|
|||||||
| روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا |
 |
|
|
LinkBack | أدوات الموضوع | انواع عرض الموضوع |
|
#55
March 28, 2015, 12:42 PM
|
||
|
|
||
|
رد: رواية رشوا على قبري من دموع عينه للكاتبة علي شاطئ النسيان
فاديا : وعليكم السلام
فيصل: ويش فيك مكشره ؟؟!! فاديا : طفشانه فيصل يطالع ساعته : الساعه 3 وطفشانه فاديا : ايه امي اليوم غصبتني اروح معاها عند خالتي ..وراحت علي جمعة صحباتي فيصل: على بالي عندك سالفه ...الا ماشفتي ملوكتي وينها ؟؟؟ فاديا: لا اليوم ابد ماشفتها اكيد بغرفتها فيصل: اجل بااااااااااي فاديا: ياربي ..وينك ياعبدالله ... وينك ..كان فيصل عند الدرج فيصل : سمعتك ياحرم عبدالله فاديا: وخير ياطير فيصل: اقول ماراح يجي غير لما تحج البقره على قرونها فاديا : يااااااااااررررررررربي وغطت وجهها بالخداديه فتح باب الغرفه ويحس بهدوء فضيع وجو الغرفه بارد ..دور بعيونه عليها وشافها على السرير ..قرب وجلس على طرف السرير ومسح على شعرها فيصل: ملاك ...ملاك ...فتحت عيونها بكسل وتحس بالم ببطنها فظيع ملاك: فيـــــــ.......فــيــصل ...بطني ..ارتجف من سمع كلمتها فيصل بخوف: حبيبتي ويش فيك ؟؟ ويش تحسين فيه ؟؟ ملاك تتالم: بطني ...آآآه ..بطني تعورني ... فيصل يحاول يجلسها: اجلسي ياقلبي اجلسي ... ملاك بدت دموعها تنزل وحطت يدها على بطنها خافت انها تفقد جنينها : ما ابيه يموت ...ما ابيه فيصل مستغرب منها : من اللي يموت ؟؟ ملاك تمسك يد فيصل : فيصل ما ابي ولدي يموت ...تكفى فيصل وعيونه شوي تطلع من مكانه: ملاك انتي صاحيه ...واعيه للكلام اللي تقولينه ؟؟ ملاك تبكي : آآآآه بـــــطنـــي ...ما ابيه يموت فيصل يحاول يوقفها : قومي ..قومي نروح المستشفى ملاك : لا ماني رايحه ..هم راح يموتونه فيصل انهبل : مــــــــــلاك ..حبيبتي ويش فيك ..ماني فاهم شيء ملاك : اترني ..خلاص انا مافيني شيء ..مافيني شيء طلع بسرعه وراح لغرفه امه امه: ويش تقول ؟؟!! فيصل خايف ويرتجف: يمه تفين تعالي شوفيها ..مدري علامها امه: طيب طيب ...وبسرعه راحت معاه للغرفه ام فادي: يمه ملاك ليش تبكين ؟؟ ملاك: مافيني شيء ...بس كنت خايفه فيصل: تكذبين ..شوفي وجهك كيف واضح انك تعبانه ملاك: قلت مافيني شيء ام فادي : لا ياملاك لازم تروحين المستشفى ملاك ارتجفت بس سمعت طاري المستشفى: قلت لا يعني لا ....اخذ فيصل عبايتها .. فيصل: مو على كيفك ...بتروحين غصب عنك ملاك: لا ..لالا ما ابي فيصل: قلت بتروحين يعني بتروحين ..وخلاها تلبس العبايه غصب عنها ..وراحوا للمستشفى بغرفه الكشف فيصل : بشري يا دكتوره د: لا تخاف هذي الالم عاديه ..ولازم تتعود عليها المدام فيصل: يعني مافي شيء د: لا مافيها الا العافيه ...واحب اقولك ان زوجتك حــــــامل بتوائم فيصل انصدم : ويــــــــــــــــش؟؟ د: اللي سمعته زوجتك حامل بتوام والاشعه تاكد كلامي ..عشان كذا تتالم .. فيصل: .......... د: لازم تتابع اكلها وصحتها لانها ضعيفه شوي ومعاه فقر دم ..انا بعطيها ادويه لازم تستعملها الثلاث شهور الاولى فيصل: ان شاء الله د: وكمان تبتعد عن المنبهات والتوتر فيصل: ويش بعد د: النفسيه اهم شيء نفسيتها ... فيصل: اوكي مشكوره وماقصرتي د: الف سلامه وماتشوف شر بالسياره ملاك منصدمه : تــــــــــــــؤائم فيصل فرحان: من يصدق اول حسبناه واحد طلع اثنين ملاك تطالع ببطنها: هنا في اثنين ؟؟ فيصل: ايه ..حبيبتي من اليوم ورايح لازم تهتمين بصحتك .. ملاك:.................. فيصل: ليش ساكته ملاك: هــــــــــاه ..لا ولاشيء اكيد راح اهتم بنفسي لا تشيل هم فيصل: الادويه على وقتها ..والفطور والوجبات كل شيء راح ينتضم سامعه ملاك: طيب سوا اللي تبي فيصل: ملاك ياقلبي ايش فيك ...فيك شيء متضايقه من شيء ؟؟ ملاك: لا بس تعبانه ..ابي ارتاح فيصل: خلاص وصلنا .. بعد يومين لمياء : احلفي ملاك: والله... لمياء فرحت: مبروك ياقلبي مبروك ملاك: الله يبارك فيك لمياء: وكيف الحين احسن من اول ؟؟؟ ملاك: ايه احسن ...صح احس بتعب شوي بس الحمدلله على كل حال لمياء: عقبال ماتقومين بالسلامه ملاك: امين ...يالله لمياء بروح اشوف زوجي لمياء: اوكي باي قفلت الجوال ...واتجهت لمكان مكتبه وشافته منغمس بشغله ملاك: الى متى وانت منشغل عني ؟؟ فيصل يطالعه: انـــــــــــــــــــــا ملاك: ايه انت ماتحس انك ماصرت مثل اول ..ماعدت تهتم فيني الا لاني حامل فيصل: ليش تقولين هذا الكلام بالعكس تدرين انك اهم شيء بحياتي ملاك: انت تجاملني فيصل يترك الاوراق ..وقام وقف جنبها: اجاملك ..كل هذا واجاملك ملاك: ايه تجاملني فيصل : شكلك مره متاثره ..تعالي تعالي اجلسي ملاك: فيصل لاتتركني انا اخاف فيصل: تخافين من ويش حبيبتي ملاك: من كل شيء ....ابيك تكون جنبي مابي افتح عيني وما اشوفك فيصل يمسك يدها: ومن متى وانا اتركك ملاك: انا ما ادري كل اللي ابيه انك ما تتركني فيصل يضحك : ابشري ماطلبتي شيء بس هالشيء ملاك دموعها بعينها : ايه فيصل : ليش الدموع ليش ؟؟؟ انتي صايره حساسه ويش صاير لك ؟؟ ملاك تبكي بحضنه : خايفه ...خايفه فيصل: من ويش ؟؟ ملاك: اني افقدك .. انا ما اتخيل حياتي بدونك فيصل : ولا انا ..بس لاتخلين الاوهام تسيطر عليك ملاك: هذي ماهي اوهام فيصل: اجل ويش ؟؟ فهميني ملاك: اوووووف ايش فيك انت فيصل : والله انك متغيره صايره مزاجيه مرررررره ملاك: لاتكون بديت تطفش مني فيصل يطالعها : افاااااا انا امل منك ... ملاك: انا ادري عنك ؟؟ فيصل : لا والله ما امل منك ابد ...ويالله عازمك على العشاء ويش رايك ملاك فرحت : جـــــــــــد عازمني فيصل : والله ..يالله البسي ونطلع ... بعد ربع ساعه راحوا للمطعم ملاك: ووووووع الريحه تقرف فيصل: ياحووووول ؟؟ بديت حركات الحريم ملاك: فيصل خلنا ناخذ اكل ونروح مكان فاضي فيصل: طيب ماعندي مانع ....اخذوا الاكل وراحوا مكان فاضي خارج حدود الرياض فيصل: ويش رايك بذا المكان خطير صح ملاك: ايه خطير بس في ناس فيصل: ايه يطلعون كثير الشباب هنا ملاك: فــــــيــــــــصل فيصل : ياعيون وقلب فيصل ؟؟؟ ملاك:.... تحبني ؟.؟؟ فيصل : احبك واهواك ..واموت فيك ملاك: عسى عيني ماتبكيك فيصل: الله لايحرمني منك ..((يغمز لها )) يام ركوني ملاك: خلاص نويت العزم انه راكـــــــان فيصل: ايه راكان وزياد ملاك: طيب اذا كانوا بنات فيصل: اممممم جنى وغِنى ملاك: حلوه الاسماء .. فيصل: لو بيدي كان سميت البنت مــــــــــلاك ملاك: ههههههههههه لهدرجه فيصل: واكثر بعد ..بلاك ماتدرين عن اللي بقلبي ملاك: والله ادري ..ادري بالمدينه فارس: الله يتمم لها على خير ثامر: امــــــــيـــــــــــن فارس: ومتى قالت لكم ثامر: والله مذكر بس توي تذكرت وقلت اقولك فارس: والله اشتقت لها ...من راحت الرياض صرنا ماندري عنها ثامر: أي والله انك صادق عبدالله: تتكلمون عن مين ؟؟ فارس: بسم الله عليك طبات ماهي صاحيه عبدالله: اشم ريحه سالفه كذا او كذيه ثامر: الله يلوع كبدك ..بتسوي نفسك شمالي عبدالله: انا لا والله ثامر: اجل انطم عبدالله: والله انتم اللي عليكم دخلات غلط فارس: بس اسكتوا ثامر: الا شخبار زوجتك فارس: ماعليها تمام ..الا تعال اليوم فراس جاء له ولد عبدالله وثامر: بالله فارس: أي والله رحت وديت ابتهال لزوجته وسلمت عليه وباركت له عبدالله: مشاء الله تبارك الله ثامر: عقبالنا يارب .. فارس: امين عبدالله : امين يارب ببيت ام فراس ابتهال: يهبل مشاء الله يمه يجنن وصايف : يشبه لمين ابتهال: ماهي واضحه ملامحه بدري عليه ...الا تعالي ولدي متى بتولدينه وصايف: ههههههههه اصبري على بالك قطوه على طول اولد ابتهال: حشاك ويش جاب لجاب بس مشتاقه اشوفه وصايف: شهر او شهرين ابتهال : مافي قبله امها: على بلالك كل شيء سهل ... ابتهال: داريه والله داريه بعد اربع شهور كانت واقفه قبال المرايا وتشوف بطنها اللي كبر بسرعه وتتامله بحنان ..جاء فيصل وراها ولف يده على بطنها فيصل: ويش اللي شاغل بالك ...ملوكتي ملاك: افكر بكره اذا جاوا عيالك مين بتحب اكثر انا او هم فيصل: هههههههه اكيد انتي ..انتي الاصل ويش ابي فيهم ..واذا بحبهم بحبه بس للانك انتي امهم ملاك تطالعه بشك: ياخوفي كلامك كله يتغير ... فيصل: لا ياروحي والله اني راح احبك اليوم وبكره وبعده وحتى اذا جو احفاد احفادي ..قلبي ما يسكنه غيرك ملاك :.............. فيصل: ولاتشكين لحظة ان غلاك يقل بقلبي ...كل يوم يكبر اكثر واكثر كانت سرحانه بملامحه ..تراقب كل كلمه تخرج من قلبه قبل لسانه تحس بحبه اللي تملكها واسرها الى الابد ...وتحس بالامان معه معه وبين يديه نست او تناست كل شيء بحياتها في هذي اللحظه ..بدون شعور ذرفت دموعها فيصل: ملوكتي ايش فيك تبكين ؟؟ ملاك: خايفه من الولاده فيصل يمسك يدها : لاتخافين الله مع ..وانا ماراح اتركك بس لاتوسوسين من الحين ملاك: فيصل ابي اروح لابوي واخواني فيصل: اوكي بس مو الحين اجليها شوي ملاك: خلاص الوقت اللي تكون فاضي فيه ابروح لاهلي فيصل: اوكي ..خلاص بجهه ثانيه ماجد: فريده احسلك كلي خلي ولدي يتغذا فريده: ماني مشتهيه ايش فيك انت ماجد: بتاكلين غصب عنك مو بكيفك فريده: اوووووف منك ماجد: ليش انتي عنيده كذا فريده: وانت بعد عنيد ماجد: اجل بتاكلين والله ازعل عليك فريده تمثل عليه: وع ما احب هالاكل بس انا استحي اقول لك ما احبه ويغثني ..اخاف اثقل عليك بطلباتي ماجد: افا عليك اجل ويش تحبين الحين اروح اجيب لك فريده: امممممم ابي بسكوت شكولاته ماجد: وويش بعد ؟؟ فريده: وعصير فراوله وكمــــــــان شيبس ماجد: اوكي الحين بروح السوبر ماركت واجيب لك اللي تامرين فيه بعد ماطلع ...دوت ضحكاتها بالبيت كله فريده: يارب تخليه لي ...صدقني ...ههههههههههههههههههه مدري كيف جات ببالي مسكين يامجوودي اما بالنسبه لعبدالله عبدالله: ملاك تكفين كلميها قولي لها ابي اكلمها تراني خاطبها والشهر الجاي بملك عليها ملاك: اصبر طيب ايش فيك مستعجل عبدالله: ابي يوم املك عليها تكون متعوده شوي علي لما اقابلها ملاك: خلاص خلاص بقول لها الله يرجك عبدالله: الله يخليك لي ياحلى اختك بالدنيا ملاك: بس لايكثر هرجك صاير تغثني وبقوه عبدالله: ماراح ازعل من ..مراعي وضعك الحالي ملاك: يالله بروح اكلمها سيووووو عبدالله: على طول ردي علي ملاك: طــــــيـــــــــب راحت لغرفه فاديا بعد ماقفلت من اخوها ملاك: فاديا بكلمك بموضوع ازعجني فيه خطيب الغفله فاديا حمر وجهها : قصدك عبدالله ملاك تقلدها : ايه قصدي عبدالله فاديا تضرب يدها : قولي يالله ملاك: يقول يبي يكلمك قبل الملكه فاديا مستغربه : ليش ؟؟ ملاك: يقول يبي لما يشوفك تكوني متعوده عليه فاديا: والله مدري ويش اقولك ياملوكه ملاك: فكري زين وردي علي اوكيشن فاديا: اوكي قبل تطلع ملا من عندها فاديا: مـــــــــــــــــــــلاك ملاك: هـــــــــلا فاديا: ما ابي اكلمه الا بعد مايملك علي ملاك مستغربه : ليــــــــــــــه ؟؟؟ فاديا تقول رائيها : بصراحه احسن بعد الملكه لكن قبلها مستحيل عشان هو يعتبر غريب عني ومايحق له يكلمني ملاك تطالعها بحنيه : والله معك حق يا فاديا ..اجل بقول له كلامك وانا متاكده انه راح يحترم وجه نظرك فاديا : اتمنى هالشيء ... طلعت من عندها وكلمت اخوها على طول عبدالله سكت : طيب اجل بقم الملكه بخليها بعد اسبوع ملاك : يؤؤؤؤؤ لهدرجه مستعجل عبدالله: ويش يدريك انتي ..يالله بكل عمي ...سيوووو ملاك: الله معك كلم عبدالله ابو فادي وطبعا وافق وراح خبر ابوه عن الموعد اللي حده مع عمه ابو محمد: وليش قدمتها عبدالله : يبه ابي ......وسكت مايدري ويش يقول ثامر: يبه ولدك مستعجل لو بيده يسوي الزواج بكره الكل : هههههههههههههههههههههه عبدالله انحرج وقف بيروح غرفته: المهم انا قلت لكم وبس ... ثامر: هذا اللي مايبي يتزوج اول عبدالله: ويش دخلك انت وانطم ابر ك مضاوي: اول مره اشوفك منحرج يا عبوووود عبدالله : تصبحون على خير بعد اسبوع ببيت ابو فادي كانت ملكه عبدالله وفاديا .. لمياء: ملاك يالبطه تعالي هنا ملاك: ويش تبين لمياء: خلاص اجلسي ما ارتحتي خلي الخدم هم يسوين الباقي ملاك: بس يالمـــ....... لمياء: لابس ولا شيء نستي ان الدكتوره مانعتك من أي مجهود وانتي في بطنك اثنين مو واحد ملاك: جات الثانيه ما افتك من فيصل تجيني انتي لمياء: نحبك ويش نسوي ملاك: خلاص اذا بدوا المعازيم يجون اجلس ما اتحرك لمياء: طيب روحي زبطي شعرك ترى مابقى وقت ملاك: اجل بروح للغرفه البس وانزل لمياء: اوكي ... بعد ماطلعت لغرفتها ولبست تذكرت موعد الدواء واخذته وفتحت شعرها ..وراحت لفاديا بغرفتها وعنها الكوافيره ملاك: كيف عروستنا اليوم فاديا ترتجف : ملاك امانه لاتخليني مع اخوك لحالي ملاك: خخخخخخخخخخخ لا تخافين تذكرين يوم ملكتي ويش سويتي كل شوي تنكدين اليوم بنكد عليكم فاديا: ايه نكدي عادي ملاك: ايش فيك خايفه خلك عاديه ولاكأن شيء صاير مو تتوترين فاديا: غصب عني ياملاك اتوتر شيء جديد اول مره اجربه ملاك: بهذي كلامك صح ..بس والله راح تعيشين احلى لحظات حياتك فاديا : وين فريده ملاك: بعدها ماجات ...انا بنزل تحت تبين شيء فاديا: لا بس خلي سونيا تجيب لي كابتشينو ملاك: اوكي اذا بغيتي شيء كلميني فاديا : اوووكي نزلت تحت ولقت سراب زوجه فادي ملاك: ياهلا وغلا تو مانور البيت .. سراب : منور باصحابه ...سلمت عليها وعلى ولدها ملاك: كيف حالك ..ويش اخبارك سراب: الحمدلله بخير ...كيفك انتي وكيف الحمل معك ملاك: بخير الله يسلمك لمياء: ملاك كلمي فيصل 
|
|
#56
March 28, 2015, 12:43 PM
|
||
|
|
||
|
رد: رواية رشوا على قبري من دموع عينه للكاتبة علي شاطئ النسيان
ملاك: وينه
لمياء: عند الباب الخلفي ...وراحت لفيصل ملاك: هلا حبي ..بغيت شيء فيصل: لا بس ابي اتطمن عليك ادق على جوالك وماتردين ملاك : يوووووووووه نسيته فوق .. فيصل: مو تطلعين خلي مار تطلع تجيبه ملاك تبتسم له بحب : ان شاء الله ..اقول ابوي ماجاء فيصل: لا كلمت عبدالله يقول توهم ماشين من الفندق ملاك: طيب اذا وصلوا كلمني فيصل: خلاص ...انتبهي لعمرك ولاترهقين نفسك ملاك: لاتوصي ....باسها على جبينها فيصل: مع الــــــــــــسلامه ... وقبل مايطلع شاف باقه ورد على الطاوله واخذ الورده البيضاء وحطها على شعرها فيصل: كذا احلى ملاك: تسلم حبيبي فيصل: الله يسلمك ....رجعت للصاله ..وكان وقت العشاء بدوا المعازيم يجون ..اعمام فاديا وخوالها وصديقاتها وجيرانهم وصديقات امها وصديقات فريده دانا شهقت قبل ماتنزل عبايتها : حــــــــــــــــــــــــامـــــــــــــل ؟؟؟!!!! ساميه : من تقصدين ؟؟ دانا متفاجئه: ملاك زوجه فيصل حامل امال : وينها ؟؟... أي وحده دانا : اللي لابسه روب حمل وردي وسكري ساميه تدور بعيونها : أي والله ..هذي ملاك دانا شوي وتبكي : قـــــــــــهررررررر امال: انتي مانسيتي ...خلاص ارميه وراء ظهرك الولد تزوج وزوجته حامل ولاهو سائل عنك دانا تنزل عبايتها بقهر شوي وتقطعها وتزبط شكلها : ................ ساميه : يالله يالله خلونا ندخل لنا ساعه واحنا عند المرايا امال: لحظة بس ازيد الروج .. بعد ماشيكوا على اشكالهم دخلوا بكل غرور وكبرياء للصاله الداخليه الكبيره اللي مشرعه من اولها الى الاخر والدرج الحلزوني كمان مشرع باللون الوردي والابيض والورد على جوانبه والتحف الكبيره المليانه ماء وسمك ولولو والاضاء معطيه البيت فخامه اكثر من فخامته فريده تسلم على بنات عمها : ياهلا والله حياكم الكل: الله يحيك ....مبروك فريده: الله يبارك فيكم ..عقبالكم جات ملاك تبي تكلم فريده: فريده ...فريده فريده: هلا ملوكه ملاك: كلمي فـــــــا..... وشافت بنات عم فيصل وابتسمت لهم ملاك: ياهلا وغلا .. ديما : هلا فيك ملاك: كيفكم؟؟..... وسلمت على ديما اللي بدت السلام عليها ..وجت بتسلم على دانا ومدت لها يدها لكن دانا طالعتها بنظره احتقار وحقد وكره وصدت عنها ومشت وجلست وكمان امال نفس الشيء ...وساميه ترددت لكن تفشلت من حره دانا وامال ساميه : كيف حالك ملاك شخبارك ملاك: الحمدلله ...انتي شخبارك ساميه : بخير دامك بخير ملاك: استئذن ...فريده ترى فاديا تبيك ...ورجعت تفكر بحركه دانا معها فريده عصبت : من جد بنات عمك ذولا قليلات اصل وماعندهم ذوق ساميه: ويش لي خص انا فريده : والله اظن انتي كنتي ناويه تسوين سواتهم لن جاملتي المسكينه ساميه: فريده ..عندك كلام روحي لهم وقولي اللي تبين فريده: اصلا مايستاهلون حتى اطالعهم لانهم حقيرات ..لو كان بمكان ثاني ماسكت لكن عشان فاديا بسكت ومراح انساها لهم ساميه: والله بكيفك ..انا رايحه فريده: روحي مالت عليك وعليهم ...وطلعت لفاديا لمياء انقهرت : من جد مايستحون ملاك: شينه وقوات عينه ... بس يالله انا قمت بالواجب وهذا اهم شيء عندي لمياء: طنشيهم هم مقهورات منك ملاك: عارفه ...وعارفه ويش قاهرهم على بالهم بخلي لهم فرصه يتهنون بفيصل لمياء : مافهمت ؟؟.....بدت ملاك تحكي لمياء عن حركاتهم واللي تحس فيه لما تشوف دانا وبنات عمها لمياء: من جدهم ذول اكيد مريضات ملاك: فيصل لي انا لوحدي وماحد يشاركني فيه ...بس هم مايفهمون ..والله عندهم قوه كيف يقارنون نفسهم فيني ...ويش جاب الثرى للثريا لمياء ابتسمت : ياهوووووه على الثقه الزايده ...والله صادقه ويش جاب لجاب على قولتك ويش جاب الثرى للثريا ملاك: انا ما احب الغرور لكن عندهم احب الغرور لانهم يقهروني لمياء: ماعليك انتي عارفه زوجك وعارفه انه يحبك وهم بس مجرد حثاله لا اكثر ملاك: وانتي قلتيها حثاله ...خلاص تكفين اقفلي سيرتهم تراهم رافعين ضغطي دخلت هند كعادتها بغرورها وكبريائها وثقتها في نفسها ..وماسلمت على الموجودين اكتفت بنظره لفتها عليهم امال: شوفي زوجته زوجك هند: هيه انتي قصدك ضرتي ساميه: كله واحد هند: وووووع هذي اللي عاجبته وميت عندها بالله ماني احلى منها دانا: أي والله انتي احلى ..هذا زوجك اعمى مايعرف انك ملكه جمال هند: ساحرته الله ياخذها امال: ودي اتوطى فيها قدام كل هالناس هند: اسكتوا بالله ترى الي فيني كافيني ساميه: شفتي زوجة فيصل هند: ايه شفتها ..لبسها حلو ..مدري من وين جايبته دانا: ووووع لبسها حلو هند: ايه مررررررره خصوصا انه لبس حمل مره زايد حلاها دانا: تكفين ..عاد والله ماعرف لها الحلى طريق كانت ملاك لابسه فستان وردي وسكري ناعم مره ضيق الى تحت الصدر وبعدين كله واسع وطبقات داخله ببعض وفيه سلسال على رقبتها ونازل على ظهرها وشعرها مسيحته على طوله وملفله اطرفه ومنزله خصل على وجهها ورافعه خصلتين على اذنها وحاطه الورده اللي اعطاها فيصل ... "وقـــــــــــــــــــــت الـــــــــــــــــزفــــــــــــــــــه " انزف عبدالله وفاديا ..زفه كلاسيكيه ونزلوا مع الدرج وجلسوا بالكوشه وطبعا لبس فاديا الدبله وهي لبسته وكمان الطقم اللي اشترته ملاك على ذوقها ملاك: يالله عبود انت وفاديا قوموا ارقصوا فاديا ارتبكت: لالا ما ابي ارقص عبدالله: لا سوري لازم ترقصين معي فاديا : قدام الناس ملاك: لا اجل فوق ايه هنا فاديا : استحي عبدالله: خلاص ملاك قالت تستحي ملاك: لا ياشيخ ..اقول قوموا يالله والا اعلم خالتي هناء فاديا: خلاص امري لله ..وتطالع عبدالله وعيونها تترجاه ...لكن هو مبسوط من تدخل ملاك اشتغلت اغنيه "احــــــــــلى دنيا " لاليســــــــــــا ..وصاروا يرقصون بهدوء لمياء : ياناس يهبلون فريده: خخخخخخخخخخ فاديا طايح وجهها ملاك: هههههههه خليها تجرب الاحراج على اصوله لمياء: ايش فيكم عليها فريده وملاك يطالعون بعض ويضحكون لمياء: نذلااااااااااااااااات امال: بنات عمي مايطحون الا بازواج مزاوين دانا: ماتوقعت ملاكوه عندها اخو حلوو ساميه: هو اللي كان معاها بزفتها دانا: صدق دنيا حظوظ هند: ايه هذول حظهم يفلق الصخر <<<اعوذ بالله من الحسد اما بالنسبه للعروسين عبدالله: ايش فيك لهدرجه مستحيه فاديا تنزل راسها : عبدالله خلاص خلنا نجلس عبدالله: تبين ملاك تذبحني فاديا ((اوووووووف ياربي اشوي وابكي مايحس هذا اني بموت )) بعد ماخلصوا من التصوير وكل شيء راحوا لغرفه مجهزتها فريده ولمياء لفاديا وعبدالله عشان ياخذون راحتهم ويتكلمون مع بعض عبدالله: ارتاحي الحين ماعندنا احد وجالسين لحالنا فاديا ((والله ورحت فيها دامنا لحالنا ..الله يستر الله يستر )) عبدالله : ويش رايك اخلي زواجنا بعد شهر ....<<يبيها تطالع فيها لانها منزله راسها من اول مادخلوا الغرفه طلت فيه منصددمه من كلامه تحس انه مخبط او فيه شيء فاديا :: شـــــــــــهر عبدالله: ايه شهر فاديا شوي وتبكي : لا صعبه شوي عبدالله يقرب منها : وليش صعبه ...انا انتظر اليوم اللي يجمعنا بفارغ الصبر فاديا ولعت : ......... عبدالله: لاتونين ماتبيني فاديا بعفويه : لا ابيك .... وسكتت بسرعه عبدالله حط يده على دقنها ورفع وجهها له : ليش ماتبي هالعيون تطالعيني فاديا : عبدالله ... انا ...انا عبدالله: ايش فيك ..؟؟ فاديا : احــــــــبك عبدالله طار من الفرح اول مره يسمع هذي الكلمه ويحس بمعناها : ويش قلتي ؟؟ فاديا : احبك ... عبدالله يمسك يدها ويضغط عليها: وانا بعد احبك ..واحبك واحبك اليوم اللي بعده نادر: يمممممممممه ..وين اختي اللي كانت ملكتها امس ابو ه : اظن لها اسم ...واظن اسمها فاديا نادر: وفرت علي يابو فادي المشوار ..وينها امه: نـــــــــــاااااااااايمه نادر: لحووووووووول اكيد سهرت مانامت تكلم حبيب القلب على الجوال الكل: ههههههههههههههههههههههههههههههههههههههههه ملاك: هيه ترى ماسمح لك هذا اخوي نادر: ونعم الاخ والله امس اقوله عبيد مادام اليوم مكلتك اعطني سيارتك الف فيها وسحب علي الكل:ههههههههههههههههههههههههه فيصل: انت ماتنعطي وجه اصلا نادر: بروح انكد عليها تعرف تنكد علي ابوه: ياويلك تروح اذبحك نادر خاف : خلاص امزح بروح غرفتي احس غير مرغوب فيني فيصل: يعجبني ذكائك احيانا بعد شهرين فيصل: ملاك حبيبتي تعالي ملاك جت تمشي وبطنها واصل لحلقها : ويش تبي فيصل: اجلسي عندي طفشت لحالي ملاك تجلس : آآآخ عيالك ذولا بيذبحوني فيصل: افااااااا ليش ؟؟ ملاك: يرفسوني من ساعه ..شكلهم يتهاوشون فيصل: تحسين فيهم ملا ك: خخخخخخخخخ ويش رايك انت اكيد احس فيهم ...حط يده على بطنها فيصل: امممممممممم بس انا ما احس لما احط يدي ملاك: بطلوا ترفس ..من الحين مجننيني كيف اذا انولدوا فيصل: لاتخافين انا وهم بنجننك ملاك تتخصر: بتنضم لهم وانا مين معي فيصل: لحالك على بالك بصير بصفك ملاك: ومنجد صاير نذل فيصل: امزح امزح معك ملاك: ايه رقع ..وانا اسكت عنك فيصل: بلا دلع حريم ملاك: لا ياشيخ دلع حريم ..اجل ليش مناديني فيصل: على بالي عندك سالفه ..طلع ماعندك ماعند جدتي ملاك تقوم : الشرهه عل اللي مقابلتك ...والا انت كفو احد يطالعك ... وراحت للسرير وهي تضحك بقلبها على فيصل وعلى نفسها تحس انهم هم البزراين ..حطت راسها على المخده ... ....: مــــــــــــاما ....: نعم حبيبي ....: شوفي بابا تفسني .. ....: طنشه حبيبي خله مع اخوك ....: بسس هو ما يحبني زي احويا .....: بس انا احبك مايكفي ...تعالي لحضني ياقلبي انت ....: ماما انا احوبت كتيييييير زي البحر ....: وانا احبك كثييييير قد السماء ....: ياسلام مسوين جلسه حب ورمنسيه وناسيني انا ولاكاني في ....: خلك مع ولدك وخلني مع ولدي ....: بابا ماعليت من ماما هي بث تحب ركون انت وانا نحب بعض ويس نبغى فيهم ....: والله انك صادق ويش نبي فيهم تعال يالله ماتبي اطيرك فوق ...: ياسلام يالله بروووووح فوق حره ركوني ....: اووووف ماما ابي انام بحضنك ....: نام حبيبي كم ركون عندي ....: طيب قولي لي حكايه ...: اممممم اقولك حكاية ملك الغـــــابـــــه فيصل يمسح علي شعرها : وين وصلتي حبي ؟؟؟ ملاك تصحى من حلم يقظتها : هـــــــــاه ..معاك ياروحي معاك فيصل: والله انك بعالم ثاني .... ملاك تحط راسها على صدره : فيــــــصل ...قولي شعر ولهانه على اشعارك فيصل: غالي والطلب رخيص أنت أغلى من سكن هالقلب وثاني من وفيت وأنت أغلى من يجيني ساعة الشدة وأجيه .. تنطفي الناس في عيوني إلى منك ضويت كن مافي الكون غير عيونك أنت وحاجبيها !! كنك الصبح ورذاذ الماء وغيثن لا عطيت ينبت النور في كفوفي وتزهر راحتيها !! كل هذا وتسألني عن غلاتك مادريت إنك الشمس اللي تشرق في عيونيها !! ملاك ترمش بعيونها : ياحلوك وياحلو كلامك ... فيصل: والله ما جنني غير هالعيون .. ملاك سرحت فيه وبملامحه سرحت بكل شيء فيه ...تذكرت ايامها معاه من اول مره الى هذي اللحظة تذكرت كلماته وعوده ...تذكرت صدقه وحبه ووفائه ...تذكرت الالم اللي عانته منه الم بعده عنها ...الم فارقهم ...الم مشاكلهم ..الم جرحه ...ورغم كل شيء صار لازال يحبها ولازالت تحبه ..حمدت ربها انها مع هالانسان اللي يعني لها كثير ..او يعني لها الدنيا بحالها ...حبت عناده .. اصراره ...قوته ... ضعفه , كانت حياتها فارغه ماعرفت الحنان والحب الا من عرفته ضحت بكل شيء لاجله ...كان هو اهلها.وزوجها وحبيبها .. الصــــــــــدفه جمعتهم!!! والحـــب عنوانهم !!! والتضـــحيه طريقهم !!! والالــــم والـــفرح ورودهم !!! --" الــــــــــــــــعـــــشــــــــق مدينتهم "—" الهـــيــــــام سفينتهم "—" الــغـــرام مرساهم "-- ملاك: احــــــــــــــــــــــبك يابعد عمري ....احـــــبك فيصل: الله لايفرقنا ...ويديم علينا محبتنا ملاك قامت تبكي : لا تشك بيوم اني ماوفيت لك ...واني قصرت بحقك ..انا سويت كل اللي اشوفه من مصلحتنا لاتزعل مني اذا غلطت بحقك ...او اذا قلت كلمه جرحتك ...انت قلبي..وروحي ودمي اللي يسري بعروقي فيصل يضمها لصدره: اهدي حبيبتي اهدي وربي اني احبك ..وماعمري زعلت منك ..انتي كل دنيتي جلست تبكي وهو مستغرب منها ويش السبب اللي يبكيها ..نامت بعد بكاء طويل بعد يومين كانوا بالصاله مجتمعين كلهم حتى فريده عندهم لان ماجد مسافر الشرقيه يومين ويرجع ابو فادي : جهزوا نفسكم اليوم كلنا راح نجتمع على العشاء حتى فادي وزوجاته ام فادي: ويش السبب ؟؟؟ ابو فادي: حاب اجمع عيالي على طاوله وحده من زمان عن جمعتنا فاديا: أي والله يبه من زمان فريده : ليش ماتخليها بكره على الغداء ابو فادي : انا كلمت فادي وقال خلاص ..وطبعا قلت للخدم يجهزون كل شيء فيصل: عساك ذخر لنا يايبه الكل: امـــــــــــــــــــين بعد العشاء ....الكل مجتمعين في المجلس ...وطبعا ملاك وهند وسراب من بينهم سراب : كيف حالك ياعمي ابو فادي: بخير ياوجه الخير كيف حالك يابنيتي ويش مسويه سراب: الحمد لله تمام ملاك: كيفك هند هند: تمـــــــام انتي كيف حالك ؟؟ ملاك: زينه .. فادي: ايه فريده ..وين زوجك فريده : مسافر فادي: اهـــــــــــــا ملاك: فاديا خلينا نروح بالصاله احس بدوخه فاديا: يالله مشينا بعد شهر من هالاحداث صحت من النوم على اثر الالم الفظيع اللي تحسه يقطع جوفها ...والعرق يصب منها قامت مفجوعه ..شافت الدم ينزل منها ...والالم يزيد ...انطلقت صرخاتها بالبيت كلـــــه كان فيصل تحت بالحوش مع فاديا وامه ..اول ماسمعوا الصراخ فيصل ارتجف : مـــــــــــــــــــــــــــــــــــــــــلاك ...وطلع ركض لغرفتهم وامه وفاديا معاه ..كان يطلع الدرج ثلاث درجات مره وحده ..من خوفه على حبيبة قلبه ورفيقة عمره ...اول مافتح الباب شافها جالسه على ركبها وتصارخ وتبكي بشكل هستيري فيصل تلعثم ارتبك حس انه عاجز يسوي لها شيء لدرجه انه ماهو مركز باي شيء حوله ملاك : خـــالتي ...الحقــــــــي علي ...راح اموووووووووووووت من الالم ... ام فادي: بس توك بالشهر الثامن ملاك: آآآآآآآآآآآآآآآآآآآآآآآآآآآآآآآآآآآآآآآآآآآآآآآآه بطني راح تتقطع ...الحقوا علي بمووووووووت فاديا تبكي: فـــــيصل تحرك ...خلنا نوديها المستشفى فيصل توه يحس بنفسها : هاه ...ويش ...طيب ..طيب ملاك: فـــــــــيـــــــــصـــــــل ....تكفى ...تكفى الالم راح يموتني فيصل : بسم الله عليك ...يالله يمه وين عبايتها ... فاديا تركض تجيب عبايتها وتساعدها : اهئ اهئ اهئ ... امها : يالله بسرعه يافيصل البنت راح تروح منا ملاك: آآآآآآآه ..ما اشوف ..ماشوف ..بطني ..وطاحت عليهم ..شالها فيصل بسرعه وراحوا للمستشفى اما فاديا من الربكه والخوف ...دقت على عبدالله تبكي ..وقالت له عن كل شيء ..وبسرعه قال لابوه وحجزوا على اول طياره ومن حسن حظهم ان الطياره كانت بعد نص ساعه بالمستشفى الدكتوره: هذي ولاده مبكره فيصل: يعني ويش يادكتوره ام فادي: الله يكون بعونها الدكتوره: ادعولها هي الحين بحاجة دعاكم ..وان شاء الله تكون ولادتها سهله فيصل خايف عليها : امين يارب قومها لي بالسلامه يارب امه : يارب اما بالجهه الثانيه كانت تصارع الالم ...دخلت في دوامه الم قاسي مايعرف الرحمه ..الم جديد واقوى من جميع انواع الالام اللي جربتها ... مرت ســــاعه .....ســـــاعتين .....وثـــــــلاث ...ولاجديد فيصل : يمه ...يمه ويش في ...صار لها ثلاث ساعات وماطلع احد وخبرنا عنها امه: الله يكون بعونها ...ادعيلها ياولدي ...ادعيلها وصل ابو فادي ابو فادي: بشر يابوك ... فيصل والدمع بعينه: للحين يا يبه للحين ... ابو يحط يده عليه ويقويه:: ادعي ان ربي يقومها بالسلامه ...وخلك قوي ببيت ابو فادي نادر: فاديا وين الناس مافي احد هنا فاديا : اقلب وجهك عني نادر: علامك معصبه فاديا صرخت: روح عني ماني فايقه لك نادر: طيب بروح مالت عليك
|
|
#57
March 28, 2015, 12:43 PM
|
||
|
|
||
|
رد: رواية رشوا على قبري من دموع عينه للكاتبة علي شاطئ النسيان
نرجع للمستشفى
بعد اربع ساعات من الانتظار والخوف ..والقلق ...انفتح باب جناح الولاده ...وطلعت الدكتوره فيصل بخوف : بشري يادكتوره د: انت زوجها صح ؟؟؟ فيصل زاد خوفه: ايه انـــــــــــا د: والله مدري ويش اقول لك بس المدام حالتها ميؤس منها فيصل انقبض قلبه : ويــــ......ويـــش قصدك ؟؟ د:انــــا سبق وحذرتها من الحمل واعطيتها موانع قويه ...وشرحت لها حالتها بالتفصيل ...لكن هي عنيده وماسمعت اللام ول هذا مقدر ومكتوب من رب العباد فيصل: مافهمت ؟؟؟ د: يا استاذ فيصل زوجتك كانت تتعالج عندي ...وطبعا انا قدرت رغبتها بانها ماتبيك تعرف شيء عن حالتها اللي ماتتحمل انها تكون حامل لان ....لان عندها اورام بالرحم ..ورحمها ضعيف جدا وانا تفاجئت لما عرفت انها حامل ....والادهى انها حامل بتوائم وفي حالتها هذي ...يأسفني ...اني اقولك ......وسكتت فيصل : كـــــــــــــــــملي ...كملي ... ابو فادي : اهدي يا فيصل وخل ايمانك بالله قوي د: يمكن نفقد الام ...او الاطفال فيصل ماقدر يتحمل كلامها ..جلس على اقرب كرسي : يارب ...يارب ويش اللي يصير اللهم لا اعتراض يارب قومي لي زوجتي بالسلامه ام فادي جلست تبكي ....تشوف ولدها ينتظر خبر يفرح او يحزنه خبر ولادته اطفاله او خبر وفاة زوجته اللي يحبها من قلبه د: استاذ فيصل اسفه على كلامي القاسي لكن اللي اشوفه ان زوجتك ضحت بحياتها عشانك ماهمها حياتها قد ماهمتها سعادتك ...وعشان كذا لازم تكون معاها باصعب لحظات حياتها ....واللي يمكن تكون اخرها طل فيها فيصل نزلت دمعه قهر ×حزن×الم ...ينتظر خبر اما يفرحه او يحزنه د: اذا تبي تدخل معي غرفه الولاده ...تفضل واذا ماتبي براحتك ...وقف فيصل فيصل: اكيد بدخل ....دخل معاها بعد مالبس الزي الاخضر وهو متجه للغرفه يحس بكآبه ....جو مرعب ومخيف احساسه مختلف عمر ماحس مثل هلاحساس اول ماضغطت الدتوره على زر الغرفه وانفتح الباب سمع صوت صرخاتها وانينها ... ملاك: آآآآآآآآآآآآآآآآآآآه .....ماعدت اتحمل ...ارحمووووووووووووووني السستر : مدام انت بس يبي ..مافي فايده ملاك: اتركوني راح تموتوني ...آآآآآآآآآآآآآآه يارب رحمتك ...يارب د: بعدوا شوي عنها ..زوجها بيشوفها <<بعد الكل عنها ..وفيصل واقف مكانه مو مصدق هذي ملاك اللي يشوفها فجأءه تبدل حالها ..يشوف عذابها قدام عينه وهو عاجز عن مساعدتها ملاك تتالم: ابغى مسكن .....ابغى مسكن فيصل دمعة عينه قرب منها ومسك يدها البارده : حبيبتي فتحت عينها وشافته اخير شافته : فــــــــيصـــــــــــل !!! فيصل: ايه انا معك وجنبك ماراح اتركك ملاك تبكي من قوة الالم اللي تحس فيه : ماراح تتركني ...خلاص يافيصل ماعاد بالعمر كثر اللي راح فيصل يحط يده على فمها: لاتقولين كذا ... ملاك: سامحني ...سامحني انا ماقلت لك فيصل: انسي كل شيء فكري الحين ان راح تقومين بالسلامه وترجعين لي ملاك تغص : مــــــــــا اظن ....وقامت تصرخ د: بعد شوي ... يحس كل شيء يصير بلمح البصر وقف عند راسها كل لحظة يزيد عذابها اكثر واكثر ...كل لحظة يحس انها تبعد عنه شوي مسك يدها يبي يحسسها بالامان وهو كمان حس انه وحيد ضايع انطلق صراخات وبكاء اول مولود د: مبرووووووووك ...ولـــــــــــــــــد ...ماكان يحس بشيء ماسمع كلمات اللي حوله كل تركيزه مع اللي اخذت عقله وقلبه ملاك: آآآآآآآآآآآآآآآآآآآه ...خلاص راح اموووووت راح اموت فيصل : تكفين يادكتوره ...ساعديها د: بحاول بحاول ....جابت له الممرضه ولده الممرضه: شوف هذا اول مولود ...طالعه بحب ..وضمه لصدره ..وبعدين لف عينه عليها د: خلاص انتهينا ..وانطلقت صرخات الطفل الثاني السستر : هذا بنت ملاك ارتاحت : بـــــــــــــــنت فيصل بعدهم عنها ومسك يدها : الحمدلله على سلامتك ياقلبي ملاك بتعب وارهاق : ابي اشوف عيالي ... فيصل: انتي ارتاحي الحين ملاك: تكفى ابي اشوفهم فيصل يطلب من الممرضات يجبون الاطفال ..اخذتهم بحضنها واحد عن يمينها والثاني عن شمالها ملاك تطالعهم وبنفس تذرف دمعاتها عليهم : كنت انتظر هاللحظة من زمان ...بس راح اروح واتركم ...((وقامت تشهق )).. راح تذوقون اللي ذقته وانا وعدكم اني ما اتركم الكل تاثر من كلامها ..وكان الموقف جدا مؤثر فيصل : راح تقومين بالسلامه وتروحين معانا ونعيش حياتنا ملاك: لا يافيصل ماراح ارجع راح ترجع لحالك ومع عيالنا ...بس اوعدني ماتتركهم اوعدني ماتحسسهم بالنقص عوضهم عن كل شيء عوضهم عني وعن حناني ون لهم الام والاب والاخ فيصل تنزل موعه بدون شعور: لاتروحين انا اللي راح افقدك ..تكفين <<وحط راسه على صدرها ملاك لفت يدها عليهم كلهم عيالها بين احضانها وانضم لهم زوجها وحبيبها ...حست بحب فظيع تحمله لهم نفسها انها تسعدهم ...قام يبكي راكان ملاك بكت معاه : راح تبكي كثير ياماما ...راح تفقد امك .. فيصل يبكي : تكفين لا تتكلمين كذا ..تكفين ملاك: ماراح اطلع من هذي الغرفه ...فيصل لا اوصيك على عيالي ..هم امانه برقبتك .. فيصل: مــــــــــــلاك ..لاتروحين وتخليني ..امـــــــانه ملاك ودموعها بدت تنهمر بغزاره ((آآآآه راح افقد عيالي ...راح يتيتمون ...اللهم اني استودعك زوجي واطفالي ..وانت لاتضيع ودائعك )) : فــــــــــيصــــــــــــل فيصل : ياعيون فيصل ملاك: لاتنساني ..راح اكون معك بكل لحظة ...احــــبـــــــك رفعت اصباعها وعيونها على اطفالها تودعهم لاخر مره : اشهد ان لااله الا الله ... وابتسمت لفيصل فيصل بكاء مثل الطفل على صدرها : مــــــــــــــــــــلاك ملاك مسحت على شعره وغمرت بكل حنان : راح توصلك امانتي يا حب عمري ودنيتي ..... وعم الهدوء المكان ...رفع راسه وهو يطالعها فيصل : ملاك .....ملاك .....ملاك ردي علي ...اخذوا الممرضات الاطفال فيصل يهزها : مــــــــــــــــــــلاك ...ردي علي ...ردي ..عارف انك تمزحين علي الدكتوره تاثرت مره وجلست تبكي اول مره تشوف منظر يبكيها فيصل اسودت الدنيا بعينه ...رحلت الملجاء الحنون ...رحلت واخذت قلبه معاه ..رحلت وتركته ضايع وحيد تركته بدون امل بدون حياه ...راحت حياته من بعدها ...طلع من الغرفه وهو مو مصدق كل اللي صار حس انه وهم وسراب ...حلم وله نهايه ...طلع لاف غترته على وجهه والصدمه شاله تفكيره ..وعقله امه: بـــــــــشر يا فيصل ابوه عرف ان صار شيء : يابوك علامك ؟؟؟ زوجتك فيها شيء ...ولدت ..طالع فيصل ابوه فيصل : زوجتي ...زوجتي راااااااااااااااااحــــــــــــــــــــــــــــــت ...ضرب الجدار بيدها وجلس على ركبه يبكي ...راحــــــــــــــــــــــت ملاك ...وخلتني ... امه ما استوعبت : وين راحت يا ولدي ؟؟ فيصل : مـــــــــــــــــااااااااااااااااااتت ...ملاك ماتت ودخل بدوامه البكاء هو وامه ابوه يحاول يوقفه ويسنده: لاحول ولا قوه الا بالله انا لله وانا اليه راجعون ...قوم ياولدي قوم جـــــاء عبدالله وابوه وشافوا فيصل وابوه عبدالله: فــــــــــيصـــــــــــــــل ...لف فيصل عليهم ...اول ماشفوه وقفوا مكانه ... ابو محمد : بنتي ....بنتي ويش صار فيها ؟؟!!! فيصل قام يبكي مثل الطفل ..وعبدالله انقبض قلبه .... ام فادي تبكي : الله ياخذ ويعطي ...الله يرحمها عبدالله ارتجف : ويــــــــــــــش ؟؟؟ ابو فادي : الله يرحمها ...استند ابو محمد على الجدار ..وغطا عبدالله وجه بالغتره ابو محمد نزلت دموعه : راحت بنتي الوحيده ...راحت ولحقت امـــــــــها ..الله يرحمها ويسكنها الجنه عبدالله يمسح دموعه ومسك يد فيصل : شد حيلك يــــــــــا....... وانفتح باب الغرفه وطلعوا الممرضات ومعاهم ملاك على السرير ومغطينها فيصل فتح الغطاء وجلس على الارض يبكي : لاتاخذونها ...لاتاخذون روحي مني .. ابو محمد يبوسها على جبينها ودموعه غرقتها : الله يرضى عليك من رضاي عليك يا بنتي .. عبدالله يبكي على الجهه الثانيه مسك يدها : ليش رحتي يالغاليه ليش ... من لنا غيرك يا وحيدتنا مين ؟؟ فيصل زاد بكاه وصار يشهق : مــــــابي عيال مابي شيء ابيك انتي ...ايه بس ابيك انتي ارجعي لي ... زادت الدموع ... ..والالم يعتصر قلوبهم ...والكل بحاله صدمه ... فقدوها ...فقدوا انسانه غاليه عليهم انت لهم الاخت والبنت والام والاهم الحبيبه انتشر خبر وفاتها والكل تفاجئ من الخبر ... لمياء , فاديا ,فريده ,ثامر , فارس , محمد , الجده , خوالها , احبابها , صديقاتها , حتى اعدائها في حاله ذهول × صدمه <<ما اقدر اوصف لكم حالتهم بهذي اللحظة وقفه : تخيلو يجي خبر وفاته انسان غالي وعزيز على قلوبكم في عز شبابه ..شخص كانت قبل فتره يضحك يمزح يلعب معاكم ..وتشوفونه وماتدرون انها اخر مره تشوفونه ...جرحته ..فرحته ...زعلته ..ضايقته ...بس الاهم تتمنى ترجع لحظة وتضمه ...وتقول له عن غلاته بقلبك وعن اللي تحمله بداخلك له نرجع لواقع روايتنا بيت ابو فادي ...بعد ما انتشر خبر الوفاه اللي ذهل الكل ..اركان البيت والبيت نفسه فقدها ..غاب حسها غاب صوتها وضحكاها ...رحلت بلا عوده رحلت الى الابد ...تركت وراها زوج عاشق متيم بحبها ...تركت اطفال لم يعرفون امهم ولم يدركون حنانها ..تركت اهل كان فقدهم لها غصه بحياتهم ...تركت وراها ذكرياتها واحلامها ..تركت ماضيها ومستقبلها عاشت حياتها ...والان انتهى مشوارها كل شيء يناديها كل شيء يحن للمستها ....غرفتها ..سريرها ..اغراضها .. كل شيء بكى على فرقاها ولكن ... تقبى ذكــــــرى خــــــــــالده بينـــــــــــهم بالمقبره فيصل وعبدالله واقفبن على جنب متلثمين ولابسين نظاراتهم <<<للعلم هم اللي متاثرين مررررررررررره ....يشوفها قدامه بلبسها الابيض والصفاء والنقاء طاغي عليها ...قربت منها وحطت يدها عليه مــلاك: انـــــــــــــا معاااك ...لاتنسى ..بالوقت اللي تحتاجني بتلاقيني جنبك.. وتهمس له ...اهواك .. فيصل : تعالي نرجع ملاك: مـــــــا اقدر ...وخلني الذكرى السعيده بحياتك فيصل: انتي السعاده ...من بعدك مالي حياه عبدالله يناظره خاف عليه حس انه بدا يهلوس : فيصل ..ويش فيك ملاك تبعد عنه : بودعك يالغـــــــــــــــــلا ...الـــــوداع ..بدت تبتعد ..وتبتعد الحين ماشافها تدخل قبرها عبدالله يطالعه بصمت .. صحى على اخوانها وخوالها و هم ينزلونها بالقبر ...بدوا يرمون التراب فيصل يصرخ : لــــــــــــــــــــــــــــاـــــــ وركض لهم ..وهو ينزل للحفره يبعد التراب ويبكي ...الكل تاثروا بدت دموعهم تخونهم وتنذرف ...حتى اللي يقوم بالواجب ...مسكه ماجد وسطام وابراهيم ...يحاولون يطلعونه ..لكنه هو يبكي ..يصارخ بكلام صعق الكل فيصل : هي تناديني ...تبيني اروح معاها ..ادفنوني جنبها ..بس لاتروح مني عبدالله ماقدر يتحمل ..وجلس على الارض وقام يبكي مثل الطفل ..وابو ملا ك صار يبكي بعد على بنته وحيدته .. بعد الدفن ..والصلاه ببيت ابو فادي ...الكل بحاله مايعلم فيها الا رب العباد << بعد اسبوع ... فيصل عايش على ذكراها ..جالس بغرفته يتامل كل زاويه شهدت على حياتهم يشم اغراضها ..يطالع مكانها ..يتذكر شكلها ..يتردد صوتها ..((لاتنساني ..)) غــدت كأنهـا بالغصــب تستـوطن أفكـــاري .. تغـايا على عينـــي لاأفشـت عبـايرهـا \ صــورهـا \ .. \ هــدايـاها \ .. و ليـل الشتا العـاري \ شــذى عطـرها \ .. و اشيـائها اللـي تحاصـرها \ حلقهـا \ .. \ مـراياهــا \ .. مـع عقـدها النـــاري \ حقيبـة يديهـا \ .. عودهـا الغـض .. \ أســاورهـا \ أدق التفـاصيل الصغيـرهـ علىى الطـاري حشـى مانسيت وش لـون تبغـى اتذكرهـا ..!! دخلت امه عليه : فيصل يايمه ماتبي تشوف عيالك فيصل يعصب ويصارخ : ما ابي ..مابيهم هم سبب موت ملاك ...انصدمت امه من رده ..ذرفت دمعتها بحسره وطلعت وكملت مسيره بكاها بالصاله ..وطبعا الكل كان يسمع كلامه وصراخه .. طلع وتركهم .. بــــــــــــــــــعد شهر الكل يدور على فيصل له ثلاث اسابيع لاحس ولا خبر ..اختفى ماحد يدري عنه دخل بعد غياب طويل ..شافته امه وماصدقت ضمت لحضنها وهي تبكي امه: وين رحت يا ولدي فيصل: ادور لي مكان بعد ...وسكتت وعيونه تبوح بحزن فظيع عايشه نزلت فاديا وبحضنها بنوته مثل القمر: فيصل ؟؟؟ راحت له وسلمت عليه ...شاف بنته ..شاف ملاك فيها ..نفس الملامح نزلت دموعه لاشعوريا اخذ بنته وضمها لصدره فيصل يشم ريحتها : هذي ريحه الغاليه ...هذي اللي اشوف فيها ملاك امه وفاديا يبكون على حالته بعد مرور .....((سبع سنوات )) عبدالله وفاديا تزوجوا .. وعندهم ولد واسمه خالد ماجد وفريده ...عايشين بسعاده وحب وعندهم ولدين ..والكبير فيصل والثاني وليد فادي طلق هند ورمت عياله عليه وتزجت واحد وراحت معه للخارج ..وهو ربى عياله مع سراب وعايشينا احلى عيشه ابتهال وفارس ..مارزقهم ربي باطفال لكنهم عايشين حياتهم ..بالرغم من انها ماتخلو من المشاكل لكن هي ملح الحياه عبير وبدر اتزوجوا وعبير الى الان لم ترزق باطفال ثامر وريم ...عايشين حياتهم هبال واستعباط ..وريم ذبحته بالغيره وهي حامل بالشهر الخامس والمفاجئه الكبرى ...ساره حبها سطام ..وهي حب طفولته ..والحين خاطبها وعلى وشك الزواج امــــــــــــــــــــــــــــــــــــــــــــــا فيصل ... تغيرت حالته من بعد فرقاها عايش على ذكرها ..كل يوم يزوه طيفها يقلب في صورها والاشرطه اللي مصورها ...مو قادر ينسها او يتناساها لحظة او ثانيه دخلت له ملاك الصغيره << سماها على اسم امها عشان يتذكرها ...ولانها تشبه لامها كثير ملاك : بابا ...شوف هذي الورقه لقيتها هنا بالدولاب ...اخذها منها وفتحها ...وقراها اليڪْ :- يامن وهبتني عمرڪْ .. و وهبتني سعادتڪْ .. و وهبتني طاقاتڪْ .. و وهبتني وقتڪْ .. و وهبتني اغلى ماتملڪْ .. " قلبڪْ " .. [ ڪْامل عقلڪْ ] .. بعضڪْ .. و ڪْلڪْ .. و , منحتني ڪْل الاشياء الجميلة في حياتڪْ .. / \ / أعلم بأنه في يوم لا أسوء منه ستدق اجراس الرحيل !!! و يبدأ العد التنازلي , [ لنبضات قلبي ] .. سيأتي اليوم الذي سأرحل فيه الى العالم المجهول رحلتاًً لا عوده بعدها !! و اعلم ڪْذلڪْ بأنڪْ , اول من سيذڪْرني ويبڪْيني ومن سيحزن لفراقي .. فلا تستسلم لنبأ رحيلي .. !! و لا تجعله يهز تلڪْ الاعماق الرائعة فيڪْ .. اعلم ياحبيبي بأن رحيلي سيڪْون قاس عليڪْ .. فقد يذهلڪْ ! و قد يزعجڪْ ! و قد يرعبڪْ ! و قد يؤلمڪْ ! و قد يزلزلڪْ ! و قد ينسفڪْ ! و قد يڪْسرڪْ ! و قد يبعثرڪْ ! فلا تحـــــــزن .. .. حدثني .. و ُ حاورني ڪْما عودتني .. و اخبرني باخبارڪْ .. و ڪْيف اصبحت الدنيا بعد غيابي ..؟ و ڪْيف اصبح لون الايام بعد رحيلي ..؟ و ڪْيف حال الاشعار من بعدي !! و ڪْيف باتت خواطري !! و لا تبڪْي حين تتذڪْر تفاصيلي .. و لا تنهار بدموعڪْ حين تتذڪْر , بأنني ماعدت هناڪْ ... ما عاد هناڪْ من ينتظرڪْ بشغف .. ! و ينتظرڪْ بخوف .. و ينتظرڪْ بحنين .. و ينتظرڪْ بشوق .. و ينتظرڪْ بألم .. وينتظرڪْ .. .......وينتظرڪْ .. .................و ينتظرڪْ .. ! وانت في حرقة من .. زحمة اقدارڪْ تفڪْر في ذلڪْ القلب الذي احرقه انتظارڪْ !! ما عاد هناڪْ من يبڪْي اللحظات بدونڪْ .. ما عاد هناڪْ من يشڪْي مرور الوقت في غيابڪْ .. ! و ما عاد هناڪْ من يحصي الثواني لسماع صوتڪْ ! يامن فتح لي ابواب قلبه في لحظة صدق .. و وهبني الحب بلا تردد .. و منحني الآمان بلا حدود .. و غمرني بأحلامه .. و غمرني بعطائه .. و رممني ورمم مشاعري المسفوڪْة .. و رمم أحلامي المڪْسورة .. و أعاد صياغتي من بقاياي الحزينة .. فقط عندما تشتاق لي و يغلبڪْ الحنين .. ! قف .. على ذڪْرياتنا الجميله .. نادني باسمي ( ملاك ) واضمن لڪْ .. بأن صوتڪْ سيصلني . ! لان روحي جسدا لروحڪْ .. وستبقى بڪْ ساڪْنه الى الأبد ... ! بكى لما قراء رسالته له ...وتذكرها لكا قالت له ان الامانه راح توصله فيصل: احبك ...احبك ياملاك ..ومن بعدك فقدت الحياه اليوم اللي بعده جات فريده وماجد معاهم عيالهم ..اجتمعوا بالحوش على الطاوله ماجد: ياحليل راكان مره هادي فيصل : ايه مو زي اخته الشقيه جات ملاك طفشانه : بابا ..شوف فيصل فيصل: ويش سوا لك قليل الخاتمه فيصل : ماسويت شيء بس قلت لها انا احبك ياملاك الكل: هههههههههههههههههههه نادر: ما افتكينا من ملاك وفيصل الكبار يجون هالبزارين تغير وجه فيصل ..تذكرها ..وتذكر كل ايامها معه ^ ^ ^ ^ ^ ^ ^ الــــــــــــــــــــــــــــــــنهــــــــــــــ ـــــــــــــــــــــــــــايـــــــــــــه ((تمت بحمدالله )) { جــــذابـــــــه بطبــــعي }
|
|
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ملخص رواية سلالم النهار -رواية للكاتبة فوزية شويس السالم | Yaqot | روايات و قصص منشورة ومنقولة | 0 | May 8, 2014 10:41 AM |
| تحميل رواية أنا قلبي مثل قبري ما يضم اثنين كاملة | SEO | روايات و قصص منشورة ومنقولة | 0 | October 27, 2012 02:08 PM |
| تحميل روايه رشوا على قبري من دموع عينه | SEO | روايات و قصص منشورة ومنقولة | 0 | October 25, 2012 03:23 PM |
| رواية قلوب محرمه على النسيان كاملة,تحميل رواية قلوب محرمة على النسيان | ألاء ياقوت | الروايات والقصص العربية | 2 | February 12, 2011 03:16 PM |
العرض العادي
