فيسبوك تويتر RSS



العودة   مجلة الإبتسامة > الروايات والقصص > شعر و نثر

شعر و نثر اكتب قصيده , من انشائك او من نِثار الانترنت , بالطبع , سيشاركك المتذوقين للشعر مشاعرك



إضافة رد
 
LinkBack أدوات الموضوع انواع عرض الموضوع
  #1  
قديم January 8, 2013, 11:41 AM
 
قصيده سريالية / جرجس فاروق بهنان

قصيده سريالية / جرجس فاروق بهنان

اخر قصيده

ومش هكتب تاني

الظلام دخل

وعيوني وجعاني

دايمآ بأدمع

والرؤيه تعباني

نهاري مات

والسواد فاني

اقرا القصيدة

وافهم كلامي

داخل القصيدة

شهيد واغاني

خراب ودمار

ولا حد معاني

شعب بيتاجر

وشعب بيعاني

افيونه الشعوب

الدين في بلادي

عقيدة من محبه

النور من كتابي

ملاك بأقول سلام

شيطان في افعالي

اقرا القصيده ركز

قصيدتي بمعاني

كلامى رموز مشفر

قصيدتي سريالي

الظلم زاد وطفح

بلاعات مجاري

قاذورات المكان

تجارة بجسد بلادى

سقطت كل الاقنعة

المؤمن يكون ياباني

الملحد ليه بيلحد

جواب بفكري جاني

دول الالحاد ده رحمة

ولا يوجد كلب يعاني

هنا وعندي الكلام

الرفق بالحيوان

اطفال الشوارع نايمه

باليل في كل مكان

اطفال البراءة فيهم

ملايكة من الرحمن

احلام في ايد حنان

صاحين علي الميدان

واطفال مساكين غلابه

بتقلب صندوق مليان

اكيد مليان زباله

اخوهم بيقول جعان

اطفال مصر نزوة

كانت لحظة شيطان

ومنهم شيوخ ونساء

لابسين بدون الوان

ثيابهم تراب الارض

المستور منهم عريان

هنا وعندي الكلام

تحزن علي الايام

مصر ام الدنيا

كلام في الاحلام

مصر ازاي الأم

تقتل حنان واحلام

كل الامهات بتحن

امهم ماتت زمان

اعترفي يا ام الدنيا

قولي نزوة شيطان

اعترفي مين عشيقك

ولا خايفه الاعلام

اعترفي مين ابوهم

ومين خلاكي مدام

اعترفي يا ست الكل

مين أغواكي بكلام

اعترفي كان برضاكي

ولا كنتي في توهان

اعترفي يا ام الدنيا

مين جاب لك عرسان

الشرق ولا الغرب

مين خلع الفستان

اعترفي يا ام الدنيا

مين شرعية وحرام

ميلاد شعب جديد

عاملين ثورة احرار

عدالة اجتماعية

ابوهم مولد ميدان

تاريخهم اب عريق

لا يموت في اكفان

يومهم عصر الطريق

ابوهم حقق احلام

هنا وعندي الكلام

تحزن علي الايام

ازاي يا مصر نجمة

وعندك مفيش انوار

ازاي يا مصر جواهر

وانتي ارخص اسعار

اطفال الشوارع منك

وشعبك منك تعبان

تسعين مليون متشرد

وانتي عقلك هذيان

البلد علي بعض تغم

عشتنا في اسود ايام

امتى يتزاح الهم

ونعيش كلنا في امان

فوقي يا مصر ياحرة

ازاي وانتي توهان

شعبك خلاص اتغير

كله بينام سرحان

نهضة مصر الثورة

ماتت مطلعش بيان

مافيش ولا شئ يطمن

الظاهر ماتت احلام

الشارع يأس يتكلم

النار في كل انسان

نجيب الامل النهارده

كلنا ننزل الميدان

بالليل وفي عز الضلمة

نقدر نولع مشعال

نوزع علي بعض النار

تسعين مليون مشعال

نحرق بيه الضلمه

نشعل راس الثعبان

ونقول جوازه باطلة

ونور مصر الظلام
[/size][/center]
رد مع اقتباس
إضافة رد

مواقع النشر (المفضلة)

الكلمات الدلالية (Tags)
قصيده سريالية / جرجس فاروق بهنان

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
قصائد فاروق جويدة - شعر فاروق جويدة - اشعار فاروق جويدة - الاعمال الكاملة Yana تحميل كتب مجانية 5 March 28, 2011 09:58 PM
سريالية (حتى).......حتى اشعار اخر. سلمى فاروق بوح الاعضاء 14 January 21, 2011 02:49 AM
جريش لذيذ و بالصور الابتسامة..! وصفات الطبخ 14 August 8, 2010 02:15 AM
قصيده حزينه وتبكي [قصيده] عالي طموحي شعر و نثر 11 April 15, 2010 09:16 PM
حريص عليكم اسراار النصح و التوعيه 0 May 15, 2009 11:39 AM


الساعة الآن 04:36 PM


Powered by vBulletin® Copyright ©2000 - 2019, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر