فيسبوك تويتر RSS


  #1  
قديم June 5, 2014, 12:50 AM
 
تخصص ريد

كنت فاكر
الزول البحبك بفتش عنك
مكان مكان
ما كنت قايل بغش
لكن صحيح
الايام عجايب
فيها ناس تغش
حتى في الحب
تشيل تقش
تكنس دوب الريد عديل
اتعودت الغش
تبيع من غير خجل
قلوب عشاق بلاش
لا دينار و لا فلس و لا قرش
اتعودت دايما تفتش
للعذاب
شان تجرح قلوب
تلذذ شديد
لمن تغش
ما هماها كان حرق القلب
أو
سهرت عيون
اصلو حرفة الريد بقت
زي السلع مفروشه في السوق فرش
عايز تحب
تعالنا جاي
نديك قلب نضيييييييف
ماهر في التعذيب من كل لون
من كل صنف
بيعرف وكتين خلاص يتمكنك الريد
بالاعذار يلف
يفتش غيرك
ما خلاص
انت بقيت قرف
ما بتعرف تريد
ما الريد عايز تكون تعرف تغش
تعرف تبيع
تعرف تفرش كم صنف
تعرف تزوغ
من غير تتعترف
تنتف قليب عاشقك نتف
تخليهو لا ميت و لا حي
و للدموع ينزف سرف
يملأ الوسائد و المناديل
يطفي شمعة
يوقد شمعة
حتى الشموع جفت فيها الدموع
و برضو بتقول بتريد
و عديل من غير صلف
تحلف حلف
كل الاعذار كملتها
و لسه بتكوس سبب للغياب
تهمس أنت بي عتاب
وين يا زول أمس
و انت الغبت من أول أمس
اتاري الريد عندك كده
وقعت يا قلبي و ما سميت
زولك ببيع الحب
لكل محب
جرب تكسب
حرفتنا نحب
كم يوم بس
بالكتير شهر
نغير الحبيب
زي شراب الحليب
ساهل نجيب
من غيرو
كم حبيب
ما صعب
كلمتين بالكتير
بنلقى كم قلب
عايز يحب
تعزل عزل
تشوف القلب الرهيف
المن غير تعب
يقع يحب
ينكبه فيك كب
زي موية المطر
ينصب صب
ينهل عليك
ما يخلي كلمة في الغزل
إلا يقول ليك
في خديك و المقل
وجنتيك يا احلى من العسل
لمن يدوب
و يستوي تب
تشوف غيرو
يكون مجروح
كم جرح
شان تزيدو جراح
تصيدو صيد
زي نافر الصيد
اصلو كان ميت عيون
كاتله الحسان
بنهيد و جيد
شاهره السلاح
ماده ليهو ايد
شان تنقذو
و انقاذه لي
تقيدو من جديد
بحبال ريد جديد
تمني بالحب الاكيد
تنسي الفات مضى
و بي طيبة قليب
يقع البليد
في احلى صيد
__________________
اللهم لا إله إلا أنت سبحانك
اللهم إنهم عبيدك و أبناء عبيدك
أهلي في سوريا خذ بيدهم و ارحمهم من هذه الفتن ، و انشر السلام و الأمن في ديارهم
يا رب نصرك ، يا رب نصرك ، يا رب نصرك
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
تحسس أنفك وعقلك البتول } قصص البرمجة اللغوية العصبية 9 November 14, 2012 05:31 PM
][ تخصص جرافيك <<<<< ج ـيان طلبات الاعضاء 1 March 29, 2011 12:15 AM
عن تخصص الأدارة sweet.21-1988 طلبات الاعضاء 1 October 21, 2009 06:06 PM
استفسار عن تخصص اقتصاد ablo ablo علم الاقتصاد 6 August 20, 2009 01:55 PM


الساعة الآن 06:03 AM


Powered by vBulletin® Copyright ©2000 - 2019, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر