فيسبوك تويتر RSS



العودة   مجلة الإبتسامة > الروايات والقصص > روايات و قصص منشورة ومنقولة

روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا



إضافة رد
 
LinkBack أدوات الموضوع انواع عرض الموضوع
  #31  
قديم March 15, 2015, 05:24 PM
 
رد: رواية ثقيلة مزحة الدنيا للكاتبة عادي أنا الي أحبك


الجزء الوآحد و العشــرون..!



في قصر الرياص عند قسم الرجال ..الفوضى عمّت الارجاء .. والمصيبه اللي صاير خلت كـلاً يتجمع
ويردد "لا حول ولا قـوة إلا بالله "
"إنا لله وإنا اليه راجعون "

ناصر اللي مايعلم احد بـ حاله إلا الله .. كان جالس عالارض وكأن مخه توقف عن العمل ..وكل أعضاءه توقفت ..عينه تسمرت فـ الفرآغ كأنها تعيد المشهد من جديد
صارت اوصاله ترتجف .. وصار تنافض وكأن برد الرياض كله تجمع عليه

لآ حـَـَشى-{مآني بميت .. !
~{آلآ حي . .. *
حي"لڪن مآ أحس/ بأي شي. . !
~|يعـَـَني. . ..ميّت~!
وٍآلله‘‘مآأإدرٍي. . ~



نجلا اللي كسرت جوالها وهي بس تدق .. مافيه فايده لآن جوال فراس مقفل .. والباقين مايردون

- وش فييك ؟ ..متى بيدخل المعرس
نجلا : محد يرد علي
ندى : يالله ! .. وش فيهم ذولي

دخلوا حرمتين كانوا يسفطون عبايتهم ووحده تقول بأسى للثانيه :مدري تهقين انه المعرس ..ولا من اهلهم القريبين
الحرمه الثانيه :مدري والله بس انا يوم طلعت دقيت على رجلي قالي ادخلي بشوف وش في فراس وبجيك ..المعرس اسمه فراس؟
الاولى :إيه !

نجلا بدت دقات قلبها تتسارع .. ركضت للحق العبايات بس تذكرت ان عبايتها فوق .. راحت لشغالاتها اللي كانت واقفه وقالت لها : بسرعه روحي جيبي عبايتي بلييز

جلستها ندى عالكرسي :وش بتسوين يامجنونه ..وش عبايته
نجلا بدت ترتخي عضلاتها :انتي سمعتي وش قالوا؟ ..اخوي صار فيه شي
ندى:وانتي تصدقين كل مايقالك
مروا الحرمتين من نجلا وكانت تبي تسألهم .. شفتها ثقلت وبدآ الظغط يرتفع عليها
ندى :من جدك يطلعيين والظغط مرتفع ؟
نجلا بصعوبه تتكلم :إييه! .. بطلع

جت الشغاله ولبست نجلا عبايتها وطلعت بسرعه خذت ندى عبايتها وراحت وراها بسرعه ..
طلعوا شافوا مجموعه رجال كلهم طالعين برآ القصر .. نجلا وندى كانوا يمشون بصعوبه بسبة الرجال .. عطت نجلا ندى الجوال بعد مادقت على رقم
نجلا :خذي تكفيين قولي لهم تعالوا
ندى:منهم
نجلا :قولي تعالوا وبس
ندى سكتت لأن الكلام صعب صعب على نجلا .. دقت وجاها رد رجال :الو تعالوا ! ..احنا عند باب حريم !
وسكرت

ثواني جوا 2 رجال من الجنسيه الافريقيه..وأشكالهم تخوف معضلين وطوال وعراض ..قالت لهم نجلا :وسعوا لنا الطريق بليـز نبي ندخل

وسعوا الطريق ..ودخلوا .. شافت نجلا منظر خلاها تطيح عالارض

كان ناصر جالس يصيح و3 رجال يحاولون يشلوونه ويذكرنه بالله .. وهو يتكلم وينادي بأسم فراس ..
قومته ندى وهي تصيح لانها حاسه ان فيه شي :نجلا قومي ..نجـلا ..
صرخت نجلا وهي طايحه عالارض :فــــــراس ..اخوي فيه شي صح ؟ ..
من ضمن الرجال كان فيه مشاري اللي ماشاف الحادث وتوه طالع بس يدري ان فيه شي ..انصدم يوم شاف اخته .. راح لها ..وهي ضمته بقوه :مشاري فراس مافييه شي صح ؟
مشاري :مدري يانجلا .. وربي مارحت اشوف قومي عن الرجال بسرعه

تركته ..وهي ماتدري من وين جاها الحيل عشان تقوم .. راحت ومشاري ونجلا يحاولون يوقفونها ..بس كانت تمشي بسرعه ويوم وصلت شافت شوي من سيارة فراس اللي كانت بعيده شوي ..ومغطيها حشد من الناس ..
لـ هنا وبس .. باقي اطرافها تشنجت .. وو
طاحت مغمـي عليها




دآمڪ رحلت أنت !
--{ بس قـل لي ..
من بقـى لي
.......من بقـى لي
.............من بقـى لي




من بكره فـ الليل !
- الحمد الله .. عآيش!
كانت يناظره بتفحص .. وجهه منقلب اسود وذقنه بادي يطلع وعينه وكل وجهه ذبلان .. ونحف بشكل مروع .. حتى عرضه ورزته وطوله رآحوا وقلّوا ..
مشعل بلع ريقه وأبتسم مع ان ماله نفس : سطام اصبر علي اطلعك .. جلستك هنا انا ابد مب راضي عنها
سطام :ماله داعي تطلعني .. ماأبي منكم شي ..ربي معي وبطلع إن شاء الله دام انا ماسويت شي..

فرك يديه في بعض وهو يبلع ريقه .. حك رقبته وهو يسأل :مشعل! ..بس حبيت أسألك..شلون امي؟
مشعل : والله يا سطام مدري وش اقولك ..انت تدري بعد ان اللي توفى زوجها
سطام ناظره :طبعـاً هي درت اني فالسجن صح ؟
مشعل هز رآسه ..قال سطام :طيب وش قالت
مشعل سكت شوي وقال : تدعي لك
ابتسم بوهنْ :حلو !

عرف مشعل ان سطام ماتمشي عليه هالكذبه ..بس ماحب يتعمق في كذبته ..
مشعل ومع الهدوء يعم تذكر وقال :تتذكر هذاك اليوم ..يوم ينطق ولد الجيرآن .. وإحنا نلعب كوره

/
دخل سطام البيت وعمره ماكمل الـ 13 سنه ..معاه كورته ويمشي بأطراف اصابعه لين وصل للملحق وانسدح وكأن توه جآي
لأنه يدري ان ام الجيرآن بتدق وبتقول "ولدك طق ولدي"
ولا تحدد طبعا ..
جته حصه وهي معصبه شالته من بلوزته الرياضيه الزرقاء وخلته يجلس غصب :وش انك مسوي ياسطـام ؟
سطام :والله مو انا ! .. هذا متعب هو اللي طاقه وبعدين انا ماألعب معهم انا العب مع شلة خالد ثامر
ام سطام :مهب علي هـ الكلام ! .. انت طاقن ولد منيره وهي داقه علي ومستحيل تكون تكذب

دخل متعب ويوم شاف سطام شوي ينجلد خاف وتوزآ ورآ جا ابو سطام
ابو سطام :وش فييه ياحصه؟
ام سطام تمسك بلوزة سطام وتوقف وقفته معها :ولدك طاق ولد الجيران وامه داقه تتشكى من
ابو سطام آشر للسطام يجيه :أي واحد فيهم ؟
ام سطام :الظاهر انه عبدالمحسن !
ابو سطام :بس عبدالمحسن بعمر متعب
طالعوا متعب اللي كان ورآ الجدار .. ومتوزي وباين جزء من وجهه لأنه يطل عليهم ..
/

مشعل :فـ الاخير عرفوا اهلك ان متعب هو اللي طاق عبدالمحسن .. وانك ماسويت شي
سطام :..........
مشعل ببتسامه :وابوك الله يرحمه كان واثق فيك ..وتراه تارك هالدنيا وهو مرتاح لأنه يدري انه ترك مع اهله بعد الله سبحانه رجال ينشد به الظهر
سطام :مب بـ كيفي!
مشعل :أفـا ياسطام هالحكي مايجي منك انت
سطام : أستغفر الله بس ! ..

آتِرٍگـوٍنٍيً لآخٍتِلآَفٍـآتِ آلَقٍِدُرٍ

آتِرٍگـوٍنٍيً .. وٍآرٍحِـلوٍآ عُنٍيً بُعُيًـدُ ...

مٍَنٍـهُوٍ مٍَثَليً آلليً عُلىٍ جَرٍحِـهُ صِبُرٍ ؟؟

مٍَنٍهُوٍ مٍَثَليً آلليً عُلىٍ مٍَـوٍتِهُ سِعُيًـــدُ؟!...

لما طلع مشعل من عند قسم الشرطه .. شاف واحد مألوف عرفه هذا مدير الشركه اللي يشتغل فيها سطام
راح له مشعل وبعد السلام :انت جاي تزور سطام
ابو أيمن :لآ .. بس عيوا علي ادخل مدري ليه
مشعل:غريبه عاد انا تو عنده .."ببتسامه"..بس تراه بخير
ابو ايمن ببتسامه باهته ومجامِـله: إييه الحمدالله! ..بس تراني فصلته من الشغل وتركت الاوراق عند ..
مشعل قاطعه:فصلـته ؟؟؟!
ابو أيمن :إيه نعم
مشعل عصب:ولييه؟ .. مب انت اللي كنت تقول اعتبره مثل ولدي .. ولين جا ابو سطام ماغير تمدح فيه ..ولا بس ناخذ حكي
ابو أيمن بهدوء :اول شي احترم نفسك ..وبعدين انا صابر عليه والظاهر هو قال لكم سالفة الترقيه ..وانا مشيتها ..وسالفه الهوشه اللي صارت قدام شركتي ..وهذي مشيتها بعد.. والحين ينمسك بسالفة مخدرات هذا اللي مايخش المخ أسمح لي الزم ماعلي سمعة شركتي
مشعل :أقـول رح انت وشركتك! الرزق عند الله .. بس بإذن الله ان دريت ان سطام مظلووم ..بتجيييه تحب رجوله تقول تكفـى سامحني ..وخل فلوسك وشركتك ينفعونك لين سألك ربي وقالك ليه تظلم هـ الفقير المسكين ..وبعدين تراك تعرف سطام من 6 سنين يعني بالله ماتدري ان هالحركات ماتجي منه ..مافكرت تسمع منه .."وبقهر"..اصلا وشوله تسمع منه انت بس شف وجهه وربي يلين الصخر ..وتقول انه رآعي مخدرات ..هذي الصدق الي ماتخش المخ!
هذا وين والمخدرات وين؟ .. انت عارف سطام وقته مب له .. حتى راتبه مب له كله لـ اهله ..وانت عشان حكي طلع جآي تفصله وتحرم اهله من مصدر رزقهم وعيشتهم .. بس صدق اللي قال ان اللي مثل أشكالكم مايطلع معدنهم الا في هالاوقـات

ورآح عنه ..ونظرات ابو ايمن تلاحقه .. تتوقعون تحسف؟


وٍأصْبحَت كلٍ الْحُرٍوٍف~



مآ ترٍتلُ غيْيْيْرٍ:



( أفاْاْ) . . . !


(أفاْاْ) . . . !


(أفاْاْ ) . . . !


حط راسه عالدكسون مايدري وش يقول لأهله ..ولا متعب وش سوآ ..يدري بمتعب مايعرف يتصرف
مشعل :آآآه ياربي ..انك ترحم هالضعيف المسكين ..

نزل وراح للبيت اخته اول مادخل شاف ان الحريم عند الصاله دخل مع باب المجلس حق الرجاجيل .. يوم سأل عن متعب لينه فوق
دخل مع باب المطبخ ورآح للفوق يوم سووآ له درب ..
وهو متجهه لغرفة متعب سمع صوت أنوثي ورآه ينآديه :مشعـل !
وقف والتفت لها:هلا !
الجازي اللي شكلها كانت تلاحقه : ماتبي عشـآ؟ .."وبإهتمام ممزوج بترجي"..ترآك على لحم بطنك من امس
مشعل :مو مشتهي وربي ! ..مالي نفس
الجازي قربت له ومسكت يده :بس شوي ..اسم انك اكلت
مشعل وقف شوي يطالعها ..ماله نفس ياكل مع انه جآيع ..بس وش ياكل عقب هالخبر وعقب موت ابو سطام .. وتوه شايف صديق عمره وتؤام روحه مسجون ..
أبتسم نص ابتسامه ماله روح ..وشد على يدها :طيب جيبي لي أي شي .. تراني عند متعب ان خلصتي دقي
انبسطت :دقايق ..شوي بس وبجيب لك اللي تبي!

دخل على متعب لقآه جالس عالارض ورافع رجوله وحاط راسه على رجوله .. وشكله يبكي .. سكر الباب ورآه
جلس جنبه :ارفع راسك متعب! ..
متعب رفع راسه بس ماكان يبكي ..بس الانكسار واضح على وجهه :انا سفرت الشغاله ..حتى مصاريف العزآ مانقدر عليها .."التفت "..تدري ليه ؟
مشعل:.
متعب:لآن سطام ..مب موجود ! ..خلاص توقف كل كل شي ..شكلنا بنوصل للمرحله مانقدر حتى ناكل !
مشعل :طيب وانت؟ ..ماتقدر تحل محل سطام ؟
متعب:ابو ايمن جا قبل شوي .. وقالي انه فصل سطام ! ..تعبت ..من هذاك اليوم اللي طاحت فيه ملاك وانا ادور ..بس مافيه شغل ..تعبت تعــبت!
مشعل:إذا انت تعبت وهي كلها يوم ولا يومين ..اجل سطام وش يقول ؟ ..
متعب :.
مشعل:من بكره تقوم تدور لك شغل .. لو سواق تاكسي ..لازم تشوف لك فلوس تصرف فيها على اهلك بأقرب وقت !
متعب :مصاريف البيت ..على علاج ملاك .. ولازم اسفرها ..وو
مشعل:لا تكمل! ..انت جالس تصعبها على نفسك الحين ..انت اشتغل وربي بعطيك على قد نبيتك..وبيبارك لك في فلوسك

رن جوال مشعل وكانت الجازي هي اللي داقه .. قام :المهم لا يضيق صدرك ..انا بروح لمرتي لآارجع عند الرجاجيل والقاك مب فيه ..ترا ميب حلوه مايصير فيه الا عمك وعياله


اول ماطلع مشعل كانت الجاري تنتظره فالصاله الفوقيه .. قالها يروحون للغرقة سطام لأن متعب يمكن يطلع في أي وقت ..

وهم جالسين كان مشعل ياكل من غير نفس : الا وش اخبار ملاك
الجازي :مدري مادخلت عليها ..محد دخل عليها الا هيا ونوره وبس ..
مشعل :لين الحين معد تحكي !
الجازي :شكلها !
حط مشعل الملعقه :اسمعيني الجازي .. الايام هذي لازم نقتصد في الفلوس ..بخصص معظم راتبي لأهلي ..
الجازي :أكييد ! ..بس وش فيه راتب سطام
مشعل:أنفصل من الشغل سطام ! ..ومتعب شوفة عينك مايشتغل ولا شي
الجازي :انفصل ؟! .. "سكتت شوي"..راتبي على رابتك يسدون
مشعل :لا ..راتبك خليه لك وو
الجازي :مشعل! .. انا وش بحتاج راتبي فيه؟ ..وبعدين تراني بنت يعني لا تقول ورآي مسؤليه وبيت وغيره .. راتبي خذه كله ..حتى انا الايام اللي فاتت حتى قبل لا اتزوج ماكنت اصرف من راتبي الا القليل ..تقدر تاخذه بيسد الحاجه وزياده

سكت مشعل يطالعها ..كبرت في عينه كثيـر .. قال :مشكوره الجازي
الجازي ببتسامه حلوه : ماله داعي تشكرني ..فلوسي هي فلوسك
مشعل :بس زي ماقلت لك ..فلوسك خليها للبيت وراتبي لأهلي!
الجازي :براحتك !





وهم راجعين كانت الساعه 11 ونص .. لاحظت ان المكان اللي هو موديها له غير ..حي رآقي .. وأخر شي وقف عند قصر ودخل سارته المهتريه لهـ القصر ..

جود :وش هالبيت؟ .."طالعته"..بيتك؟
ماجد سكر السياره :أيه وبتعيشين هنا ..لين يفرجها ربي!
جت شغاله واسقبلتهم ..وأول ماوصلوا للداخل الفيـلآ الكبيره .. رن جوال ماجد

ماجد:هلا ! ...لا محد قاللي! ..خلاص هذاني جايكم برق !
سكر ماجد الجوال .. وقال للشغاله :خذيها للغرفتها ..بس لاتطلع من البيت ابد .. وعطيها اللي هي تبي !

وطلع
استغربت جود منه .. وش هـ الشي اللي خلاه يطلع ..اكيد واحد من اصدقاه انمسك في قسم الشرطه .. مب شي جديد عليهم



بعد الزوآج اللي صار امس ..انقلب اليوم لـ عزآء .. كلاً يبكي على فراس اللي رآح وفي منهم من يبكي أسم انه بـكى ..
لأن منهو فراس؟ ..محد يعرفه الا اللي كان قريب منه مره !
بس بعضهم يبكون عشان مايقال ان فلانه ماصاحت على ولد آل"..." اكيد فيه شي بينهم !

خجل كانت حابسه نفسها في غرفتها .. ولحد فكر يدخل عليها لأنها كانت في نوم من فقدان الوعي ..بس فاتحه عيونها ..لكن فكرة ان فراس مات ماصدقتها !
والى الان عايشه على امل انه يجي ياخذها للفندق وندى ماتركتها ابد

نجـلا .. من إنهيار عصبي حاد .. لفقدان وعي مايندرى متى تصحى ..

مشاري يزيد ..حابسين نفسهم في غرفهم ولاطلعوا الا يزيد اليوم بس طلع للناس نص ساعه ولا قدر يتحمل ..ورجع ثانيه !
ناصر فـ المستشفى
ساره تستقبل الناس بوجه مكتئب ..بس مايندرى ايش داخلها .. وبندر سعود قايمين بالعزآء ..وحزنهم على ولد عمهم ينهشهم نهش ..خصوصا بندر اللي شاف سيارة فراس يوم كان داخلها !



بعد مرور أسبوعين ..ومافيه أي ش يذكر في حيآة ابطالنا !
(المواقف هذي اكبر مني ..يمكن مقدر اصورها الا اذا عشتها – الله لايقوله- اعذورني على اختصاري بس لحاجه في نفس يعقوب)




- من جدك جوييج!
الجوري:إيه والله اتكلم جد ! .. الله يرحمه
جوان :اتذكره والله عمي فهد ! ..بس غريبه ليه ابوك مادق يقولي تعالي عزي
الجوري:شلون يفكر وهو ضايق صدره على اخوه ..المهم اني شلونك وشلون الشغل
الجوري:لا الحمدالله ماشيه!


كانت جوان تكلم الجوري وهي طالعه الشركه ..وآخر وحده كـ العاده هي وفيصل .. مادري وش السبب اللي يخليها ماتطلع الا ان طلع فيصل

شوي بدآ يختفي صوت الجوري ..وجوان تناديها :الجوري ..جوجو وير أر يو ؟
جاها صوت عمها الغاضب :انا كم قلت لك لعد تدقين على بناتي
جوان بخوف وعصبيه بنفس الوقت :انا اكلم اختي ؟ !
ابو خالد : اختك هي بنـتي .. انتي الحين مايكفي اني اصرف عليك بعد ناويه تجين تخربين بنـآتي علي! ..
وسكر في وجهه وآخر كلمه قالها :لا عاد اشوفك تدقين عليهم فاهمه!

سكرت التلفون وهي مصدومه من عمها .. نزلت دموعها ! ..
راحت للسيارته هروله .. ركبت وقامت تصيح بـ قهر وحرقه .. عمها اللي مفروض محد يخاف عليها كثره ..يهاوشها حتى مايبي يرجعها للبلدها

سمعت ضرب فـ قزازة الشباك ..رفعت راسها ..كانت خشمها احمر من البكآ وعينها مليانه دموع ..البياض اللي كان من صفات وجها صار حمآر
كان اللي يدق القزازه فيصل
فتحت القزازه .. وهي تمسح دموعها :يس!
فيصل :ممكن تنزلين

هالمره قالها بإهتمام وفي وجهه لمحة حنان شوي عل.. وكنه راحمها وحاس ان فيها شي ..نزلت :نعم ؟
فيصل بإهتمام : فيك شي جوان؟! .."بشك" ..احد مسوي لك شي
جوان هزت راسها ..محتاجه تفضفض ..بس مب لفيصل ..ماتبي تصير ضعيفه قدامه بالذات ..بس لآ ..ليه بالذات ..:عمي!
فيصل:عمك؟
جوان :انا امي وأبوي ميتين من كم سنه .. وعمي معيي يرجعني للرياض ومخليني هنا مع المربيه !
فيصل تكتف وبرزت عضلاته ..طالعها وهو عاقد حواجبه ..بس يركز معها ولا معقدها من الشمس ..ماتدري ..بس الي تعرفه انها ارتبكت منه مرره :ليه طيب؟
جوان :لأن ابوي كان متزوج امي الامريكيه بالسر .. ولحد يدري .. ولادورا ان عنده بنت الا يوم مات ..اقصد ابوي..ومعيي يرجعني للرياض يقول ماندري وش اخلاقك وندري وش تفكيرك واخاف تخربين بناتي علي ! ..بس وربي اني كنت عايشه بالشرقيه والرياض لين يوم عمري 15 سنه ! ..بس كنت اروح امريكا من فتره لفتره عشان امي
فيصل :عمك مب طبيعي ابد
جوان وعندي اخت من ابوي ..من م سعوديه ومخليها عنده ..اما انا لا !
فيصل: وعندك اخت ومخليها
جوان خنقتها العبره وصاحت : انا خايفه هنا! .. وربي اني احط راسي عالمخده وخايفه من بكره يجي ..لأني بلحالي حتى رجال ماورآي ..أي مصدر للأمان ماعندي
فيصل أبتسم :تقدرين تعتبريني هـ الرجال ..او مصدر الامان على قولتك
طالعته :بس
فيصل يستهبل: لاتنسين اني مديرك ويحق لي أأمرك ..وانا اقولك اعبريني مصدر الامان بالنسبه لك في أمريكا!



- وين نـآوي توديني ؟
سامي : مكان ماحصلــشي!
فهد :تراني ماأحب امكانك ذي ..تجيب المرض
سامي:هههههههههههه لا هالمكان بيوسع صدرك ! ..
فهد :وإن ماأستاسع صدري ..وش اسوي فيك
سامي: ان ماأستاسع صدرك ..قللي ..وانا ارجعك مطرح ماجبتك !
فهد :حلــو ! .. متى بتروح
سامي:اليوم ..فالليل!




دخلت البيت .. سألت الشغاله عن نجلا .. وقالت لها انها بغرفتها
إجابه متوقعه .. راحت لها في الغرفه .. كان الباب مفتوح
دخلت ..سمعت صوت ندى وهي جالسه عندها ..
دخلت وطقت الباب ...تحس انها مشتاقه لنجلا .. اسبوعين ماشافتها .. اول مادخلت
ابتسمت ندى لكن نجلا لا !
استقلبتها بكلمات حلوه .. بس نجلاكانت تطالعها بنظرات آلمت خجل
قربت لها :عظم الله آجرك يانجـ..
قاطعها بهدوء :أطلعي بـرآ ! خجل انصدمت وتيبست يدها ..أبتسمت وسوت نفسها ماسمعت :نجلا! ..عظم الله اجـر

نجلا صرخت بس لأن صوت نجلا ناعم وتعبآن ..ماكان عالي مره : أطعلي برآ ماأبي اشوفك ..اخووووووي مات بسببك ياخجل ..كان يحبك ..تدرين كيف كان يحبك ..كان رآيح يجيب لك ورده ياخجل عشان يعطيك أياها فالكوشه قدام كل الناس عشان يعلمك انه يحبك ..بس انتي ماتستاااهلين ياخجل! .. كنتي تكرهينيه ..يالله الحين ارتـــــأحي ياخجل..ارتاااااحي فراس وطلع من حياتك للأبد

وقامت تصيح بشكل هستيري .. وماسكه راسها وتقول :طلعوها ..أطلعي برآ ياخجل ..بــــــرآآآ!

طلعت خجل اللي كان تأنيب الضمير ينهشها .. ويآكل قلبها ..شعوره بالحزن والضيق مايوصف بالكلام .. صحيح كان مثل اخوها بس محد حزن عليه كثرها لأنه كان يحبها .. ويبي يسعدها ..محد بيحزن عليه كثرها

نجلا ماحست إلا بـ يزيد يمسكها ويصحيها من اللي هي فييه .. متى دخل او وش جابه ماتدري ..بس اكيد صراخها خلاه يجي ..
لما شاف مامنها فايده عطاها كــــــف يمكن تصحـى !
فتحت نجلا وكأنها صحت من حلم مزعج ! ..ضمت اخوها وقامت تصيح .. وتقول :هي السبب ..هي موتة اخوي ..هـــــــي!
يزيد يمسح على شعرها :لاتقولين كذا ..فراس مات وهو مبسوط من خجل ! ..نجلا كبري عقلك اللي صار قضاء وقدر ..محد يقول يقول او يسوي شي ..انتي امام امر رب العالمين


أعاني الـغربه ..



وأعآني متآهآت الجروح الـ أليمه ..

رد مع اقتباس
  #32  
قديم March 15, 2015, 05:25 PM
 
رد: رواية ثقيلة مزحة الدنيا للكاتبة عادي أنا الي أحبك

خجل كانت واقفه وسانده نفسها عالجدار .. وتبكي بألم وحزن وحرقه ..تبكي ولد عمها اللي رآح وتبكي بنت عمها اللي جالسه تتهمها بـ شي هي تحاول تبعده عنها

جت ندى اللي كانت متغطيه من يزيد .. طلعت برآ من غرفة نجلا .. وراحت للخجل اللي كانت تبكي .. ضمتها وهي تهديها ..
ندى:لا تشيلين بخاطرك ..بس هذا من حزنها ..اصبري عليها شوي وبتجي تعتذر
خجل :تعتذر على ايش ياندى ؟ ..هي ماقالت شي غلط !



وهو دآخل للشقه ..انصدم من الجو اللي ماكان جوه أبد .. يوم دخل وتعمق لاحظ ان فيه بنات فالشقه ..وهو اللي على باله ان الدعـوة لمة شباب في شقه وبلوت وغيره ! .. اخرتها تطلع شقه خرآب ..

فهد :سامي من جدك جايبني لهـ المكان ..انت من روآد هالمكان
سامي:أصبـر شوي بس ! .. دقيقه ونطلع
فهد :سـامي حاكني .."وبعصبيه لانه انلعب عليه" ..سامي ..رد علي

بس انهذل يوم شاف وحده من ورآ ترقص .. ولبسها شبه عاري ..لابسه برمودا ابيض وبلوزه سودآ .. والشباب يصفقون لها
هالمنظر خـلا ينصعق وتمنى الارض تنشق وتبلعه ولا شاف هاللي شافه
تمنـآ يموت ولا يشوف اخته اريج ترقص ثدام شباب من حثالة المجتمع
رآح ومسكها مع شعرها وجرها من غير عبـآيه وهي تصرخ ..ووسط ذهول كل اللي فالشقه واولهم سآمي .... يوم وصلها للشارع وضرب وضربها وضربها ..لين طاحت عالارض وسط ترجيها له بإنه يرحمها ..ركبها للسياره ورآح بها لـ البيت ..اول مادخلها ..كمل عليها ..اصلا وش كمل..مايحس نفسه سوآ ..النار اللي بداخلها تخليييييه يغلي ويغلي ..
طاحت عالارض وصآر يرفسها .. ويتفل عليها ويسبها ويعلنها .. وماأكتفى بهذا بس شاتها شوته خلتها تصرخ ..وحست بـ لسعه في رجلها .. طلعوا امه وأبوه وهم مدهووشين من المظنـر ..
ركضت امه لـ أريج وهي تصرخ فيه:وش فيك عالبنت؟؟
فهد يصرخ :خليييييها يمه ..خلي هالوصخه الرخيصه هذي .. وربي انتي مب متربيه ..ماألوم رجلك يوم يطلقك يالـ"......."
صرخ فيه ابوه:خييييير يافهد وش هالحكي اللي تقول
فهد :بنتك المحترمه..شايفه ترقص قدام رجال ..وشقق .. والله اعلم بعد وش مسويه
اريج :وانت وش جاابك في هالشقه! ..وانت بعد مثلي
فهد :أووووووص يابنت الذين ! ..الحمدالله أني جاي صدفه لها ..وبعدين انا مب مثلك ..وحتى لو سويت مثلك انا رجـــال وماأنعاب ياكلبه واخسيسه
انصدم الابو وطالع اريج بنظرات مذهووله وكأنه مابعد استوعب
نزل لها فهد ومسك شعرها ورفعها وهي تصرخ من الالم وماتقدر تقوم من رجلها :أريج ابسألك ومب من مصلحتك تكذبيييين! ..سطام هو اللي كان يدق عليك ولا انتي ؟
اريج :............
فهد صرخ بصوت ارعبها هي وامه وابوه :أريــــــــــج!
اريج :انا ..انا الي دقيت عليه ..ووهو مـآسوى شي وربي!
تركها تطيح وصقع راسها ببلاط الحوش ..ورجلها آلمتها كثير ..شكلها انسكرت من عقب الضرب
ركب سيارته وامه تنادييه .. خافت علي من انه يسوي شي .. اجه برق للشقه وهو فالطريق دق على مشعل ..
مشعل من غير نفس نعم؟
فهد :فهد تعالي لقسم الشرطه .. انت ومتعب بسسرعه
مشعل خاف :وش فيك؟
فهد :تعالي وانت ساكت بسسسسرعه
وسكر
اخذ سامي بالقوه ..
وهو يسأله وش السالفه ..ركبه السياره ولا رد عليه .. حس سامي ان فهد عرف بالسالفه ..فكر ينزل بس فهد كان مسرع ويقطع الاشارات .. والباب مقفل من عند فهد .. ولا يقدر يفتحه ..خاف سامي ان فهد يسوي شي ..
وصلونا للقسم الشرطه ..كانوا مشعل ومتعب يحرونه ولا يدرون وش السالفه .. اول مافتح فهد القفل حق السياره نزل سامي وجا بينحاش بس لحقه فهد وصرخ :الحقوووه!

الحقوه ثـلاثتهم ومسكووه وودوه قسم الشرطه غصب





قامت من النوم ماتدري ليه خذت عالوضع انها مخطوفه .. وهذا ماجد ماسوآ لها شي .. طالعت السرير والغرفه اللي هي فيها من احسن مايكون ..
فخآمه! .. ورآحه ..حتى المكيف ماله صوت ..لفت نظرها تدور المكيف مالقته .. دورت مره مرتين 3 .. مالها آثر ..ولاصوت
هزت راسها وقامت ..
هنا لو تلبس شورت وكت ماراح تحس بالبرد ..لآن الجو دفـآ عكس بيتهم اللي حر بالصيف وبآرد فالشتاء
طالعت لبسها اللي كان قميص ساتر طويل .. بس شكله ماركه ..لبست لها شي على راسها وطلعت
وصلت للصاله تحت وهي تحس بجوع .. لقت ماجد جالس ..
جت بتتركه وتروح تقولهم يصلحون لها آكل
نادها ..جلست عنده بس بعيد .. طالعها بـ عينه اللي تخاف منها .. كان شكل ماجد قمه في الوسامه .. طول وعرض ورزه .. بـ عينه الحاده وفمه بعد ..خشمه المرتب وملامحه كلها ..
ماجد:وين وصلتي؟
جود :معك!
ماجد بتردد :ودك تدقين على اهلك؟
جود :أهلي ؟! ..إييييييه تكفى بطمنهم
ماجد طلع جوال بس انه مب جواله .. لأن جواله اكشخ من كذا ..اكيد بيصير كشخه دامه من الاشغال الممنوعه اللي يسويها يدخل اكثر من الدكـتاره يمكن !



دفه عالكرسي .. وقاله بـ تهديد :وربي ياسامي لو ماقلت لهم ان سطام برئ ان اذبحك بيدي هذي
سامي بدآ يخاف ..خصوصا ان فهد يدري ..ان سامي نصاب وملزق التهمه في سطام ظلم .. التفت على الشرطي :سطام بـرئ .. انا اللي حاط له المخدرات بسيارته !

حسيبـَـَـَـَـَـڪربِـََـَـَـَـڪ..

..حسيبـَـَـَـَـَـڪربِـََـَِـَـَـَـڪ..
حسيبـَـَـَـَـَـڪربِـََـَـَـَـڪ..

..حسيبـَـَـَـَـَـڪربِـََـَِـَـَـَـڪ..
حسيبـَـَـَـَـَـڪربِـََـَـَـَـڪ..

..حسيبـَـَـَـَـَـڪربِـََـَِـَـَـَـڪ..

اول ماطلع سطام ..ضمه اخووه متعب ..وباركوا له تحمودا له بالسلامه ..كنه واحد توه رآجع من سفر طوويل ..جلس له بالسجن حول الشهر
الشرطي : آسفين ياسطام ..وسامي اعترف باللي سوآه تتقدر تتفضل
ابتسم سطام ولا رد .. طالع فهد اللي طلع منها زي الشعره من العجين كان بينمسك لأنه تكتم للسامي ..بس سامي القهم انه ماكان يدري
كـلاً استغرب من اعتراف سامي السريع .. واعترافه بعد عشان ينجي فهد .. بس مايدرون ليه
ضاق صدر فهد يوم ان سطام ماأبتسم له حتى .. طلعوا وركبـوا سيارة مشعل وهم مبسوطين لآن سطام طلع منها برآءه
كلهم طلعـوا مبسوطين الا فهد اللي ضاقت به الوسيعه ..وحس بكل حزن وهم وضيق حس به سطام جاله..حـس بـ كل آه طلعها ..بكل صرخه صرخها يطلع لو شوي من الحزن اللي فيه !
بس هيهـآت .. اخته الوحيده ..اخته الي كان واثق فيها .. طلعت .... وش يقول بعد عنها
صديق عمره وتؤام روحه وبير أسراره ..انظلم وبسببه ..عاش فتره كره نفسه فيها ..فتره صداقته بسامي كفيله بأن تخليه يكره نفسه كره مب طبيعي



بعدڪْ مآتوِآ الأص‘ـَـَآب!

وِلآعدتْ آدوِرِ في عيوِن [القـَـَـَدرِ] .. اسبآب ,

ڪُلهم أغـَـَرِآبْ... ڪُلهمڪْذآب

بعدك ماتوا الاصحآب!




- ليش سكرته
ماجد : بس ..خلااص تطمنت عليك مب لازم تكملينها زياده ..يالله تجهزي عشان اوديك للمجمع








وووبس
نهـآية البارت

رد مع اقتباس
  #33  
قديم March 15, 2015, 05:26 PM
 
رد: رواية ثقيلة مزحة الدنيا للكاتبة عادي أنا الي أحبك

◙◙◙
الجزء الثاني و العشــرون..!
◙◙◙



أحيانا يغرقنا الحزن حتى نعتاد عليه ..وننسى أن الحياة تخبـئ لنا أشياء كثيرة يمكن أن تسعدنا =) /


- انا من رآيي .. انك تجي معي تريح لك يومين وتروح عندك امك
سطام بضيق :لا يامشعل ! .. ودني البيت
متعب : إيه هو الصادق ..خله يرتاح في بيـته احـسن


صَايِنْ [ِ أحِ‘ـَزِانِّي ]ِ , بـ ڪِلْ ذِمَ? وِ ضَمِيرِْ . . !
صَايِنْ [ِ أحِ‘ـَزِانِّي ]ِ , بـ ڪِلْ ذِمَ? وِ ضَمِيرِْ . . !
صَايِنْ [ِ أحِ‘ـَزِانِّي ]ِ , بـ ڪِلْ ذِمَ? وِ ضَمِيرِْ . . !
صَايِنْ [ِ أحِ‘ـَزِانِّي ]ِ , بـ ڪِلْ ذِمَ? وِ ضَمِيرِْ . . !


اول مادخل البيت .. كان كئيب وموحش .. دوّر امه مالقاها
دور الشغاله بيسألها مالقاها
التفت لين ورآه متعب .. اللي نزلوه عند البقاله ورجع للبيت مشي بحكم قرب البقاله ..لأنه بيشتري اغراض للبيت

سطام :وين امي؟
متعب : مدري يمكنها فالحمام ولا شي
سطام :طيب ووالشغاله؟..دورتها مالقيها
متعب بتردد :سفرتها
سطام مستغرب:لييه ؟
متعب :لأن معد نقدر على راتبها ..خلااص ماله داعي شغاله
سطام :بس الشغل بيكثر على امي ..وحالة ملاك ماتحسنت
متعب : وش نسوي هذا الي قدامنا

راح لـ ملاك فوق عشان يسلم عليها ويشوفها ويتطمن عليها بـ نفسه
اول مادخل كانت نايمه عالسرير .. الانوار مطفيه الا من نور الابجوره .. قرب لها بـ شويش وقف عندها وأبتسم يوم شافها .. جلس وصار وجهه مقابل لها ..بعد خصلات شعرها وقلبه يعتصر عليها
فتحت عينها شكلها مانامت ..او ماأستغرقت فـ النوم ..اول ماشافته ..بانت الروعه والفرحه بـ وجهها .. لمعت الدموع بـ عينها من شوقها له
قامت له وحضنته بقوه حتى انه رجع لـ ورآ شوي ..بس أبتسم وهالابتسامه تحولت للضحكه خفيفه حلوه
سطام :شلونك حياتي؟ ..احسن من اول
ماردت بس شدت عليه وكأنها خايفه انه يروح .. بدت تبكي بشده .. وتنتحب وتشد يدها على ثوبه الابيض ..
ثواني ..وبعدت عنه أبتسم ومسح لها دمعتها بـ حنيّه ..:ملاك حبيبي وش فيك تبكين؟ .."سكت شوي"..الا شلونك الحين
هزت راسها ..يعني احسن من اول ..وهي تمسح دموعها ..

◙◙◙◙◙

الله خلق لي [ نفس]
تسمو عن ~ البوح
ماهيب اذا ضاقت من الهم باحت ‘

◙◙◙◙◙

- خجل! وش مطلعك ؟
خجل وهي تمسح عينها : كنت عند نجـلا ..أتطمن عليها
سعود : ماتدرين انك الحين بـ العده ! .. ومايجوز تطلعين ؟
خجل خنقتها العبره وطالعت تحت :طيب! ..آسفه
سعود قرب لها واخذ راسها وحطه على صدره ..وهي بكت ومسكت فيه تنهد وقال :وربي ياخجل حاس فيك! ..انا بعد مريت باللي مريتي فيه ولين اليوم مانسيت ديمه ..بس وش نسوي .. ادعي له بالرحمه والمغفره!
خجل وهي تبكي والكلام يالله يطلع من شهقاتها :نجلا طردتني!
سعود انصدم :ليه؟!
خجل :هي صادقه.. انا السبب ياسعود .."رفعت راسها وطالعته" ..انا السبب فاللي صار لفراس
سعود رجع راسها وقال :أشش! .. مالك ذنب باللي صار .. كل شي قضآء وقدر .. ونجلا مصيرها تصحى وتدري ان اللي صار لفراس شي مقدر ومكتوب!

◙◙◙◙◙



مثلْ { المَدىْ } .. / هـ الحَزٍنُ


مآيعرٍرٍفّ | المسَرٍىٍ ]-


ڪمِ لوّحتْ بهُ رٍيحْ *


-[وٍڪمِ جآبتهْ ذڪرٍىْ !


/
،


◙◙◙◙◙

طلعت من الحمام وهي ترمي جهاز كشف الحمل بالكيس المخصص للزبايل ..ثمن وزته بدولاب جنب الحمام .. مخصوص لأغراض الحمامه والتروش.. بلعت ريقها وهي تحس انها شوي وتغص فييه ! ..اجل هي حامل ..حامل من احمد !
حست انها مكتومه وصدرها ضايق .. ماتبي تحمل ..او عـ الاقل الحين ..لأنها الى الان ماخذت موقف جدي وقـوي من احمد اللي سكر عليها في باريس ..
وهي ماتتمنـى تجيب ولد ابوه سكير ..يمكن يطلع زيه!

-نوره !
رفعت عينها على احمد اللي جالس ومعآه اوراق وشكله يشتغل :وش فيك؟
نوره جلست عالكرسي :ولا شي .. بس تعبانه شوي !
احمد :تبين نروح للدكتور؟
نوره لا ماله داعي .. "تذكرت"..تراني بروح لأهلي بعد شوي
احمد:براحتك


◙◙◙◙◙


- ياهلا والله ومرحبـا !!
جلس عالكرسي :والله اشتقت لك يافيصل قد كل شي .. لا تدق ولا تسأل
فيصل مبتسم : وش اسوي ياخي ..أشغال يالله نلحق !
ثامر بتساؤل : الا المـوزّه اللي برا .. هذي هي جوان اللي قلتي لي عنها
فيصل: أحترم نفسك وش موزتـه ! ..وبعدين تراها معحبه حسين ..يعني لا يسمعك يفرشك هنا
ثامر:إيه ادري ..قلت لي السالفه .. اللي سكرت مني التلفون عشانها تصيح ذاك اليوم .. لا يكون جايزة لك انت بس!
فيصل بـ نص عين : اما معجبتني ..معلييش .. انا حتى مخليها سكرتيره بطلب من حسين .. بس يوم اسكر منك التفلون كنت من جد خايف عليها
ثامر :ادري ان قلبك قاسي وانك ماخفت عليها لـ الله !
فيصل: تبي الصدق! ..كنت خايف ان حسين قايل لها انه يحبها ..وهي رفضته ..وقام سوّا لها شي منّـا ومنّـا
ثامر :لا وييين حسين يسويها
فيصل :مدري خفت انه استخدم سطلته عليها .. ياخي الواحد لامنه حبْ يصير ثور
ثامر :لالا حسين مب بزر لهالدرجه يسوي كذا ..بس وش بتسوي انت ..يعني مب من مصلحة حسين ابد انه يتعلق بـ وحده مايندرى من هي!
فيصل ببتسامه لها معنـى .. نقدر نقوله شريره : عندي فكره
ثامر:عليك إبتسامه! ..وربي انا خفت شلون هـ الضعيفه!
فيصل : هههههههههه لا تبآلغ تراني مسالم
ثامر بضحكه:إييه افلقني كانك مسالم !


/

- فيصل عنده احد؟!
جوان :إييه ! .. وقاللي ماأدخل احد
حسين ماهمه انها قالت "وقاللي ماأدخل احد" ..لأنه يقدر يدخل متى مابغـى بس سألها :مين ؟
جوان تفكر وعقدت حواجبها :ماعرفه ..اول مره اشوفه بس شكل يصير صاحب فيصل ..
حسين :ثامر؟!
جوان هزت كتوفها : مـا أعرفه !



◙◙◙◙◙


- وهذي يبي لها تفكير ! .. انت شلون ترفض عرض زي كذا !!
عبدالله : انا ماأقدر اسافر .. وانا فهمت الرجال اني بسفر اختي بس ماأقدر اجي الحين اقوله بجيب مرتي وامي .. سفرة تمشيه هي!
جواهر:خلها تروح لحالها .. ولا ترجع ابد ..إحنا في غنى عن بنت تجيب لنا العار .بكره يجيك بنات من بيعرس عليهم لامنهم عرفوا ان عمتهم راعية مخدرات ورجال
عبدالله عصب :انتي تدرين ان اختي ملعوب عليها!!
جواهر :حتى لو .. الناس مالهم الا الظاهر ..وانا ابي سمعتي .. ولا طلقنـي!!!
عبدالله انصدم :أطقلك! ..وليه ؟
جواهر :إيه طلقني .. يا أنك شف لك صرفه مع اختك .. ولا ورقتي توصلني لـ بيت اهلي

◙◙◙◙◙
ركب سيارته .. وتوه بيسكر الباب بس لحقه مشعل ..ومسك باب السياره لا يسكره سطام :وين ؟..وين؟؟..
سطام اخذ نفس :وش تبي؟
مشعل :انت ياخي ليه كذا ..مالك كلمه حتى! ..ليه ماترد اذا قالت لك امك شي ..ترا الله يحب العبد اللي ينتصر لـ نفسه !!! ..مهب شغله كذا تجلس تسكت لنفسك وعن حقك!
سطام :هـذي امي ..تعرف شلون امي؟..يعني باب من بيبان الجنه .."أبتسم بغصّه" ..شلون تبيني ارد عليها واتكلم ..انت تدري يامشعل اني لاعصبت اقول كلام ماأوزنه ولا ادري هو وش .. وامي تشيل بـ قلبها ! ..خلني ساكت احسن
مشعل:وين رآيح الحين ؟
سطام يحس انه مشوش:بشوف لي مكان اجلس فيه لين تهـداء ..وبيجهـآ .."طالع قدام "..يمكن يلين قلبها لي وتدري اني ماسويت شي غلط
مشعل : تعال عندي بالشقه
سطام :ومرتك؟
مشعل:بوديها لأهلها ..
سطام مسك الباب بيسكره :لا ..وانا اصلا ابي اجلس لحالي شوي ..
مشعل :بكيفك ..بس ابيك توعدني وعـد رجال
سطام :وش تبي؟
مشعل : لين دقيت عليك ترد .. ولا والله ان ماأسامحك
سطام ابتسم :أبشر برد عليك !

سكر الباب .. كمل طريقه مايدري وين يروح .. ضاقت به الدنيا عقب كلام امه ..ليه تعامله كذا ..ليه ماتحن عليه ..
وهو دايم يسكت ..لو متعب ولا احد من اخوانه .. كان ماقدر يسكت حتى لوها امه .. بس هذا هو ..من يومه صغير اكثر شي يتقنه ويجيده السكــوت!
لأنه يدري انه لو بيتكلم بيروح صوته على ولا شــــي

/
نزل من الدرج عقب ماخذا له دش ينعشه .. نزل تحت وشاف امه جالسه راح لها .. وحبْ رأسها .. أبتسم لها وبانت اسنانه مثل صفة الؤلؤ :أبشرك يمه! ..طلعت براءه
طالعته بـ برود :جاي تكلمني وانت طالع من السجن! ليه ماتستحي على نفسك انت؟ قـل لي شلون اقابل الناس لين قالوا وش مدخل ولدك السجن ..ولا مخدرات بعد ..قـللي وين اودي وجهي منه
سطام عاض شفايفه وساكت .. قال مشعل :حصه! ..وش فيك عـ الولد ؟؟ هو ماسوا شي وبعدين هذا تربتيتك !
حصه :قم عني! ..ماأبي اشوف وجهك اصلاً
قام ولا تكلم ..مايدري ليه في هالايام بالذا فقد قدرته عـ الكلام .. معد يقدر يعبر يدافع عن نفسه ..لأنه يجس كأنه جالس يسوي شي سخيف! ..ولا له لزمه
لأنه داري ان امه جالس من ورآ عقلها ..
توه بيطلع قالت له :ولعد ترجع ...لأنك هالمره صدق مب ولــــدي!
/
وش كثر تعـوّر هـ الكلمه ..منتب ولدي ! ..




وُيـטּْ أروُحْ؟!




وُيـטּْ أروُحْ؟!




وُيـטּْ أروُحْ؟!





تـِ۶ـتقِدْ بَآقيْمڪْآنْ}--يحتمَلْ فينيْجروُحْ؟!


جلس يفكر وين روح ..وهو حتى ريال مامعه ..تذكر الورث ..يمكن ابوه مبقي له لو 200 ريال ..يمشي اموره فيها ..لين يلقـى له شغل
اتجهه لـ مكتب المحـامي


◙◙◙◙◙

ليه س’ــاكت ودآخ’ــلك زح’ــمـــ? ح’ــكي
ليه تضح’ــك وٍفيك عبرٍآت وبكي
مأإ تع’ــبت و قوِف ليـــ? مآ تتكي
ليه همك وِإنتَ آخرِ هم’ــهم
ليه ظنّك في رجا باقي به’ــم
ض’ــآع ع’ــمرك ض’ــآع
..............ض’ــآع ع’ــمرك ض’ــآع
............................ض’ــآع ع’ــمرك ض’ــآع
.. في م’ــدارّاتَك لهُــم ..~


◙◙◙◙◙


دخلت نوره البيت .. وكانت بالصدفه احلام جايه .. اللي ماشافتها من زمان لأنها رايحه للشرقيه بحكم شغل زوجها اللي يعتمد عالسفر ..
فصحت طرحتها بـ حوش بيتهم .. وسلمت على اختها وعيال اختها عبدالعزيز واميره ..اللي راحوا ركض عند المحلق يلعبون بلايستيشن
نوره :أهـلاً احلام .. من زمان عنك
احلام : اهلين.. والله يختي مشاغل ..
نوره :كيف سفـرة الشرقيه كانت حلوه
احلام :والله ..كانت تجنن ! ..بس تدرين سفرتنا كانت شغل مب تميشه

طلع متعب كان معصب .. وراح للملحق ولا حتى سلم ..وخبط بالباب ورآه سمعوا صراخه وهو يطرد عزوز واميره .. وطلعوا وهم يحنشون عليه

نوره :وش فيه ذا ؟
احلام :مدري عنه !

يوم دخلـوا شافوا امهم جالسه وتبكي .. راحوا لها
يسألونها وش فيها ..بس
شكل ماودها تتكلم !

◙◙◙◙◙

جلست عـ الكرسي وهي تتذكر مكالمة جود ..وكيف كانت قلقانه عليها
- وين وصلتي
هيله :جود دقت !
هيفـا :جد! ..متى؟
هيله مطنشه سؤالها :تدرين! ..ماكانت تصيح ولا شي .. حتى ماكانت ترتجف
هيفـا :احيانا مايبين بالتفلون ..بس كيفها واللي خاطفها مايبي فلوس ولا شي
هيله :لا ! .. ماكلمته حتى دقيت مره مرتين الجوال مقفل .. تخيلي ماسوّآ لها شي ابد .. حتى جود تقول انها بخير

جلست تتذكر المكالمه
/
رفعت الجوال هي تشوف رقم غريب .. ردت :نعـم؟!
جود :هييييييله! ..هيله كيفك
هيله مو مصدقه ..شكت انها ملخبطه:جود؟
جود :ايه انا جود ..هيله وربي وحشتيـني مرررره ..
هيله :جود شلونك ..وينك فيه ؟
جود بـ تردد وعينها على ماجد :اممم .. انا عند واحد ماخذني مدري ليه ..بس مدري وين انا فيه ..بس هيله لاتخافين انا آكل واشرب وانام
هيله عصبت :جود عن الهبـال! .. سوآ لك شي
جود :وربي لا أي شي .. أقسم لك بالله
/

- غريـبه!
هيله :انا معك .. اشك انه مسجل صوتها او شي ..مستحيل واحد يخطف بنت ولا يسوي لها شي
هيفـا :ماتدري ..بس اهم شي تطمنتي
هيله :لا مراح اتطمن الا لما اشوفها فالبيت .. مقدر اتطمن ياهيفا هي توها صغيره ولا ادري وش بيصير لها

◙◙◙◙◙

وهو عـ السرير وعينه عالتلفزيون .. وجالس يفكر ليه سامي قال أن ماله دخل
ليه ستر عليه ..
بس السـؤال الاهم هل سطام بيسامحه ..ماله وجه يقابله .. ماله وجه حتى يروح يعتـذر ..وده ينتظر شوي لين تبرد السالفه ويعتذر
ليه صدق من الاساس!! ..ليه يصدق من الاصل ان سطام ممكن يسويها
بس كان كل شي قدامه واضح ! .. يعني اعتراف سامي مع اريج ..وهم مالهم صله في بعض خلاه يشك ..او يتأكد ان سطام مسوي هالشي
هو يدري ان سطام مب لم البنات لأن ماعنده وقت ولا شي ..بس ماقد حط في راسه ان سطام ..ماقد عبر أي بنت لأنه يخاف ربه ولا يخاف على عرضه !
اســتغفر الله بس !!
يارب يسامحني سطام .. انا الحين جالس اظلمه في تفكيري ..مب يكفي ظلمته قبل!

◙◙◙◙◙

كان واقف عند مجمـع .. رن جواله
المتصل>>مريـم !

