فيسبوك تويتر RSS



العودة   مجلة الإبتسامة > الروايات والقصص > روايات و قصص منشورة ومنقولة

روايات و قصص منشورة ومنقولة تحميل روايات و قصص منوعة لمجموعة مميزة من الكتاب و الكاتبات المنشورة إلكترونيا



إضافة رد
 
LinkBack أدوات الموضوع انواع عرض الموضوع
  #1  
قديم August 13, 2012, 06:37 AM
 
Zip قصة رعب*~*

بسم الله الرحمن الرحيم
كانت نوراء جالسة مع امها و أختها سارة في غرفة أمها و أبوها و أختها الثانية نايمة في غرفتها و أبوها و أخوانها راحوا المسجد
سارة:أمي أني جوعانه
أم نوراء :أنتي كله جوعانه وبس
سارة:ويش اسوي في حالي بعد
أم نوراء:دوري في المطبخ اكل
سارة راحت المطبخ أخذت شبس و رجعت غرفة امها و ابوها بعد مده قصيرة سمعوا صوت صينية تطيح على الارض و ماكان في احد الان أبوها و أخوانها للحين مارجعوا و اختها ماقعدت من النوم اكيد لنها توها نايمة من شوي مشت سارة للمطبخ بحذر دخلت المطبخ ماشافت احد وشافت كلشي محله شافت الصينية الي هي متأكده انها سمعت صوت طيحتها لنها الوحيدة الي على طرف سلة المواعين شافت انها محطوطة بشكل آخر غير عن الشكل الي كانت محطوطة ابه من شوي سارة بدت تخاف لاكن حاولت تشجع روحها وقالت في نفسها وهي اصلا مو مقتنعه بالكلام الي تفكر فيه:أكيد لنها كانت قريب بطيح صارت جذي لا ويش هذا الغباء أني ادري ان الي افكر فيه غير منطقي و مايصير اصلا
قررت تطلع من المطبخ بسرعة شافت أبوها انزهقت
طلعت أخت سارة من غرفة أمها و أبوها و هي حسبالها ان سارة راحت غرفتها وجلست في غرفة الطعام و هذا الغرفة قريبة من المطبخ و كان باب الغرفة مفتوح و حتى باب المطبخ مفتوح سمعت أختها تكلم
سارة تكلم أبوها:أبوي متى رجعت
أبوها يتكلم بس ماتسمعه اخت سارة بس سارة الي تقدر تسمعة
أبوها:رجعت من وين
سارة:أبوي ويش فيك انت رحت المسجد له
أبوها:مارحت اليوم المسجد
سارة:وين رحت عجل
أبوها:لا تسألين
سارة:ليش
تحرك أبوها و راح جهة الفرن
جت نوراء للمطبخ وبستغراب:سارة
سارة طالعت أختها:ها
نوراء:من تكلمين
سارة:أكلم أبوي
نوراء:كيف تكلمينة وهو للحين ماجه من المسجد
سارة:اذا مو مصدقة طالعي
كانت سارة تأشر لها على الفرن
نوراء:تطنزين على من مافي احد
طالعت سارة المكان الي تأشر عليه ماشافت شي خافت واجد و رمت روحها على الارض و هي تقول صدقيني كان هني من شوي
نوراء ركضت لها وبخوف عليها :سارة قومي ويش صار لج
سارة تردد بصوت مرتجف :صدقيني شفته اني ما اكذب صدقيني شفته
أخذت نوراء سارة لأمها و قالت لها:سارة مدري ويش فيها
وسارة للحين تردد صدقيني شفته ما اكذب صديقيني و قامت تصيح
ام نوراء:ويش صار لها شكلها تعرضت لصدمة كبيرة
حاولوا يهدونها وهدوها
نوراء:ويش فيج سارة
سارة:وين أختفى أبوي
نوراء:قلت لش ان أبوي و أخواني للحين في المسجد مارجعوا
سارة:عجل اني كنت اكلم من
نوراء ساكته لنها تخاف تقول لها رايها انها كانت تكلم ارواح بس خافت انها ترد تصيح
سارة:معقولة الي كنت اكلمة مو من الانس
ام نوراء:تعوذي من بليس يمكن كنتي تتخيلين
سارة:مستحيل اتخيل شفته و كلمتة مو كلمة او كلمتين طرحت عليه الاسأله لاكن هو ماكان يجاوب عدل
نوراء:اهدي شوي و قولي الا صار لج
سارة:انتي سمعتيني اتكلم؟
نوراء:سمعت صوتج لاكن مافهمت شي من كلامج كنج تكلمين باللغة غير العربية
سارة:ليش برأيج مافهمتين كلامي
نوراء:مأعرف
سارة:بقول لكم ويش صار
فجئه دخل عليهم أبو سارة ...
سارة خافت وقالت:رد رجع رد رجع
أبونوراء:ويش فيها سارة
ام نوراء:انت زوجي صج لو
قاطعها ابو سارة:ويش فيكم لايكون حرامي دخل البيت و من جذي خايفين
ام نوراء:انت تعال هني
نوراء:لحضة وين أخواني
أبو نوراء بصراخ:احمد سالم تعالوا هني
جو احمد و سالم
سالم :آمر أبوي ويش تبى
ابو نوراء:اكومهم اخوانج ويش تبين دليل آخر اني أبوج
سارة قامت من على السرير وراحت لأبوها
لمست يده و حضنته تبى تعرف ويش ردة فعلة
ابونوراء كعادته اذا سارة تحضنة مسح على راسها وقال:ويش فيج يبنتي
سارة:هذا أبوي الحقيقي
ابونوراء:اللحين لازم تقولون لي ويش السالفة
سارة:شفتك في المطبخ وكلمتني و كلمتك و بعد بدخول نوراء النطبخ أختفيت انت
قلت لك أبوي انت متى رجعت
قلت لي رجعت من وين
قلت لك من المسجد له
قلت لي انا اليوم مارحت المسجد
قلت لك وين عجل رحت
قلت لي لاتسألين
ودخلت نوراء المطبخ و ختفيت
خاف ابو سارة على سارة و قام يقرى قرآن عليها
في اليوم الثاني ...
قعدت سارة من النوم شافت أخوها أحمد واقف جنب سريرها يطالع فيها بنظره غريبة مافهمتها
سارة:أحمد وين تسوي هني
مارد عليها
سارة:رد
مارد عليها بعد
عصبت وقررت تجاهل وجوده في الغرفة غمضت بس ماقدرت تكمل نومها لنها حست بشعور غريب وفتحت عيونها ماشافت احد و حتى ماسمعت صوت صكت الباب بدئت تخاف و قامت من السرير وراحت ركيض غرفة امها و ابوها دخلت شافت امها
سارة:أمي وين ابوي
ام نوراء:راح لبيت صديقة و أجذ وياه أحمد
سارة:بس اني توي شايفه احمد في غرفتي
ام نوراء:بس أني متأكده ان احمد راح ويا أبوه بس سالم نايم
دخل عليهم سالم
سالم:أمي وين احمد
ام نوراء:راح ويا ابوك لبيت صديق أبوك
سالم:ليش ماوداني وياه
سارة:مو وقتك اللحين ماشوفني قاعده اكلم أمي
سالم:أمي لو تعلمين هذي تحترم الي اكبر منها انجان نرتاح من بلاويها
سارة:أمي اني مابظل في هذا البيت خلاص اني خايفة منهم
ام نوراء:تعودي من بليس و روحي صلي صلاة الفجر لنج مارضيتي تقومين يوم حاولت انبهج
سارة راحت تمسحت و راحت غرفتها تصلي انفتح باب غرفتها بس ماكان في احد هي حسبالها سالم جه ويوم شافها تصلي راح
خلصت الصلاة و نزلت تحت شافت سالم
سارة:انت الي جيت لي غرفتي
سالم:لا ويش ابى منج يعني قولي لأمي بروح البرادة
سارة:ماتتكلم انت
سالم:بتقولين لو لا
سارة:لا
راح سالم قال لأمه انه بيروح البرادة
راح بيفتح الباب مانفتح
المفتاح في الباب يدوره يمين يسار ماينفتح الباب وبصراخ:سارة تعالي
سارة جت له :ها ويش تبى
سالم:ماينفتح الباب
سارة:اني ويش دخلني اذا انت موعارف تبطل الباب
سالم:يمكن مسوية مقلب سخيف
جودت سارة مقبض الباب و فتحته
سارة:لايكون انت الي تبى تسوي لي مقلب
سالم:مايصير انا واثق ان الباب مايرضى ينفتح كيف انفتح لج انتي و انا لا
سارة:خلك من الكلام الفاضي و طلع
طلع سالم من البيت صكت سارة الباب تذكرت انها تبى شي من البراده حاولت تفتح الباب لاكن مايرضى وهي توها من ثواني مفتحتنه و صاكتنه
سارة في نفسها:صج الي قاله سالم الباب ماينفتح
سمعت صوت يضحك هاهاهاهاها
طالعت وراها مافي احد حاولت تفتح الباب بكل قوتها لاكن الباب مانفتح ركضت و هي تصيح لغرفة امها باب الغرفة ماينفتح بعد ركضت لفوق لغرفة نوراء فتحت الباب و شافت نوراء تطالع التلفزيون وشافت واحد واقف صوب السرير
سارة معنها تعرف ويش السالفة بس تسأل:نوراء من هذا
نوراء:من تقصدين محد غيري و غيرج في الغرفة
سارة:وهذا الي واقف جنب السرير
طالعت نوراء جنب السرير
نوراء:سارة لا تجننيني الان اني ما اشوف شي
سارة وهي تصيح:ليش اني بس الي اشوفه
نوراء:يمكن تتوهمين
سارة:صدقيني ما اتوهم اقول لج اشوفهم و الباب مو راضي يفتح
نوراء:باب الطريق
سارة:اي
نوراء:يمكن حاطين شي صوبه ثقيل من جذي ماينفتح
سارة:مستحيل الان سالم ماتبطل ليه الباب و اني جربت افتحه نفتح بعدين بعد كم ثانية حاولت افتحه بس مانفتح و سمعت اصوات ضحك و ماشفت احد
نوراء:قلت لج لا تطالعين افلام رعب واجد طالعي حالتج اللحين
سارة:انزين الشي حقيقي و حتى غرفة امي و ابوي ماتنفتح
نوراء:سمعتين امي تصارخ
سارة:لا
نوراء:بطلي الباب عدل و بينفتح عجل
سارة:انتي ليش مو راضية تفهميني اقول لج ان كل هذي الاشياء حقيقية ما اتوهم
نوراء تفاجئت بوجود طفل صغير كان يبين عليه انه في رابعة من عمره
نوراء:هذا الطفل من وين جاي طالعت سارة المكان الي تطالع فيه نوراء
سارة بخوف و هي تركض لأختها:شفتي قلت لج ان هالأشياء مو وهم حقيقية
نوراء وسارة لصقوا في الجدار و هم يحاولون يهربون غمضوا عيونهم من الخوف بعد ثواني لاحظوا انهم ماصار فيهم شي فتحوا عيونهم شافوا ان الطفل موجود لاكن ماسوى فيهم شي بل واقف ويكلم واحد او وحده مايدرون لاكن بس ماقدروا يشوفونه و بعد دقيقة تقريبا راح الطفل و نوراء وسارة للحين خايفات مايقدرون يتحركون من مكانهم
سارة بصوت مرتجف:اني ابى أط...
قاطعتها نوراء:سارة خلينا ننزل تحت اللحين نزلوا تحت حاولوا يفتحون باب غرفة أبوهم و أمهم لاكن ماقدروا
كانت ام سارة تطالع التلفزيون و صوته كانت منخفض بس ماكان لمحاولات فتح الباب اي صوت او اي حركه بالنسبة لداخل الغرفة
راحوا لباب الطريق مانفتح قعدوا صوب باب الطريق بنتظار الفرج فجئه شافوا شاب حنطاوي عيونه خضره فاتحه و شعرة طويل و حريري
مشى الشاب لين ماوصل لنوراء و سارة
وهم باقي شوي ويغمى عليهم من الخوف
الشاب:انتوا من ليش داخلين بيتي وتسوون لي ازعاج بعد
تشجعت سارة وقالت:لاكن احنا من زمان هني ليش بهذا الوقت ظهرت انت
الشاب:ادري انكم من زمان هني بس ماكنتوا تسوون ازعاج كبير جذي و بدء يصارخ وهو يتكلم اللحين من ازعاجكم ما اقدر انام ليل ولا نهار كلما اقول يمكن تهدئون شوي بس مافي فايدة ما أقدر الا انام ساعة او ساعتين في اليوم هذا بيتي في الاساس فلا تخلوني اطردكم انا عايش قبلكم هني ومن حقي اسوي اي شي و قولوا لأخوانكم المزعجين
سارة يوم سمعت يقول عن اخوانها مزعجين قالت:اي انت محق سالم واجد مزعج
الشاب يطالع في سارة بحده لنه حسباله انها تطنز عليه
لاحظت سارة انه معصب فخافت و سكتت
تحول الشاب الى شي شفاف اسود و طلع من الصقف
نوراء بصوت خفيف:صج انج عندج جرئه كبيرة كيف تكلمينه جذي لو سوى فيج شي
سارة:مدري كيف صارت عندي هذي الجرئه بس احس اللحين قل خوفي شوي
نوراء:مجنونه انتي
مسكت سارة نوراء من حلقها و حاولت تخنقها وقالت:منهي المجنونه
نوراء وهي تحاول تشيل يد سارة من على حلقها:مو انتي
سارة:اني من زمان ابى انتقم منج تذكري اني برجع لج اضايقج و اخوفج و يمك اقتلج عشان تتأدبين
نوراء:ساااارة ويش صاير لج
ركبت سارة فوق
نوراء:ييايارب ساعدني
ركبت فوق لتشوف وين راحت سارة شافت سارة تتحول الى بنت غير و واقفة ويا الشاب الي شافته من شوي
البنت:ليش ماإختطفت نوراء ليش
الشاب:ماقدر البنت مو مسوية شي ماعتدت على احد
البنت:نسيت خلني اذكرك هذي نوراء كله تضربني ساعات بأغراضها و ساعات بالباب هذي غرفتي في الاساس و مابسكت عن حقي
الشاب:سويت الي تبينة خوفتها خلاص
البنت:لا ماسويت كل الي اباه
الشاب:انا نادم اصلا لني خوفتها انا مسلم لازم ماسوي هذي الامور لازم اتجنب المعاصي
البنت:أذا انت ماساعدتني على الانتقام بنتقم بروحي الان أخوي مايساعدني
الشاب:اصلا مايشرفني انج اختي الكبرى لنج كافرة
البنت:خلك في حالك اللحين ما احتاج لك انت ضعيف
الشاب: ليش برئيج انا ضعيف لني ماأرضا اضايق الناس صح
البنت بستفزاز:اصلا انت ضايقتها وخلصت
نزلت نوراء بهدوء و حذر وهي مصدومه من الي شافته اذا كانت ذي مو سارة وين راحت سارة عجل
سارة في الاساس قاعدة ويا أمها
سارة قامت من محلها وهي تذكر يوم تشوف احمد و هو في الاساس مو موجود و بعدها ماطلعت من غرفة امها
سارة في نفسها:الله يستر انجان ماأشوفهم بعد يارب احميني
طلعت وشافت نوراء قاعدة صوب باب الغرفة و هي تصيح
سارة:نوراء ويش فيج
نوراء:متى للحين انتي داخل غرفة امي و ابوي
سارة:من قعت من النوم جيت هني ولا طلعت
نوراء:خليني ادخل
انصك الباب و البنت جت
البنت:لا مابتدخلين
سارة بصوت مرتجف:من انتي
البنت:نوراء بتموتين هذي نهايتج
شافوا نوراء و سارة ينكتب على الجدار (الموت)
سارة خافت واجد لدرجة انها كان بيغمى عليها بس صارت صمود اكثر
نوراء بصوت مرتجف:ويش تب---
قاطعها صوت الشاب:لا ياختي لا
البنت:توي من شوي مو اختك
الشاب:انتي بس اسمعيني اذا ماقتنعتي صدقيني مابفتح عليج السالفة من جديد لاكن اذا اقتنعتي بتهتدين و بتروحين الجنة ان شاء الله
البنت:توعدني اني اذا سمعتك اللحين مابتفتح علي السالفة من جديد
الشاب:اذا وعتيني انج بتسمعيني و بتصغين لي عدل
البنت:اعدك
بدء الشاب يفتح عليها محاظرات بعد مأنتهى الشاب:ها اقتنعتي
البنت تصيح:كنت غافلة صحيح لو الله ماخلق كل شي من وين بتجي كل هذي الاشياء سبحان الله
بعدين علمها كل شي عن الاسلام وصارت مسلمة
البنت:خاطري اقتلج يانوراء بس ديني يمنعني اني اكرهج و مابيتغير هذا للأبد
نوراء:المسلم مايأذي أخيه
البنت:قولي هذا حق نفسج لنج ماخليتي شي الا و ضربتيني ابه
نوراء:ماكنت اشوفج
البنت:حتى لو ماكنتين تشوفيني بس عصبيتج خلتج تضربيني كل يوم تقريبا اذا بتعبين لا ترمين أغراضج مني و مناك يمكن يصيد احد منى ويش دراج
نوراء:ماكنت أدري ان اني الغلطانة آسفة
البنت:اقبل اعتذارج لاكن حاسبي لتصرفاتج
الان يمكن ينتقم منج احد اذيتي و نتي ماتدرين نوراء نصيحة من أخت في الاسلام لأختها حاولي تمسكين اعصابج وقت الغضب
نوراء:بحاول قد ما اقدر
و بعدها ماطلعوا ليهم الا بعد سنة طلعت البنت لنها لاحظت سرعة غضب نوراء فنصحتها لاكن كانت تنصحها وهي في عصبية شديدة فماكان ينفع وياها النصائح
وبعد مده طلع لها شاب من الارواح و ختطفها و قال لها نفس الغلطة الي سوتها في البنت لاكن هذا مايرحم فعذبها تعذيب شديد و رجعها و هي فيها آثار الضرب
شافت ام سارة نوراء نازلة من فوق
ام نوراء:وين كنتي ياحبيبتي
نوراء:ماغبت الا ساعة او اقل ليش خايفة جذي
ام نوراء:كيف غبتي بس ساعة و حنا من خمسة ايام ندورج
نوراء ماتدري عن ويش امها تتكلم الي تدري عنه انها غابت عنهم ساعة او اقل
وقررت نوراء انها كلما تغضب تدور شي يلهيها عن الغضب
.......
__________________
لا تنسى ابدا ذكر الله

التعديل الأخير تم بواسطة ملكت وطني ; August 13, 2012 الساعة 04:50 PM
رد مع اقتباس
  #2  
قديم August 13, 2012, 04:28 PM
 
رد: قصة رعب*~*

روعععععععععععععععععععععععععععععه بسرعه كمليها


يعطيك الف عافيه ..ِِ
__________________
مشكله "لآصرت عآرف بالحقيقه وسآكت مآتبي تجرح بعضض الوجيه


بـ سود آفعآلهمم ..ِِ
رد مع اقتباس
  #3  
قديم August 13, 2012, 04:36 PM
 
رد: قصة رعب*~*

ان شاء الله
اكملها قريبا....
الله يعافيك
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع



الساعة الآن 01:43 AM


Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO 3.6.0 PL2
المقالات والمواد المنشورة في مجلة الإبتسامة لاتُعبر بالضرورة عن رأي إدارة المجلة ويتحمل صاحب المشاركه كامل المسؤوليه عن اي مخالفه او انتهاك لحقوق الغير , حقوق النسخ مسموحة لـ محبي نشر العلم و المعرفة - بشرط ذكر المصدر