فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم April 13, 2008, 03:01 PM
 
Wilted Rose عاتبوها ..

كل ماقابلتني عاتبوها
على شوف الحبايب حاسبوها


خذوها وأبعدوها غصب عني
وعن وجهة طريقي جنّبوها


وشالوها عن عيوني غصيبه
عواذل وأغصبوني وأغصبوها


خذوها من يديني شوف عيني
وعن عيني تعدّوا وأحجبوها


كلام وصدّقوا بالبنت كذبه
وهم اللي من أول كذّبوها


وهم وشدخلهم في مال بيّن
لبوها والخلايق طالبوها


وفيّه لاتخون ولاتعاند
جسوره والمواعيد أرعبوها


ملاكٍ كامله والكامل الله
ولكن العواذل عذربوها


وهي كلما دعتني تشتكي لي
عن اللي سالفتنا سرّبوها


تخاف وتلتفت مع كل كلمه
تظن أن العواذل راقبوها


تلفّت من عقب ماهي جريئه
شجاعه ماتهاب وهيّبوها


وأهدّيها وأنا حاير وثاير
مصيبه ياعذابٍ عذبوها


وهم كلما خذوها عن طريقي
تراهم صوب قلبي قرّبوها


وأنا ماتعّبت قلبي خيانه
خيانه رتّبوها وأحسبوها


ولا يعجز خفوقي لايقابل
جفا من حاربوه وحاربوها


وأنا لي عزّة ٍ تفرض عليّه
أخاطب بالجفا من خاطبوها


وأكسر لوحة الماضي وأزيله
وأخرّبها مثل ماخرّبوها


وأذوّقهم ندم ماصار فيها
وأشرّبهم من اللي شرّبوها


وأدلّعها وأولّعها بنفسي
وأشرٌّقها بعد ماغرّبوها


وأعوّضها عن اللي راح كله
وعن ذيك الليالي كلّبوها


غلاها بالحشى لازال ثابت
ولو حتى بغيري حبّبوها


وغلاي بقلبها مرّ وتعدى
غلاها لأمها ولا لأبوها








مع تحياتي
غاده
__________________
رد مع اقتباس
  #2  
قديم April 13, 2008, 03:07 PM
 
رد: عاتبوها ..

وأذوّقهم ندم ماصار فيها
وأشرّبهم من اللي شرّبوها


وأدلّعها وأولّعها بنفسي
وأشرٌّقها بعد ماغرّبوها


وأعوّضها عن اللي راح كله
وعن ذيك الليالي كلّبوها


غلاها بالحشى لازال ثابت
ولو حتى بغيري حبّبوها


وغلاي بقلبها مرّ وتعدى
غلاها لأمها ولا لأبوها





يسسسلمووو غاااااده على هذه الأبيات

الرائعه

ننتظر جديدك

دمتي بوود
رد مع اقتباس
  #3  
قديم April 13, 2008, 03:14 PM
 
رد: عاتبوها ..

مرورك الأروع صدق
__________________
رد مع اقتباس
إضافة رد

مواقع النشر (المفضلة)

الكلمات الدلالية (Tags)
عاتبوها

أدوات الموضوع
انواع عرض الموضوع



الساعة الآن 10:40 AM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر