حراااااااااااام عليكم..أنقذوهم من النار !!!!!

مسلمة وفخورة · #1 December 4, 2012, 07:10 PM

من غير مقدمات وكلام كتير..

كلنا شايفين (الواقع المرير) لأمتنا..أمة النبي صلى الله عليه وسلم ..اللي ربنا قال عليه أنها خير أمة..!!

يا ترى احنا بقينا ( خير أمة ) ليه؟؟

لانننا تميزنا عن غيرنا من الامم بأننا بنأمر بالمعروف وننهى عن المنكر..

أمة مش بتسكت عن المنكرات ..أمة بتدعوا الى الله على بصيرة بالحكمة والموعظة الحسنة..

ومن أشد المنكرات اللي موجودة في أمتنا دلوقتي ولازم مسكتش عنها..

التبرج ..!!!!

او إن صح اللفظ ..هنقول (جريمة التبرج)

التبرج جريمة بكل ما تحمله الكلمة من معاني....بل جريمة شنعااااااااااااء..!

البنت المتبرجة بلبسها الفظييييع ده بتهدم في الامة من أصغر طفل فيها لأكبر شيخ ..

لازم نقول كفاية بقى ..كفااااااااااية..

ده مش بقى تبرج..ده بقى ( فجوووووووووووووووووور ) والعياذ بالله..

البنات بقت تخرج بلبس اي واحدة عندها فطرة سليمة ( تستحي ) انها تلبسه بينها وبين نفسها في اوضة نومها..!!

ولكن هنقول ايه.. ( الحياء) مش هيمشي على الموضة الايام دي ..!!!

والحاجة اللي بتزعل الواحد اكتر..ان اغلب البنات ميعرفوش ايه خطورة مصيبة التبرج ..وفاكرين انه عادي ..كله لبس وخلاص..والناس كلها بتلبس كده..وده حرية شخصية ..ومش ليه اي علاقة بالدين..!!

بجد في بنات كتير جدا متعرفش خطورة الموضوع ..وفاكرة ان الحجاب (حتة طرحة) على الشعر وخلاص..

وبفضل الله ناس كتير جدا منهم لما حد بيكلمهم او بيسمعوا او يقروا عن الموضوع ده بيغيروا لبسهم بالكامل..

ولكن مين اللي هيكلمهم؟؟ مين اللي هيعرفهم ؟؟ مين اللي هينقذهم من النار ؟؟

ايوه النار..!!

قال رسول الله صلى الله عليه وسلم :

" صنفان من أهل النار لم أرهما ، قوم معهم سياط كأذناب البقر يضربون بها الناس، ونساء كاسيات عاريات ، مائلات مميلات ، رؤوسهن كأسنمة البخت المائلة ، لا يدخلن الجنة و لا يجدن ريحها ، وإن ريحها يوجد في مسيرة كذا وكذا ") رواه مسلم

عارفه كاسيات عاريات يعني ايه؟؟

يعنى لابسه وساتره نفسها ومفيش أي حاجه من جسمها ظاهره ..بس لبسها ضيق مبين جسمها كله فكأنها مش لابسه ..

زي اللى بشوفه دلوقتي بالظبط من لبس البنات (بديهات وفيستات وبناطيل اسكني واسترتشات وبناطيل جينز)

ده مصير اي حد فينا..يا جنة يا نار..الموضوع مش لعبة يا جماعة..
الموضوع اخطر مما تتخيل أي بنت بتلبس اللبس ده..
علشان كده لازم نعرفهم ونوصلهم الكلام ده ..قبل فوات الأوان !!!

----------

وطبعا .. محدش فينما هيقدر يقعد مع كل بنت متبرجة ويكلمها..
كان زمان ناس بتوزع شرايط..بس طبعا محدش بقى يسمع شرايط اليومين دول..انقرضت خلاص..
والاسطوانات..ناس بتسمعها..وناس بتكسل تسمع الدروس والخطب..

علشان كده بفضل الله ..فكرنا نعمل ورقة دعوية نكلم فيها البنات عن الحجاب الشرعي الصحيح..
ولكن وفقنا الله اننا نعمل كتيب صغير..
جمعنا فيه 3 موضوعات بأسلوب شبابي بسيط ..موضوع عن الحجاب..بنشرح فيه خطورة التبرج ومفهوم الحجاب الصح وشروطه ..
وموضوع اسمه معاني الانوثة..
وموضوع عن الزواج ..اللي هو أكتر سبب بيدفع البنات للتبرج..بنتكلم فيه عن الضغوط اللي موجودة على البنت في موضوع الزواج..وازاي تتغلب عليها بفضل الله..

-----------

واسم الكتيب..

:: للبنات وبس ::

لتحميل نسخة PDF من الكتيب
(النسخة الجديدة 2012)

هنـــــــــــــــــــــا رابط مباشر

لتحميل برنامج فتح الملف

------

وبفضل الله..سعر الكتيب في الجملة.. 37 قرش بس..
ولو حد هياخد كمية 1000، فيما فوق هيبقى السعر 35 قرش كمساهمة في التوزيع الخيري..

يعني الجنيه اللي الواحد او الواحدة بيجيب بيه (بسكويت او شيبسي او حاجة ساقعة) ..ممكن يجيب بيه 3 كتيبات..
ممكن يكونوا بفضل الله سبب في هداية 3 بنات كانوا هيتعذبوا في جهنم والعياذ بالله..ويكون في ميزان حسناته بأقل مجهود وأسهل الوسائل الدعوية..

----------------

يا إخواني وأخواتي..البنات اللي في المدارس والجامعات وعلى الكورنيش وفي النوادي والشوارع وكل مكان ..
في رقبة مين يا جماعة؟؟

في رقبتنا احنا والله..في رقبة كل واحد عرف الصح ومدلهموش عليه..وربنا هيحاسبنا عليهم يوم القيامة..

استجابوا او مستجابوش دي من عند ربنا سبحانه وتعالى وحده..واحنا بنعمل اللي علينا علشان لما ربنا يسألنا نقوله يارب كلمناهم ودعيناهم..

قال تعالى (وَإِذْ قَالَتْ أُمَّةٌ مِنْهُمْ لِمَ تَعِظُونَ قَوْمًا اللَّهُ مُهْلِكُهُمْ أَوْ مُعَذِّبُهُمْ عَذَابًا شَدِيدًا قَالُوا مَعْذِرَةً إِلَى رَبِّكُمْ وَلَعَلَّهُمْ يَتَّقُونَ)

وقال تعالى (مَا عَلَى الرَّسُولِ إِلَّا الْبَلَاغُ)

والهداية بإيد ربنا سبحانه وتعالى ..

----------------

طبعا الكتيب صعب يبقى موجود في كل المكتبات..
علشان كده..اي حد عايز اي كمية..يتصل مباشرة بدار النشر...وهما هيوصلوله الكمية اللي هو عايزها لحد باب البيت..
للتواصل:

وأنا كلمت الاخ المسئول ..
وقالي ان معندهمش مشكلة في عدد الكتيبات ..الدار هتوصل اي عدد فوق الـ 100 لأي مكان بإذن الله..
بس هو مش عايز يكلف الشخص فلوس على الفاضي..
بمعنى ان مصاريف شحن ال100 كتيب هبقى 7 جنيه..
وفي نفس الوقت مصاريف شحن ال2000 كتيب 7 جنيه..
فهو يقصد ان اللي عايز يشتري ،يجمع مع اصحابه ويطلبوا مرة واحدة علشان ميتكلفوش مصاريف شحن كل شوية..

والأخ أكد لي انه مش هيتاخر في طلب أي حد لاي كمية فوق ال 100 كتيب زي ما ذكرت ..
ولو حصل أي مشكلة مع اي حد عايز اي كتيبات من المكتبات وخاصة مع الاسعار يتصل بالدار ويقولهم ..

ولكن عايز أنبه على شئ مهم بخصوص أسعار الكتيبات في المكتبات..
المكتبات العادية محدش يقدر يتحكم في السعر اللي بيبيعوا بيه ..
وغالبا هما بيبيعوا معظم الكتيبات بنص جنيه لو حضرتك هتشتري عدد صغير زي 20 او 30 ..
انما بإذن الله لو حضرتك هتشتري عدد كبير ..اتكلم مع صاحب المكتبة وخليه يعمل تخفيض ولو مثلا يبقى الكتيب بـ 40 قرش..
والأفضل لو هتشتري عدد كبير تتصل بدار النشر..

ولو حد عنده مشكلة مع الدار ..يقولي أنا هنا في المنتدى في المواضيع بتاع الكتيبات وانا هكلم الدار على طول بإذن الله ..

وفيه طريقة من اتنين لاي حد عايز الكتيب ده او أي كتيب اخر لي..
أولا: طريقة مباشرة.. بأنه يتصل بدار النشر ويخيرهم بلعنوان وهم سوف يرسلوا له الكمية المطلوبة عن طريق شركات الشحن..
ثانيا: طريقة غير مباشرة ..وهي ان حضرتك تذهبي لاي مكتبة اسلامية وتخبريهم انك تريدين الكتيب وتعطيهم رقم دار النشر وهم يتصلون بها وتصل الكتب للمكتبة ثم تشترونها ..

بارك الله فيكم..

=====

في القاهرة :
مكتبة معاذ بن جبل
34 ش عبد العزيز عمارات الرسالة

سبحان الله وبحمده سبحان الله العظيم

--------------

الكتيب بالمنصورة في ..

مكتبة دكتور مسلم
أمام كلية الطب

-------

في بنها..

الكتيب متوافر في مكتبة الأندلس بجوار كلية التجارة
ومكتبة النور بجوار مستشفى الايمان الخيري
-----------
اخر نقطة: برجاء نشر الموضوع..انت مش متخيل انك ممكن وانت قاعد في مكانك وبتشرب شاي تاخد ثواب متحلمش بيه طول عمرك..ازاي؟؟؟
لو نشرت الموضوع..وواحد قرأه وراح اشترى الف نسخة مثلا ووزعهم..كانك انت اشتريت ووزعت وثوابك نفس ثوابه بفضل الله..
يقول النبي صلى الله عليه وسلم:
(من دل على خير فله مثل أجر فاعله)
اوعى تضيع على نفسك الثواب العظيم ده..

----------

ويارب نتقابل كلنا على حوض حبيبنا النبي صلى الله عليه وسلم ..ونقوله يا رسول الله زي ما انت كنت بتدعي الأمة وخايف عليها ..مشينا على دربك واقتدينا بيك يارسول الله..
وربنا يتقبل منا ومنكم جميعا..اللهم امين..

والسلام عليكم ورحمة الله وبركاته..

مسلمة وفخورة · #2 May 31, 2013, 12:30 AM

للرفع
لاحول ولاقوة إلا بالله

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
السلام عليكم يا اعضاء انا محمود الفلسطينى من فلسطين وحابب اتعرف عليكم وانشالله تقبلونى صدي	محمود الفلسطينى	الترحيب بالاعضاء الجدد ومناسبات أصدقاء المجلة	20	June 15, 2015 07:21 PM
انزال البطلون الى قرب عظم الحوض حراااااااااااام لانة	زهرة العلا	النصح و التوعيه	4	November 19, 2009 11:39 AM
حراااااااااااام يحزن	lovebeam	مجلة الرجل	8	September 23, 2008 01:26 PM

حراااااااااااام عليكم..أنقذوهم من النار !!!!!

كتب اسلاميه