|
|||||||
| روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا |
 |
|
|
LinkBack | أدوات الموضوع | انواع عرض الموضوع |
|
#10
March 8, 2015, 01:32 PM
|
||
|
|
||
|
رد: رواية توأم و لكن أغراب في جامعة أمريكية للكاتبة VirsatChe
ليان وهي بالشارع تمشي وتبكي ....
مرت على المحل ومستشفى عبدالمحسن رايحه للبيتها ... كان واقف الدكتور قدام بابه وهو يطقطق بجواله ... رفع راسه على صوت أنين ... طاحت عينه على ليان اللي حالتها صعععبه وكأنها تجر نفسها بصعوبه ... ركض عندها ومسكها قبل لا تطيح ... -(بخوف كبيييير :- ليان شفيج ؟؟؟؟؟ فيه أحد ساوى فيج شي ؟؟؟ -(سحبت نفسها بخووووف وهي خايفه من كل رجال قدامها وتكرههم كره العمى ... بدت تسرع خطواتها وهي خايفه منه .... عبدالمحسن موب فاهم وضعها ابدا ... لحقها وهو يقول :- ليان شفيج !!! ليان انطريني شوي ... (مسكها مع كتفها بقوه وهو يقول :- ليان اصحي شفيج ؟؟!!! من الجلب اللي اعترض لج ... من اللي خلاج بهالحاله ؟؟ قولي وش اللي خلاج بهالحاله ؟؟؟ -(سحبت نفسها بقوه وهي تقول بعصبيه عمرها ماطلعتها على أحد ... بس بحر مافيها وكرهها لكل الرجال اللي ماقد شافت في حياتها خير منهم ... لا أخوانها ... ولا أبوها اللي تركها وماتدري هي بنت شرعيه او لا ... وصقر اللي مكرهها حياتها وعيشتها ... بس عبدالمحسن شنو ذنبه ... هو كان الطف واحد معها من بعد عمها صاحب المحل ... بس مو بيدها غصب عليها صارت تكره كل الرجال كلهم ... -(قالت بين دموعها :- هدني انت ماتفهم ...!!!!! روح عن ويهي ... أكرهكم كلكم .... مسودين لي عيشتي ... وش تبون مني اكثر .... وبعدين جوابي لك لطلب لي بالزواج أمس هو لا .. لا يعني .. لا .. اصلا انتم يالرجال كلكم سوا ... كلكم حقيرين .... كلكم على بعضكم ماترحمون ... دكتور هدني الله يوفقك ... هدني بحالي ... (لفت عنه وهي تركض للبيت ... عبدالمحسن يتذكر ليلة أمس .. طلعت ليان من المحل وهي رايحه للبيت ... -(عبدالمحسن كان ينتظرها وهو جالس على عتبة باب المستشفى ... -ليـــآن ... (التفتت عليه ليان مستغربه وش يبي منها !! :- نعم .. -ممكن شوي من وقتج ... -(الرتبكت شوي وهي تقول :- آآآ ... بس .. -صدقيني ماراح اطول عليج بس شوي ... -طـ...طيب .. -(برتباك كبيـــــــــــر :- آآآآآآ ... ماأدري اذا اللي بقوله لج بيعجبج او لا ... بس اللي ابي اقوله ان هذا اللي راح اقولج اياه يهمني كثير ويهمني جوابج ... -............................ -آآآآآآ ... لـ ... ليان انا تدرين ماعندي أحد بهالدنيا غير اخوي الصغير .... و... وأنا الحين المفروض لو ... لو اني متزوج كان ولدي عمره ثمان سنوات بالكثير.... ولأني مالقيت اللي تناسبني او قلبي حبها .... عـ ... عشان جذي انا بآخر ايامي صرت افكر بجد في الزواج .... و.... وأنا افكر فيج انتي .... ليـــان .... تتزوجــــــــــــــــــــــــــيني ؟؟؟؟ (ليان كانت واقفه بس بعد ماسمعت كلامه حست برجولها ماعاد تقدر تشيلها ... جمدت من الصدمه ... آخر شي توقعته ان فيه احد بيتقدم لها بزواج وهي مالها أصل .... مستحيـــــــــــــــــــــل اللي قاعده اسمعه .... مستحيل احد يبي لعياله أم مالها أصل !!!!! -(عبدالمحسن شاف انها ماراح ترد وقال :- موب لازم تردين اليوم ... فكري عدل ... بس صدقيني انا جااااد بموضوعي هذا ..... (ودها تسأله لي شانا بالذات ... معقوله رحمه فيني يسوي جذي .... لأنه مستحيل فيه أحد يفكر بالحب فيني ... مستحيل احد يحبني ... هذي اكيد رحمه منه ... لأن مالي أحد قال جذي .. -(نطقت وأخيرا :- ليش انا بالذات !!!!... -(الرتاح انها عالأقل ردت وقال بسرعه :- لأني احبج ... وأنا متأكد من كثر ماأفكر فيج ... ليان انتي خذتي عقلي وكل تفكيري من زمان وأنا ماأدري ... انتي خذتي قلبي .... وأنا موب مستعد اكون بعيد عنج أكثر من جذي .... وصدقيني راح تكونين بعيوني ... وأمج بتكون مثل حسبة امي .... بس انتي وافقي .. (ليا نحاسه في قلبها فرح موب طبيعي .... معقوله هو يبادلها نفس الشعور وهي ماتدري ... ودها تقول وانا بعد احبك ....ودها تقول انها موافقه .... بس ماقدرت من توترها والرتباااكها ... فضلت بيوم ثاني ترد عليه ..... بس مثل ماشفنا ... صقـــــــــــــــــــر هو السبب في ردها بالرفض .... هو السبب اللي خلاها تنعدم ثقتها بكل الرجال .... حتى عبدالمحسن اللي تحبه .... صقــــــــــــــــــــــــــــــــــــــــــــر هـــــــــــــدم قلب أخوه وقلب ليان بدون مايحس ... صقر هدم سعادة اخـــــوه بدون مايدري ... (ليان لما دخلت البيت وهي تبكي من قلبها لأنها قالت ذاك الكلام بدون ماتحس للدكتور ... مرت على أمها والرتمت بحظنها وهي تبكي .... -(تقول بشهقات بين دموعها اللي ماوقفت وزادت أكثر من بعد الدكتور :- يمه لحقي علي ... يمــــــــــــه ... يمه ليش الدنيا ضدي جذي .... يمه ليش جذي ليــــــش ..... يمه انا أكره الناس كلهم اكرههم .... حرموني من سعادتي وأولهم أهلي الله لايســـامحهم .... ليش تركوني .. ليش تركوني لهالدنيا القاسيه ليش ... ليش يساوي فيني جذي ابوي وأمي .... لي شانا بنت غير شرعيه ليش ... أكيد انا بنت موب شرعيه ولا ليش هدوني .. ليش يمه جذي ليش .. يمه انتي الوحيده اللي باقيه لي ....انتي الوحيده اللي احبها من كل قلبي ... كل الناس انانين ... ماهمهم غير سعادتهم ومصلحتهم وأحنا الضحيــــــه ... ليش مايفكرون بنتايج اغلاطهم قبل لا يجيبوننا ... ليشي بون لنا التعاسه بالحياه عشان سعادتهم .... يمه الله يخليج لي ... يارب ... يمه قولي لي أي شي تكقين ريحيني ... وريحي قلبي اللي مليااان هموووم وحقد على هالناس اللي مايرحمون ... يمه تحجي قولي أي شي .... (سكتت شوي ثم كملت بخوف :- يـ ... يمه .... (رفعت راسها من حظن أمها اللي هي اصلا كانت منسدحه على فراشها .... مدت يدها بتردد تلمس خد امها المتجعد .. -يمـــه !!! يمه انتي تسمعيني ؟؟؟ (هزت كتفها بس العجوز موزه ماردت ... ولا فتحت عيونها ... صايره مثل .. الجثــــــــــــــــه الهامده .... معقـ ... معقولــــــه ماتـــــت امي !!!! لا لا مستحيل ... مستحيل الدنيا عاد تكون للهدرجه ضدي ... مستحيــــــــــــــــل ... -(صوتها وكل ماله يرتفع ودموعها وقفت وجففففففت :- يمه يمه ردي علي ... يمه يمــــــــــــــه ... يمه عفيه ردي علي ... يمه ... يمه لا تتركيني .. منو باقي لي ... منو يمه ... يمه الله يخليج لا تروحين وتتركيني ... يمه ... يمـ ... يمه .. انتي تسمعيني ... يمه ردي الله يخليج ردي .. يمه عفيه ردي علي ... يمه لا تهديني بروحي بين هالناس .... (على صوتها أكثر وهي تصارخ بجنون :- يمــــــه يمــــــــــه .. يمه ردي علي ردي .. اقولـــــج ردي علي ... شفيج ساكته جذي ... يمه فتحي عيونج وظميني لج .. يمه انا محتاجه لج بقوه ... يمه ردي علي ردي ... (وهي تهزها بقوه وتردد كلمة يمــــــه ... ليــــــــــــــــــــــــان الفتاة التي لم ترى يوم من ايامها جميل وسعيد ... منذ طفولتها لم تعش سعادة الأطفال وهم يلعبون .... كل وقتها تعتني بأمها العجوز... كل وقتها تشتغل أي شيئ فقط من اجل المال لكي يأكلون فقط ... ليــــــــــــــآن لاقت بحياتها جميع الالام أكثر من أخوتها اللتي لا تعرفهم .... كانت صبوره وتكتم بقلبها ... ولكـــــن اليوم شعرت بأن كل مابقلبها تفجر مره واحده .... كل شيئ بالنسبة لها يهون عند وفاة امها التي أوتها وهي وحيده دون اب او ام ... (ولأن لنتركـ ليــــآن تواجــــه آلآمها وحدهــــــآ ... والنتوجه الى فيصـــــــل .... فيصل بالطريق رايح للعين وتقريبا باقي ربع ساعه ويوصل ... شاف على جمب الطريق سياره موقفه وبنت جالسه عالأرض حمب السياره ... وقف عندها ثم نزل .... -(شافها وهي مغطيه وجهها بين رجولها تحت هالشمس ... أقدر أخدمج ؟؟؟؟ -(بدون مارتفع راسها :- اقول تلايط على بالك بركب معك شايفني غبيه لأنك مستغل هالفرصه وانا سيارتي خربانه ... تعرف وش معنى تلايط .... ولا أقولك ؟؟؟ -(فتح عيونه أقوى شي من وقاحتها .... هذا جزاه ..!!!! قال بهدوء :- أحسن احترقي تحت ذالشمس ... -جعل الله يحرق شنبك ... تلايط بس لا أطلع اخلاقي الشينه عليك ... -(بقلبه .. أكثر من جذي أخلاق زفته ؟؟؟ ماأتوقع ... بس مارد عليها ومن طبعه المعروف ....الحقراااااااان ... بس لحدود اكيد .... لما سمعت صوت الباب تسكر رفعت راسها بسرعه وهي تقول بصوت عالي :- هيه انت معك دبة بنزين ؟؟؟ -(قال بصوت عالي وهو يطل براسه من الدريشه لها :- جعل الله يدب راسج ... (طلعت عيونها من القهر .... بس فيصل ماعطاها وجه ومشى بالطريق ... شخصيــــــــــــــــــــــــه جديده وتقريبا راح تكون مهمـــــــــــــــه ... تدعـــــى ... أميـــــــــــــــــره ... وأميره بملحهــــــآ وطفولتها ... شعرها لين كتفها أسسسسود بس صابغته كله عسلي ... لون عيونها برضو سودا بس لا يمكن تتنازل عن عدساتها الاصقه لونها عسلي .... بكل مكان تلبسها .. لدرجة ان الغالبيه يحسبه لون عيونها الحقيقيه ... لون بشرتها قمحي... بس تحب تخلي لون بشرتها( برونز ) .. فيها ملح موب طبيعي ... واللي مملحها خدودها وغمازاتها ... بس عيبها الوحيد انها موب لذاك الزود طول .... وحجمها صغنوووون ... اللي يشوفها يعطيها بعمر (15) ... بس هي عمرها (19) سنه.... لبسها دوووم السبورت .... تعشق كل أنواع الرياضه ... تحظر مباريات كورة قدم ومتعصبه لفريقها ... وعربجيه درجه أولى .... (شافت سياره بعيده جايه صوبها ... وقفت وهي تأشر ... -(لما نزل صاحب السياره قالت :- مابغيت تيي ... لطعتني هني تحت هالشمس ... -ولله محد قالج روحي للعين بروحج في هالطريج !!!! لو صاير لج شي ؟؟ فيه بنيه تروح من دبي للعين بروحها ؟؟ انتي مينونه ... تدرين لو أمي تدري وش بتساوي فيج !!! بتذبحج ... -(ابتسمت لأخوها جراح :- أي اصلا اخوي ماراح يقولها أكيد صح .... -لا بقولها وتشوفين .عشان المره اليايه مارتوحين لحالج ... -عيل ولله ماركب وياك .. وبقع دهني لو حتى اموت ... -(طالعها وهو فيه الضحكه :- أحسن أ ..... (قطع عليه وصول حمالة السيارات ) -هه وهاي السياره يت عشان تحمل سيارتج ... وانتي انطقي هني ... -(بعناد مسويه ماهتمت :- أحسن .. (لما حملو سيارتها وراحو قال جراح :- يالله سلملم ... -(تطنز :- سلملم ... (ركب السياره وفعلا مشى ... أميره على أعصابها .. واقفه لحالها بالشارع .... وهي تقول بقلبها :::: جعل كفرك ينفقع ... يارب ينفقع يارب ... (مشت على الطريق الفاضي .... شوي شوي وبدت تركض ومعزمه انها توصل للعين بنفسها لأنو اصلا مابقى الا القليل وتوصل ... تركض وهي تصارخ هبال تبي تهون على نفسها وتحمس نفسها للوصول ... وبنفس الوقت خايفه لا تجي سياره وتلقطها .... بس حست بسياره بعيده جايه صوبها بالعكس ... عرفت انه جراح .... هدى جمبها وهو يقول :- اميروه ركبي ترى موب فاضيلج ... -ومنو قالك ترجع لي ؟؟؟ -اقول ركبي ولا ولله لا أعلم صج امي ... -(طالعته :- صج لو اركب وياك ماتعلمها ؟؟؟ -أي بس يالله بسرعه قبل لا أركبج غصب .. -يالله بما انك ملزم ؤكي وش اسوي لك ... (ركبت وجراح مطير عيونه عليها ... صدق ذالبنت لسانه طول مترين ... فجأه قان يضحك لفكرة لسانها طول مترين ... يتخيل شكلها تسحب بذالسان ... التفتت عليه وهو يسوق ويضحك ... -هيه أنت بسم الله عليك ... شفيك تضحك ضحكنا وياك ؟؟؟ -هههههـ ... أتخيل شكلج بس بلسان طوله مترين (وهنا فقع ضحك ) .. -(أميره صغرت عيونها وهي تقول :- يارب !!!!! ... الحين تنكت ولا تحاول ؟؟؟ -(سكت وهو متفشل نص ونص ) لفت راسها للدريشه وهي تقول :- تدري اليوم بغيت أنخطف على الطريج ؟؟؟ -(يسوي حاله متحمس لأنه مو مصدقها :- يؤ بغيتي تنخطفيـــن ... لا عاد هذي قويه ... -تطنز انت وويهك ... -(ماسك ضحكته .. بس اميره ماهمها وألا بتكمل سالفتها :- تخيل بكل عين قويه يقول :- ركبي سيارتي وأنا أوصلج بنفسي ... هذا علباله أنا غشيمه .. أصلا انا فاهمته ...همه أنا وبس .. -ؤخص مسويه انتي الحين ان الزلد يايب لج خبر !! -أي اكيد بييب لي خبر بما اني بنيه ياغبي .. موب شرط يكون يعرفني يادرج ... -درج يصفقج على ويهج .. أنا جم مره قلت لج لا تغلطين علي .. -(خافت بس حاولت ترقعها :- الله يرجك ياخي .. انت وش فيك تعصب بسرعه من المزح وين روحك الرياضيه ؟؟ (مسك ضحكته عليها وكملو طريقهم على سوالف أميره اللي نصها فقش من عندها ... هو يدري انها فقاشه بس يسلك لأن سوالفها تعجبه وتظحكه بنفس الوقت ... """"""""""""""""""""""""""" عالعصر ... توليــــــــــــــن جالسه بالكرسي الهزاز اللي برآ في حديقة بيتهم وحاطه بحجرها اللاب ... تطالع مقطع باليوتوب وهي بنفس الوقت تفكر لو كان الحين معها ايميل الدكتور طلال ... فكرت لو تدق على سعد وتاخذ الايميل منه ... بس فشيله وهو اللي قالها تجاهليه وبعدين تجي الحين وتدق ... لا مايصلح شكلها بيصير غلط ... فكرت لو تدق وتاخذه من جوجو نفسها ... أي هذا أحسن حل ... هاه للـ .. لا وش جوجو بتشك .... او بتقول شنو اللي بترسلينه ؟؟؟ مافي شي الحين ؟؟ اييييوه مافيه غير كارلين ... ادق عليها أحسن ... دقت على صاحبتها البنانيه كارلين .. -ألـــــو ... أهلين كارلين ... شخبارج ؟؟ -ييييييييي تولين وينك انتي من زماان عنيك ؟؟؟ اهليين فيكي .. انتي خبريني عنيك ؟؟ شو أخبارك انشالله منيحه .. -(ابتسمت :- يب منيحه كتير .. أمممممم بدي أطلب طلب ممكن ؟؟ -أكيييييد حبيبتي انتي ؤؤمري بس .. شو بديك ؟؟ -آآآآ ... أبغة ايميل الدكتور طلال ؟؟؟ أكيد وياك صح ؟؟ -أي ليش انتي ماخدتيه ؟؟ -أممممـ ... لاء ... -ؤكي راح أعطيكي اياه بس شو بدك منو هلئ .. يعني هوآ ماعطانا واجيب !! -(ؤفففففـ ياشين القافه :- لا حبيبتي انا ابي اسأله كم سؤال ... بس اذا مو حابه تعطيني عادي ماأجبرج علـ ... -(قاطعتها :- لا لا شو مابدي !!! يالله سواني وراح أعطيكياه ... -خلاص انتي دزيه لي بمسج .. ؤكي .. ؤكي حبيبتي ...يالله باي .. (سكرت بدون ماتقول باي كعادتها ... ماترد ولا تقول باي او مع السلامه ... يمكن غرور ويمكن تكبر <~ وش فرق هع .. دقايق ووصلها المسج .... فتحته بحماس ... اضافته عندها ولحسن حظها طلال كان جالس على النت وفاتح ايميله ويكلم صاحبه عالمسن ... جته اضافه ..... عرف انها أكيد من طلابه .... قبل الاظافه ... من جهة تولين توترت لما شافته متصل ... ياربييييه اكلمه ولا لاء ؟؟؟؟ أي اكلمه ولا أقوله انه أنا ... ولا اصلا مستحيل راح يحاكيني لو يدري انه انا ... -(رونـــــــــــق :: سلام دكتور ... (طلال كان متحمس مع خويه ... استغرب من اللي حاكاه رغم انه قايل لهم المسن لا يمكن اكلم احد .. بس رسائل ايميلات لا غير ... -(مارد عليها ... -(توقعت انه ماراح يرد عليها بس هي مصررره وتعرف كيف تجيب راسه :- دكتور ضروري ابي اسألك عن المحاظره فيه فقره ماعرفتها .. -(وأخيرا قال .......... تقدرين ترسلينه بايميل .... -(رونــــــق :- هو سؤال بس صغير ..... ممكن ؟؟ -(تنهد وهو ماوده يرد بس حب يختصر الموضوع وقال :- Ok….. -(ابتسمت وهي تكتب السؤال ولو انها ماتتذكر أي شي من المحاظره اليوم ... لأنها تفكر بكلامه لها ... لما انتهت رد عليها بكل بساطه :- سؤالج شوي غريب ... شكلج اليوم مو منتبهه ويانا عدل ؟؟؟ -سوري .. -انتي بنيه صح !!! -أي ... -المهم جواب سؤالج هو ..................................... (لما انتهى وهي كل شوي تسأل عن نفس هالسؤال .... طلال طفش منها وقال :- انا طالع وأعتقد ان اسألتج خلاص ياوبت عليها ... (ماحبت تنرفزه منها حتى بالمسن .... قالت :- ؤكي الله وياك ... (طلع بدون مايرد عليها ... تولين ابتسمت وهي تقول بصوت واطي :- أنا وراك والزمن طويل .... -(امها كانت وراها :- من هذا اللي انتي وراه ؟؟؟ -(الرتبكت :- هاه للللـ ... لا هذا .. أي أي هذي وحده من البنات ... -وتقولين لها وراك ؟؟؟؟؟ موب وراج ؟؟ -هه ههه أي للـ ... أي قلبت شوي سعوديه __^ ... -(مشت عليها ثم قالت :- شوفي ترى انا بطلع وبعد شوي بيي ولد خالتج مايد وفتحي له عشان يعطيج فستانج اللي صجيتينا فيه بالمشغل ... -ومنو طلب منه هذا ييب لي فستاني ؟؟؟ -انا ... ويالله عن الهذره اللي مالها سنع .... -وين بتروحين طيب انتي ؟؟؟ -بروح لليارتي من زمان مازرتها وهي تعبانه ... يالله انتبهي لنفسج وقبل لا تفتحين الباب تأكدي انه مايد موب حد ثاني .... الله يحرسج (ثم سكرت الباب بعدها ... """"""""""""""""""""""""""""""""" نارا جالسه بكافي لحالها ...... -(القارسون :- شو بدك انسه ؟؟؟ -(ماطلعته وهي تأشر بيدها انه يروح عنها .... استغرب منها بس احترم رغبتها وراح ... جالسه وهي تطالع خلف القزازه بالشارع .. والناس رايحين ورادين ... جالسه من أول ماطلعت من الجامعه لين الحين الساعه خمس ونص العصر ... لمحت زول شخص واقف من بعيد ويطالعها .... حاولت تدقق فيه بس شوي واختفى بين زحمة الناس .... ماحست الا باللي واقف عندها يقول :- انتي للحين تتذكرين مجاننا هذا .. (رفعت راسها بسرعه وانصدمت لما شافت ريان واقف عندها وهو مبتسم ..... -(وقفت من الربكه وهي ساكته ... ابتسم لها وهو يقول :- شفيج انتي كل ماشفتيني اخترعتي ؟؟؟ -هاه ... آآآآآ .. لللـ .. لا موب قصدي يعني ... بس يعني آآآآ ...يعني ... -ههههه شفيج دقرتي على كلمة يعني !!!! طيب ماودج تقولين لي تفضل ؟؟؟ -هاه اكيد ولو .... (لما جلسو للحظات وهم ساكتين جت بتتكلم نارا بس ريان قطعها وهو يقول :- ماقلتيلي شخبارج ؟؟؟ وكيف أهلج ؟؟؟ انتي للحين ساكنه بذيك الشقق ؟؟؟ -أي .... وأهلي الحمدالله بخير ... -(ابتسم بلطف وحنانه اللي تعودت عليه وشتاقت له حيييييل :- وانتي !!! ابي اعرف كل شي عنج ... وحشتيني ياظالمه ... -(أول مره تحس ان نفسها انقطع عن الكلام ... ماتدري وش تقول ... -(ريان ينادي عالقارسون :- سكيوزمي بليز ... -(القارسون :- نعم شو بتؤمر ؟؟؟ -أبي هذا اللي بالمنيوم محدد عليه آنآ ... -حاضر سواني بس وكل شي راح يكون جاهز لك وللآنسه __^ ... (نارا كانت منزله راسها .... -ريان :- تدرين شنو طلبت ؟؟؟ -(تناظره بتعجب :- شنو ؟؟؟ -مكرونه بالبشاميل ... اللي اننتي تحبينها ؟؟؟ -(حست بقلبها بيوقف ... كيف يتذكر كل شي عنها وكل اللي تحبه وهو قبل ساعات مهزئها ويقول ماعرفج .... جت بتسأله بس هو قاطعها :- نارا ... -هممم... -انتي غاليه على قلبي تدرين !!! -(جمدت وهي مو عارفه وش تقول بس فضلت الصمت عادتها ) مد يده ومسكها وهو يقول بحنان :- صج انا مشتاقلج .... (بهاللحظه قاطعهم ولد صغير يقول :- ممكن تقول لي وين دورات المياه ؟؟؟ -هنيك حبيبي ... -بس انا مو عارف وين بالضبط ممكن تدلني ؟؟؟ -ؤكي ولا يهمك يالله تعال وياي ... (لما قام نارا التفتت على القزازه للشارع وشافت نفس الشخص اللي يطالعها من قبل نص ساعه ... وقفت بسرعه وطلعت من الكافي بتشوف مين هذا بس اختفى فجأه ... دورت من هني ولا من هني بس مافي فايده اختفى ؟؟؟؟ معقوله يكون يزيد بعد لاحقني هني ؟؟؟ لا موب معقوله ... لما رجعت لقت ريان واقف يطالعها بين الطاولات .... ابتسمت وهي رايحه من عنده تقول :- شفيك واقف هني ؟؟؟ يالله تعال خل نيلس ... (مشى وطلع من الكافي مطنشها ... لحقته وهي تقول :- ريان وين رايح شفيك ؟؟؟ -(التفت عليها وهو يقول بعصبيه :- انا جم مره قلت لج مابي اشوف ويهج .... انتي ماتفهمين ولا شنو شنووو ... (راح من قدامها وهو تاركها بدوامتها .. وبعصبيه في قلبها شوي ... هذا يستهبل علي ولا شلون ... يستخف دمه وياي ... يلعب باعصابي ولا بمشاعري له ؟؟؟؟ ريان فيه موب معقوله يساوي جذي عن غباء !!!!! (يزيد واقف من بعيد عنها ... التفت على ريان اللي مشى بعيد عنهم ... بسرعه راح يلحقه .... يبي يعرف وش سر تعامله مع نارا جذي ... """""""""""""""""""""""""""""""""""" بعد يومين .... في حارة ليان .... الكل عرف بموت الأم و.... واختفــــــــــــــــــــــــــــــــآء ليان .... دورو عليها بس مالقوها ... عبدالمحسن بيموت من الهم اللي بقلبه خايف عليها ... ياربيه وينها هذي .. يومين مابينت لنا بالحاره .... (تذكر آخر مره شافها وش الكلام اللي قالته له ... حس بغصه في نفسه .... والدنيا مو سايعته من الظيقه والخوف ... ~~~~~~~~~~~~~~~~~~~~~~ ليـــــــــآن مختفيه لها يومين ..... ومحد يدري وين هي ... حتى دفنو أمها بدونها .... أختفت من ذيك الليله .... فـــــــــــــــــي غرفه صغييييييره مرررررره وقبيحه ومكسره ... جالسه ليان فيها .... تبكي على حظها اللي شتتها بين هالحواري ماتدري وين تروح .... دخلت بيت مهجور ... بآخر الحاره ...... رغم خوفها الكبير الا انها صارت تخاف من اللي برآ (البشر ) أكثر من هالبيت المهجور .... جالسه ودموعها مانزلت من لما توفت أمها ... وفجأه ماعادت تبكي .... يمكن من هول الصدمه ... بس الصمت هو وسيلتها ... الحزن والضيقه اللي جواتها محد يقدر يتحملها بهالدنيا ... طعم الحياة المره اللي عاشتها محد قد ذاقها وهذا من رايها ... ضامه رجولها للصدرها وهي تهز روحها ... تناظر القزاز المكسور قدامها .... رفعت يدها تلمس شعرها ..... تقدمت وخذت القزازه .... وبدت تمسك خصلات شعرها وتقصصهم بقوه .... قصت أول خصله وقلبها يعورها من داخل ... من نعومتها تحب شعرها ... بس الحياه كرهتها بكل شي ... لما انتهت من شعرها وهي تطالع قصاصات شعرها المتناثر على الأرض ... حست بكبته جوات روحها موب قادره تطلعها ... لمست شعرها الـ .... بـــــــــــــــــوي .... فصخت عبايتها وهي كانت ماخذه معها كذا لبس ... لبست تيشيرت واااااسع وبنطلون كمان واسع ... طلت على شكلها بالمرايه المكسوره ... كيف صاير شكلها هزيييييييييييل ... وشعرها اللي صار بووووي .... فسخت النظاره وحطتها بالعلبه ... رفعت قبعه كانت شاريها لها عمها من زمااااااان ... لبستهاوحاولت تنزلها على وجهها عشان مايبين ... تنهدت وهي تقول بقلبها :- اليوم راح ابتدي حياة جديده وبعيد عن الناااس كلهم ... وبعيد عنك يا.... ياعبدالمحسن ... ........ فكرت لو تروح تدور لها أي شغل ... وأي أحد يشوفها بالشارع يتوقع انها ولد ولا يعترض لها بسوء ... كانها ولد واظح عليه الفقرررر .... من يبغى ولد فقير بيسرقون منه أو يعترضون عليه ... راح تتقمص شخصيه ثانيه .... وتتمنى لو محد يكشفها .... وخاصتا عبدالمحسن .... طلعت تدور لها أي عمل ....... نتركه ليونه وهي تدور لها على عمل بشخصيتها الجديده ... ليـــــــــآن خلف قناع ولد ... هذي الوسيله الوحيده عشان تضمن حياتها تستمر بسلام .... """""""""""""""""""""""""""""""""""""" فيصل وهو واقف في ساحه كبيــــــــــــــره بالعين .... وهي ساحة الطائرات الصغيره ... ماسك جهازه المحرك ويحاول يشغله بس ماشتغل ... طيارته مو لذاك الزود كبيره يعني هي تقريبا اصغر طياره من بين الأشخاص اللي حواليه ... سمع صوت وحده تهاوش ... التفت ولقى مجموعه محتمعين على حاجه بس مايدري شنو ؟؟؟ لما قرب دخل بينهم يبي يشوف وش السالفه ومن هذي اللي تهاوش وقف وهو يطالع هالوجه اللي موب غريب عليه .... قرب عدل يبي يتذكر وين شايف هالوجه .!.!!! -(أميره وهي تهاوش على الولد اللي قدامها :- ولله لو ماتعدللي طيارتي اللي خربت درقسونها ان اتوطى ببطنك .... انت فاهم .. -(الولد :- انا ماساويت لج ولا للطيارتج شي انتي اللي حديتيني بالهوا وصدمت طيارتي بطيارتج .... يعني ماراح أصلح لج طيارتج ... -(عصبت أكثر وهي شوي وتهجم عليه بس تحاول تضبط اعصابها ... خذت جهازه المحرك للطياره وقالت :- ولله لوماتصلحها ان أكسرها لك فاهم .... (وبصوت أعلى :- فــــــــــــــــــــــآهم ... -(سحب منها الجهاز وهو يقول :- لا مافهمت وللي تبين تساوينه ساويه ... (لما لف بيروح عنها مسكته من ورى وجرته من خفة الولد النحيف ... تقدمو كذا شخص يمسكونها عنه قبل لا تتهور .... -(وهي شاده قميصه من ورى سحبت الجهاز ثم دفته وهي تقول :- أجل متى مافهمت تعال وخذ جهازك مني ... ويالله خليني اشوف طيارتج على شنو بتطير من دون جهازها المحرك ... (الولد عصصصصب من قلب ... بس لما جى يقرب منها قالت :- ولله لو تقرب مني او تلمسني ان اشتكي عليك بتهمة التعدي على حقوقي وهي طيارتي كسرتها ياحمار وانك تجرئت ومديت يدك علي ... وخلني اشوفك بالمخافر يالمعصقل ... (الولد في قلبه ناااار وده يطقها بس مايقدر يمد يده عليها .... فيصل مسك ضحكته على السان هالبنت ... وده يعرف وين شايفها بس ناسي .... التفتت اميره من جهة فيصل بتروح عنهم ... بس صدمت بصدر فيصل رفعت راسها وجاي شكلها غلط ... هي طولها يعني موب مره وهو طوييل وجثه ... انصدمت لما تذكرت وجهه بالطريق للعين .... قالت :- وانت هيه شتبي لاحقني !!!!!! (وهي تقول بقلبها ... لا يكون مصرررر انه يخطفنـــــــــي !!! يؤ يمه بسم الله علي ... يخسى الا هو ...موب قادر انا الراويه الشغل ... -(فيصل تذكرها هي اللي بالطريق علطول تنرفز لما عرف انها هي ذيك .... لف عنها ومارد عليها ... -(أميره حست بقهر ليش كذا يحقرها وكأنها ماتكلمه .... لحقته وهي تقول :- هيه أنت تراني عارفه حركاتك هذي علبالك ماتعرفني !!!! شف اذا بتسوي فيني شي ولله لا أقول للأخوي يتصرف وياك ... -(لف عليها وبقلبه ضحكه عليها :- انتي اللي شتبين لاحقتني وطالعه لي بكل مجان ؟؟؟؟ -هاهاهاااا يبئى بأحلااامكـ ياوااد ألاحق ويهك من حلاته !!!! يعني مصدق انك بتخققني بذالعيون الزرق مدري وش لونها ؟؟؟؟ (وهي بقلبها تقول ... يعن أبو ذالعيون ماحلاها ... ولا ذالشعر الأشقر !!! هو عربي ..) -اقول انت الحين من وين !!! (قالتها بابتسامه فجأه ... رفع حواجبه مرتاع من مزاجها ... -وانتي شكو !!!! -(حست ان وجهها طاح وهي تقول :- لا بس شفتك أشهبن الهب قلت ذا شكله ياباكستاني ولا مصري <~ يقالها ترد الفشيله له .... -(ابتسم وهو يقول :- وبرضو انتي شكووو !!!! -بقلعتك الله يقلعك ... (لفت عنه وهي رايحه للطيارتها الكبيره وواظح عليها غاليه بس مكينتها تعطلت بسبب ذاك الولد رغم انها هي الغلطانه ... حادته بالهوآ وصدمت فيه وبكذا خربت المكينه ... فيصل يطالعها بقهررر وهو يقول في نفسه .. صج ماأوقحها هالبنت ... لسانها أطول منها ... ذا قدها كبر اصبعي ولسانها طولي مليون مره ... راح للطيارته وهو يشغلها .... التفت على مراقب النادي هذا :- لو سمحت ابي أسألك متى المسابقه !! -بعد يومين .. ماتشوف هذيج البنيه ليش معصبه !!! طيارتها جديده وعلطول خربت .. رغم ان الكل داري انها هي الغلطانه وأعتقد حتى هي تعرف انها الغلطانه بس الا تعاند مثل عادتها ... ماخلت أحد هني بالنادي الا وتطاقت وياه .... ياخي لسانه متبري منها !! رغم انها صغيره عمرها تسع تعش على ماأعتقد ... -(بصدمه كبيييره :- تسع تعـــــــش ... -أي شفيك أخترعت !!! -يؤ حسبالي عمرها ست تعش ولا خمس تعش ؟؟؟ -هههه أي أول ماياتنا هالبنيه الكل استلطفها على بالهم صغيره وأعتبروها أختهم الصغيره بس مامداهم يحاجونها الا طلع لسانها هذا وهي تهاوش وتقول أبزر عيالكم أنا جايين تقولون لي ياحلوه ياشطوره .. ومن هالحجي اللي ماله نهايه ... -يؤ يؤ يؤ هذي صج ملسونه ... -أي ومابعد شفت شي .. -غريبه انا آخر مره ييت فيها العين قبل شهر ماشفتها ؟؟؟ -أي هي يديده هني ... تصدق اذا مايت يصير الساحه هني مالها صوت غير الطيارات .. بس اذا يت هي صوتها يعلى أكثر من صوت الطيارات.... عاد تدري !!! ولله هي اللي خالقه لنا جو مرررح ... صحيح انها كل يوم تتهاوش مع أحد بس توسع الصدر ... بالأخير تجي وتقول للي هاوشته بضحك ...(يقلد صوتها :- الحين انت مسوي نفسك زعلان ... اقول لا يكثر وتعال خلنا نتسابق ... وكأنها ماساوت شي وياه قبل ... بس خلاص الكل تعود عليها وصرنا ماناخذ طقاقها بمحمل الجد لأنها لا يمكن تترك الطقاق عنها ... -صراحه ماأدري شلون صابرين عليها ... -هههه انت بتعرفها بعدين وقول لنا شرايك فيها ... -ومنو قالك اني ابي اتعرف عليها من حلاة ويهها ذي ؤم لسانين .. -(صوت من وراهم :- ؤم لسانين بعينك .... خير انشالله تحش من وراي ... ولا عشاني وريتك العين الحمرا رحت تستقوي علي بس من وراااي .. أي اعترف وخلصنا ... -(ناظر فيصل للمراقب وهو يقول بصوت واطي :- ؤف فجني منها واللي يعافيك ...انا ياي هني أغير جو موب ناقصني ذي تطلع علي وتخرب لي سعة صدري هني ... -(أميره وهي تطل براسها عليهم :- هيه انت وش قاعد تتساسر ويى حمود ... (المراقب اسمه أحمد ... بس هي تدلعه بحمود ... دايم يضحك غصب عليه اذا جت تسولف ولا تسوي نفسها معصبه وهي مع جمبها .. بس هالمره ماسك ضحكته ... التفت فيصل عليها :- ترى لي أسم ... -لا عاد يديده ذي علي تصدق ... اايييه ولا انت الحين قاعد تلمح لي اسألك شنو أسمك عشان تطق رباعه وياي !!! لا ياعمي روح ترى أنا بنت حموله ... يعني ماينلعب علي بسهوله وتراني انا فاهمتك من زمان .. -وش فاهمه !!! -اللي هو ببالك انا فاهمته ... -لو انج فاهمته كان ماقعدتي قبالي دقيقه وحده ... -أي صح موب انت ثعلب ينخاف منك .. -ثعلب !!!! (لفت عنه ويه جايه بتروح ... وقفت والتفتت عليه :- اقول هيه انت ... -(مارد عليها .... -انا أدري انك ثعلب بس مادريت انك ثعلب أصمخ هذي يديده علي ... -(أحمد ماسك ضحكته ... فيصل يطالع أحمد مقهور لأن واضح شكله بيضحك ... نغزه بصبعه انه يسكت ... التفت عليها وهو يقول :- هاه خير وش تبين !!! -(ابتسمت ابتسامه وسيعه وهي طالعه مملووووحه على هبالها :- أتحداك بعد بكره تفوز علي ... وأنا ولا أنت (ثم طالعة طيارته القديييمه والصغيره شوي .. وكملت بستهزاء :- من أي عصر طيارتك !!!! المهم اذا فزت راح تكافئني بـ ... آآآمممممممـ .. شوي خلني أفكر ؟؟؟ اقول حمود شرايك لو فزت وش يخدمني فيه ؟؟؟ -(وهو يهز كتوفه وفيه الضحكه :- انا مالي شغل فيكم.... -ؤفففففـ عاد انت راعي سحبات خايف من ذا عشانه حلو ... < ~ وش دخل حلو بس الظاهر ماتقدر تنكر وسامته غير بهالطريقه العجيبه كخخخـ ... أحمد هنا ماقدر يتحمل ,, انفجر من الضحك ... فيصل طنقرت معه من أميره وتريقتها عليه ... -(أميره يوم شافت أحمد ضحك قالت للفيصل :- واحد صفر هاهاااي <~ تقصد انها ضحكت عليه أحمد ... -(فيصل مقهور بس ماحب يوظح :- طيب بشري أمج ... -لاااا كلش ولا امي بتفقع ويهي موب ناقصه أنا ... -(مافهم بس سلك لها ... -(كملت هي كلامها :- خلاص انا قررت مايلي ... اذا فزت أنا أبيك تعزمني يوم كامل على الفطور والغدا والعشا برى على حسابك .... -(بروعه :- ؤمـــآآآ ياعمه طيرييييييييي ... يخب عليك غدا بس موب فايزه اقولج من الحين ... -ؤخص ياواثق طيب ماقلت لي وانت اذا فزت شنو تبي ؟؟ -(ابتسم بخبث :- أبيج تشترين لي طياره يديده بما ان هذي على قولتج من العصر الحجري .. -(أميره واثقه من نفسها بتفوز عشان جذي قالت :- ؤكي اتفقنا .... """""""""""""""""""""""""""" يام وهي تحاول تحتك في الدكتور طلال بالمسن رغم انه موب معطيها وجه ... بس هي ماتطلع من عنده الا ومخليته يحاكيها لو عالأقل مجاوب على سؤال من أسألتها ... ودها تفقد الأمل انه يعطيها وجه بس رغم ذلك مصرررره انه يعطيها وجه ... بالجـــــــــــــــــــآمعه .... جوجو جالسه على كرسي بالحديقه وهي فاتحه جوالها وتطقطق فيه ... سعد شافها من بعيد جالسه لحالها ... تردد بالبدايه يروح لها بس أخيرا راح لها وقال :- صباح الخير جوجو ... -(ابتسمت له :- صباح النووووووور ... -ممكن ايلس وياج شوي ؟؟؟ -وليش شوي ايلس وياي لين مايبدى كلاسنا !!! -(ابتسم :- ؤكيه ... -اقول سعد .. -سمي .. -سم الله عدوك ... ماشفت لي تولين من اليوم وانا ادورها ؟؟؟ -لا ولله بعد انا من زمااان ماشفتها .... -(ترددت شوي بس بالأخير قررت تقول :- اقول سعد -نعم ؟؟؟ -انت تحب تولين ؟؟؟ -(ابتسم لها وهو يقول بثقه :- لا .. منو قال ؟؟ -(الرتبكت من سؤالها الغبي ثم قالت :- سوري بس توقعت جذي يعني .. -صراحه ومأكذب عليج .. من قبل كنت متوقع انها حب حياتي ... بساكتشفت بالنهايه أنها مجرد وهم بقلبي .. وتولين لا انا ولا هي نصلح حق بعض ... بس تقدرين تقولين موب محبه .. لا هي غاليه عندي ومثل أختي بس ... -(خافت انه يفهمها غلط ويتوقع انها تحبه ولا شي فقالت :- لا بس جان ودي أقرب بينكم أكثر بس بما انك تقول مأحبها ماأقدر اقول أي شي أكثر __^ -(ابتسم لها :- لا شكرا .. تولين مثل اختي وبس ... (بهاللحظه دق جوال جوجو ... -آلـــــو هلا توتي ... -اقول جوجو ... وين أوراقي اللي عطيتج اياها تبع الواجب ؟؟ -(وهي عاضه شفتها :- ياربييييه نسيتها ويى الدكتور طلال ... (سعد فهم كلامهم ويفكر كيف ان تولين بتستغل هالفرصه تتقرب من طلال ... -(تولين توترت وقالت بقهر :- جوجو ليش نسيتيها وياه .. -طيب عادي انتي روحي وخذيها منه ؟؟ -يوووه منج ... طيب انتي ليش عطيتيه ؟؟ -بس عشان اقوله اذا ترتيبج للأجوبه صحيحه عشان أساوي مثلها ... -ولا يكون قلتي له ان الاوراق لي !!! -مو انتي كاتبه اسمج عليهم ؟؟؟ -يووووه ... طيب انتي روحي وييبي الأوراق منه !!! -لا مستحيييل .. -وليش حظرتج ؟؟ -توتييي تدرين يوم رحت له أراويه الأوراق اختبصت مره ... عاد شلون لو ألحين الروح اقول له عطني الاوراق .. اكيد بيقول وين اوراقج انتي مايبتيها ؟؟؟ وانا توني مانتهيت من كتابة الأوراق باالكمبيوتر ... تدرين كمبيوتري متعطل لـ ... -(قاطعتها بقهر :- خلاص خلاص ؤكي ... (ثم سكرت الجوال ... وهي حدها مقهووووره من جوجو ... ؤففففـ الحين ضروري اقابل ويهه بعد الكلام اللي قالي اياه آخر مره .... صحيح اني احاجيه بالمسن بس عالأقل مايدري انه انا ... ياربيييه وش اسوي الحين .... الروح ولا لا !!! مافي حل غير الروح وأييبها منه بدون ماأحاجيه ... (بسرعه وهي تمشي صدمت بصقر اللي كان سرحان بأفكاره في ليان ... له كم يوم ماشافها والظاهر للأبد ومايدري ليه هو يفكر فيها دامها سوت اللي يبيه وتركت الجامعه !!! التفت على تولين معصب من صدمتها القويه على كتفه .. -(بس تولين كانت اسرع منه بالغضب وشوفة النفس أكثر منه :- هيه انت ماتشوف طريجك ؟؟؟ ؤف ... (صقر مجمد مكانه لما لمح وجهها بسرعه وراحت عنه ... هذي ليان ولا انا مشبه ؟؟؟... معقوله من كثر ماأفكر فيها صرت أشوف ويهها وهم !!!! يارب انا وش صار لي ؟؟؟ ؤفففـ منك ياصقر انسى انسى ... هذيج البنيه مجرد عائق عليك بدراستك ............ (توليـــــن وهي تمشي بسرعه قبل لا تبدى محاظرتها .... لما وصلت مكتب طلال تنهدت بصعوبه وهي تحاول تاخذ لها نفس عمييييق انها تدخل عليه بدون خوف او توتر ... طقت الباب ثم دخلت ... الغرفه ماكان فيها غير طلال بمكتبه والباقي موب موجودين ... -أحم ... -(طلال كان لاهي يكتب في ملف .. التفت على تولين بس بعد نظراته علطول وهو يقول بصوته الخشـــن :- نعم شبغيتي تولين !!! -(الرتبكت شوي ثم قالت وهي تتذكر توعدها مع نفسها تكون أقوى من ماهي عليه .. حاولت تكون واثقه :- بغيت الأوراق اللي عطتك اياها جوجـ.....الجوهره .. -(بدون مايطالعها :- أي اوراق !! -اوراقي يتك الجوهره تستشارك فيها للواجبها ..؟؟ -(فتح درجه وهو يدور عليها .... فتش عليها عدل بس مالقاها ... توهق فيها كيف تظيع من عنده ... التفت عليها وهو يقول :- وانتي شتنطرين هني .. روحي دوري بالدرج هذا ... (حست نفسها بزر عنده بس تصبرت شوي ونفذت اللي قالها عليه ... بس برضو مالقت شي ... وهي تفتش بالدرج حست بشي يتحرك بداخل الدرج .... استغربت بس كملت تفتيش ... وماحست الا بحشره على يدها .. رفعت يدها وهي تطالع الحشره بجموووود .... ماقدرت تصرخ لأن لسانها انربط من الروعه .... امتلت عيونها دموع بسهوله من الخوف .. لأن الحشره كانت كبيره شوي ... طلال حس انها واقفه بدون ماتتحرك ... التفت عليها مستغرب بس انصدم لما شاف دموعها بعيونها وواجهها منقلب من الخوف .. ناظر يدها ولقى الحشره عليها .... استغرب ليش ماتتحرك ولا تصارخ بس موقفها صار ابشع من أي شي ثاني لما شاف دموعها !!!! راح لعندها وهو بيده منديل .... شال الحشره بهدوء ورماها من الدريشه وهو يقول بابتسامه :- تولين عاد مو لهدرجه دموع ؟؟؟ (رجلينها تحس انها موب قادره تشيلها من الخووووف .. جلست على الأرض وبدت تبكي وتمسح يدها بقووووووه على الفرشه للدرجة ان يدها صارت حمممممررررررااا .. طلال انصدم منها ... قرب شوي وجلس عندها وهو يقول بالرتباك مايدري وش يقول لها وبنفس الوقت ابتسامه على دهشه من دموعها ... بس احنا ندري ان تولين دلوعه للدرجة الغروووووووور .... وتخاف من ابسط الأشياء .. يمكن دليل للنعومه والأنووثه (الزاااايــــــــــده ) <~ وفيه من أمثالها كثير الله يصبر رجيجيلهم عليهم __^ -تولين خلاص مسحي دموعج .. بعدين ترى انا مدري ان فيه حشره ولا جان ماقلت لج دوري ... تولين (دنق راسه يطل بوجهها ولقاها لازالت تبكي ... مد لها منديل ... خذته منه بدون ماتطالعه ... مسحت دموعها ... بس شوي وتذكرت الحشره على يدها ... رجعت تمسح على الفرشه الخشنه ... طلال انصدم من يدها اللي صارت حممممممررررررررررا .... سحب يدها وهو يقول :- انتي مينونه ... طالعي ايدج وش صارت .... (تولين رفعت عيونها على يده اللي ماسكه يدها .... لما رفعت عيونها عليه ... حست بقربه منها كثيييييييير وهو ماوخر عيونه عنها .... اختبص من حركته معها وانقهر من حاله جوات نفسه وش هالحركه اللي سواها معها ... سحب يده بسرعه عن يدها ووقف وهو يقول :- خلاص اعتبري أوراقج وصلت لي ... يعني انا برصد لج درجتج عندي انج قدمتي الواجب ... والحين تقدرين تروحين .... (حس ان مافيه أحد يتكلم ... التفت عليها وهي جالسه ومنزله راسها ... استغرب منها وقال :- تولين ؟؟؟ -(تولين تذكرت موقفها مع الحشره وحست بشكلها مضضحححك وهي تبكي مثل الأطفال .... ماقدرت تمسك نفسها وضحكت بقوه .. طلال فتح عيونه من الصدمه ... بسم الله عليها هذي شفيها !!! لا يكون انينت ؟؟؟ -(راح لها وهو يقول :- تولين شفيج ؟؟؟ -(وقفت وهي تحاول تمسك ضحكتها بصعوبه وقالت :- لا بس تذكرت شكلي (وكملت ضحك ) (طلال سكت شوي بس تذكر شكلها لما جلست عالأرض وبدت تبكي .... ماقدر يمسك نفسه من الضحك .... شوي سكتت تولين وهي تطالعه مبتسمه ووجهها أحمر من الضحك والدموع ... طلال رفع عيونه عليها وابتسم .... بس شوي راحت من فمه الابتسامه ... شاف بعيونها لمعه غريبه .... حس فيها بالتوتر ... حس بعيونها الف معنى ومعنى ... ماقدر يفهمه ... بهاللحظه دخلت عليهم دكتوره جولييت ... تولين اختبصت بس فضلت انها تطلع ... لما طلعت طلال كان للحين واقف ويفكر بنظراتها اللي قبل شوي ... حس بعيونها حكي ومعاني ... مافهمها """"""""""""""""""""""""""""" ليان :- ؤكي خلاص ... -(الرجال بعمر الأربعينات قال :- خلاص عي لانت روح وابتدي شغلك من اليوم ... روح وخذ وياك الفوطه والسطل فيه مويه وابتدي من الأشاره ... وحاول انك تمسح باللي تقدر عليه بسرعه قبل لا تفتح الاشاره وتاخذ منهم حق التغسيل .... واذا شفتك ماشي بالشغل وياي عدل خليتك تنتقل للمواقف تغسل سيارات بالكامل .. وأكيد راح يرتفع راتبك عندي ... ليا كانت طول الوقت منزله راسها ومغطيه نص وجهها بالقبعه وتهز راسها بالـ (موافقه ) .. الرجال استغرب منها شوي او بالأصح منه لأنه علباله ولد ... ليان راحت لهشغله لأنها الوحيده اللي ماراح يطلب منها لا أوراق ولا جواز ولا شي ..... غسل وبس ... ناس تترزق الله بأي شي ... ............ ليان وهي واقفه بالاشاره تنتظر الاشاره تكون حمرا ... أحمـــــــــــــــــــر ... انطلقت بسرعه للسياره .... لما مسحتها بسرعه طقت الدريشه .... وكان صاحب السياره ( ريـــــــــــــآن ) ... رفع عيونه عليها ومستغرب ليش منزل عيونه عنه ؟؟؟ حاول يلمح بس مو ضابطه معاه ... الاشاره صارت حمرا .. رفعت راسها بسرعه ليان وكانها تقول عطني وخلصني ... (بس لما شاف وجهها تذكر نارا علطول ... فتح عيونه بصدمه ... انتهى البارت الثالث وهو آخر بارت من الباب الثاني ..... انتظرونــــــــــــــي بالباب الثالث مع الجزء الأول .... لا تحرموني من تعاليقــــــــــــكم وأآرآئكــــــــم ... فهي تهمني كما يهمني ان تنال قصتي اعجابكم .... 
|
|
#11
March 8, 2015, 01:35 PM
|
||
|
|
||
|
رد: رواية توأم و لكن أغراب في جامعة أمريكية للكاتبة VirsatChe
(بالجامعه ....
فيصل رجع أمس الليل ومالقى عبادي ببيتهم عشان كذا الضطر يروح ينام عند صاحبته البريطانيه جينفر ... جينفر الغنيه .... بالصباح قومته جينفر وهو نايم عالكنبه .... فتح عيونه وهو يطالع المكان الفخممممممممممم ..... تمنى لو يكون عالأقل عنده مكان ينام فيه وموب شرط كل هالعز .. تذكر سوالف جينفر امس وأنها قالت راح توي حفل لعيد ميلادها وبتدعي الكثييييييييير من الجامعه ببيتها القصــــــــــــــــــــــــــــــــــر ... ابتسم لهالفكره الحلوه ... عالأقل راج ترجع ايام جينفر وحفلاتها اللي ماتنتهي وكل وحده احلى من الثانيه .... لما وصلو بالجامعه ... جينفر مسكت يد فيصل ... بس فيصل سحب يده منها شاف عبادي واقف مع وتين مره ثانيه .... طنقررررررررررت معه وبقوووه .... راح لهم وهو يسحب عبادي بقوه ويقول :- وينك امس قاعد ادق عليك ماترد ؟؟؟ -(سحب يده بهدوء وهو يقول :- كنت مشغول .. -مشغول !!!!!! طيب كان رديت علي عالاقل .. امس كنت بحاجتك وبسببك رحت ونمت عند جينفر ... -طيب وانا مكلوف فيك ولا شايف بيت أهلي ؤتيل ؟؟؟ ترى بالبيت اذا ماتدري فيه شي اسمه حرمااااات وماأعتقد انك ماتدري .. موب بكل مره تيي وتنام عندنا ... -(فيصل حس بااهانه قوييييييييييييييييييييييييييه بحقه ... قال بصدمه :- عبيد انتش قاعد تقول ؟؟ -اللي سمعته ياخي ... بعدين لا يكون زعلت ترى هذي الحقيقه يعني موب المفروض انك تزعل ... يالله تعال ويلس وياي ... (غمز له :- ويلس مع حبيبة قلبك وتين ... -(فيصل مقهوووووووور وبقوووه ...لف عنه وراح بعيد عنهم ..... وتين باستغراب :- شفيه رفيجك ؟؟؟ -ماعليج منه ... بس لأني اقول له أمس مشغول وماقدرت الرد عليك عطاني كم تهزيئه وراح ... -اصلا واظح عليه شوفة النفس من زمااان ... وانت كيف تمشي مع مثل هالأشكال ؟؟؟ -شقصدج ؟؟ -يعني واحد معروف صيته بالجامعه كلها مغزلجي وراعي بنات وقذاره ..!! شتبي وياه ؟؟ -ولو هذا رفيجي وأنا مستحسل اخون رباعتي وياه عشانه جذي ... وموب شرط اذا كان رفيجي بصير وياه عادي هو حر بنفسه وانا حر بنفسي ومو لم حركات المغازل وقلة الحيا هذي .. -يعني انت تعرف ان اللي يساويه قلة حيا بس ساكت ؟؟ -أي ومن قلة الأخلاق اني اتركه عشانه جذي ... الا اذا صرت مثله .. وانا اختلف عنه بكثير .. وماقد حبيت بعمري ولا مره .. بس الضاهر اني بديت أحب وقلبي تعلق بوحده .. -(عقدت حواجبها :- منو هذي ؟؟؟ -(ابتسم وهو يشوف القهر بعيونها :- ليش غيرانه ؟؟؟ -للللـ ... لـ -(حط يده على فمها وهو يقول :- انتي .... اللي يحبها قلبي هي انتي ... -(سكتت مصدوووومه وموب مصدقه روحها باللي سمعته ..... حست بقلبها يدق بسررررعه ... كان فيه شخص يراقبهم من بعيد وهي نارا ... من كثر ماتتفرج على الجامعه كلها صارت تعرف كل واحد فيهم ومنو اصحابه ومنو حبايبه ... ابتسمت ابتسامه خفيفه وهي تطالع اشكالهم وواظح عليهم الحب ... تذكرت ريان علطول ... ثم سرحت فيه نوف نقزت جمبها وهي تبوس خد نارا وتقول : فديت الحلو ليش سرحاااان ؟؟؟ -(مسحت خدها وهي تقول بقرف :- نوف انا جم مره قلت لج لا تساوين هالحركات ... مااااأحبها ... -طيب انا شساوي اذا كنت احببببببببج ... -(تنهدت بقل صبر بس طنشتها ... مرو قدامهم برهوم ودحوم وريان ... -برهوم :- يالله يالله قومي اوصيج روحي حبي ريول ريان مره ثانيه عشان يعرفج هههههااااااي ... (مطنشتهم وهي تطالع ريان اللي موب لمهم لاهي بالجوال ... نوف مو فاهمه شي بس تحاول تفهم وهي تقول بصوت واطي لنارا :- هذولي شيقصدون ؟؟؟ (ماردت عليها نارا ومطنشتهم كلهم ... لفت تطالع الطلاب وهي طفشت من حالتها مع ريان ...وماتبي جروح بقلبها ثانيه بسببه ... -دحوم (يقلد صوت نارا المبحووح :- انا نارا ياريان ماعرفتني .. تهئ تهئ تهئ يالله يالله بالله ابجي احسن هههههههااااي ... -برهوم :- لا قصدك يبيلها مصحه نفسيه ... شوف كيف شكلها وماتلومها اذا تلزقت بريان ... هيه انتي يابلاك شدو على قولت شباب الجامعه ههههههههههـ صج من سماج جذي .... (نوف وصصصصصصصصصصلت معها وبقووووه وهي تسمع تهزيئ برهوم لنارا ...وهي عارفه ان نارا مايهمها شي وماراح تاخذ حقها من هالواطي... وقفت بعصبيه وبسرعه منها شدته مع قميصه وعطته بوكس على فكه ..... < ~ (يفيدون البويات بهالمواقف كخخخخخخخـ ).... تهجمت عليه وماعطته فرصه يدافع عن حاله وهي تلعن وتسب فيه .... نارا وقفت وراحت عنهم بهدوء ولا كأن شي صاير .... ريان التفت عليها وهو يطالعها .... ومن بعيد يزيد يراقب الوضع .... وبالذات يطالع ريان كيف تصرفاته الغريبه ويطالع نارا وهو اللي يقول ماأعرفها ... انا ماأكون يزيد اذا ماعرفت وش سالفتك ياريان ... فكو بينهم بصعوبه ونوف معصصصبه وهي تقول :- تفو عليك ياحيوان يامـ#### يافـ#### ياجـ##### ... ولله ولله لو اشوفك مره ثانيه متحجي عن نارا شي ولله لا أخلص عليك اليوم قبل بكره ياخـ##### -(برهوم منقهرررر وهو متعور من ظربها وكأنها واحد من الشباب ... قال :- ماناقصني الا انتي تهدديني ياقـ##### ... انا مدري ذيج الساحره المينونه شمسويتلكم عشان الكل يدافع عنها ..... ولا انتي ماينشره عليج مثلها بذالأسود جنكم ينانوه طالعين من تحت الأرض .... (التفتت على ريان وعرفت تقريبا ان نارا هي اللي هامها ريان ... راحت عنده وهي تقول بحتقااار وقهررر وغيرررره :- واحد مثلك مـ ##### مدري شلاقيه فيه نارا ... تفوه عليك ياوسـ### ياوا##### ... (يزيد ابتسم من بعيد ومستانس من نوف باللي سوته فيهم وبردت على قلبه لأنه مايقدر يسوي أي شي ولا بيخرب كل شي يخطط له .... نارا وهي تمشي شافت تولين واقفه بغروووور وهي تقول لواحد يحاول يتغزل فيها ... -ماعاد الا ذي ... أعطيك ويه انت ياشييين ... واحترم حالك انا بنت ناس ومتربيه ... واذا مو محترمني شوي احترم الحجاب اللي لابسته انا .. لو اني بدون حجاب وقذره مثل هالبنات تعال حاجني وبعذرك ذيج الساعه وحتى لو اني مو متربيه مستحيل اعطيك ويه ... (طلعت من شنطتها مرايه وحطتها بوجهه وهي تقول بغروووور :- شفت هالويه .. بالله يستاهل وحده مثلي تعطيه شوية اهتمام او نظره ... صج انك متخلف مريض ... وخر عني قبل لا أوصلها للمدير يتصرف وياك ... (الولد راح ... نارا تطالع تولين بحتقااااااااااااااااااااااااااااااااااااااااار وهي تقول بصوت واطي :- ولله انتي المريضه .. شايفه روحها على شنو ماأدري ... ياكرهي لها بس هالبنت ... ماأقول غير الله يصبر أهلها عليها ورفيجاتها ... ياكرهي لها بس ... لفت عنها وراحت .... تولين وهي بتدخل المبنى رايحه للمحاظتها للدكتور طلال ... سمعت جينفر تناديها بصوت عالي ... التفتت عليها وهي تشوف جينفر جالسه مع فيصل وشلتهم ... بس فيصل ماكان لمهم ... لاهي يفكر بعبيد وقلبته الغريبه عليه !!!! جينفر طلبت من تولين تجي للحفلتها بعيد ميلادها ... وعطتها الدعوه ... الشله كانو يطالعون تولين وخااااااقيييييييييييييييين بقووووه .... ابتسمت تولين لجينفر وراحت .... -(واحد من شباب شلتهم :- يعن ابو شكلها مازينها هالبنت ...اخ من جينفر تعرفها وحنا ماندري ولا عرفتنا على هالحلوين اللي مثلها -(واحد ثاني قال وهو يطالع فيصل :- بس موب جنها تشبه فيصل ؟؟؟ -(التفتو كل الشباب يطالعون فيصل ... فيصل حس انهم يطالعونه ... التفت عليهم وهو يقول :- شفيكم !!؟؟ -(عبدالله :- شفت البنيه اللي تو ؟؟؟ -لاء ليش ؟؟؟ -(عمر :- ياخي تشبه لك !!! -(ضحك بستخفاف عليهم فيصل وهو يقول :- اقول ولله انكم فاضين ؟؟؟ قاعدين تطلعون الشبه بين خلق ربي ...؟؟ وبعدين حتى لو تشبه لي ... ماقد سمعتو .. يخلق من الشبه الـ(40) ؟؟؟ -(طوني :- أي بس مو للهدرجيييه يعني كتيير البنت بتشبه لئلك ؟؟؟ -لئليك!!!!! هههه ياخي شايفني جدامك بنيه تقولي لئليييك ..؟؟ -(طوني يضحك :-أي وشو بدي اعملوكون ... انتو من كتر لهجاتكون خبصتوني ... ياللي بيحكي امراتي وياللي بيحكي ايطالي وياللي بيحكي بريطاني وياللي بيحكي مصري ويا ويا ويا كتيرييين انتو ... -(عبدالله :- ههههـ طيب وش له يالس ويانا روح دورلك على واحد بس ... -طوني :- ههههههـ الزاهير هاد احسن حل ههههههـ ... """"""""""""""""""""""""""""""""""""""" تولين جالسه ورى وهي ماسكه قلم طلال وتفكر فيه .... طلال كان يشرح وتولين موب لمه ابدا ..... فتحت الدعوه بس لقتها بنفس يوم روحتها للمزرعه عشان كذا هونت تروح ... بعدين فكرت بعقلانيه انو امها لا يمكن تخليها تروح بمكان فيه شباب وبنات لحالهم مخصصين .... طلال شافها لاهيه من بداية المحاظره .. راح عندها وسحب منها الدعوه وهو يقول :- شنو هاللي شاغلج ؟؟؟؟ (لما قرى الدعوه قال :- هذا اللي فالحه انتي فيه ؟؟؟ -(نزلت راسها ولا ردت ) -(بصوت عالي للكل يسمع :- احنا نشرح وانتي تفكرين بهالحفله .. ولا تفكرين شنو تلبسين ؟؟؟ لا عاد انتو أكيد مايصلح تلبسون اللبس مرتين... (وهو يكمل بصوت تريقه ينعمه على انه تولين :- يؤ الناس ذوللي ماشافوه علي .... لازم لازم اروح للسوق .. ياربييييه أي سوق الروح له ....هذا السوق ولا هذا السوق ؟؟ يؤ لا مستحيل اخاف اطلع الشين وحده وبلا بلا بلا بلا ....الى مالانهايه ... (هنا ضحكو اللي بالقاعه على تريقة طلال لتولين .... (كمل بصوته الخشن :- خلي عنج هالخرابيط اللي موب فايدج ... رماها على الطاوله ورجع يكمل الشرح ... (خنقتها العبررره من قسوته وتريقته عليها ... وبالذات هو ... لما انتهو طلعو الكل وتولين لحقة الدكتور وهي حدها مقهوووره ... لما وصلت عنه وهو قده بيدخل للمكتبه .. -دكتور طلال ممكن لحظه .. -(بدون نفس :- نعم شبغيتي تولين ؟؟؟ -ممكن اعرف ليش تتصرف وياي بهالقسوه ؟؟؟ -انتي اللي تجبرين الواحد على جذي ... -بس انا الوحيده اللي تساوي معاي جذي .. قول انك تكرهني وبس ... -(ضحكه خفيفه :- ولي شانا اعرفج عشان اكرهج ... مدري عنك ؟؟ -تولين انا مشغول الحين اذا عندج شي ثاني قوليه بسرعه موب فاضي ... (لفت عنه وراحت وعيونها غرقااااانه دمووع .... سعد شافها وهو يقول :- تولين فيج شي ؟؟؟ -سعد واللي يعافيك فجني ... (استغرب منها شوي بس سمع صوت جواله ... -الو .. -الو هلا جواهر ... """"""""""""""""""""""""""""""" ليان وهي جالسه تشتغل عند الاشاره .... مرت وقفت سياره وأشر لها صاحب السياره ... ركضت عنده وبدت تمسحها بسرعه.. لما انتهت طلت براسها عليه بس بدون ماتوضح وجهها اللي منزلته ... -(فيصل بدون مايطالعها طلع كم درهم وعطاها ... لما طالعت الدراهم قالت بصوت واطي كعادتها بالويل ينسمع صوتها من حياها وصمتها الدائم ... -بس هذا شوي ؟؟؟ -(قال فيصل وهو يلتفت عليها :- مامعي حق نفسي عشان أعطيك ؟؟؟؟ أحمد ربك بس على اللي بيدك ... وان لك مجان تنام فيه موب مثل بعض الناس ... فتحت الاشاره وليان ركضت للرصيف وهي تقول بقلبها ... معه سياره ومستخسر فيني جم درهم .... ؤف ناس بخيله ... (مايدرون ان كل واحد حالته اصعب من الثاني .... """"""""""""""""""""""""""""""""" أميره بصرخه :- راح للدبــــــــــــــي !!!! هالردي انا اراويه ولله لو يروح للآخر كوكب انا لاحقته .. وأصلا امي تقول بكره بنرد للدبي وانا اراويه الشغل كيف ... (ضحك عليها احمد وهو يقول :- سلميلي عيل عليه ... -الله لا يسلمه ولا يسلمك وع مالت عليك انت وياه ... وش لاقين فيه هالبنقالي ؟؟؟ -انتي اللي تكرهينيه مدري شفيج عليه ... -عدااال عداااال هو اللي يحبني عاد !!!! صمخ بويهه جعله يصمخ بماصوره جدامه مايشوفها ... -استغفري حرام عليج يمكن الولد الحين مات بسبب دعوج ... -وه بسم الله قطيو بعشر الرواح لا تخاف عليه بس ... بس ماقلت لي وين يعيش -وانا شدراني ؟؟؟ بس اللي اعرفه قال لي قبل لا يروح انه لازم يرد عشان جامعته .. -ماقال لك شنوا لجامعه ؟؟ -الا قال الجامعه الامريكيه .. -(بشهقه وهي مفتحه عيونها :- اهب ياولد ...وانا بأخيس جامعه وهو متربع لي بهالزين كله ولله لا الحقه وأراويه الشغل عشان يعرف منو الولد ... -(بصوت واطي :- الله يعينه بس عليج ... -شنو شنو قلللت !!! -هه هه لا ولا شي ... -ايه اشوا عبالي بعد ... """""""""""""""""""""""""""""" يزيد يلحق ريان لما دخل الصيدليه .... انتظر لما طلع من الصيدليه .. وعلطول دخل بعده .. -(سأل دكتور الصيدلي :- لو سمحت الشاب اللي طلع تو تعرفه ؟؟ -أي أكيد بعرفوه هايدا ريان بكل اسبوع يجيني مشان ادويتو ... -أدويــــه !!!! ليش بلاه الصبي شفيه سلامات ؟؟؟ -(بأسف :- المسكين بياخود أدويه لمرضه النفسي ... -مرضه النفســـــــــــــــــــي !!!! -أي عندو للأسف من الولاده انفصام بالشخصيه .... (يزيد علطول تذكر حركاته الغريبه وكمان فيه شي ملاحظه زييييييييييييين بريان وهي .. هزة رقبته الدااائمه وكأنه مريض نفسيا ... شلون راحت عن بالي هالحركه بالذات !!!! عشان جذي يساوي مع نارا !!! يؤ لو يساوي شي بنارا وهو مايحس بنفسه ساعتها شبساوي انا ... لازم اقولها وأنبهها قبل لا يساويلها شي .. (بسرعه طلع وهو يركض للبناية الشقق اللي فيها نارا .... انتهــــــــــــى البارت الأول من الباب الثالث ... انتظروني للبارت الثاني انشالله ... تعاليقكم آرائكم ... بالتوفيق يارب ...
|
|
#12
March 8, 2015, 01:37 PM
|
||
|
|
||
|
رد: رواية توأم و لكن أغراب في جامعة أمريكية للكاتبة VirsatChe
الباب الثالث .... الجزء الثاني .... يزيد يلحق ريان لما دخل الصيدليه .... انتظر لما طلع من الصيدليه .. وعلطول دخل بعده .. -(سأل دكتور الصيدلي :- لو سمحت الشاب اللي طلع تو تعرفه ؟؟ -أي أكيد بعرفوه هايدا ريان بكل اسبوع يجيني مشان ادويتو ... -أدويــــه !!!! ليش بلاه الصبي شفيه سلامات ؟؟؟ -(بأسف :- المسكين بياخود أدويه لمرضه النفسي ... -مرضه النفســـــــــــــــــــي !!!! -أي عندو للأسف من الولاده انفصام بالشخصيه .... (يزيد علطول تذكر حركاته الغريبه وكمان فيه شي ملاحظه زييييييييييييين بريان وهي .. هزة رقبته الدااائمه وكأنه مريض نفسيا ... شلون راحت عن بالي هالحركه بالذات !!!! عشان جذي يساوي مع نارا !!! يؤ لو يساوي شي بنارا وهو مايحس بنفسه ساعتها شبساوي انا ... لازم اقولها وأنبهها قبل لا يساويلها شي .. (بسرعه طلع وهو يركض للبناية الشقق اللي فيها نارا .... (من جهه ثانيه نارا كانت منسدحه على السرير ومطفيه كل المبات ماعدا شمعه صغيره ... وهي تطالع الشمعه وتفكر بحياتها التعيسه ولوين وصلتها الحال ... الشمع يذوب وهو حاااار ... مدت يدها ورفعت الشمعه على ذراعها ... غمضت عيونها الجاااافه من دموع كعادتها ولا مره نزلت دموعها ... قلبها صار قاسي من الدنيا القاسيه ... بلحضه غمضت عيونها بهدوء وكبت الشمع الذايب على ذراعها .... سكرت أسنانها بقوه وقلبها يعورها مو على الشمع ... لا على مواقفها التعيسه بالحياه ... طريقتها بالتفكير هو .. انو لما أتألم من حاجه بجسمي ... يمكن يبعد القليل من الألم بقلبي ... وهذا تفكير .. الايمـــــــــو .... (اللي مو ستايل __^ ) (بالشارع .. يزيد واقف ويطالع شباكها .... مو شايف أي نور .... توقع انها مو موجوده او نايمه ... تنهد وهو يقول بنفسه ... نارا دامني يمج عهد علي لا أحميج من كل شر .. (لف وهو راجع للبيته ... """""""""""""""""""""""""""""" الجميــــــــــــــع على الساعه 12 بمنتصف الليل ... تولين جالسه على اللاب وهي تسولف مع صاحبتها عالمسن .... وهي بغرفتها مافي نور غير نور الشاشه .... مشغله موسيقتها المعتااااااااده اذا كانت متظايقه ... موسيقة التايتانيكـ ... أمها مرت وهي تسمع الموسيقى بداخل غرفة تولين .... استغربت من حال بنتها اللي صاير على هالحاله ... وللأسوء كمان ... (من جهة طلال واقف وهو يطالع جهازه ويفكر بجوجو... معقوله تكون الحين هي عالمسن !!!! لا لا ماأتوقع ... تلاقيها نايمه الحين ... (وبالفعل جوجو نايمه هالساعه بس اللي يحسبها جوجو مانامت مثل ماأحنا عارفين ... تولين طالعت من اللي دخل بالمسن الحين ... دقات قلبها صارت اسرع لما شافت طلال متصل بالمسن ... -(صاحبتها :- هههههـ عاد شرايج ياتولين فيها موب طبيعه صح ؟؟؟ (تولين مو لم صاحبتها هيفا ابدا .. كله تطالع توبيكـ طلال وسرحانه فيه .... بس الصدمه فعلا لما دخل طلال والأول مره هو اللي يبدى بالحكي ... -السلام ... -(تولين طلعت عيونها على اخر حد ... طلال يحاجيني ... شسالفه .... ردت بسرعه :-وعليكم السلام ... -شحالج .!! -بخير ... وانت ؟؟ -(فيس مبتسم ) وأنا شنو ؟؟ -(الرتبكت شوي لأنها داريه انه يستهبل شوي معاها ... وانت شحالكـ ؟؟ -بخير .. دام بنت عمي بخير __^ -(تجاهلت كلمة بنت عمي وابتسمت مستانسه وكأنه لها الكلام :- تسلم ... -شفيج مانمتي للحين ؟؟؟ -مو يايني النوم ... -طيب طفي اليتات وغمضي عيونج وعلطول بييج النوم __^ ... -اذا على جذي عيل الكل مابيسهر وبينام بسرعه __^ ... -أي بس اللي فيهم الرق شي ثاني .. -^__^ وليش الأرق عاد ... -لأنه مشكلتي ^__^ -عيل وآنا برضو مشكلتي الليله هذي ... -وليش .. شمنه الارق عندج ..!! -من التفكير ... -(ابتسم طلال وهو يكتب لها :- منو تفكرين فيه !!! -(تولين ضربت خدها بخفيف وهي تقول للنفسها .... شسالفتي انا اتنح كل شوي وياه وأخبط له حجي ماأحس فيه .. ياربيه الحين وش لون برقع له ؟؟؟ -(تأخرت بالرد بس طلال ماأنتظرها وكتب :- لا يكون احرجتج وانا ماأدري ... -(تنهدت وهي تحاول تجمع ثقتها بنفسها المعتاده واللي تشتت من لما تكون معه او تكلمه ... أحرجتني بشنو ؟؟ -بالسؤال ؟؟ -لا مافيه أي شي يحرجني ...وليش انحرج منكـ ^__^ .. -(ابتسم :- انا ماقلت انج تنحرجين مني ؟؟ -(عضت شفتها وهي تحاول ترد عليه بأسلوب :- طيب بالنهايه ماخليتني أجاوب بشنو افكر فيه ^__^ -ههههـ أي صج .. بشنو ؟؟ -ولا شي (^__* ) -(ابتسم من الفيس وكلمتها :- طيب خليني أحزر بشنو تفكرين فيه ... -طيب يالله جرب حظكـ ... -أممممممـ بالاختبارات اللي يايه !!! -هههههههههـ من متى والدراسه تهمني .. -(هينا طلال عقد حواجبه لأنه يعرف انج وجو أشطر وحده بدراستها ..بس تولين نست انها مقتبسه شخصية جوجو ... عموما طرد هالأفكار وكتب :- -طيب تفكرين في رفيجتج تولين صح ... -(أصابعها عالكيبورد الرتجفت ... وليش افكر فيها ؟؟ -يعني عشانها رفيجتج ؟؟؟ولا .. -أي بس موب معناته اني افكر فيها ؟؟؟ غريبه يبت طاريها ؟؟ -وليش ماأييب طاريها مو هي رفيجتج ؟؟ -امبلا (^__^) -هههههـ طيب ليش اختبصتي ؟؟ -انا .. لا عادي .. (سكتو للثواني وردت تولين رغم ترددها :- طلال ممكن أسألك سؤال ؟؟ -(ابتسم :- أكيد ولو ... -(بتردد :- تولين لي شانت تعاملها جذي ؟؟ -أعاملها كيف يعني ؟؟ -مدري بس ملاحظه انكـ تعاملها بقسوه شوي .. -وهي برايج مو تستاهل القسوه ؟؟؟ -(بنفسها .. الحقيـــــر ... ثم كتبت :- لا .. -طيب انتي رفيجتها وأكيد بتدافعين عنها ... -لا مو معناته رفيجتي بدافع عنها بس انا اشوف انها ماتستاهل كل هالقسوه قدام الطلاب لها البنت تنحرج كل مره تفشلها قدام الطلاب ... -اهي اللي تييب هالشي للروحها .. -على فكره اهي تقول انها متأكد هان الدكتور كارهني من البدايه عشان جذي تصرفاته وياي .. -(ضحك بخفيف ثم كتب :- هو انا ماأكرهها بس تصرفاتها بتخليني صج اكرهها ... -يعني انت ماتكرهها الحين ؟؟ -هو ماأكرهها .. بس ماأستسيغها لا هي ولا حركاتها ... الا صحيح ودي اسألج سؤال وياليت مايطلع ولا تفهميني غلط ؤكي ..؟؟ -ؤكي .. -تولين راعية شباب صح ؟؟ -(طلعت عيونها بهالساعه وهي تشهق من قلب .. الخسيس الجلب .. الحيوان ... يييييييييه ياكرهه ... انا اراويك ياحقير .. -(كتبت :- ليش انت شايفها كل يوم متربعه مع شاب ولا يالسه مع شلة شباب ؟؟؟ ولا كل يوم متكيه مع ريال بالموبايل ... صج سؤالكـ سخيف ... -(عض شفته بقهر من نفسه وهو يكتب :- يؤ موب قصدي شي صدقيني بس انا أسأل يعني ... -طيب اذا هي تحاجي رياييل وشباب جان شفتني مثلها ... وانت تشك فيني ؟؟ -أكيد لا ... -عيل ليش تشك فيها ؟؟؟ -مدري بس احس بينها وبين سعد شي ... وبعد مره قد سمعت شباب يحجون عنها .. -يحجون عنها ؟؟؟ -أي .. -شيقولون ؟؟؟ -يعني من هالحجي اللي ماله لزوم .... -طيب انت قول لي شنو هالحجي وانا اقولك .. -مره شفت انا تولين واقفه من بعيد بالمبنى لحالها .. والشباب يحجون عنها وهم كانو يمي ويأشرون عليها .. هذي انا قد حاجيتها والثاني يقول لا عي لانا ماعطتني ويه شكلي ماأعيبتها ... ويضحكون ومأدري شنو وواحد ثاني قال انا مره شايفها طالعه مع واحد للكافي ... وطراطيش حجي كثير من هالنوع .. -وانت مصدقنهم ؟؟؟ -مو على جذي بس حبيت أسأل -(لازال القهر جواتها :-وهي تهمك عشان تسأل عنها ؟؟ -لا ابدا بس حبيت اشوف بنت عمي منو مرافجه ..؟ -(شهقت شهقه طويييييييله ... الله ياخذ ويهك انت وبنت عمك ... وياخذ اللي حبتك ياحمار ... مدري وش عايبني فيك يازفت ... (بدون شعور سكرت المسن طفت اللاب وهي تحاول تهدي أعصابها اللي ماقدرت تضبطهم .. لأنها لو قعدت لحظه عالمسن ممكن تتفلت بكلام يفضحها ... غطت وجهها بالمخده ودموعها بدت تنزل بدون شعور ... حبيبها يحسبها انسانه وسخه وراعية شباب .... هذي اخرتها مع حبه ... انا بنت ماتربيت .. حسبي الله عليك ياطلال جانك ظلمتني ... (من جهه ثانيه طلال مصدوم من ردة الفعل القويه شوي تسكر بوجهه ... بس بنفس الوقت عتب على نفسه كيف انه يشكك باأخلاق تولين وكمان قدام جوجو ... هو شاك بس والحين تأكد انها مو راعية هالكلام لان بالنشبه له جوجو حريصه على نفسها من هالأشكال ولا يمكن تكون اقرب الناس لها من هالنوعيه ... يالييييييل آنا شساويت ويى البنيه ... صج ماعندي سالفه ... وشلون براظيها الحين ... أي احسن حل بالجامعه .... اناديها وحاجيها ... """""""""""""""""""""""""""""""""" ليان وهي تمشي راجعه للبيت ... كان فيه كذا شخص يراقبونها من بعيد ... بس هي ماحست بأي شي .... (من جهه ثانيه صقر بغرفته منسدح وهو يفكر بليان اللي فقد شوفتها حيل ... ليان البنت الضعيفه جدامه مثل الطفل ... قسى عليها حيل بس عشان سبب تافه توه يلاحظ انه السبب تافه بالنسبه للتدمير حياة شخص جذي ... يتمنى لو يعرف هي وين الحين .... طلع من غرفته ونزل للتحت يبي يشرب مويه وبالصدفه شاف بالصاله عبدالمحسن جالس عالكنبه وسرحاااااااان تحت هالظلام ومافيه غير الأبجوره الخفيفه بنورها ... استغرب حالة اخوه والأول مره يشوفه كذا ... -أحم أحم ... محسن ؟؟ -(عبدالمحسن ماحس بوجود صقر لأنه سرحاااااان في ليان .. وكيف يلاقيها ؟؟؟ -(استغرب اكثر صقر وهو يقول :- محسن شفيك ؟؟ -(التفت عليه توه ينتبه :- معليه بس مانتبهت لك .. انتم نو متى هني ؟؟ -من تو .. -وش عندك صاحي بهالوقت ؟؟؟ -ماياني النوم .. وانتش عندك ؟؟ -لا ابد بس سرحان شوي ... -بمنو ؟؟ -ولا شي .. -لا يكون باللي ماتنتسمى ؟؟ -صقور جم مره قلت لك لا تييب طرياها جدامي ذيج المره ؟؟؟ -طيب ذيج المره على قولتك ماعندك لها اخبار ؟؟؟ (عبدالمحسن ضحك في قلبه على حالته ... شخصين يدور عنهم ومالقاهم .. ليان و......... (بعدين راح نعرف ) ... -طيب شرايك ترقى بس تنام ؟؟ -ولله مافيني النوم بس نازل اشرب لي قلاس ماي .. -عيل روح ييب لنا شطرنج بدل هالتفكير اللي مامنه فايده ... -(ابتسم صقر وهو يقول :- أي جذي اخوي ... من عيوني ياروح روحي انت .. -(عقد حواجبه على ابتسامه بسيطه وهو يقول :- انت ياعليك لسان ينقط عسل مدري من وين يايبه .. ياحظ زوجتك بس ههههههـ .. -(صقر بهاللحظه ماأبتسم ولا شي .. ومايدري لي شجت في باله ليان لما جاب اخوه سالفة الزواج قدامه ... بعد هالأفكار بسرعه وهو يقول :- انا رايح اييب الشطرنج ... -ههههههـ لا يكون الأخ استحى ... (مارد صقر وهو كل تفكيره بليان ... (ليان بهالوقت نايمه وبأحلامها التعيسه تحت سقف مهجور ... والأخوان الأغنيـــــــــــــــــآء .. عبدالمحسن وصقر يلعبون شطرنج ونسو سالفتها من الحماس باللعب .... """""""""""""""""""""""""""""" (نروح للبطلنا فيصل ... فيصل مثل ماعرفنا انه بدون بيت للحين ... ولا يمكن يروح عند عبادي من بعد اللي صار فجأه والانقلاب اللي صار بشكل مفاجئ وغريب من عبادي .. عبادي نصف فيصل الثاني .... غدر فيه ويغدر أكثر من ورى ظهره .... يغدر فيه بحبيته .... وتين اول حب للفيصل ..... فيصل طلب من جينفر سلف وبيرجعه لها بأقرب فرصه .. طبعا جينفر عارضت وبقوووه وطلبت منه يجلس وينام عندها لين مايحلها ربه ... بس هو رفض وأبدى ماعليه كرامته انه ينام عند بنت ... ورفضت انه يرجع الفلوس بس برضو ماعطاها وجه لأنه راح يرجعه لها أكيد ... فيصل كل الليل يدور له عن شقه بس ماحصل ... كل المحلات تسكرت بهالوقت وهو ماله مكان ... قرر ينام بسيارته أحسن حل له ... (وتين وعبادي بهاللحظه يتراسلون مسجات سوالف مع بعض .... وتين كل مالها تتعلق أكثر في عبادي ... وعبادي لطييييييف مررره معها .... وعاجبته برضو .... (بالجـــــــــــــــــــــــــــآمعه .... أميره جالسه على الدرج برى بالجامعه في الحديقه ... تتفرج على اللي رايح واللي جاي وماغير تتحسر على نفسها .... لما شافت ولد جالس مع شلة بنات قالت بصوت واطي مليئ بحقد ... شف شف ولد اللذينا ... فاق خشته على ذالزيون .... لفت تدور بعيونها على فيصل بس مالقته ولا يمكن تلاقيه بهالجامعه الكبيره .... بعندها امل كبير انها تحصله ..... (من جهه ثانيه سعد كان جالس وهو يفكر بجوجو وحالتها مع تولين ...
بالصدفه شاف من بعيد جوجو ... أشر لها وراح يسلم عليها ... جلسو يفطرون مع بعض على روفان وباقي على محاظرتهم نص ساعه ... تولين دقت على جوجو .. -جوجو وينك .. -بسم الله علي طيب شفيج مستعيله جذي ... -شـ شفتي أحد اليوم قابلتي أحد ؟؟؟؟ -(عقدت حواجبها :- أي بس ليش .. -(تحس ان قلبها بيوقف :- منو ؟؟؟ -شفيييج ترى صج خرعتيني ... -اقولج منو اللي شفتيه ... -منو يعني بيكون غير سعد ... -(تنهدت براحه كبيييره .... بس تذكرت كلام طلال عنها وعن سعد عشان كذا قررت انها تبتعد عن سعد باللي تقدر عليه ولو انها تعتبره مثل اخوها بس ماتبي تشكك طلال بأخلاقها اكثر من الي هو متوقعه ..... -خلاص عيل اخليج ويى سعد وانا بروح مع هيفا ... -وليش ماتيين ويانا ؟؟؟ -مو على جذي بس هيفا يمي الحين وماودي اتركها .. -طيب تعالي انتي وياها .. -(تنهدت بقل صبر :- يالييل جوجو خلاص ماراح نيي غصيه الدعوه .... (ثم سكرت الخط ..... جوجو متعوده على اسلوب تولين عشان كذا صار عادي عندها .... سعد يراقب الوضع وهو يطالع بجوجو ... جوجو لاحظت انه يطالعها .. استحت شوي وهي تقول :- سعد شفيك تطالعني جذي ؟؟؟ -(انتبه على نفسه وهو يقول بسرعه :- لا بس سرحان ... (مرت من جمبهم أميره وهي تفكر بفيصل وين بيكون ومتوعدتتتتتتته .... التفتت على جوجو وسعد وهي تقول :- هيه انتم .. -(جوجو وسعد التفتو عليها باندهاش من اسلوبها الجفش ... -(اميره وهي تزم شفايفها بطفوله :- تعرفون واحد اسمه فيصلوه ؟؟ -(جوجو :- فيصلوه ؟؟؟ -سعد :- فيصل قصدج ؟؟ -أي فصيل منو غيره تعرفونه ؟؟ -(جوجو وسعد هزو اكتافهم بعلامة مانعرفه .. -جوجو :- بس ترى فيصل فيه كثيييير يعني انتي ماحددتي ... -ولله مدري عنه وش اسم عايلته بس اللي اعرفه اسمه فيصل .. أي صح هو اشباهه شوي بنقالي ... -سعد :- يعني هو بنقالي ؟؟؟ -ياليييل لا انت بعد وش تحس فيه .. هو اشباهه (ثم سكتت شوي وكملت :- الحقيقه هو موب اشباهه بنقالي بس انا بوصف لكم شكله يمكن تعرفونه ... عيونه زرق مدري كحلي مدري نيلي .. الموهيم انها ملونه .. وشعره أشقراني على اشهباني ... واملط ماله لحيه ولا سكسوكه .... يلوع بالجبد ... وشعره طويل شوي لحد اسفل رقبته .. و .. اممممت شبعد ... ايه طويل وجثثثثثثثثثثثثه <~ هذا أكثر شي لاحظته فيه بما انها موب طويله مره وصايره قزمه عنده .. (سعد وجوجو ماسكين ضحكتهم على شكلها وهي توصف ... وكانها ماتطيق هالفيصل ... -جوجو :- اسفه اختي بس صج ماندري منو ... -(ناظرتها بطرف عيونها :- الحين متعبتني بالاخير مااعرفه ... (لفت وراحت عنهم بدون ماتشكرهم حتى عالأقل ... وهي تمشي بطفاقه صدمت بتولين ... تولين تأففت من قلب وهي تقول من طرف خشمها معصبه بدون حتى ماتطالع اميره .. -عمى يعمي عيونج يالصعيديه ... ماتشوفين طريقج ... (أميره كانت بتعتذر منها بس لما سمعت كلام تولين قالت بستخفاف وابتسامه تقهر :- لا تكفين ياسندريلا ... عدال بس عدال لا تميعين علينا يالمايعه (وهي تقلد صوتها بدلع وعلى طنزه :- عمى يعمي عيونج ياصعيديه ... (ثم كملت بصوتها العالي كعادته :- أقول أثبتي يابنت وتكلمي معاي عدل قبل لا أحط حرتي كلها فيج ... -(تولين فتحت فمها بدلع علبالها مصدومه من حكي أميره ... ثم لفت تطالع أميره بحتقار :- لاء يمه خوفتيني .... أقول تعرفين كيف تلقينا مقفاج وتذلفين عن ويهي لأني موب ناقصتج ... (لفت بتروح تولين بس اميره مسكتها وهي فاتحه فمها بابتسامه واسعه وهي تقول :- وين بتنحاشين ياحلوه ...!!! (تولين بقرف وخرت يد اميره ... بس أميره جت قدامها وهي تقول بحتقار :- مسويه حلوه انتي ؟؟؟؟ ترى مافيج فرق بين التمساح .... (بهاللحظه نارا مرت عندهم وهي تسمع كلام اميره ... ابتسمت وهي ماسكه ظحكتها على اميره الزاحفه ... بس اعجبتها لما قوت تولين بالذات ... تولين المعروفه عند الكل بغرووورها الذي لاااا يطاق ... أميره سكتت فجاه وتنحت بوجه تولين وكانها تشوف قدامها فيصل ... تولين كانت بترد بس استغربت من اميره اللي كل مالها تقرب أكثر وأكثر بوجهها وشوي وتخش بوجه تولين ... -اميره :- انتي فيصل ؟؟؟ -(فتحت فمها بقهر على دلع :- هه ...... أو . مــآي . قــآد .. يور كريزي !!! (ثم لفت بغرور وراحت عن اميره اللي فاقه خشتها متنحححححه من الشبه العظيم بين هالبنت وبين فيصل ... فيصل عيونه تعوررررررره .. مر من جمب أميره بس محد انتبه للثاني .. وحده متنحه من الشبه الكبير ... وواحد بالويل يشوف اللي قدامه من عيونه اللي تعوره بسبب الارهاق ... (فيصل وهو يمشي وقف فجأه مصدوم ... قاعد يطالع اللي قدامه هو صدق ولا كذب ... وتين وعبادي مع بعض مره ثانيه لا ويضحكون من قلب وداخلين جو ... فيصل حاول يكبت غضضضضضضضضبه ولف عنهم رايح للمكان شلته المعروفه ... لما جلس بينهم ... -براهيم :- فصووول حبيب قلبي وينك ياشيخ لك مده ماتنشاف ؟؟ -وش اسوي كنت مسافر للعين .... -ومن وين لك الدراهم ؟؟؟ -لا عندي رفيج بالعين عزابي لحاله بشقته أمسيت عنده كم يوم ورديت ... -هاه عساك استانست ..؟؟ -ولله لك عليها شوي ... -ليه سلامات شصار ؟؟؟ -لا أبد بس ماقلت لي .. (قطع كلامه عبادي اللي قال بصوت عالي :- آآآآآآآآآآآآه ياقلبي بس ... (كل الشله يقولون بضحك وهم يصفقون له ..... اووووووهوووووه عبود محد قدك ولله عصافير انت وياها -براهيم :- اهنيك ياعم على هالرومانسيه والغرام ... (عبادي التفت على فيصل ... فيصل مصدوم من اللي يسمعه .. وتين وعبادي يحبون بعض وانا آخر من يعلم ...!!! رفع راسه بقهررررر وطالع عبادي بنظرات حاده ومليانه حقد ... عبادي الرتبك شوي .. بهاللحظه مرت وتين من عندهم ... بتدخل للمبنى ... كل الشله بصوت واحد وعالي ... أأووووووووووووووووووووووووووووووووو ههههههـ هههههههههههههـ .... وتين بسرعه دخلت للمبنى وهي تحس بوجهها طمااااااطه .. عبادي نزل راسه مبتسم على حركة شلته اللي تحرج ... أميره من بعيد سمعت الزعاق اللي تو وهي تقول بقلبها .. ولسنه آمين ... (فيصل ماقدر يكبت اعصابه اكثر من كذا ... خيانه عيني عينك لااا لين هينا وبس .. يسكت يسكت كثير بس فجاه ينفجر ... وقف بسرعه بين شلتهم الا ويمسك عبادي بقوه ويعطيه بوكس قوي ... وتين التفتت وهي اللي بعيده ... ركضت تشوف وش عندهم لأن الكل تجمع بسرعه ... عبادي خفيف مرررررره عشان كذا بسهوله طاح عالارض ......... وفكه يعوررره من الضربه....... -(فيصل تفل عند رجول عبادي وهو يقول :- هذي آخرة الصداقه ياخاين ...تف عليكـ ياوسخ ... (لف بيروح بس لقى بوجهه وتين وهي تقول بقهر :- أحترم نفسك ولا تقول عنه جذي ... (أميره لما شافت التجمع من بعيد ركضت بسرعه من زود اللقافه ... وهي تقول بقلبها .. ابوك يالفله ..طقاق ... !!! (وهي تزاحم بينهم أخيرا دخلت ... فيصل كان واقف مصدوووم وبنفس الوقت قلبه يعوره على حبه اللي راح بخيانه ... كان يطالع وتين مصدوم مايدري وش يقول ... حاس انه ضعيييف عند حبها اللي بقلبه ... أميره بطفاقه خبطت بكتف فيصل وهي تقول :- واخيرا صددددتك ... (الكل طالع اميره مندهش وهي مبتسمه أقوى شي ... فيصل عقد حواجبه ..لما التفت طلعت عيونه من اللي يشوفه .. -أميره !!! -لا بنت عمها .... هههاااي شرايك .. انا اذا قلت اييبك يعني اييبك ... أي تعال وش قاعد تسوي الله يصلحك ... مسوي تطاق مع ذولي .. اقول تعال وتطاق طقاق سنع معي ... (الكل فقع من الضحك عليها ... فيصل علق بعيونه على وتين اللي جالسه عند عبادي بخوووف عليه وهي تقول .. -عبادي صار لك شي ... (أميره حست ان فيصل موب لمها ابدا .. التفتت على المكان اللي يطالع هو فيه ... ابتسمت وهي تقول :- عدال يابنت لا تبجين عليه .. ماصار الا الخير ... (وتين التفتت على اميره مستغربه وش دخلها ؟؟ أميره ابتسمت لها بابتسامتها المعتاده اذا جت تستخف دمها ... -شطالعين ؟؟؟ -(وتين سكتت وماردت بشي بس اكتفت بنظرة أحتقار للفيصل اللي ماشال عيونه منها .. أميره حست بشي بين هالبنت وبين فيصل ... بس مافهمت وش السالفه ... التفتت أميره على فيصل وسحبته وهي تقول :- يالله جدامي ياولد ... ؤه اقصد يابنيه ... (فيصل سحب يده منها بدون نفس وكانه يقول ضفي ويهج موب رايق لج .... راح عنها وهي واقفه تطالع بدهشه من اللي قاعد يصير ... شفيهم ذوللي ميانين ؟؟؟ """"""""""""""""""""""" يزيد نقز من فراشه وتأخر اليوم على الجامعه حيل ... بسبب تفكيره اللي امس كله على نارا وريان ... ............. للعلم ان يزيد يتمتع بوسامه شرقيه .... وهو يركض للجامعه اللي قريبه من بيته ... لما دخل المبنى وهو يدور على نارا ... يحاول يدورها بس ماحصلها ... طالع ساعته ولقاها على الساعه ثمان ونص ... -ياربييييييه محاظرتي راحت والبنت مالقيتها .... -(أميره واقفه جمبه بعد ماسمعت كلماته قال بقطة وجه :- عادي لا تفقد الأمل ... قوي عزيمتك شوي مثلي __^ .. (رفع حاجب مستغرب .. التفت عليها بدون كلمه .... أميره لما شافته تقول بقلبها .... انا من بكره لازم ادرس بهالجامعه ... ولله من يشوفني شوي وبعنس وانا تاركه اطخمان هني بيتحمد ويتشكر علي .. اهب ماأزينه بعد ذا ... (يزيد لف عنها وهو يقول :- فيه احد اكلتيه بعيونج غيري ؟؟؟ -(فتحت عيونها :- اقول لا تصدق عمرك بس ... بس عشاني مشبهه ... -(التفت عليها وهو مبتسم ويقول :- دوري غيرها ... -(كشرت بقرف :- مشكلت شبابهم هني مره واثقين من أعمارهم .... نارا وهي جالسه على الدرج لحالها ... وقف قدامها ريان وهو مبتسم .... نارا رفعت عيونها عليه بس ماتحركت من مكانها وبالعكس بعدت عيونها عنه وهي ملت من حالتها معه ... ريان استغرب من تعاملها وكانها ماتعرفه ... جلس جمبها وهو يقول :- فديتج شفيج !!! -.......................... -نارو !!! احاجيج ... -(ناظرته بهدوء وهي تقول :- طيب بروح وبرد ونشوف اذا بتكون نفس الحين ولا لا شرايك ؟؟ -(سكت ريان وهو يطالعها بدون أي كلمه ... وقفت بتروح بدون ماترجع له .. مسك يدها وهو يقول :- نارا لا تهديني بروحي جذي انا ابيج ... (وقف وسحبها بعيد بالحديقه ورى الأشجار .... وبعيد عن كل عين ... حط يدينه على كتوفها وهو يقول :- شفيج علي ... نارا انتي تدرين فيني شكثر أغليج من لما كننا صغار .. والحين .. الحين ...آآآآ ... أحبج .. أي نعم أحبج ولله أحبج ... -(طالعته بعدم تصديق .. وخرت يدينه بهدوء ولما جت بتروح ... شدها بقوه يلفها عليه وهو يقول :- عطيني فرصه أفهمج كل شي -شنو بتفهتمني ؟؟؟ -حبي لج ؟؟ -وبكره قول لا ولله مااحبج .... انت واحد متقلب وموب قادره افهمك عدل .. عشان جذي خلنا بعيدين عن بعض (مسك يدينها بقوه وهو يقول بترجي :- نارا ورب الكعبه احبج ... ولله احبج افهمي .. وانا مستعد اساوي اللي تبينه ... (نارا سكتت شوي مو مصدقه اللي تسمعه ... تتمنى هالكلمه تسمعها بس ماحصلتها من سنين ... والحين يجي ويقولها بكل سهوله جذي .... بدون أي توقع منها ... وقفت للحظات تتطالعه .... -(ريان ابتسم لها من قلب :- بس ناطر جوابج اذا تحبيني ولا لا ؟؟؟ -(نارا ماقدرت ترد بس اكتفت بالصمت .... أميره كانت تتمشى بكل مكان ومابقت شي ماطلت فيه .... لما طلت شافتهم .... نارا وريان قريبين من بعضهم مره وريان ماسك يدين نارا ... وهم ساكتين ... أميره كشرت من شكل نارا ....وهي تقول بقلبها .. عدال عدال ياسودا لا تنبطين من الحب ... (عقدت حواجبها وهي تطالع ريان استغربت منه حركه واضحه ... يهز راسه بشكل غريب ومفاجئ بين كل لحظه ولحظه ... (ملاحظـــــــــــــــه ... انا درست حالة النفصام بالشخصيه ... وفعلا كذا هم ... يعني مااجيب شي من عندي __^ ... وتكون هالمرض منذ الولاده ... لهم علاجات دائمه بس لا يمكن يشفون من هالمرض .. فقط يخفون منه بين لحظات اذا استمرو بالعلاج .. لكن انهم يشفون منه بتاتا لا ابد ... يحسون بأنفسهم انهم يتقلبون بين كل لحظه وثانيه .... بس ريان مايبي يعترف بهالشي ويبعد نارا عنه من الخوف ... ريان بالفعل يحب نارا ... ومايبيها تدري بمرضه ولا بيخسرها اكيد .... أميره قربت من عندهم وهي تتنحنح ... التفتو عليها بسرعه ... نارا الرتبكت شوي ولفت بتروح عنهم .... -(ريان طالع اميره بنظرات حققققققققققققققد وكره غريب ... اميره خافت من نظراته .... ريان قرب منها وهو يقول بشخصيته الثانيه :- أكرهج .... أميره فتحت عيونها عل آخر شي ... لما التفتت عليهم وهم رايحين ... تحاول تستوعب اللي حصل تو بس ماقدرت تفهم ... لااااا هالجامعه فيها شي !!! هذا مينون ولا شلون ؟؟؟؟ ولله من شفت حبيبته وانا غاسله يدين .... بس ولله قهر هو مزيون وهي تروع بذالأسود ... نارا وهي رايحه بتدخل للمبنى .. سحبها يزيد من يدها وهو يقول :- نارا ابي اقولج شي ضروري ... -(سحبت يدها بقوه :- جم مره قلت لك لا تحاجيني ؟؟؟ -بس الموضوع ضرو ..... -(لفت عنه وراحت ...) نوف مرت من جمب يزيد وهي تقول :- بعد انت حاط عينك على نارا !!!!!!!! الله يصبرني بس ... فج عنها قبل لا يصير لك شي موب طيب ... -(يزيد حتى مالقها وجه ولا التفت عليها ... لف عنها وهو يفكر بمشكلة نارا وريان ... وش الحل يايزيد ..؟؟ وش الحل ... (من جهه ثانيه على الزرع وبالتحديد تحت الشجر ... صقر منسدح وهو يفكر .... رنا نطت عليه وهي تقول بدلع :- حبيبي ليش ماعاد صرت اشوفك كثير ... -(طالعها بقرف وهو يقول :- وييييع ياشين حبيبي من حلقج ... لا عاد اسمع هالكلمه منج وانا من اليوم موب حبيبج يعني لا عاد تنطرين مني أي شي ... -(رنا حست بقهر وهي اللي تمووووت على صقر وهواه ... وليش حبيت لك وحده ثانيه ... -وليش ماتكون الاولى ؟؟؟ هه تتوقعين انج انتي حبي الاول ... مصدقه انتي اني بالاصل احبج ؟؟؟ يابنت وخري عني زييييييين ... (وقف وهو ينفض من بنطلونه العشب ... رنا جالسه وهي كابته قهرها وظيقتها من اسلوبه .... (من جهه ثانيه ليان تشتغل عند الاشاره ... ومن جهه اخرى عبدالمحسن بالغرفه تبع المستشفى وهو يفكر فيها برضو ... """"""""""""""""""""""""""""""" تولين طول الوقت تراقب حركات جوجو والدكتور طلال ... لما انتهت المحاظره .... طلال التفت على جوجو وهو يقول بقلبه ... اناديها الحين ولا انتظر لين القاعه تفضى ؟؟؟ أي احسن انطر شوي .. تولين كانت حاطه رجل على رجل وتراقبه من بعيد ولا حتى قامت ... جوجو وقفت وهي تقول بابتسامه :- توتي يالله قومي نروح ... -(لما وقفت بتلحق جوجو ... لقت طلال يقول للجوجو :- جواهر تعالي ابيج شوي ... (تولين حطت يدها على فمها خايفه لايها تنفضح ... بسرعه راحت عند جوجو ومسكتها مع يدها وهي تجرها وتقول بابتسامه متوتره :- معليش دكتور طلال بس انا وجوجو بنطلع الحين السايق ينطرنا يالله باي ... (جوجو انصدمت من تولين بس ساكته مافهمت شي .. أما طلال حس بقهر من تولين خربت عليه الفرصه ... شوي وهو يفكر :..... لا يكون جوجو قالت لتولين عن الحجي اللي امس ..!!! يؤ لا ماتسويها جواهر ... ياربيه انا وش فيني مهتم لها وبرفيجتها ... الروح احسن لي ...
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| رواية توأم و لكن أغراب في جامعة أمريكية للكاتب VirsatChe | Yaqot | روايات و قصص منشورة ومنقولة | 0 | March 2, 2015 06:55 PM |
| رواية توأم لكن اغراب في جامعة امريكية | المـــــاضـــي | روايات و قصص منشورة ومنقولة | 3 | July 4, 2012 12:31 PM |
| تحميل رواية توأم ولكن أغراب في جامعة أمريكية 2011 | ألاء ياقوت | كتب الادب العربي و الغربي | 0 | November 2, 2010 01:11 AM |
| رواية توأم ولكن أغراب في الجامعة الامريكية | الوسيط الروحي | روايات و قصص منشورة ومنقولة | 2 | August 1, 2010 06:19 PM |
العرض العادي
