|
|||||||
| شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك |
 |
|
|
LinkBack | أدوات الموضوع | انواع عرض الموضوع |
|
#1
April 5, 2008, 08:12 AM
|
||
|
|
||
كفاية صار لك شهرين غايب عنى يا غالى
كفايه صار لك شهرين غايب عني يالغالي كفايه يا اعز الناس ترى والله ما أقدر دخيلك لا تخيب فيك هقواتي وآمالي و اذا انها عالصبر و الله و غلاتك عندي راح أصبر أبتحمل عنى فرقاك و حالي يرثي لحالي مع اني و الله لين اليوم مدري ليش بس تهجر أبعرف شالسبب أرجوك وش اللي بس يجرالي أنا شسويت ياربي عشان تثور و تتفجر أنا و الله ماستاهل أبد كل اللي يجرالي أقل مافيها بس قل لي سبب خلاك تتغير أبعرف بس شالموضوع علامك صرت ما تبالي بذمتك كل أهلك في يوم شفتني بشي أنا مقصر عطيتك قلبي و روحي وهبتك حالي ومالي حملت احساس هالدنيا و عطيته لك و انا أفخر عشقتك عشق لا قبله و لا بعده انعشق تالي هويتك موت و تخيل إلين الموت و تصور و إذا جاني مسج منك مخزن رقمك الغالي و لا أمسح رسالاتك اتم أقراها وأفكر و أحلل كل كلمه بالمسج الله يا غربالي و أقول بخاطري معقوله حاسس فيني ويشعر و ارد أقول لا يمكن تذكرني و هو سالي لان توني مطرش مسج طرش مسج يشكر و ارد أقول لا أدري يبيني و حاسس بحالي و أرد أقول لا ماظن على باله أنا اخطر إلين إني انا تأكدت قلبه بالفعل خالي و لا غيري أنا بقلبه يحبني موت و يقدر لأني مره من المرات طرت فكره على بالي نويت أزعل بدون أسباب و أشوفه لو بيتأثر أبعرف قدري بقلبه بيهمه وضعي الحالي أو انه راح يطنشني و لا يسأل و يستفسر و فعلاً دق ما جاوبت حرق لي و الله جوالي ثلاثة آلاف مره دق و انا مطنش و لا معبر كتب لي بالمسج اطلع أنا عند بابك الحالي قسم بالله ما تطلع لا خربها انا واحدر و مشكلتي أعرفه زين يسويها ولا يبالي نزلت وخاطره مكسور يقول شفيك متغير و قلت له بس أبتأكد إذا قدري معك عالي ضحك لي و قال : إتأكدت و دمعه بلل المحجرو طارت فيني الدنيا لمكاني صاحبي جالي تعذر لي وانا الغلطان وانا اللي لازم أتعذر بعدها عشت أحلى ايام في قربه هنيالي و صلنا لمرحله مانفترق عن بعضنا وأكثر بعدها فجأه خلاني ولا يسأل عن احوالي و انا في خاطري أدري محال في يوم يتغير أدق له مايجاوبني بديت أشك في حالي أخاف إنه حصل له شي أخافه بس متكدر لعب في قلبي الوسواس خياله ما تهيالي حوالي ألف مسج طرشت حبيبي يا عسى ماشر و لا جاوب و انا قاعد على اعصابي و غربالي حبيبي صار له اسبوع فيني حتى ما فكر إلين إني عرفت شلون أخلي خلي الغالي يكلمني و جت فكره بعد ما مت وانا أفكر و فعلاً اتصل فيني و بدت أحزاني و أهوالي و كانت صدمتي كبيره علي الغالي يتغير سألته قلت له اشفيك ما من شر يالغالي وش اللي صار بالدنيا علامك ليش متبعثر أو إنك يعني ماتدري بدونك صرت أنا لحالي و لا لي خلق أي انسان كثر مافيك أنا أفكر و جاوبني وقال أرجوك أبي هالدنيا تصفالي أنا مليت من وضعي واشوف الكل متغير أنا ضاقت بي الدنيا وأبي أبقى انا لحالي خلاص اتركني لاتسأل وأنا برجع عقب أشهر و قلت له مو علي تكذب أعرفك تضعف قبالي تكلم قول شالموضوع بدى قلبي يدق أكثر سكت لحظه وقال أرجوك ابعد عني يالغالي و خلني أذكرك بالخير وانت مثلي اتذكر و لا تطرش مسج واحد ولا تدق لي أبد تالي و إذا لي خاطر(ن) عندك لاتتكلم أبد سكر وقلت له والله ماسكر إلين تقول وتصفالي وقال لي والله ماتكلم ولو تبكي دمع أحمرو لكن شوف ربعك و انت تعرف بس وش جالي خلاص افهمها عالطاير لاتحرجني بعد أكثر و سكر و الدمع فيني على الخدين همالي قسم بالله ما أدري علامه قلبه تحجر فؤادي انهار وانا حملي جبال وجبالي في لحظه صارت الدنيا في عيني هالكبر واصغر حسافه ماتوقعته يصدق فيني عذالي حسافه ماهقيته يوم يصد عني ويتغير بعدها صار لي ماصار وربي يعلم بحالي فؤادي باقي بس شوي واحسه من الجسم يظهر بديت أعرق مدري ليش وخابت كل امالي انا توقعت كل الناس ولا توقعت هو ينكر وقلت بخاطري خله مصيره يرجع الغالي أكيد إنه سمع اي شي وجوه صار متعكر ولكن طوّل غيابه وزادت فيني علالي مرض قلبي تعب فكري واحسه جسمي متخدر وقلت خلني أطرش له مسج واشكي له أحوالي وطرشت المسج وشوي دق لي ودون مافكر هلا والله يا أغلى الناس هلا والله بالغالي الو طارق ما قلت لك لاتذكرني أو أذكر أبي بس أذكرك بالخير ياخي خلني في حالي وقلت وخاطري مكسور أنا آسف وماكرر قسم بالله لين اليوم وحالي يرثي لحالي قسم بالله إلين اليوم ولا أدري ليش هو تغير قسم بالله ماغضت عيوني ولا هدى بالي قسم بالله مامر يوم إلا وفيه أنا أفكر قسم بالله قلت بنساه بس طيفه يتهيالي قسم بالله لو حاولت أنا أنساه أتذكر إلين اليوم أنا عندي أمل يرجع و يصفى لي أقول الشوق بيرده على فرقاي مايقدر إلين اليوم و ضحكاته و بسماته على بالي إلين اليوم ما أرقد كثر مافيه أنا أفكر أبعرف شالسبب أرجوك وش اللي بس يجرالي أنا شسويت ياربي عشان تثور و تتفجر أنا والله ماستاهل أبد كل اللي يجرالي أقل مافيها بس قل لي سبب خلاك تتغير أبعرف بس شالموضوع علامك صرت ماتبالي بذمتك كل أهلك في يوم شفتني بشي أنا مقصر انا راح أنتظر ردك ولو حتى بمسج خالي و إذا ماجاني منك الرد و غلاتك عندي راح أصبر سنه سنتين اللي يهم أشوفك ثاني قبالي ثلاث سنين أو أربع أبصبر يعني راح أصبر و لكن حكم احساسك و جاوب يا أغلى كل غالي بذمة و الديك يهون تنساني و لا تذكر يهون إنك تخليني ولا تسأل ولا تبالي يهون إنك تنام الليل وتتركني انا أسهر كفايه كفايه صار لك شهرين غايب عني يالغالي كفايه يا أعز الناس ترى و الله ما أقدر دخيلك لا تخيب فيك هقواتي و آمالي و إذا انها عالصبر والله و غلاتك عندي راح أصبر منقول
__________________
سبحانك اللهم وبحمدك ..سبحان الله العظيم لا إله إلا أنت سبحانك إني كنت من الظالمين  إذا طال الزمن ولم ترونى فهذا خطى فبالخير تذكرونى  اللهم إنى أشتقت إلى لقائك....فاشتق إلى لقائى
|
|
#2
April 5, 2008, 08:18 AM
|
||
|
|
||
|
رد: كفاية صار لك شهرين غايب عنى يا غالى
فعلاً اتصل فيني و بدت أحزاني و أهوالي
و كانت صدمتي كبيره علي الغالي يتغير سألته قلت له اشفيك ما من شر يالغالي وش اللي صار بالدنيا علامك ليش متبعثر أو إنك يعني ماتدري بدونك صرت أنا لحالي و لا لي خلق أي انسان كثر مافيك أنا أفكر مشكووورة ع النقل الرائع
يسسسسلموووووا
__________________
كُلْ ـآلبشَرٍ مَآفِيهُمْ .. / ـآنِسآنْ كآمِلْ ! ـآلكُلْ مِنآ عَ’ـندِهْ | ـأخَ’ـطآءْ وٍ ذِنُوٍبْ ] وٍأكبرٍ خَ’ـطآ فٍيْ ـآلِنآسْ { سُوٍءْ ـآلتعَ’ـآمُلْ • { وٍـأكَبرٍ ذَنُوٍبْ ـآلنآسْ -[ تِذِنبْ وٍ لـآتِتُوٍبْ .. ..................................وِ لـآتِتُوٍبْ !
|
|
#3
April 5, 2008, 10:25 AM
|
||
|
|
||
|
رد: كفاية صار لك شهرين غايب عنى يا غالى
اقتباس:
|
|
| مواقع النشر (المفضلة) |
| الكلمات الدلالية (Tags) |
| صار, شهرين, غالي, غاية, عند, كفاية |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| لو عندك شخص غالي على قلبك..مرررة ..تفضل؟؟ | ((همسات مضيئة)) | المواضيع العامه | 12 | December 21, 2009 02:01 PM |
| عاش شهرين مع جثة زوجته في غرفة النوم | ناثرة المسك | قناة الاخبار اليومية | 6 | January 12, 2009 10:38 AM |
| عالج نفسك بالعسل | اسماء الجزائر | مقالات طبية - الصحة العامة | 2 | April 4, 2008 09:14 PM |
| قصة المثل (من عافنا عفناه لك كان غالي) | ولد الرياض | شعر و نثر | 4 | December 23, 2007 04:07 PM |
| سرق 55 شقة في شهرين | advocate | قناة الاخبار اليومية | 2 | December 16, 2007 11:37 AM |
العرض العادي
