جوري

نادو : جوري فيصل ال..........
الكل مصدووم و صوت تهامس النااس : هذي بنت فيصل ، امبيه اهي ما ماتت لا يقولون اشاعه .........الخ

و قطع عليهم الكلام الدكتور وهو يقول بالانجليزي : وللاسف سوف نسلم
درع و شهادة حسام ....... الى الجوري لانه لم يستطع الحضور اليوم لانه قد تعرض لحادث و فارق الحياة و الجوري تصير زوجته فأرجو من الجميع التصفيق بحراره للجوري و حسام الذي كان ليفخر به اهله الليله ولكن شاء الله و لم يجعله يحضر الحفله فرحبو بها و صفقو لها بحراااار

تقدمت الجوري بفستانها السكري و عليه روب التخرج باللون الاسود
وقفت و سلمت على الرئيس باليد
و هي الوحيده الي خذت صوره مع الرئيس لانه طلب انه يتصور معاها اهي وبس و الكل مصدوم انه يبي يصور معاها و جت بتاخذ درع حسام بس ماقدرت تشيله و جاء رائد و ساعدها و نزلو و سكرت الدرع و سكرت درعها و حطته فوق درعه
رائد : جوري اسف سامحيني
جوري : لا عادي حصل خير و مشت
لحقها : جوري سامحيني تكفين
جوري بابتسامه : والله مسامحتك
رائد : شلون بتكملين حياتج
جوري وهي تحط ايدها على بطنها : بعيش حياتي و مرح اتزوج بعيش حياتي اربي طفلي احسن تربيه براقبه و بحطه بعيوني و بسكر عليه و بشوفه يكبر قدام عيوني
رائد بصدمه : انتي حامل
جوري بفرح : ايه و من احلى شخص سكن قلبي
رائد فرح بصدق : الف الف مبروك يا جوري
جوري بفرح : الله يبارك بعمرك
و راحت رائد : الله يوفقج يا جوري و اذا شاء الله بيجمعنا مع بعضنا لان حبنا حب طاهر و حبينا بعض من قلب

بالليل بالباخره اجتمعت شلة مانشستير الا شخص فارقهم
اسهرو مع بعض و سوو مقالب ببعض لحد ما جت لحظة الوداع الكل كان بيسافر و حملو حقائبهم و التقو ببعض في المطار و جوري بتسافر لحالها للكويت لانه كان حلمها اهي و حسام يسافرون هناك و يعيشون مع بعض
و مثل ما قلت لكم ان اهلها ماتو كلهم فعشان جذي قررت تكمل باقي حياتها بالكويت لحالها اهي و طفلها

اجتمعو كلهم بنص الصاله و سلمو على بعض و تبادلو ارقامهم الجديده
ولما جو بيفترقون سوو كلهم دائره
وحطو ايدهم بالنص فوق بعض و الكل
بصوت واحد خلا الكل يطالعهم و يبتسم
لهم : وااااحد اثنييييين ثلاااااثههه
ورفعو ايدهم فوق و اهم يقولون :
شلة مااااااانشييييستيييييير
و ضحكو و افترقو و كل واحد يمشي على ورا يعني يشوفون بعض و يمشون و وصلو لبوابة الطياره و شافو بعضهم لحظه اخيره و هني
صرخت الجوري قالت : شلة مانشييستييير موعدنا بعععد 5 سنيييين بنلتقي باذن الله بنفس المكااااان لا تنسووون و الحين الكل بصوت واحد
البنات و الشباب : ياللللللللللللللللللللللاااااااا
ودخلو و الناس العرب فهمو عليهم و بعض الاجانب الي يعرفون عربي

دخلت الجوري الطياره و هي بقمة فرحها و قعدت تدور حول نفسها و الناس يشوفونها و يضحكون و تقول الجوري : يالله اخييييييرا بحقق حلمك يا حسووووم بحقققه و برووح بعيش بالكويييييت ياللللله بشتاق لج يا

مانشستير بشتاق لج يا بلاااادي بشتاق لكم يا اصحاااابي راحت قعدت عند الدريشه و بعد طووول انتظااار وصلت الطياره للكويت اول ما قال الكابتن وصلنا الى ارض الكويت الحبيبه هني جوري وقفت من مكانها و نقزت هياااااااا اخييييرا

توقعاتكم

رد مع اقتباس
  #14  
قديم April 5, 2015, 02:29 PM
 
رد: رواية احباب اموات للكاتبة Angel sinless

روايه ١ البارت الثالث و العشرين

بعد طووول انتظااار وصلت الطياره للكويت اول ما قال الكابتن وصلنا الى ارض الكويت الحبيبه هني جوري وقفت من مكانها و نقزت هياااااااا اخييييرا
و الناااس تضحك عليها و كلمتها بنت : ليش فرحااانه جذي مو للدرجه هذي
عاد جوري تكلمت كويتي حضري : امبييييييييه انتي لو تدرييين شكثر انا مشتاااقه لللكويت هذا وانا ما ييت (جيت) لها ولا مره بحيااااتي بس بسبب شيء حبيتها و عشقتها
البنت : شنو سبب ؟؟!
جوري : بسراحه زووووجي الله يرحمه كان يتمنى ان نيي (نجي) و نسكن فيها و نربي ولدنا فيها بعد ما نتخرج بس الله ما اراد و مات قبل التخرج بشهر و انا حالياً حامل و بعيش انا و ولدي فيها
البنت : الله يرحمه ، بس وين عائلتج ليش ما جو معاج
جوري بفرحه : يالله يااااليييييييييت لوو اقدر لاكن انا وحيييده اهم ماتو من سنتين بس مع ذلك انااا سعيده لان الحياة حلوه و لايمكن توقف بموت شخص حتى لو كان قريب من القلب ممكن اوقف حياتي لكن مع ذلك بتستمر الايام تمشي و انا بمشي معاها فليش الحزن كله ، يا ناااااااس والله احبهااااا احبهاااااا
الكوييييييييييت والله احبج يا كوييييييييييت
الناس : حبتج العافيه يا بنتي
قالت وحده : يالله ودي لو اكون بنفس حمااسج بس انا ودي ارد لبريطانيا
جوري : تدرين عمتي عااد انا عشت حيااتي كلها ببريطانيا و مع ذلك ما حبيتها و كاني سبحان الله احب الكويت هذا و انا ما سمعت عنها و لا ييت (جيت) لها من قبل
يبدأ الان فتح الابواب
جوري : آآآآآهه اخيرااااا قالتها بصوت عالي
و طبعا جوري ماكانت ماخذه معاها اي شيء من اغراضها بس جنطه صغيره فيها بطاقة البنك و الجوازات و كل شيء تحتاجه عدى الملابس ما جابتها
اول ما فتحو الباب على طول اهي اول وحده نزلت و قعدت تركض و تقول بصوت عالي احبج يا كوييييييت احبج يالي فيج ريحت امي وابوي احببببببججججج و قعدت تدور على نفسها و الناس تطالعها و تبتسم و كملت طريقها و هي تنقز و تغني اغنية (باد بوي)

نرد شوي لورا عند الشباب و البنات بالصاله ركب رائد الطياره و كانت معاه نهى


فهد ركب و توجه لاهله و ما صار له شيء و عاش حياته و تزوج خلود و كذلك باقي

الشباب و اميره تزوجت ناصر و عاشو حياتهم
راكان بالانتظار ينتظر غزل و باقي لغزل ٣ سنين و تتخرج من الثانوي
طلال تزوج رنا
عبير تزوجت معاذ
نوره تزوجت فراس

بعد مرور ٥سنوااات
توقعاتكم شنو صار خلال هذي السنين
(: ابي ردود واجد

روايه ١ البارت الرابع و العشرين

بعد مرور ٥ سنوات

قبلها بسنتين تزوج راكان غزل
المهم نكمل

""ﺷﺨﺺ ﺗﻼﺷﻰ ﺻﻮﺭﺗﻪ ﺑﻌﺪ ﻓﺮﻗﺎﻩ ﻭﺷﺨﺺ ﺗﻤﻮﺕ ﺑﺼﻮﺭﺗﻪ ﻣﺎ ﻧﺴﻴﺘﻪ ﻭﺷﺨﺺ ﺗﺒﺎﺷﺮ
ﺑﺎﻟﻤﻄﺮ ﻳﻮﻡ ﺗﻠﻘﺎﻩ ﻭﻟﻮ ﻓﻲ ﻳﺪﻙ ﺗﻌﻄﻴﻪ ﻋﻤﺮﻙ ﻋﻄﻴﺘﻪ""

موعد لقائهم
نزلو بنفس الوقت و بنفس اللحظه و كانو بنفس اللبس الي افترقو عليهم نزلو وهم فيهم شوق و حنين لايام الماضي و شوق للمدينه التي جمعتهم مع بعضم

تقدمت بخطوات واثقه و هي على نفس الفستان فستان تخرجها قبل ٥سنوات
تقدمو وهم لابسين نفس اللبس

توقفو في منتصف القاعه و انظار الكل لهم
كانو الكل منتظرين هذا اللقاء حتى الناس انتظروه لانهم سمعوهم و هم يقولون بنفس هذا اليوم بنلتقي بعد ٥ سنوات
انظارهم دارت على الكل
الى ان وقفو نظرهم على طفلين صغار ماسكين ثوب امهم و رفعو نظرهم لها
و كانت جوووري و الكل بصوت وااحد :توأأأأم

جوري و هي تبتسم : اعرفكم على عيالي
رائد و نهى ، لفو انظارهم لرائد و رائد

نزل على الارض و فتح ايده لهم : تعالو

ركضو له و ضموه و قعدو يلعبون بشعره و شالهم ثنيناتهم و هني شهقت جوري
: هيييييييي لا رائد تكفى لا تسوي جذي
اخاف يطيحون
رائد : ههههههههههه وقعد يدور فيهم و اهم يضحكون
بعدها قربو الكل من بعض و ضمو بعض و سلمو على بعض
فهد و خلود : شرايكم هذي بنتي اسمها جوري
و مسكوها و قعدو يبوسونها

...... : خلاص وقفو عذبتوني انا وين ما اخذت امكم عشان تمسكم
الكل لف عليه : طلاااااااال
طلال : ههههههههه شرايكم بمخلوقاتي الغريبه
الكل : هههههههههههه يدننون
طلااال : وشوووو وين يدننون هذيل اقعد معاهم ساعه والله ليشيب راسك
الشباب : محد قال لك تسوي هذاك الشيء ٥ مرات يا خي مره كافي
البنااات و طلال : وووووووجججججععععع
الشباب : هههههههههههههههه
رائد : اقول مشينا للمطعم
الكل عدا جوري : يالله
جوري : لا انتم روحو انا لازم اروح لمكان
الكل : ويييين
جوري بحزن : بروح للجامعه
الكل : ؟؟؟!!!؟؟؟؟ ليش
جوري وهي تطالع عيالها : فيها ذكرى حسام
الكل فهم وقالو : انا بروح معاج
الجوري : هههههههه لا ما يحتاج عادي و بعدين تعودت لاني كل سنه اجي لبريطانيا و اقعد شهر و ارد
الكل : صج حتى انا
طالعو بعض بصدمه و كل بوقت واحد : هههههههههههههههههههههه القلوب عند بعضها
جوري توها تلاحظ : رائد وين نهى
نهى بنتها : ماما انا هنا ثوفيني (شوفيني)
جوري طنشت بنتها و طالعت رائد
رائد بابتسامه صفراء : الله يرحمها
الكل يمثلون الصدمه عدا الجوري الي صج انصدمت : ماااااااتتت
""بتعرفون بالنهايه ليش يمثلون انهم مصدومين""

رائد هز راسه و حط عينه على بنته الي كانت نايمه بالدراجه و كان عمر بنته ٤ اشهر
قربت جوري من الدراجه و شالتها و هي
تقول : يا قلبي تدنن زي امها
رائد : ما ابيها اكرها
جوري : رائد ما يصير تقول هالحكي
رائد : جوري انا خلاص تعذبت معاها و الله اكرها اكرها
جوري بحب : رائد شوفها يا رائد في احد يكره هذا الكائن الصغير شوفها
رائد : مو بيدي تعبتني
غزل : جوري رائد جاي عشان يعطيك اياها يبيك تربينها لانه ........
جوري : ايش اربيها و ليش اربيها ، انت ما تخاف الله فيها يارائد ليه تسوي فيها كذا حرام عليك
رائد : جوري انا بروح اعالج من مرض السرطان و ابيك تحرصين عليها و اهي امانه برقبتك
جوري : اييييش بس ، ""بعد صمت""خلاص طيب مثل ما تحب بس وشو اسمهاً

توقعاتكم شنو بيصير


رد مع اقتباس
  #15  
قديم April 5, 2015, 02:30 PM
 
رد: رواية احباب اموات للكاتبة Angel sinless


روايه ١ البارت قبل الاخيييير خامس وعشرين

جوري : اييييش بس ، ""بعد صمت""خلاص طيب مثل ما تحب بس وشو اسمهاً

رائد رفع عينه عليها و تلاقت العيون : جوري
جوري : هلا
رائد : اسمها نفس اسمك لاكن مافيه حرف الياء اسمها الجور
جوري طالعتها وقالت بنفسها : يالله نحب بعضنا بجنون لدرجة ان كل شخص سمى اول عياله على اسم حبيبه بس ليه نكابر على بعض ليه اه يا دنيا ليش دايما انتي ضدنا

راكان : خلونا نمشي الحين و نروح للمطعم
جوري : انا بروح للجامعه و ساعه بالكثير و اجي لكم
الكل : طيب بس لا تتأخرين

بالمطعم دخلو و كانو كل عمال المطعم يعرفونهم و حافظين اشكالهم رحبو فيهم و دقو على ربعهم الباقين و اجتمعو و كانت احلا جمعه

بعد ساعه دخلت الجوري : الكل بالانجليزي
: جوووري هنا ايضا يالهي معها اطفال حسام
جوري ابتسمت و راحت سلمت عليهم و قعدو كملو سهرتهم و انواع الضحك و الوناسه

الكل الحين بيرد للبيت الا شلة مانشستير بيروحون للفندق
وصلو الفندق و الكل اخذ له شور بااارد و نامو و طبعاً الا طلال ما نام بسبب اطفاله الخمسه
دق باب غرفة الجوري
فتحت : اهلين
طلال : بسراحه ابيك تساعديني فيهم
فجأه ورا طلال طلعت روسهم و ضحكت جوري على شكله لانه كان يضحك و قالت له : ههههههههههه طيب بس دقايق
راحت و حطت عند اطفالها جهاز عشان اذا صحو يطلع عندهم صوتهم

و راحت مع طلال و دخلت الغرفه و قعدت ساعه على ما نومتهم و بعد ما نامو
جوري : يالله مدري كيف متحملاهم امهم الله يعينها عليهم ، ياخي ليه ما رحمتها وخليتهم ثلاثه على الاقل
طلال : هههههههههههههه والله اهي الي تغريني و تقول لي لا تطالع عشان لا اغريك
جوري بخجل : اها
طلال : ههههههه طيب مشكوره و يعطيك العافيه
جوري : الله يعافيك مع السلامه و طلعت

توجهت لغرفتها و انصدمت لما شافته واقف قدام باب غرفتها و متردد و ماسك معاه بنته و قرر يدق الباب و قعد يدق
وجت الجوري من وراه : رائد
لف لها رائد وهو مفزوع : بسم الله الرحمن الرحيم من وين طلعتي لي
جوري : هههههههه ابد بس كنت انوم عيال طلال لانهم ازعجوه
رائد : طيب جوري اخذيها
خذتها الجوري و عطها ظهره بيروح : شفيك وين رايح
رائد : موعد طيارتي تأجل و اهو بيكون اليوم
جوري : اها بحزن : ان شاء الله ترد بالسلامه
رائد : الله يسلمك
جوري : رائد اذا مالقيتني ببريطانيا بعد ما تطلع ترى بكون بالكويت و هذا العنوان الجهراء .............
رائد : طيب
وراح و من بكره الصبح قامت و تتذكر موقف امس مع رائد و لما كان معطيها ظهره شافت دموعه تنزل على الارض

جوري تنهدت : آآآه يا رائد الله يكون بعونك و بنتك بحميها و بحافظ عليها لحد ما تجي

نامت و بالصبح

راحت طلبت الفطور لها و عيالها و طلبت سيريلاك لجور
بعد ما خلصو طلعو يتمشون و كانت سعيده حيل انها شافت رائد
وكانت تهتم و تداري بنت رائد و عيالها
وكل يوم يطلعون مكان اهي و عيالها و بنته و الشلة كامله
مره قررو يروحون مدينه الملاهي و هي تمشي وقفت تطلب لنهى ايس كريم و فجأه شخص بسرعه خذى جور و ركض فيها لفت جوري و شافته وهو ياخذها و صايحته : اااااااااااااااااااااااااااه لااااااااااااااااااااااااااااااااااااااا جووووووووووووووووووور
و اجتمعو الناس و فهد و راكان و معاذ و فراس لحقوه بس للاسف ما صادوه


جوري خلاص كرهت حياتها و بعد اسبوع
طلعت لحالها لانها خايفه على عيالها طلعت عشان تدور عليه مع انها بلغت الشرطه و قالو لها تطمن بنلقاها

شافته من بعييد ايه شافته و انصدمت انها كانت معاه و مهتم فيها

الجوري بسرعه بحركه لااراديه راحت عند الشرطي و قالت بصراخ : هذا اهو هذا

شافها هذا الشخص من بعيد و على طول طلع المسدس و صوبه على راس جور و الجوري لما شافت على طول بسرعه سحبت مسدس الشرطي
و صوبه المسدس عليه و دموعها ما وقفت و الشرطي طلب الدعم و جو وحاولو يهدون الوضع بس مافيه فايده



جوري مستمره بالبكي و الرجال مبتسم و هو يطالعها و تكلم و قال : انا سويت هذا ااشيء لان .........
جوري : كمل ليش سكت
الشاب : انا اسمي حاتم انتي جوري صح
جوري : ايه انا جوري بس انت شنو تبي بالضبط مني و شنو ذنب الصغيره بالموضوع
حاتم : هذي بنت نهى ال.......
جوري : ايه بنتها
حاتم : انا ابي انتقم منها عن طريق بنتها اهي من قبل وهي تسوق كانت بنتي تعبر الشارع و صدمتها قدام عيوني و ماتت ، صح انا تنازلت عن القضيه بس فكرت اني اردها ببنتها
الجوري : شنو ذنبها بعدين نهى ماتت ماتت يا حاتم
حاتم : ادري ماتت بس انا ابي انتقم لان حتى بنتي كانت بنتي الوحيده و زوجتي كانت ميته

الشرطه بالانجليزي : الرجاء منكم ان تضعو السلاح على الارض

و حاتم و هو ماسك جور وقال بكل حقد : بشوف شلون بتتحملون فراق طفل من اطفالكم

و انتبه حاتم ان مسدس جوري على صمام الامان و اطلق رصاصه عليها و الحمد الله جات على كتفها

جوري بكل عصبيه مسكت المسدس و بعدت صمام الامان و اطلقت الرصاصه على راسه

مباشره و قبل لا تطلق قالت : انت قناص فاشل و انا الحين بعلمك شلون تطلق النار ((للمعلومه جوري قناصه بارعه)))

اول ما اطلقت الرصاصه طيحت المسدس وركضت عشان تشيل جور قبل لا تطيح معاه ركضت له و قبل لا يطيح على طول خذت جوور و ركضت فيها لبعييييد و هي تبكي
و مسكوها الشرطه و حاولو يهدونها و نقلوها للمستشفى و طلعو الرصاصه و راحو يحققون معاها و قالت لهم كل شيء و قررو يسكرون ملف القضيه و سجلوها بانها محاولت دفاع عن طفل رضيع

بعد شهر
راحت جوري للكويت كل سفر نفس الحاله تصايح و تستانس انها ردت للكويت
و هل مره نزلت من الطياره و معاها جور زياده بالعاده كانت تركض اهي و عيالها و يسوون سباق اما هل المره زاد شخص جديد و قالت جوري لما فتحو باب الطياره : ها حبايبي مستعدين
نهى و رائد : مثتعدين
جوري و هي ماسكه جور عدل : يالله واحد اثنين ثلاثه هجوووووووووووم
و قعدو يركضون و الناس يشوفونهم و يضحكون عليهم و قعدت تدور بجور و تنقز و بعدها وقفت عشان تنطر عيالها و هي تضحك بصوت عالي و تقول : هههههه يا بطيئين
وصلو وقالو : ا ان انتي ثريبيعه حيييل ماما
جوري : ههههههه فديتكم والله يالله لت قو تو اور هووم (لنذهب الى منزلنا) اوك ماما لث قو

بوصف لكم نهى و رائد : كانو يشبهون حسام بكل شيء
خشمهم سلة السيف وعيونهم كبار و وساع و لونهم ازرق و فمهم صغير و لون شفايفهم رودي و شعرهم بني و حواجبهم مرسومه،
( كانوو خقه نفس ابوهم )



و صلو بيتهم و كل يوم تنطرر جوري رائد يجي بس فقدت الامل
و مرت سنه و كبرت جور و صار عمرها
سنه و نص و اول كلمه قالتها كانت ماما


روايه ١ البارت الاخير سادس و عشرين

كما لكل شيء بدايه فله نهايه و كذلك روايتي اوشكت كلماتها على الانتهاء


مرت سنه ورائد ما بين له اي اثر قررت تسافر لبريطانيه و بالفعل سافرت و لحظة وصولها كان نفس الموعد السنه الي طافت

والصدمه كانت على الكل الكل اجتمعو بالنص و قالو بنفس الوقت : انتم شنو تسوون هني

طلال : والله انا جاي عشان زوجتي قالت ابي اروح لبريطانيا
راكان و غزل : احنا هني لان رائد دق وقال تعالو
جوري : انا رديت ادور على رائد لان بنته معاي
فهد و خلود : احنا سياحه
اميره و ناصر : احنا ساكنين هني و تونا نرد من السفر
عبير و معاذ : احنا بعد سياحه
نوره و فراس : احنا بنروح نزور الاساتذه

جوري : يالله يا محلا الصدف الي تجمعنا

الكل : ايه والله

راحو للمطعم المعروف و رحبو فيهم كالعاده
بعدها راحت الجوري و عيالها للبحر تنتظر الفرج
تسترجع مكالمتها قبل شهر معاه

جوري : الو
..... : اهلين
جوري : منو معاي
: جوري انا رائد
جوري : راااااائد اهلين شلونك شخبارك
رائد بحب : انا تمام وانتي
جوري : انا تمام و حاولت تنبهه و بنتك تمام شدت على كلمة بنتك
رائد : الحمد الله والله مشتاق لها حيييل حيل مشتاق
جوري : واضح
رائد : شقصدك
جوري : لو كنت مشتاق لها كان ما اهملتها و تخليت عنها و "قعدت تبكي" رائد خلاص يكفي شوف انا بيوم .... بكون ببريطانيا و اتمنى اشوفك عند البحر و مع السلامه سكرت من دون ما تسمع رده

ردت للواقع وهي تسمع صوت خشن ياما تمنت تسمعه
.. : جوري
جوري بدون ما تلف للصوت : ليش نكابر ليش و احنا ندري ان مصيرنا لبعض ليش يا رائد ليش
رائد : مهما كان يا جوري لازم نكابر
جوري : رائد انا خلاص تعبت مع حياتي خلاص تعبت و انا اخفي عنك حبي رائد انا اححححببببكككك احححببككك يا رائد و اموت على التراب الي تمشي عليه خلاص انا ما عاد فيني اكابر تعبت من كل شيء اشتقت للماضي اشتقت لاوقاتنا مع بعض اشتقت لبرائتنا و اشتقت لحبنا الطاهر

رائد حزن و دمعت عينه لانه اهو الثاني يا ما كابر بس بالنهايه هذا التكبر بيطيح و يبان ضعف
الانسان ،

مهما كان الرجال بيظل انسان له مشاعر بيكي و يفرح

رائد : جوري احححببكك و اععششقكككك اموت فيك خلاص يكفينا نكابر خلينا نعيش و خلينا نقهر العذال خلينا نقهرهم و نثبت لهم ان حبنا طاهر و شريف و نثبت لهم ان مهما تكلمو عنا مستحيييييل نتخلى عن بعضنا خلينا نقوي انفسنا

رائد بحب : تتزوجيني يا جوري

جوري : رائد انا اححبكك و لو تطلب مني انقز للبحر نقزت و انا موافقه عليك

رائد : خلينا نملك بكره و صصدقيني يا جووري بسوي لك عرس لا صار ولا استوى

بعد شهر اخيييييراااًً وصلنا للنهايه
عرس جوري و رائد اخيييرااا بعد كل الصعاب الي واجهتهم التم شملهم من جديد

دخلو البنات عليها
و كاانت في قمت جمااالها تطيح الطير من السما
كانت لابسه فستانها الابيض و مفتوح لنهايه الظهر و مسويه مكياج خفيف مبين ملامحها الطبيعيه و شعرها كله رفعته لفوق و علقو عليه الطرحه و كانت مسويه بفه خفيفه من غرتها(قذلتها)

اميره بدموع : اخيرا يا جوري اخيراً اللحظه الي كلنا انتظرناها حتى حسام
جوري : شنو حسام
اميره : بقول لج سر كنت مخبيته عنج طول السنين
جوري : ....قولير
اميره : ح حس حسام يصير اخووي
جوري : صدق
اميره و البنات : ايه صدق
جوري :دموووع
خلوود : لا ياجووري ما ينفع كذا
جوري : ياليته عايش و شافني ادري انه بيفرح ادري والله ادري
نوره : في مفاجأه منه تحت اول ما تنزلين
جوري : شنو المفاجأه قوليها
نوره : لا لا ما ينفع قلنا مفاجأه
جوري : طيب
عبير : يالله الحين بنخليك

الفنانه قالت : حان موعد دخول العروس

نزلت و انظار الكل عليها و كانت قمه في الجمال و مرح ابالغ بس كانت آية
من الجمال لا اله الا الله نزلت و بنهاية
الدرج كان ينطرها فارس احلامها على الدشداشه البيضا و فوقها البشت
و محدد السكسوكه و كاان شكله يجننن

و فجأه على نزولها اشتغل المسجل و سمعت صوته :

ﺗﻌﺮﻑ ﻭﺵ ﺍﻟﻌﺬﺍﺏ ﻋﻠﻰ ﺃﺻﻮﻟﻪ! ﺍﻟﻌﺬﺍﺏ ﺍﻧﻚ ﺗﺤﺐ ﺍﻧﺴﺎﻥ ﻣﺎ ﻳﻌﺮﻑ ﻏﻼﺗﻚ؟ ﺍﻟﻌﺬﺍﺏ ﺍﻧﻚ ﺗﺤﺐ ﺍﻧﺴﺎﻥ ﻳﺘﺠﺎﻫﻞ ﺣﺪﻭﺩﻙ! ﺍﻟﻌﺬﺍﺏ ﺍﻧﻚ ﺗﻌﺬﺏ ﻛﻞ ﻗﻠﺐ ﺑﺸﻮﻑ ﻗﻠﺒﻚ! ﺍﻟﻌﺬﺍﺏ ﺗﻌﻴﺶ ﺑﻌﺎﻟﻤﻚ ﻣﻦ ﺩﻭﻥ ﺣﺐ! ﺍﻟﻌﺬﺍﺏ ﻳﻤﻮﺕ ﻗﻠﺒﻚ ﻭﻻ ﺃﺣﺪ ﻳﻌﺮﻑ ﺑﻤﻮﺗﻪ!!!
انا موت قلبك يا جووري سامحيني انا كنت اناني و حقير لاني خليتك تعيشين حياتك بعذاب سامحيني تكفين
وكمل :
ﺑﻌﺾ ﺍﻟﻤﻮﺍﻗﻒ ﺗﺠﻲ ﻭﺗﺮﻭﺡ ﻣﺎﺗﺒﻘﻰ...ﻭﺑﻌﺾ ﺍﻟﻤﻮﺍﻗﻒ ﺻﺪﺍﻫﺎ ﺑﺎﻟﻌﻤﺮ ﺑﺎﻗﻲ...ﻳﺎﺻﺎﺣﺒﻲ ﻻﻣﻌﻲ ﺗﺘﻌﺐ ﻭﻻﺗﺸﻘﻰ...ﻳﺘﺒﺪﻝ ﺍﻟﻮﻗﺖ ﻭﺍﺧﻼﻗﻲ ﻫﻲ ﺍﺧﻼﻗﻲ...ﺇﻥ ﺟﻴﺖ"ﺃﺭﺣﺐ"ﻭﺍﺫﺍﻣﺎ ﺟﻴﺘﻨﻲ"ﺗﺒﻘﻰ...ﺍﻧﺖ ﺍﻛﺜﺮ ﺍﻧﺴﺎﻥ ﻋﺰﻳﺘﻪ ﻣﻦ ﺍﻋﻤﺎﻗﻲ"
بكت و بكت بحرقه و وقفت عند رائد الي هو بدوره بكى معاها و بكى على نهى و على حسام و الشباب و البنات كلهم بكوا لانهم خلاص تعبو و اشتاقو لهم اشتاقو لضحكهم
اشتاقو لحزنهم و اشتاقو لمواسات بعضهم

اشتغل صوته من جديد :

ﻳﺎ ﺻﺎﺣﺒﻲ ﺟﻌﻞ ﺭﺑﻲ ﻳﺨﻠﻴﻚ ﺍﺭﻓﻖ ﺑﻘﻠﺒﻲ ﻭﺍﺭﺣﻤﻪ ﻳﺎ ﺣﻴﺎﺗﻲ ﺍﺭﺣﻢ ﻏﺮﻳﻖ ﻓﻲ ﻏﺮﺍﻣﻚ ﻳﺮﺍﻋﻴﻚ ﺑﻌﺪﻙ ﻋﺬﺍﺏ ﻭﺷﻮﻑ ﺯﻭﻟﻚ ﻏﻨﺎﺗﻲ ﺑﻴﻦ ﺍﻟﻌﺮﺏ ﻫﻮﺍﺟﺲ ﺍﻟﻘﻠﺐ ﺗﻄﺮﻳﻚ ﻭﻣﺎ ﻇﻦ ﻳﻨﺴﻰ ﻣﻦ ﻳﺴﻮﻱ ﺳﻮﺍﺗﻲ ﻣﺘﻌﻠﻖ ﻗﻠﺒﻲ ﺑﺤﺒﻚ ﻭﻳﻐﻠﻴﻚ ﻭﻋﺴﻰ ﻏﻼﻛﻢ ﻣﺎ ﻳﺴﺒﺐ ﻭﻓﺎﺗﻪ

جوري عندي لك مفاجأه و اتمنى تسامحيني لكن انا طلقتك و ورقت طلاقك مع رائد و انا يا جوري عايش ما مت انا عاايش و حتى نهى عايشه و احنا عايشين احلا حياة انا اسف بس ما سويت هذا الا لما شفتك تتعذبين معاي و انا لايمكن اخلي اي كان يعذبك و يدمر حياتك حتى لو كلف هذا سعادتي بس انا اكتشفت ان سعادتي هي مع نهى و رائد سعادته معاك سامحيني اصرخي باعلى صوتك و قولي مسامحتك قولي مسامحتك يا حسام قولي تكفين قولي

جوري بصووت كله حزن و فرح لانه عايش مو ميت : انا مسااااااامحححتكككك مسااااامحتككككك يا اغلى انسان مسامحتك يا اعز شخص سكن قلبي مسامحتككك
.....: جوري
لفت جوري لمصدر الصوت و حطت يدها على فمها تحاول تمسك الشهقات و تقول بصوتها الي بالويل تطلع منه الحروف : حك ح....ح...سس ....اااااا....م ...نن....هه...ههى ىى
ركضو لها و ضموها
جوري وهي تبتسم وتبكي بنفس الوقت: ﺣﺎﻟﻲ ﺗﺮﻯ ﺑﻔﺮﺍﻗﻜﻢ ﺻﺎﺭ ﻣﺎﻫﻮ ﺣﺎﻝ ﻭﺍﻟﻌﻴﻦ ﻣﻠﺖ ﻣﻦ ﺑﻌﺪﻛﻢ ﻧﻈﺮﻫﺎ ﻣﺮﺕ ﻋﻠﻴﻨﺎ ﺍﻳﺎﻡ ﺍﺟﻴﺎﻝ ﺍﺟﻴﺎﻝ ﻭﺭﻭﺣﻲ ﻋﻠﻴﻜﻢ ﺫﺍﻳﺒﻪ ﻣﻦ ﻗﻬﺮﻫﺎ ﻣﻠﻴﺖ ﺍﻧﺎ ﻧﻔﺴﻲ ﻭﻣﻠﻴﺖ ﻫﺎﻟﺤﺎﻝ ﻭﺑﻌﺪﻙ ﺗﺮﺍ ﻫﺎﻟﺤﺎﻝ ﻛﻠﻦ ﺩﻣﺮﻫﺎ

كملت وهي تلف نظرها لكل اصحابها :
ﻭﺩﻙ ﺗﻌﺮﻑ ﻏﻼﻙ ﻭﺷﻘﺪ؟ ﺃﻧﺎ ﺃﺳﺄﻟﻚ ﻭﺟﺎﻭﺑﻨﻲ ﺑﺠﺪ.. ﻫﻲ ﺍﻟﺴﻤﺎﺀ ﺗﻨﺘﻬﻲ ﺑﺤﺪ؟ ﺃﻭ ﺍﻟﺒﺤﺮ ﻳﻨﺘﻬﻲ ﺑﺴﺪ؟ ﺃﻭ ﺍﻟﺮﻣﻞ ﺗﻠﻘﺎﻟﻪ ﻋﺪ؟ ﻻ ﻟﻘﻴﺖ ﺟﻮﺍﺏ ﺃﻭ ﺭﺩ ﻭﻗﺘﻬﺎ ﺑﺘﻌﺮﻑ ﻏﻼﻙ ﻭﺷﻘﺪ!!!!
كملت :
ﻳﺎ ﻏﻼ ﻣﻦ ﻋﺎﺵ ﻭﻳﺎﻛﻢ ﻋﺸﺘﻮﺍ ﻑ ﻗﻠﺒﻪ ﻭﻣﻦ ﺩﻭﻧﻪ ﻣﺎ ﻳﺘﺤﻤﻞ ﻳﻮﻡ ﻳﻨﺴﺎﻛﻢ ﻭﻻ ﻳﻔﻜﺮ ﻳﻮﻡ ﺗﻨﺴﻮﻧﻪ ﺍﻟﺤﻴﺎﺓ ﻭﺍﻟﺮﻭﺡ ﺗﻔﺪﺍﻛﻢ ﻭﻛﻞ ﻣﺎ ﻓﻲ ﺍﻟﻜﻮﻥ ﺗﺴﻮﻭﻧﻪ ﻭﺳﻂ ﻧﺒﻀﻪ ﺻﺎﺭ ﻳﺮﻋﺎﻛﻢ ﻭﺍﻧﺘﻮﺍ ﻋﻦ ﺩﻧﻴﺎﻩ ﺗﻜﻔﻮﻧﻪ

رائد لجوري : ﺗﺼﺪﻕ ﺍﺷﺘﻘﺖ ﻟﻚ .. ﺃﻧﺎﺍﻋﺘﺮﻑ ﺑﻌﺪﻙ ﺣﻴﺎﺗﻲ ﺗﺨﺘﻠﻒ ﺗﺎﻳﻪ ﻭﺣﻴﺪ.. ﺃﺻﻴﺢ ﺑﺎﺳﻤﻚ ﻭﺍﺭﺗﺠﻒ ﻓﻲ ﻛﻞ ﺷﻲ ﺃﺗﺨﻴﻠﻚ.. ﻭﻣﻬﻤﺎ ﺗﻐﻴﺐ ﻋﻨﺪﻱ ﺃﻣﻞ ﺑﻜﺮﺓ ﺗﺠﻲ ﻭﺑﻜﻞ ﺷﻮﻕ ﺍّّّﺳﺘﻘﺒﻠﻚ

قال حسام لجوري : ﺳﻤﻌﺖ ﺑﺎﻟﻴﺘﻴﻢ ﺍﻟﻠﻲ ﻗﺪﺍﻡ ﻋﻴﻨﻪ ﺗﻤﻮﺕ ﺃﻣﻪ ﻳﻨﺎﻇﺮ ﻭﻻ ﻳﻘﺪﺭ ﻳﺒﺮﺭ ﺩﻣﻌﺔ ﺃﻟﺸﻔﻘﺎﻥ ﻳﺼﺮﺥ ﺧﺬﻱ ﺭﻭﺣﻲ ﻳﺎ ﻳﻤﻪ ﻭﺗﻤﻮﺕ ﻭﻳﻌﺎﻧﻲ ﻣﻊ ﺍﻟﺬﻛﺮﻯ ﺃﻟﻢ ﻭﺃﺣﺰﺍﻥ ﻛﺄﻥ ﺇﺣﺴﺎﺳﻲ ﺇﺣﺴﺎﺳﻪ ﻭﻣﺎ ﻫﻤﻨﻲ ﻫﻤﻪ ﻫﻮ ﺍﻟﻘﺪﺭ ﺃﺧﺬ ﺃﻣﻪ ﻭﺃﻧﺎ ﺃﺧﺎﻑ ﺍﻓﻘﺪ ﺍﻋﺰ ﺇﻧﺴﺎﻥ

غزل لرائد و جوري :
ﺣﺒﻴﺒﻲ ﺍﻣﺴﺢ ﺩﻣﻮﻋﻚ ﻭﺗﻌﺎﻝ.ﻣﺎﻋﺎﺩ ﻟﻚ ﻓﻲ ﺍﻟﺪﻧﻴﺎ ﻣﻜﺎﻥ. ﺻﺎﺭ ﺍﻷﻣﺲ ﻭﻫﻢ ﻭﺧﻴﺎﻝ. ﻭﺻﺎﺭ ﺍﻟﻴﻮﻡ ﺣﻘﻴﻘﻪ ﺗﺤﻜﻤﻪ ﺍﻷﺣﺰﺍﻥ. ﻗﺪﺭ ﻭﻣﺤﺘﻮﻡ ﻋﻠﻰ ﻗﻠﺒﻚ ﺍﻟﺰﻭﺍﻝ. ﻭﺍﻟﻜﺬﺏ ﺻﺎﺭ ﻋﻨﺪ ﺣﺒﻴﺒﻚ ﻓﻨﺎﻥ. ﻳﺮﺳﻢ ﻭﻳﺒﻨﻲ ﺑﺪﺍﺧﻞ ﻗﻠﺒﻚ ﺍﻵﻣﺎﻝ ﻳﺮﺳﻢ ﻧﻬﺎﻳﺔ ﻗﺼﺔ ﻋﺎﺷﻖ ﻭﻟﻬﺎﻥ.

الكل بصوت واحد : ﺍﺑﻲ ﺍﻛﺘﺐ ﻗﺼﻴﺪﺓ ﺣﺐ.. ﺃﺑﻲ ﺗﻔﻬﻢ ﻣﻌﺎﻧﻴﻬﺎ... ﺃﺭﻳﺪﻙ ﺑﻴﻦ ﻫﺎﻟﻌﺎﻟﻢ .. ﺗﻔﺎﺧﺮ ﻳﻮﻡ ﺗﻘﺮﺍﻫﺎ... ﺍﺑﻴﻚ ﻟﺤﺮﻓﻬﺎ ﺗﻄﺮﺏ.. ﺍﺑﻲ ﻏﻴﺮﻙ ﻳﻐﻨﻴﻬﺎ... ﺍﺑﻲ ﻻﻣﻦ ﺳﺄﻟﻚ ﺍﻧﺴﺎﻥ.. ﻣﻦ ﺍﻟﻠﻲ ﻓﻴﻚ ﺳﻮﺍﻫﺎ... ﺗﻘﻮﻝ ﺍﻟﻠﻲ ﺳﻜﻦ ﻗﻠﺒﻲ.. ﻭﺭﻭﺣﻪ ﻟﻲ ﻣﻬﺪﻳﻬﺎ...

جوري وهي تبكي : تدرون شصار لي تدرون ؟؟!!
ببنت حبيبي تدرون ؟ كانت بين ايدي حياتها تدرون و كانت تصرخ بكل خوف ماما ساعديني ماما ؟؟ ليش الناس من حولي يروحون ليش اشوفك تبكين ليه !!! ليه اسمع صوت باذني يفجر طبلتي ؟! يما شنو الماي الي على كتفت يصب بدون ما يوقف يمه شنو الي على راسي محطوط ! يمه شنو الي ماسكته يمه ليش تصرخين ؟!! يمه بيقتلني قدامك ليه ليه بيقتلني ليه انا وش ذنبي يمه !!!!! تكفين ابي ابوي قبل لا اروح ما ابي انسى صورته تكفين يمه ساعديني يا يمه يمه انا ليش اطيح يمه ليش تركضين يمه ليش تصرخين يمه ساعديني بطيح ، يمه اشتقت لك ، ليه الرجال يلتفون حولي ليه يمه وين بيودونا يمه ؟؟!!! اه يا يمه اه ابيك ابيك بقربي لا تروحين !!
رائد : اه يا جوري اه والله لما شفتك تقطع قلبي عليك والله ما قدرت على فراق بس لو اقولك بطلع معذور معذور يا جوري ، كانو حولي في كل يوم و يقولون لي حالته ميؤس منها و الي يقول مستحيييل يقوم مستحيييل والي يقول بيقوم باذن الله بيقوم بيقوم انتم ما تدرون و ما فقد الامل مع اني بنفسي فقدته لكن تحركت والله تحركت ايدي تحركت تحركت يالله الامل رد لي من جديد يالله برد اشوفك يا جور برد لك يا حبيبت بابا برد يالله اخيراً قمت اخيراً

غزل و راكان و عبير و طلال و اميره و نوره و حسام : ﺭﻓﻌﺖ ﻛﻔﻲ ﻟﺮﺑﻲ ﺃﺩﻋﻴﻪ ﻳﺸﻔﻲ ﻧﻈﺮ ﻋﻴﻨﻲ ﻭﺇﻧﺸﺎﺀ ﺍﻟﻠﻪ ﻳﺴﺘﺠﺎﺏ ﺩﻋﺎﺋﻲ ﻭﺃﻟﻘﺎﻙ ﺃﺣﺴﻦ ﻣﻦ ﺍﻷﻭﻝ ﻳﺎﻟﻐﺎﻟﻲ و اراد الله و استجاب

قعدو يبكون و يبكون و طلعو كل الي بقلبهم و قعدو يشكون و بالنهايه مالقو في طريقهم غير الفرح و الدموع

وصلت للنهايه اخيراً :
اتفق الكل انهم يسكنون مع بعض ولا يفارقون
بعض

(( طلال ورنا و عبير و معاذ و نوره و فراس و اميره و ناصر و وفهد و خلود وراكان و غزل و حسام و نهى و رائد و جوري ))


و بنوا لهم قصر كااااامل و كااان في قمة الروووعه و كتبو عليه بالانجليزي

(قروب مانشستير) ( شلة مانشستير)
او مجموعه و فرقة مانشستير

و كملو فيه حياتهم

النهااااايه (: اتمنى تكون الروايه اعجبتكم
تحياتي فوكسل

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
رواية رواية بعثرت أرواح عاشقة للكاتبة إكراموا Yaqot روايات و قصص منشورة ومنقولة 31 March 30, 2015 05:47 PM
رواية بعد الغياب للكاتبة أنفاس قطر Yaqot روايات و قصص منشورة ومنقولة 64 March 18, 2015 03:15 PM
رواية روان للكاتبة كول 2009 Yaqot روايات و قصص منشورة ومنقولة 10 March 14, 2015 12:31 PM
ملخص رواية سلالم النهار -رواية للكاتبة فوزية شويس السالم Yaqot روايات و قصص منشورة ومنقولة 0 May 8, 2014 10:41 AM
رواية ملحمة العشاق / للكاتبة سهر SEO الروايات والقصص العربية 0 October 22, 2012 02:05 PM


الساعة الآن 03:54 AM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر