فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم March 11, 2008, 04:37 AM
 
من هو الجاني .... ..<< حب ولا اروع







عجبتني قصه على شكل خاطره وحبيت انقلها لكم وان شالله تعجبكم


قالوا لها: ولد عمتك امينه
جاي ويبي يكمل نصف دينه

أيش رايك يافتون
ابتسمت وقالت اللي تشوفون

اركضت صوب غرفتها
بعثرت من الفرح كل اغراضها
وطلعت دبدوب لونه رمادي
قبلته ولصدرها ضمته
وقالت انته اول هديه كانت في عيد ميلادي
كانت من حبيبي
نامت وهي تهمس حبيبي حبيبي حبيبي حبيبي


ماصحت الا على طقة الباب
امها تقول بسرعه البسي جونا الأحباب
لبست احلى الثياب
صارت أحلى عروس
بيديها كاسة عصير
قلبها يسابق اقدامها
تبي تشوف فارس احلامها

لكن










صار اللي ماتوقعت انه يصير
شافت ولد عمتها سعد
رمت كوب العصير
وارتمت فوق السرير
قبل تسألها امها عن اللي صار
اصرخت قالت ماأبييييييييييييييييييييه
تجمعوا عليها من كل صوب
أبوها أمها أخوها
قالوا غصب عليك تاخذييييييييييييييه

مرت بسرعه الأيام
وصار الزفاف في نفس العام
تسريحه اي كلام
مكياجها باهت من كثر الدموع
عطرها مو مهم اي نوع
خطواتها يم الكوشه ثقيله
ااهاتها داخل صدرها طويله

تمنت الموت ألف مره
على ان تعيش في حضنه مره


سعد يمشي وماسك يدها بيده
يناظر حوله ويشوف مااحد قده

قضت ليله
أقصد ليله قضت عليها
ليله كل شي موحش ا جمعت
بصدرها كل ونة مفارق تجمعت

اليوم الثاني موعد سفرها
سعد مع اخوه ينتظرها
وصلهم لباب الطايره
وعيونه من البكى حايره
طبطب سعد على كتف أخوه
وقال لاتبكي كلها أسبوع وراجعين
انا وقرة العين
قال اخوه قول ان شاالله


وصلوا الفندق
اللي في نظرها خندق
مع انه خمس نجوم

أخر الليل فرش سجادته على شط البحر
قال اجلسي ياقمر
اجلست جلسة طفش
تمنت انها فوق النعش
سعد فرض نفسه
استلقى على ظهره ونام على حجرها
يناظر في السحاب
ويقول احلى شي بالدنيا جمعت الأحباب
الله الجو رعه والبحر هادي
فتون ماهي معاه
جالسه تداعب دبدوبها الرمادي
وقتها نزلت دمعه على جبين سعد
قام وجلس قال خساره شكلها بتمطر
راح لسيارته مسرع
خايف ان المطر يسرع
قالها عيوني هاتي السجاده وبسرعه تعالي


سعد في سيارته
مشغل الراديو ويسمع
(ألا يامطولوا صبري أذوق الهم من كاسه
انا ياكم قسى دهري علي وكم قسوا ناسه)
ضحك بسخريه ونزل ينادي على فتون
سجادته مكانها
فتون مالها اثر
وعلى ضوء القمر
في وسط البحر
لاحظ شي يطفو
جن جنونه وصار ينادي بصياح
ماهو معقول كل شي راح
فتون ماتت
مالقوا الا دبدوبها
اللي شايل ورده
منقوش عليها

((((((محبة للأبد فهد)))))))

منهو فهد
فهد اخوي ولد امي وأبوي
كيف؟ ومتى ؟وليه!!!!!
أسئله مالها أجوبه
على أول رحله عاد
وليته ماعاد
لقى أهله بثوب الحداد

ماينقصهم الا فهد



فهد وينه ؟ فهد مات
يوم رجع من المطار
وركب سيارته
لقى في المقعد الخلفي
تذكرة سفر
مكتوب عليها من الخلف
بروج احمر
(((لأني احبك لن اعود)))
فهد انهار
بكى بكى بكى
نسى نفسه انه يقود
صارله حادث
بعد ماقطع اشاره



نفس التاريخ بعد عام
في غرفة سعد
علبه حمرا
فيها:




دبدوب رمادي
تذكرة سفر
صورة فتون
صورة فهد

مكتوب على العلبه:
الا يامطولوا صبري أذوق الهم من كاسه
أنا ياكم قسى دهري علي وكم قسوا ناسه






اتمنى ان عجبتكم
رد مع اقتباس
  #2  
قديم March 11, 2008, 06:19 AM
 
رد: من هو الجاني .... ..<< حب ولا اروع

قصه مؤثره
تسلم ترنيدو ويعطيك العافيه على هالنقله
__________________
طرّف جفن عيني لمكحولة العين= عيني ايقضت فيني من الشوق ما كان
خيط الولع خلاّني أتبعك يا زين= خيطٍ جذب في خاطري حرّ وجدان
راح الفكر ينظم من الشعر بيتين= شاقه بنظم الشعر مرسوم الأعيان
شفت الحلى فيها يوصف بوصفين= وصف الحسن و وصفٍ يبيّن لها شان
يا ظالمة غضّي من الطّرف تكفين= لا تودعين النفس لبيض الأكفان
يا ماخذه بلا عطا للبعد وين= توني معك شفق ما ذقت سِلوان
الله وأكبر ليتني معك وقتين= وقتٍ تعيش النفس بك حلو الأزمان
وقتٍ نهاره ليل والعين بالعين= أسهر ونومي ما يعارض لي أجفان
أسهر بليلي والقمر وجهك الزين= مِنور حلو يكسف حياء غادي ألوان
فيني من الوجدان والشوق حملين= عسى خفوقي يشمله منك الإحسان
**************************************

ليتك لعيني قريبه= كان أبسهر ونومي لجفني حرام
عمري عطابه صخيبه= ما يضيع العمر ودامك له غرام
أنتظر متى على الفرحة تجين= ودنيتي في ناظري بقربك تزين
طرفي اشتكى لي شوق= بالله شسوي به
ما بقى من هالعمر كثر اللي راح= وشوفتك يإ شوق تبري الجراح
لك خافقي شراي= بموانسك تطري به
عشت لك وغير إحساسي ما أقول= وبأنتظر لو غيابك لي يطول
ردي على الولهان= لا يهون بك تعذيبه
أحياناً يغرقنا الحزن حتى نعتاد عليه .. وننسى

أن في الحياة أشياء كثيرة يمكن أن تسعدنا

وأن حولنا وجوهاً كثيرة يمكن أن تضيء

في ظلام أيامنا شمعة .. فابحث عن قلب يمنحك الضوء

ولا تترك نفسك رهينة لأحزان الليالي المظلمة
رد مع اقتباس
  #3  
قديم March 11, 2008, 07:58 AM
 
رد: من هو الجاني .... ..<< حب ولا اروع

ترنيدو
والله بكيت...
يعطيك العااافيه خيووو
__________________



pinky girl **
بارك الله فيك وجعلها في ميزان حسناتك

رد مع اقتباس
إضافة رد

مواقع النشر (المفضلة)

الكلمات الدلالية (Tags)
<<, الخاوي, اروع, ولا

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
انا الجاني وأنا المجني .. وأنا اللي بعشرتك غلطان مستووو شعر و نثر 21 May 6, 2009 06:44 AM
عصـــــــــائـــــــر ولاأروع روح زايد وصفات الحلويات والعصائر و الآيسكريم 4 March 31, 2006 05:50 PM


الساعة الآن 10:14 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر