فلسطينية ام لاجئة!!

السلام عليكم..
اسم المنتدى جميل جدا جعلنى لاول مرة اشترك فى منتدى وكمان اقترح موضوع للمشاركة ربما تستطيع المجلة فعلا ان تضع ابتسامةعلى وجهى.. انا كما هو واضح من العنوان فلسطينية...امر حاليا باشد اوقات حياتى مرارا وحزنا و يأسا...سيظن القارئ ان سبب حزنى ما يجرى فى فلسطين حاليا من تساقط للشهداء كل ساعة بل كل لحظة..وان مرارتىبسبب .القتل والاغتصاب والدمار الذى نراه على التلفزيون كل يوم...
ولكن كل هذا نتوقف عنده لحظات بعد قرائته فى عناوين الاخبار وننساه مع اول التفاتة وربما حتى لا ننتظر حتى تنتهى العناوين...وهذا حالى انا كمانواعرف انه حال ملايين من الذين يحملون اللقب الذى احمله.....
لاجئة....لم ارى فلسطين فى حياتى ...لم انعم لحظة بالشعور بانى فى بلدى ...بلدى بجد...بلد ابويا وا هلى..لم انعم بالشعور الكامل بالانتماء...الناس كلها بتتكلم عن الهوية...المواطنة!!!
انا عملت لنفسى كل دة ..واضح طبعا من كلامى انى بتكلم بلهجة مصرية...لهجة امى...بلدها اللى اخترتها تبقى بلدى وعشت كل حياتى بقنع نفسى انى مصرية انتماءا لبلد امى...محدش يحكم ويقول بعت هويتى الحقيقية لبلدى الحقيقية فلسطين لان علاقتى بيها لا تزيد عن اى عربى متعاطف مع القضية...بس فضل جوايا الشعور بالذنب ...وفضلت الحقيقة انى مش مصرية واذا الشعب عاملنى انى منهم فالاوراق بتقول غير كدة....اوراقى مكتوب فيها الجنسية اردنية بس جواز السفر مش زى بسبور الاردنيين ..مكتوب مولودة في الرياض...بس مش سعودية...مكتوب الام مصرية بس انا مش طالعة زى امى مصرية...مكتوب دخلت المدرسة فى مصر و اتخرجت من الجامعة بردو من مصر بس دة ما يخلينى مصرية...حاليا عايشة فى السعودية تانى مع زوجى اللى اخترتو بردو مثلى لاجئ من ام مصرية ...زوجين فى البسبور مكتوب فى الجنسية فلسطينى رغم ان كلامنا فى البيت بلهجة مصرية بس هوة لانو عاش طول حياتو فى السعودية بيعرف يحكى مع السعوديين بلهجتهم...وبنتى فلسطينية او نقول لاجئة تفتكروا بتتكلم ابه...هندى...؟؟؟
انا بقول اى كلام وخلاص والكلام عندى كتير مش حيخلص ...بس انا زهقت من الكتابة ..
مش عارفة دة ينفع يبقى موضوع يهم حد يرد عليه...حتى لوو ماحدش رد او كتب حاجة انا راح اكتب تانى ...يمكن الكلام يريحنى ويمكن حد يقول حاجة تغير اى حاجة

__________________