فيسبوك تويتر RSS


  #1  
قديم April 13, 2013, 06:19 PM
 
مدونات ------- فضفضات--فوضويه

في مُنتجعات الشعوب

عندما نغضب ننفجر كالبُركان
نُحطم ونلعن الشيطان
وحين نشتهي الجنس
نضرب موعداً في أعماق البحار
ونُغلق على أنفُسنا النوافذ والأبواب
وحينما نعشق
نعشق بجنون
وعندما نفرح
لا نعرف للفرح حدود
وحينّ نحزن
فالأولى أن نحزن على أرض الأجداد
التي أصبح يُزرع فيها بدل الزيتون والرُمان
شوارع وجُدران
ولكن لماذا نحزن
فنحنُ من عقود
في حالة اكتئاب .. حِداد ووعود
من وعد بلفور
إلى وعد أوسلو
إلى وعد طابا
إلى وعد جدّي لجدتي عندما قال لها
لا تقلقِين غداّ للبيت سنعود
لو صدّق الشهود
لم نكن اليوم في مُخيّمات الشتات والصمود
عُريّ الجسد أمام الرياح والثلوج
فمتى العيد ؟
ففيه قرابين كثيرة تُقطع وتوضع
في مُغلفات ورقية
وتُحفظ في ثلاجات الحُكام
خوفاً عليها أن تتلف إلى اليوم الموعود
ومتى سيأتي ذلك اليوم المشهود
فقد هطلت بغزارة الدموع
وسالَ الدمُ كسيول الشتاء من على الصخور في أعماق الوديان
وعُبئ في أكواب من بلور
فأي خطأ سيُحطم زُجاجات الخمر الممنوع
حينها كيف سنشرب ونأكُل
الوعود الجديدة التي تُطبخ
في أروقة المعابد والكُهوف
كهوف مُظلمة تُغطيها سُحب من دُخان
فلا دُخان من دون نار
النار التي تُطهى عليها أشهى وألذ أنواع الوعود
للأطفال الجياع في مُخيمات الصمود
لماذا ؟ كُل ما يُطهى ويُحاك
في مُختبرات الجنود
هو من نصيب ملاجئ الأيتام
التي تُديرُها الراهبات
وتُدعى أُمهات المحبة
وأي محبة تُحب الأسود الغُزلان
فظُلم الأسود التي تجلس على عروشها
العاجية محاطه بحيونات الغابات المفترسه
إنها لم ترسُم بعد نُقاط الحدود
ولم تكتُب على مُنتجاتها
تاريخ إنتهاء العقود
وأي تاريخ سيقرأ أولاد الشُهداء
إذا كانت الكُتب
من فكر أُدباء المُخابرات
مُخابرات الدول التي فيها تُصان
حقوق القطط والكلاب
وكُتبت وطُبعت
في مُعسكرات الجيوش والمطارات
وأُخرجت وأُنتجت
في مُنتجعات الشعوب .

التعديل الأخير تم بواسطة مقدسي و لطيف ; April 13, 2013 الساعة 08:39 PM سبب آخر: مدونات ------- فضفضات--فوضويه
رد مع اقتباس
  #2  
قديم April 13, 2013, 06:24 PM
 
رد: مدونات ------- بلا عنوان




1

فتحت أوراقى قريت عشق وغرام


دقات قلبى رقصت من حلاوة الكلام


دقات قلبى سكتت لما جت النهاية


سبتنى من غير ما أعرف حقيقه ولا اوهام

2

فتحت أوراقى لقيت وردة دبلت

أصلها زى قلبى غلطت وحبيت


فى حب غطا من العشق يدفى

وأنا روحى حضنت حبى أتعريت

3

فتحت أوراقى قريت أتجننت

كل دى أكاذيب عشتها وأتحملت

مفيش حقيقه كاملة أقدر أضمها

راهنت عليكى يا سمره
وفى الاخر خسرت

4

فتحت أوراقى لقيت قلوب بتوجع

حتى فى حبها تكذب وتخدع

تشوف نزيف العشق والدموع انهار

أنهار أنا وخداعى مش بتشبع

5

فتحت اوراقى أجمع فى أشلائى

صدمتنى بكلامها وقرارها بفراقى

بتمنا نتلاقا لو يوم فى عمرى باقى

وهفضل أستنا شائى اولا تشائى

6

فتحت أوراقى مفهمتش كلام مكتوب

ما كل شئ دلوقتى محسوب

أختيار الحبيب بيبان لما نقرب

حساباتنا دايمن غريبه

ويطلع كله عيوب

7

فتحت أوراقى لقيتها فى كل صفحة

ذكريتها جوه قلبى كتيره وزحمة

روحى مش بتنسى أى شئ حسيته

مش هتنسا حب يوم
أداها فرحة

8

فتحت أوراقى لقيت غلطه وكررتها

بتلوم الناس على حاجات ياما عملتها

كل دى أخطاء فى صفحة دنيتك

كان غصب عنك

كذبة وصدقتها

9

فتحت أوراقى أعد فى الأفراح

بكلمة محبة بالى يعيش مرتاح

أحلامى مش كبيرهأحلامى سهلة وبسيطه

مش عاوزأخدع حد

ولا حد يسبلى جراح

10

فتحت أوراقى أكتب حلم أمبارح

حبيبتى اللى عشقتها جتلى بلا ملامح

كانت كلها حنية

بتحس أوى بيه

حبى بقه درجه تانية

مبقاش شئ واضح

11

فتحت أوراقى حسيت أنى مجنون

محيرانى دنيتى مطحون مسجون

فى كل شئ وجع عاوزأعيش وحدى

نفسى أعيش على القمرعاوزأعيش فى سكون

12

فتحت أوراقى لقيت أسامى كتير
كل الأسامى أدتنى شر وخير

بس اللى كسر فيه وجرحنى

لما الغالى على يبقا معايا شرير

13

فتحت أوراقى ساعة الشتا أدفا

بردان انا من الشوق من اللهفه

بقرا كلامك الاقى روحى دفيت

بقيتى خلاص كفة والدنيا دى كفة

14

فتحت أوراقى لقيت منى دمعة

فى ظلام ليلى محتاج حتى شمعة

عمر البكا ما بيمحى من القلب وجع

عمر الرياح ما تطفى

مدينه ولعة

15

فتحت أوراقى عاوز ألاقى صورتها

كانت فرحانه بيه بترقص أبتسامتها

مسكت الصورة حضنتها وبوستها وكلمتها

أكيد ظلمانى دلوقتى بتقول خلاص نسيتها
16

فتحت أوراقى لما وحشنى صوتك

كنت بفهمك وبسمعك حتى فى سكوتك

دلوقتى مش فهمك ولا أنتى فهمانى

هغرق فى أحزانى ألحقى هاتى أيدك

17

فتحت أوراقى لقيت موبايلها

هو بتاعى أنا جواه رسايلها

ما ده اللى أتبقالى بعد طول ليلها

رسالة جوه موبيل وصورة واميلها

18

فتحت أوراقى لغيت كلام جواها

مش عاوز أفتكر كل لحظاتى معاها

نفسى أهرب من شبح حبى اللى راح

نفسى أعصر قلبى وأتخلص من هواها
19

فتحت أوراقى أدور على أمل وحل

مكنتش أعرف أن الحب دايمن يذل

نشوط كل الى يضايقنا

أما الحبيب يدوس

ويفضل جوه عينينا

فوق الكل

20

فتحت أوراقى أفتكر حلمنا بأيه مع بعض

حلمنا ببيت على القمر ماهش قبلانا الارض

أه جمعنا الهوى لاكنه نفيس وضعيف

محتاج مخالب تهبش محتاح أنياب للعض


21

فتحت أوراقى ادور عليكى يا قلبى وروحى

ليه هجرانى وسيبه نزيف فى جروحى

كان ممكن بكلمة تبعدىبوجع من غير جرح

لاكن مع جرحك بحبك
منك لله روحى

22

فتحت أوراقى ليه مش عاوزه تخلص
فيه أيه كلام باقى ...خلى الورق ملخص

كنت فاكر الورق هيريح روحى الحزينة

أتارى وجع الورق على روحى عمال يخلص

23

فتحت أوراقى أمبارح كان يوم ميلادى

مرت زى كل سنة يوم فى دنيتى عادى

يا ترى السنة اللى جية هتكون زى اللى فاتت

يا ترى يا حبيبتى حية ولا مشاعرى جواكى ماتت

يا ترى هعرف أصرخ ولا صريخى تانى هيفضل ساكت

يا ترى أيه مقسوملى مكتوبلى أيه السنادى

24

فتحت أوراقى لقيت تلات كلمات

فى الاه ما دى دراستى

دولاب مليان شهادات

كلمة فرح واحدة... كلمة أمل واحدة

أما الهموم ماتعدش... مكتوبة بالميات
رد مع اقتباس
  #3  
قديم April 13, 2013, 06:29 PM
 
رد: مدونات ------- بلا عنوان


الليلادى عيد ميلادى



وعديت بسرعة سنة



أتمنا يكون الأتى



مليان يارب هنه


فاكر أحداث السنة




بحلوها ومرها



واللى أتقال بالألسنة


خيرهاوشرها


فاكر وبفتكر


قبل ما أبتدى السنه



فاكر حب راح وكان



فاكر صديق جرحنى وخان



فاكر وأقول للزمان



ده كله فان..فان


الليلادى عيد ميلادى




وعديت بسرعة سنة



أتمنا يكون الأتى



مليان يارب هنه


فاكر كنت بحلم بأيه




كنت بحلم والله يا دنيا


ده كل واحد حلمه فيه



أمتى يا دنيا تكونى جنة


فاكر وبفتكر




قبل ما أبتدى السنه



فاكر فى يوم اتمدتلى ايد




فاكر كام يوم عدوا كعيد




فاكر كام وعد وميعاد أخدتهم



هم مزقوا عهدى ولغوا المواعيد



الليلادى عيد ميلادى




وعديت بسرعة سنة



أتمنا يكون الأتى



مليان يارب هنه

فاكر نفسى كام مرة غلطيت


فاكر اد اية ظلمت وشكيت


فاكر كام الف مرة ضحكت على


بعد الغلط بدموعها ندمت


فاكر وبفتكر



قبل ما أبتدى السنه


فاكر كام بوست شوفتهم معجبونيش


فاكر أصحابهم لما قالولى عندنا متجيش


فاكر انى دخلت وقولت راى بصراحة


رغم كلامهم برضوا قولت مهمنيش


الليلادى عيد ميلادى



وعديت بسرعة سنة


أتمنا يكون الأتى


مليان يارب هنه


أدينى افتكرت كل حاجه خلاص


أفتكرت كل الاحداث كل الناس


أدينى هبتدى سنة جديدة بالاخلاص


هبتديها باحساس جديد غير نفس الاحساس


أفتكرت وبفتكر



قبل ما ابتدى السنة


أفتكرت كلامى فى كل السنين


نفس الكلام بس راح لفين


راح فى دنيا مبقاش فيها كلمة


حتى مع نفسنا بقينا مخادعين


الليلادى عيد ميلادى



وعديت بسرعة سنة


أتمنا يكون الأتى


مليان يارب هنه

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
بلا عنوان سيرينيتي كلام من القلب للقلب 87 June 8, 2015 04:08 AM
لم اجد لها عنوان يارب حسن الخاتمه بوح الاعضاء 24 August 27, 2010 02:27 PM
بلا عنوان حنان محروس الترحيب بالاعضاء الجدد ومناسبات أصدقاء المجلة 4 November 27, 2008 09:50 AM
بلا عنوان marocaino شعر و نثر 0 June 14, 2008 01:41 AM


الساعة الآن 05:30 AM


Powered by vBulletin® Copyright ©2000 - 2019, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر