مدونتـــــي ®»▓◄انا وصديـــقي انا مــــين►▓«®

السلام عليكم ورحمة الله وبركاته

انا اسمي كريم واحب اعرفكم علي صديقي انامين
(لو سمحت اكتب اسمي صح اسمي انا مين مش انامين)

صديقي انا بهزر معاك
(ما اثقل دمك)

انا وانا مين بنحب نقدم لكم مدونة خاصة بينا
(طب وباقي الاعضاء يا ناصح يا اناني )

يشرفونا طبعا خلاص يا عم ماكانتش كلمة قلتها خليها مدونة مفتوحة للجميع
(ايوه كده خليك اجتماعي وحب الناس شوية)

واضح انك هتطلع روحي في المدونة دي بجد انا غلطت اني اشركتك فيها
(خلاص قدمها لوحدك لو تقدر)

وانا اقدر استغني عنك برضه
(ايوه كده اسمع الكلام احسن ما يحصلك طيب)

طب قولي ايه رأيك نسمي المدونة ايه
(بجد انت بتهرج يعني تفكر تعمل مدونة ومش عارف هتسميها ايه)

بس خلينا نفكر شوية .... اااااااااااااه ممكن نسميها مسافر زاده الخيال ايه رأيك عنوان روعة
(يا عم خيال مين ومسافر ايه خلينا في الواقع اللي احنا عايشينه)

طب بمناسبة البرد اللي احنا فيه ده نسميها
تائه في عالم بارد
(بجد ماشفت ابرد منك)

طب ما تقترح انت طالما مش عاجبك اقتراحاتي
(تيجي نعمل زي الشباب الرومانسي ونسميها مثلا تحت ضوء القمر الي آخر العمر)

اسم كويس بس اللي اعرفه عنك بصفتي صديقك ان عمرك ما حبيت ولا ليك في الرومانسية ولا الشعر
(يعني انت اللي ليك دا انت طول عمرك بتدرس كيمياء يعني آخرك H2SO4)

اقولك ناخد وقتنا ونسميها اي اسم دلوقتي لحد ما نلاقي اسم كويس
(طب هنكتب ايه في المدونة دي)

تصدق ما فكرتش في الموضوع ده
(انت عاوز تجنني يا عم كريم يعني عاوز تعمل مدونة لا عارف تسميها ايه ولا هتكتب فيها ايه)

منا قلت استعين بصديق زيك اومال انا جايبك ليه
(مصلحة يعني)

بقولك ايه هما بيعملوا المدونات دي ليه مش عشان يدونوا فيها اي حاجة تيجي في بالهم
(تصدق ايوه)

يبئي ندون اي حاجة وخلاص بس سيبلي نفسك واحنا هنعمل احلي مدونة
(يا عم قول ان شاء الله)

ان شاء الله
(يلا بينا يا عم كريم)

بينا يا صديقي انا مين

الأسم
كريم

العمر
لا يقاس العمـر بالسنين بل يقاس العمـر بنضج العـقـل

المستوى التعليمي : مهما كان المستوى التعليمي عالي
لابد ان يكون هناك مستوى خاص من الوعي والإدراك الحسي

الهواية
القراءة والبحث

حكمتي للحياة

لا يأس مع الحيـاة ولا حياة مع اليأس

الأسم
انا مين

العمر
ما هو لوعرفت انا مين هعرف عمري كام

المستوى التعليمي : درجة الماجستير في الواقع

الهواية
اللعب مع الكبار

حكمتي للحياة
لا يوجد