فيسبوك تويتر RSS


  #1  
قديم October 22, 2012, 01:51 PM
SEO
 
رواية عرفت معنى البعد يوم غبتي ومعك عرفت ان الهوى كله غياب

رواية عرفت معنى البعد يوم غبتي ومعك عرفت ان الهوى كله غياب








ابو فيصل بعصبيه وهو يضرب المكتب : انت وش تقول تمزح اكيد
جاسم ببتسامه :للأسف ما امزح ولا لي وقت امزح فيه انا قلت لك الي عندي يا ابوفيصل وانت تختار مصيرك
ابوناصر : طيب تقدر تعطينا اسبوع نجمع لك فيه المببلغ
جاسم : بكرا يوصلني المبلغ ولا تعطيني بنتك مشاعل ولا للسجن بتكون ابو فيصل
ابو فيصل يمسك راسه : مستحيل اطلب غير هالطلب الا مشاعل بنتي
جاسم : اوك جهز الثنين مليون بكرا ولا ببلغ الشرطه
ابو سلمان : موب مثلك ابوك ياجاسم
جاسم بصراخ : ماني طالع مثل ابوي ابوي لعبتو عليه واخذتو فلوسه ولا رجعتوها له ماني غبي اانا فلوس ابي بترجع لي ولا والله يا ابو فيصل ان بكرا تكون مسجون
ابو ناصر : اهدأ شوي
ججاسم : استغفرالله , خلاص موعدنا بكرا المغرب تردي لي تجيب لي المبلغ ولا مشاعل تكون لبنتي مربيه
ابوفيصل بصراخ : ححقير
جاسم ببتسامه : موعدنا بكرا المغرب اتصل عليك وعطني ردك
وطلع
ابو ناصر : اهدأ يا اخوي انت رجال فيك ضغط وسكر
ابو سلمان : انت قول لأمي ومرتك الموضوع وشوف
ابوناصر : والله يا اخوي لو اعطيك الي عندي كله ما تغلى عليك كم تبي انت أمر بس
ابوسلمان : والي بالبنك لك يااخوي
ابوفيصل : مشكورين وماتقصورن بس ماني محتاج بشوف المبلغ الي عندي وبعطيه
ابوناصر: انت اخوي ياابو فيصل امر والي تبيه بعطيك اياه
ابوفيصل : ماني محتاج يا ابوناصر
ابوسلمان : طيب انت خلاص هدي الحين وارجع البيت ولا تنسى تقول ل امي ومرتك الموضوع وشوفوا الحل واحنى لك عون يا اخوي
ابو فيصل : ان شاء الله


في بيت ابو فيصل الكل مجتمع المغرب
محمد :الا اقول جدي
ابوفيصل : سممم
محمد : ما ودك تسفرنا
الجده : وراه ما تقوول لابوك الحتسي وراه تقوله لجدك
محمد : ياجدة ابوي ان قلت لجدي ووافق اكيد ابوي بيوافق
مشعل : لعبها صح البزر
فيصل : افا عليك تحسب ولدي مثلك
مشعل : ماحصل له يطلع علي
مشاعل : اي والله من يحصل له يطلع على حبيبي
فيصل : عاد مسكتنا توأمه وش راح يفكنا منها الحين
مشعل : هههههههههههه عشان تعرف ان الله حق
ابوفيصل : الا اقول يمه انتي وام فيصل بغيتكم بالمجلس شوي
الجده : ابشر وليدي
ام فيصل: ابشر

قامو معه ~

غاده : فيصل تبي اجيب لك شي
فيصل : لا مشكوره
مشعل : الله الله لو انا مكانك احد يدلعني الدلع كان اطلب كاس مويه
مشاعل : هههههههههه اافا والله توأمي يبي ماء ابشر من العيون الحين اجيب لك البراده كلها ولا يهمك
مشعل : ايي هذي الاخت الصح يارب ترزقني بوحده مثلها
فيصل : تبطي هههههههههههه

مشاعل مرت من عند المجلس

ابوفيصل : يمه كيف اوفر له 2 مليون بكرا الحقير يا اعطيه المغرب بكرا 2 مليون يا ياخذ بنتي مشاعل له يا اروح للسجن
مشاعل حطت يدها على فمها تمنع صوت شهقتها تطلع " مستحيل من الحقير هذا "
راحت للمطبخ وذهنها مو معها تفكر بالي قاله ابوها
عطت مشعل المويه وراحت لغرفتها تفكر ببالي سمعته " معقوله فيه ناس بالحقاره ذي !
راحت مسكت شرشف صلاتها وصلت لها ركعتين وقرت قرأن
مشاعل " مستحيل ابوي ينسجن ولو ندفع كل الي عندنا مستحيل تجي 2 مليون يعني بكون خدامه لبنته ليه يايبه كذا ليه ما علمتنا من قبل نجمع لك المبلغ بس مستحيل تنسجن يعني بكون لبنته خدامه "
نامت وهي تفكر بالموضوع

عند العم ابو ناصر
ام ناصر : انتم انجنيتو لو بيقول اكيد مشاعل بتوافق انت تعرف ان مشاعل كل شي ولا ابوها
ابو ناصر : وش نسوي يا ام ناصر والله لو نجمع كل الي عندنا ما يجي نفس المبلغ الي طالبه بس هو لو يصبر اسبوع نقدر لاكن بيوم وليله
ام ناصر : طيب قولو له يصبر
ابوناصر: عيا
ام ناصر: حسبي الله عليه



بيت ابو سلمان
سلمان : يبه انتم لازم ترفضون خير بنت عمي ماهي لعبه عنده ياخذها خدامه
ابوسلمان : سلمان اهدأ ولا تقول لاحد اخوانها محد يعرف بالموضوع
سلمان : ماراح اقول لحد يبه بس ماراح اسكت
ام سلمان : وش بتسوي انت
سلمان : يبه بجمع كل الي عندي وانت بعد وعمي فهد وعمي عبدالرحمن وجدتي ونعطيه المبلغ
ابوسلمان : ماراح يمدينا ياسلمان
سلمان : يبه يعني بتخلون مشاعل له
ابوسلمان : الامر بيد عمك هو الي بيحلها مو انا
سلمان : لا والله بنت عمي هذي موب لعبه بين ايادي الجاسم !
ابوسلمان : اللله يعين

ام فيصل : عبدالرحمنن
ابوفيصل : سمي
ام فيصل مدت له ظرف وصندوق : هذا كل المبلغ الي عندي وهذي بطاقتي اسحب كل الي فيها وهذا ذهبي خذ بيعه وخذ فلوسه و
ابوفيصل يقاطعها : خوذي ذهبك ما راح ابيعه بس
ام فيصل بدموع : يعني مشاعل بتروح
ابوفيصل : بكلمها وبشوف
ام فيصل :ما عندك قللب انت تعرف ان مشاعل بتوافق لا تكلمها
ابوفيصل : خلاص يا ام فيصل لا تزوديني حسره


طلع من عندها وخلها بنوبة بكاء

جلس بصاله يفكر

لين طلعت مشاعل من الغرفه
مشاعل : يبه الساعه 12 ليه انت هنا
ابوفيصل : وانت وش صحاك
مشاعل : نمت على المغرب وصحيت الحين وخرب نومي
ابوفيصل ببتسامه : تعالي عندي بكلمك بموضوع
مشاعل " خلك قويه يامشاعل " : سم يبه
ابوفيصل : مشاعل انتي تعرفين الجاسم صح
مشاعل : اي يبه
ابوفيصل : تعرفين ولدهم جاسم
مشاعل : اعرفه اسم بس مو شكل
ابوفيصل : انا مره كنت متسلف من ابوها مبلغ تسلف منبه تقريباً ثلاث مرات ووصل المبلغ 2 مليون
مشاعل : ايوه
ابوفيصل : مات الله يرحمه وانا ما عطيته
مشاعل :الله يرحمه
ابوفيصل :وامس جاني ولده المكتب وطلب مني يا اعطيه المبلغ كامل اليوم المغرب يا
مشاعل : يا ايش
ابوفيصل : ياخذك لبنته مربيه
مشاعل : هاه
ابوفيصل : مشاعل وربي ضايق الكون فيني ولا ادري وش اسوي وربك انسجن اهون من انك تروحين له
مشاعل :هه يبه انت تمزح وش تنسجن وش تقول لا يبه
ابوفيصل : مشاعل مستحيل اخليك تروحين له
مشاعل : وانا اقول مستحيل تنسجن
ابوفيصل : قولي لي وش اسوي يعني لو يصبر اسبوع ادور له المبلغ
مشاعل : يبه انا موافقه اروح معه
ابوفيصل : لا
مشاعل :يبه انا بروح معه
ابوفيصل : لو يعرفون اخوانك والله ان يرفضون
مشاعل وهي تقوم : قل لهم اني رحت اكمل دراسه برا
ابوفيصل : دراسه كذا بيوم وليله
مشاعل : لا قول انه بتروح مع وحده من صديقاتها
ابوفيصل : ربك يعين يامشاعل
مشاعل :لاتنسى بكرا تعطيه خبر الموافقه يايبه
دخلت الغرفه ودخلت بنوبة صياح خوف من الجاسم

ظل ابوفيصل لين صلاة الفجر صلى وجلس يدعي ربه ونام

البارت قصير بس بيكون اطول لما اشوف ردود وان شاء الله اشوف اشياء تفرحني


رجعت

اسف على التأخير
وشكرا على المتابعين معاي
ان شاء الله اكون عند حسن ظنكم


الظهر

ابوسلمان : ياابوفيصل خلها تفكر ترا مو لعبه هذي
ابوفيصل: اقنعتها يا اخوي والله رفضت تقول مستحيل تنسجن انت وانا اقدر احل المشكله
ابوسلمان : ليتك ما قلت لها
ابوفيصل : موبيدي ياابوسلمان ان ما قلت لها بتزعل علي وبتسوي شي اكيد من نفسها قلت اقولها على الاقل تصير بيننا وتشاورنا
ابوسلمان :يعني خلاص بتروح معه المغرب هي ؟
ابوفيصل : اههه ايي بتروح
ابوسلمان : كم مدة السجن
ابوفيصل :لين يتنازل هو
ابوسلمان :حسبي الله عليه
ابوفيصل: امين يلا فمان الله اشوفك المغرب ان شاء الله
ابوسلمان : اي اكيد بجي انا وابو ناصر
ابوفيصل : زين يلا مع السلامه
ابوسلمان : مع السلامه


ام سلمان : وش صار
ابوسلمان : وافقت مشاعل
ام سلمان : لا يدري سلمان والله ان يتهور ويسوي شي
ابوسلمان : نسيت اسئله وش بيقولون لاخوانها
ام سلمان : اتصل عليه وشوف
ابوسلمان : موب الحين خليها بعد العصر
ام سلمان : ياعمري على العنود اختها وش راح تسوي
ابوسلمان : الله يعينهه العنود ومشعل
ام سلمان :الله يصبر قلب امها
ابوسلمان: امين ويصبر قلب العايله كلها


ابو ناصر : حسبي الله ونعم الوكيل فيهم
ناصر: وش فيك يبه من تتحسب عليه
ابو ناصر : ولا شي يا وليدي الا امك وينه
ناصر : بغرفته فوق
ابوناصر : زين انا برقى لها تبي شي
ناصر : لا انا بقوم اصلي وانام دايخ
ابوناصر : طيب عوافي
ناصر : يعافيك يالغالي

فوق
ام ناصر : انتم غلطتوا تعرفون مشاعل مستحيل ترد ابوها بطلب ليه ما قلتوا لنا من قبل طيب نجمع المبلغ حرام عليكم تبعدونها عن اهلها و زود تروح تخدم بنت ما كملت سنتين !!
ابو ناصر : والله مو بيدينا ليته قايل لنا من قبل كان جمعنا مبلغ ولا شي بس هو قال لنا وينتظر ردنا من بكرا يعني ما كملنا ولا اربع وعشرين ساعه حتى عشان يمدينا نجمع
ام ناصر:الله لا يوفقه حسبي الله عليه
ابو ناصر : امين اليوم بنروح المغرب نوديها لبيته
ام ناصر : الله يصبر قلب امها واخوانها واهلها بس انتم وش راح تقولون لهم مو محد يعرف بالعايله غير الكبار والجده وهي !
ابوناصر :الي قاله لنا بالرساله انه بيقول جتها بعثه برا وهي بتسافر
ام ناصر : الله كريم



ابوفيصل : مشاعل ما غيرتي رايك
مشاعل تبتسم ابتسامة كذبيه توهم ابوها انه عادي : يبه لا خلاص انا عند كلمتي
ام فيصل تصيح : مشاعل يمه ارفضي تكفين
مشاعل : يمه انا ما اقدر ابوي ينسجن ومعي الحل
ام فيصل : مشاعل حبيبتي
مشاعل : يمه انا بجهز اغراضي الحين وانا قلت كلمتي مستحيل اغيرها
طلعت ام فيصل من غرفتها ولحقها ابو فيصل

طق طق
مشاعل : مين
الجده : انا جدتك
مشاعل : تفضلي يمه
الجده : مشاعل انا قال للي ابوك كل شي بس
مشاعل : يمه لا بس ولا شي وخلاص انا موافقه مو ابوي خلاص بيكون معنا ولا راح يخلينا ليه ما اسوي كذا وبعدين لا تنسين اني احب الاطفال انا واكيد بكون مع بنته شي جميل لاني احب الاطفال
الجده : مشاعل يمه ان ما ودك بالروحه والله ما تروحين وابوك ينسجن هو يتحمل اغلاطه مو انتي
مشاعل : لا انا موافقه وهذاني بطلع اغراضي وبرتبه لابوي يركبها السياره وان شاء الله المغرب بروح
الجده : واخوانك واهلك
مشاعل : انا قلت للبنات يجون المغرب ان بسافر لبعثه انا ولا ادري متى راح ارجع
الجده : الله يعينك يا مشاعل قامت وطلعت من عندها

العنود : ميشو اقدر ادخل
مشاعل : اكيد
العنود بدموع : مشاعل قولي انك تكذبين ماراح تسافرين صح
مشاعل تبتسم :للأسف والله جتني بعثه ووافقت انا ما ودي افوتها
العنود تصيح : معقوله كم شهر ماراح اشوفك
مشاعل : لا حبيبتي انا بجيكم بين كل فتره وفتره يلا نودي مسحي دموعك وقومي جهزي معي اغراضي
العنود : ابشري بس مشعل عرف
مشاعل : لا احتريه يصحى وبقول له
العنود : وش تتوقعين موقفه راح يكون
مشاعل : مدري بس راح يرضى بالاامر الواقع اكيد يلا عاد خلاص رتبي لا تشغليني هههههه
العنود : هههههههههه


فيصل : يبه وش جتها بعثه وبكل سهوله تروح ولا تقول لنا حتى
ابوفيصل : هي اخذت الموافقه مني انا وامك وجدتك خلاص يعني
فيصل : يعني حنى مالنا راي
ابوفيصل : فيصل يعني لا وافقت انت وانا عيت بتروح
فيصل : اسف يبه بس مصدوم
محمد : يبه عمتي ميش وين بتروح وماراح تجينا يوم جدتي تصيح كل شوي ؟

ابوفيصل : بتروح تكمل دراستها برى وجدتك تعرفها دلوعه وتحب الصياح اكيد بتصيح
محمد : الله يوفقها يارب بس ماراح تزورنا مشاعل ابد
ابوفيصل : لا اكيد بتجينا بين فتره
فيصل : يبه بتخليها تروح لحالها
ابوفيصل : ما بعد انهبلت لا بتروح معها وحده من صديقاتها
فيصل : رغد !
ابوفيصل تلعثم مدري وش يقول : لا م ممو هي
فيصل : اجل !
ابوفيصل : والله نسيت اسمها
فيصل : الله يحفظها
ابوفيصل : امين
فيصل : متى بتمشي
ابوفيصل : بعد المغرب بنوديها للمطار
فيصل : اها


مشعل : مشاعل من جدك ؟
مشاعل : والله يعني بكذب عليك مشعلي
مشعل : قولي اي شي غير هذا
مشاعل : والله جد بمشي المغرب للمطار
مشعل : انا بوصصلك
مشاعل : لا مشعل حبيبي ابوي بيوديني
مشعل : بس انا ودي
مشاعل : ودك ولا ما ودك انا بودعكم هنا عشان ما احوس المطار عليهم
مشعل بحزن : مشاعل لا تخليني
مشاعل : يا روح اختك انت ما راح اخليك بجيك كل ما فضيت
مشعل : الله يوفقك





الجاسم
ام جاسم : جاسم انت مجنون بالي سويته
جاسم : عادي ما سويت شي يمه
ام جاسم : وش سوو لك يوم تسوي فيهم كذا
جاسم : هم سبب وفاة ابوي يايمه
ام جاسم : لا يا جاسم مو هم لا تضلمهم
جاسم : مو هم اجل فهميني السالفه
ام جاسم : الله يرحمه ابوك قايل ما اقول لكم السالفه الا لما يكمل 5 سنين من وفاته
جاسم: يعني باقي سنه وتقولين لنا
ام جاسم :ايه بس لا تضلمها يا جاسم
جاسم : ماراح اسوي شي جهزي اغراض لتين يمه العشاء بنمشي
ام جاسم : بتروح لشقه
جاسم : لا بسافر يمه
ام جاسم : الله يحفظك يا وليدي
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
الأثاث المحول، صور الأثاث المحول،غرفة جلوس تقلب لغرفة نوم،غرفة نوم واستقبال في آن واحد درر العلم الفنون الجميله 5 August 24, 2011 01:07 AM
عرفت الهوى..........طاهر ابو فاشا. سلمى فاروق شعر و نثر 0 March 12, 2011 09:00 PM
وظائف غرفة الرياض للشباب 2010 , وظائف غرفة الرياض 1431 , 326 وظيفة تطرحها غرفة الرياض للشب AHD Ashour وظائف شاغرة 0 April 13, 2010 01:48 PM
ديكور غرفة نوم للاولاد والبنات فوق 13 سنه ،ديكور غرفة نوم باللون البنفسجى جديدة AHD Ashour الفنون الجميله 2 January 11, 2010 05:12 PM


الساعة الآن 12:57 PM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر