فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم December 21, 2014, 12:12 PM
 
قصائد كلمات شعر اشعار الشاعر بندر بن سرور

قصائد كلمات شعر اشعار الشاعر بندر بن سرور
يفتل عموده
الله على اللي يوم يفتل عموده=يطلع ثرى ارضٍ بعَد القيض ماها
ليونس ثقيل الترس يرخي عضوده=شيهانةٍ ترخ المتون العشاها
عَده على اللي ما يدرهم قعوده=من صار زيزوم المشاكل حماها
ثم قل لابن دهره يحضر شهوده=للرفقه اللي باعها ما شراها
وقتٍ ركض كلبه ونامت فهوده=مما تشوف العين طوَل عماها
المال سالم والوجيه أمعبوده=برق التيوس اللي تواما لحاها
راعي صلاة الفرض بيَن سجوده=وراعي غرابيل النمايم لقاها



يا أهل الونيت
يا أهل الونيت اللي على دنقله ميم=نقل الرياض الخط ما توصلونه
ما رهمو له في الكراجات ترهيم=ولا قط فك أديتره ينفخونه
والله لو أمسك طارته يالمغانيم=ما عاد أقلد دولة يصنعونه
صناعته مخطين ملة أبراهيم=حمران روم لونهم مثل لونه



الا يا نديبي
الا يا نديبي فوق دوج عليه شراع=ما قال انفخ التشريق جا في مواصيره
ليا هبّت العليا و قام العجاج و راع=يهيضك مع السكة تثاوع معاصيره
صنايع يهودٍ لا يبدّل ولا ينباع=يقربك من دار و يقلعك عن ديرة
بعد طلّعوه مجَيّكٍ ما يبى المرجاع=سمع من وراه الفوج غنّت مواطيره
ليا دق سلفه قام حسّه يرجّ القاع=ما جاه المعاون يشتغل في مساميره
عطاه الثنين و زاد له بالأبنص و فاع=رزيمه رعد مزنٍ تهلّع دناقيره
خرط له بثالث عقب نشّه بعزم و زاع=و شتل له برابع ما يضيّع تغاييره
ليا شال عزمه ريّحه وامنٍ مارتاع=مسك مع يمين الخط و يلدّ لانبيره



مرقب الصاح
لولاى اعد الرجم في مرقب الصاح =والعب بعسر القاف مانيب صاحي
قم ياعليثه للشهر عد وش راح = باول جماده عد لى ويش راحي
وهات القلم وكتب الى الخط ياشاح =زرف علاه وسجله بالنصاحي
وعيني اللى ماتهنت بالامراح =من يوم جاني بالبخايص مناحي
البارحه مامرحت لين القمر طاح = من شرق لينه يمه الشرق طاحي
ياجعل يسقيهم من الوسم جراح =قدام ينزاعون لى بالنواحي
واقلبي اللى داخل فيه فحفاح =فحفاح قوم محتسين الصباحي
تليتني تلت معاويد فلاح =سواقهنه مايذوق المراحي
فالليل سراي وفالصبح سراح =ودايم عليهنه بشونه يلاحي
غاسق لهن غرس على العين مرتاح =يعدل عليه لجم في مستراحي
ويامن سميه في سوى الحزم شباح =ياكم فجر من عين حسو قراحي
واسمه يباري الصيد وان جاك سراح =جافل وقافيته هبوب الرياحي
وياشبه عفرا للمداوير مضياح =تجذب هشاهيش الخلا بالضياحي
مرباعها بين النويع والاسياح =ومقياضها عد الرويس الملاحي



دوك السويك
دوك السويك وشغل الفرت يامنير = افحص علاه ودخله بالكراجي
اللى يبا بنزين ركب بواصير = واللى تباه النار ركب بواجي
واليا استعد وصخر البعد تصخير = تصخير شيهانن لفرج الزراجي
عده علا اللى مايعد المخاسير = ركاز عمدان الخشب للنعاجي
ثم قل لبو
بندر ترا وقتنا غير= تبدلت سحب المطر بالعجاجي
وشيوخ نجد اللى تهد الطوابير= ينثر لهم حبٍ سوات الدجاجي
اما من المشرق تثور المعاصير= ولا من المغرب يهب العجاجي
يبكي أسيوفٍ سمرة نجد تسمير = تسمير عود العاج في عود ساجي
حدنا بن هندي محمد من ورا النير= والفرم محسن عقبنه اسواجي
ربع رسو بين الحذيفين يامنير = مسلموا لدور الباج باجي
واليوم ناطا نجد مثل الدواوير= نقضى الزوم ومسرعين الهجاجي
رحنا ندوج وأنتسمى المناصير= نمشي على البيداء بليا مزاجي
ويوم أن نجد إلنا بوسطه مسايير=واليوم نجد لشيوخ روق ......
ومتى يجي في نجد حسن التدابير =متى يجي للصابرين أنفراجي



يا منير
يا منير عمرلي من التتن معمار=يبري الغليل اللي على القلب تالي
ولا صرخت باعلى الصوت وابديت ماصار=من شان تدري وش ولا بحالي
أركض مع الدنيا كم راس دوار=ياما كسب زين بعلوم الغزالي
الله على الي عايروها بالأمتار=الطراز بنز شغلت بالعدالي
زادو هواها وأطعموها من النار=حتى الانمبير المنضجع عبد صالي
يجدي على الي في طرف نجد سنجار=يجدي الجبل سنجار بين الجبالي
يوم قل لبو
بندر ترى الوقت غدار=يبطن تراني ما أنفع أحد شكالي
ان زان وقت صار بالسلك يدار=وان شان قصو مروعات الحبالي
يوم ان عتيبه شيوخهم مابهم خير=انصور حوم يتبعن النوالي
والله يالولا الخوف من باب الاشرار=لعد شي شفته اول وتالي
كم واحد بين العما عيش هزار=مغترته نفسه بكبر الظلالي
يدنس على ربعه ويدرع بالاسوار =ويعد نفسه من حسوب الرجالي
كفه بخيل وقلب انجس من الفار=اسود طرف وادغم من السيم دلالي
هذاك بعته خير ماكنت مختار=الجزا بالصدات وابعد مجالي
ابعد مجال الرجل عن كل عثار=واصبر على الصكات والعمر فاني
واليوم وطني غبر الايام مجبور =غير الجماعه ماوطني لحالي




ارم البكت
ارم البكت واجدع الكبريت يالريمي=تطري ومما طرالي زاد لي ونه
الله يغربلك تصحيني وانا نيمي=ماانت بلاعوب عطني ولعه باشنه
قيلت لي في محل بنشر الجيمي=لعل غر السحايب ما يمرنه
ياهل الونيت اركبوني خالص تيمي=ما توصلون الغريب اللي خرب فنه
ودوا الوديد لوديده يالمغانيمي=ياقربها من مزار مدور الجنه
وجدي عليها وجود مناكل السيمي=جازوه باسيام لاجل اللي قطعنه



عين تصطفق
مالوم عين تصطفق بعض الاحيان =شافت غرابيل الزمان الغريبه
ياكثر ماشافت وياقل الايمان=بقلوب من بقلوبهم شك ريبه
من ينصح اللي يعتقد له بكهان=يشرك مع الله واحد مايثيبه
لو يصدق الكاهن طلع منه برهان=وافتك نفسه من حدوث المصيبه
لاشك كذاب خذوا منه كذبان=والله صدق علام غيبك وغيبه
من سبته ياميت القلب ندمان=لعل قلبك للعمى وش تبي به
انصحك ياللي رشك الشيب عميان=وادي جهنم حادرٍ مع شعيبه
ينطيك زود المال والزود نقصان=غادٍبسوق السو ليه تغدي به
لا تدعي بالمل رابح وخسران=يفلجك من زين العمل يدعي به
وافطن لكلمة (ويل) للانسان=في ماقف ماينفع المرو جيبه
للشر ميزان وللخير ميزان=تكتب ملايكة السما وتعدي به
خذلك نصيحة واحدٍ شاف الاكوان=جرب غرابيل الدهر من نصيبه
من جاهد الدنيا بلا روس جنحان=يصبر بصكات الزمان الرهيبه
انا الذي شفت الوزا ياسليمان=برد الشتا والقيض أكلني لهيبه
ماني بهين النفس لو كنت جوعان=مايقنع الا الكلب عقب تهجيبه
والله يالوولا كلمةٍ قال ديان=حقي غدى به ما نوى انه يجيبه
ل اشهر كما يشهر مع الجوشيهان=قطع البحور ولا حياة الغليبه
لجّوا علي الناس قومٍ وصدقان=واخترت عنهم بعد ممشى النجيبه
مااهبلك ياللي تلتوي لك بجابان=رجلٍ من الجابان لا تلتوي به
لاساترٍ عرضك ولا قاضيٍ شان=تكسب نزولك عقب مبدا الرقيبه
ابعد عن الجابان لو كنت عريان=ثوبٍ من الجابان لا تكتسي به
يارب تجعل لي من الذنب غفران=يابارقٍ لايوب مما بلي به



عنز ريمٍ
جينا حليت ولا لقانا أشعل اللون=الا بحمرٍ يبهتن الحديدي
روس الطوال اللي ورا حد طحنون =ياما بهن من عنز ريمٍ فريدي
قم سو فنجالٍ ترا الشاي لبتون=والماء الشريعة والهوا مستهيدي
مقيالنا في طلحةٍ فيّها دون=نودٍ سموم ونود بردٍ جليدي
تسوى حياة اللي سواة التلفون=من شبته بين العجايز بريدي
راع البلد ياميت القلب مسجون=اضرب تهاتيه الخلا تستفيدي
ابطش ديار القوم والرزق مضمون=تصيدك الاقدار والا تصيدي
واحذر تخاف الا الذي كون الكون=رب الفلك محيي العظام الهميدي



زايد

بديت ذكرالله على كل ماصار=يستاهل الذكرى عزيزالجلالي
والكارللي صاربالشرق مسمار=بنحورالأعداء مايحيله محالي
زايدعلى كل العرب بالوفاء زاد الأشبار=شرقٍ وغربٍ وبالجنوب وشمالي
والله يالولا الخوف من بعض الاشرار=لقول مابه غير زايد رجالي
بالشرق الأوسط والجزيره والأقطار=لاشفت احد مثله ولحدن حكالي
الين من الماهود وأقسى من النار=يفتل وينقض مبهمات الحبالي
ياشيخ انا حملي ثمانين قنطار=عجزت والله ماقويته الحالي
والاأنت حرٍ صيرماني وجبار=شيل صعبات الحمول الثقالي
شل عني الحمل الذي فيه محتار=تلقى جزاها عند منشي الخيالي




صكـة القـوع
يا رب انا لي حاجة صكـة القـوع=باقصى بحر تسعين صكـة نحرهـا
اصعب على المخلوق من حبة الكوع=والا على الخالـق بسيـط دورهـا
كم واحد جت لـه بساتيـن وزروع=تراه ما يدري مـن اللـي بذرهـا
ابن اللئيم مشارك الكلـب بطبـوع=عينه على حرمة قصيـره نظرهـا
ما دارها خوف عليها مـن الجـوع=خوفه تفوتـه غـرة مـا سبرهـا



انحاس بالي
انحاس بالي يامحمد وصديت=من كثر الصدات قلت شطونه
ماني وانا
بندر بهيت ولد هيت= هيت يجامل خمة يكرهونه
من كثر ماجربت واقبلت واقفيت=قولة هلا لمن لايودك مهونه
سلط على النصراني اللي لقا الزيت= لعل نبع الزيت يعمي عيونه
لاشك تحتاج المراجل شفاليت= تحتاج شي يقصر النذل دونه
عزم على الفرجه وقطع الخلا الميت =حتى عيال البوم مايقطعونه
ثلاث من كل المعاني تنقيت=واللي بقى كل الملا يقدرونه
مابغى جزاهن غير من خالق البيت=عمالهن للناس ماينفعونه




يامل قلبٍ
يامل قلبٍ من معاليقه أوجف=أوجاف فوق الهجن كور النجيره
واصلك ياعمي جواب مزرف=مع واحد ٍ نبدي عليه السريره
ينسى عضوده كل ثورٍ معلف=مرغبه زال الموارد قصيرة
قلبه مع الضحكات يسعد ويخرف=أخراف أهل وادٍ تعاقب ثميره
الماكر اللي فيه تبعٍ تخلف=ليافاض من عشه تفرق مطيره
وخطوا البخيل اللي على السد يقصف=وان مد له مده لياهي حقيره
هو مادري ان الرزق للحي يصرف=يعطيه من يعطي العطايا الكبيره
المال مثل الفي يرجح وينكف=واللي يجيبه لأبن آدم دبيره
أما أنتبه قلبه وتاب وتحسف=وإلا لعله في عماة البصيره



ياونةٍ ونيتها
ياونةٍ ونيتها في حشى الروح=ونة جزع ماهيب ونة موده
يا جهاد ضاق بي الوطن وين أبا أروح=ولا عاد لي يا جهاد فالبقع لده
لولا طويل الرجم يابدر لأروح=مير أبدي المرقاب والشوف أمده
يبدي طويل الرجم من كان مجروح=لولاه يبدي الرجم ينباح سده
يويق في المرقاب لوماش مصلوح=ورجله لمبدأ في الجبل مستعده
ماغير اكابد عبرة العين وتفوح=والجسم من قو القلق راح قده




يا سعيد
عز الله انه هال ما طال يا سعيد =زل الشهر والوقت طوال بديده
اللي من اول للخلايق مواسيد =اسقي غرير الهم لو يستفيده
قم يا رشيد الحق واقول يا رشيد =الله عليك انت من ايا بديده
اما البديده منك عند المواعيد =ولا همومك من حياتك زهيده
ابستفيدك كان جربت افيد =تنام واسمك حول الاسمر رشيده
لي قصة يشهد بها راضع الديد =يعدها غيب السراب الطريده
طويلة عريضة بالتماجيد =يفرح بها الطيب فعول مجيده
طويلة عريضة بالمناقيد =يفرح بها النمام شين العقيده
جار الزمان وعاونوه الحواقيد =اللي لهم من قبل ذلك حقيده
يا رشيد يوم اتعبتني بالتناشيد =خذلك من الدرويش زبدة قصيده
واليا ذكرت الله وكثرت تمجيد =ترى محمد صفوة الخلق سيده
ترى ابرك الحزات يوم صدف عيد =جمعة اسبوع وصادفت يوم عيده
أذكر لك الأجواد صد وصواميد =وانذال لاصدوا ولا من صميده
واذكر لك اقشر ما على السيد والبيد =اللي طمع بنت القصير الحديده
فضحة قصيره عنده انه اكسب فيد =سوالف بها للناس خطو البليده
سوالف بجرح سال جرحه تضاميد =زود لجرح الجرح ينزف صديده
من لاستر خلات غرات اجاويد =هذاك نقال الخبيثات بيده
وليا وطاك اللي وطاني تراديد =رد السؤال ولا تحير بريده
وانا الذي قد مرني سلك تجنيد =خدمت به عدة سنين مديده
مر حول هم وكل شي له احيد =احيد زين وشين والهم احيده
اسمع صريرالقلب بين الحواديد =حدنه الضلاع واسمع رديده
والله ما همني قاضي العمر ترغيد =ابن اللئيم اللي حياته رغيده
اهني الكلب الحجل بالمراقيد =وضب الخلا لو كان يأكل رديده



عقبان نجد
بديت ذكرالله على كل ماقيل=رب الفلك منه الفلك ينتهي له
والكارللي حول الشرق تحويل=من باب ذل لباب عزٍبليله
وقف لهم زايد محيل الحلاحيل=برٍ بحرحلحيل محدٍ يحيله
مودع رياجيل الصحافه براميل=طام قطاع الرقاب الطويله
عماردمارالجبال المهاليل=سباح غابات البحورالمهيله
حلال عقدمحكمات الصناقيل=لواي شي بالقوع ماينلوي له
بدرالخليج اللي طلع بالقناديل=ضيع نجوم الليل باهي شعيله
شط الفرات اللي يطم الغراميل=يضيع مادق به من مسيله
اللي بحكمه صار ولد الثعل فيل=يزمرعلى عقبان نجد الأصيله



سرى البارق
سرى البارق اللي رؤوس مزنه تنصت غال=على هجرة بن سنون وأدنى الشبيكية
على شان خلي جعل يسقيهم الوبال=وإليا عودت مالي ومال الحبردية
ألا ياعيون اللي مواكيرها بالخال=توالي رقايب نجد ماهيب بحرية
إليا نقضت شقرٍ على ردفها ميال=تخابط سبلهنه مطارق شريطية
كما ذيل شقراً شعشعت في يد الزمال=تغانم ملز الشوخ تبغى الكرامية
جوابه لبن عربٍ بعد ما أطرحن أهجال=تدلن على حليت مع درب وسمية
يتل الضماير تل غربٍ على محال=تصافق به الجيلان ملحاً جمالية
يرفع لها صوته صبيٍ خبيث أعمال=تسقي وديٍ فيه تسعين برحية
وترى تبعة المقفين عيبٍ على الرجال=لكن أوسع خاطرٍ بد خافيه



تمر الفؤادي
والله لو أني بعض الأحيان أكني=نارٍ من الجمرة تمر الفؤادي
لأغدى كما فرتٍ بقيره يحني=حمله ثقيل ولا حصل له برادي
عليك ياللي بالمودة شطني=ما شفت شكله مع جميع البوادي
راعي جديلٍ يمشطه ومتثني=والعين عين اللي طلق في الهدادي




من بلاد الشام
من بلاد الشام جينا بالمكينه=فوق فرت ماتخثع بالطماني
يحتدي مثل الجمل تسمع رطينه=مع طمان القاع مثل الثعلباني
والشفير من المدارس مطلعينه=عيدهي يجدعه جدع الحصاني
قذلة الطربوش ناطلها يمينه=عن ظلام الليل شب الكهرباني
ماتجيه يسار رجله شوف عينه=غير يسر الطاركي باليماني
يوم قال له الخوي عاشت يمينه=شد رجله للكمك واحد وثاني
يالله انك تنصره من نصر دينه=ان عطى له مع غبا والا بياني
قلت يالمطنوخ انا عيني حزينه=عن شراب اللف ابيه وعنك كاني
قد رمى بالكيس قدمي قال وينه=دوك مابالجيب عن شي لهاني
يقصد الكبريت معي منه عينه=قد منا تلت غراميل متاني
قلت ثالث قال يالله لاتهينه=قلت خامس قال قير يطلب نقل ثاني
قالت واحد والكمك ظام المكينه=قال لي من يرحم القاسي لياني
قلت والله يرحمونه صانعينه=قد زعلت من اللهيب اللي غشاني
قال ماتاثق بذمه مقننينه=عن مشاور غير عرفي قد كفاني
قاطع عرقين مدري وين وينه=قد وصلت الأرض واسمع صوت ثاني
يوم يرفع موخره قو المكينه=يرتخي صدره وانا الشاور غشاني
قلت دوك اللف خابو شاربينه=غطني عن شوف شي قد غشاني
قال عن وقلت بأيا لحينه=قال قل ناسي خوي مانساني
قلت عاش الشيخ واللي ناجبينه=عادة الطيب اليا جا الجد عاني



ودي بشوفك
يابنت ياللي عمرها صدر وردوف=بيض محاجرها وحلو نباها
ودي بشوفك مير يوم اقصر الشوف=عيني بعد هاك الرمد قل ماها
سويت لي يابنت بالعين معروف=بأسباب رجل بعدتها خطاها
والا ترى قلبي ليا اصطك بالجوف=اومى بحالي لين تابس عصاها






التوقيع




04-17-2008, 02:46 am رقم المشاركة : 2
معلومات العضو
الدبلوماسي
إدارة الساحـــات
إحصائية العضو








رد:
الديوانالمكتوبللشاعر / بندر بن سرور


مشتل البيب
ياهل الونيت اللي يبي مشتل البيب=مادق صدره بالخطوط الغزيره
يوم يتخثع مع محير الأداعيب=يشدي تخثع جادل في حريره
لاتجربونه مايبي الفرت تجريب=قد جربه بالبيت الأبيض خبيره
عدوه لابن حزام سيد اللواعيب=لعاب زينات البيوت العسيره
ثم قل لقاعد مانبي منه تدريب=الوقت دربنا على كل سيره
لو كل من قاد السبب يعلم الغيب=ياما كرهت النفس من باب خيره
ان قفت الأيام ماها مغاريب=واليا اقبلت يازين صافي غديره
قل له رميت الكيس بين الشواريب=واليوم ادوج مالقيت اتعميره




صبر صبرناه
ياكثر يافيحان صبر صبرناه=امس الشهر عديت باقي اسبوعه
لاتغبط اللي صار زوده بدنياه=يتبع هوى نفسه وغير طبوعه
مخطي طريق الحق غاد بعمياه=يجمع وصخ مال زوال نفوعه
اغبط تقي صار زوده بتقواه=عبد لصوت العبد يرخي سموعه
يفرح بصوت منادي الحق ناداه=عجل على المسجد بطيْ ركوعه
والا ترى الدنيا حدود مسماه=لابد مايقفي وتقفي زروعه




فلة خبيان
يابنت ياللي حول فلة خبيان=الله عليك أنتي من أيا عتيبه
لا ياعيون اللي على الطرد ولهان=حرٍ قطامي فعوله عطيبه
والقرن ذيل اللي تشعشع للأكوان=بنت الأصيل اللي طويلٍ سبيبه
والردف يطوي الثوب والعود ريان=والخد بارق مزنةٍ مستجيبه




تل الرشا
واقلبى اللي تله الود تلي=تل الرشا من فوق ملحا جلاله
في غربها تسعين فري ومشلي=وتجفل اليا سمعت ضريس المحاله
من واحدٍ طرق عليه يهلي=جدد جروح القلب مع ما جرى له
برمش العيون اللي هدبهن مظلي=ضافٍ على بيض المحاجر ضلاله
يابنت عيفي واحدٍ ما يصلي=تارك عمود الدين مالك وماله
عيفيه لو يفرش لك البيت زلي=من لا يخاف الله حرامٍ حلاله
خلي ملعن والدينه يولي=تلقين في نجد المسمى بداله
وعليك باللي للجماعه يهلي=اللي كما النبوة منارة دلاله
بالرجل ثنتينٍ حداهن يدلي=من كبهن ماهوب ويا الرجاله
وان كان مابه دين مع زين دلي=جعله من الدنيا تقطع حباله




مخ ساقه
راكب اللي مخ ساقه خنازير وهوى=أشهبٍ في مقدمه بارقين وعكس تاج
متر في مترين مستبرمٍ كله سوى=حايفه حطاب ماسمكره راع الكراج
منوة الي لأهله مشفقٍ وألهم نوى=يوم يفتح خط بين أربعه ثور عجاج
يوم يفتل للحرق والورق وسط إنزوى=ضد حرب وغرب والجمع ورجوم الحجاج
يوم أحده بالثلاثة مع اللفة عوى=عوي ذيبٍ محتدينه مربية النعاج
ثابت ما يحترك مرسيٍ يلعب هوى=ارتفع جب ارتخى مثل طايرة المراج
يرتفع حطاب بعصير لبنيه رمى=شرق غرب شمال بيمين الأبتل يوم راج
عنبره والمسك سلطان من نور السماء=والذهب خوذه وماء العود الأصلي يوم فاج




ياشيخة الخفرات
عز الله أني جزت على كل ما قول=لاشك ردتني على القول ضيحه
لا ياعيون اللي لياصك بالجول=منه أبرق الجنحان عجلٍ مطيحه
ياعود ريحانٍ رفع غصنه الطول=رستم قليبه مايهون ضبيحه
يوم استوى عوده على داير الحول=هجوا به التجار من زين ريحه
ياشيخة الخفرات بالزين ودلول=من مات من سبتك ربه يبيحه




مطلع الشمس
ياعبيد يا وجدي على شاي قبل أمس=شاي مزج ياعبيد بالزعفراني
امصلحه مركوز الأنهاد بالخمس=راعي ثمانٍ كأنها القحوياني
وجدي عليها وجد من حمل الجمس=في حملته ياعبيد سبع المعاني
يوم الطرد عدت ثلاثٍ بعد خمس=قامت تقطع قربته جدعاني
مدوله الدربيل مع مطلع الشمس=وجاه العريف وحدره لسفواني




عشيري ورى الكودة
الا وهنى اللى تمرجل بصك تراب=لو لا لجنة الترسيم ماعاش مع غيرة

انا كل ديرة جيتها وادرك الاسباب=ادور نصيب بذ رجلى بتدويرة

الا يا وجودى وجد من صك دونة باب=بقفل اعجمى(ن) مغلقات مساميرة

معة فرت خمسة طن ينقل مية ركاب=من المال عيا ينقلنة تغاييرة

على اللى كوانى كية العظم بالمشهاب=على اقصى عراوى القلب محم مناشيرة

عشيري ورى الكودة وانا من ورى مشعاب=بعيد قريب تعيب ياهون تيسيرة

ولا ياصلة ياكود فرت علية اصطاب=ليا حاسب السواق تشر مواخيرة

صنايع بياطير الكفر لابسين الكاب=عصاة اليهود اللى مشاريبها البيرة

ولاوهنى اللى من الود ماقد تاب=وانا تبت عنة وعدتلة ياللة الخيرة




مافي وسواس
ياسخيف الذرعان مافي وسواس=لي حاجة بالعرض وأسعى وراها
وأسجد لقادرها على غفلة الناس=وأسأله الجنة يكمل عطاها
أسعى ورى حد مهاويه دراس=زيزوم نمراً قادها ماتلاها
علق حبالي فرخ واليوم قرناس=واللي بحالي للولي مشتكاها
أعوذ بك يارب من سعي الإفلاس=وأنته رقيب النفس تعلم خفاها
يابنت أنا هذي شفاياي يباس=أطابق الوجبات ما أشفق علاها
ماني وانا
بندر بتباع الأنجاس=اللي قريبٍ تفلها من لحاها
أنا بدرب الصيرمي عدم الاجناس=زعيم روق اليا تنصت عداها




يا عبيد
يا عبيد يوم إنك تبي الدرب عجلان=رد النقي يا عبيد حالٍ وحيله
ما ينرمي قولٍ على غير نيشان=ومن لا يثبت حجته ويش هي له
صوتي وأنا
بندر طويلٍ ليابان=وان ما خشيت الرب ويش اختشي له
وان عودت للناس قومٍ وصدقان=ما احد بما نعني لأعدي الطويله
وأن جيت أغني البيت وافي ومليان=ولولا معاني بالغنا ما اشتقيله
ما أحب ترديد الغنامير مشحان=ما أدمح خطا اللي شاهده رأس ذيله
والا خطا الطيب زبادٍ وريحان=لو يدعي لي بالفنا وادعيله
إن ضاق صدري شفي أمزح بالالحان=والا عن الزلات رجلي ثقيله
دنيا نبي تقزيرها ضحك حجان=وألا ترى صيورها مستقيله
والرجل غاية ملحته قلب ولسان=وألا أن باقي جثته حنضليله
يارب تجعل لي من الذنب غفران=يافارج لأيوب عقب تهليله





الشاور غشاني
من بلاد الشام جينا بالمكينه=فوق فرت ماتخثع بالطماني
يحتدي مثل الجمل تسمع رطينه =مع طمان القاع مثل الثعلباني
والشفير من المدارس مطلعينه=عيدهي يجدعه جدع الحصاني
قذلة الطربوش ناطلها يمينه=عن ظلام الليل شب الكهرباني
ماتجيه يسار رجله شوف عينه=غير يسر الطاركي باليماني
يوم قال له الخوي عاشت يمينه=شد رجله للكمك واحد وثاني
يالله انك تنصره من نصر دينه=ان عطى له مع غبا والا بياني
قلت يالمطنوخ انا عيني حزينه=عن شراب اللف ابيه وعنك كاني
قد رمى بالكيس قدمي قال وينه=دوك مابالجيب عن شي لهاني
يقصد الكبريت معي منه عينه=قد منا تلت غراميل متاني
قلت ثالث قال يالله لاتهينه=قلت خامس قال قير يطلب نقل ثاني
قالت واحد والكمك ظام المكينه=قال لي من يرحم القاسي لياني
قلت والله يرحمونه صانعينه=قد زعلت من اللهيب اللي غشاني
قال ماتاثق بذمه مقننينه=عن مشاور غير عرفي قد كفاني
قاطع عرقين مدري وين وينه =قد وصلت الأرض واسمع صوت ثاني
يوم يرفع موخره قو المكينه =يرتخي صدره وانا الشاور غشاني
قلت دوك اللف خابو شاربينه=غطني عن شوف شي قد غشاني
قال عن وقلت بأيا لحينه =قال قل ناسي خوي مانساني
قلت عاش الشيخ واللي ناجبينه=عادة الطيب اليا جا الجد عاني




صدر وردوف
يابنت ياللي عمرها صدر وردوف=بيض محاجرها وحلو نباها
ودي بشوفك مير يوم اقصر الشوف=عيني بعد هاك الرمد قل ماها
سويت لي يابنت بالعين معروف=بأسباب رجل بعدتها خطاها
والا ترى قلبي ليا اصطك بالجوف=اومى بحالي لين تابس عصاها




لاتجربونه
ياهل الونيت اللي يبي مشتل البيب =مادق صدره بالخطوط الغزيره
يوم يتخثع مع محير الأداعيب=يشدي تخثع جادل في حريره
لاتجربونه مايبي الفرت تجريب=قد جربه بالبيت الأبيض خبيره
عدوه لابن حزام سيد اللواعيب=لعاب زينات البيوت العسيره
ثم قل لقاعد مانبي منه تدريب=الوقت دربنا على كل سيره
لو كل من قاد السبب يعلم الغيب=ياما كرهت النفس من باب خيره
ان قفت الأيام ماها مغاريب=واليا اقبلت يازين صافي غديره
قل له رميت الكيس بين الشواريب=واليوم ادوج مالقيت اتعميره




لاتسقط شرفها
الله من شي بحالي نحفها=من مالجى بالقلب حالي نحيفه
من كثر ماتكتم تزايد تلفها=بين كداها بالعروق الصخافي
كم واحد له حاجة ماصرفها=يصد عن صرافها لايضيقه
يخاف لايقضب نديم طرفها=قلبه صدى واطراف جسمه نظيفه
والله خلق بيد الذلول وعسفها=للي يبي المنهاج مثل القطيفه
والفضل للي مدها ماقصفها=وانهج من الدار المحل للمريفه
وانصحك ياللي غرته ماعرفها=شيب تشيب مايحول رديفه
رديفها يركض ويركز هدفها=وقت يقص العظم من حد سيفه
وان جتبك الدنيا وجابك صدفها=لاتعتزي بأهل النفوس الضعيفه
وأنصحك نفسك لاتسقط شرفها =ترى بعض بيض المجالس مجيفه




خبيث التجاره
لاوالله الا طولن بالوقوفي=عيا يحملهن خبيث التجاره
بفلوسنا ياعبيد ماش معروفي=متى نجي ياعبيد مع خشم صاره
ياركب من فوق صاف البلوفي=مقعد امبير الزيت نيم الحراره
فراق مابين القلوب الولوفي=فرت كما وبل السحايب غباره




شيب الفلاحي
بديت ذكر اللي بسط سبع بوتاد=واللي رفع سبع بليا عمدها
والكار للي صار غيث للأجواد=لاقبلها صارت ولا من بعدها
زايد على كل العرب بالوفاء زاد=ساق المراجل لين وقف عددها
حلحيل حلو مر زراع حصاد=كبد يداويها وكبد لهدها
ولي عجوز من ورى شط بغداد =سمت على شيب الفلاحي ولدها
تبغاه يطلع مثل زايد ولا فاد=ماكل من هاز الطويله صعدها
ياشيخ انا جيتك على غير ميعاد=من خوف روحي لايجيها وعدها




صنايع يهود
الا يانديبي فوق دوج عليه شراع=ماقال انفخ التشريق جاء في مواصيره
ليا هبت العليا وقام العجاج وراع=يهيظك مع السكه تزاوغ معاصيره
صنايع يهود لايبدل ولا ينباع=يقربك من دار ويبعدك عن ديره
بعد ماطلعوه مشيك مايبي المرجاع=سمع من وراه الفوج غنت مواطيره
ليا دق سلفه قام صوته يرج القاع=ماجاه المعاون يشتغل في مساميره
عطاه اثنين وداس بلأبنص وفاع=رزيمه رعد مزن تهلع دناقيره
خرط له بثالث عقب نشه بعزم وزاع=شتله برابع مايضيع تغاييره
ليا شال عزمه ريحه آمن مارتاع=مسك مع يمين الخط ويلد لأنبيره
نص جو سمنه مايبطنج مع الأرواع=منصيه شيخ ماتبطل جزازيره
على سلم جده مايشاور ضعيف الناع=يدلك بفعله كاثرات دواويره






التوقيع




04-17-2008, 02:58 am رقم المشاركة : 3
معلومات العضو
الدبلوماسي
إدارة الساحـــات
إحصائية العضو








رد:
الديوانالمكتوبللشاعر / بندر بن سرور


حج الجمل
انا ليامني نويت افتل البيت =فتلت والشعار ما ينقضونه
بينت راسي للمغني وغنيت=وين انت ياللي مرمسات ديونه
حج الجمل ياهل المثايل وحجيت=والناس راس العبد مايقطعونه
دوك السويتش وشغل الفرت يابخيت=وارد حفيز وكاملات فنونه




عجل على المسجد
ياكثر يافيحان صبر صبرناه=امس الشهر عديت باقي اسبوعه
لاتغبط اللي صار زوده بدنياه=يتبع هوى نفسه وغير طبوعه
مخطي طريق الحق غاد بعمياه=يجمع وصخ مال زوال نفوعه
اغبط تقي صار زوده بتقواه=عبد لصوت العبد يرخي سموعه
يفرح بصوت منادي الحق ناداه=عجل على المسجد بطيْ ركوعه
والا ترى الدنيا حدود مسماه=لابد مايقفي وتقفي زروعه




دوك الفرت
يامنير دوك الفرت واخذ الفواتير=وافحص عليه ودخله بالقراجي
اللي يبي بنزين ركب مواصير=واللي تبيه النار ركب بواجي
واليا ستعد وصخر البعد تصخير=تصخير شيهان لفرخ الزراجي
حده على اللي مايعد المخاسير=ركاز عمدان الخشب للنعاجي
ثم قل لبو
بندر ترى وقتنا غير=تبدلت سحب المطر بالعجاجي
قومه عتيبه شيوخهم مابهم خير=لايدعي بشيوخ شيوخ الخراجي
نبكي سيوف سمرت نجد تسمير=تسمير عود الساج في عود باجي
حدن محمد ابن هادي ورى النير=والفرم محسن عقبنه سواجي
ربع رسو بين الحفيفين يامنير=ماسلمو لمدور الباج باجي
رحنا ندوج ونتسمى مناصير =نمشي على البيدا بليا مزاجي
متى يجي في نجد بعض التغايير=حتى يجي للصابرين انفراجي




بالسلك يندار
يامنير عمر لي من التتن معمار=يبري الغليل اللي على القلب كالي
ولا رفعت الصوت وابديت ماصار=من شان تدري ويش ولا بحالي
مكفاك مني سجتي بعض الأمرار =انهج جنوب وحاجتي بالشمالي
اركض مع الدنيا كما ركض دوار =ياما كسب زندي وياما غدى لي
الله على اللي عايروها بالامتار=طراز بنج شغلت بالعدالي
زادو هواها واطعموها من النار=حتى امبير المنجضع عد صالي
نشت سما ماجربوها مع القار=طارت مطير الطير ربع الكحالي
تلفي على اللي في طرف هجر سنجار=يشدي جبل سنجار بين الجبالي
باطراف بيته للمواجيب شنكار=معلاق كبش عند راعيه غالي
ثم قل لبو
بندر ترى الوقت دوار=يفطن تراني منفعه لو شكا لي
ان زان وقته صار بالسلك يندار=وان شان قص مروبعات الحبالي
كم واحد بين العماهيج هذار =مغترته نفسه بكبر الضلالي
يبلس على ربعه ويدنع بالأسوار=ويعد نفسه من حساب الرجالي
كفه بخيل وقلبه انجس من الفار=اسود طرف وادغم من السرمدالي
هذاك بعده خير ماكنت بختار=اجزاه بالصدات وابعد مجالي
ابعد مجال الرجل عن كل هذار=واصبر على الصكات والعمر بالي
وليا وطني غبر الأيام بأزوار=غيري جماعه ماوطني لحالي
شفت الوزا واشتلت لي منه قنطار=وان جيت اعدله شرق للغرب مالي
عبر على الدنيا من العسر لايسار=ماظنتي فيها حرام وحلالي
حرام للفنجال سوقه ليا فار=الا على اللي يرخصون الريالي
وانا اللذي ماقول في نجد شعار=وان كان به شعار محد حكى لي




يامشتري حظ
يامشتري حظ جزى منه راعيه=ياسايم حظي تراني سموحي
ارخص عليك البيع ماني بمغليه=واشرط عليك انه سدوح لدوحي



ذباحة التيس
ياعنك ماتغنيك ذباحة التيس=ربع السعد مادام حملك خفيفي
واخير من هاك الوجيه المفاليس=البعد عن معروفهم لو تضيقي
يلحقك منهم بعض الأيام تنجيس=تاطا النجس لو كان ثوبك نظيفي



البر دجته
يالله يا جال الامور المهمة =تجلا وهج قلب برا حال راعية
البر دجته والبحر رحت يمه =يقطعك يا حظ على الله مساعيه
يوم أن ولد اللاش رزقه على أمه =رزقي على اللي ميت القشع يحييه
يامل قلب كل ما مات همه =دارت دواليب الدهر لين تحييه
فراق شمل الناس عيا يلمه =وقت يشيب الراس من شاية فيه
أحد ينام وحط راسه بكمة =واحد تخم النوم عينه وتخطيه
واحد يحاول بالردى بنت عمه =واحد يحاول ستر عذراء عوانية
ماني وانا
بندر ببياع دمه =يقطعك يا بياع دمه ومهفيه
اللي يبيع لا بسات الازمه =ثور يبابيض الرعابيب تغنيه
يزعل لياجت ليلة الدوريمه =يرضى بسوق المال فخوه و فابيه
خطو البخيل اللي يكبر معمه =يقرأ الكتاب وواجب الله يخليه
إمر هرج لك في رفيقه بنمه =والاعطا وامه تضيع هقاويه
أنشدك ياللي كل فرض تتمه =تقرا الكتاب وكل فرض تصليه
ويش القليب اللي غميق مجمه =ما فاد غرسه ماه . عطشى سوانيه
تخالف الانظار شرق ويمه =وكل هدف رآيه من الناس مرضيه
سم السبب يا عارف عنه سمه =سم السبب يا عارفه قبل اسميه




يلعب هوى
راكب اللي مخ ساقه خنازير وهوى = أشهبٍ في مقدمه بارقين وعكس تاج
مترفي مترين مستبرمٍ كله سوى = حايفه حطاب ماسمكره راع الكراج
منوة الي لأهله مشفقٍ وألهم نوى = يوم يفتح خط بين أربعه ثور عجاج
يوم يفتل للحرق والورق وسط إنزوى = ضد حرب وغرب والجمع ورجوم الحجاج
يوم أحده بالثلاثة مع اللفة عوى = عوي ذيبٍ محتدينه مربية النعاج
ثابت ما يحترك مرسيٍ يلعب هوى = ارتفع جب ارتخى مثل طايرة المراج
يرتفع حطاب بعصير لبنيه رمى = شرق غرب شمال بيمين الأبتل يوم راج
عنبره والمسك سلطان من نور السماء = والذهب خوذه وماء العود الأصلي يوم فاج




هال ماطال
عـز الله انه هال ما طال ياسعيد =زل الشـهر والوقــت طــــــوال بديده
اللي من اول للخلايق مـــواســيد =اســقــي غــريــر الهـم لـو يستفيده
قم يا رشيد الحق واقول يا رشـيد =الله عــليك انـت مـن ايـا بـديـــده
اما البديده منك عــند المواعيد =ولا هـــمومــك مــن حيــاتك زهـــيده
ابستفيدك كان جــــــربت افــيد =تــنام واســمـك حـول الاســمر رشـيده
لي قــصة يشهد بها راضــع الديد =يعـدهـاغـيـب الســـراب الطــريـــده
طويلة عريضــــــة با لتماجــيد =يــفرح بهـا الطـيب فعــول مــجــيده
طــويلة عـريضــــة بالمناقــيد =يفــرح بهـا النمام شــيـن العقـيـده
جار الزمان وعاونوه الحـواقــيد =اللــي لهم مـن قــبل ذلـك حــقيــده
يا رشــيد يوم اتعبتني بالتناشيد =خـــذلك من الـدرويـش زبــدة قصــيده
واليا ذكتر الله وكثـرت تمجيــد =تـــرى محمد صــفوة الخلـــق ســـيده
ترىابرك الحزات يوم صدف عيد =جمعة اسـبوع وصـادفـت يوم عـيده
أذكر لك الأجواد صـد وصـواميد =وانــــذال لاصــدوا ولا مــن صـــميده
واذكرلك اقشــر ماعلىالسيد والبيد =اللي طــــمع بنت القصــير الحــديده
فضحــة قصيره عنده انه اكسب فيد =ســوالـف بهـا للناس خطــو البــليده
سولف بجرح سال جرحه تضـاميد =زود لجرح الجـرح ينــزف صــديده
من لا ســتر خـــلآت غـرات اجاويد =هـــذاك نــقــال الخـبيثات بـــيـده
وليا وطاك اللي وطـاني تراديــد =رد الســؤال ولا تـحـــيــر بــريــده
وانا الذي قــد مرني سـلك تنجيد =خــدمـت بــه عــدة سـنين مــديـــده
مرحــول هم وكل شـي لــه احــيد =احـيـد زيـن وشــين والهـــم احــيده
اسمع صريرالقلب بين الحواديـــد =حــــدنــه الضـلاع واســمع رديـــده
والله مأهـــني قاضي العمرترغيد =ابـن اللئـيم اللـي حــياتـه رغــيده
اهـني الكلب الحجل بالمــراقـيد =وضــب الخـلا لوكان يا كــــل رديــده




ملز الشوخ
سرى البارق اللي رؤوس مزنه تنصت غال = على هجرة بن سنون وأدنى الشبيكية
على شان خلي جعل يسقيهم الوبال = واليا عودت مالي ومال الحبردية
ألا ياعيون اللي مواكيرها بالخال = توالي رقايب نجد ماهيب بحرية
اليا نقضت شقرٍ على ردفها ميال = تخابط سبلهنه مطارق شريطية
كما ذيل شقراً شعشعت في يد الزمال = تغانم ملز الشوخ تبغى الكرامية
جوابه لبن عربٍ بعد ما أطرحن أهجال = تدلن على حليت مع درب وسمية
يتل الضماير تل غربٍ على محال = تصافق به الجيلان ملحاً جمالية
يرفع لها صوته صبيٍ خبيث أعمال = تسقي وديٍ فيه تسعين برحية
وترى تبعة المقفين عيبٍ على الرجال = لكن أوسع خاطرٍ بد خافيه




ماني وانا
بندر
ماني وانا
بندر براعٍ ولد راع=انا الحصان اللي طوالٍ حباله
إبن سلايل خير من شالت القاع=المصطفى الهادي وديع الرسالة
ماني وانا
بندر ببيّاع دمه=يقطعك يا بياع دمه و مهفيه
اللي يبيّع لابسات الأزمه=ثورن يبي بيض العماهيج تغنيه
ماني وانا
بندر بهيسن ولد هيس=هيسٍ يدنع عند حرمة قصيره
ليا بغيت اجلس ترى لي مجاليس=وليا بغيت انهج دروبي عسيرة
ماني وانا
بندر بهيتٍ ولد هيت=هيت مقابل خمّةٍ يكرهونه
من كثر ما جرّبت وأقبلت و أقفيت=قولة هلا من لا يودّك مهونة
ماني وانا
بندر على درب الأنجاس=اللي قريبٍ تفلها من لحاها
أنا بدرب الصيرمي عدم الأجناس=زيزوم روق ليا تنصّت عداها
ماني وانا
بندر بنصّاي جابان=شوخ الجموس مناقرين الحليلة
ليا صار لي لازم نصيت ابو فيحان=شيخ الشيوخ مكمّلين الجميلة




ماني بمرجوج
ياسهيف الذرعان مانيب مرجوج =رجتنى الدنيا بغدر وحيله
يابنت لولا اللى على تاسع الفوج =تركت نجد وعزوه بالقبيله
لا شك حادينى على نجد هيدوج =مسقى الفيافى لين يدرج مسيله
تركى ليا من البلاوى غدن عوج =حمله عتيبه كلها ما تشيله
يرسى كما مينا البواخر على الموج =ومنين ما صك البحر ترتكى له
مادام تركى حى ماودى ادوج =وان غاب غبت من الرجوم الطويله




طويت حبل
طويت حبل اليأس يابدر دونه = وجاني عليه من الأزاء ما كفاني
في الليل جسمي مقلقاته همومه = والعين تسهر ما تذوق المنامي
عليه روحي يابسات شنونه = وحره على الضلع القصير كواني
أمشي وقلبي يابساتٍ غصونه = ومني صناديق الضماير حطامي
ابلا مرض حالي تقول مهيومه = والكبد صامت عن لذي الطعامي
اللي عليه القبر ركزت وسومه = وجدي على لاماه وجد الضوامي
حره سطا ما عاد تبراء وسومه = ولا عاد يمحى وسم حزنه دوامي
يابدر متى الوسم تدخل حتونه = من نومزنٍ مانشا بالغمامي
أباه يزي القبر من ماء مزونه = يزيه ربان السحاب الهشامي




رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
قصائد كلمات شعر اشعار الشاعر سلطان الهاجري Yaqot شعر و نثر 0 December 21, 2014 12:09 PM
قصائد كلمات شعر اشعار الشاعر عبدالله بن شايق Yaqot شعر و نثر 0 December 20, 2014 12:47 PM
قصائد كلمات شعر اشعار الشاعر محمد بن فطيس Yaqot شعر و نثر 0 December 20, 2014 12:45 PM
قصائد كلمات شعر اشعار الشاعر خلف بن هذال Yaqot شعر و نثر 0 December 20, 2014 12:42 PM
حمل ديوان شعر بندر بن سرور الجديد زيـــن العـآبديـن كتب الدواوين الشعرية 41 May 19, 2013 12:09 PM


الساعة الآن 09:43 AM


Powered by vBulletin® Copyright ©2000 - 2019, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر