كرات البطاط مع الدجاج

هوني اي · #1 August 1, 2009, 02:35 AM

السلام عليكم و رحمة الله و بركاته
بسم الله و الصلاة و السلام على اشرف خلق الله سيدنا محمد و على آله و صحبه اجمعين ...

اللهم اقسم لابله ابتسام من خشيتك ما تحول به بينها و بين معصيتك و من طاعتك ما تبلغها به جنتك و من اليقين ما تهون به عليها مصائب الدنيا

كراة البطاط مع الدجاج

المتطلبات :
بطاط
بصل
فلفل بارد
شورمه دجاج ( احسن نوع شاورما دجاج امريكانا )
جبن كرافت ( الي لون علبته زرقه )
جبن كرافت قلاص
كريمه بيضاء ( كريمة كيديدي )

طريقة التحضير :
نأخذ شورما الدجاج و نحمسها مع البصل و البهارات و الفلفل البارد
بعد ما تخلص الحمسه ناخذها و نحطها بالبايركس
نسلق كميه من البطاط الكميه حسب الرغبه
بعد ما يخلص البطاط نزيل قشرة البطاطه و نفرمها مع جبن كرافت ( الي علبته زرقاء )
بعد ما ننتهي نكور البطاط و نصفه فوق شورما الدجاج
نأخذ الكريمه البيضا و نضع معاها قفشتين من جبن كرافت قلاص و نخلط الكريمه لحد ما تذوب الجبنه بس اشويه نخلطها عشان ما تجمد
بعد ما ينتهي الخليط و تذوب الجبنه نصب الكريمه على كرات البطاط و الشاورما
ندخل البايركس بالفرن و نشعل النار فوق
ننتظر اشوي لحد ما يصير لون كرات البطاط احمر اشوي ونطفي النار
جذي نكون انتهينا و الحين صارت جاهزه للاكل

ان شاء الله تكونون فهمتوني و ما طولت عليكم
بس على فكره هي سهله حييل و طعمها حلو
اذا عجبكم موضوعي ادعوا لابله ابتسام
والسلام عليكم و رحمة الله و بركاته

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كرات البطاطا	ام القلوب	وصفات الطبخ	7	November 30, 2009 06:42 AM
كرات البيض الاسكتلندي	mona_mido3010	وصفات الطبخ	2	May 20, 2009 07:49 PM
حلو كرات الدايجستيف	ياذا الخطا	وصفات الحلويات والعصائر و الآيسكريم	2	September 16, 2008 06:57 AM
سلطة البطاط الشهيّة	mini mo	وصفات المعجنات والسلطات والمقبلات	0	June 11, 2008 08:12 PM
كرات التوست بالجبن	أوتار الشوق	وصفات المعجنات والسلطات والمقبلات	3	August 23, 2007 07:26 PM

كرات البطاط مع الدجاج

وصفات الطبخ