فيسبوك تويتر RSS



العودة   مجلة الإبتسامة > الروايات والقصص > روايات و قصص منشورة ومنقولة

روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا



إضافة رد
 
LinkBack أدوات الموضوع انواع عرض الموضوع
  #4  
قديم March 15, 2015, 04:58 PM
 
رد: رواية ثقيلة مزحة الدنيا للكاتبة عادي أنا الي أحبك

]
الجزء الثـــاني..!


وقف سيارته عند شقته .. لف لـ اللي معاه : الله يحيييك في بيتك .. اللي هو بيتي طبعـاً
ابتسم سطام: ههه ماتم حسنتك انت وجهك

نزلوا .. ودخلوا شقة مشعل اللي يعيش فيها لحاله .. لاحظ سطام ان شقته مرتبه وهالشي مب غريب عن مشعل
سطام: ياخي احيانا احسك متزوج بالسر
مشعل:ليه؟
سطام:نعنبـو عدواانك هذي شقة عزوبي؟؟..انا غرفتي وترتبها لي ملاك ولا نوره .. الله يذكرها بالخير..واحسني شاايل همهاا
مشعل :لاااااااااااا إله الا الله
ضحك سطام .. وكمل مشعل
مشعل: الا على طاري نوره وش اخباارها مع سي السيييد
سطام:تزقح
مشعل يجلس : اجل نوره اللي حدها الشفـآ تروح .."ومسوي شي"..باااااغي!
ابتسم .. :يااحبي لها والله .. طقاقها مع ملاك له فقده
مشعل اخذ الريموت .. وولع التلفزيون : الا بقولك .. وش مسويه ملاك .. اخبرها ثالث ثنوي..ماتعبت نفسيتها لان نوره تزوجت؟
سطام: مدري والله نوره توها يومين مسافره..بس والله ملاك ماقصرت اوديها لبنات عمي
مشعل:زييين .. بس لاتهمك ترا ذا البنات يحبون يتدلعوون على غير سنع



كانت منسدحه وتلعب بوحده من خصل شعرها البني .. وهي تسمع لبنت عمها تهـزء .. بس مب لمها ابد .. كانت غاارقه بـ أفكاارها .. بس واعيه لـ اللي جالسه تهـزء

نجلا: خجل ياحماااااار يافااااااهيه..يااامخ جـزمه..يـا
خجل بشوية عصبيه:نجلا خلاااص عاد ترا عطيتك و جـه!..مالي خلق سوق
نجـلآ: طيب ملكتك الاسبـوع الجااي .. وش بتلبسييين؟؟
ناظرت نجلا بـ وحده من نظراتها الحاده : ياختي خلاااص .. هالملكه صارت بدون رضاي...وشوله استعد..كلها كتب كتااب وخلصنا ماله داااااعي شكلياات..واخوك يبيني يبيني .. يعني متزينه ولالا
نجلا شوي وتقطع شعر راسها من القهر: اقول لا يكثر .. وقسسم بالله ان ماقمتي والله ياخجل والله ما أكلمك..شوفيني حلفت!!!
قامت خجل .. ورفعت سماعة التلفون .. ونجلا تناظرها تحتري تشوف وش بتسوي

خجل: آلوو سيرين..جيبي عبايه انا حق سـوق......ثاانكس

وسكرت ..:أرتحتي!
ماردت عليها ولفت تاخذ عبايتها من الكرسي اللي مزين غرفة خجل.. كان مثل الدائره مفتوحه ومعلق ع الجدار .. وشكله مره حلوو .. لبست العبايه ..وجت بتطلع
نجلا:انتظرك تحت!

وش سر هـ الشوق اللي يجيني !
.....قلبي طول وقته معك ما يبيني !


أسألك باللي اوجدك بالكون !!
أسألك بـ [الله]

إنك تقول وش يكون :
هو غرام .. احترام .. أو مرحلة الحب بـ جنون؟!

سكرت الباب بعد ماركبت .. وطالعت بنت عمها اللي كانت عينها ع الشـأرع .. مشـوا وطلعوا برا القصر .. وهم متجهين لـ سنتريـا ..
خجل: أممم .. نجلا..
نجلا وهي حاطه يدها على خدها:هممممم
خجل: زعلتي من كلامي؟
التفت نجـلا .. وقالت من ورا قلبها : لآ وش اللي يزعل
خجل بـ إحراج: لا لآني سبيت اخوك .. وقلت اني ماأبيه ومن هالحكي
نجلا : حبيبتي خجل..انا مب هذا اللي قااهرني.. انا اللي يقهرني لا شفت عمر اخوي ضاايع كله عشـأن يرضيك ويحبك وانتي قلبك مع غيره
خجل طالعت الشبـاك : نجلا .. "خنقتها العبره"..والله مب بـ يدي .. هذاك الانسـان ملكني من غير شور .."رجعت تطالع نجلا"..يعني تحسبين ماودي احب اخوك؟؟..ع الاقل فرااس يستـاهل مني كل حب و ود .. بس والله مب بـ يدي.. انتي تدرين اني مااقد حبيت فراس .. انا اعتبره اخـو .. أخـو لا أكثر ولا أقـل

نجـلا:........
خجل:نجلا لاتسكتين تكلمي تكفييين!
نجـلا تنهدت وعينها ع الشارع: الله يهديك غصب عنك .. هذا اللي اقدر اقوله
قربت لـ يد نجلا ومسكتها: بليييييز قولي انك مو زعلانه
طالعتها نجلا .. وابتسمت : لو بزعل منك زعلت من زماااان .."وبمرح"..يااحظك فيني بس
خجل ضحكت:هههههه انا اشهد



قالت وهي منزله راسها وتسكر طقاطق عبايتها : والله ودي اجلس اكثر .. بس متعب عند الباب ..
مدت بوزها : ياسفاابك والله
ملاك: طب هيوني .. روحي الحين قولي لـ بنت عمك جووييج .. اني شرهتن عليها .. اجل تسفهني وانا عندكم .. قـلة ادب
هيـا:ههههه .. عندها امتحان .. ماتعرفين الجوري الاخت علمي
ملاك:يااشين الكسلانين لابغـوا يسوون نفسهم دواافير
هيا: لا والله انها دفره .. ماشفتي نسبتها العـأم
ملاك وهي تطلع من الفله .. وتتـجه لـ باب الشارع: الله يعيني من متعبووه ..
هيـا:ههههههههه لين الحين راعي نعفقه اخوك؟
ملاك تلبس نقابها:ولييييين بكره .."تفتح الباب"..يالله تشـآو!

ركبت مع اخوها فالسياره .. كان جالس يحورف فالمسجل .. وكان مشغل راشد
ملاك: السلااااااااام !.."يوم سمعت الاغنيه"..وش عنده سطاااام
متعب طالعها: بس سطام يعني اللي مزااجه راشد
ملاك: لا بس سطام معروف .. هوو رااشد اخوااااان .. "وكملت تستظرف"..تصدق من كثر ماأحس انه يحب رااشد ويسمع له .. احسـه صار يشبه له
متعب:هههههههههههههههه لا وانتي الصاادقه يشبـه إيـأد اللي فالمسلسل التركي
كشرت ملاك: لا هذا انت رااعي مسلسلات تركيه .. محد مربح mbc غيرك
متعب يحرك السياره : وووووجعه تابعت واحد صرت مربح mbc
ملاك: إييييييه لعد تتابع شي الله يعافيك.. اتذكر مره تابعت مسلسل في رمضـان .. اعوذ بالله .. يعني من جد حمدت ربي ان المسلسلات حراااااااااااااااااااااام
متعب:ههههههههههههههه .. اقول وراك لاطعلتني برا؟
ملاك: يالييييييل..على بالي نااسي..الا بعد انت جايني 10 مدري 9 ونص .. مابعد شبعت من البنااات
متعب : مب لازم تشبعين..أهم شي سيرتي ووصلة الرحم
ملاك بـ نص عين:أرحمني يالوااااصل .. كم لك ماشفت عمي بـ الله!
متعب:اقول اسمعي ذا الاغنيه والله حلووه !




جلست على وحده من كرااسي الموجوده في المقهـى .. شغل التمريض مُـتعب وربي .. تحس ان ودها بس ترجع البيت وتناااام .. تتأأففت وهي تحط راسها ع الطاوله بعد ماتذكرت ان وراها كويز بكره ..

- مااااالو الحيلو زعلان
رفعت هيله راسها وابتسمت: هلا هيفـا .. مو عندك جراحه؟
هيفا تجلس وتسحب المنيو اللي ع الطاوله: لا وييين خلصت
هيله: يـ الله عقباال ماتيصيرين الممرضه حقتي هههه
هيفـا : هههههههههه لآ يختي التمرييض انواع البيااخه!...تخيلي في شاايب احاول اعطيه دوااه بس معيي!.."رصت اسنانها"..يقهـــــر!!
هيله:هههههه .. تحملي .. انا كل المريضين اللي يجون الدكتوره اسماء اغلبيتهم عجايز ..
هيفـا:هههه إيييييه شياااب الله يصلحهم
هيله اكتفت بأبتساامه هي تحب الشيااب ماتدري ليه ..
هيفا: إيووه .. من جااكم مرضـى اليوم
هيله :مدري غير الشيااب .. بس جايتنا بنت ام 18 سنه .. عندها هشاشه
هيفا:اووب!..18 عاااد
هيله:ياحليلك وين عاايشه .. الحين الكباار صااحين والصغار فيهم امراض .. تحمدي بس
هيفـا متعاطفه مع البنت: طب لييييه؟
هيله: من الببسي
هيفـا: يااا هـ الببسي .. ياخي دمـر أُمـه .. ولاحد لمك
هيله:هههه عاد انا اشربه
هيفا :بيني وبينك لا يطلع برا..حتى انا خخخخخ




دخلت البيت .. ودخلت مفتـاحي في جيبي .. شفت عيال اختي ..أختي هذي تصير توأمتي ..بس ماافينا ذرة شبـه!.. كانوا يلعبون بلايستيشن فالملحق..سمعت اصواتهم

" يااااااااكلب كم مره قلت لك لاتفوز علي؟؟..احترمني!..انا اكبر منك "
" انتي الزلااابه ماتعرفين تلعبيين!..اجل احد يعااف ارسنال ويختاار هالفريق مدري وش اسمه حتى"
"انت وش عرفك اصـلا شف لون بلايزهم حلوو "

ضحك عليهم أميره و عبدالعزيز .. دخلت الفله .. وشفت ملاك جالسه وتذااكر..ذا الموسوسه شفـوا شلون تذااكر .. لا وأدب..هي وين والادب ويييين

ملاك : الخيـل والليـل والبيداااااااء تعرفني.."وميلت شفتها نست وش بااقي"..بس انا ماأعرفـــــهم!

رمت الكتااب..بس حست بـ تأنيب الضمير الظااهر..رجعت اخذته ..:اقوول هالمتنبي يشعر وانا ابتلـش..مالت علييه وش اسوي له معجب في نفسـه مشكلته.. إفففف!.."فتحت على سؤال وقرته"..لماذا أُعجب الاندنوسيين ..أحم لا وش اندنوسيين..أندلوسيوون بـ شعر الصنووبري.."وسكرت الكتاب قبل لاتشوف الاجاابه"...امممممممم..وش دراااني عنهم انا..

ورمت الكتااب.. :إفففففف!..اكره الادب ..أكره النحـو..أكره الدراااااااااسه!

- السلام عليكم
من غير لاتناظره وعينها ع التلفزيون وبيدها الريموت بتعلي عليه:وعليكم السـلام

سطام: الا وين امي؟
ملاك:مدري

تركتها ورحت فوق لـ غرفتي..وانا في طريقي قلت : ذاكري ذاكري.. التلفزيون مهوب نافعك


◙◙◙◙◙





نزلت من السياره .. ووراها الشغاله الحبشيه وشايلة لها كم كيس..أبتسمت :تفضلي

نجلا: لا والله .. ابروح البيت .. معد الا خير

خجل:يوو صايره دجاجه احد ينوم .."ناظرت الساعه"..10 ونص

نجـلآ:لآ ماراح انام ..بس ماجلست بالبيت اليوم ابد .. يـ الله ابيك الحين تقوسين ملابسك

خجل:إن شاء الله .. وبعطيك الو لاتنامين

نجلا:اوك



يوم دخلت خجل .. راحت نجـلآ البيت .. لين متى يتضل خجل كذا .. قلبها ماايل لـ غير فراس .. هذا قدرها .. فراس لخجل وخجل لفراس من عمر الدنيا..تنهدت!.. صدق تخلف .. ماتوا اللي يسوون كذا .. تذكرت انها هي بعد بتواجه نفس المصير الا اذا صارت معجزه .. ولا راح تكون زوجـة ناصر .. اللي ماتكن له أي مشاعر ..



وصلت البيت .. فتح الحارس البوابه الكبيره .. ودخلت سيارتها نزلت عند الباب القصر..وراح السواق يلبق السياره فالباركنق..



دخلت وهي تدندن .. وتغنـي .. :يادنيا ياغراااابه..يادنيا ياغرابـه!..اللي لقى احبابه نسـ.....



- اقول اسكتي تكفييين ماصدقت خبر راشد منزل البوم تجين تخلينه يهوون

طارت عيونها:ليه؟

مشاري يقلد طريقة نجلا بالكلام: سووتك نشـاااز

انقهـرت نجلا منه .. لانه تدري ان مخارج الحروف عندها غير ..يعني مثـلا لما تنطق كلمه اخرها حرف الـ(هـ).. مثلا طاوله..تقول (طاولا) .. صوتها نااااااعم وشوي على دلع وغير متنصع بلعكس هي تبي تغير هالشي فيها بس مب رااضي يضبط معها

شكلها وصوتها يعطي وحده نعومه بس هي عكس..فيها نسبه لا بـأس بها من الـ"عربجه" ههه

وشوفـوا



قامت له ونطت فوقه..:وربي بيجيك كـف مشاااااااري

مشاري يضحك:ههههههههههههه طيب انا وش اسوي انتي تتكلمين كذا

نجـلا ووجها حمّر من العصبيه:انت غبي ..مـخ جزمه



- وش هالسبـه اللي طاايحه فيها..مخ جزمه!

نجلا تقوم عنه وتكلم اخوها يزيد..اللي توه داخل:يعني مخه في جزمته..او مخه جزمه..كل شي يضبط

مشاري يقوم:هههههههههه مشكله والله البنات اللي كذا.."ويقلد صوتها وطريقتها" ..سباااااتكم يااااااي

نجلا:مشاااااااااااااااااااااااااري!..وربي يجيك كف يحووس ملامح وجهك..

يزيد يجلس ع الكنبه ..:هههههه اعصاابك .. داايم يتهزا فيك وتعصبين اسفهييه

نجلا: لا ماراح (اسفهآآ) خل يتـأدب..

مشاري:ههههههه

يزيد:اقول مشاري اعقل احسن لك .. ولا والله ان ماتروح بكره المدرسه

مشاري:شكلي والله .. والله خلااص اخت نجلا .. حقك علي

اخذت نجـلا شنطتها الكبيره ومربعة الشكل .. ولفت عنه وهي لين الحين مقهوره منه .. يوم وصلت لـ السيب اللي بين الصالتين ..لفت :اقول يـزيد!

يزيد:هلا

نجـلآ: سوير هنا

ابتسم : لا .. ماشفتها يوم اجي

ارتاااحت .. اهم شي ان مرة ابوها مو هنـا ..

مشـاري:الخووووف مليييييح

لفت عنه ولا كلمته .. ورقت الدرج الوسيييع





يزيد:ماتعرف تسوي نفسها زعلااانه

مشاري:داايم كذا ..ولين جا بكره تحاكيني



- ترااااااااني اسمعكم !!!!



يزيد:هههههههههههههههههههههههههههههه





الاسـم / يزيد صالح آل "............."

العمر/ 21 سنـه

الشهـأده/ طالب جامعي ؛ هندسـه معماريه



الاسـم/ مشاري صالح آل "........"

العمر/ 18 سنه

الشهاده/ ثالث ثنوي علمي









◙◙◙◙◙





دخلت البيت وانا مره تعبـــانه .. رميت شنطتـي على الكنبه .. شفت اخوي عبودي جـأيعندي



- هيلــه ..ديتي؟..(جيتي)

أبتسمت هيله:ايه ديت وش تبي؟

رفع يدهيعطيها سياره انكسرت..اخذتها:من كسرها؟

هز كتوفه الصغـار:انا ديت ولقيتهاتدا..(كذا)

هيله:بس انا قلت ياعبود..ماأقدر اشتري لك زيها

عبدالله يحاولمايصيح:عادي..انتظر لين تديك فلوس

رحمته..مدري ليه احس نفسي سبب فـ فقرهم.. رجعت آخذ شنطتي.. طليت على امي اللي تطبخ ..



وبعدها طليت على أبـوي ..ابتسمتوتقدمت له ..

هيله :كيفك يبـه؟

ابو هيله :هلا هيله ..الحمدالله

مسكت يدهوبسـتها:انا بخير دامنـي شفتك

ابتسم:وكيف الشغـل معك؟

هيله :الحمدالله .."بـمرح"..ولو انه متعب .. بس معليش

ابو هيله :جعـلي ماأذوق يومك يابنتي

هيله:لايبـه ..جعل يومي قبل يومك.."تركت يده وضايق صدري بس من هالطاري"..انا بتركك ترتــاح



طلعت عنه.. مســألة اني اتخيل ابوي يموت هذي بعيده..لو يطلب روحي ..اعطيه ..بس اهم شي يعيشمعنـا لأننا بدونه ولا شي..لاتقولون مقعد ولا حول ولا قوة له..حـس رجـال بـ البيتعندنـا يسوى كثــير..

آآه الله يطوول بـ عمرك يبـه ..ويخليك لنا





◙◙◙◙◙



في احد مجمعات الريـاض!!

حط الببســي..وبلع اللي بـ فمه:ماأجمل ان يشبع الواحد

طارق:اكرمك الله

ناصررجع اخذ الببسي:الله يحييك

طارق:تـرا المره الثانيه عزيمتك علي..مهيب حاله كليوم انت اللي تعزمني؟

ناصر يتهــزا بـ حكيه:مايــباشر الاالدااشر

طارق:ههههههههههههههههههههههههه.. حـرام عليك .. انا كنت امزح معك يومأقولها

ناصر:ايه اشوى تراها في قلبي لين الحين

طارق:بسم الله عليك .. يالبعير..ودي ابوسك أعتذر بس كلي زفر

ناصر يأشر ع الحمام بـ يده اللي فيهاببسي:شف الحمام هناك..رح غسل وتعال حبـني

طارق ضحك:ههههههههه ودك ابوسكيعني

هز راسه بـ"أيه"..:يلله قم

قـام طارق:انا بقوم..بس عشان اغسل مبعشانك

مارد ناصر لانه يشرب ببسي..:بس بس..ماغير تقحين في هالببسي..شف وش كبره .. ناوي تخلصه؟

ناصر:عادي

طارق اخذ الببسي وحطه..:امش بس خل نغسسل..



يوم طلعـوا من الحمامات..مــروا بنات مراهقات ..فاتحين العبايه والشعر مستشور..واساور فسفوريه..



طارق بـ شفقه استهبال:لاحول!!..ياحياتي يتعبون نفسيــاً قبل لا يجوون

ضحك نــاصر بـ صوت عالي..طالعته وحده من البنات وابتسمت..تحسبه يبي يلفت نظرها

طارق:عشان خاطر هالتزين عطها وجه

ناصر:هههههههه مااعرف ارقم..

طالعته بـ نص عين:نعم اخوي؟؟..انت مفروض يخلونك تفتح مدرسه تعلم كيفية الترقيم..وهالبنات اللي مخرفنهم وين راحوا؟

ناصر:ذكــرتني بـ ولد عمينواف..يااحبي له

طارق:ما شفته نواف ذا الا..نسيت متى اخر مره..المهم هالبنات تعبـوا مساكين من التميلح .. عطهم زي حريمك اللي مخرفنهم

ناصر:مالي خلقهم ذا اليومين قفلت جوالي..بس فاتح حق الاهل

طارق:طيب معليش ورينـــا شطارتك!!

ناصربلع ريقه يستعد وهو يطالع البنت ..ثم دخل اصبعين فـ فمـه وصفـــر بـ صووت عـألي..طالعته البنت ووجهها احمـر.. مسك قلبه:أغـــــــدي كشنـه بـ اللبنه عند هالفسفوووري!!!

ضحكت البنت بـ غنج.. ومسكت يد صديقتها..

طارقق:نعنبـو بليــسك شكل الكوره اللي فوق طاحت ..

قصده حقت الفيصليه

ناصر يكلم طارق:هاهكذا؟

طارق:لا البنت خقت .. عطها رقمك

ناصر يحرك يده بـتطنيش:مرآهقه..ماأبيها

طارق:الا أحسن عمر....انا احب الطعشات

ناصر ضحك: تحبهم؟؟..لا والله عشان هم اللي بيعطونك وجه .. اوما اللي فوق الـ 20 ولا وحدهتعطيك وجه



طارق وهو يمشي ويمشي جنبه ناصر:لا والله الحين حتى الـ 30 ..انهبلت ..هي ع التربيه

ناصر:اقول سكر الموضوع..وين نروح

طارق:امش دامنا فـالدور الثالث..أبي ميغـا ستار..

ناصر:مشينــا

رد مع اقتباس
  #5  
قديم March 15, 2015, 04:59 PM
 
رد: رواية ثقيلة مزحة الدنيا للكاتبة عادي أنا الي أحبك





يوم الجمعه ..
بعد الصـلاة ..

طلعت من الحمام وهي تنشف شعرها البني .. وقفت عند المرايه وهي تتأمل شكلها .. تنهدت من قلبها وهي تتذكر ان بعد اسبوع الا يوم .."إعدامها".. أيه نعم إعداامها لانها خلاااص بتظطر تتخلى عن اقل شي يمنع قلبها من يحترق .. تدرون وش هالاقل شي؟؟..التكفـير..تفكر بالرجـال اللي من شافته وهي ماغير تفكر .. حااس لها كيانها حووس .. قلبها صار يدق وكأنه مايدق الا اذا تذكرته .. راحت لغرفة الملابس وطلعت لها لبس عادي .. عباره عن بنطلون سكنـي .. وبلوزه بينك .. اما شعرها عطته هـوآ بالاستشوار ..

نزلت تحت وهي تسمـع صوت امها تتكلم .. يوم وصلت تحت وضحت لها الصوره
قالت بصوت عالي شوي عشان ينسمع:ديمـآآآآآآ
ابتسمت ديمه :هلا والله خجييل..وينك من قبل الصلاة وانا هنا

يوم سلمت عليها .. قامت ام سعود ..:أبروح انوم لي شوي لين يذن العصر
يوم راحت .. قالت خجل:الا وينه سعود؟؟..ماأشوفه
ديمه : فالمسجد .."ناظرت ساعتها المرصعه بالألماس"..تلقينه 5 دقايق وهو عندك
خجل تناظر بطن مرة اخوها: الا اخت ديمـه .. متى ناويه تولديين؟
ضحكت بعذوبه وهي تتحسس بطها اللي كبر وبدا يبرز من كم شهـر : إن شااء الله بعد شهريييين
خجل: احلى شي اني بصيييييير عمـه .. الا ماقالوا لك بنت ولا ولد
سكرت ديمـه عيونها وهزت كتوفها .. يعني كأنها تقول "أدري بس ماراح اعلمك"
نطت خجل:يووووووووووووه بلا سخااااااافه عاد ديمووه
ديمـه:ههههههههههههه بتدرين مع النااس ..
خجل: اجل شووفي ان صااارت بنت ابي اسمها خجل زي اسمي
ديمـه:نعآآآآم اختي؟؟..وشو خجل؟..اصـلا انا اسمك هذا لين الحين ماتعوديت عليه مع اني مااخذه اخوك من 3 سنيين ..تبين اسمي بنتي علييييك
خجل:ولييه عيووني وش فيه اسمي..يكفي ان ابو سعوود اللي هو عمك وابو زوجك مسمييني
ديمه :والنعم .. بس لاااااء..أبسميها على امي...حصـه !
خجل طاارت عيونها: تبييييييييين بنت سعود آل "...."..اسمها حصه .. لالا
ديمـه:وش فيها امي..وه ياااحبي لها بس .. الله يرحمها ويسكنها فسييح جناته
خجل:آآآآآآآآآمين .. بس لا ..

سمعـوا الجرس يرن .. ثوااني ودخل سعود : الســـــلام
خجل:هلا وعليكم السـلام .. وراك ترن الجرس ماعندك مفتاح؟
سعود يجلس جنب زوجته : الا عندي بس نااسيه بالبيت .. دورت حارسكم مالقيته اخر شي رنيت الجرس
ديمـه: ومن فتح لك
سعود:الحاارس .. سمع صوت الجرس جاا يركض ..
خجل:طوووووول عمرك نسـآي عسى بس مايجي يوم وتنسى نفسك .. تسويها والله!
سعود: تستخفين دمك انتي وذا الوجه انا ذااكرتي اقوى منك
ديمه تناظره:صدق؟
ابتسم سعود لانه يدري انه اكبر نساي عرفه التااريخ .. وكلام خجل صـح!..وحتى انه يعتمد على زوجته في كل شي تقريبـاً




من بكـره .. الصبـاح ..
طلع من البيت .. وركب سيارته الجيب .. أتجـه لـ مكان شغله بس كـ العاده ..زحمـه!
شوي الا يرن جواله .. ابتسم وهو يشوف المتصل
المتصل> مشعل

سطام:هلا مشعل ..
مشعل:هلاااااا والله اجل قايم
سطام: ليه ماعندك دوام؟
مشعل:الا والله وهذاااني بالطريق بس قلت اقومك خبري بك زول ويالله تقوم!
سطام:منهو الزول مره ثانيه؟
مشعل:هههههههههههههههههههههه ..امزح ياخي لا تدف.."ويحط الجوال بالاذن الثانيه"..الا وشسمه ذا .. ماتبي امرك ..
سطام:والله معي سيارتي وش يرجعها..

كمـلوا سوالفهم الصبـأحيه المعتاده





- سعووود!..سعوود يـ الله قم وربي مافيني حيـل ..
سعود انقلب مع الجهه الثانيه:هاااا وش تبيييين؟
ديمـه:قم يالله شغلك!..
فتح عيونه .. وقام وهو مييييت يبي ينوم .. ديمه وهي تحط يدها على ظهرها والحمل متعبها:ماعليه ياقلبي ... شف ملابسك مكويه وخالصـه ..

قام سعود وأتجه لـ الحمام .. وطلع وكـ العاده ملابسه جاهزه.. من ثوب وشماغ لـ جزمه وانتوا بكرامه .. لما لبس وخلص اخذ له رشتين عطر من عطره إجنر .. طلع من الغرفه لقـى ديمه جالسه ع الطاوله حقت الاكل .. وكانت مجهـزه الفطور ..
ابتسم وهو يقول بينه وبين نفسـه " الله لايرحمني منك !!"

هذا هو سعود مع زوجته .. نقدر نقول مـدلع!..أكله يكون جااااهز .. وملابسه .. حتى بعض اغراضه مايدري عنها لان ديمه هي المسـؤوله عن كل شي يخص زوجها اللي مايقبل الشغالات ابد ..

الاسـم/ سعود حمد آل ".........."
العمـر/ 31 سنـه
الشهـاده/ بكلريوس حاسب


الاسـم/ ديمـه إبراهيم آل "........" >~ بنت عم سعود بس من مب على طول
العمـر/26 سنـه
الشهـاده / بكلريوس عربي

أول ماخلص .. قـام واخذ بوكه وطلـع ..

قامت ديمـه متجهه لـ الغرفه بتكمل نومتها انتبهت لـ مفتااح سعود حق السياره ههههههههه .. اخذته انحنت بـ صعووبه ..عشان بس تاخذه ورااحت عند الباب ..
فتحت باب الشقه لقت سعود يرقـى الدرج هروله يوم وصل عندها
سعود:معليـــش!..نسيت مفاتيحي .. هههههه
ديمـه تهز راسها..نساااي ووربي:نظـارتك معك؟
سعود هز راسه بـ:أيه.. بالسياره
ديمـه:اوك..الله معك
ابتسم لها ..وراح لـ الشغـل

سكرت باب الشقه اللي عاااشت فيها 3 سنين من عمـرها.. أبتسمت وهي تناظر الكنبه اللي قدام التلفزيون ..داايم يجلسون عليها .. رجعت بالذاكره يوم اول شهور جمعتهم

ديمه:سعوودي حبيبي
سعود ينااظر التلفزيون:همممممممممم
ديمه:ودي اطلب منك طلب..بس لاتقول لا بلــيز!
سعود: لآ
ديمه ضربته مع صدره بخفيف ودلع:يووووووه سعووووودي
سعود:هههههه طيب .. على حسب الطلب ..
ديمـه:شف .. انا أبي اجلس لي كذا كم ....مثـلا يعني .."ناظرت اصابعها"..اممم سنتين ..او على حسب يعني . .المهم لين اتخرج.."وطالعته"...ماأحمل
سعود:ليه؟
ديمه:ودي اكمل درااستي يكفي اني متـأخره خلقه بليييييييييييييييييز!
سعود ناظر التلفزيون ولا بان على وجهه أي إجاابه .. ضووق عيونه وهو يطالع ولا رد :..............
ديمـه طالعت التفلزيون يمكن في شي حمسـه بس مافي كان يطالع دعاايه .. رجعت طالعته :هاه .. وش قلت
سعود:امممممممممممممم موافق بس بشرط
ديمـه:أيش؟
سعود:اذا حسيت اني زهقت .. وودي بـ بزر تجيبين .. مب تقولين بكمل ومدري وش
ديمـه:ههههههههههههههه لاوالله احلف؟؟
سعود:عاااااد علمتك



الله لا يرحمني منه .. صحيح اني تزوجـته عشان اهرب من العيشه عند أخواني .. بس ربي عطاني زوج ..عوضني فيه عن كل سنوات الحرمان اللي شفتها عند اخواني..
الحمــــــد الله !



لامه كتبها .. وماسكه شنطتها الـ ALVIERO MARTINI..تمشي بالجامعه بدون هدف .. أستوقفها صوت
- خجآآآآآآآآآآآآآآل!

التفت ..وابتسمت :هلا والله ندووي!..على بالي غايبه اليوم
ندى وقفت جنب خجل : لا ..الا وين بنت عمك الشينـآآ.."طبعا تقلد نجلا فالنطق"..ولا ناويه تغيب؟
خجل : مدري عنها امس ماكلمتها
ندى:يؤ غريبـه!..متطاااقين؟
خجل:هههههههههههه .. لا بس مرة اخوي كانت عندنا ولهيت معاها ورحنا السوق نجهز لـ البيبي الجديد
ندى خقت:آآآآآآآآآلله!!..مشتهيه حس يـزر!!!!
خجل:هههههههه اسلفك بزر اخوي 3 ايام
ندى:يوم المنـى وفوزيه وبدريه وحصــــه!
خجل:منهم ذولي؟؟
ندى:هههههه اقول دقي على بنت عمك شوفي وينها!!!






رفع راسه عن المخده .. كل شوي يحط "غفـوه"..بس مايشبع نوم .. اخرتها قاام وحط "إقـاف".. .. دخل الحمام غسـل وجـهه..طلع ولبس لبس الشغل لا يجي الحين ابوه يلعـن خاامسه .. دق ع الحارس يطلع له سيارته من الباركنـق ..
اخذ نظارته وبوكه ومفااتيحه .. وطلع .. وهو ناازل شاف طاولة الاكل .. بس مب مشتهي .. يوم طلع شاف سيارته الـ مرسيدس ركبها وأتجه للـ الشركه

رن جواله
المتصـل>طارق

ناصر:هلا طاارق ...
طارق:هلااااا قمت اخيرا
ناصر وصوته محلو لان توه قاايم: وش تبي
طارق:عليك أخـلاق .. صرااااحه
ناصر:يااااااليل البثريييين
طارق:هههههههه لا بس ابوك سـأل عنك..
ناصر ياخذ نظارته من درج بالسياره:ووش قلت له
طارق:قلت له انك بالطريق
ناصر:اهاا حلوو اجل


اول ماسكر منه .. أتجـه لـ أقرب محل كوفي اخذ له كروسون .. وقهـوه .. واتجه للشركه ..






الجزء الثــالث..!



رفعت راسي من على السرير .. وسندته .. رجعت يدي ورا راسي ..
قال بـ صوت مسموع:آآآآآآآآه مالي خلق!..
طالع الشباك كانت الشمس شوي وتغيب .. لا! .. كره نفسه يكره يقوم متأخر .. مايحب ينوم نهاراً..ويقوم يلقـىآ الدنيا ليل..قام ودخل الحمام اخذ له دش سريع .. طلع وهو لابس روبه وفوطته فوق راسه .. فتح الدولاب مايدري وش يلبس..ابتسم وهو يشوف ملابس لين الحين بنمراتها..شاريها له مشعل .. وكلهم من احسـن المحلات .. مانقول ماركات...لآ!..بس محلات حلوه ..زي زارا ودبنهامز .. وغيره ..ملاك تتـنرفز اذا شافت هالملابس عنده .. وتنقهر زياده انه مايهتم ويلبسها
سحب له بنطلون جيـنز ازرق غاامق وقميص ابيض.. وقف قدام المرايه ..عقد حواجبه وهو يشوف القميص خفيف شوي .. رجع للدولاب بيلس تحتها فنيله ..بس تعجيز .. اخذ له جاكيت جينز .. قال وهو يطالع جاكيته: وش فيك ياسطـام .. نسيت انك برّااد؟..(براد بـ شد الراء .. يعني على طول يبرد)

اخذه وسحب اغراضه .. شاف كاب محطوط ع الكومدينا .. اخذه ولبسه طلع من الغرفه ..
شاف غرفـة ملاك مفتوحه ..

" العوامل المؤثره فالمدري وشو.. التضااريس .. المنااخ .. القرب والبعد من المسطحات المائيه .. "

دخلت الغرفه وانا كااتـم ضحكتي .. : مـلآك
رفعت عينها .. :هـ..
فتحت فمها .. تستهبل طبعـا .. وطلعت من شفايفها ..وكأنها غير مقصوده : وآآآو!
ابتسم : كيف؟..أخقق؟
مـلاك:تخـقق وبس .. الا تهبـــل .. وكنك وشسمه ذا .. أمير!..لالا مب امير .. كنك مدري المهم انك تقول لـ القمر .. قم يـاكلب!..ابجلس مكانك!
سـوا نفسه مستحي ونزل كابه : ترا اهاايط!
ملاك:هههههه ..

- اييه سطاام ينمدح وانا لي الله!
ملاك:آسفه اخوي!..الزين زين لو يقوم من نووومه!
متعب : وش قصدك يعني .. منيب زين مثـلا
ملاك:اعوذ بالله !.. انا قلت كذا؟
متعب:ايييييييييييييه!
سطام:المهم .. غرفتي الله يعافيك رتبيها
ملاك:والشغـاله وين راحت؟
سطام:انتي تدرين اني ماأحب الشغاله تحط يدها على اغراضي
ملاك:يااحول عاد مدحنااك مب تجلس تسوي كذا
سطام: ملاكووه .. رتـبي الغرفه
متعب:لوك مادحتني كان ساعدتك بس جنت على نفسها برااقش
ملاك:ودي اصدق انك بتسـأعدني ..
ضحك متعب وطلع ..اما سطام دخل مفاتيحه في جيبـه : لاتنسين هاه
ملاك:اوكــــــي

طلع ..



كانت تكد شعرها عند المرايه .. حطت الفرشه وهي تلم شعرها الكستنائي على جنب..اخذت روج احمر وحطت منه ..
- ووووووه فديتني اهبـل! ..
طالعت ساعتها بملل :وينك يــا أحمد..

توجهت لـ الشباك .. شافت بحيره صغيره موجوده بـ حديقه .. تمنت لو امها وملاك سطام ومتعب وأحلام معها الحين ..
نوره:هههههههه والله فله لو ناخذ تراامسنا والحافظات ونبسط هناك ..هههه وربي ونااسه >تفكـير عجـز! ههه

جلست ع الكرسي .. وهي تسـترجع ذاكرتها لـ أيام قبل زواجها بـ أحمد وكيف عاشوا قصة حب .. صحيح كانت عن طريق النت .. بس احمد اثبت انه يحبها صدق!..وجـآ وخطبها ..فديته!..

تذكرت يوم زواجها كيف سـوآ زواج تتمنـآه كل بنت في عمرها..كبير وحلوو ويوواجه!..
احبك يــا أحمد هذا اللي اقدر اقوله!



فتحت لاب توبها .. وفي راسها تكتب خاطره !.. بس مافي فكـره .. ليه لا وهي تموت شـوق لـ ملهمها ..
فتحت صفحة وورد .. ظبطت الخط واللون .. وهي مب لآقيه كلمات تبـدا فيها ..

"يزعجني الحرف حين لا أهتم فيه وأشرد بـفكري لـ..؟؟..//فتصبح الكلمة في عيني طلاسم..لا معنـى لها"

مسحت هاللي كتبته .. ماتدري ليه تبي تكتب عنه مع انها وعدت نـدى انها معد تفكر فيه حتـى ..
بس ماتقدر تنسـى شكله .. طوله وملامحه الغاضبه ..حتى يوم كان مبتسم بـ إحراج!.. افهمووني يا ناس انا مقدر انسـاه ..

اشتغل الالهـأم عندها وكتبت

"يشدني شوقي اليه..
وأسرح في برواز حبس في منتصفه صورة له
لأدقق النظر في ملآمحه التي بت أحفظ أدق تفاصيلها ..
أبتداء بلون بشرته الخمري...
مرورا بنطراته الثاقبه المذيبة,ويزيد من حدة ملامحه أنفه الجآرح
وشعيرات تضيف لذقنه رونقا ورجولة,,
لآ أذكر كم من المرات جرحت خدي شعيراته لكن كنت أحب ذلك الوخز اللذيذ,,
يـآ,,أنت! "

تنهدت وهي تسوي سيـف لـ الملف!.. وش هالمشاعر اللي احس بها لما اتذكره .. وليه هالمشـاعره والخواطر ماتطلع مع فـراس..وربي هو أحـق منه فيها!

سكرت الاب توب .. ونزلت من سريرها الملكـي ..طلعت من الغرفه بـ كبرها .. المكان هادي .. وهالشي مب غريب على هالبيت .. لانه متعود عالهدوء .. ونفس نظام اهل البيت كذا ..

اتجهت لـ أقرب صاله من غرفتها .. وفتحت التلفزيون البـلآزما غيرت القنوات ..آخر شي رست لها على فـــلم!



لمت شعرها..وربطته..لابسـه ترنغ..نزلت تحت وهي تغنـي .. وتدندن
- أصصص!..محد يقدر يـأخذ راحته في هالبيت
طنشتها وكملت نزولها الدرج .. تكـره تحتك في مرة ابوها .. تكررها موت!..
طلعت برا للحديقه .. اخذت الـ أي تتش وشغلت على اقرب اغنيه تحبها وجلست تسمـع ..
ماحست بالسياره اخوها الـ bmw الحـوت..عطاها الحارس يلبقها ..وهو أتجه لـ اخته
- السـلام
شالت نجـلا السماعات :إيش؟
فراس يجلس:اقول السلام عليكم
نجلا:وعليكم السـلام!.اخبارك
فراس يحط جواله قدامه : عال العـال وانتي؟
نجلا:الحمدالله بخير
فراس:واخبـأر خجلجل
نجـلآ ابتسمت :ههههههههههه لاتسمعك بس .. والله ان تفرشك فرشـاً مبرحاً
فراس:أحلـى فرش داامه منها
نجـلآ:ياااااارب يصير في احد يحبني كذا زي ماأنت تحب خجل
فراس:عشان اسطره!..يحب اختي وهي مخطووبه
نجـلآ:ياكرهك انت بعد .. لا مب مخطوبه..
فراس:ابوي وش قاااايل
نجـلآ:قال ان خطبك ناصر .. بتواافقين!..وولد عمك ذا مدري وش يقرب لك .. مابعد تحرك..واحسسسسن.."رفعت يدها تدعي"..جعله مايتحرك ..
فراس:حرام عليك عااد .. والله لزيز .. وينبـلع بسرعه ماتغصين فيه
نجـلآ تغير الموضوغ:وين كنت؟
فراس:أبد طلعت من الشغل جلست اهجول مع الربع
نجـلآ: عليكم حكي يالعيـأل.....أهجـول!
فراس ضحك:هههههههههههههههه اجل زيك ..

توه بـ يتهزا بس جته نظره صـاروخيه ناريه خلته يسكت 3 سنين قداام هههه
فراس:امزح انتي كلامك حلـــو مره
نجلا:إييييه أشـوى!

رن جوالها ..
المتصل>خجل

أبتسمت ..وسمعته يقول:مين؟
نجلا:خطيبتك
فراس خـق..مسك قلبه:فدييييييت خطيبتي أنــــــا ! ..
ضحكت نجـلا: ههههههه الله يهني سعيد بـ سعيده
فراس:وفراس بـ خجل.."مد يده ".. هاتي هاااتي الجوال!..وربي اخر مره كلتها يوم العيد
نجـلآ: خذ!

اخذ فراس الجوال وقـام ..رص ع السماعه الخضرا بس ماتكلم !..

خجل بـ صوتها الاثنوي: نجولتـي قلبي..
فراس:..............
خجل:يووو نجـلآ بلا مصـأله وربي طشششششفانه وضااايقـة بي الدنيا وكل شي

سكر السماعه .. وراح لـ نجلا .. :نجول..ابي جوالك شوي!
نجلا:وليه؟
فراس: يالله عااد .. "واشر على جواله اللي ع الطاوله "..خذي جوالي!
لفت نجلا على جواله ..وهو أتجـه لـ الباركنق ياخذ سيارته

سحبت نجـلآ الجوال..بس اول مافتحته لازم رقم سـري
مسكت الجوال بـ قهـر:فِـــــــراااااااااااااااااس يا مـخ جززززمه!




- ارووووووووووح لبن بالاندوومي عليه شوية كااتشب
فهد: حوومَ الله كبـدك يـأغلام!...وش هالطبخه
مشعل مسوي خااق:ااااااااااه ياسطام ارحمني ياشيييييييخ!
سطـام يجلس جنبهـم بالجلسات حقت د.كيف ..:بركاتك
مشعل:يااخي مابغيت تتزين اعوذ بالله لوني مرتك كان طلقتك
فهد:هههههههه اشوى انك مب مرته!..
سطام بـ نص عين :يحصل لك بس!..تصير مرتي!
فهد:مشييعل قمت اشك بـ ميلوك
مشعل ارتاع:وراه؟
فهد: انت تهمك الموضه والمظااهر والـ.....
قاطعه:على بالي عندك ساالفه !..لا يكثر اقول!..في شي يحلي المرء بـ عين نفسه اكثر من كذا!..مب مظاهر لو سمحت انا مب سطحي كذا !.. بس أحب اهتم في شكلي
سطام : بـ زياااده!
مشعل : الا مشعل من اقنعك تلبس تسـذا !.. ملاك؟
سطام : لا! .. انا قمت من النوم ..وجا في راسي أتـزين ..
فهد : ههههههه عليك مـزاج .. اهنيييك عليه !




كنت اقطع اظافري .. وش فيها نجـلا ماترد.. لا يكون بس تعبت وانبـح صوتها ثمن ماقدرت تكلمني؟؟!! >صح تفسير مقنع ..هههه
..اقول وش احـس به .. توني شايفتها اليوم بالجامعه ..مافيها الا العافيه .. اممم..والله مدري عنها!.. رن جوالي
المتصـل>نـدى

خجل:أهليـن!
نـدى: هلا خجل..أخبـأرك؟
خجل:الحمدالله نـزقـح!
ندى:امممممم طفشششش يختي .. احس بالوحدة القاتله هع
خجل:هههههههه وش رايك نطلع ..
ندى:اوكي خلينـا نعزم نجول..تو دقيت ماترد
خجل:مثليي..توني مسكره منها من 10 دقايق ردة علي ثمن قطعتـه ..
ندى:لا انا قبل لاأدق عليك .. تلقينها تتروش..اعرفها تجلس سنـه!
خجل:يمكن ..


جاها حط ثـأني
المتصل>نجـلآ

خجل ترجع السماعه : جبينا سيرة الأووط!
ندى:دقت عليك
خجل:إيه برد عليها تامرين على شي
ندى:لا .. وشـوفي وش صار ع الطلعه!
خجل:اوكي...

يوم سكرت من ندى..سكرت نجـلآ..توها بتدق جاها مسـج

"خجل انزلي لي ..انا تحت"
مشت نص خطوه لـ الدرج بس تذكرت

" انتي لو تغطييين .. كان احتروومك !"
صح كلامه هي لازم تتغطـى .. وبرا كلهم سووايق وفيه الحارس وغيرهم .. دخلت غرفتها اخذت شال لويس فيتون .. وطلعت عشان تشوف نجلا وش تبي
طلعت الجوش الوسيـع
شافت bmw واقفه .. ضاقت عيونها ..هذي سيارة مين

- انتي بـرا ؟؟
التفت شافت واحد واقف.. رجال اطول منها بـ كم سـانتي .. لابس جينز وتي شيرت عليه كاروهات بربري ..مقعوله جاي عشـان بندر!.
بس بنـدر مســـافر!!

شهقت وحطت يدها على فمها .. وش يبي ذا ..
خجل: فراس
فراس بـ كل حب: بـ شحمه ولحمه!
ركضت خجل ودخلت جوا القصر .. ارحت ورا الباب :من تبـي؟؟
فراس: خجل حياتي وش فيك..عادي انا خطيبك!
خجل:خطيبي!..مو زوجي!

أستغرب من ردة فعلها..عادي هو يسلم عليها واحيانا يتصل عليها ..صحيح وقفت اتصالتهم لانها قالت له انها تبي تستعد ومكالماتهم تصير مره فالشهر .. بس من حقه ( من وجهة نظره طبعـاً بـ حكم مجتمعهم).. من حقه انه يشوفها

فراس عقد حواجبه: خجل .. وش فيك؟
خجل شوي وتصيح من هالموقف السخيف :فراس وربي انت الحين مو محرم لي .. يعني على أي اساي افتش لك .. تكفـآ أبعد عني الحين بعد كم يوم بنملك وتقدر تشوفني
ابتسم ..وهو متفشـل..ماتوقع ان هذي ردة فعلها .. :اوكي .. اللي تشوفينه..مع السـلامه!

اخذت نفس..تحس بـ راااااحه ورضـىآ..صحيح تحس بـتأنيب الضمير لأنها فشلته .. بس وش تسوي .. هذا هو الشي اللي لازم تسويه

لفت لـ الصاله الكبير اللي انقسمت لـ 4 اقـسام ومفتحه على بعض .. راحت لـ اقرب كنب ورمت نفسها .. تنهدت وهي تقول
"تتذكر يوم تقولي تغطـي؟!..هذا انا سويت اللي قلت لي عليييه ..حتى خطيبي تغطيت عنه! .."
اخذت المخده وضمتها وهي تلف ع الجهه الثانيه
"ادري مب من حقـي..بس والله احبـــك! "

لو قلت.. / أحبكـ .

.
أظلمـ الحبأنـآ فيكـ .. !!
الحب أصلآ مايقـآس بوجــودكـ ..
مهمـآ أحـأول أرفعه . . " مايوازيكـ " . .
ويطيح حظه . . وينكسر . .
!! في حدودكـ !!

رد مع اقتباس
  #6  
قديم March 15, 2015, 04:59 PM
 
رد: رواية ثقيلة مزحة الدنيا للكاتبة عادي أنا الي أحبك





*[ليــہ ڪل مرٍرٍه أجيڪ !
تطعنّ إحسٍ'َـَـآسي وٍترٍحلْ؟
*[ وٍأنتْ تدرٍي إني أبيـڪ؟
وٍهمٍ يسٍ'َـَـموٍنڪ وٍطـَـَـَن
همٍ يحسّوٍوٍنڪ{ دفــآ
رٍقـہ[إحسٍ'َـَـآس]وٍوٍسڪنْ!



كان ماسك الدركسـون بقووه..وطنه يحط هالحره اللي فيه بالدركسـون .. لييه كذا طيب..ليش يحس انها ماتبيه ولا تحبـه وتحس به ..

وقفت عند إشـاره رجع راسه وسكر عيونه وهو يتخيل شكلها بـ عيونها الحلوه ..ورموشها اللي تذوبه .. خصوصاً إذا استحت .. وقامت ترمش ..
ضحك بينه وبين نفسـه
خشمها المزموم ومرفوع على فوق معطيها براءه .. فمها الوردي الصغير !

يحبها بـ كل مافيها حتى عيوبها ..تعجبه!..

فتح عيونه وحط ذقنه على الدكسـون .. يناظر الطريق ويفكر وش يسوي لها فالملكه .. وش الشي اللي ممكن يرضيها .. ويخليها تحبـه وتموت فيه زي ماهو يموت في ترااب رجولها ..
وشو الشي اللي يكمل الرجـال يـ عين الانثـىآ ..
يحس بـ ضيقه من ردة فعلها .. بس أبتسم!
تصرفها حلوو .. هو كان يغار احيانا لما يشوفها بس تتحجب عن ناصر و يزيد ومشاري وغيرهم ..



جتْ س' َـَـليمہ !
......جتْ س'َـَـليمہ!
.......... جتْ س'َـَـليمہ!







- وش فيك اسم الله عليييييك!
ناظر في زوجته ..أبتسم :يااختي مشكله اذا صار الواحد عنده عماره
جلست ديمـه جنبه : ليييه؟!
سعود:في واحد فالدور الثاني..أطرره طراره يعطيني فلوس الايجـار..يختي يقهر
ديمه تسمك كتفه وتسأله وهي عارفه الايجابه مسبقـاً :محتاج فلوسها الحين ؟
سعود: لا الحمدالله الخير واجد ..بس ماأبي اعوده ع الدلع كل مره والثانيه .. اطره هالفلوس
ديمه:اجل عطه مهلمه يمكن ماعنده
سعود: ياكل تبن..ماعلي منه هو وجهه .. يدفع يعني يدفـع

ديمه تذكرت فجـأه :طب الحارس..عطيتاه الراتب حقه؟
سعود سكت شوي....وضرب جبهتـه ..:نسييييييت!..ياربييييه
ابتسم ديمه:ههههه ياحبي له هالحـارس!..يستحي يطلب
طالعها بـ نص عين : وش قلتي؟
ديمه ضحكت:هههههههههههههههههههههههههههههههه ترا كبر ابوي الله يرحمه!
سعود: بس ولو .. اقول انا جوعاااااااااااااااااان .. وودي كذا بشي يوكل .. "وابتسم كنه بزر"..
ديمه:ههههههه .. مافيه رح المطعم
سعود:وشو ؟؟..ماطبختي؟
ديمـه: لاوش دعوه..امزح معك ماتفهم المزح انت
سعود: لا والله اذا كنت جوعان..ماأفهم شي ابد
ديمـه:ثواااني انتسبـه لك ..



كنت جالس اتقهـوى مع امي .. ومعنا متعب وملاك .. حطيت فنجالي وانا اقول: يمـه
امه وعينها ع التلفزيون: سـم
سطام: سم الله عدوك .. انا عازمك اليوم ع العشـآ
متعب : بـ مناسبة
ملاك تقطع من التويكس اللي في بدها : أكيييييد يمهد لـ المووضوع يبي يعرس .."أكلت من الويكس وهي تناظره"..غاار من نوير ولا
سطام: لا ماأبي اتزوج .. بعدين انتوا وش دخلكم احاكي امي انا
ام سطام: ايه اقبل عزيمتـك ليه ما أقبل..بس وشو له؟
سطام: لحظه..عازمك انتي وابوي ..ومشعل واحلام .."ناظر متعب وملاك اللي فتحوا عيونهم ع الاخر"....وبـآقي الشله!
ام سطام: طيب وش المناسبه وانا امك
سطام وتـوه بـ يتكلم الا ..

- السسسسسسسـلام عليكم ياقاايز!
الكل:وعليكم السـلام ..
ملاك:تعااااااااال جابك الله !..شف عزيمـة سطام
مشعل جـآ .. حب راس اخته اللي بـ مثابة امه .. وسلم عليهم وجلس:وشو؟
سطام:الله!..تحمسـتوا لـ المناسبه؟
متعب يهز راسه:اخلص علينا تكلم
سطام ناظر امه وابتسم: انا ترقيت!
ابتسمت امه .. بس سطام ما حس الا بـ صقعه جته فـ كتفه ..
مشعل:يااااكشششششششششخه!..ماتلعب والله انت ووجهك
سطام يفرك كتفه ..:وجع ماتعرف تمزح يا هووووو
مشعل:من الفرحه لاتلومني
ملاك:صدق سطووووووومي ترقيت؟؟..قل قآآآآآآ
متعب بـ زعل:ايييييه ناس تترقى وناس حتى الوظيفه ماشـموا ريحتها !
مشعل يناظره: لايكثر بس.. تتشرط انت وذا الوجه اللي يشوفك يقول معك دكتوراه
ام سطام:اقول اها بس..وش فيك على وليدي
سطـام بـ ضحكه وهو يمـزح:يمه لاتدلعيييينه!..ترا يخرب..
ام سطام بـ ردة فعـل غير متوقعه: وانت وش عليك منه!..ولا مستخسر هالدااارهم اللي تدفعها عشـان عيالي!.."حطت فنجالها ع الارض..وقامت" ..الله لا يحوجـ"ـنا" لك..
وراحت فـوق .. وسطام ساااااكت..هو مب منصدم من كلامها .. لانه تعود
بس نقدر نقول ..أرتــــاع!
ثواني مرت ..كل اللي بالصاله ساكتين .. ملاك قامت والعبره خانقتها لانها تعز سطام!

مشعل مسك كتف سطام:ماعليه سطام .. هي بس معصبه شوي..
متعب قام وبعد طوفرية التمر.. وجلس قبال سطام : سطام وربي أني آآسف لاتشيل بخاطرك بـراها .....
قاطعهم وهو يبتسم : تذكرت اني مواعد فهد..أبقوم له ..يالله مع السـلامه
وطلــــع!
مشعل يتنهـد وهو يهز راسه:الله يهديها بس
متعب بـعصبيه وقهر: بعد امي دااااايم كذا بس تبي تقهر سطام..كنه ذاابح لها احد
ناظر مشعل متعب .. ثمن قـام يروح لـ اخته ويكلمها

قام لها .. راح فوق عند غرفتها ..شاف الباب مسكـر..طق الباب شوي ووصله صوت اخته

- ادخل

دخل ..لقاها ترتب الغرفه .. وتسفط ملابس وتدخل الدولاب..سكر الباب ورآه ..
ام سطام:وش تبي؟؟
مشعل:عاجبك اللي سويتيه تحت يا حصـه
ام سطام:إيه عاجبني..هالبخيل ذا مستكثر علينا هالربع اللي ناخذه من راتبـه؟؟..ليه اسكت له..ويبي يكرف وليدي متعب عشان هو يرتااح
مشعل :اهو من حقه يحتفظ براتبـه ..لا تنسين ان هالشي من حقه..هو حتى الزواج مافكر فيه عشانكم .. ترا راس ماله هالكم آلف اللي تجييه كل اخر شهر .. وثلاث اربااعها رايحة لك انتي وعيالك.."بـ عصبيه"..يختي فكري بـ عقلك..مهيب شغله تلغين الرجال قدام اخوانه..
ام سطام :...............
مشعل قام ومسك اكرة الباب وقال قبل لايطلع:تراه ولدك يا حصـه .. لاتقسيين عليه كذا..وان قسيتي بينك وبينه مهوب قدام اخوانه




شخـط بـ سيارته اللمبر غيني الجديده توه شاريها .. راح لـ بيت يدله وعلى ثغـره إبتسامه ..
رفع جواله ودق رقـم مخزن عنده .. ورد عليه صوت انثوي ..
البنت بـ زعل:آلو؟
نـاصر:اهلييييييييييين !..مابغيتي تردين ياشيخه .. كذا تخليني اقلق عليك واشيل همك..
البنت:............."راها الحين زعلانه ههه"
ناصر: طيب حياتي ..انتي وينك الحين
البنت مافهمت عليه:في غرفتي!
ناصر: عندك احد؟
البنت:لا اهلي طالعين.."وكانها فهمت"..بليـز ناصر ماراح ادخلك مره ثانيه الشغاله هنا
ناصر:ههههههههههههههه لا مب هذا قصدي..طلي مع الشبـاك..

شغل ناصر الاستريو ..وعلى اعلـى صوت

"هذا المسـاء لـ الحب..لـ الشوق لـ المواعيد..هذا المساء في القلب
شمـع واغـاني وعييييييييد "

البنت:نصوري يامجنون قصصصصر
ناصر بـ صوت عالي:ههههههههههههههههههه مجنونك انـا
البنت شوي وتصيح: بليييييز قصر الصوت ..الله يخليييييييييك
ناصر:طيب بـ شرط!!
البنت:إييييش
ناصر:أنزلي لي .. يالله!
البنت :اوكي..بس قصـر ..

نزلت له هروله .. وفتحت له الباب .. دخل وهو لابس بنطلون جينز وتي شيرت ابيض .. وعليه جاكيت جينز نفس لون البنطلون .. وشمـأغ لافه على رقبته .. لونه رمـآدي .. لابس كـاب اسود من Yon Dutch

ناصر يغنـي وهو ماد لها جوري: عشان الحب .. واللي بييني وبينك ..عشان الحب عشان ايامي وسنينك ..أبيك تراجع احساسك ..تنسـى جروحي والآمك ..

ضحكت بـ حيـآ .. واخذت الورده شمتها .. تنهد نااصر وهو يقول :آآآآه بس ليتني ورده ..
ردت بـ دلع وهي ترجع الورده :لا نسيت انت مزعلني
ناصر ياخذ يدها اللي ماسكه الورد .. ويضـمها :افا الغرام!..تزعلين على ناصرك!
صدت عنه ..وسحبت يدها :ميب اول مره .. انت داااااااااااايم تنسـاني..وش تعني لك شهد
ناصر:انتي وش تعنين لي؟؟...انتي كل شي ياقلبي..يالله عااد اهون عليك ..جايك ومعاي هديه لك بعد ..
شهد:هديـه؟؟

لف ناصر وراح لـ سيارته .. فتح الباب وطلع كيس..ورجع لها مره ثانيه ..:هذي لك .. ميب من قدرك .. بس هذا اللي قدرني ربي عليه ..
اخذت شهد الهديه وهي تناظره :انا غاليه عندك ياناصر؟
ناصر:واغلى من الغلـآ نفسه بعد!
شهد تجمعت دموعه:أحبـــــــك!
ناصر ابتسم وكمل: واعبريها هديه لانك طلعتي من الكويز من غير إصابات .. عشانك حليتي كويس
شهد:وش عرفك اني حليت كويس
ناصر يأشر على قلبه:قلـبي دليلي!





دقيقـہ بسْ من وٍقتـڪ!
قبلْ لآتغيب أبي منـڪ~
ترٍرٍجع عٍ'َـَـمرٍي وٍسنينيّ!
*{تهدّ اللي آنبني فيني





كانت جالسه فالصاله .. شوي الا سمعت صوت باب الفيـلآ ينفتح .. دخل اخوها يزيد وهو شايل شنطـة الاب توب على كتفـه ..
يزيد:أهلين..وش تسوين هنا
نجـلآ:ابد .زهقت قلت اجلس لي نا شوي
يزيد:أهـأ..اخوك وينه؟
نجلا: فراس مدري طلع واخذ جوالي..مدري وين راح بس اتوقع لـ خجل..ومشاري فوق يلعب بليـاردو ..
يزيد :اهاااا


راح يزيـد فوق .. حط شنطـة الابتوب في غرفته وأتجـه غرفة اللعب حقته هو ومشاري..فتح الباب الزجاجي اللي يوضـح اللي داخل ..

يزيد:بتعمل إييييييه
مشاري وهو مدنق ومعاه عصـآ البليـأردو : اطبـخ..وش رايك بالله!
يزيد:مسوي تذب انت وذا الوجـه!..أبلعب معك
مشاري طق الكوره بالعصـآ..ودخلت وحده ..وقف زين وناظر اخوه وهو ماسك العصـآ بيده اليمين:ثمن اسحب علي هاه؟..لآ أوصيك
يزيد:ههههههههههههههههه
مشاري يرتب الكور جوا المثلث:أعرفك انا .. لين جا نص اللعب تسحب علي




"حط الجوال بـ أذنه الثانيه"- هههههه قلت لها قلبي دليلي
طارق:لا جد انت وش درااك انها حلت زين
ناصر:وحده من البنات ..معها بالجامعه قلت لها تجيب لي اخبارها لانه خوية خوويي ههه
طارق :وصدقت؟
ناصر:اكييييييييييد
طارق:يااااخي ذا البنات مخفـات!..يعني لو انا بنت بـ صدقك؟؟
ناصر:لا .. قل ليه؟
طارق:ليه
ناصر:لاني ماراح ارقمك اساساً
طارق:وووجع يحصل لك بس تشم ريحة عبايتي .. يامال العنقـز
ناصر:ههههههههههههههههههههههههههههههههه ..




دخلت البيت والدنيـا ضايقة فيني..صوت امي وهي تقول .." وانت وش عليك منه!..ولا مستخسر هالدااارهم اللي تدفعها عشـان عيالي..الله لا يحوجـنا لك"

تهقـون غلط ..ولا هي كانت معصبه من شي ..انا كنت جالس معها طول الوقت وش فيها قلبت علي فجـأه..

دخلت البيت شفتها جالسـه .. ولحالها تكلم بالتلفون .. يوم شافتني سكتت!..
تقدمت لها وحبيت راسها .. ويدها ورحت فـوق لـ غرفتي..
يوم دخلت شفت جوالي ع الكمدينـآ ..اثرني ناسيه!.. سكرت الباب وفصخت ثوبي..انسدحت ع السرير
اربـع رسايل .. و6 مكالمات لم يرد عليها..آآلله!!
اخذته ..لقيت رسالتين من متعب .. ووحده من مشعل .. ووحده من الاتصالات
المكالمات 3 من متعب .. و2 من مشعل..ووحده من فهد

اكيد متعب ومشعل كانوا يبون يسـألوني وين كنت ..وعرفوا اني ماكنت مع فهد

حطيت الجوال..وانسدحت!

"وانت وش عليك منه!..ولا مستخسر هالدااارهم اللي تدفعها عشـان عيالي..الله لا يحوجـنالك.."


رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
رواية روان للكاتبة كول 2009 Yaqot روايات و قصص منشورة ومنقولة 10 March 14, 2015 12:31 PM
رواية الحب المحرم للكاتبة قاب جريح Yaqot روايات و قصص منشورة ومنقولة 8 March 7, 2015 11:53 AM
ملخص رواية سلالم النهار -رواية للكاتبة فوزية شويس السالم Yaqot روايات و قصص منشورة ومنقولة 0 May 8, 2014 10:41 AM
رواية ملحمة العشاق / للكاتبة سهر SEO الروايات والقصص العربية 0 October 22, 2012 02:05 PM
رواية من يحبك كثر ما أحبك أنا كامله txt للجوال , تحميل رواية من يحبك كثر ما أحبك انا ألاء ياقوت كتب الادب العربي و الغربي 0 November 2, 2010 02:37 AM


الساعة الآن 11:11 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر