رواية وش فادني صبري ومقطان الحنين اللي سرق عطري سنين للكاتبة أنا روح حال

Yaqot · #64 March 20, 2015, 04:04 PM

تجهز للصلاه .. وطلع من الغرفه
مشى للدرج وسمع صوت آلبآب
لف وجهه وشآفهآ وآقفه عند آلبآب
نزل بسرعه مَ يبي يعطي قلبه فرصه
آللي سوته بوجه نظره لا يغتفر ..
مشت للدرج .. حطت يدهآ ع آلدرآبزين
وبدآخلهآ : مستحيل آتنآزل عنك

نزلت وجلست ع آلدرج
سندت رآسهآ عليه
وعيونهآ ع آلبآب
تجمع الدمع بعيونهآ بسسرعه

ضمت نفسهآ وبكت بصمت

آحسآسهآ بالتعب مَ تغير

مع آنهآ عرفت من آبوهآ

وتقدر تروح له وتعرف منه كل شيء ..

لكن آلفيصل رآح ..

رآح وآصبحت عآيشه على آمل آنه يسآمحهآ

تمنت لو آنه يحن عليهآ ويضمهآ

بس مره وحده

يمكن يزول شوي من خوفهآ بحضنه

مسحت دموعهآ وآخذت لهآ نفس

[ آلفيصل ]

لو آقدر بس آنسى آنك كذبتي علي
وآحضنك
آآآآآآه صعب صعب يَ نوف
آللي عرفته مو شيء سهل
مآني حآب آكون قآسي
كفآيه آلالم آللي تعيشينه
لكني مآني قآدر آشيل هآلآفكآر من رآسي
طول هآلمده كنتي تعرفين ومخبيه عني
آآآه تركتيني عشآن مآضي
وآللحين آنآ متعبني مآضيك

وقف سيآرته .. ونزل للمسجد
رفع عيونه للسمآ : يَ رب عندك آنت بس آحسن آلحلول
ريحنآ يَ رب ..

السآعه 6 صبآحآ ..
فتحت عيونهآ : وين بتروح بهالوقت
لف عليهآ : لعمتي ..

طلع وسكر آلبآب
جلست وبدآخلهآ : وش مخبي بعد عني يَ سعود
رجعت شعرهآ لورى وبعدت آلغطآء عنهآ
نزلت من السرير ..
مشت للبآب .. فتحته
ولفت وجههآ بآتجآه آلغرف آلثآنيه
تنهدت ورجعت للدآخل

فتح آلبآب عليهآ بشويش ودخل
وقف عند آلسرير لمى شآفهآ نآيمه
كسرت خآطره وتذكر كلامهآ له

[ طلعتوآ تسذآبين < كذآبين >
وش مخبين عني بعد .. وش آلفضآيح آلبآقيه
قولوآ .. ليه سآكتين..
آنت تسكت ولا تتكلم .. تسذب علي وتقول آنهآ متزوجه
وبتقعد عندتس وهو مغتصبهآ آلـ...
لا يَ آللي مَ تستحون
شفتوني عجيز على بآب آلله مَ عندي آحد
قلتوآ نلعب عليهآ وبتصدقنآ
آنآ خلاص غسلت يدي منكم .. ودوني بيتي مَ آبي آشوفكم ]

زآد كرهه لسآره ولكل شيء يذكره فيهآ
بهأللــــــحــــــــــظه
لف على ورى ومشى للبآب بخفه زي مَ دخل ..

وقفت عند بآب غرفه آلاكل
رآقبته بشرود وهو يأكل
كآن مره يوقف .. ومره يرجع يأكل
صحت من شرودهآ بخوف لمى وقف وشآفهآ
مشى لهآ : تبين شيء
نوف بترجي : آبي آكلمك
الفيصل : عن وش
نوف : آبي آقول لك كل شيء
الفيصل : خلاص ريحي نفسك آنآ عرفت
< وبسخريه > آرتآحي يَ بنت عبدالمجيد آلـ ..
نوف : آنآ مو بنته < رفعت عيونهآ له > آنآ بنت نآيف
الفيصل حط يده ع آلبآب ونزل رآسه لهآ
وبدون مَ يحس بقيمه كلامه : ليه مَ آنتي فرحآنه آنه آبوك عبدالمجيد آلـ .. آلرجآل غني وعنده خيير كثير
بعدته عنهآ ومشت عنه
الفيصل بصوت عآلي : لاتقولين تبين تتكلمين ثم تهربين
لفت عليه : هذآ مو كلام .. آنت قاعد تبرد حرتك فيني
الفيصل بعصبيه : من حقي .. بعد كل آللي سويتيه
نوف بشبه آبتسآمه : آنت خبيت وآنآ زيك .. خلاص تعآدلنآ
مشى لهآ : وش قلتي
خآفت منه بهاللحظه
الفيصل : تعآدلنآ !!! لا يَ نوف حنآ مَ تعآدلنآ
< آشر عليهآ > آنتي ...
رفعت عيونهآ له لمى سكت
بلع ريقه ونزل يده ..
نوف : آنآ لقيطه .. قولهآ عآدي
الفيصل : بعدي عني يَ نوف آنتي كذآ تستفزيني
نوف : شلون آبعد وآنآ محتآجتك جنبي
الفيصل صر على ضروسه : آنآ مآني قآدر آنسى آنك آنتي لقيطه
مآني مصدق آني عطفت عليك لمى كنتي تحنين لهم
نوف بعصبيه ممزوجه ببكآء : آنآ مَ كذبت هم آهلي ومآلي غيرهم
الفيصل : لا كذبتي علي
نوف بعبره : لو قلت لك وش كنت بتسوي .. بترضى فيني وآنآ آللقيطه
سكت وآشآح وجهه عنهآ
نوف : شفت آني مَ كنت غلطآنه
الفيصل طير عيونه فيهآ : كل هذآ وتقولين مآنتي غلطآنه
نوف : آنآ بس كسبت وقت زيآده معك
الفيصل : لاتظنين آنك بتنسيني بهآلكلام .. آنآ مستحيل آنسى بهالسهوله

آخذ آلشنطه وطلع .. غمضت عيونهآ لمى تسكر آلبآب بقوه
فتحت عيونهآ وبلعت ريقهآ وبتنهيده : لا .. مَ رآح تخليني آيأس

فتحت له آلبآب آلخدآمه ..
دخل ولقى مشعل قدآمه
آبتسم له بخفه : شلونك
سعود : طيب .. عمتي صآحيه
مشعل بتنهيده : عمتك آصلا مَ نآمت .. يمه سعوود هنآ
حط يده على كتفه : يله آنآ بروح آلدآوم آشوفك على خير
سعود هز له رآسه بآيه

هيآء : هلا سعود
لف وجهه لهآ وبآبتسآمه : هلا عمتي
هيآء بربكه : حيآك آدخل
دخل للصآله ودخلت بعده
جلست بعد مَ جلس .. وآلتوتر ذآبحهآ
سعود : عمتي آنآ وآنتي نعرف ليه جيت وعن وش بنتكلم
هيآء آبتسمت بآلم : متى بتخلص هآلسآلفه يَ سعود
سعود ضحك بخفه : مَ آتوقع تخلص
هيآء : نوف شلونهآ
سعود بتنهيده : على حآلهآ
هيآء : كنت بروح لهآ آمس بس
سعود : مَ قدرتي
هزت رآسهآ بآيه : آنآ آدري آنكم مأخذين بخآطركم
سعود بمقاطعه : لا يَ عمتي لاتقولين كذآ .. آنتي مَ كنتي تعرفين ولا حنآ
هيآء : سعود آنآ م َ آبيكم تكرهوني
وقف ومشى لهآ : من قال إنآ نكرهك
حطت يدهآ على عيونهآ
سعود : عمتي تكفين لاتبكين
هيآء حطت يدهآ على يده : انآ ومشعل مآلنآ غيركم
سعود : وحنآ مآلنآ غيرك آنتي آللي جمعتينآ وسآعدتينآ
وجودك غير حيآتنآ
هيآء : يعني مو زعلانين مني
سعود : زعلانين !!! عمتي وآلله آنتي مَ سويتي شيء
يزعل .. حنآ كلنآ كنا نعرف بس محد يبي يقول للثآني
هيآء : آنت آمك آللي قالت لك صح
تنهد لمى ذكرته : آييه
هيآء بلعت ريقهآ : خآلتي للحين زعلانه
سعود : آيه وتقول رجعوني لبيتي
هيآء : ترجع !! لا مستحيل نخليهآ تسكن لحآلهآ
سعود : انآ مَ آبي آغصبهآ آذآ هي تبي تروح بوديهآ
هيآء وقفت : لا .. مَ رآح نخليهآ تروح هي مكآنهآ بيننآ
.. آنتظرني بجيب عبآتي هالموضوع لازم يخلص
كلنآ ملينآ

دخلت الصصاله بتردد خآيفه تكون موجوده
آرتآحت شوي لمى شآفت شيخه جآلسه
قربت لهآ ولاحظت شرودهآ
شيخه مسحت آثر دموعهآ وتعدلت بجلستهآ : متى صحيتي
لميآء بلعت ريقهآ : من زمآآن .. سعود وينه
شيخه : عند عمتي
لميآء بتردد: شيوخ
شيخه حطت عيونهآ بعيونهآ
لميآء بعبره : آنتي زعلانه
شيخه وقفت : مآني عآرفه يَ لميآء وش آجآوبك ..
آنآ زعلانه ومعصبه ومقهوره آصلا آنآ مو مصدقهه آنه
آللي صآر وآقع
آآآآه كل شيء يبي له وقت ... يمكن مع الوقت بقدر
آجآوبك زين ..

وقفت بعد مَ طلعت شيخه ..
مشت بالممر اللي فيه غرفه آم مطر
كآنت مره تمشي ومره توقف
قوت قلبهآ وحطت يدهآ على مقبض آلبآب
بتموت من خوفهآ عليهآ
بالعآده آم مطر تكون صآحيه بهالوقت وتتقهوى
بالصاله ..
فتحت آلبآب بشويش وطآحت عينهآ بعينهآ
زآدت ربكتهآ وتجمدت بمكآنهآ
آم مطر : نعم وش تبين
لميآء دخلت وهي منزله رآسهآ : جيت آشوف آذآ نآقصك شيء
آم مطر : رتبي آغرآضي ..
لميآء بخوف : ليه
آم مطر : برجع لبيتي .. خلاص آنآ مآلي قعده هنآ
لميآء : لا تكفين لاتروحين
آم مطر : مَ تبيني آروح !!!
لميآء جلست على حآفه آلسرير : تكفين حنآ آنجبرنآ نسكت
آم مطر بتنهيده : آصلا آنآ من شفتهآ وآنآ حآسه آنه ورآهآ مصيبه
لميآء نزلت رآسهآ وآستمعت لكلامهآ آللي كآنت تقوله بعصبيه
آم مطر : كل مَ سآلتهآ .. يَ بنيتي وش فيتس تسذب علي
آآآآه يَ قهري ... آنآ تسوون فيني تسذآ ..
لميآء رفعت لهآ رآسهآ
آم مطر : خلاص خلصت حآجتكم رجعوني لبيتي
لميآء : لا .. مآَرآح ترجعين .. آنتي هذآ بيتك
آم مطر : شيييييييخه .. شيييييييخه
لميآء وقفت بخوف : وش تبين منهآ
آم مطر : آبيهآ ترتب آغرآضي

شيخه دخلت الغرفه وبهدوء : هلا خآلتي
لميآء بترجي : شيخه شوفيهآ .. تقول برجع
شيخه مشت لهآ : خآلتي آهدي
آم مطر وقفت وتنسدت على عصآهآ: بترتبنهآ وآلا آنآ
لميآء بآست يدهآ وبترجي : خلاص آجل خوذيني معك .. تكفيين
بروح معك
دمعت عيونهآ لمى شآفتهآ تترجآهآ
فكت يدهآ منهآ وبقسوه : آطلعن بريح
شيخه : يله لميآء
لميآء جلست ع آلكنبه : لا .. آنآ مَ رآح آطلع
آم مطر : آنتي وبعدين معتس
لميآء : ريحي وآنآ بسكت
شيخه : خآلتي خليهآ عندك
آم مطر دفت شيخه عن طريقهآ وطلعت : حسبي آلله ونعم آلوكييييل
حسبي آلله ونعم آلوكييييل

وقفت وطلعت من آلصآله لمى سمعت
آصوآتهم ..

: سلام مدآم
آبتسمت لهآ : وعليكم آلسلام
: هآي مدآم ... مشآري وين
نوف آبتسمت بقوه : نآيم
آوني : آووه كآن آبغى شوف هوآ
ضحكت بخفه عليهآ ورآقبتهم لمى رآحوآ ..
نوف بدآخلهآ : آكيد هو آللي قال لهم .. معنآته يعرف آني بقعد
تنهدت ورجعت للصآله لمى دق جوآلهآ ..
تعلقت عيونهآ بآلجوآل لمى شآفت مكتوب آسم : عمتي
غمضت عيونهآ ورجعت فتحتهآ بضيق
ردت : آلو
هيآء : نوف
نوف ...
هيآء لفت وجههآ لسعود : آنآ وسعود جآيينك
نوف : زين
هيآء : آنتي بروحك
نوف بسخريه مؤلمه : آيه عمتي بروحي لاتخآفين
هيآء : زين .. بعد ربع سآعه بنكون عندك
نوف : طيب بنتظركم .. نزلت آلجوآل وتكتفت

[ نوف ]

كل شيء آتعبني .. آآآه وش بقى
وش تبون نتكلم عنه

جلست ع آلكرسي ورفعت رجولهآ
لفت عيونهآ للنآفذه
يَ ترى بيجي صبح بكون فيه مرتآحه
زآدت دقآت قلبهآ لمى تذكرت كلامه لهآ
عمري مَ تخيلتك تكون قآسي
تتركني آيه .. لكن تكون قآسي كذآ لا< هزت رآسهآ بلا >
مَ توقعتك مَ تحس فيني وتوقف معي
آنسآبت دموعهآ آلحآره
لمى تذكرته يقول بسخريه مؤلمه
مَ آنتي فرحآنه آنك بنت عبدالمجيد آلـ
نزلت رآسهآ وقوت نفسهآ .. كفآيه دموع يَ نوف
خلاص كل شيء آنتهى وهذآ هو آلمهم
لاتهتمين بسخريته وآستهزآئه
هو آكيد يبي يبرد حرته لا آكثر

كآنت هذي آلكلمآت آللي كررتهآ بقلبهآ
تبي تقنع نفسهآ آنه للحين يحبهآ
بعد كل آللي صآر ..

بالشركه ..

[ آلفيصل ]

آنآ ليه قلت لهآ هآلكلام .. آآآه شلون طآوعني قلبي وقلته
هز رآسه وطرد هآلآفكآر من رآسه
وقف وآبتعد عن مكتبه
لا .. هي لازم تعرف آنه آللي سوته مو شيء آقدر آنسآه
بهالسهوله .. ولايمكن تقدر تضعفني
بدموعهآ ..

جلس على آلكنبه ويدينه آلمشبكه تحت ذقنه
معقوله عبدالمجيد آلـ .. يكون آبوهآ
آلله يَ آلدنيآ ..
دآيمآ كآن قدآم عيونك وآللحين تكتشفين آنه آبوك
آللي بآعك
آآآآه فعلا آنتي غريبه يَ نوف

تذكر سؤال سعود له آللي كرره عليه آكثر من مره : بتطلقهآ ؟؟
وش آسوي كيف آكمل معهآ وهذي حقيقتهآ
آآآآه لا آنآ آحبهآ مستحيل آطلقهآ وآعيش ندمآن طول عمري
آفففففف آجل وش بتسوي < وقف ودآر المكتب بحيره >
بتسكت وترضى بحقيقتهآ
بعد كل آللي سويته بدنيتي هذآ عقآبي
آآآه آنآ آستآهل آني آنصدم هالصدمه
آستآآآآهل ..

تمــــر آلايآم .. ومعهآ آلاسآبيع تمضي ..

آلليله ملكه لميآء
آلكل فرحآن .. حتى نوف
و حتى آم مطر آللي مهمآ قست بتظل تحبهم كـ آمهم آلثآنيه
آلفرح آخيرآ دخل بيتهم بعد مده طويله

رفعت عيونهآ بخجل
لام مطر آللي كآنت توزع آلمهآم على شيخه
وسمر ونوف ..
نزلت عيونهآ لمشآري آللي كآن يلعب
ع السرير بآلايبآد ..
كل شيء كآن حلو .. تنهدت برآحه عجيبه
وحمدت ربهآ على آللي هم فيه
لانهآ مو بس هي فرحآنه
آلكل معهآ فرحآن ..

خآفت من سمر لمى رمت عليهآ آلروج فجأه : آمسحيه وحطي هذآ آحلى
نوف : لا .. مو حلو آلاحمر
شيخه : ههههه حرآم عليكم
لميآء وقفت : وآلله زهقتوني آي وآحد آحط
نوف : آلاحمر مو حلو .. خليك كذآ نآعمه آحلى
سمر : لا والله آلاحمر آحلى
لميآء : آوووف شيوخه وش رأيك
شيخه : وآلله يَ قلبي آنآ آشوفك حلوه بكل حآلاتك
سمر : يآآآآآه آسكتي بس
نوف : هههههه
شيخه : آم آلسعف وآلليف آمشي معي آلنآس بيجون وحنآ مَ نزلنآ < سمر >
نوف : آيه آنتم آنزلوآ وآنآ
سمر : آنتي بتعطينهآ نصآيح فهمنآ
نوف : آنتي وش فيك آليوم بالعه مسجل
سمر : آمشي آم نآيف
شيخه : آنتي آمشي ورآي .. ليه كله آنآ ورآك
سمر : آقول مآنيب مآشيتن ورآتس < تقلد آم مطر >
آلكل : هههههه
طلعت ورى شيخه وهي تضحك عليهآ
نوف مسكت وجه لميآء بيدينهآ آلثنتين وبحب : مبرووك لموي
لميآء بخجل : لسى مَ ملكت
ضحكت بخفه : شوفتك بهالشكل .. آحلى حلم تحقق
لميآء دمعت عيونهآ : بس عآد عورتي قلبي
نوف فكتهآ : آلله يوفقك معه .. آلطيبون للطيبآت
عبدالعزيز خوش رجآل .. وآلله مَ رآح تلقين زيه
كأن ربي خآلقه لك
لميآء : شوقتوني لمعرفته
نوف : ههههههه
لميآء ضمتهآ : آحبك يَ آحلى آخت بالدنيآ .. آنآ من دونك مَ آسوى شيء آنتي آمي وكل دنيتي
نوف بآستهآ ومسحت ع شعرهآ ..خنقتهآ آلعبره وحبت تغير آلجو: ليتك سويتي تسريحه
لميآء : هههههه
نوف بعدت نفسهآ : آمزح كذآ بعد حلوه
نزلت عيونهآ لمشآري لمى آبتسم لهآ ..
شآلته نوف وقربته لهآ : بوس خآلتك وبآرك لهآ
بآس لميآء لانه يحبهآ ومتعلق فيهآ
نوف : بكره جيبي له ولد عم بسسرعه
لميآء : نووف
نوف : ههههههه يله حبيبي خلنآ ننزل

فضت عليهآ آلغرفه ..
بلعت ريقهآ بصعوبه لمى تمنتهم يكونون معهآ بهآليوم آلحلو
هزت رآسهآ ونفضت كل آلافكآر آلمتعبه
مشت للتسريحه وتأملت نفسهآ
بالفستآن آلذهبي وآلمكيآج آلنآعم
مدت يدهآ لشعرهآ وتأملته
وبدآخلهآ : صدق لو آني مسويه تسريحه .. لالا كذآ حلو ونآعم
وش لي بالدفآشه ..

كلامهم طلعه من شروده آللي تعود عليه بآخر مده
ضحك بخفه على توصيآت آلوليد لعبدالعزيز
آبرآهيم لف وجهه له : وش فيه عبدالعزيز متنح
الفيصل : هههههه مدري
الوليد : عزيز لاتكون خآيف
عبدالعزيز : لا يبه وش خآيف
الوليد بمزح : مدري عنك وجهك مصفر
آبرآهيم : لاتخآف آلزوآج حلو
الوليد : هو خله يملك بالاول
تركي :عزيز قوي قلبك هههههه
آبرآهيم : حلوه عزيز لايكون هو آصغر عيآلك ..
تركي حط يده على شمآغه وعدله : بعد حتى على ذي بتحآسبوني
آبرآهيم : قم بس قم عدل شمآغك رجآل طول آلبآب مَ تعرف تلبسه
الفيصل وقف : يَ حبك للتحطيم
تركي : هو تحطيم وبس يَ خآلي .. آلا عذآآآآب

آبوآلوليد دخل آلمجلس آلخآرجي بعصبيه لمى شآف سيآرآتهم
برى ..
: خير آن شآء الله متى بتمشون آلفجر
تركي كتم ضحكته وطلع
آبوآلوليد لف وجهه عليه : دق على آمك يَ تركي وخلهآ تعجل
تركي : جدي حنآ خلنآ نروح آلحريم بيطولون
آبوآلوليد : قل لهآ اللي قلت لك ومو شغلك ..
الفيصل طلع وحط يده على كتف تركي : معليش آدري كلهم عليك بس مآلك آلا الصبر
آبرآهيم + الفيصل : ههههههه
ابوالوليد للوليد وعز : آنتم يله خلصونآ
آبرآهيم : آلشيخ كلمتوه
عبدالعزيز طلع وآبوه ورآه : مدري عن تركي
آلوليد : وآنت ليه مَ كلمته
عبدالعزيز لف على آبوه : قلت لتركي
الوليد : آلله يستر بس عليك
آلفيصل لف وجهه لتركي اللي مشى لسيارته : تريييك كلمته
تركي بضيق : آييه والله كلمته
آبوآلوليد : خلصونآ تأخرنآ على آلجمآعه
الفيصل : يبه هد آعصآبك آلله يطول لي بعمرك
آبو آلوليد : آنت آلمفروض تكون آول وآحد هنآك
آبرآهيم : تعآل يَ آبو آلعريف
نزل : وش تبي يبه
آبرآهيم : مَ يحتآج تروح بسيآرتك تعآل معي
سكر آلبآب ومشى له وبضحكه : آن شآء الله طآل عمرك
ركب عبدالعزيز مع آبوه وجده
وآلفيصل بسيآرته
وآبرآهيم مع تركي

خلصت منهآ آلكوآفيره .. وقفت
ولفت على آلزين : زيون وش رأيك
آلزين : حلو
ندى : حلو وآلا عآدي
الزين : يهبببببل
ندى : هههههه لاتسكتيني
حسنآء دخلت الغرفه : آلاخلاق آليوم قآفله
آلزين : آوووف
ندى : ههههه كلهآ سآعه وتشوفينهآ
حسنآء : يعني آبي آفهم وش فيهآ آذآ تجهزوآ معنآ
ندى : طيب وش فيكم آنتم زعلانآت
حسنآء : جنآ طول عمرهآ معنآ وش معنى هآلمره
ندى : وفآء مو مره معآنآ وحبت بنتهآ تتجهز معهآ حرآم يعني
حسنآء : لا مو حرآم بس حنآ مو غرب
ندى : وآلله آلظآهر آنك بديتي تغآرين منهآ
حسنآء : آنآ !!!!
ندى : خآيفه جنآ تسحب عليك
حسنآء : صدق آنك خبله ومَ تكبرين
ندى : هههههههه وآلله آمزح .. سمعت آلعنود تبكي : يمه بنتي

طلعت من الغرفه بسرعه
حسنآء : يله مآمآ قومي خلصي لبسك
آلزين : خلصت
حسنآء : لا غيري آكسسوآرآتك
الزين وقفت : آلبس ذهبي
حسنآء : آيه مع آلاورآنج آلذهبي آحلى
آلزين : طيب ..
حسنآء : لاتطولين بنمشي ... وقولي لخآلتك تخلص
مشت للكوآفيره آللي كآنت تجهز آغرآضهآو
: رنآ شوفي آشرت على حآجبهآ
رنآ : شو فيه
حسنآء : آحسه مو مثل هذآ
رنآ : والله آنآ عآجبني
حسنآء : هههههه معليه عدليه
رنآ : لك آنتي شو بيعجبك اصلا

بعد مَ وقعت ..
سحبهآ له وضمهآ : مبرووك لميآء
ضحكوآ على حركته وخصوصآ لمى طلع بسرعه
بدوآ يبآركون لهآ ..
سمر : كلللووووووووووووش
شيخه : ههههههه ونآآآآسه
سمر : وآآآي فديت آلخجول يَ نآس
نوف دخلت : سموره ..
سمر : همم
نوف: آنزلوآ معي نضبط آلمكآن
سمر : وآلخدم وينهم
نوف : مآلت عليك .. تعآلي شيوخه معي
شيخه : يله ..

هيآء صعدت آلغرفه وبيدهآ بآقه ورد
وكيسه : هي بالغرفه
نوف بآبتسآمه : آيه

شيخه : لحظه بشوف آلهديه وجآيه
نوف بهمس : فضحتونآ آلمعآزيم وش بيقولون
شيخه : عآدي آهلك مهم غرب
نوف : هين آن مَ وريتكم ..

سمر : وآآآآآآآو
لميآء : ههههه شكرآ عمتي .. بآستهآ مره ثآنيه
سمر تخصرت : ليه َمَ جبتي لي عقد زيه يوم تزوجت
هيآء : هه لاتكذبييين

سمر : هههههههههههههه
شيخه : يجنن
سمر : بيحلى آكيد عليك
لميآء : هههه آكيد
سمر : لاتنتفخين علينآ

هيآء : يووه فشله يله خلونآ ننزل .. وآنتي خلك جآهزه بعد شوي آلزفه
لميآء بخوف : هآآآه
سمر : هههههه يَ ويلك
شيخه : سمر لاتخوفينها
هيآء دفتهم لبرى .: يله قدآمي عيب وآلله عيب

حسنآء آبتسمت لام مطر : آيه وآلله كبرونآ

[ وفآء ]

غصب تقهرني هآلحسنآء .. لكن معليه اليوم ملكه ولدي
بستحمل نغزاتهآ بس اليوم
لفت وجههآ لجنآ لمى سألتهآ بهمس : متى بيزفونهآ
وفآء : آصبري
آم مطر : هذآ ليه مَ يقعد < مشآري >
ندى : طآلع على آمه
نوف دخلت : سمعتك
آم مطر وحسنآء : هههههههه
ندى : بسم آلله عليه شوفيه بس يدور .. جلسيه
: ندى آحسن لك تسكتين بآسته وجلست
حسنآء : هههههه آسكتي يَ ندى وآلا بنتك بتعنس عندك
الكل : هههههه
آلزين بهمس لجنآ : متى بيزفونهآ
جنآ ضحكت على سؤالهآ : آصبرري
آلزين : اففف متى ..؟ فيني حمآآس مو صآحي
جنآ كتمت ضحكتهآ : مو يزفونهآ وتنكسين
آلزين : هههه تخيلي آسويهآ
حسنآء : بنآت وش رأيكم تقومون تسآعدونهم < حركه آمي آلمفضله >
هيآء : لا خليهم مَ فيه شغل كثير الخدم موجودين
جنآ بهمس : هذآ معنآته آسكتن
آلزين نزلت رآسهآ وضحكت غصبن عنهآ

بعد الزفه ..

حس بفهآوته لمى وطت على رجله جنآ وآخذ منهآ
آلشبكه ..
سآعدته آمه يلبسهآ بعد مَ كسر خآطرهآ بربكته
آم مطر لفت وجههآ على هيآء : يَ حليلهم كنهم كنآري
هيآء : ههههه
حسنآء : كلللووووووووش
ندى : ههههه طلعت آلموآهب المدفونه
وفآء : مبروك يمه .. مبروك لميآء .. آلله يوفقكم آن شآء الله
لميآء بهمس : آلله يبآرك فيك
بآس جبينهآ وضحكوآ على حركته لانهآ كآنت متأخره
مَ قدرت تتحكم بنفسهآ وبآن خوفهآ ورجفتهآ
جنآ بعبره : آلله آلله فيه يَ لميآء ترآ هذآ حبيب قلبي
عبدالعزيز آبتسم
آم مطر : آلله آلله فيهآ يَ ولدي .. ترآ هذي بنيتنآ وصآرت لك
الكل ضحك على كلمتهآ
بآركوآ لهم كلهم مره ثانيه ..
ولمى طلعوآ عشآن يخلونهم
ظلت آم مطر جآلسه
عبدالعزيز تعلقت عيونه بآم مطر
آم مطر : مَ عليك يَ ولدي مَ رآح تحس بوجودي قل آللي تبي
لميآء حست بآرتيآح كبير لمى جلست
لف وجهه لهآ وآبتسم لا آرآديآ لمى شآفهآ مبتسمه و منزله رآسهآ
عبدالعزيز : لميآء ..

بعد آلملكه رجعت معه آلبيت

وكآن آلصمت آلعمله آلمتدآول بهآ بينهم

نزلت من السيآره وهي شآيله مشآري آللي نآم بالسيآره

صعدت فوق بدون مَ تتكلم لانهآ ببسآطه يأست وملت

دخلت غرفه مشآري .. نزلته على سريره
وبآسته ..نزلت جزمته وحطتهآ ع آلطآوله

طلعت من غرفه مشآري
ودخلت غرفتهآ ..
مشت للتسريحه ووقفت عندهآ

وقف عند آلبآب
وآبتسم بخفه على منظرهآ بالفستآن آلازرق الغآمق
رآقبهآ وهي تنزل طقم آلالمآس
بشرود .. كآن تآيه بملامحهآ وهدوئهآ
آلفتره آللي مضت
كآنت مثل 100 سنه من طولهآ ومرهآ
طول هآلمده كآن بعيد عنهآ
ولا هو قآدر يلمسهآ
على رغم كثره محآولاتهآ بالتقرب منه

لفت وجههآ له لمى حست بوجوده
هي بعد كآنت سرحآنه لكن بلميآء
آرتبكت ونزلت رآسهآ
مشى لهآ وبهدوء كآذب : مبروك
آبتسمت بخفه : آلله يبآرك فيك ..
الفيصل : كيف كآنت آلحفله
نوف وعيونهآ ع آلطقم آللي كآنت ترجعه لمكآنه : حلوه ..
الفيصل : وش آنطبآعهآ عنه
نوف رفعت وجههآ له : عبدالعزيز رجآل طيب .. وطيبته وآضحه
الفيصل تعلقت عيونه فيهآ ..
زآدت دقآت قلبه وحسسته آنه مهمآ مثل القوه
بيظل آلعآشق آلولهآن
مد يده بتردد لخصله شعرهآ آللي كآنت نآزله على وجههآ
بعدهآ ومرر يده على خدهآ
تعلقت عيونهآ فيه بذهول .. معقوله
بينسى ويسكر آلحآجز آللي هو بنآه بنفسه

بلعت ريقهآ لمى آقترب منهآ حيل
نزل رآسه لهآ وبتنهيده : مليت
نزلت عيونهآ لصدره وبلهفه : مليت من وش
الفيصل بشبه آبتسآمه : من بعدي عنك
نوف رفعت عيونهآ له : آخآف بعد مَ تأخذ آللي تبيه ترجع تبتعد
ضمهآ له وتمسك فيهآ بقوه بعد آللي قالته
غمضت عيونهآ ورفعت يدينهآ وحآوطت رقبته
نوف بعبره والم : آشتقت لك
بآسهآ على خده بقووه و
بعد عنهآ بس عشآن يشوف عيونهآ
ويدينه محآوطتهآ ويدينهآ على كتوفه
الفيصل : تعبت آغصب قلبي يقسى عليك
نوف بعبره : سآمحتني!!
الفيصل : آدري مهمآ قلت بتظلين شآيله علي
نوف هزت رآسهآ بلا ورفعت عيونهآ له : لا .. وآلله بنسى كل شيء
بس آنت ترجع زي آول
الفيصل آبتسم لهآ بخفه : معقوله بتنسين كل آللي قلته
نوف : آنآ مَ زعلت عليك ..
مسك وجههآ بيده ومرر آصبعه على خدهآ : ليه
نوف رمشت ونزلت دمعتهآ : لاني آحبك
الفيصل بتنهيده : قوليهآ مره ثآنيه
نوف بعبره : آحـ ـ ـبك
غمض عيونه : قوليهآ بعد
ضمته : وآلله آحبك ... وحيآتي بدونك مَ تسوى
الفيصل نزل رآسه لهآ : مجبور آنسى
فكته وحطت يدهآ على خده بشوق
مسك وجههآ و قبلهآ بشغف
فتح عيونه وبعد نفسه وعلى محيآه آبتسآمه
حطت يدهآ بذهول على شفآيفهآ
زآدت آبتسآمته لمى شآف رده فعلهآ
نزل رآسهآ وقبلهآ مره ثآنيه

Yaqot · #65 March 20, 2015, 04:05 PM

في مسآء يوم من آلايآم ..

حآنت لحظه آللقآء

والفيصل كآن مخطط لكل شيء ..
وقف سعود عند آلنآفذه لمى سمع صوت آلسيآره : جآء
الفيصل : دخله وآنآ بجيبهآ

طلع من آلمجلس ونآدى عليهآ : نووف .. نووف
دورهآ بكل مكآن
صعد للغرفه وشآفهآ سكرت آلبآب وقفلته
وقف عنده وطقه : نوف آفتحي
هزت رآسهآ بلا : لا
الفيصل : من وش خآيفه
غطت وجههآ : مَ آبي آشوفه
الفيصل : معقوله مَ عندك فضول تشوفينه وتسألينه
نوف : كل شيء عرفته من آلرسآله .. مَ فيه شيء آبي آسأله عنه
الفيصل : لاتخآفين آنآ معك .. وسعود بعد

بعد لحظآت فتحت له آلبآب
ميل رآسه وآبتسم لهآ بخفه لمى شآفهآ تبكي
نوف : وآلله مَ آبي آشوفه
ضمهآ عشآن يهديهآ : آنآ بكون معك
تمسكت فيه : خله يرووح
بعدهآ عنه : لا .. آنآ مَ آبيك تندمين هو بالزور وآفق يجي
نوف : مَ يبي يشوفني
الفيصل : هو آلخسرآن آحد عنده بنت مثلك ويتركهآ
نوف : لا آنآ مو بنته
الفيصل حط يده على ذقنهآ ورفع رآسهآ : طيب آنتي بنت نآيف
يله عآد آنزلي معي وآسأليه عن آمك
نوف : آنت آسأله
الفيصل مسك يدهآ : لا .. آنتي بتسألينه عن كل شيء تبين تعرفينه

بالمجلس ..

[ سعود ]

سبحآن آلله صدق نفآق مَ بعده نفآق
طول هآلسنين يطلع بالتلفزيون ومسوي نفسه مصلح
يتبرع لفلان ويعطي فلان
وبالنهآيه يطلع مسوي هالعمله.. آعوذ بالله
شوفته جآبت لي آلضيق

وقف لمى شآف نوف دخلت مع آلفيصل
آبتسم بحب لمى شآفهآ لابسه عبآيتهآ
لف وجهه له لمى وقف
مسك يدهآ آلفيصل وقرب منه
سحبت يدهآ منه ووقفت
عبدالمجيد بربكه : هذآني جيت
الفيصل بهمس : نوف
آنسآبت دموعهآ آلحآره على خدهآ
معقوله فيه آنسآن بهآلقسووه
معقوله فيه آنسآن يقدر يكون هآدئي بظرف زي هذآ
سئلت نفسهآ بحيره هآلآسئله لمى شآفته
قدآمهآ ووآضح عليه آلهدوء..
سعود : نوف قولي شيء
عبدالمجيد : آسألي يَ نوف
نوف بعصبيه : لاتقووول آسمي .. لاتقوله ولاتنطقه على لسآنك
طلعووووه بررآ
الفيصل : لا . مهو طآلع لين تسألينه آللي تبين
نوف لفت وجههآ له لمى قال : عيونك مثل عيونهآ
سعود لف وجهه له ثم لهآ
نوف رفعت آصبعهآ آلرآجف : آنآ بس آبي آعرف شيء وآحد
آنتم ليه سـ ـ ـويـ ــ ـ توآ فينـ ـ ـ ـ ـي كذآ .. آنآ وش ذنـ ـ ـبي
عبدالمجيد : لو آلزمن يرجع
نوف بعصبيه : آلزمن مستحيييييييل يرجع
الفيصل حط يده على كتوفهآ : آهدي
عبدالمجيد نزل رآسه : صح كلامك الزمن مستحيل يرجع
نوف : هي ويـ ـ ـنـ ـ هـ آ
عبدالمجيد : آمك مآلهآ ذنب
نوف عقدت حوآجبهآ : مآلهآ ذنب !!!!!.. آهئئئئئئ تخلت عني وتقول آهئئئئ مـ ـ ـآلهـ ـ ـآ ذنـ ـ ـب
عبدالمجيد : آنتي جيتي غصبن عنهآ
نوف : وآنت طبعآ اللي ضبطت كل شيء وعطيت آبوي فلوس عشآن يربيني
عبدالمجيد : نآيف .. ربآك مثل بنته آنآ متأكد من هآلشيء
نوف بقوه مؤلمه : معك حق هو كآن آلابو آللي مَ تخلى عني
عبدالمجيد حط عيونه بعيونهآ آلبآكيه : سآمحيني يَ نوف .. صدقيني لو كنتي عآيشه معي بتكونين تعيسه
نوف : تبي تقنعني بهالكلام عشآن آسآمحكم
عبدالمجيد بلع ريقه بصعوبه : لاتظنين آمك لهآ ذنب .. هي مثلك دفعت الثمن غآلي
نوف بمقآطعه : كيف عرفتهآ
عبدالمجيد نزل رآسه : آبوهآ كآن سآكن عندنآ بالملحق معهآ .. لانه كان سوآق آبوي .. آمك كبرت قدآم عيوني
نوف بمقآطعه : هي .. طلعت معـ
عبدالمجيد فهم وش تبي تقول : لا .. آمك مو كذآ < طلع آلصوره آللي بجيبه ومدهآ لهآ بتردد > آمك مَ كآنت تبي هآلشيء آنآ آللي غصبتهآ
نزل رآسه بعد مَ بكت
سعود آخذ آلصوره منه وعطآهآ : شوفيهآ
عبدالمجيد بتردد وربكه : آسمهآ نوره

زآدت حده بكآهآ : آهئئئئئئئئ ليه آهئئئئئ حـ ـ ـرآم عليك آهئئئئئ
جلسهآ آلفيصل ..
عبدالمجيد : هي لو كآنت عآيشه كآنت تمسكت فيك بكل قوتهآ ..
نوف : آهئئئئ اللحين كيف بعرفهآ آهئئئئئئئ
سعود : كيف محد عرف
عبدالمجيد : هي كآنت وحيدته عطيته فلوس وسآفروآ ..
بعدهآ بشهور قال لي آنهآ مآتت وآنه بيجيب آلبنت لي
الفيصل بقهر : كل شوي سويته بالفلوس .. فيه آحد عآيش نروح له
عبدالمجيد : لا ..
نوف رفعت عيونهآ له : حسبي آلله ونعم آلوكيل
آهئئئئئ حسبي آلله

الفيصل : كيف مآتت
حطت يدهآ على فمهآ وعيونهآ على الصوره
آرتفع صوت بكآئهآ

لف وجهه لهآ وحآول يهديهآ

عبدالمجيد : بعد مَ ولدتهآ مآتت مبآشره ..
مَ قدر يستحمل سمآع صوتهآ ..
وقف وبترجي : آنآ عندي عيآل و
الفيصل وقف : مفهوم كلامك .. وآنآ بقول لك مثله
زوجتي بتنسى كل شيء عنهآ وبتذلف من هنآ
سعود نزل عيونه لنوف لمى وقفت : آنآ مَ آبي آشوفك آطلــــع
آطلــــــــع
عبدالمجيد : سآمحيني يَ نوف
سعود : خلاص آطلع آخذنآ منك آللي نبي
هزت رآسهآ بلا : لاتطلب المستحيل ..

[ نوف & آلفيصل ]

كآنت هذي نهآيه آللغز آلكبير ..
نوف بعد مَ عرفت هي من تكون ومن آمهآ
كملت حيآتهآ بدون آلابو آلمليونير آللي تخلى عنهآ
عشآن يحآفظ على صورته
آختفى آلخوف الكبير من قلبهآ
وآصبحت كل آهتمآمآتهآ ومخآوفهآ بسيطه
لا يوجد شيء آجمل من رآحه آلبآل
وهي آلان تعيشه ولاول مره
مع ولدهآ والشخص آللي حبته
وجمعها فيه طمع مآزن ..

[ آم مطر ..]

كل جرح يحتآج وقت لـ آلاتئآم
وجرحك يحتآج آلوقت فقط ..

[ لميآءٍ ]

البنت آلصغيره آللي كآنت من آلبدآيه
آلى آلنهآيه طيبه
بدت حيآتهآ آلجآمعيه
مع عبدالعزيز ..
وآلحيآه تحمل لهم آلكثير ..

[ سمر & خآلد .ٍ]
آزدآدت حيآتهم جمآلا بعد قدوم
الاميره آلصغيره [ لينآ ]
ومعآمله آم خآلد لهآ .. لا زآلت في تقلب
لكن آلقآدم آجمل بأذن آلله

[ سعود & شيخه ]

آستقرت حيآتهم آكثر .. وزآدت آلالفه
بينهم بعد مَ طلق سآره
وشيخه على وشك آلولاده للمره آلثآنيه

[ هيآء ]

هي آللحين عآيشه معهم بالبيت
بعد مَ سآفر مشعل
لدرآسه آلمآجستير بلندن ..
حيآتهآ مَ بين آلريآض ولندن
وآلاهم آنهآ لازآلت تحمل ذآك آلقلب آلكبير
آللي آحتوآهم كلهم وآحتفظ مده طويله
بذاك السر المتعب ..

[ آبوآلوليد ]

آللي كآن آلجد وآلاب بنفس آلوقت
مَ تغيرت حيآته .. فهو على حآله
سعيد ومرتآح برؤيه آحبآبه مستقرين ..

[ندى & فهد ]

معه فقط حست بصدق حبهآ
لان مشآعرهآ لطلال مَ كآنت مبنيه آلا على بآطل
حيآتهآ معه جميله على رغم كثره حنه عليهآ
بترك آلشغل عشآن تتفضى له ولبنته

[ وفآء & آلوليد ]

لم تتحقق آحلام جنآ بخصوصهم
وفآء مَ حبت تجرب مره ثآنيه وتخسر
فضلت تكون معه آم لاولآده لا آكثر
ومن بعدهآ ..
توآجدهم بحيآه آولادهم آصبح آكثر
عمقآ من قبل ..
ومحد عآرف يمكن يرتبطون مره ثآنيه ويمكن لا

[ مآزن ]

آلصآحب آلشقي ..
لازآل يحمل آلندم بقلبه ع اللي سوآه
لكن مَ جرى جرى .. ومَ فيه شيء بيتغير
وآلعلم عند آلله آذآ الفيصل بيسآمحه
آو بيتسمر بمخآصمته

[ جوهره & معآذ ]

آكملوآ حيآتهم بعيد عن كل من تسبب بفرآقهم

[ سآره ]

تزوجت بعد سعود رجل متزوج
وهي كمآ هي لم تتغير

[ آلبقيه ]

آترك لكم آلقلم وآلورق
آكتبوآ مَ شئتوآ ..
وتذكروآ .. هي لم تكن آلا
خيــــــآل

المخرج /

..قالت : ولد مجنون

قلت : وعآشق (ن) مجنون

مر(ن) ثلاثين وعليه (ن) من سنيني زود

وكآن آلعقل موجود

لكن وش جنيت من العقل وآلثقل ومن آلليآلي آلسود

وش فآدني صبري ومقطآن آلحنين آللي سرق عطري سنين وبآدني وش زآدني ..؟
مَ زآدني آلا جفآف آسمه رشآف آلمجد
وآلمجد زيف إن مآعركته باليدين آلمجد
آلمجدلله في سمآه وفي ثرآه
مَ غير حبك مجد
يَ شوق مشغلني معه
يَ طربتي لافزت من آقصى آلضلوع آلاشرعه
آنآ آتوجد وجد ويَ جعل قلبك مَ يذوق آلا رفيف الوجد
يَ عذبه آلعنقوود ّّ
إشتقت للبآرود وإن كآن بك مثل آشتيآقي فجريني بالتلاقي وآنسفيني جود
آنآ آحترآقي في عيونك كل همي وغآيه آلمقصود
ولاهمني هرج آلملا .. خل آلملآ يحكـــون
مجنون !!
ومن قولي بربك يسأل آلمجنون آلا وآحد ( ن) مجنون !!
قالت : شآعر (ن) مجنون

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رواية بعد الغياب للكاتبة أنفاس قطر	Yaqot	روايات و قصص منشورة ومنقولة	64	March 18, 2015 03:15 PM
رواية روان للكاتبة كول 2009	Yaqot	روايات و قصص منشورة ومنقولة	10	March 14, 2015 12:31 PM
ملخص رواية سلالم النهار -رواية للكاتبة فوزية شويس السالم	Yaqot	روايات و قصص منشورة ومنقولة	0	May 8, 2014 10:41 AM
رواية ملحمة العشاق / للكاتبة سهر	SEO	الروايات والقصص العربية	0	October 22, 2012 02:05 PM
فوق الجروح اللي بقلبي من سنين<<من تصميمي>>	الولهان77	المواضيع العامه	10	September 13, 2006 04:36 PM

رواية وش فادني صبري ومقطان الحنين اللي سرق عطري سنين للكاتبة أنا روح حال

روايات و قصص منشورة ومنقولة