رواية جبتها ع الجرح الكاتبة أمنيه حنيني

Yaqot · #1 March 24, 2015, 01:58 PM

قصة: جبتها ع الجرح

السلام عليكم

جبت لكم قصة من صنع خيالي قصة تتحدث عن بنت اسمها

شهد:بنت ذو ١٦ سنة ...بنت بقمة الجمال ... كاملة والكمال لله ... بنت خلق وأخلاق ... مستعدة تضحي بحياتها لترضي اخوها.

سالم: ١٩ سنة رجال بمعنى الكلمة...تحمل مسؤولية أخوانه بعد موت ابوه وامه قبل ٤ سنوات ... وكان لهم ابو ... وام ... واخ ... واخت ... ترك دراسته واشتغل عشان يصرف ع اخوانه.

غيث وليث: توام ٦ سنوات ... عقولهم اكبر من سنهم ... متعلقين حيل ف سالم وشهد.

((البــــــــــــــــــــــــ الاول ـــــــــــــــــــــــــــــارت))

تبداء القصة:-

شهد تبكي: لا ارجوك ماريده.

سالم: شهود عشان خاطري وافقي.

شهد تشهق من البكاء: لا مابي ... بعدني صغيرة ع الزواج.

سالم يرفع راسها: حبيبي شوفي البيت الي عايشين فيه..مرة صغير ... والرجال وعدنا انه يبني لنا بيت ويعيشنا احسن عيشة.

شهد تصرخ:والله لو تنومني ف الحمام ... ماتزوجه.

سالم: وبعدين معاك.

شهد:انت انسان طماع ماهمك الا الفلوس ...(( تشهق )) انت عارف كم عمري؟؟؟

انجرح سالم من كلامها : الله يسامحك ... صرت الحين طماع ... تركت الدراسة واشتغلت لاصرف عليك و ع اخوانك التوأم ... وأخر شي تقولي لي طماع.

شهد:... ... ... ... ... ... ...

كمل سالم: هذا جزاي اني اريد امن مستقبلك ... أذا تزوجتي راح تأمنين سعادتك وسعادة التوأم ... ترى صاحب البيت ف اي لحظه راح يطردنا برع البيت.

بكت شهد: ايش اسمه ؟؟

سالم: فيصل عمره ٢٤ سنة ....

قاطعته شهد: اكبر مني ٩ سنوات ... ماريد ...ماريد .

سالم يمسح ع شعرها : شهود حبيبي اذا تريدنا ننام بكرة ف الشارع ارفضي فيصل ... وانا مستعد اروح له واقوله ان اختي ماتبيك.

شهد بتردد :سالم انا ... انا موافقه.

((زاد صياحها ))

حضنها سالم:مبروك ياشهد ... وانا متأكد ماراح تحصلين احسن من فيصل تراه طيب ويشتغل مهندس ف شركه ابوه.

((شهد سكتت وتركت الشرح لدموعها))

((دخل غيث وليث))

غيث: شهوده ليش تبكين؟؟

شهد ترفع راسها لسالم: ابكي ع حظي الي انكتب.

((حزن سالم لحال اخته بس اهو مظطر انه يزوجها))

سالم يصفق ليجذب انتباهم:

يالله جهزي نفسك.

شهد : لشنو ؟؟؟

سالم: لعرسك.

شهد : هاااااااااااااااا.

سالم : سمعتيني.

((خرج سالم وضايق عليه صدره

اما شهد كملت صياحها))

(( اليوم الثاني ...

دخل سالم غرفة شهد))

سالم: شهود حبيبي مدرسة ... شهد.

شهد: ... ... ... ... ... ... ...

(( اقترب سالم من السرير وسمع صوت صياح شهد))

جلس سالم ع السرير: والله لو اعرف انك راح تبكين كل هذي البكاء كان ماوفقت.

((زاد صوت شهد))

سالم: حبيبي والله اني اعرف فيصل رجال شهم وخلق واخلاق((يظحك))ومثل ماتقولي..انا ماراح اتزوج الا ع رجال غني وجميل ... وهذا فيصل غني وجميل ... هههه.

شهد من تحت اللحاف:هههه.

سالم يبعد اللحاف عنها:شهد وهذا انا حلفت ...والله لو اشوف فيصل فيه نقطة عيب والله ماأرضى انك تتزوجيه.

شهد تمسح دموعها:صار الي صار.

سالم يبوس راسها:فديت قلبك.

شهد:سالم والله ماقدرت اروح المدرسة اليوم.

سالم:الي يريحك.

شهد:فطرت.

سالم:ايه اكلت فول وعدس وشربت شاي وعصير.

ابتسمت شهد بحزن:-الله كريم.

دخل ليث: سلومة انا اريد كرون فلكس.

سالم: وش ذا بعد؟؟؟

ليث: هذا الله يسلمني ... تحطه مع لبن ... ولمن تاكله يعمل صوت كذا قش قش.

ضحكت شهد : هههههههههههه.

سالم يحك حاجبه:- وهذا وين القية.

ليث: ف السوبر ماركت ... وياريت لو تشتري بطريقك ... نسكوك و نوتلا.

سالم: بعد...اذلف انت بس.

شهد ميته ضحك:هههههههههههههههههههههههههههههههههههههههههههههه هههههههههههههههههههههههههههههههههههههه.

(( رن جرس البيت))

شهد:خير انشاء الله ... مين جاي هل حزة؟؟؟.

سالم: ... ... ... ... ... ... .

شهد ترجع شعرها لورا:سالم.

سالم: فيصل.

كشترت شهد: وش يبي هذا بعد؟؟

سالم منزل راسة:النظرة الشرعية.

صرخت:لا لا ... تكفى مابي.

سالم يمسكها:مب ع كيفك.

شهد ودموعها شوية وتنزل:لا الله يخليك.

سالم يحملها:بلا.

شهد:اوكي ... انزلني اول.

سالم:هاهاهاها ... ضحكتيني ... نسيتي انك اختي ... تربية ايدي.

شهد:اغسل وجهي ... وافرش اسناني ... والله.

سالم:ادخل معك الحمام.

شهد:لا.

حمله سالم:عيل مافي.

شهد:اوكي ... اوكي.

سالم يكلم ليث:روح افتح الباب ودخله المجلس.

ليث يأشر ع خشمه:ع هل الخشم.

سالم:هههه ... فديت روحك.

((دخلت شهد الحمام ... غسلت وجهها ... وفرشت اسنانها))

سالم متساند ع الباب:اخلصي.

شهد تمسح وجهها بالمنشفة:

سلومة ارجوك والله اني خايفة.

سالم يضحك:ههه ... ماعليه كل بنت لازم يصير لها كذا.

شهد:ارجوك قل له يوم ثاني.

سالم:لا.

شهد:تكفى.

سالم:لا.

شهد:تكفى تهز الرجال.

سالم :امشي قدامي ... اذا ماتحركتي ... والله ادخله عليك.

شهد تكش ف وجهه:مالت عليك.

سالم يسحبها من بلوزتها:امشي ... امشي.

شهد:بعد ايدك تسحب حمار.

((ضحك سالم عليها

خرجت شهد وسالم من الغرفة ... وأول ماوصلت باب المجلس ... رجعت ... سحبها سالم من بلوزتها ودخلها))

سالم:قوة فيصل.

فيصل:الله يقويك.

سالم:أخبارك.

فيصل:تمام ... اعلومك انت؟

سالم:بخير دامك بخير.

شهد ف نفسها:قطيعة تقطعة ... يرد بالقطارة.

سالم يقدم شهد:هذي شهد اختي ... اخليكم براحتكم.

فتحت شهد اعيونها:لاماريد ... مابي اجلس معاه.

سالم:لاتخافي تراه مايكل.

شهد بصوت واطي:تستظرف انت وجهك.

سالم بنفس الصوت:انتي انطمي ... جلسي وخليك عاقلة ... عشان مايقول مزوجني مجنونة.

شهد تبتسم:اصير مجنونة لعيونك.

سالم يضربها ع راسها:استحي.

شهد:عيب عليك تضربني عند الرجال ... وش تبيه يقول.

سالم يدفها:اسكتي.

فيصل:اجول اطلع احسن لي.

شهد:تكون سويت خير فيني.

ضربها سالم:ترها تستحي ... وانا دخلتها بالغصب.

فيصل يرفع حاجبه:ايه ... كثر منها.

شهد لسالم :تضمنه لي.

سالم:بس فضحتينا ... فيصل خذ راحتك انا رايح.

((كانت شهد راح تخرج مسكها))

سالم لفيصل:انتبه ... راح تهرب.

فيصل:انت روح وانا اتصرف.

((قبل لايخرج سالم طالعها وعطها نظرة بمعنا اجلسي مكانك

خرج سالم وكان هدوء مدة ١٠دقائق))

تكلم فيصل:اشلونك شهد؟؟

شهد:زينة.

فيصل"مالت عليك وع غرورك":واشلون دراستك.

شهد"زفت مثل وجهك":زينة.

فيصل"اخخخ...لو اعطيها كف يعدل هل شكل ... بس انا ارويك ... والله لاخليك خدامة تحت رجولي":ماراح تسليني عن حالي.

شهد تطالع الباب:مايحتاج اسأل ... سالم سأل.

((وقف فيصل ... ووقفت شهد ... كانت راح تهرب ... بس مسكها فيصل وجلسها))

فيصل:ع وين.

شهد ترفع راسها:ابعد يدك عني.

فيصل يبتسم:لا مب مبعدها.

عصبت شهد:بأي حق تمسك يدي.

فيصل:زوجتي.

نزلت شهد راسها:بعد ماصرت زوجتك.

فيصل:مين قال؟؟امس ملكت عليج.

انصدمت شهد:انت تكذب.

ضحك فيصل:هههه ... وش يخليني اكذب.

شهد تضربة ع صدر لجل ببعد يدها منه:ابعد.

فيصل بصوت حازم:شهد خليك عاقله.

شهد تبكي:ابعد ... ابعد.

صرخ فيصل:شهد وبعدين معاك.

((فتحت شهد اعيونها منصدمة))

دخل سالم:خير ... ايش صاير.

فيصل يبعد ايدها بقرف:اسأل اختك.

((سالم يروح لشهد))

شهد تصرخ بهستيريا:هذا زوجتني اياه ... هذا الي تظمنه لي ... حرام عليكم ... حرام.

حظنها سالم:والله ياشهد اني اضمنه لك.

شهد:انا مابي شي ... مابي اتزوج ... بس ابي ... بس ابي اكون معاكم.

رفع راسها:امسحي دموعك.

شهد تصرخ:مابي ... اتركوني.

وقف فيصل:انا من اليوم باخذها لبيت.

سالم:بس انتظر شوي نفسيتها دمار.

فيصل:العصر تكون جاهزة ... امي راح تجي تاخذها .

سالم بتردد: بس فيصل.

فيصل بحنية مزيفة:سالم والله اختك راح تكون فوق راسي.

شهد ف نفسها:طاحت فوق راسك سيارة وافتك منك.

سالم :خلاص عيل .... الحين اروح السوق اخذ لها الاغراض الازمة.

فيصل يضحك:ههههههه ... صرت مرة.

سالم:ههههه ... وش اسوي.

فيصل:لا تشتري شي امي راح تاخذها للسوق وتشتري الي تبيه.

استحى سالم:لا انا اوديها.

فيصل:وانت ايش دراك .......................

((قاطع كلامة خروج شهد معصبة ... وسكرت الباب بقوة ... خلتهم يفزو

))

فيصل:بسم الله الرحمن الرحيم.

سالم:الله يعينك عليها ... ترها عصبية ومتهورة.

فيصل: لاتخاف اسنعها لك.

سالم: سنعها بشويش.

دخل غيث : سلومة ... سلومة.

سالم : هلا.

غيث :سلومة .

سالم :تكلم اسمعك.

غيث :سلومة.

عصب سالم :خيـــــــــــــــــــــــــــــــــــــر.

فيصل : هههههههههههههههههههههههههههههههه.

غيث : ههههههههههههههههههههههههههههههههه.

سالم :تشب ... تشب .

غيث يضرب راسة : صح نسيت.

سال :اخلص .

غيث : شهود تبكي وتصارخ بصوت عااااااااااااااالي.

سالم :ماجبت شي جديد .

غيث : لا وبعدين طاحت ف بانيو الحمام ... صار كلها ماي ... لاو بعدها تبكي.

فيصل وسالم:هااااااااااااااااااااااااااا

غيث يخرج:والله ... انا رايح لها .

تتوقعون ايش صار لشهد ؟؟

وما قصه فيصل مع سالم ؟؟

Yaqot · #2 March 24, 2015, 01:59 PM

((البــــــــــــــــــــــــــــ الثاني ـــــــــــــــــــــــــــــــــــــــــارت))
غيث : شهود تبكي وتصارخ بصوت عااااااااااااااالي.
سالم :ماجبت شي جديد .
غيث : لا وبعدين طاحت ف بانيو الحمام ... صار كلها ماي ... لاو بعدها تبكي.
فيصل وسالم:هااااااااااااااااااااااااااا
غيث يخرج:والله ... انا رايح لها .
((خرجو يركضون ... ولمن وصلوا الغرفة .... شافوها كلها ماي))
شهد بصوت باكي: ســــــــــــــــالم.
راح سالم لها ومسح الماي عن وجهها : عيونة.
شهد: انا خلاص راح اروح ومراح ارجع.
حظنها سالم : شهود تراك مرة مكبرة الموضوع.
شهد:ياريتك بنت واهلك يسو بك كذا.
سالم: تضني اني مرتاح.
((هزت شهد راسها بلا))
سالم يحملها ع السرير : شهود حبيبي خلاص انتي تزوجتي... لازم ترضين بالواقع...شهود قلبي اليوم ام فيصل راح تجي تاخذك
تشتري فساتين وشغاتكم هذول....الله يخليك واقفي.
شهد:انشاءالله.
(( باسها وطلع اهو وفيصل
بدلت شهد ملابسه ... وجلست تقرا قران))
((الساعة 8 ))
دخل سالم : انتي جاهزة.
شهد تلبس عبايتها:ايوة.
((خرجت شهد وشافت ام فيصل
فتحت اعيونها وقالت ف نفسها "معقولة هذي ام ... مرة صغيرة "
سلمت عليها))
ام فيصل : اشلونك يمة ان شاء الله بخير.
استحت شهد: بخير خالتي ...اشلونك انتي عساك مرتاحة؟؟.
ام فيصل: بخير دامك بخير.
شهد:تسلمي ياقلبي.
ام فيصل بطيبة: وين تبين نبتدي؟؟
شهد:المكان الي يعجبك.
ام فيص : خلاص عيل نروح مركز (............) .
(( دخلو مركز (............) وماخلو شي الا اشتروه))
شهد:خلاص خالتي ....كثير.
ام فصيل:وش بعد.....امممممممممم......امممممممم.....عطور.
((دخلو محل العطور .......ونفس الشي ماخلت ام فيصل عطر الا اشترته
حرجو من المركز متوجهين إلى الصالون))
ام فيصل:سمر ابيك تتفنيني فيها.
سمر:انشاء الله.
((بدت سمر تتقص شعر شهد الطويل))
شهد:ياااااااااااااشعري.
ام فيصل: ههههههههههههه.
((وبعدت ماخلصت))

ام فيصل :بسم الله ماشاء الله .
شهد:حلو خالتي.
ام فيصل: تجنني.
شهد:شكرا.
ام فيصل: يابخت فيصل فيك.
((استحت شهد
وبعد ومارجعت البيت
دخلت شهد للبيت ومعها اكياس كثير))
سالم:اوووووووووووف....ايش هذا .
شهد:اللي انت تشوفة.
((سكت سالم من شهد .... وطلب غيث وليث))
سالم: غيــــــــث .....ليــــــــــــــــث.
خرجوا غيث وليث:نعم سلومة.
سالم:تعالو شوفو ا ايش اشتريت لكم.
تقدموا:ايش.
((خرج من وراه كرتون كرون فليكس))
صرخ ليث: كرون فليكس.......شكرا شكرا.
سالم:بس شكرا.
((راح ليث له وحظنه وباس اخدوده))
ليث:انا احبك.
وسالم: وانا بعد احبك.
سالم لغيث: وانت ماراح تقول شكرا.
غيث مبرطم:لا نا اريد نسكوسك.
سالم:خلاص بكرة اروح اشتريه لك.
((ظحك غيث وحظن سالم))
((دخلت شهد الغرفة وسكرت الباب وستاندت عليه تبكي))
شهد:ااااااااااااااه........اااااااااااااااااه....ف ديت روحك ياسالم....تسوي أي شي لتلبي طلباتنا....يعلني منحرم منك.
دق سالم الباب:شهود.
مسحت شهد دموعها: هلا.
دخل سالم:اشوف وش اشتريتي.
((طلعت شهد الملابس...و العطور...... والميك اب))
سالم يمسك ع راسه:ووووف هذا كثير.
شهد:شفت كيف.
سالم:سمعت انك قصيتي شعرك.
رفعت شهد حاجبها:وانت وش عرفك.
سالم:ههههههههههههههه....فيصل.....اشوف.
((فكت شهد حجابها...وفكت شعرها))
شهد:هاااااا...وش رايك.
فتح سالم اعيونة:بسم الله ...ماشاءالله....الله يعين فيصل عليك.
جلست شهد بجانبه:......................
سالم يمسح ع شعرها:حبيبة اخوها ....ايش فيها.
شهد بصوت واطي:اقول شي وماتزعل.
سالم يبتسم:ازعل من الدنيا كلها ولا ازعل منك.
شهد ترفع راسها:انا مب مرتاحة لفيصل.
سالم قطب حواجبه:كيف يعني؟؟
شهد:معرف....اليوم لمن دخلت عليه كان يطالعني......مدري...مدري كيف.....مارتحت له.
سالم:امكن لانك مب متقبلته.
شهد:لا....انا صليت استخارة وحلمت حلم مب زين.
حس سالم بضيق وجلس يكح:كح كح كح كح.
خافت شهد ومسكت ع صدره:بسم الله عليك ... اشفيك.
سالم ووجهه احمر:كح كح كح ...... مـــــــــــا.... كح كح كح كح.....مـــــــــــــــــأي.
((وقفت شهد بسرعة ...وركضت للمطبخ وكبت له ماي ورجعت...شافته مرمي ع الارض))
شهد:سالم.
((جلست شهد وحملت سالم ع صدرها ... وشربته ماي....بس انصدمت))
شهد تحاول انها ماتبكي:سالم .... انت بخير؟؟؟.
((وقف سالم بعد مارتاح.....وراح لغرفتة))
جلست شهد مصدومة وحطت يدها ع فمها تكتم شهقاتها:دم ..... دم
((وقفت وحاولت تبعد الفكرة من راسها....خذت لها شاور...وبعدها رتبت الغرفة ....ونامت تفكر ف سالم))
*تواقعاتكم وش راح تكون حيات شهد مع فيصل؟؟؟
*وش قصة الدم سالم؟؟
*هل راح تتغير حيات شهد بعد زواجها؟؟

انتضر ردودكم ياحلوين

Yaqot · #3 March 24, 2015, 02:00 PM

وهذا بارت جديد لعيونك يارسيل

((البـــــــــــــــــ الثالث ـــــــــــــــــــــــارت))
شهد تحاول انها ماتبكي:سالم .... انت بخير؟؟؟.
((وقف سالم بعد مارتاح.....وراح لغرفتة))
جلست شهد مصدومة وحطت يدها ع فمها تكتم شهقاتها:دم ..... دم
((وقفت وحاولت تبعد الفكرة من راسها....خذت لها شاور...وبعدها رتبت الغرفة ....ونامت تفكر ف سالم))
((بعد اسبوعين من الاحداث))
شهد:تعبانة وخايفة من العرس...ومب عاجبها حالت سالم.
سالم:زادت الكحة علية...وصار مرة نحفان ووجه اصفر.
غيث وليث:مالين البيت بسواليفهم وطلباتهم الي ماتنتهي.
ام فيصل:كل يوم تجي تاخذ شهد يروحن السوق يشترن اغراض العرس.
فيصل:عايش حياته ماكانه رجال معرس...كل يوم ف استراحة مع ربعة.
((يوم العرس))
((كان العرس بسيط واقل من كذا عائلي فقط....
شهد مرة خايفة ولا بسة فستانها الابيض

كانت ف قمة الجمال والمكاياج الخليجي الي برز جمال اعيونها))
((دخلت اخت فيصل ميعاد))
ميعاد:ها شهود حبيبتي جاهزة.
شهد تبتسم:ايه.
ميعاد:يالله عيل.
((نزلت شهد من ع الدرج ع انغام موسيقية رومنسية...والاضوء مسلطة عليها ... والكل جاعد يذكر الله ع هذي الملك الي نزلت عليهم...نصهم يقول بسم الله مشاءالله ...والنص يقول معقول ف جمال كذا
جلست شهد ع الكوشة

ودخل فيصل وسالم وابوفيصل وغيث وليث
حب فيصل راس واخدودد شهد .... ونفس الشي سالم...بكت شهد))
مسح سالم دموعها:ليش كل هذي الدموع يالغلا؟؟
شهد تبكي:راح اشتاق لك.
حظنها سالم:هههههه..كل ماتشتاقين لي اتصلي علي.
غيث:شهود انتي عروس؟؟
شهد:ايه.
ليث ببراة:انتي احلا عروس شفتها.
الكل:هههههههههههههههه.
((بعد العرس خذا فيصل شهد للفندق … بعد ماحلف سالم انه اهو الي يوصلهم))
((لمن وصلو))
سالم يحظن شهد:فيصل .
فيصل:سم.
سالم:سم الله عدوك….شهد وغيث وليث امانة عند ..امانة يافيصل…حطهم بعيونك.
فيصل:ولا يهمك يابو سامي ف رقبتي.
((بعدت شهد من حطن سال وجلست ع الارض قابل غيث وليث))
شهد:غيث ليث.
غيث وليث:نعم.
شهد:ارجوكم لا تتعبو سالم… واسمعو كلامه.
غيث:لاتخافي سالم ف عيوني.
شهد تحظنة:فديت عيونك.
((وقفت شهد وحظنت سالم))
سالم يهمس ف اذنها:سامحيني يالغالية….كل الي سويته عشان اتطمن انه وراكم رجال.
شهد مستغربة:سالم اان مب فاهمة عليك…ع ايش تتكلم؟؟
((باس راسها …. وخرجو))
فسخ فيصل الغترة وجلس:ااااااااوف…مبغى يطلع.
((جلست شهد مرتبكة))
فيصل:وش ناطرة …دخلي بدلي.
وقفت شهد وقالت نفسها:وش هل اسلوب.
((دخلت الغرفة…. وبدلت ومسحت الميك اب..وخذت لها شاور….لبست مرة ناعم

وخرجت ...شافته جالس ع الكنبة يطالع التلفزيون))
شهد:احم احم.
فيصل من غير مايطلعها:جلسي جلسي.
جلست شهد:فيصل.
فيصل:خير.
شهد بطفولة:جوعانة.
فيصل:شنو اسوي لك يعني.
شهد:اطلب.
ناظرها:اشوفك بديتي تتامرين علي.
شهد:الحين ان قلت لك جوعانة تامرت.
رجع فيصل يناظر التلفزيون:تبين تاكلين اطلبي لنفسك.
شهد ببراة:ماعرف.
فيصل:اااااااااااااااوف...بعدي عن وجهي ... خليني اتصل.
((بعدت شه منه ... واتصل فيصل ف هوم سرفس ... وطلب العشاء....وبعد ماسكر))
فيصل:الحين راح يجابون العشاء.
شهد:.......................
فيصل:شنو فيك سكتي.
شهد:مافني شي ....سلامتك.
((يعد ربع ساعة وصل العشاء))
صرخ فيصل:خذي هذا العشاء.
خافت شهد:...................
صرخ فيصل:وش فيك ماتردين.
بكت شهد:خلاص ماريد.
عصب فيصل:نعم.....عيدي الي قلتيه.
شهد تشاهق:ماريد ...اريد اروح عن سالم.
ضربها سالم كف ع خدها:شب ولا كلمة.
زاد صياح شهد:اريد سالم........اريد سالم.
فيصل يضربها:شب شب.
شهد تصارخ :سالم سالم.
((مسكها فيصل من شعرها وسحبها اليى الغرفة وجلس يضربها ضرب الين اغمى عليها....اخذ المفاتيح سيارته وطلع برى الفندق))
فيصل ف السيارة:اوووف ...انا ايش سويت الحين ...اهلي ايش راح يقولو عني....اوووف...اروح الشاليه احين لي.
((اما عن سالم
بعد مارجع من العرس....جلس ع السرير ... وحس بضيق ف التنفس .... وصار يتنفس بسرعة))
دخل عليه غيث وليث:سلومة ايش فيك؟؟؟؟
فتح سالم عيونة بصعوبة:مافيني شي حبايبي.
((جلسوا ع السرير ومسحوا ع وجه سالم باناملهم الصغيرة))
غيث:سلومة انت مريض.
ابتسم سالم:حبيبي مافيني شي.
ليث يبكي:لا انت مريض.
((غمض سالم اعيونة وابتسم))
غيث يبكي:سلومة .... سلومة قم.
ليث يهز كتف سالم:سلومة قم.
فتح سالم اعينة بصعوبة:غيث.
غيث يمسح دموعه:نعم.
سالم بصعوبة:كح كح ... راح اعطـــ.....راح اعطيك رقم ...كح كح..... واتصل عليــــــ ـه.
غيث:سالم كمل.
سالم: الورقة راح تحصلها تحت التلفون...مكتوب عليها راكان.
غيث:طيب.
سالم:اتصل عليه وقل له ضروري يجي.
ركظ غيث للتلفون:طيب.
((شاف غيث الرقم ... واتصل ع الرقم))
غيث:الووووووووووووو.
راكان:الووو ...مرحبا.
غيث:مرحبتين ...انت راكان.
راكان:ايه نعم.
غيث:انت صديق سالم.
راكان:مين انت ؟؟
غيث:انا غيث اخو سالم...بس انت صديقة.
راكان:ايه حبيبي...سالم فية شي.
بكى غيث:سالم مرض ... يقول اتصل ف راكان...وشهود راحت مع فيصل...وانا ليث ماندري وش نسوي.
راكان:غيث حبيبي روح اعطي سالم ماي ع ما انا اجي...انزين.
خيث:انشاءالله.
((سكر غيث .... وركض الى المطبخ يجاب لسالم ماي
وراح غرفة ساالم))
غيث:ليوثة لاتبكي.
ليث يمسح دموعه:انا مابكي.
غيث:ارفع جسم سلومة عشان اشربه الماي.
((حاولو يرفعوا جسم سالم الثقيل بالنسبة لغيث وليث...وحطة ع صدر ليث ... وشربه الماي))
((رن الجرس))
ليث بتعب بسبب ثقل جسم سالم:روح انت افتح الباب..بس اسال اول مين.
ركظ غيث للباب:مين؟!!!
راكان:انا راكان صديق سالم افتح.
((فتح غيث الباب لراكان ودخلوا داخل
اول مادخل راكان الغرفة ناثر بالمنضر الي يشوفة))
راكان خانقته العبرة:ليث ابعد انا بمسكة.
تمسك ليث بسالم:لا ماريد .... سلومة مالي.
راكان:ليث حبيبي ابعد شوي بشوف سالم.
ليث:ما اقدر ابعد ... ثقيل.
(( حمل راكان سالم ووظعه ع السرير))
راكان:سالم سالم.
سالم:.............
راكان:غيث ليث...البسوا ...راح نروح المشفى.
*تتزقعو وش راح يصير لسالم؟؟؟
*وشهد هل راح تستمر مع فيصل ؟؟؟
*ومن هو راكان الي ضهر ؟؟؟

============================

((البـــــــــــــــــــــــــــــــــــــــــــار ت الرابــــــــــــــــــــــع))

((فتح غيث الباب لراكان ودخلواداخل

اول مادخل راكان الغرفة ناثر بالمنضر الي يشوفة))

راكان خانقته العبرة:ليث ابعد انابمسكة.

تمسك ليث بسالم:لا ماريد .... سلومة مالي.

راكان:ليث حبيبي ابعد شوي بشوف سالم.

ليث:ما اقدر ابعد ... ثقيل.

(( حمل راكان سالم ووظعه عالسرير))

راكان:سالم سالم.

سالم:.............

راكان:غيث ليث...البسوا ...راح نروحالمشفى.

ليث وغيث:طيب

((لبسوا غيث وليث .... وحمل راكان سالم وراح لمشفى ....دخل راكان يصرخ))

راكان:احــــــــــــــــد يساعــــــــــدني

((ركضوا الممرضين وحملوا سالم وحطوه ع السرير وركضوا به الغرفة))

الدكتور:أرجوك انتظر برى

راكان:حاضر

((جلس راكان وتذكر التوأم رافع رأسه شافهم حاضنين بعضهم البعض ويبكون

نزلن دموع راكان ))

راكان:حبايبي تعالوا عندي

((تقدم غيث اما ليث جلس ماكنة ماتحرك))

راكان:ليث حبيبي تعال عندي

ليث:اتصل ف شهود

راكان:ماقدر شهودة عروسة

ليث:لا شهد مو عروسة مو عروسة

راكان:حبيبي بكرة اتصل فيها

ليث يبكي:لا الحين انا ماحبك ماحب فيصل

راكان:خلاص لاتبكي الحين اتصل فيها...بس مامعي رقم جوالها

تقدم ليث:انا اعرفة

راكان:لوثة حبيبي انت تعرف الساعة كم الحين ... ساعة 5 الفجر اكيد شهود نايمة ... باكرة باذن الله اتصل فيها

ليث بتردد:وعد

راكان يبتسم:وعد

((خرج الدكتور))

وقف راكان:هيثم بشر

د هيثم:والله ياراكان سالم حالته لاتسر صديق ولا عدوا

راكان:كيف يعني

د هيثم:تعالوا المكتب عندي نتفاهم

راكان :طيب

((حمل راكان ليث ومسك ايد غيث وراح مكتب الدكتور

وجلس ع الكرسي))

د هيثم:راكان شوف انا بتابع حالة سالم من ظهر له المرض الخبيث

وكتبت له ادوية بس اهو الله يهديه مب منتظم بالدوية

مرة يشبهن ومرة لا .... مما ادا لتدهور حالته للسوء

راكان يمسح ع وجهه:والحين وش أسوي....اقدر أسفره للخارج

د هيثم:لا ماتقدر لان العلاج هنا هوا نفسه هناك.

راكان:انا أريد اعرف شي واحد بس...كيف يشفى

د هيثم:ادعي له

نزلن دموع راكان:يعني خلاص...مافي أمل

د هيثم:استغفر ربك يارجال ولا تبكي...شوف هذول الأطفال قطعوا قلبي من أول يطالعونك

مسح دموعها وقال للتوام:يالله خلينا نروح وبكرة نرجع

غيث وليث:وسالم يجلس لوحدة

راكان يحاول انه يبتسم:لا الدكتور راح يجلس عنده

ليث للدكتور:دكتور اهتم ف سالم زين اوكي

الدكتور هيثم:اوكي

غيث:واذا قام من النوم قله ان غيث وليث يحبونك كثير

((ابتسم الدكتور بحزن...واما راكان نزلن دموعه غصبا عنة

رجع راكان لبيت سالم واهو والتوام نام راكان ع الكنبة حاضن التوام))

((فتحت اعيونها وحاسة بصدااااااااااع رهيب))

جلست تبكي:اهئ اهئ اهئ ساااااااااااااااااااااالم وينك....تعال شوف الي تضمنه لي

.... تعال شوف فيصل...اهئ هئ

دخل فيصل:انتي بعدك هنا

شهد تبكي:................

((تقدم منها ومسك شعرها بقوة))

شهد:اااااااااااااااااااااااااااه ابعد عني ياحثالة

عصب فيصل رفعها من شعرها:ايش قلتي

شهد:ااااااااااااااه .....حرام عليك

فيصل:روحي من وجهي

رمها ع الارض وجلست تبكي:ساااااااااالم ابي سالم

((عصب فيصل وجلس يضربها ويشوتها ف بطنها وبعد ماشبع طلع

جلست شهد ويالله قدرت تساند روحها ... مسكت الجوال واتصلت ف سالم بس مايرد اتصلت مرة ثانية مارد عليها اتصلت ف البيت))

((عند راكان))

((كان نايم وسمع صوت التلفون ... ركض له))

راكان:الووووووووو

شهد تبكي:سالم الحق علي باااااااااموت ...اهئ اهئ

راكان:مين شهد

شهد:سالم والله راح اموت من الضرب ارجوك تعال وطلعني من هنا

دخل فيصل:مين تكلمي

شهد:فيصل ارجوك خلني بحالي

فيصل والشرار يتطاير من عيونة:مين تكلمي

((بكت شهد من الخوف...جلس فيصل يضربها...وكل هذا وراكان يسمع صوت صارخ شهد

جلس راكان مايدري وش يسوي .... والمشكلة مايعرف اسم الاوتيل....ناضر غيث وراح له))

راكان:غيث غيث

غيث:...........

راكان:غيث فتح اعيونك

غيث:هممممممممم

راكان يضربه بخفيف ع خدة:غيث صح صح معاي

غيث:نعم

راكان:تعرف الاوتيل الي فيه شهود

غيث:ايه

راكان:وش اسمه

غيث: اوتيل(.....................)

((خرج راكان جوالة واتصل ع اخت))
نورة:هلا حبيبي
راكان:نورة انتي ف البيت
استغربت نورة:ايوة ف البيت ...يعني وين راح اروح بهذا الوقت
راكان:انزين أريدك تخرجي
نورة:وين نروح
راكن:معي اخوان سالم غيث وليث
((دق قلب نورة لمن سمعت اسم سالم))
راكان:راح انزلهم عندك لني مشغول شوية ومعرف وين احطهم
نورة:راكان بلا كلام فاضي ....اخوان سالم ف عيوني انت جبهم
راكان:شكرا
نورة:تراني عطيتك وجهه
راكان:باي
نورة:باي
((سكر راكان وحمل التوام وراح بيتة))
نورة:تعالوا احبايبي
((دخل غيث وليث البيت))
راكان يركب السيارة:انتبيهي لهم
نورة:انت تعرف من هذول ...هذول اخوان الغالي
ابتسم راكان:دخلي داخل انا رايح
نورة/انشاءالله
((حرك راكان سيارتة بسرعة جنونية...وصل الاوتيل
دخل وسائل عن رقم الجناح ..وصل عند باب وضرب الجرس ...ماحد يرد
صار يضرب الباب بقوة...فتح فيصل الباب
لابس شورت ومن غير تيشرت
مسكة راكان من رقبت وخنقة))
راكان:وينها
فيصل ووجهه محمر:مين انت...باي حق تدخل
شم راكان منه ريحة ... فتح اعيونه:سكران يا(.........) وينها
فيصل يحاول يبعد يد راكان:مين
راكان:وين شهد
فيصل يهز اكتافة: معرف
((رماه راكان ع الكنبة وجلس يدور ع شهد))
راكان:شهد
((سمع صوتها من الغرفة...ودخل الغرفة...شافها ع السرير مغطية بالحاف تبكي))
راكان:شهد
شهد تبكي:سالم
غمض راكان أعيونه ولف أعطها ظهره :شهد البسي خلينا نطلع
((وقفت شهد...لبست بنطلون وتيشرت..وخلاص معد تقدر تكمل...جلست ع الارض تبكي
لف راكان عليها وشاف وجهها المزرق وكلها جروح...فتح الكبت وطلع عباية وغطها وحملها وطلع))
فيصل وبيده كاس خمر:ايه وين انت رايح
((خرج راكان ولا كانه سمع شي....نزلها ف السيارة وتحرك بيته
اتصل ف نورة))
راكان:الووو نورة
نورة:هلا راكان
راكان:افتحي البوابة
نورة:اوك
((فتحت البوابة ودخل راكان...ونزل يفتح بوابة شهد وحملها))
نورة:اهئ.....راكان من هذي
راكان:وحدة لقيتها ف الشارع ..وكسرت خاطري
نورة تضربة :يالله مين
((راكان يدخل ولحقتة ... وضع شهد ع الكنبة ...وبعد العباية عن وجهها))

نورة وايدها ع فمها:راكان البنت كلها جروح
راكان:نورة فديتك هذي شهد اخت سالم...امس تزوجت وزوجها النذل اكلها ضرب...نورة ارجوك حاولي تعالجي جروحها
نورة فاتحة عيونها:هاااااااااااااااااااااااا
راكان وعيونة مليانة دموع:ارجوك...هذي شهد
((نورة تطالع شهد كاسرة خاطرها))
راكان يصرخ:نـــــــــــــــــووووووووووووووووووورة
فزت نورة:اوكي ...بس احملها لغرفتي...يكون احسن
راكان:انشاءالله
((حملها لغرفة نورة ووحطها ع السرير وخرج...جلست نورة تكمد جروح شهد))
((الساعة 4 العصر))
قامت شهد متكسرة:ااااااااااااااااااااااااااااااااااااااه
فتحت اعيونها ورجعت تسكرها .... وبعد 5 دقائق...رجعت تفتح اعيونها:انا وين
((نزلت من ع السرير وراحت للشباك وشافت غيث وليث يلعبو بالسيارات...ابتسمت ونزلت دموعها))
دخلت نورة وبيدها صحن شوربة :هلا والله بشهد.....انتي الين صحيتي
ابتسمت شهد:ياهلا فيك....ايوة
نورة تحط الشوربة ع الطاولة:كيفك ياحلوة
شهد:زينة بس احس بحرقان ف وجهي وجسي
نورة تجلسها:ايه هذا السبب الضرب
نزلت شهد راسها:انتي اخت فيصل
نورة تبتسم:لا
رفعت راسها مصدومة:لا
نورة:انا اخت راكان
استغربت شهد:مين راكان
نورة:المحامي راكان...محامي شركة ونفس الوقت مساعد سالم...يعني تقولي راكان يد اليمين لسالم ومحمد ولد عمي اليسار.
ضحكت شهد:هههههههههههههههههههههههه سالم له معاه شركة
((دق باب غرفت نورة))
نورة :مين
غيث:انا غيث
شهد لنورة:اخواني وش يساون هنا
ارتبكت نورة:هاااااا...معرف
((دخل غيث وركض لشهد وحضنها))
غيث:لاتخلينا
شهد ودموعها ع خدها:اموت ولا اتركم
((دخل ليث ولمن شاف شهد جلس يصيح بصوت عالي...لدرجة ان راكان خرج من الغرفة
راحت له شهد ومسحت دموعه))
شهد:حبيب شهودة ليش يبكي
ليث يحفظنها:حبيب شهودة خايف لا يتركنا مثل سالم
شهد:سالم (ناضرت نورة) وش فيه سالم
نورة:لاتخافي امس تعب شوية والان هو ف المستشفى
ضربت شهد صدرها:ياقلبي ع اخوي
نورة لمن شافت شهد تصيح:لا تخافي اهو بخير ومافيه الا العافية
شهد:اريد اشوفة
نورة:ماتقدري تروحي....شوفي حالك ف المنضرة
شهد:متى يطلع
نورة:معرف بس ع ماعتقد اا طلع راح يسافر للخارج
صرخت:اشلون يسافر واهو مريض
((ضحك راكان ع غباء اختة وذكاء شهد))
دخل راكان:احم احم
((ركضت شهد تدور حجاب ...اعطتها نورة حجاب .... تحجبت شهد))
راكان:اشلونك شهد
شهد مستغربة من نورة وراكان:تعرفني
راكان يبتسم:انا صديق سالم
شهد:سالم عند اصقاء
ليث يحضن شهد:شهود راكان من البارحة ويانا
شهد:انا مب فاهمة شي
راكان مازال يبتسم:اجلسي عشان افهمك القصة
شهد عندت:لا مابي وياريت توديني عن اخوي
راكان ف نفسة:عنيدة نفس سالم:شوفي وجهك ف المنضرة...وبعدين اذا وديتك راح يتعب زيادة
جلست شهد:لهذي الدرجة مريض
راكان:انا ماريد اكذب عليك واقولك انه بخير
شهد ترفع راسها وعيونه مليانه دموع:متى اروح له
راكان:اذا خفن الجروح الي بوجهك
شهد:وفيصل
رفع راكان راسه:وش فيه
شهد:والله خايفة منة..اكيد الخين يدور علي..واذا عرف ماكني راح يطيح فيني ظرب
راكان:لا تخافين انا هنا مايقدر يلمس شعرة منك انتي واخوانك...تراكم اخوان الغالي
نورة ف قلبها:اية والله
((بعد اسبوعين من الاحداث السابقة))
((دخل فيصل البيت))
ام فيصل:بشر لقيتها
فيصل ف نفسه:انا دورت عليها حتى القيها:لا يمة ....ماخليت مكان الا دورت عليها
ابوفيصل يقرا الجريدة:انا قايل لك امسك اعصابك بس انت الله يهداك ضيعت كل شي
فيصل:اووووووووف...انا اريد اعرف انت وش تريد منهم
ابو فيصل يطوي الجريدة ويصرخ:انت تعرف مين هذول
فيص يجلس:ناس فقارة يريدو نصرف عليهم
ابوفيصل:هذا الولد الي راح يجنني .....انت ماتعرف سالم ال........
فيصل:ماعرفة ولا اريد اعرفه
صرخ ابو فيصل:انت ايش ماتفهم هذا سالم ...اذا حطك ف راسة رحت فيها
ضحك فيصل باستهزاء:والله مابقى ولد عمره 19 يخوفني
ابوفيصل:اقول اطلع برى...انت غبي ماتفهم ....انا زوجتك اختة لجل فلوسه ...مو لسزاد وجهك
فيصل:والفلوس الي معاك ماكفتك.
ابو فيصل يضحك:هههههه...زيادة الخير خيرين
فيصل يوقف:انا سويت الي علي ... انت دورها اذا طمعان بفلوسها....واذا لقيتها وديها غرفتي ...اضن انك تعرف غرفتي....ها قال زيادة الخير خيرين.
ابوفيصل:خلاص ادورها واجيبها لك
فيصل يطلع الدرج:تكون سويت فيني خير
((هزت ام فيصل راسها بياس وحزنت ع شهد))
((عند شهد
خفت الجروح الي بوجهها ورجع شكلها الاول...بس ف علامات ع وجهها خفيفة
ف المطبخ))
نورة تكلم شهد:انتي جاهزة تشوفين سالم
شهد:اية والله مرة مشتاقة له...تعرفي هذي اول مرة ابعد عنه اسبوعين
نورة تترك الي بيدها:مافهمت
شهد تاخذ نفس:ااااااااااااااااااه
نورة تبتسم/سلامتك من الااااااااااااااااااااااه
شهد:هههههه....تعرفي من توفى اهلي قبل 4 سنوات واحنا ولا مرة نبتعد عن سالم
نورة:اها
شهد ببراة:اكيد تسالين كيف ماتوا ابوي وامي
نورة ف قلبها:شكلها ماتدري اني اعرف كل شي:كيف ماتوا
شهد:ف حادث سيارة كان ابوي وامي وخالتي وزوجها راجعين من منطقة(..........)
وقلبوا ...فاربنا سالم
نورة نزلت راسها:الله يرحمهم
شهد:اللهم امين.
((رفعت نورة راسها وشافت دموعها وحزنت عليها))
نورة:شهود انا اسفة ذكرتك باهلك
ابتسمت شهد بصعوبة:لا عادي ...تدرين احسن ...من زمازن كنت ناوية افضفض...بس مالقيت الي يسمعني
ابتسمت نورة لشهد:افا عليك اعتبريني اختك...واي شي تبغينة قةلي لي وانا حاضرة
شهد:تسلمي ياقلبي
نورة فتحت اعيونها:هههههههههههههههههههههههه
شهد:علامك تضحكين
نورة:طالعي وراك
لفت شهد تشوف وراها:هههههههههههههههههههههههههههههههههههههه
غيث وليث:هههههههههههههههههههه
دخل راكان المطبخ:هههههههههههههههههههههههههههه
عدلت شهد حجابها:وربي مجانين وش مسوين بحالكم انتو
((خلوني اوصف لكم شكل غيث وليث وراكان
كانوا مخرسين بالطين والماي ومن شعرهم لساس قدمهم))
غيث:شهودة وش رايك فيني
شهد:روووووووووووووووووووووووعة
غيث:ادري
ليث:تراك ماخذ مقلب بروحك
الكل:هههههههههههههه
نورة لراكان:اليوم بنات عمي راح يجو لهنا
راكان:ياهلا ومرحبا بهم
نورة:وانا رايحة السوق
راكان:اوكي
نورة عصبت:يعلك الي مب قايلة.....اسمع
راكان يجلس ع الكرسي:نعم
انقهرت نورة من برودة....ومسكت الدقيق رمته علي:مالت عليك
راكان يبعد الدقيق من عينه:انا ناقص دقيق
غيث وليث وشهد:هههههههههههههههههههههههههه
نورة تصرخ:اطلع بدل وتحمم والبس...وانت الي باتخذني
راكان يوقف:سوري انا مشغول باخذ شهود وغيث وليث لسالم...اسبوعين ماشافهم...واهو من اول يبيهم وانا رافض
نورة:واكي راح اروح معاكم وبعد المستشفى السوق
راكان:اوكي خليكم جاهزين
الكل:اوكي
((مسكت شهد ايادي غيث وليث وطلعت سبحتهم وبدلت لهم ...ولبست بنطلون وعباية ...وخرجو

تحت راكان يلعب بالتلفون واكان شكله فن
امممممممم خلينا نتكلم عن راكان شوية

"راكان 23 سنة.... يشتغل محامي ... رجال ذكي ....اكيد راح تستغربو كيف يعرف سالم ....هذي قصة طويلة وراح تعرفوها من خلال القصة....اممممم .... نتكلم عن شكله..... طويل جسمه رياضي..حنطاوي البشرة...عيون وساع مرمشة سود كثيفة ...شعرة اسود طويل لاخر رقبته...ويموت ع الاناقة"

"نورة 19 سنة.. اخت راكان...تدرس علم نفس...بنت حبوبة وعليها حركات غباء... سمرة وسمرتها حلوة
...شعرها اسود فحم طويل ...قصيرة...عيونها سود ووساع"

رفع راكان راسه وصرخ يفكرها نورة))
راكان:نورية المجنونة ..سااااااااااااعة انتظــــــــــ
غيث وليث:ههههههههههههههههه
استخى راكان:اسف حسبتك نورة
شهد:ههههه لا عادي
نزلت نورة:خلصت
راكان:نورة تعالي اريدج شوية
((راحت له نورة ... مسكها من يدها ولفها لورا))
راكان:ساااااااااعة انتظرك
نورة:ااااااااه راكون حبيبي والله اسفة
راكان يفلت:امشي بس
نورة واهي ماسكة يدها:اااااااااي والله يوجع
راكان:تستاهلين
((ركبوا السيارة متوجهين للمستشفى
ومشوا ف الممرات..ودقات قلب نورة تزيد
دق راكان الباب غرفة سالم))
سالم:كح كح ..ادخل.
((دخل راكان وغيث وليث واما شهد جلست تناضره من عند الباب...نورة رفضت انها تدخل))
سالم يصرخ:غيث ليث حبايبي
((غيث ويث يطلعوا السرير ويحضنوه))
غيث وليث:سلومة اشتقنالك
سالم يحظنهم بقوة:وانا اكثر ..وانا اكثر((التفت لشهد))وانتي ماتبين تسلمي علي
شهد تبكي:...............
فتح سالم ايديه لشهد:تعالي تعالي عندي
ركضت شهد لسالم وحضنته:سالم ارجوك لاتخلينا
ابتسم سالم ورفع راسها:اليوم الي اخليك يوم موتي
زاد بكى شهد:بعيد الشر عند...ياليت المرض فيني ولا فيك
مسح سالم دموعها:بسم الله عليج...شهد حبيبي اريدك تكوني ذخر لخواني...تربيهم احسن التربية و كح كح كح...اريدك تسمي ولدك سالم ههههـــــ كح كحكح
شهد تمسح ع خده:لاتقول كذى...انت الي راح تكبر غيث وليث..وانت الي راح تدخلهم المدارس وتزوجهم وتزفهم(نزلت دموعها)وتشوف عيالهم..وانت ونات راح تتزوج ويصير عندك بنوتة
نزلت دموع سالم:كح كح ...شهد اشلونك مع فيصل...انشاء الله مرتاحة
شهد تحط راسها ع صدره وتغني:

جبتها على الجرح وكنك مادريت

وأنت قاصد ما هي عني أصدفت

والدليل انك تبسمت ومشيت

وأناأنادي لك ولا يمي التفت

رفعت راسها:هذا حالي ياخوي من تزوجت فيصل وانا عايشة ف ذل
حط سالم يده ع راسها:والله مثل مازوجتكـــ كح كح كح من هذا الواطيــــ كح كح كح
لا اخليه يطلقك كح كح كح كح
شهد:سالم انت تعبان
زاد تنفس سالم:لا انا بخير ...كح كح ...راكان طلبتك
راكان:امر
سالم:تقول كل شي لشهد عن الشركة ... وراح تحصل ف الشركة 3 وصيــــــــــــــ.......انت فاهمني كح كح
راكان:ولا يهمك
سالم ودموعه ينزلن:وودع بعض الناس وقول لهم تراهم ف القلب...وانا لا حبيت ولا راح احب الا اهي
((دموعه تنزل ودموع راكان الي مسحن ..واما نورة جلست تناضر سالم ودموعها ع خدها))
قول لها ..اني كنت اتمني اني اتزوجها بس القدر مكتوب.....راكان اخواني يا راكان طلبتك تهتم فيهم..ككح كح كح ..اااااااااااااااااااااااااااااااااااااه .
((خرج من فم سالم دم
دخل الدكتور هيثم))
د هيثم:ايش صار...بليز طلعوا برى
راكن لشهد:شهد خلاص
شهد تبكي فوق سالم:لا يا خوي لا لاتروح...لااااااااا
د هيثم:ولي يرحم ولاديكم طلعوا
((مسك راكان شهد وحاول يطلعها بس ماقدر...اضطر انه حملها وخرج
بعد 3 ساعات هدووووء بس صوت بكى شهد
خرج الدكتور ووقفوا))
راكان:ها بشر
نزل د هيثم راسه:والله مادري وش اقول لكم
راكان:خير
د هيثم:البقية ف حياتكم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تحميل رواية جبتها ع الجرح كاملة	SEO	روايات و قصص منشورة ومنقولة	0	October 27, 2012 02:25 PM
رواية اعد لي هويتي الكاتبة أنجـــال	SEO	الروايات والقصص العربية	0	October 22, 2012 01:55 PM
جبتها على الجرح	ام الهنوف	بوح الاعضاء	2	February 15, 2009 06:11 PM
جبتها على الجرح....!!!	آحسآسي آلمآسي	شعر و نثر	19	October 22, 2008 11:13 PM

رواية جبتها ع الجرح الكاتبة أمنيه حنيني

روايات و قصص منشورة ومنقولة