نواف:هلا والله وغـلا !
مريم :اهـلاً نواف ..اقول نواف حبيـبي.. لقيت الغرض اللي وصيتك عليه
نواف :اممممم .. والله يامريم مادورت مادخلوني
مريم :اها صح ..مايدخلون شباب
نواف : يالله اجل بطلع مع ربعي ..تبين شي
مريم :لا سلامتك ..تعبتك معآي
نواف :لا يالغلا .. تعبك رآحه سلمي على امي ..
مريم :هههههههههههههه شرهه عليك ..تقول وشلوه تنوم برآ البيت
نواف:هههههه مشتاق لـ خويي ..يالله اليوم انا جآيكم بإذن الله

◙◙◙◙◙

كان جالس بالحديقه حقت بيتهم .. يتأمل المساحه الخضراء حق تبيتهم ..ومنظر فراس يروح يجي على مخه .. خنقته العبره .. جزء من حزنه ..على فراس
والجـزء الثاني على نفسه !
إيه على نفسه
رآحم نفسه .. قد إيش الانسـان ضعيف وبـ لحظه ممكن يروح فيها ويفقد عمره ..
تذكر غروره وبجاحته .. تعليه عـ الناس ..وكبره!
صدق الكبـر لـ الله .. وهو كان ولا شـي! ..حس انه مايسوى حشره .. لعب على بنات خلق الله .. ابوه وامه اللي تعبهم ..بـ طيشه هباله .. عمره الحين بـ يوصل الـ 27 وهو لين الحين طايش ورآعي حركات مراهقين وتفكيره محصور بإشياء تافهه مالها أي طعم ولافايده
اسلوبه مع الناس ونعفقته لأنه ولد آل "........" ويقدر بحركه من اصبعه يوديهم ورآ الشمس ..ونسـى ان ورآه رب اقوى واكبر منه .. يقدر بأي لحظه يخليه مجرد من هالاسباب اللي مخليته يسـتقوي عالناس!
تذكـر هيله ..اللي حرمها من الراتب وطعنها بـ شرفها ..
ناظر جواله اللي كان مليان بـ مقاطع محرمه إباحيه ,واغاني كلماتها مايقبلها أي شخص فطرته سليمه .. اخذ الجوال والحسره تعصر قلبه على هالايام اللي راحت .. رمآ الجوال بأقـوى ماعنده وتكسر لأشلاء تناثرت في الحوش الوسيع
رفع راسه للسما ودمعته نزلت على بشرته الحنطيه :يارب! ..سامحني

◙◙◙◙◙

نرجع بالوقت لورآ كم دقيقه ..

/

- شلون مالي نصيب من الورث؟ ..
عبدالاله المحامي :والله ياسطـام هذي وصية ابوك ..الورث تقسم على اخوانك ..وانت ابوك ترك لك رساله
وطلع من الدرج ظرف .. ومده للسطام :هذي وصية ابوك يوم كان على فراش الموت ..كتبتها انا بـ نفسي

مسك الظرف وراسه يلف ويدور ..ومية وسوآس في راسه .. ماقدر ورجع الظرف وقال :اقـراه انت !

جلس عبدالاله يقـراء ..بس مخ سطام مب قادر يستوعب قال بـ ضيق :مب تقول انت اللي كاتب هالحكي؟!
المحامي:إيه؟
سطام :علمني بـ المظمون
المحامي:سطام ياولدي ..ليه ماتقرآه انت
سطام بـ قل صبر ..قال بـ نبرة رجآ :الله يخليك علمني ..انا مب قادر اجمع أي شي ..قللي المحـتوى بإختصار
دخل المحامي الاوراق وكل شي فالظرف ..ومده لسطام .. :اسمع السالفه من الاول ..
/
ناظر ابو سطام في هالرجال الغريب اللي جآي مع عمر قريبه من هـذا؟.."وناظر عبدالله"..ومن انت أصـلاً؟
عمـر : اسمع يابو سطام!..هذا ولد لقيـط مسكين..
أبوسطـام:وش علي منه؟
عمر:مو إنت تبي ولد؟؟..تقدر تنسبـه لـ نفسك..دام ماعندك عيـال..
عبدالله: انا سمعت إن مرتك ماتجيب عيـال ...انا مستعد اعطيك فلـوس تعالجها..عشان تنجب لك..بس تاخذ هالولد عندك..
عمـر:هاه وش قلت؟
أبو سطام يناظر فـ محمد ومتنـآسي إن إلي يسـويه اكبر غلط فـ حق هـ الطفـل..وفـ حق نفسـه ودينه :والله عرض مايتفوت..
قـآم عبدالله وحط محمد على الكنبـه..ومعاه الشنطه حقـته..:أجل انا بكتب لك شيك بـ قيمة نص مليوون..بس تكتم ع الموضوع
أبو سطام طارت عيـونه:نص مليوووووون؟؟؟
عمر ابتسم:وبنزيدك خير..بس هاه
ابو سطام :أبشر محد داري
عبدالله شق الشيك ومـده: حلوو
أبوسطام:ماله أهل؟
- لا ماله ..قلت لك لقـيط !!

/


قُول إنهَا غ‘ـَلطة | قلَمْ | خلِصّنِي مِنْ هذا الآلمْ




يعنِي الخَبرْ هذا اڪيد ولا تَش‘ـَابُ? فـ [ الإسِ‘ـَم ] . . !





/
عبدالاله: سكت أبو سطام..رجل مستـور..فقير يحتاج الريال الواحد.. ماقدر يرفض عرض مثل هذا لانه لو بيرفض يمكن يخسـر حياته او راحة بـاله..لانه يعـآمل ناس..مستحيل يقدر عليهم
سطام بـ صدمه الجمت لسانه :انا مب ولدهم ؟؟!
عبدالاله : لأ .. وعشان كذا ..مالك نصيب من الورث ..بس ابوك كتب الثلث من حلاله بأسمك .. حتى الفلوس الباقيه اللي هي 200,000 ريال ..كان يبيها كلها لك .. لك الشرع مايسمح ..لأنها تعبر وصيه ..والهبـه ماتجوز في حال كان الموروث مرضه خطير ..
مد له الظرف : هنا موجود رقم حسابك تقدر تاخذ اللي تبي .. وابوك من ضمن الوصآيا اللي وصى فيها ان هـ الـ 200,000 تروح لك .. لكن مانقدر تكتبها بأسمك الا بـ مواقفة عيال ابو سطام .. لأنه من حقهم
اخذ الظرف وهـ البربره اللي كثر منها المحامي ..ماتلزمه ..اخذ الظرف ..وسؤاله يوم يقول
"يعني انا مب ولدهم " ..وجواب المحـامي بـ"لا " ..خـلآه ينسى حتى اسمه ..اللي مب اسمه
وطـلع
/

طلع من مكتب المحامي وعينه فيها الكثير من .." من أشياء كثير " .. الى الان ماصحى من سكرة الموقف .. توه مافآق عشان يكتشف ان هاللي عاش معاهم .. وتربى بينهم .. وآكل من اكلهم ونام معهم ..يتشكف انه مب ولدهم !!!!
الـ 2 اللي ربووه .. ولا! ..اللي تحمل كل طعناتها لأنها تحت مسمـى "أمه" صارت مب امه .. صارت وحده غريبه !
وحده مايعرفها ولا تعرفه بس مجرد رضعته ..وصآر ولدها !
كيف قدروا يكسرون قلبه بكل سهوله وهشموا الباقي منه ! .. هالموقف الاقـوى منه ..خلآه يلعن العلاقه اللي جمعته معهم بما يكفـي

جلس على الدرج لأن طاقته استنزفها كلها في التفكيـر .. هذا إن كان يقدر يفكر اصـلاً ..
قلبه ينبض وبشده .. والدم تجمد داخل عروقه .. والدنيا اسودت في وجهه .. حس ان حتى عضلاته ماتستجيب له .. ولا أي عضو من اعضاء جسمه يقدر يساعده
هو عآنا كثير .. انظلم ..وحزن في حياته بس مب لـ هالدرجه ..
يقدر يتحمل أي شي غير انه يعيش كذا من غير أهـل ! ..
يقدر يستوعب أي شي الا انه يوعى على فكرة انه لقيـط ولا له أصـل !!!
تجمع كل شي حوله .. سكر عيونه بـ قوه .. عشان يشوف بوضوح .. الشقآ والظيم اللي لقآه بهالدنيـآ .. كلهم من الترقيه لـ فـهد وسالفة ملاك ودخوله السجن إنتهاء بـ موتة ابوه .. وآخر شي ..
يوم جآ وقت الفلوس ووالورث ! .. صآر وبكل بسآطه مب من العايله !
وهو اللي ضحى بدراسته عشان يلقى لهم لقمة العيش .. وهو اللي ضحى بشبابه عشان يبـر بهالناس اللي مفروض انهم اهله !
وهو .. وهو .. وهو !
تحمل أعباء ناس هو مب ولدهم ...صار لهم مثل الابو يوم ابوهم فضل وناسته وطلعاته ..
وهو لهم الاخو الكبير .. اللي يلجأون له .. بس مايلقى من يلجأ له !

رفع رآسه وعينه مليانه دموع ..خـلاص! .. مايقدر يسمك نفسه و دموعه ..لبس القوه معد ينفع ولا يصلح له .. كم مره وقف قوي في مواقف قويه .. في مواقف لو يهدر دمووعه لين تجف عيونه ..محد قال له شي .. لكنه داايم القوي
عاش حزن .. وألم ..وقهـر .. وظييييم .. بس مانزلت له دمعه وحده !!!
فقد اعز اصدقاه والى الان يحس بطعم القهر وااضح .. بس مانزلت له دمعه
أما الحين .. هذي هي دموعه تمشي على خده ..لين تختفي .. وتجي بعدها دمعه ثانيه ..وتمشي مسار اللي قبلها وتختفي للمكان مجهول ..مثل اختها اللي قبل ..
يحس بـ شي طابق على صدره .. يحس ان حتى عملية التنفس عنده تتطلب مجهود .. كن في قزازه في حلقه .. عجـز حتى ينطـق بـ آه يمكن يرتآح
نكس رآسه .. وطالع الارض .. وهو يشوف دموعه تطيح قدامه .. يكره يبيّن الضعف حتى للنفسه ..بس معد يتحمل ! .. قدرته وصلت لـ هنا وبس !
مهما كان هو له قلب ويحس ويتألم وينكسر .. وقلبه معد يقدر يصبر على هالالم ..
اول مره يحـس بـ طعم الدموع الاليمه .. حط يديه على وجهه عشان يخفي عن نفسه آثار الدمـوع ..



مَاتِلاقِي أيْ شِ‘ـَخِصْ يحِتِضِنْ [ مُـرْ ] الآلمْ




إلا مِنّهُوِ فِي ح‘ـَياتَ?حِ‘ـيلْ ضِحَىا وِإنظَلمْ





ڪَأنِيّ ( ش‘ـَي )




تافِه بِوِجِ‘ـَ? الـمَصِ‘ـَيرْ . . !






تافِه بِوِجِ‘ـَ? الـ مَصِ‘ـَيرْ . . !






تافِه بِوِجِ‘ـَ? الـمَصِ‘ـَيرْ . . !




◙◙◙◙◙

مشعل :امك مالها داعي جايه تطرد الولد ..وهو باز جاي يبشرها
احلام تحط يدها على فمها بصدمه :يمه طردتيـه!!
ام سطام :............
متعب بـ قهر :انتوا الحين مطلعيني من الملحق ..عشان كذا بس
مشعل :أركـد انت ..لازم نجلس نقنع امك ..لان سطام مستحيل يطب البيت وهي مب راضيه .. "ناظر اخته "..حصه دقي عالولد يجي
ام سطام :............
نوره فيها الصيحه قامت :انا بروح عند ملاك

◙◙◙◙◙


مَهزَله..!!

تِتقَبَل الـ --{ صِدق..~~

لكِنمآيجي مِن يقبَلَه..!!

◙◙◙◙◙

- مالي حلق ندى .. وربي ضايقه فيني الدنيـا
ندى :ياربيه منك يانجـلا ..بليز يالله عاد
نجـلا خانقتها العبره :ندى لا تزنين ! ..قلت لك مالي خلق
ندى :طيب ! ..امشي ننزل تحت

نزلوا تحت فـ الحديقه ..وجلسوا بـ طاوله وشغلوا شي مثل رشاش المويه يرطب الجو فالحديقه ..جابت لهم الشغاله ..عصير بارد وكيك كم نوع ..تشتيز كيك وسووفليه وغيره

ندى:مبذره انتي
نجلا ببتسامه :ههه وش نسوي الكرم ذابحنا
ندى تعدل جلستها .. وتاخذ لها تشيز كيك .وعصير ..وتمد للنجلا عصير تفآح لأنها تحبه .. وتعطيها تيراميسو ..
ندى :نجـلا ترا حركتك يوم مع خجل مره مره مره بآيخه .. ولا كان لك داعي ابد
نـجلا بـ ضيقه :ندى قفلي الموضوع بليز
ندى بقهر وعصبيه من نجلا :لا منيب مقفله شي!! .. خير إن شاء الله ..سلامات جايه تتهمين البنت انها ذابحه اخوك .. معليش نجلا بس كنتي مره سخيفه .. يعني انتي شايفتها ماسكه سكين وذابحه فراس الله يرحمه
نجلا :لا
ندى :خلااص اجل ..تراك قاهرتني يانجلا من ذاك اليوم وساكته
نجلا : ندى سكري السالفه لو سمحتي! ..يكفي المحاظره اللي اخذتها من يزيد قبل
ندى :ولييييته ينفع معك

◙◙◙◙◙

دخل البيت بـ سرعه .. ولا عاقه الا الباب في وجهه .. لقاهم مجتمعين ..بس هو ماكان يشوف الا هـي وبس

قال وبصوته بحه باكيه مفرطه بالشجن : ليه ماقلتي لي ؟
طالعته أم سطام :.........
سطام :انا مب ولدك صح ؟ .. ولاعمرك حنـيتي علي زي عيالك ..عرفت الحين ليه انتي تعامليني كذا ..وليه حنيّـتك على عيالك ماأشوفها معي ! ..انا مب ولدك يا "ام متعب"
الكل كان ساكت .. ولايدرون وش السالفه

..{ ما فيِـِـًـًـًه جـًـًرح كِثِر هالجَّـِـِـِرح | بكـًـًـًانـٍـٍـٍـي .. ~


قامت ام سطام ومسكت يده وهي تصيح :لا ياسطام ..انا امك ! ..الام هي اللي تربي ياسطام
سطام وهو معد يشوف من دموعه بس مخفيها ..ومستحيل يطلعها قدام احد :انتي مب امي! .. ربتـيني بس مب امي .. تدرين اني كنت غبي؟ ..تدرين ليه ؟.."كمل وألانكسار واضح على حباله الصوتيه".. لأني ماعرفت من الاول ..كنتي دايم تقولين انت مو ولدي .."وعادها بألم وهو يجاهد عبرته" ..انت مو ولدي! ..انت ماطلعت من بطني ..كان لازم اعرف إن هالكلمه تنقـال لي ولا تنقال لا لمتعب ولا نوره وملاك ولا احلام ! ..حـتى مشعل لأنه اخووك! ..اما انا ايش ؟؟..أنا وش ؟..وشو سطام بالنسبه لك؟! ..انا مجرد واحد لقيتووه فالشارع لقيط ..ويكــنه ولد حرام بعد! ..ماله أي لزززمه شي طبيعي انك مراح تحنين عليّ ..زين منك تحملتيني كل هالعمر ولا أبي اثقل عليك زياده!
ام سطام وصوتها رآيح من البكي :ســطام يانظر عيني تكفـى لاتقول كذا ..هذي كلها لحظة غضب ..صدقني هذا من غلاك! ..يشهد ربي اني ماأكرهك وربي انك ولدي ياسطام ..ولــدي انا

سطام بـ بتسامه :الحين صرت ولدك؟ ..عقب هالحكي اللي قلتيه ..حتى يوم جيتك ابشرك بـ براءتي ..صرت مب ولدك! ..لا تكذبين لا علي ولا على نفسك ..يكفي 28 سنه راحت كذب ..وكلاً مخدوع ..انا بطلع من حياتك الحين .. وإنسيني ..وإن ذكرتيني ..أذكريني بـ الخير تكفين !

" أَبٺسمْ " ۉأنَا فـِيْ دَاخلِـيْ ڜَبِـﮧ مَقٺُـۉلْ !!!

وطلـع ودمعـته نزلت !
ترك امه اللي اما تمنـى راضها وهي تناديه والبكـى يعلى ويعلـى ..وهو لا عبره ..


تعَآلْ | وٍ إسْمَع القصّه . . !
تعَآلْ | وٍ إسْمَع القصّه . . !
تعَآلْ | وٍ إسْمَع القصّه . . !
تعَآلْ | وٍ إسْمَع القصّه . . !
تعَآلْ | وٍ إسْمَع القصّه . . !
تعَآلْ | وٍ إسْمَع القصّه . . !






نهـآية البارت


رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
رواية روان للكاتبة كول 2009 Yaqot روايات و قصص منشورة ومنقولة 10 March 14, 2015 12:31 PM
رواية الحب المحرم للكاتبة قاب جريح Yaqot روايات و قصص منشورة ومنقولة 8 March 7, 2015 11:53 AM
ملخص رواية سلالم النهار -رواية للكاتبة فوزية شويس السالم Yaqot روايات و قصص منشورة ومنقولة 0 May 8, 2014 10:41 AM
رواية ملحمة العشاق / للكاتبة سهر SEO الروايات والقصص العربية 0 October 22, 2012 02:05 PM
رواية من يحبك كثر ما أحبك أنا كامله txt للجوال , تحميل رواية من يحبك كثر ما أحبك انا ألاء ياقوت كتب الادب العربي و الغربي 0 November 2, 2010 02:37 AM


الساعة الآن 03:38 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر