|
|||||||
| روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا |
 |
|
|
LinkBack | أدوات الموضوع | انواع عرض الموضوع |
|
#31
March 22, 2015, 02:46 PM
|
||
|
|
||
|
رد: رواية ما كل من يضحك مع الناس مبسوط يا كثر من يضحك و نفسه حزينه للكاتبة صاحبة الم
ورحت ركض للصاله جبت الازهاار واعطيتها اياهاا : that is for you ضمتني لصدرهاا : شووكراا شووكراا سااراا قلت لها وانا امسح دموعهاا : لا تعطلينا بسرعه غيري فرقعت اصابعها وقالت : هوووااا ضحت عليها : هيين تقلدييني وضحكنا سوى *سلـــــــطان * صارلي ساعتيين وااقف عند البيت ابي ادخل اشوفها ابي اتطمن عليهاا ابي اعتذر لكن شفيد وهي حتى بقصيدهاا جرحتني .. كارهتني ياشيخه شلون قلب حبج لي كره شلوون .. استجمعت شجاعتي عديت السور نزلت من سيارتي ...مالقيت سيارة ثاني غريبه يكون للحين مارد الساعه عشر طقيت اليرس فتحت لي ميري : اهلا بابا سولتاان قلت لها : اهلا ميري وين بابا ثاني قالت : بابا ثاني يروح دينر مع ماما ميثا قلت لها : ومااما شيخه قالت : ماما شيخه بهيره مالهاا قلت لها : انزيين وين حيرتها انا مايدلهاا مشيت قدامي الين ماوصلت بااب حيرتهاا طقيت الباب قالت : دشي ميري فتحت الباب : قوة شيخه شفت الصدمه على ويههاا : انت شتسووي هني شلوون تدخل هني قلت لها : هذا بيت عمي وهذي حيرة حرمتي وقفت وهي صاده الصوب الثاني : ليه ييت ياسلطان قلت لها : جيتك بعد غيبه وانا كلـي اشـواق تدفعنـي لوصلـك جـروحٍ غميقـه جيتـك حنيـنٍ ذاب والدمـع دفـاق احسـاس شاعـر مايبـور برفيقـه جيتك آلم والشوق محرقني احـراق في خافقي ضحكه ومليـون ضيقـه جيتك وقلبـي للغـلا دووم ينسـاق يكفـخ مثـل حـرٍ سبوقـه طليقـه جيتك وهم البعـد ماهـوب ينطـاق وصمتك فتح بين الحناااايااا طريقـه اعتذر والعذر هو سيد الاخلاق عاشقك موج البحر مـا بـل ريقـه جيت التمس عطفك علي الفضا ضاق قلت الصحيح ولا جهلـت الحقيقـه جيت ارتجي وصلك بعد هم وافراق الشوق جـارح والمشاعـر رقيقـه الى ذكرتـك تنطـوي كـل الاوراق وكثر الصبـر ماعـاد والله اطيقـه ذكرى جميله والزمن صـار بـواق فـرق نفـوسٍ بالمحبـه غريـقـه * شيـــــــخه * لما انفتح البااب ماصدقت عيني ماصدقت ان الي واقف قدامي سلطان .. ماتوقعت ابد يريع بعد كلامي القاسي بعد القصيد الي عديته .. لكنه ياا .. يا ني ياااني يعتذر اول ماسمعت ابياته حسيت بقلبي يعتصر يعتصر شووق له يعتصر محبه يعتصر خووف من ان شعوره يبرد ويريع مثل ماكاان التفت صووبه طالعته ... طالعت عيونه وكن النظر رمس عني وعنه عيوني : ارحمني ولاتطالعتي جذا عيونه : غصب عني الشوق اتعبني عيوني : الشوق ؟! عيونه : ايه الشوق اشتقت لج اشتقت لضحكتج لشوفتج اشتقت حتى لهوشتج عيوني : تكفى لاتعذبني عيونه : تكفيين رديلي عيوني : صعب والله صعب عيونه : لييييه عيوني : خااايفه عيونه : من شوو ؟ عيوني: اخاف يوم يمووت الشوق وترجع اتنساني عيونه : حاشاني انسى عمري وماانساج .. من يحبج يانظر عيني مستحيل بيوم ينساج عيوني : نفسي اصدق عيونه : صدقي والله ماكذبت عيوني : وان انجرحت عيونه : صدقيني مال الجرح بينا مكان قاالي : بتسامحيني ونبدأ من جديد ابتسمت : ليت بيدي ازعل عليك قرب مني حبني على جبيني وقال : الله لايحرمني منج ابتسمت : ولاامنك الا ويرن تلفونه وكان المتصل حمدان ومارد عليه : هذا مايعرف يتصل الا بوقات غلط قلت له : حرام رد عليه فديته ماقصر معانا طالعني بلوم : لاتفدينه قدامي ضحكت عليه : حرام عليك تعرف انه شرات ثاني قالي وهو حايس بووزه : حتى ولو انا اغاااار قلت له : فديت الي يغارون قالي وهو يتقرب مني اكثر: فديت الي يتفداني دفرته عني : سلطاااااااااااااااااااان قالي : تراني ريلج جيت برد الا والبااب ينطق قال : ياربي هذيل متسلطين علي حمدت ربي وبعدت عنه وقلت: ادخلي ميري ثاني : ميري منو هذا اناا .. الشيخ سلطان نعم شتبي ؟ سلطان يا وقف ينب يوحط ايده ع كتفي : بغيت حرمتي ثاني اقتر ب وسحبني من ايدي وصار ماسكني : مالك حرمه عندنا يالله ياتيسر بيتكم قال له : زين الشيخ ثاني بس وين ميثه وقام ينادي عليهاا ثاني : شتبي بحرمتي ؟ قاله : ماهي حرمتك اختي بتروح معي ثاني : لا ياابوك هذي حرمتك خذها وسوي بها الي تبا .. خلك من حرمتي خبطته : هيين يالهرم وانفجر الكل ضحك .. يومتها رجعت بيتي انا وسلطاان وقلوبناا ع بعض استقبلتني عمتي بالزغااريد والترحيبااات وحمدااان خذ عصاه وقام يرزف هو واخوه يلست اضحك عليهم .. ضحكت من قلبي حلو الانسان يرد لبيته *احمــــــــــد * يالسه وزعلانه حاولت ارمسها عطتني طاااااااااااااااااااف قربت منهاا وقلت : فديت الزعلاااانييين اناا تمت تلعب مع ولدهاا ولا حتى عطتني نظره قلت لها : اهوون عليج ريامي ارمسج ماترديين الريم : طااااااااااااااااااااااااااااااااااف اقترب مني بندر الصغير : بااباتي ... لئبه ايلوووو شلت وتميت احبحبه : انت الي حلوووووووو بندر تضاايق مني وتم يصييييح اقتربت مني ريامي واخذته : زيين جذيه صيحته شلون بيسكت وخذته مني وحاولت تسكته قلت لهااا : لو ادري كان صيحته من زمان عطتني نظره قلت لهاا : عسب ترمسيين معي ... مقدر اناا على زعلج سكت بندر اخيراا كان حاشرناا اقتربت مني : لا والله مره اهمك شلون تروح انت وتودرووني قلت لك نترياهم عسب نسلم عليهم مارضيت بييون تعبااانييين وتركتني بالبيت ورحت لربيعك قلت لها : الريال دق علي ونزلت اقاابله كان يبي اشياااء وااايد للبيت وانا رحت اساعده قالت لي : لا والله وعطتني ظهرهاا لفيتها علي وقلت : والله العظييم .. وبعدين انا حتى ماقربت من بيته تشريناا وعطيته اغراضه وييت سالتني : يعني ماشفت حرمته قلت لهاا : لا ماشفتهاا قالت : خااطري اشووفهاا قلت لها : بتشوفينها وبترمسينها انتي ليه مستعيله قالت لي : انا ابي احد ارمس معااه يونسني تعبت وانا مجابه الطوف قلت لها : عندج الجارت ليه ماتسيري عليهم قالت لي: وعععع مابقي الا عيال الحمرا وعووووه .. اخيرا ياني حد من بلااد العرب ضحت عليهاا : الله يقطع بليسج .. انزيين بتعشييني ولا اتم يوعان ابتسمت : يخسى الجوع الان الاكل يكون زااهب * حنــــــــــان * هذا الي ناااقص البس ملابسي قدااااامه امااا انه يقهر بشكل .. ضيع علي انتعاش النظاافه ... طلعت لقيته يدور بالدولاااب التفت لي : حنااان انتي غيرتي مكان الاشياء قلت له : ايييه قالي : طيب لوسمحتي ممكن تطلعين ليه ملابس اناا بدخل اتسبح وخذ منشفته ودخل يتسبح انقهرت منه هذا مره عاايش الدور اني حرمته ... طنشته ورحت المطبخ طلعت العيش وعملت لي سندوتش جبن وجلست اطالع التلفزيووون شووي وان هذاا جاي وواقف قداامي ولاف المنشفه على خصره وشكله معصب من غيرماارفع عيني فيه : وخر ابغى اشوف التلفزيوون سحب الريموت من جنبي وطفى التلفزيوون وقال : ممكن تناظريني يوم اكلمك حنان " اماا عليك جسم يهد ابليس العدوو تقول مبيت بالنادي كششخه ..صدق ماعدك الفه الرجال يهاوشك وانتي تخزينه " رفعت عيني وقلت له : نعمممممممممم قالي : ينعم بحالك ... وين ملابسي قلت له بكل برود : بدولاااابك قالي : انا مو قايلك طلعي ملابسي قبل لااتسبح قلت له وانا اوقف رايحه للمطبخ : اعتقد انك مو بزر عشان اجهزلك ملابسك مسكني من ذراعي بقوة وسحبني لصدره وقال : حناان لاتختبريين صبري .. روحي طلعي ملابسي بالطيب شكله كاان معصب ع الاخييييير بصرااحه خفت يضربني رحت طلعت له ملاابسه وجيت بطلع من الغرفه للصاله كان واقف عند البااب وقف قدامي وسد الطريق قلت له : ممكن توخر هز راسه بمعنى لاا انقهرت منه : قلت طلعي ملابس وطلعنا لايكون تبغاني البسك اياهاا كمااان ؟ ابتسم وقال : فكره حلووه بصرااحه فتحت عيوني ع الاخير : من جدك انت ؟ قالي : شوووي شووي امزح ... حنااان انا اسف ماكان قصدي اعوورك قلت له : ترى مشيتها بمزااجي المره الجايه الي تفكر تسووي معي ذي الحركه والله يااابندر مااكون بنت عبدالله ان ماخليتك تندم عليهااا قالي : تهدديييني قلت له : افهمهاا زي ماتفهمهاا قالي : ع العموم اعترف بخطأي لكنك تستفزيين الواحد قلت له : عن اذنك طلعت وسبته خرج من الغرفه وجلس معاااي يطاالع التلفزيوون .. ماكناا نتكلم اصلا ماكان بيناا أي توافق عشان نتكلم قااام ورجع معااه فوشار حاطه بزبديه غميقه شكله يشهي مره جلس قريب مني مد لي الفوشاار : تفضلي قلت له : مااا بااااااا حطه فووق حضنه وقالي : كييفك بنفسي مالت عليك يالطفس مااصدقت ماايعرف يعزم زي الناااس وطالعته من طرف عيني قالي : اناا اعزم مره وغيرهاا لاا تبي تسوي نفسك ثقيله بكييفك ذنبك على جنبك قلت له وانا اوقف : تصبح على خييير دخلت كنت تعبانه مره وكنت نااويه اقفل البااب لكن بعد نظرته هااذيك وربي خفتيكسر البااب ع راسي هم يقولون انتي شر الحلييم اذا غضب وانا شكلي وصلتها لراس خشمه ... دخلت وتلحف بصراحه ماقدرت انام اولاالمكان وثانياا خاااااايفه مدري كم مر من الوقت علي بالسرير يمكن ساعة يمكن اكثر اول ماسمعت البااب ينفتح غمضت عيوني وغطيت راااسي بالشرشف * بنـــــــــــــــــدر* شفتهاا وهي تتغطى وعرفت انهاا مو نااايمه ... كااان نفسي اقولهاا لكن ماحبيت احرجهاا ... شكلها كذاا خاايفه رغم قوتهاا وقوارتها الا انها خايفه وهذا عرفته من كثر ماتتقلب ازعجتني والله ماقدرت انااام مع ان بيني وبينهاا مساافه وفوق كذا عاطيها ظهري ومالتفت لهاا ... ياربي جابتلي القلق البنت ذي قمت وقعدت ع السرير قلت لهاا حنااان ممكن تقوومي عاارف انك مو ناايمه انتــــــــــــــــهى وان شالله يكون الاجزاء عجتبكم ....:heeeeeeelp: 
|
|
| مواقع النشر (المفضلة) |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| رواية ماكل من يضحك مع الناس مبسوط | SEO | روايات و قصص منشورة ومنقولة | 0 | October 26, 2012 12:28 PM |
| رواية ماكل من يضحك مع الناس مبسوط ياكثر من يضحك ونفسه حزينه | ألاء ياقوت | روايات و قصص منشورة ومنقولة | 0 | September 20, 2010 10:07 PM |
| لماذا لا يضحك الإنسان عندما يدغدغ نفسه..؟؟؟ | omar.kano | معلومات ثقافيه عامه | 3 | May 23, 2009 11:53 PM |
العرض العادي
