رواية رواية بعثرت أرواح عاشقة للكاتبة إكراموا

البارت الثامن #

سامي: تحطم بكل معنى الكلمة ..*
أشرف: الله يهداك كان وقته يوم تروح وتقللها هالحجي سامي: كلمني سعودي والي يسلمك .
اشرف: كان غلط قرارك ي اشرف وكانت صح بكلامها .. لو م كنت قلت لي الي قالته كنت قلت انها عاشت الدور وعمتها العائلة الكذابة ذيك لكن لأ هي كانت فاهمة كل شيء .

...

شيخة:* كانوا الكل ببيتنا طلعت برى شوي استغليت انه الكل تحمسس بالسوالف قعدت ع الكرسي الهزاز برى وسرحت ..*
مشاري:* رجولي ودتني لعندها مشيت بهدوء وجلست جنبها بالكرسي رجعت ظهري على ورى وابتسمت ..* موقفك كان صح .
شيخة:* أستوعبت وجوده وبهدوء ..* رأيك ولا تقيمك ؟!
مشاري: رأي .
شيخة: شكرآ .
مشاري:* أبتسم ..* شكله كان يحبك .
شيخة: م كان ولا بيكون يحبني .
مشاري:* وهو يجلس جنبها ويضم يدينه حوله. .* دامك كاشفة كل الي كانوا حولك ليش كنتي عندهم .
شيخة: م كنت فاهمة شيء ولما طفح الكيل ظهرتوا .
مشاري: والحين لما فهمتي رفضتي أول حب جاكي .
شيخة:* باستهزاء ..* أول شيء مو اول حب جاني ثاني شيء انا للان ماني فاهمة شيء من الي كان يصير .
مشاري:وايش الي منتي فاهمته .؟!
شيخة: شيء أكبر منك ماراح تعرف جوابوا .
مشاري: أش هو قولي انا ابغا اعرف اش الي م كنتي فاهمتيه ولساعك منتي فاهمته .
شيخة: الي ماني فاهمته .. ليشش أمي أكثر انسانة تكرهني !؟
مشاري:* سكت وانا اطالع فيها وهي تطالع بالمسبح..*
شيخة:* التفت لمشاري وعلى وجهها ابتسامة السخرية..* سؤال اكبر مني ومنك .
مشاري: صح سؤال أكبر مني ومنك وم اقدر اجاوب عليه .
شيخة:* أبتسمت ..*
مشاري: شكله فضفضتي وارتحتي .
شيخة:* باستهزاء ..* تقدر تسميها دردشة .
مشاري:* رفع حاجبه ..* كنتي قاسية عليه شوي بكلامك .
شيخة: م كنت قاسية أبدا . أخذ الحقيقة الي لازم يسمعها .
مشاري: اش كان يصير هناك يخليكي م تقبلي ترتبطي بولد خالك .
شيخة:* وقفت ..* لانه مو الحب الي جابه .
مشاري:* وقف وحط يدينه بجيوب بنطلونه ..* أجل ؟! شيخة: جابه "شيء" غير الحب .
مشاري: اش هو .
شيخة: شيء بدري انه أقلك عليه .. أستئذن الحين .
مشاري:* غموضها ذابحني ..* آذنك معك .


( مرو أسبوعين على الاختبارات وخلصت الاختبارات وكان الكل مشغول بمعنى الكلمة ومحد من العيال والبنات تقابل بسبب الاختبارات الي عند البنات وأخيراً اليوم أول جمعة يتجمع الكل فيها بعد أسبوعين ..)



مروة:* مشت عند البنات بمجلسهم ..* ابي اسبح .
عايدة:* كانت تبي تخرج باي طريقة تشوف مشاري ليش ماهوا بالمجلس عند الرجال مسكت ايد مروة من غير محد ينتبه لهم ..* طيب غيري لبسك علشان تنزلي سليم بعد يبي يسبح .
مروة:* مشت بفرحة ومحد انتبه بسبب حماسهم بالسوالف ..*

شيخة:* بضحكة وهي تبعد شعرها ..* والله جد أكثر شيء خبصت في الجدول الكيميائي جدآ صعب ياخي .
ملاك: ههههههههههههه وربي حتى انا .
سمر:بالعكسس انا ضبطته .
مرام: يوهه ترا تخوفوني كيذا من الاختبارات حقت الثانوية أهدو
ام محمد: هههههههههههه ان شاله موفقين كلكم .
شيخة:* خلال هالاسبوع تعودت على ام سليم طلعت اطيب مما توقعت .. وكمان خالد كان يساعدني كثير باختباراتي وأبوي كان كثير كثير يعدل لي جو البيت كان يجي بنفسه يجيب لي الأكل مرات ومرات كان يساعدني لما خالد يكون بالشغل وهو يجي قبله وكان يطمن جدي علي .. جد هالاسبوعين حسيت بمعنى العائلة حولي ..*
ام محمد: الا وين مروة
منيرة: تلاقيها مع محمد عند الرجال .
الجدة حواء :* بابتسامة..* وسليم شكله عندهم بعد .


الجد عبدالله: أيهه وانا أبوك خلهم ينجحون بسس وأنا لكم مني اسوي لبناتكم حفلة م عرفتها دبي .
محمد:* بابتسامة ..* أن شالله .
مشاري:* وهو يدخل المجلس بابتسامة ..* ان شالله .. الا وينها العسل مروة .
محمد: تلاقيها مع منيرة .
مشاري:* أبتسم وجلس كان يكلم واحد من أصحابه برى وما انتبه انه في وحدة تدور عليه وبسب انها تدور عليه بتعرض روح اطفال للخطر ..*
ايمن:* فجأة سمعنا صراخ سليم وهو يجري عند الحريم ..* اشيه سليم
سليم: مروة تغرق مروة تغرق ماما .
محمد:* قام باستغراب وهو يشوف البنات يجرون ..* اشش فيه احد ينادي سليم .


شيخة:* كانت تجري بسرعةة شديدة والغريب انها كانت اسرع وحدة بين البنات بتعرفوا بعدين ليش هيا سريعة خلعت الجزم ورمت الطرحة علشان يظهر شعرها الي رابطته ذيل فرص خلعت البدلة الرسمية ونطت على مسبح عمقه 20 سم وطوله 8 متر .. كانت الصدمة سيدة الموقف لما تجمعت العائلة عند المسبح وشافوا شيخة تنط والصدمة انه مروة غرقت بمعنى الكلمة ومحد شايفها ..*
محمد:* اول م وصلنا شلت جزمي ابغا انط لانه شيخة اختفت تحت بسس قبل لا انط بثواني طلعت شيخة ع السطح ..*

شيخة:* وهي تكلم مروة الي شبه مغمى عليها ..* ثبتي يدينك على ظهري.
مروة:* كانت تتنفس بصعوبة وصوت تنفسها كان يخرع تمسكت بظهر شيخة الي بدات تسبح بسرعة هائلة مثل السمك ..*
منيرة:* قعدت على ركبها عند المسبح وهي تبكي لما سمعت صوت انفاس بنتها الي كاسر الهدوء .. اول م وصلت شيخة حطت مروة بحضن امها وابوها ..*
الجدة حواء:* قعدت بأحد الكراسي فوق حفديتها ..* بسم الله الرحمن الرحيم
يوسف:* كان يسوي الاسعافات ل مروة ونظرات العصبية لعايدة ..*
شيخة:* م قدرت تطلع سبحت بسرعة وغاصت كثير وصارلها شهور م سبحة حطت يدينها على طرف المسبح ترتاح بس جسمها جوا..*
مشاري:* مسك يدين شيخة وسحبها من المسبح في الوقت الي كان خالد ويوسف يساعدون مروة ..*
محمد:* مشى لشيخة الي كانت على الارض حط يده اكتافها ..* مشكورة جد .
شيخة:* وقفت بمساعدة منى وملاك اخذت المنشفة وبعدت شعرها عن وجهها راحت عند جدتها وجدها الي خايفين على مروة ..* كيفها .
يوسف:* وهو يشربها الموية العادية ..* كويسة طلعت كل موية المسبح ولازم تشرب ماي عادي .. شكرآ شيخة جد .
شيخة:* وهي تبوس راس مروة ..* مافي شكر بين الإخوان .
محمد:* شال مروة ومشى بيها ..*
الجدة حواء:* مسحت على شعر شيخة ..*
الجد عبدالله:* حضن شيخة ..* الله يحيمكي ي بنتي .
شيخة:* ابتسمت لجدها ..*
الجد عبدالله: غيري لبسك وابغا الكل بالمجلس عندي

..


مشاري: أنتي عديمة مسؤولية
عايدة:* بصدمة من صراخ مشاري عليها بعد م راح الكل ..* ايش ؟! مشاري: عديمة مسوؤلية وم عندك دم كمان وكانت البنت بتموت بسببك.
عايدة:مشاري انا كنت قلقانة عليك كنت ادور عليك .
مشاري: ليشش طفل أنا علشان تدوريني كيذا اشش دخلك فيني اصلا .
عايدة: حبيبي لا تعصب كيذا م كان قصدي .
مشاري: م كان قصدك تهملي طفلة عمرها 6 سنوات وبسببها وسبب إهمالك نطت ومرضت بنت عمك .
عايدة :* برفعة حاجب ..* اش في ي مشاري اش دخلها .
مشاري: اش دخلها المفروضض تعتذري لها لأنها سبحة بالمسبح الي كلكم تخافوا تدخلوا رجولكم فيه حتى .. اسمعي ي بنت الناسس حركاتك صارت لا تحتمل .
عايدة:* من غير شعور علشان تسكته قربة له بسرعة وباسته بسس م شافت الي كانت تشوفهم من الشباك ..*
مشاري:* بعدها بقوة ومسح شفايفه بقهر ..* انتي وقحة والي يتواقح مع مشاري م ينول خيير .. أنا بدخل جوا وراح أعرف اشش أقلهم علشان أنهي المهزلة الي أمكك سوتها بيني وبينك .
عايدة: اشش تقول انت مشاري مو كل م صار شيء تحسسني انك م تبغاني واليوم تقولها بوجهي م يستاهل البنت بخخير وم كان قصدي ولا علشان الامريكية ذي كلت عقولكم ي عيال عمي.
مشاري:* مسكها من كوعها بقوة وهو يرص على اسنانه ..* أنا جد م أبغاكي لاني م أحبك ولا راح احبك بحياتي .. واسمها شيخة مو الأميركية .. والأمريكية ذي هي الي انقذت بنت اخووي .
عايدة:* ببكاء لانها بدأت تحس انه كل الي بنته تدمر مشاري اول مرة يكلمها كيذا ..* أنت ليش مهتم بسالفتها كيذا .
مشاري: انا ماني مهتم بأحد حتى بيكي ماني مهتم ولاني قادر اهتم .
عايدة؛ اشش سوت فيك ذي البنت خلتك تعصب فيني وتنفجر علي كيذا .
مشاري:* مشى من عندها ..* أنتي أحقر من انه شفاتي تلمس شفاتك وهذا اول غلط .. ثاني غلط انك تتوقعي اني احبك وعلشانها قاعد اكلمك بذا الاسلوب .
عايدة:* استحت لما شافنه مقهور من بوستها له بسس دخلت بعصبية للمجلس وهو وراها ..*
شيخة:* شافته واستغرتب من عصبيته ع عايدة والي صدمني انه اتقرف من بوستها..*


...


