فيسبوك تويتر RSS



العودة   مجلة الإبتسامة > الروايات والقصص > روايات و قصص منشورة ومنقولة

روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا



إضافة رد
 
LinkBack أدوات الموضوع انواع عرض الموضوع
  #31  
قديم March 27, 2015, 12:44 PM
 
رد: رواية تلاشت قواي بين يديك للكاتبة الهودج


اليوم الثاني


عند عماد كان يشرف على اثاثه الي وصل بعد ماطلعوا روحه اهل المحل


تندم انه ماسمع كلام شهاب واخذ من محل رفيقه هو استحى يكلف على الرجال لانه بالموت اخذ نص قيمة الأثاث من شهاب اخوه فماحب هو بعد ياخذ منه خاف لايرفض بعد






دق تيلفونه وكانت نوال رد بحب:هلا والله بأم جود

نوال بحنان:هلا فيك كملت بتنهد:هاه بشر عسى جابوا اثاثك

عماد براحه:اي ابشرك مابغوا خفت يجي العرس وهم ماجابوه





نوال بضحكه:عادي قول لشهاب يسلفك سرير من سرايره حقت البر ودبر عمرك فيه انت وزوجتك لين ماتطلع غرفتكم


عماد بقهر:فالك ماقبلناه اسم الله علينا
وكمل بشوق:زوجتي ماتجي ألا وانا مجهزلها افخم واكشخ سرير وانتي تبينها تنام على سراير الرحلات





نوال بخبث:اي موالله وكملت ببتسامه: بس المهم تر ا بكره تمرني ياانت يااخوك عشان اخلص معكم اغراض المطبخ




عماد بخجل من كلام اخته هو من طبعه الخجل عكس شهاب الي فري مرات قال:خلاص انا بمرك اخوك تعرفينه مايحب الروحه لسوقه هو زين خلص اثاثه وفرشه




نوال بقهر:هذا الي قاهرني دامه موقد المسوؤليه ليش يتزوج لا ولا امس شمسوي داق على اختك يوصيها تشتري له اطقم حمام وأكسسوارات حتى هذا عاجز عنه تخيل





عماد بتنهد:الله يهديه وتجي دينا وتسنعه ان شالله














عند ضي

قامت على صوت التيلفون كان علي الي رايح الدوام
ضي بنعاس:الو


علي يحاول يكون جاف بتعامله معها بس صعب من يسمع صوتها يدوده وتلخبط كل اموره قال:هلا انتي بعدك نايمه قومي شوفي شغلك بالبيت وألا عشان جتك خدامه بتسلمينها الخيط والمخيط







ضي يارب سعادني هذا وهو السبب في سهري قلت بقهر:زين قايمه الحين وبروح اشوف شغلي بعد غيره وش عندك


ماكملت ألا وطبع الخط بوجهها ضي بقهر اوف غثيث ويقهر بعد
صج اني منحوسه ألي ماحبيت غيرك ياعلي قامت ودخلت الحمام تاخذ شاور وتروح تشوف الخدامه شسوت













عند عزام


صحى وهو حاس بسعاده الدنيا كلها ملك له عمره ماعاش بمثل هالاحساس حتى بأول زواجه لمااخذ بنت عمه



احساس ولذه مايقدريوصفها ألا انها حلوه وحلوه حيل بعد

ألتفت يدورها بس للأسف خاب ضنه طلعت قايمه قبله وتاركه مكانهالف صوب مكانها وتحسسه بيده وتنهد بحب وشوق:ياعسى هالمكان مايخلى منك ابد






اخذ نفس عميق يجدد له نشاطه بهاليوم وقام من سريره وراح للحمام






غلا الي مانامت ولاغفت لها عين ألا بعد ماتأكدت ان عزام نام وتسحبت عنه بشويش وراحت لمقرها الدايم





حاولت تهدي توترهاحست بحساس غريب انولد داخلها بقرب عزام لها واستمتاعها بسماع دقات قلبه الي تدل على عشقه لها ظلت تقرأ قران لين مااذن وصلت ونامت وهي تفكر بعزام






طلع من الحمام ولبس ملابسه لبس له دشداشه يحب يلبس الدشداشه اكثرمن البدل لان ابوه معوده على هالشي من صغره



سرح شعره ورش عطره المركز وطلع يدورها مايبيها تغيب عنه نظره دقيقه وحده






دخل المجلس مثل ماتوقع نايمه بمكانها
قرب وجلس عندراسها ودنق عليهاعشان يطبع على خدها اعذب بوسه





حست بلمسه خفيفه على خدها وكأن هالمسه موغريبه عليها افتحت عيونها بشويش


ولا يداهمها صوته العذب الملئ بكل مافي الكون من حنيه

عزام ببتسامه:صباح الخير




غلا تعدلت في جلستها وابتسمت بخجل موقادره تحط عينها بعينه عقب الي صار

عزام حس بخجلها وماوده يضغط عليها اكثر قال ببتسامه: قومي صلي الظهر وخل ننزل ونتغدا مع اهلي تحت





غلا بحيا:ان شالله وقامت تسحب من كثر ماهي خجلانه من نظرات عزام المشحونه بالشوق لها حتى لو حاول يخفيها















بعد اسبوع

باقي على العرس ساعات قليله وكلا من دانه ودينا عند مصففه تعدلها وتمكيجها


وكل وحده حاسه بالخوف كونها بتبدأ من اليوم حياه جديده مع شخص تجهله تماما





غلا الي طلعت من عندهن رايحه لجناحها لاعت جبدها من حنتهن كل وحده تصيح من جهه على تركها لهالبيت

غلا بضيق شقول انا الي بترك حتى الديره واروح عنكم وعن نبض قلبي عزام





اه ياعزام كل مااسمع غزلك او همسك لي اموت من الخنقه لاني راح ابعد عنك وراح افقد كل هالغزل والحب


طول هالاسبوع وانا اشوف سعادة عزام الي ماتنوصف كان بشوش ويضحك ويتغشمر لدرجه ان دانه شافته مره وهو يستعبط علي وعلى حياي




ظلت ساعه متنحه تطالعه مو مصدقه ان اخوها ممكن يكون بهالرقه والرومانسيه

لدرجه انه استحى من استغرابها وانا غصب عني ضحكت منهم واحد مندهش والثاني مات بهدومه من الخجل كأنه مسوي جرم عظيم




وهي مجرد كلمة غزل وحده لاأكثرولا أقل



طالعت بشكلي حيل لعب المكياج دور وغير ملامحي حتى كان صارخ وهذا اول مره يتلطخ وجهي بهالاصباغ حتى الي جابهن عزام زين قمت احط كحل وقلوز او حمره





شعري كله كارلي وعليه اكرستالات صغار

ماشيه مع ثوبي البنفسجي
كان كات وضيق ويتوسع من تحت وفيه ذيل كان ماسك عند الصدر ومكان الشك اما من تحت عادي




رغم نعومة الثوب ألا انه مخليها ملكة جمال
اسمعت صوت تصفيره قويه ولفت




عزام جا عشان يشوف أهله أذا محتاجين شي بس شاف الكل مو فاضي له ودخل جناحه بيطل على قلبه قبل يطلع للعرس اول ماشافها انصدم توقع موهي او انها مغيره فعلا كانت حوريه من حوريات البحر صفر ينبها بحضوره خاصة وانها سرحانه بنفسها مايلومها اذا تخبلت على نفسها لانه هوقبلها تخبل





غلا ببتسامه تحاول انها تخفي خجلها:عزام انت جيت


عزام بشوق وهويحضنها من ورا ويستنشق ريحة شعرها:جيت وياليتني ماجيت اخاف اكنسل روحة العرس وقابلك





غلا بهمس:بعيد الشر انكنسل عرس خواتك وكملت بدلع: وامش قدامي اشوف يمكن خواتك اجهزن وتجي معانا باللومزين




كانت تسحبه عشان يطلعون بعد مااخذت عباتها










٠




عند شجون

حاسه انهابتموت بتكمل شهر ولا شافت خالد ولاأتصل فيها ابد
وكل ماسألت أهله قالوا بخير وتوه مكلمهم
شجون بضيق حتى صوتك ياخالد مستخسرعلي اسمعه

على ألاقل جامل قدام اهلك ولا تبين لهم كرهي





طالعت بحنان الي ضايق خلقها لرجعتها لبيتها
مسكينه توحمت على زوجها سبحان الله الوحام يخلي الوحده تكره الشي حتى لو كان عندها غالي



حنان جلست تنطر عمر قالت بضيق:شجون متى تخلص فترة الوحام

شجون بإهتمام:بعد الشهر الرابع

حنان بيأس:يووه توي أجل انا تو داخله الثالث

شجون بثقه:مو شرط في حريم فترة اوحامها بس شهر وفيه حريم لين تولد
بس الي دارج عندالاغلبيه بعد الرابع



حنان بخوف: لا يارب ماتطول فترة وحامي لين اولد والله لغير اموت



دق تيلفونها وكان عمر استأذنت وطلعت






جلست تلاعب فهود الي صار يفهم ويميز الاصوات من حوله
دق تيلفون البيت وضطرت ترد لان محد بالبيت خالتها طالعه





شجون بهدوء:الو

حس قلبه بيوقف من شدة فرحته بسماع صوتها كان متعطش لسماع هالصوت


اخذ فتره على ماقدر يستجمع قواه ويرد:هلا شجون اشلونك



شجون انصدمت صح تمنت هالشي بس ماتوقعت الله بيستجيب لها بهالسرع
كانت تحس بروحها رجعت بس من سماع صوته اشلون لوشافته قالت بعبره حزينه: هلا فيك وانا بخير وكملت بخجل: انت اشلونك





خالد بثقه:الحمدالله حاليا زين بس مااعتقد تحسن حالتي اكثر ألا بعد مااقر عيني بشوفة الغوالي

استحت تسأل من الغوالي بس خافت لا يكون قصده ريم



قالت بشك وهي حاسه ان سالفة دورة اللغه كذبه: ألا متى بتخلص فترة الدوره



خالد عرف انها ماتدري لان ابوه ماقال لها ولا حتى امه علمتها بالرغم من انها درت بكل السالفه بعد اسبوع





حست بخجل شبيقول عني مشتاقه له ألا مشتاقه ومشتاقه موت بعد بس اشوفه
خالد بشوق اكبر من شوقها: هانت كلها ايام وجاي ومراح اعلم بوصولي بسويهامفاجأه لكم




شجون اهم شي شوفة سالم
قالت بصعوبة: اهم شي ماتأخر علينا اكثر من جذي ترا فهود نسى شكلك حتى





خالد حس براحه من كلامها وانها حست بفقدانه طول هالفتره ببتسامه: بس فهد الي نسى شكلي امه اخاف هي نست بعد





شجون وقلبهارفرف لهالكلام ونار الشوق نطقتهاغصب: اذا عقلي نسى او تناسى شكلك فقلبي حافر له صوره بداخله مستحيل تنسي





شجون حست بالخجل ماتعرف اشلون نطقت هالكلام خاصة وان خالد بعد كلامها ازفر عن تنهيده قويه طالعه من اعماق اعماق قلبه





خالد ماتنوصف مشاعره وده يطير لهم هالوقت ويحتضنهم حس انهم كالعصفورين الي ناطرين جية امهم عشان تحميهم تحت جناحها من الاخطار




قال بلهفه: وانا بعد صورتك ماتفارق خيالي
كمل بهدوء يعكس عن مافي داخله من مشاعر جياشه:سلمي على الوالده وخبريها بأتصالي وبوسي لي خدك وخد فهود





شجون بغصه من كلامه: ان شالله
وسكرت منه وهي ماودها تسكر ودها يتم معاها لو ماينطق بس تسمع انفاسه












عند ضي

تحاول قدر المستطاع ترضي علي وتسيطر على اعصابها لاتفلت وتنفجر بوجهه


هي مهما كان طبع الردوالملاسن ماتتركه لو على ذبحها

بس مع علي اقدرت تتلاشى قوتها وتسكت غصب




دقت على حنان تطمن عليها مع الحمل وتبارك لها بدخولها لتسع تعش

كان بينها وبين حنان اربع وعشرين ساعه بس كأن الله عوضهم من فقدان حنان بمولد حنان جديده





حاسه بضيق لان علي مافكر يحتفل معها بهالمناسبه كونها دخلت امس سن جديد


حنان بسعاده:والله وكبرنا ياضي بس شوفي انتي وشجون لازم تزوروني بنحتفل مع بعض عندي




ضي ببتسامه: وليش مانحتفل بيت امي مثل العاده هي دقت امس وقالت اجتمعن عندي بهالمناسبه ولا تغيرن عادتج بعد ماتزوجتن






حنان بخيبة امل :خلاص بشوف عمر ورد لج خبر
وسكرت منها

اجلست تنهد حاسه بضيق ودها تطلع تمشى اي مكان من رجعت لعلي وهو حابسها بالبيت بين اربع طوف






افتحت رسالت ابوها الي ارسلها امس وبنفس الساعه الي نولدت فيها
¥ كل عام وحبيبتي بخير لاتوقعين بنسى هاليوم او هالساعه لان الله رزقني فيها باحلى ورده بعد مااخذ مني شخص غالي ترا هديتك بتوصل لك وانا متى مافضيت جيت لك ابوك عادل¥





ضي قرتها الف مره وفي كل مره تحس بعمق الكلام الي قاله هي ماتشك بمجرد شك بعدم حب ابوها لها بس كانت غيرتها من عليا عاميه وجهها ومحسستها ان عليا اخذت مكان امها





الساعه ثنعش
دخل بيته وهو بقمة عصبيته اشلون ماخطر باله هاليوم انه يوم ميلادها ويعتبرالاول من تزوجها
ماذكر ألا بعد مادق عليه عادل عشان ياخذ هدية ضي لان هو مسافر عنده شغل
ومايقدريوصلها بنفسه








كان جايب لها خاتم ألماس فخم حيل
لدرجه ان علي تفشل وش ممكن يهديها
بعدين قرر ياخذ لها طقم قلب ذهب ومر محل الورود واخذ باقه فخمه
٠
٠




توقعها مثل العاده تنطره ولاتنام ألا بعد مايجي٠بس خاب ضنه كانت نايمه




ضي الي حاسه بتعب من شغل البيت ومن عوار بطنها

مانطرت علي لانها معذوره وهو عارف بهالشي ونامت






علي بتنهد شهالحظ مانامت ألا اليوم يوم بحتفل معها بأتمامها لتسع تعش
ابتسم والله الي يشوفك مايعطيك الخمس تعش حتى






قرر يزعجها ويقومها موجايه نوم وهو ماقال لها كل عام وانتي حبيبتي



فصخ شماغه وعلقه نزل هدية ابوها على التسريحه مع هديته واخذ بس باقة الورد وقرب عندها







وهي غاطه بسبات عميق واحلام وكوابيس من أثر العوار

قرب عند اذنهاوهمس بخفيف وهويغني: كل عام وانت اغلى غاليه في هالوجود


ضي قامت مومصدقه تحسب انها تحلم وحلم حلو بعد بس طلع حقيقه وصج

رفعت راسها وفركت اعيونها عشان تتأكد بس طلع هم صج
ضي بصدمه:علي






كانت تشوف باقة الورد وابتسامته الساحره قال :لا خياله

ضي بنعاس وهي ترد تنام: كنت حاسه اني احلم
بس علي رفع ألحافها وهو ميت ضحك على تصرفها قال بصوت: ضي ياخبله داخله التسع تعش وانا اخر من يعلم كان واقف وفاتح يدينه لها بعد ماحذف الباقه







ضي بصدمه اولا من كلامه ثانيا من تصرفاته ماسمحت لنفسها تسيرها ابد استشارت هالمره قلبها الي خلها تفز وترمي نفسها بحضنه




علي حضنة لضي رجعته ورا شوي بس قدر يسيطر على نفسه ويثبتها بين ذراعه بكل قوه





كانت رجولها فوق بسبب رفع علي لها
قالت بحب:من قالك

رد مع اقتباس
  #32  
قديم March 27, 2015, 12:46 PM
 
رد: رواية تلاشت قواي بين يديك للكاتبة الهودج

الرابع والعشرون





علي الي نزلها وقال بشوق وهو مازال محاوط خصرها: مو مهم من قال المهم عرفت وتعالي عشان تفتحي هديتك الي جبتها لك





بعد عنها وراح لسرير اخذ باقة الورد مدها لها قال ببتسامه: اولا خذي هذي الباقه احتفالا بهالمناسبه وكمل وهو يجرها لحضنه ويمشي معها بعد مااخذت الورد




قال بعدماوصلوا التسريحه:وهذا الهديه واخذ العلبه وعطاها وقال: كل عام وانتي الحب وباس خدهابخفه





ضي ياقلبي ياعلي والله مالوم قلبي الي حبك وتعلق فيك غصب قلت ببتسامه:مشكور وبصعوبه كملت :حب ي بي





حست ان انفاسها انقطعت بمجرد انها نطقت هالكلمه

بعدين رجع لها الهوا وحمرت خجل وحرج

قال بتنهد:ماسويت ألا الواجب ومد لها علبه ثانيه وكمل ببتسامه عقب شاف وجهه ضي الي تلون:وهذاي من ابوك وصاني اوصلها لك







ماقدرت تنطق حست بعمق حبها لعلي ووعدت نفسها بالمحافظه على هالحب حتى لو كان علي صعب يكون ابو














8
8
8
حاولت في قلبي وانا اقول بانساك

واعيش دنيا في حياتي جديدة

أثر الغلا ماتعجبة غير دنياك

والقلب غيرك ماسكن في وريده

اشتقت لعيونك وصوتك ونجواك

وأشتقت لظروفك ولو هي عنيده

8
8
8

عند شجون

ماقدرت تنام من كثر فرحتها بمكالمة خالد قالت لأهله عن اتصاله وحست بإرتباكهم وهم يسألون عنه





شجون بتنهد وهي نايمه بسريرها :اه ياخالد اشكثر اشتقت لك ولغرورك متى ترجع لي اوعدك بتحمل كل تصرفاتك انا اكتشفت اني مازلت احبك وماقدر ابعد عنك






طالعت لفهود الي صار يشاركها بالسرير من راح خالد كان نايم وبجهة ابوه قربت له وحضنة وباست خده بقوه وهي تدعي ربها يجمع شملها هي وابوه
دق تليفونها





ونطت على تيلفونها واخذته بسرعه وردت قبل يقوم فهد











عند المعاريس


انزفوا كل واحد على عروسته
وكل واحد في باله اشلون بيتأقلم ويتصرف في الحياه الجديده






شهاب شاق البسمه وهو حاس بشوية توتر بس عادي عكس عماد الي مرتبك حيل ومتوتر





عزام ببتسامه وهوسعيد لزواج خواته من اعيال عمه لانهم رجال ثقه





قال :الله الله ماوصيكم على خواتي تراهم حسبة بناتي


شهاب بضحكه:هذا انت الي اصغرمنا تقول حسبة بناتي حنا شنقول أجل حسبه احفادنا

عمادوعزام ضحكوا منه
شهاب بأصرار :اخلص علي خل اختك تطلع بمشي

صيفت

عزام بخبث:تركد ليش مستعجل

شهاب :اي شعليك شبعان اقول ترا طولت الزفه الساعه ثنعش
















عند ضي

الساعه وحده

بعد ماراح علي ينام هي ماقدرت لانها شبعانه نوم وعلي مايقدر يسهر عشان دوامه البدري





اطلعت وخطر بالها تكلم شجون وتبشرها بأخرالتطورات مع علي




انهت مكالمتهاوهي بقمة سعادتها خاصة وان شجون حكت لها عن خالد واحساسها بفقدانه تنهدت ودخلت تنام اول مادخلت بفراشها طالعت علي الي غاط بسبات من تعب الشغل







قربت يمه حيل وقامت تمسح له شعره بخفه وهي تأمل وجهه رغم ضعف النور

انتبهت لصوته كان ذايب ونعسان: كان زين كل يوم هويوم ميلاد لك








جت بتوخر يدها بس مسكها وحطها عند فمه يبوسها
ضي قالت بحيامن بوسته ليدها:ليش

علي بحب:عشان اسمع كلام حلو وافعال احلى





ضي وهي تفلت يدها منه غصب قالت بعد ماانسدحت بدلع:عاد انت لاتصير طماع
وحمد ربك





علي لف جهتها وقال يمثل الزعل:حرام عليك والله اني مو طماع ألا انتي الي بخيله




ضي بنفسف الدلع: احمد ربك والله اني ماقصرت معك بس انت مشفوح












عند شهاب

دخلوا جناحهم قعد يساعد دينا بثوبها كان فخم حيل لدرجه انه أذاها هي بعد وسبت نفسها الي اختارته


كان قطعتين الصدر مشكوك والبطن شفاف ومن تحت مليان شغل وذيله حيل طويل غير عن الطرحه التور ومنثره بالاكرستال










بعد ماوصلت للكنبه بالموت حذفت نفسها تجلس وشهاب سكر الباب كان بيتهم دورين دور لشهاب ودور لعماد جنب بيت ابوهم وفاتحين على بعض لان كل قعدتهم فيه














ألتفت لها حس بغصه وبغى يشهق وقعد يذكرالله لا يحسد نفسه ويصير فيها شي



اما ديناكانت منزله راسها انتهز الفرصه وخزها خز من تسريحة شعرها ونزل لفخامة مكياجها وبعده لفتحة صدرها العاريه مره بلع ريقه

ونزل بشته وقرب لها جلس يمهاحط يده على شعرها ودعا دعاء المتزوج¥اللهم اني أسألك خيرها وخير ماجلبتها عليه ¥












اما عند عماد

نفس الشي بعد ماذكر دعاءه وقاله ودخل يبدل بعد ماقال لها هي بعد تبدل قبل يوصل العشا





دانه قلبها طبول من الخرعه والخوف قامت تروح اتبدل
اول ماخلصت لبس ألبست قميص ابيض طويل وفيه انقوش خفيفه عند الصدر علاق وفوقه روب ساتر










اجلست تعابل شعرها كانت تسريحتها صعبه فجأه دخل عماد الي قال بتوترمن شوفتها: تعالي وصل العشا


عماد يارب احفظهاواستر عليها لاتصيبهاعيني ماني مصدق ان هذي كتكوتي كبرت وحلوت تخيلتها بعدها صغيره اه ياقلبي
كان جاي بيناديها تعشا دانه بخوف ردت عليه:ان شالله












شافها متضايقه من تسريحتها قال بخوف لاتسطره : تبين اساعدك






دانه برجفه وبسرعه قالت:لا دقايق واخلص
اول ماطلع راحت تعابل تسريحتها بوحشيه وهي شوي وتصيح






0
0
0
0
عند دينا

طولت بلبسها وكانت مقفله الباب وزعجها شهاب بالطق بس طنشت وماطلعت ألا بعد مااخلصت





شهاب انقهر حيل طولت كل هذا لبس قرر يأكل ويخليها
كان حده جوعان وهو عدوه الجوع




انفتح الباب وطلعت رفع عينه غصب بيشوفها بس شرق بأكله من شافها
كانت بقميص قصير اوف وايت و رقبه وفوقه روب طويل كانت رابطة روبها عدل بس من تمشي ينفتح وتبان سيقانها





شهاب شرب ماي وتنهد اه ياويل حالي
جت وجلست وقعدت تشرب عصير بشويش وهي خايفه من نظرات شهاب الي حرقتها حراق






دينا ياالله انك تثبتني لا يوقف قلبي من الخوف










0
0
0



عند دانه

خلصت عشا وقامت تغسل بعد ماغسلت جت بتجلس بالصاله بس شافته جالس فيها وبسرعه غيرت رايها ودخلت تنام خاصة وان الساعه على وشك ثلاث

كانت خايفه ان عماد يفهم روحتها للفراش غلط بس بالأخير قررت وراحت تنام






عماد مايبي يستلمها من اول لليله يبيها ترتاح خاصة عقب الاضطرابات النفسيه الي تداهم كل واحد فيهم




قرر يجلس بالصاله لين ماتنام او انها تجي تقعد تسولف معاه بس طبعا استبعد هالشي تماما وشافها دخلت تنام وانسدح هو بعد ينام على الكنبه














0
0
0

عند حنان

قامت الساعه حدعش شافت عمر قايم استغربت بالعاده ينام لي الظهر من جت العطله شكله بيعود نفسه عشان الدوامات قربت




قامت ودخلت الحمام تاخذ شاور بارد


بعد الحمام حست براحه خاصة وان وحامها خف شوي عقب وداها عمر لدكتور اختصاصي وصرف لها حبوب خففت عنها اللوعه وترجيع










البست بنطلون ابيض جنز ضيق وبلوزه زيتي كم طويل بس فتحة ظهرها على شكل مثلث كاشفه شوي

عدلت شعرها وحطت كحل وقلوز ورشت عطر
وطلعت تدور عايلتها







لقتهم بغرفة بندر يلعبون
كانوا يلعبون بسيارات بندر الكهربائيه

شافت عمر مندمج ولا انتبه لها واشرت لبندر يسكت وطاعها مشت بشويش وقربت عنده وحطت يدينها على عيونه وغطتهم










عمر ماتخفي عنه هالايدين ولا هالريحه ابد قال ببتسامه: قمتي ياكسوله

حنان كانت مقربه راسها عند وجهه وخرت يدينهاعن عيونه وباسته بخده بدون لاينتبه بندر لها






عمر داخ وده يحضنهابس وجود بندر مانعه ألتفت لها لما قالت بعد ماجلست: حرام عليك كافي اني ماذقت طعم الراحه ألا امس




عمر براحه:الحمدالله

حس براحه انها تحسنت حيل عن الي قبله وخاصة انها مارجعت وقت ماهو جنبها بالفراش كان ينقهر من هالشي ويحسسه بالقرف من نفسه














0
0
0

الساعه ثنعش الظهر

قامت بكسل من فراشها خاصة وانها مانامت ألا بعد الفجر اخذت روبها المرمي بالارض وألبسته ومشت رايحه للحمام






انتبه لها وتنهد يازينها زيناه والله انها اكبرت وحلوت حيل هالبنت الحمدلله الي سمعت شورك ياعماد ولا اعرست قبل خمس سنين لانها كانت بعدها بزر واذكر اني لمحتها مره وكانت بشعه لانها كانت بمرحلة البلوغ






اما الحين ياسبحان خالقها أيه من الجمال عدلت نفسي واخذت جهازي وفتحته بعد ماكنت مغلقه




قمت واخذت روب الحمام ورحت للحمام الثاني عشان تاخذ راحتها







دينا طلعت بعد مالبست بالحمام تنوره قصيره بنفسجي وبدي سلفر بنقش بنفسجي كمه جبنيز صدره واسع ألبست نعال ربط سلفر
سرحت شعرها المدرج مع صبغت الكابتشينوا
كانت طالعه حلوه مع بياضها الصارخ




حطت ميكب خفيف ورشت عطر مركز

شافت شهاب داخل عليها بالروب نزلت غرشة عطرها ووقفت وهي حاسه بالخجل منه




كبر سنه يحتم عليها غصب تحترمه شافته جلس على السرير واشر لها تجي



شهاب انبهرت انسحرت ماشالله تبارك الله كلمة روعه قليله بحقها اشرت لها تجي بس شكلها كارهه او خايفه بس ماراح اسوي لها شي بس بتمقل عن قرب جت بتجلس على السرير بس سحبتهامن يدها تجلس على رجولي





جلست ونزلت عيونها حيا رفعت راسها بيدي وقلت بحب: اش فيك منزله راسك خليني اشبع من شوفة الوجه الصبوح



كان يتكلم وانفاسه الحاره تلسع وجهها لسع تم فتره ساكت وبعدين قرر يتركها بعد ماباس جبينها


دينا احمدت ربها انه تركها كانت بتصلي الظهر شافته لبس دشداشته هذا لبسه المعتاد بالاحلام يلبس بدله حتى بسفره بالخارج كانو يسمونه المعقد

رد مع اقتباس
  #33  
قديم March 27, 2015, 12:47 PM
 
رد: رواية تلاشت قواي بين يديك للكاتبة الهودج

شهاب خلصت لبس قلت بهدوء:انا رايح للمسجد ولي جيت بجيب لنا غدا
طلع ولحقته تأكد من طلعته اول ماطلع



تنفست وحست براحه كون وجوده يخنقها خنق
بس مايمدي فرحتهاتكمل ألا وجاها كلامه مثل الصواقع
الي فتت كل اوصالها












بعد ساعه
صلت وراحت تفرج على الشقه عشان تنسى الي بقلبها ابهرها ذوق الأثاث بس حاسه انه مو هو كانت متوقعه انه عماد





بعد ماخلصت من شوفة الصالات والمطبخ المتوسط بحجمه راحت ترتب الغرفه حقت النوم





انفضت الفراش وعدلت المخاد وهي حاسه بمغص من احداث امس في هالمكان



وفي قلبها تنزف نزف عقب الي سمعته والي انقال












0
0
0

عند عماد


طلع هو الثاني واجهه اخوه عند الباب

عماد كان مقوم دانه تصلي الفجروالظهر لان الفجر راح عليهم



شهاب ببتسامه خبث لأخوه الصغير:مبروك عليك وعلي العرس

عماد بغصه فاهم قصده:الله يبارك فيك

شهاب بفرح:يالله انك تجزأ عمنا خير الي خطبنا لبناته على قولة خواتنا









وبطها ضحك هو وعماد

كان عندالباب و رافع صوته وهذا الي سمعته دينا وحست بعده بالقهر والاستحقار لنفسها لان زوجها ماخطبها بأختياره هو كان بأختيار ابوها ودها تصيح راحت وعيونهادمعت غصب











0
0
0




في جناح عزام


بعد السهر على انغام الحب والغرام ماحست بالوقت قامت وسحبت نفسها من احضان عزام بالقوه كانت الساعه وحده الظهر




عدلت قميصها وقامت تلحق على صلاة الظهر وعشان تقوم عزام بعد







بعد فتره قومت عزام وصلت وقعدت تقرأ بغرفتها الي قبل بخشوع


دخل عليها بعد ماوصى على الغدا يجي لهم في جناحهم شافها خاشعه تقرأ

جا وجلس جنبها يسمع لترتيلها
صدقت وطالعت فيه قالت ببتسامة حيا: بغيت شي اجهزه لك قبل الغدا قصدهاقهوه او شاي







كانت تحس انها قاعده تخدع عزام وحاولت بأبوها ينسى الموضوع بس رفض وقال لو اضطر اخطفك خطاف منه


مالها ألا الصبر الي صبرهاعلى قربه وهي كارهته بيصبرها على بعده وهي عاشقته
بعد ايدينها وانسدح على فخوذها قال براحه:لا بس ابيك تقري قران وانا اسمعك











امتدت يدها بكل جرأه لشعره وقعدت تمسحه وكملت قراءتها للقران

وهي حابسه دموعها غصب لاتفضحها قدامه

احمدت ربها انه مغمض عيونه بعد



رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
رواية بعد الغياب للكاتبة أنفاس قطر Yaqot روايات و قصص منشورة ومنقولة 64 March 18, 2015 03:15 PM
رواية روان للكاتبة كول 2009 Yaqot روايات و قصص منشورة ومنقولة 10 March 14, 2015 12:31 PM
ملخص رواية سلالم النهار -رواية للكاتبة فوزية شويس السالم Yaqot روايات و قصص منشورة ومنقولة 0 May 8, 2014 10:41 AM
تحميل روايه تلاشت قواي بين يديك SEO روايات و قصص منشورة ومنقولة 0 October 23, 2012 04:00 PM
رواية تلاشت قواي بين يديك كامله , تحميل رواية تلاشت قواي بين يديك كامله ألاء ياقوت روايات و قصص منشورة ومنقولة 0 September 20, 2010 09:52 PM


الساعة الآن 02:37 AM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر