|
|||||||
| وصفات الطبخ أطباق رئيسية, وصفات رئيسية, كتب طبخ |
 |
|
|
LinkBack | أدوات الموضوع | انواع عرض الموضوع |
|
#1
April 8, 2013, 07:10 PM
|
||
|
|
||
|
طريقة عمل الارز بالمكسرات
*******المقادير******** 1- كيلو ارز مصرى او ارز بسمتى زى ما تحبى لكنى افضل الارز المصرى العادى 2- 3 اكواب شوربة اى نوع شوربة او 3 اكواب مرقة دجاج تكون مغلية 3- معلقة كبيرة قرفة مطحونة 4- عدد 1 قرفة خشب حجم صغير 5- معلقة كبيرة سكر بنى 6- ربع معلقة صغيرة ممسوحة فلفل ابيض او اسمر مطحون 7 - ربع معلقة صغيرة ممسوحة جوزة الطيب مطحون 8- ذرة او رشة صغيرة ملح طعام *****مقادير المكسرات****** 1- 1/4 كيلو لوز 2- 1/4 كيلو بندق 3- 1/4 كيلو زبيب صغير 4- عدد 2 معلقة كبيرة زبدة 5- عدد معلقة كبيرة زيت كريستال 6- 1/4 معلقة صغيرة كارى 7- 1/4 معلقة صغيرة قرفة مطحونة ملحوظة - الزبيب يجب ان ينقع فى ماء ساخن قبل استخدامة بنصف ساعة حتى يكون طرى وطعم السكر اللى فى الزبيب يخف شوية ميبقاش مسكر قوى الطريقة طريقة التحضير ****الان طريقة التحضير بالشرح ***** نحضر حلة تيفال تكون كبيرة الحجم او مقاس 24 ونضعها على النار ثم نقوم بوضع معلقة السكر البنى فى الحلة حتى يسيح السكر ونحصل على الكراميل ويجب ان يكون لون الكراميل بنى وناخد بالنا علشان ميتحرقش على النار بعد كدة هنحضر معلقة قرفة كبيرة المحونة ونحطها فوق الكراميل ونقلب باستمرار ثم نجيب القرفة الخشب ونحطها فوق الخليط دة هنجيب بعد كدة الارز المغسول ومقدارة كيلو ارز ونضعة فى الحلة ونقلب كلهم على بعضهم وطبعا الحلة تكون على نار هادئة ثم اضع فوق الارز معلقة الصغيرة جوزة الطيب ونضيف عليهم ربع معلقة صغيرة فلفل ابيض مطحون او اسمر حسب الموجود وبعد كدة هنحط رشة الملح ومنكترش من الملح وبعد ما نقلب المقادير جيدا هنضع الشوربة فوق الارز لحد ما تغطى الشوربة الارز ونتركة على نار هادئة حتى يستوى الارز تماما ونغطى علية ونتركة يستوى **************************************** دلوقتى هنعمل المكسرات الخاصة بالطبق هنجيب طاسة تيفال ونحطها على نار هادئة هنحط معلقتان كبيرتان زبدة ونسيحها على النار وهنجيب الزبيب اللى احنا نقعناة واتعصر من ميتة ونحطة فى الطاسة ونشوحه فى الزبدة لحد ما يدينى اللون الاصفر الذهبى فى الزبيب بعد كدة هنحط فوق الزبيب ربع كيلو لوز وهنحط معاهم ربع كيلو بندق ونقلبهم كويس على النار الهادئة ونرش فوقيهم ربع معلقة صغيرة كارى وربع معلقة صغيرة قرفة ونقلبهم كويس لحد ما يصفر لون المكسرات ونطفى عليهم بعد ما الارز استوى واتاكدنا من سواة نجيب طبق سرفيس للتقديم كبير ونحط الارز بطريقة هرمية فية وبعد ما نسوى وضع الارز فى الطبق نجيب المكسرات ونحطها فوق الارز بالتساوى وبنفس طريقة شكل الارز كدة يكون طبق الارز بالمكسرات خلص وشكلة جميل ورائع وممكن تقدمى معاة كباب وكفتة او بانية او بفتيك او فراخ مشوية زى ما تحبى وبصراحة الطبق فى منتهى الجمال وذوا قيمة غذائية عالية لاحتوائة على البروتينات والفيتامينات وخصوصا اوميجا 3 
|
|
| مواقع النشر (المفضلة) |
| الكلمات الدلالية (Tags) |
| طريقة .عمل. الارز .بالمكسرات |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| طريقة عمل الكنافة الملفوفة بالمكسرات 2011 | ألاء ياقوت | وصفات الحلويات والعصائر و الآيسكريم | 0 | November 14, 2010 04:25 AM |
| طريقة عمل الكنافة الملفوفة بالمكسرات | ألاء ياقوت | وصفات الحلويات والعصائر و الآيسكريم | 0 | November 13, 2010 05:50 PM |
| حلى قالب شعرية بالمكسرات بالصور،طريقة عمل قالب شعرية بالمكسرات ،حلى الشعرية | ألاء ياقوت | وصفات الحلويات والعصائر و الآيسكريم | 0 | October 27, 2010 10:17 PM |
| أرز بالمكسرات،طريقة عمل أرز بالمكسرات | AHD Ashour | وصفات الطبخ | 1 | December 8, 2009 03:25 AM |
| صوابع الجلاش بالمكسرات،طريقة عمل صوابع الجلاش بالمكسرات،الشيف حسن من برنامج المطبخ | AHD Ashour | وصفات الطبخ | 2 | December 8, 2009 12:19 AM |
العرض العادي