عبدالملك : كلمتيها؟
شموخ: يب بب كنت أكلمها بالفيس الأسابيع الماضية .
عبدالملك: و ما تبغا تقابلك دامها جات .
شموخ: أكيد اتكلمنا وبكرة بروح لها لوحدي ي عبدالملك
عبدالملك : اوك اوك محد قالك بجي معاكي ولا وراكي.
شموخ: كويس بتكون اول مرةة اشوفها ع الحقيقة .
عبدالملك: أنا م كانت ترضى تكلمني فون ولا ترسل صورها .
شموخ: بس انت غبي ارسلت لها صورك زمان واكيد بتعرفك واظن انها الفرد الوحيد الي ماراح يتقبلك بالعائلة .
عبدالملك : لا ان شالله بتتقبل ونص .
شموخ: نششوف .

..

الجد عبدالله: كلنا نعتذر على الإهمال الي صار من عايدة .
منيرة: لا عادي عمي حصل خخير .
شيخة:* نزلت من الدرج وكان شكلها جدآ نشيط وحيوي وكانت راميه الطرحة وبيدها كاسة كوفي من البرد ..*
محمد: والمفروض نشكر شيخة .
ابو خالد : الحمدلله انها لحقتها بسس .
منيرة: من جد الحمدلله .
ملاك: حصل خير .
عايدة: أنا اسفة منيرة انشغلت عنها بس ماراح يتكرر .
مشاري:* بقلة صبر وهو يشوف شيخة تجلس..* احنا مارح نخليها تتكرر اصلا ي هانم .
ام عمر:اشش فيك مشاري .
مشاري:* برفعة حاجب ..* خطيبتي واكلمها واعاتبها على الي صار اش بيكون فيني .. الي صار ذا مو اهمال ي جماعة معليش اذا انتوا عرفتوا اش كانت تسوي م كان احد قبل اعتذارها .
شيخة:* برفعة حاحب ..* البنت اعتذرت والحمدلله مروة بخير
ابو ايمن: من جد ي ولدي بنت اخوك بخخير.
مشاري:*رجع على ورى بكل قهرة ..*


-

انه النااس كلهم يحترموك ويخافوا منك شيء .
وانه امك تجبرك تاخذ وحدة م تطيقها شيء ثاني .
مشاري م يحب عايدة وعايدة تعشق مشاري.
سامي يعشق شيخة بسس شيخة تكره سامي .
بسس اش سالفة خالد وملاك واذا يحبوا بعض زي م قالت شيخة ليش م انخطبوا .

البارت التاسع#


الكل نايم ببيت الجد عبدالله .. بس الشباب سهرانين والبنات بعد .
دبي: الجمعة 12:30 ليلاً .

شيخة:* لبست بنطلون وبلوزة عادين وكانت بغرفة الرياضة ببيت جدها ..* هذا سر محد يعرفه عني .
سمر + ملاك: ايشش
ملاك: م صدقنا البنات تركونا لوحدنا اش عندك سر خلاكي تسرحي اول م شغلنا اغاني رقص .
شيخة: انا أكثر ثلاث اشياء اسويها بأحساس السباحة لما اعصب .. والعزف لما احزن .. والرقص لما اتضايق .
سمر: لااا اي نوع من الرقص
شيخة: الرقص الشرقي م اعرفه .
ملاك: الكلاسيكي الي الرجل يرقص ممسكا بخصر المرأة ههههههههههههه .
شيخة:* وهي تقلد ملاك ..* ههههههههههههه ايوة الرجل الممسك بخصر المرأة.
مشاري:* كان يبغا يناديهم علشان ينزلوا يشو تحت بسس وقف وهو يسمع كلامم شيخة عن الرقص ..*
سمر: تحبي الرقص لذي الدرجة
شيخة: الرقص شغف بالنسبة لي .. مخرج وقت حزني وضيقي
سمر: أنتي كثير حزينة ترى واضح من عيونك.
شيخة : الحمدلله على كل حال .
ملاك: طيب ليش م تفضفضي علشان ترتاحي .
شيخة: م احوب افضفض لاني م ارتاح بعدها بالعكس يمكن يزيد ضيقي .
ملاك: بس احنا صحبات على الاقل انا وسمر بالذات .
شيخة:أدري بسس م اتعودت افضفض .
سمر؛ طيب الحين انتي متضايقة من ماضي حيوان كيف بتطلعي حزنك ؟!
شيخة:* وهي تقوم ..* ماراح تتملون لو رقصة
مشاري:* طالع بسرعة من ورى الباب علشان يشوف رشاقة جمال ورقصص واو محد شافه .. رقصها حساس كثير ترقص بكمية مشاعر دخلت من غير م احس بنفسي وقفلت الباب برجلي .. شفت ملاك وسمر وقفوا بالغرفة الظلمة الي ما ينورها الا النور الازرق الخافت اشرت لملاك وسمر يكونوا هادين ..*
ملاك:* كنت بمشي اوقفه لمن المجنونة سمر مسكتني تشوف اش بيسوي ..*
مشاري:* كان لابس برمودا لين الركبة طبعاً علشان الشوي وقميص طفيت المبة الزرقاء وصار الظلام سيد المكان سمعت انها وقفت رقص ..*
شيخة: اشش صار.
سمر:ها ؟! ولا شيء شكله الكهرباء .
شيخة:* حست بيدين حول خصرها وانفاس رجولية شدتها لحضنه توها بتتكلم بسس ..*
مشاري:* رفع اصباعه السبابة علشان يحطها على شفاة شيخة وبهدوء ..* ماراح أئذيكي .
شيخة:* بهدوء وهي حاطة يدينها فوق ايدينه الي حول خصرها علشان تبعدهم ..* مين!؟ واش تبغا .
مشاري: مو مهم مين .. ابغا ارقص معاكي لانه من سنوات م لقيت احد يرقص معاي .
شيخة:* نزلت يدينه ..* بسس مو انا .. لو سمحت ي ولد العم الي م اعرفه نزل يدينك واخرج برى الغرفة لاني ماني حاطة طرحة .
مشاري:انا طفيت المبة علشان لا اشوف شعرك الاسود الي حضرتك تخبيه .
شيخة: لو م كنت موجود وانا عند المسبح كنت اتهمتك بانه تكشفت علي .
مشاري:* رجع مسك خصرها بابتسامة من كلمتها ..* ابغا اشوف شغفك بالرقص .
شيخة: * برفعة حاجب وهي ترجع ع ورى ..* وكمان تتصنت.. لما أكون اصغر عيالك تأمرني وقتها ارقص .
مشاري: وليش لا .
شيخة: شيخة م ترقص مع اي احد .
مشاري:*مشت عنه وهو يضحك من شخصيتها الي حيرته ..*
شيخة:* شغلت اللمبات وشافته واقف بنص الصالة ابتسمت بخبث ..* لا تقطع جلستي مع بنات عمي ثاني لو سمحت ي مشاري .
مشاري:* محد يدري انه انا اسوي أشياء كثيرة من بينها الرقص الكلاسيكي .. أدري حركتي كانت غلط وادري م كان لازم ادخل بسس أنا م قدرت امسك نفسي ..*

...


شيخة: لا م انصدمت متعودة على الحركات دي من اصحابي الشباب
سمر:علشان كيذا لما كلمك بهدوء م فجعتي
شيخة:لاا .. بسس اخوكي غريب جد .
ملاك: ههههههههههههه ادري .
سمر: هو مسك خصرك صح ؟
شيخة: بس نزلت يده .. تدري ليش م فجعت لانه كنت بمجتمع لازم اتعامل فيه مع عيال وبنات والعيال حولي بكل جهة فحركته م صدمتني مع انه اول مرةة احد يمسك خصري ولد قصدي .
ملاك: أتذكر مرةة خالد لمس يدي بالغلط صرخة من الفجعة .
شيخة: ههههههههههه لا بتتعودي بعد الجامعة على انه الشباب يكونوا حولك .. بسس ترى بيحترموك حتى لو كنتي بين 100 واحد .
سمر: بسس مشاري خبصها ههههههههههههه.
شيخة: صراحة ايوةة كان جريء بسس اش تبغي معليه ي ملاك بطلع منه عيونه .
محمد:* جاء جلس بطاولة البنات الي برتبوا ..* حياالله يالسباحة .
شيخة:ههههههههههه لقب كبير علي .
محمد: المهم كيف الأجواء هنا ان شالله عجبناكي .
شيخة: أكيد .
مشاري:* بتدخل لطيف ..* الحمدلله يلا نصلي شكر عجبناها .
شيخة: من حقك لو صليت شكر احد يطول .
الكل؛ هههههههههههههههه .
محمد: اوف يالثقة قوية .
شيخة:* بغمزة عفوية ..* افا نعجبك ترى .

خالد:* كان نايم بحضن شيخة وهي تلعب براسه ..* راح تخليني انام .
ياسر: ارحم امنا وقوم من فوقها طيب ههههههههههههه شيخة: وانت اش حارقك .
سمر: نقص حنان وانا اختك .
الكل: ههههههههههههههههه .
شيخة:* وهي تهمس لخالد ..* ابي انام عيوني تقفل .
مشاري: تأخر الوقت ترى ههههههههههههه الكل بينقص حنان اذا خالد وشيخة استمروا كيذا .
خالد:* قام من فوق رجول شيخة وباس راسها ..* حسدتوني الله يقلعكم .. تصبحين على خير .
شيخة: وانت من اهله تصبحون على خير .
ملاك: وانا بعد بقوم .
ياسر: نوم العوافي .
شيخة؛ الله يعافيك .


دبي: السبت 4:30 م .

شموخ:* دقت الجرس بكل حماس ..*
شيخة:* تكلم الخدم وهي تبعد شعرها المفرود ع وجهها ..* افتحوا الباب بسرعة تلاقيها صحبتي .
شموخ:* بصرخة حماس ..* شوشي .
شيخة:* حضنت شموخ من قلبها ..* ي روحي كيفك .
شموخ:* وهي تجلسس ..* تمام الحمدالله وأنتي كيفك.
شيخة: تمامم .. شكلك بالواقع أحلى .
شموخ: هههههههههههههههههههه .جتى انتي طمنيني كيف العيشة هنا .
شيخة: مدري اشش اقلك جد بسس الحمد لله كثير احسن من هناك .
شموخ: تتطمني على امك ؟!
شيخة:* بتجاهل ..* لازم تشربي وتبطلي تسئلي كثير .
شموخ:* بحزن ..* أنتي م تسئلي عليها .
شيخة:* بحزن..* انا كل م اسئل عليها اشوفها مبسوطة ببعدي عنها انا كنت كابوس لها وهي صارت نفس الشيء فممكن م نتكلم عنها .
شموخ:* وهي تحضن شيخة ..* ي روحي لا تبكي .

...


أمل:* وهي تجلس وتحط الشاي جنبها ..* ي روح اختك انت ليش م قلت له م ينزل دام راح يسمع هالكلام منها .
اشرف: هو هذا الي صار اش اسوي يعني .
أمل: قلت لي من آل سيف .
اشرف: يب يب
أمل:* بتنهد ..* كلمني أيمن حتى قالي أنه م قدر يخبر احد من اهله عننا بسبب رجوع بنت عمه
اشرف: ايه قالي ذا الشيء .. انصدمت لما شفته واقف معاهم وعرفت انه بنت عمه هي بنت عمة سامي .
امل: دوامة صح .
اشرف: يب يب .

...

سمر:* بابتسامة ..* أيمن انسان كثير كثير كثير احترمه.
شموخ: اصلا كل شيء يبداء من ورى كلمة احترمه .
البنات: هههههههههههههههههههه .
شيخة:* سمر ومنى وملاك جو يزورونا ويتعروفوا على صحبتي شموخ ..* ههههههههههههه ايوة كملي .
سمر: صراحة احبه .
شيخة:* بهدوء ..* وهو؟!
سمر: اسئلي اختهه .
منى: أخوي م يبين عليه اي شيء مرات احسه يحب بسس مو سمر الي يحبها .
شيخة: اكييد دامك تحبيه حب صادق راح يلتفت ويشوفك. سمر:* وهي تحرك راسها بالرفض ..* لا أهو يحب وحدة ثانية المشكلة أنه مو راضي يقول من هي .
شيخة: اوكك نكمل بعدين فوق .


-

مين أمل وأش علاقتها بأيمن .
ومشاري أيش راح يصير بعلاقته مع عايدة .
وليش شموخ خايفة من ردت فعل شيخة لما تعرف بوجود عبدالملك .
عبدالملك اصلا ليش قال انه مات لشيخة وم رجع قالها الحقيقة .

تابعوا علشان تعروفوا .
انتهى البارت .

البارت العاشر#


دبي: الأحد
10:00 ص

الجد عبدالله:* وهو يجلسس على مكتبه بالشركة ..* انا انتظر شيخة تجيني هنا بعد م تخلص من عند اخوك بالمشفى .
ياسر:ليش تبغاها تجي .
الجد عبدالله: بقلكم بعدين .
ياسر: طيب حاب اروح اجيبها ولا .
الجد عبدالله : الله يرضالي عليك بس رسلت لها السواق .
..


شيخة:* كانت لابسة بنطلون جنز ازرق وطرحة نفس اللون وقميص أسود انيق جدآ على جزم كعب صغير سوداء وشنطة سوداء وكانت لابسة نظاراتها الشمسيه السوداء .. نزلت من السيارة قدام اكبر مستشفيات المدينة وبابتسامة للسواق ..* م راح اتأخر .

مشاري:* كان واقف عند الاستعلامات بسس ابتسم باستغراب وهو يشوف شيخة تتوجه جنبه ..* شيخة عندنا .
شيخة:* نزلت نظاراتها وبأبتسامة ..* لو سمحتي .
مشاري:* وهو يمشي للجهة الي هو واقف فيها رفع ايده يلوح ..* سلامم
شيخة:* ناظرت جهته وابتسمت ..* وعليكم السلام .
مشاري:* وهو يكلم الممرضة ..* انا بوصلها لدكتورها شكرآ
شيخة: يوسف دكتور يوسف وين مكتبه .
مشاري: اما انتي مع يوسف احسبك مع خالد .
شيخة: لا انا عند يوسف وينه .
مشاري:* وهو يدخلها مكتبه .. * يوسف وخالد عندهم شيء مهم في الساعتين هذي ورسلت المستشفى مسج للكل الي عندهم موعد مع هالاثنين .
شيخة:* وقفت برفعة حاجب ..* وأنا ليش بمكتبك وليش م بعتوا لي مسج ؟!
مشاري: لانه خالد ترك لي بمكتبي ملاحظة انه حضرتك راح تجي عندي بداله علشان كيذا توقعت انك عند خالد مو عند يوسف .
شيخة: أها اوكك .

مشاري:* وهو يقرأ اوراق ..* الجرح براسك .
شيخة:* وهي تقعد ..* مو جرح بمعنى الكلمة خدش .
مشاري: طيب ممكن اشوفه نزلي الطرحة .
شيخة:* فتحت حجابها وفتحت ربططت شعرها علشان الجرح بالنص ..*
مشاري:* توجه لهاا وصار يعقم لها الجرح ..*
شيخة:* م قدرت تمسك نفسها مسكت يده ووقفته ..* انت كيف صرت دكتور .. قاعدة اتوجع لو سمحت .
مشاري:* بضحكة على شكلها ..* اسف توقعتك م تتوجعي من هذا الجرح .
شيخة: لا يوجع .
مشاري: شعرك لا تربطيه على فوق لو سمحتي خليه مفرود طول الوقت او على تحت طيب .
شيخة:* وهي تنزل شعرها وتربطه على تحت حطت الطرحة ..* أوكك
مشاري:المفروض م تسبحي لكن انتي سبحتي .
شيخة:* بهدوء ..* بكيفي كان .!
مشاري:* رفع حواجبه الاثنين بصدمة وضحكة بنفس الوقت..* ردك على طرف لسانك .
شيخة:* قامت ..* استئذنك الحين .
مشاري: كنت حاب اعتذر لك على الي صار أمس .
شيخة:* بأبتسامة خبث ..* تعتذر .. لا عادي حصل خير
مشاري:* ابتسم ..* تشربي شيء .
شيخة: لا مشكور كلك ذوق بسس مستعجلة.
مشاري: كله عصير .
شيخة: جدو ينتظرني .
مشاري: اها طويل العمر اش يبي فيكي .
شيخة:م ادري استئذن .
مشاري:* فتح باب المكتب وطلع معاها..* اتفضلي

...

الشركة #

شيخة:* بصدمة ..* مدير عام وانا ما عندي خبرةة حتى.
الجد عبدالله* بضحكة..* ي بنتي في شركة من شركاتنا تحتاج لمدير عام جديد وأنتي انا أثق فيكي .
شيخة: جدي م كملت شهر معاكم بالبيت وتقول تثق فيني وبخبرتي الي ماهي موجودة اصلا .
الجد عبدالله: الموضوع ممكن يكون غريب لكن من وانتي صغيرة كنت تفكري مرات بمشاريع كثيرة .. وتبغي تدخلي أدارة اعمال انتي واثقة بنفسك بسس خايفة
شيخة:* قعدت تطالع بعيون الرجال الكبير الي كبر سنه م كسر نظرة شموخ له ولا تشوف التجاعيد مغطية وجهه ..* جدي انت قاعد تخوفني .. فجائة جيت عندكم البيت وفجأة جاي تقولي صيري مديرة لشركات انا عمري م شفتها وانا خلقة خايفة وانا بالبيت خايفة من الحياة الجديدة الي انا داخلة فيها وانت تبغى ترميني بين شركاتك من غير مؤهل لي انت المفروض تتطمني مو تخوفني من المسؤوليات الأكثر .
الجد عبدالله: أنتي حتى م سئلتيني عن ايش الشركة ذي شغلها .
شيخة: مو قلت لي وحدة من شركاتك القدامى اكيد .
الجد عبدالله : م قلت من القدامى قلت وحدة من شركاتي تحتاج رئيس مجلس إدارة .
شيخة:* بقلة صبر ..* جدي توها كانت مدير عام انت بسس تبغى تكبر المسؤولية .
الجد عبدالله : ههههههههههههههه .. اهدي ي بنتي .
شيخة: هذي مسؤولية شركات اموال ناسس تعطيه لوحدة م خلصت جامعة حتى م بدأتها .
الجد عبدالله : شفت تصاميمك ورسماتك .
شيخة:* سكتت ..*
الجد عبدالله:ايوة شفت الدفتر الي كان مع ام سليم لما شافته طايح وعرفت انه لكي .. تصاميك مبدعة لو ادري انك مصممة ازياء من وانتي صغيره كان م خليت امك تأخذك وتدفن موهبتك هذي .
شيخة:* بأبتسامة ودموع بعيونها ..* تدري انه انت اول احد بالدنيا ذي يعرف عن ذا الشيء .. كنت احسب انه دفتري بدولابي م طلع منه.
الجد عبدالله:* وهي يمسك ايد حفيدته ..* لانه إبداع والابداع محد يقدر يخبيه اش م كان .. ها اش قلتي شركة تصميم ازياء خاصة فيكي لوحدك علشان تديرها وتعرضي ازيائك للعالم .
شيخة: جدي انا خريجة ثانوية م اقدر امسك رئاسة شركة حالياً انا هفلسك .
الجد عبدالله:ههههههههههههههه طيب تكوني المصممة حقت الشركة واسمك ينكتب على كل تصميم .
شيخة: هذا الحد يرضيني .
الجد عبدالله: راشد هناك راح يساعدك اكيد علشان تديري الشركة .
شيخة: جدي ادارة لا .
الجد عبدالله: رئيسة مجلس الإدارة الجديد لشركة سيف للأزياء بتكون شيخة ال سيف .
شيخة:ما في امل من اقناعك انا لازم اروح الحين اجهز شنطتي .
الجد عبدالله: مري علي جدتك بعد م تخلصيها بنطلع ممن بيتنا على المزرعة حقتنا .
شيخة: أوكك جدي .
الجد عبدالله : وهناك تقدري تفكري بهدوء بقراري هذا وتعرفي انه موهبتك تستاهل .
شيخة:* باست راسه ..* طيب جدو يلا فمان الله .

...


بيت الجد عبدالله #



أيمن:* دخل البيت حق جده مع عيال عمه ..* شكله لسى محد خلص شغل من أعمامي .
عبدالملك:* بابتسامة ..* شكله مافي احد وصل ابدا.
مشاري: كويس احنا الثلاثة بسس .
شيخة:* دقت جرس الباب حق القصر وانفتح الباب لها عن طريق الخدم بلطف شديد وهي واقفة عند البااب وم انتبهت للشباب ..* اين هي جدتي .
الخدامة: مع بقية السيدات بالحديقة الخارجية الخلفية .
شيخة: حسننا شكرآ .

ايمن:اها أجل هم برى .
شيخة:* التفت وبأبتسامة ..* حي الله .
مشاري:* وقفنا نصافحها بابتسامة ..* وين كنتي للحين المفروض تكوني معاهم .
شيخة:* بأبتسامة استغرابا من الولد الي منزل راسه كانه م يبغاها تشوفه ..* لا توني راجعة من عند جدي بالشركة .
ايمن: واضح من الملفات الي بيدك .. اقعدي اشربي شيء معانا .
شيخة:* بضحكة حطت الملفات الي فيها تفاصيل المشروع الي عرضه جدها عليه وحطت مفاتيحها وجوالها وشنطتها وطالعت بالخدامة ..* عصير ليمون .
ايمن: شيخة اعرفك على صحبي عبدالملك عبدالملك هذي بنت عمي شيخة .
شيخة:* بنظرات استغراب لمشاري لانه صحبههم م طالع فيها حتى ..* تشرفنا .. منور البيت .
ايمن:* أبتسم من ذوق شيخة ..* عبدالملك طالع عادي تراها لابسة طرحتها .
شيخة: ههههههههههه .
عبدالملك:* توقعاتكم صح أنا م كنت ابغاها تشوفني .. كنت خايف من ردت فعلها أكيد راح تعرفني لكن رفعة راسي وابتسمت ..* مشكورة بنورك الشرف لي .
شيخة:* ضحكت ضحكة خفيفه وطلعت نفس خفيف ..*
مشاري:* باستغراب فكاهي ..* تعرفيه .
شيخة:*م توقعت للحظة وحدة انه ممكن يكون عبدالملك قالت ببرائة صحت ندم عبدالملك على مقلبه ..* لا بسس سبحان الله نسخة من واحد اعرفه حتى نفس الاسم .
ايمن: ههههههههههههه لا يكون هو .
شيخة:هههههههه لا الله يرحمه توفى قبل سنوات .
ايمن: الله يرحمه اسف .
شيخة: آمين .. لا عادي .
عبدالملك:* م قدر يبعد عينه عنها هي لسى متذكرته حط عينها بعينه ونسى انه شيخة تكشف كل احد من عيونه ..* الله يرحمه .
شيخة:* بدأت تطالع بعيونه حاولت تمسك نفسها عن انه تقوم شكوكها التفت لمشاري وايمن..* آمين .
ايمن:* ببرائه ..* عبدالملك طبعاً مال اموا صلاح بالطب هو يشتغل بإحدى الشركات المتخصصة بالنفط .
عبدالملك:* بتوتر م قدر يخفيه ..* أشبنا ياهو ل..لاا تصدعها بذا الكلام .
شيخة: لا أبدا .. كويسس المناصب هذي م ياخذها ناس متخرجين الحين اكيد عمرك فوق ال20 .
عبدالملك :* زي م توقعت بدأت تشك ..* ها .. ايه
ايمن: عمره 29 تقريباً او 30 شيء زي كيذا .
شيخة:* تنهدت وابتسمت وشربت كاستها وم بينت اي ردة فعل وهذا الي قلق عبدالملك أكثر ..* العمر كله .
عبدالملك: وياكي مشكورة .
مشاري: ايوة اش ذي الأوراق .
شيخة:* بتجاهل كبير لموضوع عبدالملك ..* جدك يبي يجلطني فيها امسك أقرء بنفسك .
مشاري:* وهو يضحك من ردت فعلها بدأ يقرء ..* لا .. اشش راح يجلطك بمشروع زي كيذا .
شيخة: تراني خريجة ثانوية يعني خلال اسبوع ي تفلس الشركات ي تطلع لفوق .
مشاري: ههههههههههه صراحة دام جدي سو كيذا معاناتوا انتي قدها .
شيخة:* وهي تاخذ منه الأوراق ..* اها أوكك نفس الكلام .. ع العموم كان أمر من جدي مو طلب .
ايمن:* بضحكة ..* ههههههههههههه معناتو طايحة طايحة .
شيخة: عليك نور .
مشاري: هو أكيد راح يتكلم معاكي .
شيخة: اكيد .. يلا انا لازم اقوم اطلع لعماتي .
مشاري: شكله البنات كمان عندها استئذن ايمن عبدالملك بروح هناك وارجع
ايمن + عبدالملك: اذنك معك .



-

أنك تخفي نظراتكك عن انسان انت مشتاق له سهل .
بس انك تخفي الكلام الي تقوله عيونك هذا الصعب .
سمر كانت تخفي حبها لسنوات بسبب انه أيمن م كان مفتح عيونه علشان يشوف الحب الي بعيونها ي ترى ليش !
عبدالملك عيونه كانت تقول شيء ي ترى قدرت شيخة تقرئه ولا هو م أعطاها فرصة تشوف عيونه تمام ؟!
واش راح يصير واش راح يتغير لو راحوا المزرعة
تابعوا علشان تعروفوا


*. قرآءة ممتعة *




البارت ال 11#


الحديقة الخارجية #


ام سليم:* بابتسامة ..* هذيك بنيتي جت .
مرام: كانه معاها مشاري .
سمر: شكله تقابلوا عند البوابة .
عايدة :* حطت طرحتها على شعرها البني الاشقر الناعم الي لايق على لون عيونها العسلي ..* شكلهم طاقين الميانة .

...

شيخة:* بضحكة ..* بالعكس هي ماهي زي زوجات الأب الاشرار على قولتك .
مشاري: جد ؟!
شيخة: يب يب .. من اول يوم جيت فيه قالت لي لو تناديني أمي احلى من انك كل مرةة تتنجنبي تناديني لانك م تعرفي لي اسم .
مشاري: جد كنتي تتجنبي تناديها ههههههههههههه
شيخة: ايوةة مرةة كنت اتجنب وبعدين بعد اول اسبوع صرت اناديها يمة .
مشاري:* وقف وحط يده في جيوبه ..* وخالتي ام سليم تستاهل هالكلمة .
شيخة: تستاهلها أكثر من الي جابتني .
مشاري:* كلمتها أثرت فيني كملت مشي ..* على فكرة كلامك يخلي الواحد يحسك 30 سنة .. من كثر م انه تباني عاقلة .
شيخة: شيء سيء ؟!
مشاري: بالعكس حلو .. آمم لاحظتي انه عبدالملك اتوتر اول م جبتي سالفة صحبك الي اتوفاة
شيخة:* بعد فترة من السكوت بنظرات حادة ..* أش تبي توصله مشاري ؟
مشاري : حاسس في كذبة لانه الصدفة ما تجي انه يكونوا نسخة عن بعض .
شيخة:* كنت متوقعة هو ذكي جدآ ..* المطلوب !
مشاري : تحكيني وانا بتاكد .
شيخة:* بدات تتكلم ومشاري كان مقتنع تماماً بكلامها وبتعرفوا بعدين على ايش اتفقوا ..*

...


شيخة:* وصلنا عند طاولتهم وهي تبتسم باست راس جدتها وباست راس ام سليم سلمت على بقية عماتها وسلمت على البنات ..*
ام سليم: أش صار مع يوسف بالمستشفى .
شيخة:* وهي واقفه وتحط اشيائها بالطاولة ومشاري واقف جنبها عند امه ..* لا يمة مشاري الي كان موجود يوسف كان عنده موعد هو وخالد ..والحمدلله كل شيء تمام .
الجدة حواء :* بضحكة ..* الحمدلله ي بنتي .. وين كنت فيه ي ولدي
مشاري: كنا انا وايمن وواحد من أصحابه بالمجلس جوا ولما دخلت شيخة سئلت الخدم وقالوا انك برى معاهم فسمعنا وجلسنا جوا شربنا شيء بعدين جيت معاها .
ام محمد: هههههههههههه قصة طويلة .
الكل: هههههههههههههههههههه .
مشاري:* وهو يبوس راس ملاك اخته ويبوس خد مرام ..* هذا وأنا مختصر .. ههههههههههه كيفكم .
ملاك: تمام الحمد لله .
مرام: تمام وانت.
مشاري: تمام جهز الكل شنطوا .!؟
ام عمر: ايوةة ي ولدي .
مشاري: طيب بروح لشباب واجيكم ثاني.


..

ايمن: اشبك تشقلبت اول م جات .
عبدالملك : من قصدك .؟!
ايمن: بنت عمي شيخة .. اوك ادري انها حلوة ولها حضور وكريزما ومن ذا الكلام لكن انت اتلغبطت بشكل غريب .. بالذات لما جابت سالفة صحبها الي توفى وجات الصدفة انك نفس اسمه ونفس شغله والي شفته من عيونها نفسس مهنته وعمره كمان .
عبدالملك: اش تبي توصل له .
مشاري: يبغى يوصل لـ انه يشك انه انت عبدالملك الي كانت تتكلم عنه .
عبدالملك:* شاف مشاري يقعد ..* هي قالت لك شيء ؟!
مشاري:* ما بين توتره من السؤال ألف كذبة سريعة وقال ..* الحين لا .. بالصدفة كانت تكلم اختي بذا الموضوع ببيت جدي وهما بصالة الرقص ومحد كان سامعهم.. كانت تتكلم كانها توصفك .. مو أنت تحب الشاي من غير حليب وتتقرف لما تشربه بحليب قالت ذا الشيء واكبر دليل انك الحين تشرب شاي من غير حليب .. مو تكتب بيدك اليسار قالت هالشيء.. مو كنت تدرس بالسعودية وجيت هنا تشتغل ابشرك م نست هالشيء بعد .. وتحب تصور بس بكميرة كانون .
عبدالملك :* بصدمة ..* ايشش .
مشاري: انا سمعت هذا كله منها وانت دخلت بدائرة الشك بعيني .
أيمن: ممن جد هذي اشياء صح ومشاري م يعرف كل هالاشياء ؟! .. فهمني ي عبدالملك ابغا أفهمك هي من وين تعرفك وليش تحسبك ميت ؟!.
مشاري: تعرفه عن طريق الفيس كانوا اصحاب مرة مع انه م شافها ولا سمع صوتها حسب م حكت لسمر ولأختي ملاك .. تعرفت عن طريق الفيس وبعد سنة ونص من صداقتهم بتاريخ 3/28 جاها خبر وفاتك بالبي بي عن طريق ولد عمك وبعدين في وحدة قالت انها خالتك مع العلم انه عندك خالة وحدة كلمتها وأكدت لها الخبر. . تدري كيف حفظت التاريخ وم نسيته لانه تاريخ عيد ميلادك الي احتفلنا لك فيه مع ايمن .. كانت حافظة كل شيء قالت انها كانت منتظرة شهر ابريل كله انه يجيها اي احد ويقلها انه هذي كانت كذبة ابريل صح انا سمعت كلام م لازم اسمعه لكن اثارني الفضول اول م وصفتك .. الي ماني فاهمه انت ليش كذبت عليها وقلت لها انه انت ميت بحادث سير.
عبدالملك :* بحزن ..* انتوا م راح تقولوا لها حتى لو قلت لكم .
ايمن:* بصدمة ..* صح ذا الكلام كنت قاعد تكذب هالسنوات عليها .
مشاري:* انا ماني فاهم ليش قاعد اساعدها كيذا في شيء جوايا يجذبني اني اساعدها ..*
عبدالملك : هالكلام صح بس والله والله كان مجرد مقلب وكبر كانت كذبة ابريل جد بسس مدري كيف نسيتها .. نسيت انها من الي مقلبت عليهم وانشغلت بجامعتي وم قلت لها.
ايمن:* بصدمة ..* هذي بنت عمي والي يقهرها معناتو قهرني ابوها مثل ابوي ابوها رباني مثل ابوي واي واحد من عيال العائلة راح يقول نفس الشيء كلنا كبرنا واحنا متربين انه في اخت من خواتنا بعيدة عننا ويوم تجي تكون انت سبب بحزنها .. مو كفاية الي كان يصير لها عند أمها جيت انت كملت عليها جدي بكبره يوصينا عليها قالها اعتبريهم كلهو اخوانك وسندك محد فيهم راح يخلي ظفر يمسك لو درى انه صحبي.. اشش راح نقلها اعز اصحابي كان اكثر واحد كذب اكبر كذبة صارت بحياتك .. عبدالملك انت كيف قدرت تعيش هالسنوات .
عبدالملك: لالالا انا كنت اتطمنن عليها عن طريق بنت خالتي شموخ تدري انا بعد م مر سنة على الموضوع بنت خالتي راحت واتعرفت عليها .. كنت اتطمن عليها من بعيد الموضوع بداء صغير لكن بعد موتي عرفت انها دخلت بكابوس عرفت انه صار لها ستة شهور بعد موتي كانت منعزلة ولا مهتمة بدراستها .. كيف تبوني ارجع لها اقولها كذبة ابريل كنت امزح .
مشاري:* بعصبية وبصدمة ..* معقولة في شباب حقيرين لذي الدرجة م يقدرون الصداقة .. الي م يحترم هذي الانسانة كيف راح يحترم ايمن او غيره الي م قدر الصداقة الي خلتها لمدة 6 شهور تنعزل كيف راح يقدر اي صداقة ثانية .. طحت من عيني ي عبدالملك .

..

خالد:* وهو يوقف بعيد عن العائلة مع شيخة ..* اش في ساحبتني .
شيخة:* وهي تضرب اخوها ع كتفه ..* ي حشيش انت تحبها ؟!
خالد: قصدك ملاك؟ !
شيخة: في غيرها .
خالد: لا والله مافي غيرها احبها هي بس .
شيخة:ههههههههههههه ليش م تتقدم لها .. ع فكرة هيا اسم على مسمى مثل البلسم ينحط ع الجرح يطيب .
خالد: ادري ي شيخة الود ودي اليوم قبل بكرة بس انا للأن م قدرت أقعد معاها حتى صار لنا زمان م قلنا لبعض كلمة حب وحدة وتبغيني اخطب .
شيخة: احنا رايحين المزرعة بضبطك هناك مع البنات اعطيهم رشوة علشان يخلوك تكلمها ههههههههههههه
خالد:* بضحكة قوية وهو يحضنها ..* ي بنت .. انتي من وين لك هالجنون .
شيخة:*حضنت خالد بضحكة وبعدت عنه بعد شوية..* خلينا نروح .
خالد: استني بسئلك شيء ؟!
شيخة: !؟
خالد: راح تنبسطي لو جات ملاك بيتنا .!
شيخة: راح انبسط لما اشوفك معاها ببيت واحد وماليكم الحب .. ولو جات بيتنا يكون احسن .
خالد: طيب .. يلا ابوي واعمامي وصلوا امشي .

الجد عبدالله : شيخة يبة ابوكي يبغاكي شوي .
شيخة:* وقفت من الطاولة ..* وينه .!؟
الجد عبدالله: في المجلس حق الرجال .


شيخة:* مشت للمجلس وم انتبهت انه في ثالث بالصدفة راح يسمعها هي وأبوها ..* أمر يبة اش كنت تبي .
ابو خالد* بحنان ابوي ..* تعالي يبة جلسي جنبي تقدري تشيلي حجابك مافي احد راح يجي الكل بالحديقة.
شيخة:* قعدت بعد ما خففت حجابها ..* اية .
ابو خالد: اعمامك وانا وجدك لاحظنا شيء .
شيخة: عسى م شر .
ابو خالد: راح اقلك بكل صراحة من غير بف ودوران.. في البداية لما جيتي كنت تنفري مننا لما نحط أيدينا ع كتفك علشان نتصور او علشان نطبطب ع كتفك .. كان جدك بحكم انه كان طبيب نفسي يشوف الخوف بعيونك من قربنا احنا الرجال .. مع انه كنتي عادي مع الحريم ومع بنات اعمامك بالعكسس تداخلتي بسرعة حتى مع عيال عمك واخوكي طبعاً خالد كنتي تنفري منه مرات لانه كان يحضنك لكن عيال عمك م كانوا يقربوا علشان كيذا تعودتي على جوهم بسرعة وهما نفس الشيء يمكن ذا الشيء لانه هناك كان عندك زملاء شباب بمدرستك .
شيخة: اي يبة كان عندي اصدقاء شباب بسس طبعاً بحدود .
ابو خالد: طيب ليش اعمامك تفزي منهم .
شيخة: م كنت متعودة على وجود رجال حولي هناك .
ايو خالد: انا أدري انه خوالك نصهم رجال .
شيخة:* حطت يدها على وجهها وبكاء مثل الأطفال بعدت عينها عن عين ابوها ..* م كانوا خوال هذولاك .
ابو خالد: كانوا يسو شيء ي بنتي ؟!
شيخة: غير انهم يهينو فيني وامي م تتكلم .. بسس مو هما الي كانوا يسو شيء .
ابو خالد:* فتح بدلته وهو يحط يده على راس بنته بطبطبه ابويه ..* ليشش تبكيي ي بنتي .
شيخة: لانه لما اتذكر الي كانوا يسو واشوف الي تسويه انت عرفت انه جد الواحد من غير اب يعني ولا شيء بالذات لو كانت امه ما تدافع عنه .
ابو خالد:* حضن بنته ..* اش كان يصير .
شيخة:* بشهقات ..* مجرد لمسات من أزواج خالاتي .. انا احسن من غيري من البنات كانوا بسس يلمسوني مع انه كان عمري 11 سنة او 10 سنوات .. م كنت اقدر اقول لامي لأنها اكيد م كانت راح تصدقني . غير العذاب والاهانة والسب والشتم انه م عندي أب .
ابو خالد:* باس راس بنته بصدمة ..* لا حول ولا قوة الا بالله العلي العظيم.هذول مو أهل .
شيخة:* وهي تبعد عنه ببكاء ..* لا هي الي ما كانت ام تخاف الله هي الي م كانت قد مسؤلية الأطفال هي الي كان بس همها الفلوس واول م جابت ولد من زوج غني ثبتت ع الورث فتركتني كان بسس همها الفلوس انا اشش كان ذنبي انه الله خلقني بنت .. كانت تستحي تدخل بين مجالس الحريم ويتكلمون عني يبة كانت تستحي مني .. اشش من ام هذي كانت أكبر عدو لي واكبر ضرر .. اكيد ماراح اجي هنا واتطمن لهم كلهم خوفتني من كل الناسس .. اذا امي كانت تكرهني كيذا من راح يحبني اذا امي ما كانت طايقتني منو راح يطيقني اذا هي م احترمتني منو بيحترمني اذا م قدرتني كيف بيقدروني الغريبين .
ابو خالد:* ببكاء وهو يحضن بنته ..* انا جنبك الحين وانا افتخر فيكي ولما ادخل بمجلس م اتكلم الا عنك وانا رافع راسي .. امسحي دموعك وخل نمشي ومن اليوم ورايح كلنا أهلك .
شيخة:* قامت وهي ماسكة طرحتها ..* بروح اغسل وجهي .
ابو خالد:* قام وطلع ..* طيب .


مشاري:*قعد وقت واقف يستوعب الكلام الي سمعه .. يالله هذي البنت من كل جهة مصيبة تجيها وصحتها احسن مني ومن مليون واحد .. غموضها وغرابتها جاين من ورى الضغط النفسي الي مرت فيه ..*
شيخة:* فتحت الباب الثاني للمجلس علشان تلتفت يسارها وتشوف مشاري واقف وحاطط يدينه على وجهه حطت طرحتها ع راسها ..*
مشاري:* فجع اول م شافها بهدوء شديد ..* انا م كان قصدي اسمع اي شيء بسس صوتك كان عآلي .
شيخة:* مشت من جنبه من غير م ترد عليه ..*
مشاري:* وقفتها ومسكت يدها وانا حاسس انه لأول مرة انا افقد السيطرة على نفسي واتصرف خارج حدود عقلي رفعت يدي الاثنين ومسحت دموعها الي بعيونها وع خدودها ..* محد فيهم يستاهل تبكي بسببه .
شيخة:* مسكت يدينه ونزلتهم قلت بصوت مبحوح من البكاء ..* ما ابكي بسبب احد .
مشاري:* رفع يدينه كانه الشرطة بتقبض عليه بس علشان يطمنها انه م راح يمسكها ..* اجل ليش الدموع .
شيخة: نفسي تستاهل اني أبكي عليها او بسببها .
مشاري:* طالع لها نظرات شفقة على حالها بسس ردت فعلها كانت قوية ..*
شيخة:* بعصبية ورفعة حاجب وهي تطرقع اصابعها تحذيرا وتهديدا له ..* أقسمم بالي خلقني لو ناظرتني بذي الشفقة ثاني بتشوف شيخة ثانيية .. لا تطالع فيني كيذا بتكون اول وآخر مرة اشوف هالنظرات بعيونك .
مشاري:* بصدمة ..* م..ما كان قصدي .
شيخة: ما يهمني اذا قصدك او ﻷ المهم م تتكرر .
مشاري: ليشش الشفقة مو حرامم .
شيخة: عزة نفسس تحرم الشفقة .
مشاري:* كنت شايفها وهي تمشي بعد م شبه علمتني درس استغربت لانه م عمره بنت كلمتني عن عزة النفس اقصد م عمره بنت حست أنه اهنتها واقرب شيء عايدة لما باستني بعدت عنها م اعتبرتها إهانة بالعكس كملت كلام معاي ي ترى لو كانت شيخة مكانها كانت اكيد قطعت العلاقة لانها حست كرامتها انهانة ولو انها مستحيل تبدأء تبوسني .. انا ليشش قاعدة اقارن بينهم اشبك ي مشاري ..*

-

يمكن مستغربين ليش شيخة م تحب تفضفض او تتكلم لأي أحد .. يمكن لانها تدري محد راح يفهمها غير ربها ولا يفهم هي اش جالسة تمر فيه .
لكن لسوء حظك الأجزاء الجاية ماراح تكوني بخير ي شيخة .
تابعوا علشان تعروفوا اش بيصير معاها ومع بقية الأبطال .

* قرآءة ممتعة *

البارت ال 12#


سمر:* بقهره ..* م يهمني اي شيء غير انه اعرف اشبه اخوكي روحي بسرعة اسئليه وتطمني عليه من يوم م وصلنا المزرعة قاعد لوحده .
منى:* وهي تهدي سمر ..* ي قلبي لازم ياخذ خصوصيته م اقدر اسئله ووهو متضايق كيذا .
سمر: آروح انا اسئله مثلاً .. لو سمحتي روحي اسئليه .
منى: طيب بكرة الصباح بسس ناكل الفطور بطبع اكلمه وعد بسس اهدي الحين .
ملاك:* باستغراب وهي تدخل غرفة منى ..* اشبها .
سمر: م راح يجنني الا اخوها .
شيخة:* دخلت بعد ملاك ..* روقي يمكن عنده شيء مهم .
سمر: أهم مني بكثير .
ملاك: هو م يعرف حقيقة مشاعرك اتجاهه طبيعي ماراح يعطيكي إهتمام كبير .
شيخة: بالضبط .

..

مرام:* وهي تبعده عنها ..* ياسر لا يشوفنا أححد .
ياسر:* سحبها لحضنه ..* م حبكت كل العائلة تنزل للمطبخ علشان يشوفوني احضن حبيبتي الي وحشتني .
مرام:* وهي تحضنه ..* احضنها بسرعةة لا يجو عليك .
ياسر: مروم حبيبتي احنا مو قاعدين نسوي شيء غلط اوكي .. انا قلت لكي محد راح يلومني لاني أحبك ومستعد اليوم اخطبك بس.
مرام:* وهي تتنهد ..* ادري بسس بدري علي .
ياسر: ونتزوج وتطبخي لي .
مرام: معرف اطبخ تبغاني احرق البيت أوكك .
ياسر:* وهو يبوس يدها ..* المهم تكوني جنبي .
مرام: انا جنبك طول الوقت .

...

شيخة:* شافت مشاري وهي بطريقها للبنات رفعت حاجبها ومشت من جنبه ..*
مشاري: اسمعي اسمعي أدري انك زعلانة لانه ناظرتك بشفقة .
شيخة:* بحدة ..* حابة اذكرك دكتور مشاري انه انا بلغتك برأي بذا الموضوع اول وطبعاً ماني حابة اعيد كلامم فيهه .. نظراتكك ي ليت تتحكم فيها اكثر لاسيما انك سمعت كلام شخصي وشخصي جداً .
مشاي: وحاب اذكرك انه انا مشاري ولد عمك مو الدكتور وما يحتاج الرسمية ذي وكنت جاي من عبدالملك وكنت حاب اقلك شيء وبالصدفة سمعت.
شيخة: والحين ليش انا وانت واقفين نتكلم عن ذآ الشيء لو تبي تتكلم الحين لا تتكلم لاني ماني طايقة نظراتكك لي .. سوري ع صراحتي الي يمكن تعتبرها وقاحة لكن عند الشفقة وما اتحمل اشوف احد قدامي .
مشاري:* اش مكشلتها ذي البنت كل مرة تسيبني وتمشي والله طحت ومحد سما عليك ي مشاري ابتسم وهو يشوفها تمشي بعيد عنه ..*



...


أيمن:* دموعه خلته م يشوف انه سمر الي واقفه فوقه..*
سمر:* كان قاعد عن المسبح راحت له وبطبطبه حنونة ..* أشبك ي ولد العم !
آيمن:* ببكاء حاد وهو يحاول يوقف ..* أمل ماتت .
سمر:* طاح بحضنها و بصدمة ..* أمل مين وكيف ماتت ؟!
ايمن: ماتت بحادث سيارةة كان يسوقها واحد كلب معصب اسمه سامي ودخلوا حادث وماتت .. امل روحي امل حبيبتي امل قلبي .
سمر:* نحر قلبي بكلمة امل حبيبتي جد امل حبيبته يعني هو يحب وحدة ثانية جد طبطبت عليه وهي محتاجة الي يطبطب عليها ..*
ايمن: كنت راح اتزوجها كنت بعرفها على ابوي هالفترة والله كنت ابغا اتزوجها ليش راح وتركتني.
سمر: استغفر الله العظيم .. الاقدار بيد الله ي ايمن لا تقول كيذا بتكون بخير وهي رحمة الله بتحتويها أدعي لها بسس .

...

شموخ:* بصراخ ..* أيييييييشش .. قابلتها ..اكيد عرفت وقلت ل عيال عمها ياربي ياربي منكك .
عبدالملك : انا كنت اساسا متوتر وكان لازم أتكلم .
شموخ:* كانت تضربه ع كتفه بعتب ..* مو بعيد كل الي قاله مشاري لك هي الي قالته له علشان تتأكد طحت بفخ ذكاء شيخة .. حسبت بالك راح تمشيها بك انك خليتها مثل الغبية لاربع سنوات والله م بتهونها لك ابدا.
عبدالملك: راح تنسى وتسامحني لاني ولد عمها وصديقها وإنسان كان يحبها .
شموخ: تكره اي احد يخون الصداقة .. والحب اكتر واحد تدري انها مالها بذا الطريق ولد عمها شيء غير مؤكد فشقلب ابركك لك .
عبدالملك: أنتي عندك شك اني ولد عمهم .!؟
شموخ:* بعصبية ..* أنا اصلا عندي شك انه انت إنسان طبيعي .. عندي شك وكبير كمان انك من ذيك العائلة لاني م عرفت بال سيف ناس م يراعون مشاعر احد .
عبدالملك : ليش وانتي اش عرفك بأل سيف .. ايهه صح نسيت معشوقك هناك طبيعي تكوني تعرفيهم واحد واحد بسس للاسف هما م يعرفونك وعلشان لا تعيشي دور الي خايفة عليها وعلى مصلحة ذي العائلة .. انتي م اتعرفتي على شيخة الا لما عرفتي انها من أل سيف .. وانبسطتي أكثر لما عرفتي انها أخت الي تمشي على تراب رجوله.
شموخ:* من عصبيتها رفعت يدها واعطته كف ..* خالد صح انه يهمني وصح اني اتعرفت على شيخة اكثر لما عرفت انه اخوها .. بسس انا أحب صحبتي شيخة .. وأكبر دليل لما عرفت انها عايشةة مع امها مو مع ابوها وانها م تتواصل مع اخوها كنت اقدر اقطع العلاقة لكن م اخون الصداقة مثلك .
عبدالملك:* مشى عنها بكل عصبية ..* قولي لخالتي بجيها بعدين .

...

عايدة:* وهي تحط القهوة للبنات ..* ايوة اتضاربنا انا ومشاري .
منى:* بقلة صبر ..* كالعادة انتي الي عصبتيه .
مرام: من جد انا اعرف مشاري م يبداء مضاربات مع بنات!
شيخة: اعطوها فرصة تتكلم .
عايدة: بسبب المسبح لما نزلت شيخة اش دخلني يعصب ويهزئني .
ملاك: اكيد بيعصب طلعتي قدام الكل عديمة مسؤولية وهذا شيء م يخلي اي واحد يرتاح لما تكون خطيبته كيذا.
عايدة:* بضحكة ..* هو كان معصب علشان شيخة مو علشاني .
شيخة:* وهي تحط كاستها ..* لاالااا لا تبدائي بالتفكير هكذا .
عايدة: كلميني عربي يرحم امك .
ملاك: أش ذا الكلام انه عصب علشان شيخة ترى انتي قاعدة تكبري الأمور .
عايدة :* بعصبية شديدة ..* أنا بست اخوكي لأول مرةة وكانت ردت فعله صادمة انه بعدني عنه .
شيخة:* غطت وجهها بيدها احراجا من كلام عايدة ..* تدري ..هذ..هذي مو مهم يعني اقصد.. قصدي مو لازم تاخذيه بعين الاعتبار صح صح بنات صح مو .
ملاك:* ابتسمت من حرج شيخة وصراحة كلنا انحرجنا من انه مشاري بعدها لما باسته ..* يب يب يب صح صح .
سمر: صح صح اكييد م كان مروق صح صح
منى: او انه استحى ايه استحى .
مرام:ايووووة صح استحى صح شكله.
عايدة:اش تحسون فيه ترى م ضايقني الموضوع لذي الدرجة علشان ترقعوا كيذا .
مرام: بسس جد مشاري م قد باسك؟!
شيخة: وانتوا البوسس عندكم عادي محلل .
الكل؛ هههههههههههههههه .
عايدة: صراحة من مشاري غير .
شيخة: لا يروح امك طول م تفكري كيذا والله ماراح يعطيكي وجه ولا راح يبوسك .
عايدة: كيف ؟!
شيخة: أثقلي .. غلي نفسك علشان لا يشوفك مجرد وحدة رخيصة مثل الي كان يعرفهم بانجلترى .. الثقل زين مع الي مثل مشاري ي قلبي لو اخوي خالد كنت بقلك لا تثقلي عليه هو لانه بيقدرك لكن مشاري لالالا من كلامك .
عايدة:* باستغراب واهتمام بنفس الوقت ..* اشش قصدك .. يعني اش اسوي بالضبط .
شيخة: تسحبي عليه .
عايدة:* بضحكة ..* تبغيني اتجاهله .. مشاري ممكن يتركني بأي لحظة اتجاهله !؟ من جدك انتي .
شيخة: انتبهي على كرامتك ي بنت عمي لانها لو راحت صدقيني لا مشاري ولا غيره بيحترمك .
منى: والله صح .. حبيت كلمتك ذي جد .
عايدة:* بتفكير أعمق ..* أنتي شايفتني عديمة كرامة.
شيخة: أنا شايفة انه علاقتك بمشاري نستك كيف الوحدة مننا تتصرف بكرامتها .
عايدة:* تنهدت ..*
شيخة: لو علاقتك فيه راح تنتهي انسي كل الي قلته .
سمر: ليش انتي تخافي لو مكانها.
شيخة: شخصيا مستحيل اخاف لانه شيخة ما تخاف تفقد اي شيء يأثر في كرامتها لكن بالنهاية انا شيخة وهي عايدة وكل شيي مختلف .
عايدة: صح كل شيء مختلف بس مع هذا انا أدري انه يحبني ويحبني مرةة كمان .


...


عمر:* وهو يتكلم بالجوال..* الموضوع راح ياخذ اسبوع او أسبوعين .
( مجهول ) : انت كيذا قاعد تطول .
عمر: هي مو سهلة وفلوس الشركات ذي بعد مو سهلين هذي ملاين ال سيف الي تبي تأخذها وتحطها يجيبك .
( مجهول ): بالنسبة لها هي ظروفها مع امها خلتها جد تحتاج لرجل جنبها فهذي سهلة انك تطيحها بغرامك وتلعب بعقلها علشان تلعب بعقل جدكم كالعادة الشيء الثاني هالملاين ماراح اخذها لوحدي واحطها بجيبي انت لجيبك نصيب .
عمر: اش م يكون ابغا العائلة ذي فلوسها عندي .. كلهم يسون انه الفلوس م تهمهم لكن م يدرون متى بتطلع وجوههم الحقيقية.
( مجهول) : اعتقد انت الوحيد الي لك وجهين بالسالفة ذي كلها ي صاحبي الحق حق ومو لازم اخبي .
عمر: ولا لازمم تقول .
( مجهول) : راح نتقابل بالشركة تعال يومم وزورنا .
عمر: م ينفع ابدا تعال انت المستشفى عندي كمريض وراح نقدر هناك نتكلم من غير م يشك احد .
( مجهول): تمم اجل اول ماترجع اعطيني خبر .
عمر: أوكك يلا بقفل الحين لازم أروح أقعد مع الأهل .
( مجهول) : طيب .. حاول تكلمها انت قلت من يوم ما جات م كلمتها .
عمر:اوكك سلام .


...

سامي:* وهو يحضن صحبه ..* الله يرحمها انا جد ماراح انسى انه انا كنت سبب موتها .
اشرف: لا تقول كيذا ي صاحبي هذا كان يومها وبعدين انت دخلت حادث وانت مو متعمد اكيد مو بسببك .
سامي: آلله يرحمها .. عرف زوجها ايمن بالسالفة .
آشرف: أيوة وانهار جدآ جدآ .. وبعدين مين مفروض يطبطب على مين !
سامي:* وهو يحضن اشرف الي بدأ يبكي ..* لالااتبكي صلي على النبي
أشرف:هذي اختي الوحيدة ي سامي اخر من بقى لي من أهلي .


-
البارت ال 13 #

دبي > تحديداً احدى المزارع .
7:20 ص .

ام محمد:* وهي تشرب شايها ..* ليش م تفطروا عدل.
ملاك:* كانت لابسة بلوزة بمبي وكانت البلوزة ما عندها أكمام لانهم بس حريم وبنطلون رصاصي وجزم سبورت سوداء ..* و انا شبعت بروح اساعد البنات بالمطبخ عايدة:* كانت لابسة برمودا (بنطلون للركبة ) اسود وقميص عودي وجزم عودية فلات ..* وانا بعد الحمدلله بالعافية .
الكل: الله يعافيك.


سمر:* كانت لابسة فستان صيفي مطبع بالورود بألوان صيفية مثل الاصفر والاخضر والازرق مع انه الجو شوي بارد لكن لبست فوقه جكيت قصير بالون الاخضر ..* ابوي يحب الحليب دافئ .
شيخة:* كانت لابسة قميص بني ودخلت القميص جوا البنطلون البيج الي عليه حزام بني مثل القميص وجزم سبورت بنية وهي ترتب كاسات الشاي..* في حليب هناك روحي سخنيه .
منى:* كانت لابسة بلوزة رصاصية كتف طايح والثاني علاقي على بنطلون جنز ازرق وجزم سوداء ..* خلصت الجبن روحي وديه .
شيخة:* بضحكة ..* اكره اربط شعري ذيل فرس اضرب نفسي اول م الف ضربه قوية
الكل: هههههههههههههههههههه .
ملاك: من جد حتى انا .
شيخة:* أعطت الصينية لملاك ..* الشباب بمجلسهم مع اعمامي صح .
ملاك: يب يب جيبي الصينية الثانية وراي محد فيهم قريب من المبنى تبعنا .
شيخة:* أخذت الصينية ومشت فيها لعند اعمامها مع ملاك ..*

الجد عبدالله:* بابتسامة ..* حي الله بناتي الزينات الجميلات .
شيخة:* حطت الصينية بابتسامة والبنات وراها حطو الصينياات ..* بالعافية .
ابو خالد: يعطيكم العافية ي بنات.
سمر: الله يعافيك عمي توصون بشيء ثاني .
ابو عمر: سلامتكم ي بنتي .. بسس روحوا قبل لا يجو العيال .
شيخة:* بأستغراب لملاك مشت ومرت من جنب ملاك..*مو قلتي مو هنا بيفطروا .
ملاك:* قفلنا باب صالة الأكل للرجال علشان نلتفت يمين ونشوف الشباب جاين ..* تاخرنا جو
منى:* بأمر ..* كل الي لابسين شبه عريان يرجعوا سمر قدمي إنتي وشيخة .. STOP
خالد:* وقف وهو يشوف شيخة من غير طرحة لف لشباب ..* اوقفوا ولفوا علشان البنات يمروا محد فيهم متحجب .
يوسف:* بضحكة لفينا واعطينهم ظهرنا ..* طيب لو لفيت اش بيصير .
ملاك: للالالالالااا مستحيل امر جنبهم وهما معطينا ظهرهم اش يضمني م يلفوا .
شيخة: لا تستهبلي ملاك اخوكي هناك لو واحد لف بيسفخه امششي .
ياسر:* بطفشش ..* لو سمحتوا مرو بسرعةة محد بيلف .
منى:* بنفس الأسلوب ..* لو سمحت خلك ساكت .
مشاري:* وقته ذا ..*
سمر:* مشت مع ملاك وتطمنوا البنات لما محد لف من الشباب ..*
عايدة:* مشيت مع منى وشيخة ورانا ..*
مشاري:* م انكر كنت اطالع بنص عين في شيء فيها يجذبني بس م حسيت الا بيد تلف وجهي تماما ع الجدار لفيت بكل سرعة بسس سبقتني ..*
شيخة:* لما لفيت وجهه محد شافني لانه كانوا الكل يطالعون بالجدار لكن لما شفته التفت جد م لقيت غير أخذ الكاب (طاقية الشباب ) من راس يوسف وحطيتها براسي علشان شعري لف مشاري ولفوا الشباب رفعت اكتافي وببرائه ..* انا اسفة بسس ولد عمكم عيونه صايعة .
يوسف:* انفجر ضحك بشكل مشاري الي انحرج وشيخة الي مشت ..* طيب كابي بيرجع .
شيخة: اكيد بيرجع بسس خل ولد عمك يحشم عينه علشان لا انجبر اخذه .
الشباب: هههههههههههههههههههههههههه
مشاري:* عض ع شفته وهو يشوفها تمشي .. ياربي اش قاعد يصير فيني تفشلت بسبب نظراتي ..*
ياسر:*بضحكة..* لذي الدرجة تبي تشوفها لا تستعجل زواجكم قريب .
مشاري:* بصدمة الكل استغربها ..* من هي ؟!
ياسر: عايدة ! مو كنت تطالع فيها .
مشاري:* مثل دور المنحرج وصدقوه الكل .. انا م كنت اطالع فيها جد شيء غريب ..*
الشباب: هههههههههههههههههههههههههه
خالد: حبيت المستحي امشوا بس .



البنات:* كل وحدة قاعدة بجهة من الضحك ..* هههههههههههههههههههههههههههههههههههههههه
سمر: ياربي ياربي بموت ضحك هههههههههههههههه شفتوا كيف صار شكله .
ملاك: هههههههههههههههههههه ياربي من جد حمر وجهه .
عايدة: هههههههههههههههههههههه ولا يوسف .
شيخة: هههههههههههههههههههه م ذبحني الاا يوسف قاعد مبقق عيونه ويضحك على مشاري ويكلمني واي .
البنات: هههههههههههههههههههه .
مرام: حكوني ايشش صار !
منى: الله لا يوريكي اش سوت فيه شيخة .. اتخيلي كان يطالع بعايدة بنص عين وشيخة ضبطت امهه بالكلام احرجته قدام الكل هههههههههههههههه .
عايدة:* بخجل ..* مشكورة انك م خليتيه يشوفني م كنت كاشخة .
شيخة: وانتوا عادي عندكم الشوفه حلال ههههههههههههه
ملاك: ياربي من اسئلتك هذي ههههههههههههههه .
شيخة: من جد انتوا غريبين .
عايدة: هههههههههه
مرام: بنات خل نركب خيل .
شيخة: انا معرف
ملاك: أنا بطلع معاكي كلنا نعرف .
شيخة : لا مستحيل اخاف .
عايدة:في هناك الي مسؤلين عن الأحصنة حطي طرحتك وتعالي .
شيخة: لا بلبس عباية واتفرج عليكم م بطلع .

...

ملاك: شيخة ارجعي ورى السور لا تتأذي .
شيخة:* رجعت وهي تشوف مشاري ويوسف وعمر يطلعون الاحصنة كمان بحماسس ونط ..* ياربي ذولا مو توهم ياكلون .
ملاك:* ضحكت ومشت بحصانها ..*
شيخة:* كانت تتمشى وصلت عند حصان م كان عنده أحد اول مرةة تقرب من حصان وتلمسه مع انه اكثر حيوان تحبه توها بتلمسس حصانها بسس حست بيد قوية جداً تمسك خصرها وتطلعها فوق حصان يمشي بسرعة ..*



مشاري:* خلال ثواني اختفى من تحت الأنظار اخذتها مكان بعيد عن المزرعة مدري ليشش بسس كان ودي كيذا كنت مقعدها قدامي ومن الخوف كانت ماسكة بقميصي ..* خلاص وقفت
شيخة:* بعدت عنه ..* أبغا ارجع .
مشاري: عندي كلامم مهم لكي .
شيخة: كلام مهم فوق حصان وبعيد عن المزرعة وبعدين ظهري كسرته بمسكتك ذيك .
مشاري:* نزل ..* اعتذر اذا.
شيخة: مو لايق عليك جو الاميركين .
مشاري:* ضحك بقوة ..* ههههههههههههه لاني قلت كلمتين .
شيخة:* عدلت العباية وطرحتها ..* اش في مشاري ؟!
مشاري:* مسكها من خصرها ونزلها ..*

مشاري:* وهو يمسك الحصان ويربطه بشجرة ..* عبدالملك صحب أيمن هو نفسه عبدالملك صحبك الي قالك انه اتوفى .
شيخة:* بعدم استوعاب ..* ايشش ؟!
مشاري: شيخة ركزي معاي .
شيخة: يعني عبدالملك ما مات .!؟
مشاري: ﻷ .
شيخة: طيب والي صار و..والناس الي كلموني و.
مشاري:* بكره في عيونه للكلام الي بيقوله ..* كذب عليكي .. أقصد عليكم كان في غيرك بنات وشباب .. امممم هو كان جد كذبة ابريل لكن الكذبة كبرت وصدقوها كثير وجات الصدفة انه كان عنده مشكلة بجامعته وانشغل عنك وقتها الكل عرف انه مقلب الا إنتي نساكي .. اقصد نسى انه إنتي كنتي من الي اتمقلب عليهم وبعدين انتي قطعتي كل الصلة طبعاً وم قدر يوصلك والي كلمتك على اساس خالته كذب كانت وحدة من الي يعرفهم .. بس قال انه لما كان يقلك احبك وانتي تصديه كان صادق .
شيخة:* كانت تسمع وتسمع وتسمع والنار تولع جواتها وبرفعة حاجب. .* كذب علي .. م احترم الصداقة ..كذبة أبريل .. نساني وفي النهاية يحبني .
مشاري:* بصدمة من ردت فعلها الباردة ..* ما تعصبي ؟! م تصرخي تطلعي قهرتك !! عادي م بنزعج .
شيخة:* ابتسمت باستهزاء ..* خلينا نرجع .
مشاري:* بقق عيونه مسك كوعها ..* أنا دكتور وماني حاب أشوف اعصابك تنفجر ويجيكي نزيف داخلي بسبب انه حضرتك منتي حابة تعصبي او تطلعي القهر .. غباء انه اطلب منك تعصبي العادة العكس .
شيخة:* بعدت يده ..* اعصب على شخص يستاهل مو على واحد م يحترم الصداقة وواحد كذاب يعني واحد جمع كل الصفات الي اكرهها ليشش تبغاني اعصب فهمني ؟ ..انا لو عصبت ماراح يكون بخير فبلاش .
مشاري: انتي جد مو معصبة ولا زعلانة .؟
شيخة:* بأبتسامة ..* مشاري انت ليش تبغاني اعصب .
مشاري: لانه استغفلك وقعدتي شهور بسبب انه احد من اصدقائك مات استغفلك .
شيخة: شكرآ والله انا متذكرة كل هالاشياء .
مشاري:* فتح حصانه وبعصبية ..* يلا امشي .
شيخة:* مسكت يده وطلعها وراه ..* يصير تعزموه يوم عندنا بالبيت .
مشاري: لاا كيذا انتي كريمة بزيادة ي هانم .
شيخة: طيب خفف السرعة .
مشاري:* وقفت الحصان فجاة وفلتت يد شيخة وطاحت من الحصان من ورى ..*


شيخة:* ضربت يدها بقوة بالأرض من العصبية وبصرخة لنفسها..* وجججججججع
مشاري:* بفجعة عليها ..* اشش صار .
شيخة:* شالت عبايتها بكل عصبية من وجعها من الطيحة ..* ظهري .
مشاري: لا تتحركي خليكي زي م انتي .
شيخة:* وهي تقعد ..* م انكسر انا بخير بس اتوجعت .
مشاري:* مسكها من خصرها ومن يدها علشان يساعدها تقوم ..* بتقدري تطلعي ولا .
شيخة: لا قاعدة أتوجع .
مشاري: اسف انا السبب كنت معصب ووقفت فجاة وانتي فجعتي .
شيخة: لا حصل خخير ..
مشاري:* وهو يمسح الدم الي طلع من يدها بسبب جرح سطحي ..* انتي جد تبي تعزميه عندنا ع البيت .
شيخة: انا عصبت مو انت كنت تبغاني اعصب !؟
مشاري: اذا م غيرت رأي اظن راح تسوين مصيبة .
شيخة:* وهي توقف ..* جيبه عندنا البيت بسس .
مشاري:* طلعا بشويش ع الحصان ..* انتبهي .
شيخة:* رجعني مشاري عند البنات..*

..

المزرعة > 11:00

ملاك:* كانت الأجواء بالمزرعة تجنن كانت العايلة متجمعة والحريم يسولفوا والرجال يسولفوا والبنات والشباب الكل كان مبسوط وبين المجلسين جدار قصير نقدر نشوف وجوهنا منه ..*
ياسر: ملاك سمعينا صوتك شوي .
ملاك:* بحياء شديد ..* لا .
شيخة:* بأبتسامة عريضةة ..* تغني ؟!
الجدة حواء : صوتها حلو .
شيخة: غني ابغا اسمع مقد سمعتك تغني .
ملاك:* وهي تلعن خير شيخة ..* انطمي .
شيخة: أعرف اعزف بيانوا غني وانا اعزف.
خالد:* بتصفير ..* ي جمالوا .
شيخة:* قامت عند البيانوا الأبيض الماع الي لما تقعد ع كرسيه علشان تعزف يجي وجهها بوجه مجلس الشباب نظراتها مثل وحدة دخلت بعالمها الي تعشفه..* أش تبي تغني .
ملاك: تعرفي أحاول .. أبدي اعزفي بعدين اغني
شيخة:*حطت اصابعها ع البيانوا علشان تبهر الكل بعزفها الي تعزفه وهي مغمضة عيونها ..*
عمر:* اول مرةة احد من عائلتنا يستخدم هالبيانوا بذي الروعة ..*

أحاول اخفي احساسي ولكن بالعشق مفضوح. تشوف الفرح في عيني واحبك بالعقل والروح.

أحاول اخفي احساسي ولكن بالعشق مفضوح.
تشوف الفرح في عيني واحبك بالعقل والروح.

أحبك حب ما اقدر اعاند فيه احساسي. .لقيت الحب شيء أكبر من اني اخذ انفاسي.
لقيت الحب شيء أكبر من اني اخذ انفاسي.

شيخة:* وقفت عزف بانذهال من صوت ملاك الي يجنن ..* WoW جد الله يحفظ صوتك على قد الي عزفت لهم وغنوا محد غنى مثلك .
ملاك:* باحراج ..* مشكورة .
الجد عبدالله :* بحكمة ..* ملاك الله عطاها صوت يحرق الأنفاس .
شيخة: من جد مشالله .
الجد عبدالله : واعطاكي احساس علشان تخلينا نتجنن بعزفك .. من وين تعلمتي العزف ؟!
شيخة:* بأبتسامة وهي تسمع المدح لعزفها قفلت البيانوا ..* انا علمته لنفسي لما كنت هناك م كانت عندي شغلة فتعلمته .
الجد عبدالله: الله يحفظكم بسس .
البنات : آمين


خالد:* أشر لملاك تطلع وطلعت بنفس اللحظة بهدوء ..*
ملاك:* مشت لفوق باستغراب من حركة خالد بس م مرت ثواني إلا وجا خالد في وجهها ..* خرعتني الله يسامحك .
خالد:* وهو يبوس راسها ..* صوتك كان يجنن .
ملاك: يجنن لانه يقصدك .
خالد:* قرب لاذنها و لاول مرة يغني بصوته الرجولي الحلو ..*
أحبك حب ما آقدر اعاند فيه احساسي. .لقيت الحب شيء أكبر من اني اخذ انفاسي. لقيت الحب شيء أكبر من اني اخذ انفاسي .. أخذتي انفاسي لما غنيتيها .
ملاك:* بابتسامة ..* ابشرك باخذها لك اكثر .
خالد: ايوة قريباً بتكون كل يوم .
ملاك: أيش؟!
خالد: أنزلي ع تحت بعدي وبتفهمي اش قصدي .



ملاك:* نزلت وقعدت جنب البنات ..*
ابو خالد: لو سمحتوا ابغا الكل ينتبه لي .
الجد عبدالله :* وقف كلام مع ولده ..* قول ي ولدي .
ابو خالد: طبعا كلمكم تدرون انه اخر زواج صار في عائلتنا كان زواج ولدنا محمد من بنتنا منيرة الي نورت بيتها الثاني .
منيرة:* بابتسامة وهمس ..* الله يسعدك .
ام محمد: هذا آكيد .
ابو خالد: أنا ابغى اخلي ولدي ثاني أفراح العائلة .
شيخة:* أبتسمت لما شافت الكل انبسط بالخبر ..*
الجد عبدالله : والله هذا خبر حلو انه خالد بيتزوج .
ابو محمد: ومين سعيدة الحظ الي تستاهل ولدك البار .
ابو خالد:* أبتسم بعرض ..* يبة خالد حابب تقول انت ولا أنا .
خالد:* بحياء ..* لا يبة قول انت .
ابو خالد: الي تستاهل ولدي وولدي يستاهلها هي بنتك ي اخوي ابو محمد .
ابو محمد:* بابتسامةة عريضة ..* الساعة المباركة يا اخوي .
ملاك:* كنت حاسةة قلبي بيخرج من مكانه م اتوقع اش ممكن تكون ردت فعلي لو قال اسمي ..*
ياسر:* قلبي كان يدق من الخوف انه تكون مرام المطلوبة ..*
ابو يوسف:* بفرحة ..* بسس أي وحدة


تابعوا علشان تعروفوا اي وحدة .

إنتهى البارت .